معرض الكتاب بقطر فاونديشن !! كسر ريول الناس !!

[حمد 2002]

السلام عليكم ورحمه اللعب وبركاته

معرض الكتاب بقطر فاونديشن كسر ريول = رجول الناس !!

المواقف بعيده وتمشي كم كيلو لين توصل للمعرض !!

انزين لو واحد كبير بالسن ولا معاق ولا دب هههههههاي ينحرم من المعرض يعني ؟

الصراحه اتوقع إقبال ضعيف جدا جدا على المعرض هذا العام بسبب بعده وبسبب طوول المشي به هههههه


وفي الختام حبيت أوجه نصيحه للمتان لاتسون ربط ولا قص روحوا معرض الكتاب وبتنزلون 10 كيلوا ب 10 أيام ...


وشكرا ..

[راجي الْعفو]

وعليك و رحمة الله

والله صادق انا ما عجبني المكان

قاعة المعارض مناسبة

[المحاميه]

وعليكم السلام والرحمه

هذا احد عيوب هالقاعه

بس شالحل؟

المشكله قاعة المعارض فيها معرض لول

كان المفروض ينسقون بين المعرضين اذا صج المكان مش مناسب

بس انت متأكد انها تنزل كيلو باليوم؟

ماقدر احكم عالوضع طبعا لاني مارحت وماقدر اعتمد على كلامك

بس اعتقد اللي مايقدرون يمشون ممكن يحولون عند الباب

[سهم ماينزل]

فاشل التنظيم فاشل فاشل

المبنى حلو والكتب جميلة

ولكن

تشتري مجموعة كتب لا فيه عربه ولا فيه حماليه

كرهت اشتري بسبت الشيل

والله لو يوفرون عربات السوبر ماركت كان والله جميل والناس بترتاح

[مرتبش]

مايصير
موضوع طلاب المدارس وحمل الشنط عنهم والدلع والحين تعبان تمشي من المواقف للمبنى..اقصى تقدير للمدة 10 دقايق.. شنو هالتناقض والا السالفة مواضيع لازم تنضاف والسلام

[سهم ماينزل]

مايصير
موضوع طلاب المدارس وحمل الشنط عنهم والدلع والحين تعبان تمشي من المواقف للمبنى..اقصى تقدير للمدة 10 دقايق.. شنو هالتناقض والا السالفة مواضيع لازم تنضاف والسلام

والله يا خوي المشي حلو ورياضة والمكان جداً رائع

ولكن قضية حمل الكتب للسيارة صعببببببببببببببببببببببببببببببة جداااااااااااااااااااااااااااااااااااااااااااااااا اااااااااااااااااا

[Red point]

مايصير
موضوع طلاب المدارس وحمل الشنط عنهم والدلع والحين تعبان تمشي من المواقف للمبنى..اقصى تقدير للمدة 10 دقايق.. شنو هالتناقض والا السالفة مواضيع لازم تنضاف والسلام

كلام اخوي سليم لكن من باب التعليق على موضوعك صحيح انه المسافة نوعا بعيدة لكن مافي بديل ! قاعة المعارض فيها معرض حاليا وبعد كم شهر بيكون المعرض المهني فما يقدرون ياجلون معرض الكتاب لين السنة الجاية عشان بعد المسافة

[الحياة الخالدة]

وين مكان قطر فاونديشن ؟؟

[Red point]

وين مكان قطر فاونديشن ؟؟

المدينة التعليمية

[NeverLand]

لاتقولون نفس المكان اللي سوو فيه مسرحية كيفن سبيسي وساوند اوف ميوزك؟

اذا نفسه معناته الله يرحمنا من الحين على المشي اللي بنمشيه .. غير الاثقال "الكتب" اللي بنشيلها واحنا طالعين وراجعين السياره

كنت حاب المكان القديم اكثر :(

[الحياة الخالدة]

المدينة التعليمية

جزاك الله خيــــر
الله المستعان ..

[عطر فرنسي]

والله كلامك صحيح هو مب مشكله في مسافه المشي المشكله في الرجوع اذا انت شاري كتب مسافه طويله وناقصها خدمات وايد والله مسافه تكسر الظهر

[العنيده]

طيب ليش ماوفروا عربات للي يبي يشتري .. وسيارات نقل اقلها بس توصل مساعده للي يحتاج من و الى ..
في سبيل القراءة escape
الله المستعان ..

[حياة]

اسحبوا معاكم شنطه ترولي حق الكتب هذا احسن حل
طبعا تجيبونها من البيت

[الحياة الخالدة]

مالكم إلا تشترون عربانات بس ما تكون كبيرة و تودونها معاكم
و بتنفعكم حق مشاوير ثانية

بس مادري وين نحصل مثل هالعربانات
أو تاخذون عربانات الأطفال و بدال ما تحطون فيها يهالكم تستخدمونها للكتب

[للصبر اخر]

صدقت اخوي
الوالده الله يحفظها راحت معاي في تخرج اختي
وااايد تعبت
والسيارات اللي وفروها يركبون فيها اليهال ويخلون كبار السن يمشون
الوالده اول شي مارضت تركب بس واحنا طالعين اصريت عليها لنها وايد تعبت
والمسافه مو قصيره من مواقف السيارات
الله يعين اللي شايلين كتب ثقيله

[للصبر اخر]

الحياة
انا عندي شنطه اللي معاها تاير وفيها بعد كرسي خذتها من فترة ايام المعارض
يبيلي ادورها
بس المشكله بعدين لين صارت ثقيله
يدووم انا امشي بعد عندي ثقل

[يمامـة]

اولا وقت المعرض كلش مب مناسب وخاصة انه في اوقات امتحانات المدارس الحكومية و جامعة قطر..

ثانيا مأساة كل معرض للكتاب صعوبة حمل الكتب بعد شراءها!!
تتفجج براغي المفاصل من زود حمل الكتب.. وفوقه بعد مسافة الرجوع للسيارة؟

بغض النظر عن المشي و الفايدة منها.. ترى في ناس تعري وفي ناس عندها الدسك
وفي ناس متينة وفي ناس فيها وفيها وفيها..

يعني هذا معرض مب اختبار لقدرات الانسان الصحية او الرياضية او غيره..

فالمفروض يكون هناك تنسيق و ترتيب اكبر في مثل هالمعارض علشان الواحد
يقدر ياخذ راحته في اروقته وهو يبحث عن الكتب ويوصل سيارته وهو فرحان في الكتب ..

[عاشق العديد]

اذا انت تقصد qncc

بالعكس قاعتهم حلوه ..

تصف موترك وتنزل وتركب الاصنصير وتمشي لين القاعه الي تبيها .؟
ولا موفرين كل سبل الراحه ..
لانه في نظام السلم الكهربائي نفس الي محطوط بالمطار .؟

[NeverLand]

رحت اليوم الصبح ..

هلــــــــــــــــكت وانا امشي .. ماوصلت المعرض الا وانا منهد حيلي ومالي نفس امشي فيه

+ اعترف ماعندي لياقه .. وعندي مشاكل صحيه مع المشي الطويل

وماقابلت احد هناك الا واشتكى من المسافة الطويلة من المواقف للمعرض .. من اصغر موظف الى اكبر واحد

بخصوص الحماليه

تقريباً في 35 واحد منثرين بالمعرض وصعب الوصول لهم

بخصوص العربات

في الرسيبشن راح يعطونكم ببلاش حقائب من قماش وعليها تواير من تحت عشان تسحبونها معاكم

وهذي النقطة الايجابية الوحيدة اللي لمستها اليوم

والاقبال لحد الان ضعيف عالمعرض

[الزعفراني]

واضح ان الشعب كله كسوووووووول ويعاني من البدانه وقلة اللياقه عرفنا الحين ليش الحكومة خصصت يوم إجازة مدفوع الراتب للرياضه :)

[LiL iNVe$ToR]

واضح ان الشعب كله كسوووووووول ويعاني من البدانه وقلة اللياقه عرفنا الحين ليش الحكومة خصصت يوم إجازة مدفوع الراتب للرياضه :)

نفس اللي جا في بالي ..مشكله الكسل.

[aloosh]

المشكله عندنا ان ما فيه تنظيم

ليش ما يخلونه بمكان فيه مواقف وقريب للناس الكبير والصغير

وبعدين معرض الكتاب عندنا محد مهتم هذاك الاهتمام لانه شعب لا يقراء الى قله

[NeverLand]

والله ماشوف هالمنظمين فيهم زود عن تفكيركم

نقولكم في ناس مرضى وناس كبار بالعمر وناس عندها مشاكل صحيه مع المشي الطويل

تقولون كسل وبدانه؟

انا واحد لا بدين ولا شي .. لكن عندي نقرس حاد مبهدلني مو مخليني امشي مثل الناس

انا وغيري شنسوي برايكم؟ خلاص ننحرم من المعرض اللي كنا ننتظره من سنة لسنة؟

المفروض يحطون حلول ..

سيارات الجولف الموجوده دايماً مشغوله وماتغطي الا نسبة 1% من الزوار

احنا نتكلم عن مسافه طويييييله ترى .. وهالمسافة راح تضطر تمشيها وانت محمل بالكتب الثقيله بعد ماتخلص

يعني لو جات عالمشي بس اوكي .. لكن روحه وجيه وانت شايل اثقااال فوق ظهرك

حلو بعد الواحد يفكر بغيره

بالنهاية مو كل الناس صغار بالسن ويتمتعون بالصحه الكافيه

[قلب صادق]

السلام عليكم ورحمة الله وبركاته

توني طالع من المعرض
الملاحظات التي لمستها
اولا المكان بحد ذاته مفخرة لقطر واهلها وعمار يا قطر شي يرفع الراس
ثانيا صحيح المسافة من المواقف للمعرض طويلة شوي خصوصا للناس الكبار بالسن واصحاب الاعذار ومن سوف يحمل معه كتب سوف يحس بالتعب والمعاناة وبصراحة لاحظت التعب والتافف على البعض وايضا عدم وجود وسائل لحمل الكتب وقد شاهدت قليل من الزوار يحملون حقيبه من القماش كنا ذكر بعض الاخوة في مداخلات سابقة وانا الحمدلله كان عندي حقيبة من المعرض الماضي ساعدتني كثير في حمل الكتب
يوجد قليل جدا من سيارات الجولف وتوصلك لمكان معين فقط
سعة المكان وكبر حجمه وتعدد مداخله ومخارجه تجعلك تتوه ويضيع عليك الوقت وانت تبحث عن المخرج الصحيح
لذلك انصح الجميع بحفظ مكان وقوف السيارة في اي طابق والرقم عشان ما تضيع وهناك اشخاص موجودين في المواقف يدلونك على المكان الصحيح البي وقفت فيه اما اذا نست المكان بتتعب وانت تبحث
الاقبال كان اقل من المتوسط وشريحة الاطفال كانت قليلة جدا مقارنة بالاعوام الماضية
المكان مرتب وواسع ولا يمكن ان تغطي كل المعرض في زيارة واحدة خصوصا ان كنت تبحث عن كتب معينه

[باراكودا]

بعد المسافة ماتهمني دام الجو يساعد أهم شىء دخول وخروج السيارة بطريقة سلسة
المعرض الى جنب كتارا لاينفع في الوقت الحالي لاقامة معارض بسبب وجود عرقلة للسير
وخربطة وعفيسة في الدخول والخروج للسيارات يجب توسعة الشوارع وزيادة المداخل والمخارج
في أسرع وقت ممكن .

[رحال]

أرجعوا على القاعة القبلية ..
من فات قديمه تاه
من راحوا هل القاعة ماشوف معرض واحد نجح
ياحلاة معارض القاعة القديمة .. كانت أشبه بالعرس

[سهم ماينزل]

المبنى والمكان وكل شيء حلو

إلا

العربانات كيف نحمل الكتب الصراحة التفكير كان معدوم من المنظمين في هذه المسئلة

[lion66]

لازم تمشون اليوم الرياضي قريب

[رجل مثالي]

السلام عليكم ورحمه اللعب وبركاته

معرض الكتاب بقطر فاونديشن كسر ريول = رجول الناس !!

المواقف بعيده وتمشي كم كيلو لين توصل للمعرض !!

انزين لو واحد كبير بالسن ولا معاق ولا دب هههههههاي ينحرم من المعرض يعني ؟

الصراحه اتوقع إقبال ضعيف جدا جدا على المعرض هذا العام بسبب بعده وبسبب طوول المشي به هههههه


وفي الختام حبيت أوجه نصيحه للمتان لاتسون ربط ولا قص روحوا معرض الكتاب وبتنزلون 10 كيلوا ب 10 أيام ...


وشكرا ..

أذا كان هذا الوضع في الوصول
الى المعرض
فهناك صعوبة على كثير
من الناس في زيارة هذا المعرض السنوي
الهام حول ظروف صحية للبعض

[العلياا]

السلام عليكم

امس رحت للمعرض طبعا تفاجات بالمكان وااايد كبير
توقف سيارتك بالمواقف وكان في عامل وصلنا لين الدور الثاني وعقب قال لنا الباصات من برا
باصاات ؟؟؟

طبعا اكتشفنا ان المكان بعيد وينقلون الناس بالباصات الحمدلله على حظنا كان فاضي وصلونا لي الباب
شكل المعرض مرتب ومنظم وووايد كبير ومقسمين البوثات على حسب دار النشر او الموزع
كنت اشوف الناس اغلبها جايبه شنط السفر الصغيرة وعجبتني الفكرة
واعتقد في شنط صغيرة لونها ابيض مع وريد بس ما تشيل واايد عليها عجلات من عندهم


كان زحممه واااايد وماقدرنا نوصل للنص
ولي رجعة له ان شاءالله

[يمامـة]

بعض الناس يعدون العالم مثلهم بصحة وعافية ويدخلون مثل هالمواضيع اللي تتكلم وتركز على
كبار السن والعجزة اللي مثل هالمعارض لما تكون بعيدة عن مواقف السيارات راح تسبب لهم الألم والوجع
يا مالكم العافية..

محد تكلم عن الناس الصاحيين الموضوع يتكلم عن مثل هالمواقف تتعبهم..
وخاصة ان مثل هالمعارض تحتاج الى اكثر من زيارة.. بمعنى زيارة وحدة ما تكفي
فيحتاج الواحد يعيد زياراته لها..

لذلك اللي ربنا منعم عليه بالصحة والعافية يشكر ربه انه مب من الفئة المتضررة
من اللي حصل في معرض الكتاب للسنة هذي..

وشكرا لكم..

[عطر فرنسي]

الحمدلله رحت امس وتم توفير باصات نقل للجميع الى المعرض والرجوع وفكره جيده لكن المعرض قله قليله من الناس زمن الكمبيوترات والايباد طغى على الكتب

[ANONYMOUS]

اطلبوا العلم من المهد للحد

[NeverLand]

الباصات وين مكانها؟ توني ادري عنها!!

بعد ما ادخل واصف السيارة بالمواقف وين اروح بالضبط عشان اوصل للباصات؟

[المحاميه]

رحت البارحه

اللي يسوي دروب اوف عند الباب بيكون المكان قريب منه

لامشيت وايد ولا حسيت بشي

كله تهويل ف تهويل

والمعرض عود وايد ماقدرت اكمله وماواجهت زحمه
بس كان حر

والحماليه من الجنسيه المصريه مادري ليش

وبس الامور كانت طيبه

[رجل مثالي]

المفروض يتواجد سيارات توك توك
الصغيرة او باصات عند الباركنات
لأخذ الجمهور الى باب المعرض
الرئيسي اذا كانت المسافة طويلة

[ام ناصر1]

شنو الكتب المميزة الي انزلت السنة ....وموجوده بالمعرض ...

[الزعفراني]

اللي يقول كبار سن وناس مرضى واللي فيه رومانيزم ومش عارف ايش

ثرى فيه سيارات غولف موفرتها اللجنة المنظمة وفي كنب من اول ما تنزل مع المصعد او السلم المتحرك

تقعد وتنطر وتفترش ع الكنب وتنطر دورك اول ما توصل السياره تركب ويوصلونك فيها وبلاش بدون كروه

بعدين سبحان الله اللي كبير في السن وريوله تعوره غريبه شلون يفتر داخل المعرض بين الاجنحة ما تعوره ريوله ؟؟؟

والا جات ع المسافه من المواقف للقاعه ؟؟؟


وللعلم حتى سالفة انك تشيل الكتب نفس الشي سيارة الغولف بعد ما تطلع من المعرض يوصلونك لين مصعد المواقف

بطلوا تحلطم واحمدوا الله ع النعمه اللي انتوا فيها

[دنيا الاسهم]

رحت المعرض شي حلو ومرتب اخذت كتب ولي رجعة لان ما قدرت اشيل وايد

واشكر القائمين على المعرض على الترتيب بس ياليت الباصات تكون جديدة واكبر لان الباصات اللي موفرينها صغيرة وقديمة شوي
متى اخر يوم للمعرض

[الزعفراني]

رحت المعرض شي حلو ومرتب اخذت كتب ولي رجعة لان ما قدرت اشيل وايد

واشكر القائمين على المعرض على الترتيب بس ياليت الباصات تكون جديدة واكبر لان الباصات اللي موفرينها صغيرة وقديمة شوي
متى اخر يوم للمعرض

تقدر تشيل اكثر اخوي .. اذا طلعت برا المعرض

تلقى كاونتر مخصص لتحميل الكتب تكلمهم يعطونك ترولي

تشيل فيه الكتب
اخر يوم تاريخ 17 يعني باقي 4 أيام

[لبيبة]

السلام عليكم ورحمة الله وبركاته

زرت المعرض اليوم، ولاحظت ان المسافات اللي لازم نمشيها طويلة، وفعلا مهلكة

اليوم حسيت بدوار في راسي من التعب، في نظري اللي يبي يزور المعرض يحدد هدفه ويروح للي يبيه

اما التجول في المعرض جدا شاق

واحس بمعاناة اللي ما يقدر يمشي هالمسافات لأسباب صحية

حتى في وقت الصلاة، لازم نمشي مسافة طويلة للوصول للمصلى

اما سيارات الغولف وتوفرها، القليل يحظى باستخدام هذه الخدمة لقلة المتوفر

ولاحظت قلة عدد الزوار بالمقارنة مع السنوات السابقة، والكثير من اللي يبيعون الكتب ما يسوون شيء غير الجلوس

المعرض جيد للي محدد الكتاب اللي يبيه ويروح له مباشرة، وفي عصر الانترنت،

ما احس انه شي يستحق العناء اذا نفس الكتاب الاقي منه نسخة الكترونية اشتريها

[طبيب قطري]

ليش مافي ساعات مخصصة للنساء او حتى العائلات ! الاهل مب عارفين يروحون هالشكل!!

[يمامـة]

السلام عليكم ورحمة الله وبركاته

زرت المعرض اليوم، ولاحظت ان المسافات اللي لازم نمشيها طويلة، وفعلا مهلكة

اليوم حسيت بدوار في راسي من التعب، في نظري اللي يبي يزور المعرض يحدد هدفه ويروح للي يبيه

اما التجول في المعرض جدا شاق

واحس بمعاناة اللي ما يقدر يمشي هالمسافات لأسباب صحية

حتى في وقت الصلاة، لازم نمشي مسافة طويلة للوصول للمصلى

اما سيارات الغولف وتوفرها، القليل يحظى باستخدام هذه الخدمة لقلة المتوفر

ولاحظت قلة عدد الزوار بالمقارنة مع السنوات السابقة، والكثير من اللي يبيعون الكتب ما يسوون شيء غير الجلوس

المعرض جيد للي محدد الكتاب اللي يبيه ويروح له مباشرة، وفي عصر الانترنت،

ما احس انه شي يستحق العناء اذا نفس الكتاب الاقي منه نسخة الكترونية اشتريها



اعتقد غصب عني بيستحق الزيارة هالمعرض بطلب من الشيخة بنتي..
مع اني عندي اسبابي الخاصة اللي تمنعني من الزيارة هذي
الا اني كنت سعيدة بطلب بنتي بمصاحبتها لزيارة المعرض للمرة الثانية..

وما اعتقد بدخل وبطلع فاضية اليدين :(

اما بخصوص قلة عدد الزوار.. السبب حزة امتحانات والمعرض انحرم من
زيارات المدارس من ناحية ومن زيارات اولياء الامور من ناحية ثانية بسبب الاختبارات مثل ما ذكرت..

وبعد مثل ما قلتي وايد صاروا يفضلون الكتب الالكترونية سواء اللي يشترونها او اللي تتلطش ببلاش..

اما بخصوص المسافة ما بين المواقف وقاعة المعارض وكبر مساحة المعرض بشكل عام
نتمنى السنة الياية يتلافون كل السلبيات اللي صاحبت هالمعرض وخاصة في الموعد
بعد حل مشكلة بعد المسافة ما بين المواقف والمعرض..

[kawkawii]

حاطين عربات كارت لتوصيل كبار السن والتعبانين والي مافيهم شده

دول غيرنا يمشون اضعاف هاي يوميا ولا انهتوا

اهني مخديين بالسياير وقله اللياقه ههههه

[يمامـة]

حاطين عربات كارت لتوصيل كبار السن والتعبانين والي مافيهم شده

دول غيرنا يمشون اضعاف هاي يوميا ولا انهتوا

اهني مخديين بالسياير وقله اللياقه ههههه

وهل لان مخديين تطلع ارواحنا في اوقات المعارض؟

ترى في الاخير هو معرض مب مسابقة لقياس القدرات..

لازم يراعون فيها الفروقات الثقافية المجتمعية عندنا..
شنهي فايدة المعرض اذا الواحد مشى وعقب صاده شد عضلي؟
في الاخير اسمه انه راح المعرض؟
طيب ترى المعرض في المقام الاول لازم يكون ربحي على تتشجع دور النشر انها اتيي..

اما نسوي معارض وترجع الكتب مثل ما يات.. احسن لهم لا يسوونها ،يتمون على معارض
تراثنا اللي كله هريس وثريد وساقو ولقيمات احسن لهم..

[دنيا الاسهم]

طلب للجهات المعنية ياليت يمددون المعرض يومين زيادة لان فية ناس ما عرفت ان فية معرض للكتب للاسف
ولان ما قدرت اروح الا مرة وحدة وفي كتب كثيرة كنت ناوية اخذها
كذلك جاء وقت الامتحانات والحمدلله رب العالمين