هل يعرفون عيالكم ايش التقويم الهجري

[QATAR 77]

قعدت اسولف مع ولدي عن التاريخ و التقويم الهجرية

قالي يبه شنو التقويم الهجري ؟ كانت صدمة لي الولد عمره 10 سنين

تتوقعون الغلط من المناهج او احنا

[MirusS]

عادي .. محد أنولد متعلم
لاززم أنت تعلمه وتقوله :)

[QATAR 77]

المشكلة مب في التقويم الهجري المشكلة في الفتوحات الاسلامية الهجرة النبوية الفروض و الصيام و الحج اركان الاسلام كلها تعتمد على التقويم الهجري و للعلم فقط الولد في مدرسة مستقلة

[العقل المدمر]

اكيد من البيت
انا ماخبر فالمدرسة درسنا عن التقويم !!

[لبيبة]

اي يعرفون، لكن بسبب اهتمام الأهل بتعليمهم عنه، للأسف المدرسة يهملون هالشيء

[MirusS]

المشكلة مب في التقويم الهجري المشكلة في الفتوحات الاسلامية الهجرة النبوية الفروض و الصيام و الحج اركان الاسلام كلها تعتمد على التقويم الهجري و للعلم فقط الولد في مدرسة مستقلة

التعليم فالمدارس الحين مب نفس قبل .. قبل غصبا عنك تتعلم وتهتم فدروسك عشان ماتنضرب
الحين لا لازم تتابع اليهال لن محد يضغط عليهم فالمدرسه

[captin]

ولا يدرون عنه ما يعرفون الا رمضان

يسألون يقولون شنو ربيع الاول وذي القعدة

[عضوو]

برأيي ان التقصير منا نحن تجاه ابنائنا

الكثير منا لايتابع مالذي يتلقاه ابنه حتى يعوض النقص بالمنزل

الكثير منا يلقي اللوم على الدوله في فقدان الهويه لأبنائه

الكثير منا يلقي اللوم على المدرسه في انحراف ابنائه وهو لايكاد يرى ابنائه

الكثير منا يقول لازال ابنائي صغار في تعليمهم بعض الامور الدينيه وفي نفس الوقت

تجده يستسهل تعليم ابنائه لأسماء لاعبين رياضيين اوشخصيات عالميه اومغنيين اومناسبات عالميه

اوأماكن سياحيه اوالرقص اوالعرضه او الشيلات وهكذا

[بـارود]

ببساطة لأن محد يستخدمه
أول في المدرسة كنا نكتب التاريخ
الحين لو تسأل عيال هالأيام كم عدد الأشهر
وترتيبها ومسمياتها ماراح يجاوبك

أتمنى من المسؤولين تفعيل التاريخ الهجري
واعتماده في كل المعاملات والمجالات وتقديمه على الميلادي
بغض المظهر عن إعتماد العالم على الميلادي والسير عليه

وغير هالشي نستمد منه الفخر والعزة بتاريخ المسلمين
وبطولاتهم وأمجادهم اللي سطورها في أشهره

[aloosh]

اخوي قطر اذا بعض الكبار ما يعرفونه ومرات يسالك واحد كم التاريخ الهجري اليوم:(

[ضوى]

دايما اتعامل مع عيال بالتاريخ الهجري لاني اذكرهم بالايام البيض وبالمناسبات الدينيه فلله الحمد يعرفون هالشي اكيد مب بدرجة كافيه بس الحمد لله

[وحيد-الشوق]

للأسف احنا ننسلخ شوي شوي من هويتنا لاتاريخ هجري ولا لغة عربية ايش بقى بعد !! عيال يعرفون انجليزي وفرنسي وعربي مكسر :)

[حياة]

للاسف مايعرفون من انفسهم لازم يشوفون من التقويم الهجري
اذا احنا الكبار مرات مانعرف
قبل يوم كنت ادرس كنا نكتب التاريخ الهجري والميلادي
ايام قبل

[الجـــوديّ]

قعدت اسولف مع ولدي عن التاريخ و التقويم الهجرية

قالي يبه شنو التقويم الهجري ؟ كانت صدمة لي الولد عمره 10 سنين

تتوقعون الغلط من المناهج او احنا

"....يا حارثة .. عرفت فالزم " حديث

[VX.R]

نتمنى ان لا يختفي التاريخ الهجري ، كما اختفت الساعة العربية ...

على الطاري :
كم واحد لحق على الساعة العربية او يعرفها ؟؟؟

[MirusS]

نتمنى ان لا يختفي التاريخ الهجري ، كما اختفت الساعة العربية ...

على الطاري :
كم واحد لحق على الساعة العربية او يعرفها ؟؟؟

شنهي الساعه العربيه ؟
الرمليه تقصد ؟

[راجي الْعفو]

يعجبني نظام المملكة ان الهجري هو التاريخ المعمول به رسميا و الميلادي تبع

[محمد2]

لا يا اخواني قبل فالمدرسة كانوا يدرسونا التاريخ الهجري والميلادي وكنا نحفظ اسماء الشهور الهجرية والميلادية.
وفوق هذا كله كنا اول ما نكتب تاريخ اليوم والشهر في دفاتر الواجبات واتذكر تاريخ الهجري عاليسار والميلادي عاليمين.
وحتى في مراسلاتنا الحكومية والوزارية كنا نكتب التاريخين الهجري والميلادي حتى منتصف التسعينات وبداية سنة 2000تقريبا الغي العمل بتاريخ الهجري والاعتماد كليا على التاريخ الميلادي.
وفوق هذا كلة اللي خلانا ننسى تاريخنا الهجري (هو صرف رواتبتنا بالميلادي. لان قبل كانت تصرف رواتبنا بالهجري والكل كان يتذكر التاريخ الهجري.)وهالشى تم لأجل التوفير. لان الفرق بين السنة الهجرية والميلادية حوالي 15يوم زيادة في السنة الميلادية. وهذا يعني توفير نص راتب من كل موظف. وي
ويالشاطر احسبها كم موظف فالدولة × نص راتبه =....... الله اعلم

[لبيبة]

نتمنى ان لا يختفي التاريخ الهجري ، كما اختفت الساعة العربية ...

على الطاري :
كم واحد لحق على الساعة العربية او يعرفها ؟؟؟




طبعا ما لحقت عليها، لكن شفتها في الساعات المعلقة في مكة وأنا صغيرة، وسألت أهلي عنها وقالوا لي إن أهلنا لول كل ساعاتهم على هالتوقيت

ولقيت في دفاتر التقويم القطري عن التوقيت العربي، يسمونه التوقيت الغروبي، اما توقيتنا الحالي اسمه التوقيت الزوالي، صورت لكم الصفحات للي يحب يعرف عن التوقيت العربي

http://i.imgur.com/27bqhhI.jpg


http://i.imgur.com/qB9LbdZ.jpg

[شيخ الديرة]

قعدت اسولف مع ولدي عن التاريخ و التقويم الهجرية

قالي يبه شنو التقويم الهجري ؟ كانت صدمة لي الولد عمره 10 سنين

تتوقعون الغلط من المناهج او احنا

المناهج, أهلي ما علموني الهجري لما كنت صغير, المدرسة علمتني

[Mbarkaji]

قعدت اسولف مع ولدي عن التاريخ و التقويم الهجرية

قالي يبه شنو التقويم الهجري ؟ كانت صدمة لي الولد عمره 10 سنين

تتوقعون الغلط من المناهج او احنا

اعتقد الحين ماحد يتذكر التاريخ الهجري وين ايام زمان نكتب الميلادي ع الليسار والهجري ع اليمين اياااااااااااااااااااااااااااام