جريدة الرايه :عدم ترخيص اكثر من سيارتين للمواطنين!!!

[نيساني]

السلام عليكم ورحمة الله وبركاته

جريدة الرايه:


http://www.raya.com/news/pages/c3c0b11d-4c28-464e-8460-4f8c98975330


لكل مواطن سيارتين لانهم مسببين زحمه الله ياالدنيا على العموم

اترك لكم التعليق!

وشكراً

[عيون الدوحة]

الحين المواطن هو الي مسوي زحمة الله يالدنيا
ليش ماقال لكل مقيم وأسرته سيارة وحدة

[طبيب قطري]

مذكور بالمقال ان هذا الاقتراح جاء على لسان شخص هل هو مقيم ولا مواطن عادي وقاعد يقول رأيه ولايشتغل بالمرور وهذا قرار من المرور ولاايش بالظبط!! وبعدين على اي اساس يقول ان المواطنين عايشين حياة ترف وعندهم حق كل طلعه سياره! سياره للبر والتنزه وسياره للبحر ووو!!!

[وحيد-الشوق]

مذكور بالمقال ان هذا الاقتراح جاء على لسان شخص اسمه، هل هو مقيم ولا مواطن عادي وقاعد يقول رأيه ولايشتغل بالمرور وهذا قرار من المرور ولاايش بالظبط!! وبعدين على اي اساس يقول ان المواطنين عايشين حياة ترف وعندهم حق كل طلعه سياره! سياره للبر والتنزه وسياره للبحر ووو!!!

ما اقول غير مالت على اقتراحه مب صاحي هالرجال

ليش اليوم وايد مواضيع تحر وتنرفز في المنتدى :(

[الزعفراني]

الترخيص ماله خص لان المواطن بالتأكيد لو مرخصين له 3 سيارات بإسمه ماراح يطلع فيهم في نفس اللحظة :)

[دااانة قطر]

شر البلية مايضحك

والأجانب اللي بدون داعي كل أسرة فوق 3 سيارات؟

[observer]

ايش يعني انا اقولك تشتهي نسوق بطابط

[طبيب قطري]

شر البلية مايضحك

والأجانب اللي بدون داعي كل أسرة فوق 3 سيارات؟

دام انه قال ان المواطنين عندهم خمس سيارات انا ارد واقوله ان في بعض العوايل الاجنبيه عندهم اكثر من هالعدد، وخصوصا ان معظمهم يكون الاب والام يشتغلون وبالتالي كل واحد سياره، واذا عندهم عيال يشتغلون فكل واحد سياره عالاقل !!

[العقل المدمر]

الترخيص ماله خص لان المواطن بالتأكيد لو مرخصين له 3 سيارات بإسمه ماراح يطلع فيهم في نفس اللحظة :)

:nice:

[JN000N]

الي حط الموضوع ف الجريده متسبب خخ
اقصاهم هل قطر ماوصلو 300 الف
وينهم ووين الزحمه

[Bin sultan]

انزين والوافد كم سيارة مرخصة له؟ صدق اللي قال قطر لغير القطريين

[طبيب قطري]

الي حط الموضوع ف الجريده متسبب خخ
اقصاهم هل قطر ماوصلو 300 الف
وينهم ووين الزحمه

اللي حط الموضوع بالجريده الظاهر انه شاف خمس سيارات جدام بيت مواطن قالك هذي السيارات كلها حق شخص واحد!! مايدري ان هالبيت بيت عايله كبيره والاب مسكن عياله المتزوجين بنفس البيت لان ماطلعتلهم اراضي لحد الحين او ان قرض البنيان مايكفيهم يشترون قطعه ارض ويبنوها!!

[JN000N]

اللي حط الموضوع بالجريده الظاهر انه شاف خمس سيارات جدام بيت مواطن قالك هذي السيارات كلها حق شخص واحد!! مايدري ان هالبيت بيت عايله كبيره والاب مسكن عياله المتزوجين بنفس البيت لان ماطلعتلهم اراضي لحد الحين او ان قرض البنيان مايكفيهم يشترون قطعه ارض ويبنوها!!


المفروض هالقانون عللاجانب كل اجنبي سياره وحده هم ف بلدانهم سياره ويالله يالله ومتعودين
احنا ف بلادنا وبيحكرون علينا شله بعد

[<اضرب واشرد>]

https://pbs.twimg.com/media/Bw4U4eqCQAAg4rB.jpg

[aloosh]

الاجني عنده سياره وزوجته سياره وعياله كل واحد سياره وبناته سياره
واهل قطر 300 الف والاجانب 1700000 يقولي لي صاحب الفكره من اللي مسوي زحمه

ناس تخبط على كيفها مدري هي عاشت في البلد ولا من كوكب اخر

[bus3od]

اقترح عدم السماح لصاحب الاقتراح و كاتب المقاله في الجريده بقيادة السيارات و الاكتفاء باعطائهم ركشه ( توك توك ) يتشاركون فيها إقتراحاتهم البناءه حتى لا يسببون لنا زحمة أفكار

[دايموند]

يعني لو عندي 10 سيارات هل معقوله بطلع فيهم كلهم بنفس اللحظه؟!طبعا لا
اكيد بستخدم وحده

شهالمنطق الي عنده؟

[عابر سبيل]

يعني لو عندي 10 سيارات هل معقوله بطلع فيهم كلهم بنفس اللحظه؟!طبعا لا
اكيد بستخدم وحده

شهالمنطق الي عنده؟

ههههه
هذا يدل على "غباء" الاقتراح
و سطحية المُقترِح
و سذاجة الصحفي
و "طرطنقية" رئيس هذا الصحفي


عليه نقترح تقليص عدد موظفي هالجريده
حتى يخف الزحام على "الدائري الثالث"
و اشارات السينما و كذلك اشارات عبدالغني:rolleyes2:

[الحاقول]

المواطن من حقه ان يمتلك مايريد من السيارات فقطر بلده
اما الغير مواطن فليس من حقه ان يمتلك اكثر من سياره

[دايموند]

ههههه
هذا يدل على "غباء" الاقتراح
و سطحية المُقترِح
و سذاجة الصحفي
و "طرطنقية" رئيس هذا الصحفي


عليه نقترح تقليص عدد موظفي هالجريده
حتى يخف الزحام على "الدائري الثالث"
و اشارات السينما و كذلك اشارات عبدالغني:rolleyes2:

اتحدى ان عنده سياره وحده بس

خل يطبق الكلام ع نفسه

[Locale]

اها العيب مب فالشوارع يعني
العيب ان البيت يملك اكثر من سيارتين

[lion66]

من الملل الجرايد ماعندهم مواضيع يطرحونها

امحق موضوع و امحق آراء

[RE-Qatar]

التقرير خبيث والصحفي يختار الاجوبه اللي يعجبه واللي مايعجبة يلغيه من الصفحة وممكن انه يجر الحوار للأجوبة اللي على كيفة
وليش ما كتب واقترح الصحفي بتخصيص سيارة لكل عائلة مقيمة اللي هم تعدادهم وصل 75% تقريبا!!

[نمر بن عدوان]

الاقتراح مافيه شي فعلا لكل مواطن سيارتين يعني انا في البيت بأسمي سيارتين وبأسم زوجتي سيارتين وبأسم ولدي سيارتين هذي 6سيايير ماعتقد حد يحتاج اكثر من 6سيايير.

[بصمة قطرية]

بإسمه سيارة و لا ثنتين و لا عشر ..
وين المشكلة ..!!!

لا حول و لا قوة إلا بالله ..

[khalid525]

انا احسب التعليق من ادارة المرور ، صج بعض الناس يعانون من فراغ قاعدين يدورون على اي كلمة بين السطور عشان يخلقون مشكلة

[ضوى]

المفروض هالقانون عللاجانب كل اجنبي سياره وحده هم ف بلدانهم سياره ويالله يالله ومتعودين
احنا ف بلادنا وبيحكرون علينا شله بعد


تدرين جنون ، انه مدير المرور في الكويت العلي اظن اصدر هالقرار بس على الاجانب !!!

[JN000N]

تدرين جنون ، انه مدير المرور في الكويت العلي اظن اصدر هالقرار بس على الاجانب !!!

اذا صج زين سوى
هم ف النهايه مش معتبرينه بلادهم ولا يعمرون فيه ولا يفتكرون
يشتغلون هني ويوفرون حق يودونه بلادهم يعني قعدتهم مؤقته سواء طالت المده والا قصرت
ف ليش يعني مسوين زحمه ؟ خلهم ع سياره وحده تكفيهم
الحين الاجانب اصلا عندهم سيارات اكثر من بعض القطريين

[نجم سهيل]

السلام عليكم

جرايدنا وخصوصا الراية .. من نكتة إلى نكتة

واغلب مواضيعهم من تأليف الصحفيين اللي ياخذون اسامي المواطنين والباقي من عندهم مثل ما حصل لي ولغيري

يعني الشخص اللي ألف الموضوع يتخيل ان المواطن يسوق له سيارتين فنفس الوقت وهاللي مسبب الزحمة ولا وش مخه بالضبط؟

[MirusS]

صايد السالفه ولا شوضعه ذي

وأنا أقتراحي
منع الاجانب العزابين من أستخدام السيارات منعا باتا ويتم تركيبهم في باصات كروه وايد عليهم كل باص يشل 150 واحد وبنفتك من الزحمه

على كيفهم يبون يتحكمون فينا .. كل واحد حر ان شالله يشتري 50 سياره ويطلع فيهم فنفس الوقت :funny:

[غير البشر]

السموحه حذفت ردي هههههههههههههههههههه
هههههههههههههه استغفر الله


الحمدلله الذي عفانا ممن ابتلاهم به وفضلنا على كثير مما خلق تفضيلا

[Red point]

بالعكس انا اشوف انه قرار سليم لعدة اسباب
1- مثل ما اذكرو الاخوان دام الشخص الي يمتلك 10 سيارات ما راح يسوق الا وحدة شالهدف من تجميع هذا العدد من كل السيارات ؟
ممكن انه يستثمر هذا المبلغ بمشروع ثاني يفيد نفسة ويفيد حتى البلاد
2- راح انخفف من الزحمة بحيث لو مثلا بيت عنده 5 سيارات و 4 سواقين اتحصل المعزب متكي في البيت والدريولية ماخذين السياير يسرحون ويمرحون من دون علم صاحب البيت
3- راح انقلل حتى من نسبة حوداث القاصرين اذا في البيت مافي الا سيارة او ثنتين راح يصعب على القاصر انه " يسرق" السيارة وهالظاهرة منتشرة عندنا بشكل كبير
4- القضاء على مظاهر الترف
وغيرهم من اسباب بعدين انا الي ابي اعرفه الحين انتو شفيكم زعلانين يعني الحين لو كل واحد سجل سيارة وحدة باسمة وين المشكلة ؟
لكن نجي للجانب الاخر ان تنفذ هذا القرار كيف راح ننضر ؟ عشان كل هذا التطبيل ضد الفكرة

[غير البشر]

بالعكس انا اشوف انه قرار سليم لعدة اسباب
1- مثل ما اذكرو الاخوان دام الشخص الي يمتلك 10 سيارات ما راح يسوق الا وحدة شالهدف من تجميع هذا العدد من كل السيارات ؟
ممكن انه يستثمر هذا المبلغ بمشروع ثاني يفيد نفسة ويفيد حتى البلاد
2- راح انخفف من الزحمة بحيث لو مثلا بيت عنده 5 سيارات و 4 سواقين اتحصل المعزب متكي في البيت والدريولية ماخذين السياير يسرحون ويمرحون من دون علم صاحب البيت
3- راح انقلل حتى من نسبة حوداث القاصرين اذا في البيت مافي الا سيارة او ثنتين راح يصعب على القاصر انه " يسرق" السيارة وهالظاهرة منتشرة عندنا بشكل كبير

وغيرهم من اسباب بعدين انا الي ابي اعرفه الحين انتو شفيكم زعلانين يعني الحين لو كل واحد سجل سيارة وحدة باسمة وين المشكلة ؟
لكن نجي للجانب الاخر ان تنفذ هذا القرار كيف راح ننضر ؟ عشان كل هذا التطبيل ضد الفكرة



مابي ارد على كل النقاط الي ذكرتها
كل نقطه عندي لها رد

بس

تخيل واقف بتسجل سياره بأسمك
وجنبك غير قطري يسجل 3 سيارات بأسمه

مايحس الواحد نفسه كأنه سمبوسه !!!!!!

[Red point]

مابي ارد على كل النقاط الي ذكرتها
كل نقطه عندي لها رد

بس

تخيل واقف بتسجل سياره بأسمك
وجنبك غير قطري يسجل 3 سيارات بأسمه

مايحس الواحد نفسه كأنه سمبوسه !!!!!!

لا اخوي انا اقصد لو بيطبق هذا القرار يطبق على العموم مب بس القطرين

[بصمة قطرية]

لا اخوي انا اقصد لو بيطبق هذا القرار يطبق على العموم مب بس القطرين

يتحكمون في حلال الشخص ليش ..
عايش في بلاده يضيقون عليه ليش ..!!
محد له حق يتحكم كم سيارة للشخص
كل شخص حر ..
لنفرض رجال كل سيارات البيت بإسمه
سيارته سيارة زوجته سيارة الدريول سيارة ولده ...إلخ ..
بأي حق تجي تقول له بس لك سيارتين ..!!
هاذي بلادنا و الأولوية لنا في كل شي ..

[غير البشر]

لا اخوي انا اقصد لو بيطبق هذا القرار يطبق على العموم مب بس القطرين


اذا جذي ممكن
السموحه فهمت مقصدك غلط

بس انا اي شي افكر فيه سبحان الله عقب سنيت المسئولين يفكرون فيه
الاولى والاهم
يحددون عدد سيارات معينه لكل شركه حسب حجمها
في شركات صغيره فيها 50 عامل عندهم 30 سياره ليش ؟؟؟؟؟

ليش مايحددون للشركات وتجبرهم بالباصات
يعني شركه فيها 50 عامل يعطونهم مثلا تسجيل 10 سيارات

[Red point]

يتحكمون في حلال الشخص ليش ..
عايش في بلاده يضيقون عليه ليش ..!!
محد له حق يتحكم كم سيارة للشخص
كل شخص حر ..
لنفرض رجال كل سيارات البيت بإسمه
سيارته سيارة زوجته سيارة الدريول سيارة ولده ...إلخ ..
بأي حق تجي تقول له بس لك سيارتين ..!!
هاذي بلادنا و الأولوية لنا في كل شي ..


الموضوع مب موضوع اولويات وخرابيط الموضوع مصلحة عامة الحين كلنا نعاني من الزحمة سواء من مواطنين ومقيمين
وهذا القرار راح يقلل من الزحمة نوعا ما هذا الشي ما يتخلفون عليه اثنين
بعدين الي عنده اكثر من سيارة وسجل سيارة بسم ولدة وحدة بسم زوجتة الخ ما اعتقد بصير فيه شي او بيضيقون عليه بشي ؟!
البذخ والاسراف والترف هم بعد مب زينين

[معماري قطري]

كنت افكر في السادسة بس هشكل بحول السيارات بأَسامي العيال

[غير البشر]

كنت افكر في السادسة بس هشكل بحول السيارات بأَسامي العيال


بطرش لك اسمي في الخاص :shy:

[لبيبة]

هذا اقتراحه نابع من فكر اشتراكي، ما يصلح لبلادنا ولا لطبيعة المعيشة عندنا

[الاعرابي]

في البداية، قال إبراهيم اليافعي: الزحام الذي تشهده الدوحة حاليا ليس نابعا من فراغ، بل بسبب زيادة السيارات ، فالمركبات الخاصة والشاحنات والحافلات تزداد يوميا بسبب الزيادة المطردة في أعداد السكان والتي تشكل ضغطا كبيرا على كافة مرافق الدولة وليس الطرق فحسب.

وأوضح أن ارتفاع نسبة التراخيص للمواطنين بنسبة 2.9% وللمقيمين بنسبة 17%، وفقا لأحدث رصد إحصائي لوزارة التخطيط التنموي، يشير إلى أن أغلب الوافدين يحرصون على الحصول على رخصة قيادة وهو ما يشكل عبئا كبيرا على مرافق الطرق والتسبب في الزحام المروري.

وأضاف أن ما يدل على العبء الكبير الذي تشكله السيارات المرخصة حديثا هو ارتفاع عدد المركبات المسجلة بشكل عام في الدولة بنسبة 18.6% في شهر نوفمبر، حيث ارتفع تسجيل المركبات (خصوصي) بنسبة 11.5% ، وذلك بعدد يقدر 6281 مركبة.

وقال إن هذه الزيادة الكبيرة تشير إلى عدم فعالية القرار الخاص بوقف إصدار رخص القيادة للعمال والذي جاء بهدف التخفيف من مشكلة الزحام وكثرة أعداد السيارات في الشوارع، واستند إلى أن من يستحق قيادة سيارة هو الذي سيحصل على الرخصة أما من لا تتطلب طبيعة عمله ذلك فإن الشركة التي يعمل بها ملزمة بتوفير وسيلة التنقل له.

وأشار إلى ضرورة البحث في زيادة أعداد التراخيص لتتناسب مع قدرة الشوارع والطرق والتي لم تتغير، مقترحا ضرورة التشديد في إصدار التراخيص والتحقق من الفئات التي تستحق التراخيص وعدم ترك الباب مفتوحا أمام التلاعب بالمسمى الوظيفي، حيث إن كثيرا من الشركات تقوم بتغيير المسميات الوظيفية للعاملين لديها حتى يتمكنوا من الحصول على رخص قيادة.

وقال: كما أقترح أيضا أن يتم وضع ضوابط لتملك السيارات بين المواطنين، بحيث لا يسمح للمواطن الواحد بتملك أكثر من سيارتين فقط، وذلك للقضاء على العشوائية الحالية ومواجهة مظاهر الترف، لأنه في الوقت الحالي هناك العديد من المواطنين يتملك الواحد منهم أكثر من خمس سيارات، واحدة للبر، وأخرى للعمل، وسيارة للتنزه، وغيرها للسفر، وأخرى للترفيه، وهو أمر بحاجة إلى ضوابط لكبح الزيادة المطردة في عدد المركبات لاسيما الخاصة.







(والله عيب ان مواطن يشوف ان المواطنين هم الي مسببين الزحمة؟ انت عايش معنا في الديرة ولا شنو؟ )
وقف عند اشارة وحدة وشوف , 100 كوريلا على صني على باص على مستوبيشي وفي المقابل 2 ولا 3 كروزرات :)

[لبيبة]

في البداية، قال إبراهيم اليافعي
وقال: كما أقترح أيضا أن يتم وضع ضوابط لتملك السيارات بين المواطنين، بحيث لا يسمح للمواطن الواحد بتملك أكثر من سيارتين فقط،
(والله عيب ان مواطن يشوف ان المواطنين هم الي مسببين الزحمة؟ انت عايش معنا في الديرة ولا شنو؟ )
وقف عند اشارة وحدة وشوف , 100 كوريلا على صني على باص على مستوبيشي وفي المقابل 2 ولا 3 كروزرات :)




أعتب على الراية أنها تتبنى جملة قالها مواطن وتضعها عنوان لهذه القطعة الصحفية لإثارة الرأي العام ليظن أنه قرار من إدارة المرور أو قرار تتم دراسته حاليا من المرور، وفي الأخير لا يعدو هذا الكلام عن شطحات فكرية اجتهد فيها مواطن بظنه أنه أصاب في اقتراحه لحل مشكلة الزحام، وهو ليس بصاحب قرار من قريب أو بعيد.

[دنيا الاسهم]

خل يطبقون على الاجانب واللفو هالقرار
احنا في بلادنا وهذا القرار غبي من ناس ماعندهم حل للزحمة مالت وبس

[بومحمد المطاوعه]

خير ان شاءالله

خل يشوفون حلول ثانيه

اما تسجيل مواتر
لو املك فلوس
بشتري 1000 سياره محد له شغل في حلالي

الواجب عليهم يراعون الشعور ويسوون شوارع وتخطيط مثل الاوادم
تحياتي