فيزا تركيا ؟؟ شلون ؟؟

[وحيد-الشوق]

السلام عليكم

يا اخون محتاج شرح لطريقة الحصول على فيزا تركيا العام خذتها من المطار بس حاليا يقولون اجباري تسويها من موقع

https://turkey.evisas.org/ApplicationInfo.aspx

هل هذا الموقع المقصود ولا ؟ وفي خانة بوستل كود :( شنو احط فيها اذا الموقع المذكور صحيح

[ذيب ازغوى]

قطريين تاخذها من المطار عادي

[وحيد-الشوق]

صحيح كلامك شهر 4-2014 خذتها من المطار بس عقب الغوها حسب علمي وشفت كذا رد لاحد الاخوان في المنتدى ان الكلام صحيح واجباري تاخذها اونلاين بس انا ابي اتاكد اكثر :(

[ذيب ازغوى]

اخوي انا ريح شهر 10 وفيزا تأخذها فالمطار

[ضوى]

ترا وايد سهله دخل بياناتك الصحيحه وارسلها خمس دقايق الفيزا عالايميل اللي عطيتهم

[وحيد-الشوق]

اخوي انا ريح شهر 10 وفيزا تأخذها فالمطار

اذا جذي زين عيل مستغرب ليش يقولون وقفوها

لاهنت ياخوي


ترا وايد سهله دخل بياناتك الصحيحه وارسلها خمس دقايق الفيزا عالايميل اللي عطيتهم

الموقع الي حاطه صحيح يعني ؟ طيب وخانة البوستل كود شنو احط فيها ؟

[بونووف]

وحيد في موقع ثاني غير ذي

https://www.evisa.gov.tr/en/

هالموقع الي سويت منه الفيزا

انا رحت الشهر الي راح وكنت اشوف العالم تروح صوب الكاونتر وتاخذ فيز عادي

[وحيد-الشوق]

وحيد في موقع ثاني غير ذي

https://www.evisa.gov.tr/en/

هالموقع الي سويت منه الفيزا

انا رحت الشهر الي راح وكنت اشوف العالم تروح صوب الكاونتر وتاخذ فيز عادي

شكرا لك ياخوي

طيب يا اخوان ايش احسن شركة او سائق اتعامل معاه لرحلة بورصة او غيرها لأني قبل تعاملت مع شركة زينة بس السواق غثيث ويدخن وايد ويهذر وايد زين مني تحملت 4 ايام معاه

[طموحي عالي]

انا دايما اتعامل مع مكتب اسمه جرافيك

وكل اللي فيه حليوين وعسل


هاي رقمهم
00902122550566
هيلين >>> تركيه تتكلم عربي

[Q6RI-001]

والله يا وحيد-الشوق توني راج من اسبوعين من تركيا واخذت التاشيرة من المطار (في مطار انقرة - و مطار صبيحه - ومطار اتاترك) كلهم نفس الشي .. والسعر بــ 30 دولار للشخص .. وما ياخذ ليرة ولا يورو .. والله تعاملت مع شركة الشرق الاوسط كان تعاملهم طيب.

[بوNasser]

اذا جذي زين عيل مستغرب ليش يقولون وقفوها

لاهنت ياخوي



الموقع الي حاطه صحيح يعني ؟ طيب وخانة البوستل كود شنو احط فيها ؟

الموقع هذا حسب لي رسوم الفيزا ب 170 دولار والفيزا تاخذ وقت!!!!

اما الموقع اللي حطه بو نوف في الرد رقم 7

https://www.evisa.gov.tr/en/

فحسب لي رسوم الفيزا ب 28 دولار وهذا السعر الفعلي للقطريين، وارسلوا لي الفيزا بعد خمس دقايق تقريبا.

[سالم 2014]

ياأخوان..احذركم ترا في موقع شبيه للفيزا وهو نصب واحتيال

انصحكم تاخذون الموقع من موقع السفاره التركيه نفسها او من موقع الخارجيه التركيه

[بوNasser]

ياأخوان..احذركم ترا في موقع شبيه للفيزا وهو نصب واحتيال

انصحكم تاخذون الموقع من موقع السفاره التركيه نفسها او من موقع الخارجيه التركيه


صادق وانا اخوك

اقول لك هذا الموقع

https://turkey.evisas.org/ApplicationInfo.aspx


ضرب علي 170 دولار لتأشيرة تركيا، طبعا التأشيرة سليمة وما فيها شي، بس لأن هذا الموقع ( اللي اكتشفت انه في بريطانيا ) خذ علي حوالي 141 دولار بس اتعاب، اضافة لرسوم التأشيرة 29 دولار. وخذت حوالي 45 دقيقة لين جات التأشيرة

لا المشكلة اني كنت ناوي اسوي 6 تأشيرات اضافية للعائلة الكريمة.... بس الحمد لله اني ما سويتهم، والا كان اعلنت افلاسي!!!!

وبعدها دخلت هذا الموقع الطيب

https://www.evisa.gov.tr/en/

وسويت التأشيرات الباقية كلها بعد ما تأكدت من السعر، والموافقة كانت فورية.


يالله خيرها بغيرها.

[ANONYMOUS]

اولاين افضل لك و 28 دولار وكسور

http://www.travelzad.com/vb/t112918.html

اتيع نفس الخطوات .. بس البلد قطر

[سالم 2014]

صبحكم الله بالخير

ياجماعه لاتنسون ترا مافي شي اسمه فيزا للخليجيين !!

انا سرداد مرداد على تركيا ..الفيزا ألغوها علينا من شهر 4 سنة 2014

نفس البوسنه ماعلينا فيزا ولا شي ترا


تروح للجوازات بس لك مكان معين اسمه الروم كنترول..يحط لزقه على على صفحة جوازك وخلاص

هذا ماحصل معاي بالظبط وبدون اي رسوم

[ANONYMOUS]

صبحكم الله بالخير

ياجماعه لاتنسون ترا مافي شي اسمه فيزا للخليجيين !!

انا سرداد مرداد على تركيا ..الفيزا ألغوها علينا من شهر 4 سنة 2014

نفس البوسنه ماعلينا فيزا ولا شي ترا


تروح للجوازات بس لك مكان معين اسمه الروم كنترول..يحط لزقه على على صفحة جوازك وخلاص

هذا ماحصل معاي بالظبط وبدون اي رسوم

اذا انا مب غلطان الكويتيين عندهم اتفاقيه بينهم الدخول من غير فيزا

[بوNasser]

صبحكم الله بالخير

ياجماعه لاتنسون ترا مافي شي اسمه فيزا للخليجيين !!

انا سرداد مرداد على تركيا ..الفيزا ألغوها علينا من شهر 4 سنة 2014

نفس البوسنه ماعلينا فيزا ولا شي ترا


تروح للجوازات بس لك مكان معين اسمه الروم كنترول..يحط لزقه على على صفحة جوازك وخلاص

هذا ماحصل معاي بالظبط وبدون اي رسوم

ولدي توه جاي من اسبوع، وطلع التأشيرة من المطار. وفوق هذا لازم بالدولار بس. (القصد التأشيرة لابد منها)


وهذا الموقع فيه كل الرسوم والدول (المعفية وغير المعفية) من تأشيرة دخول تركيا لعام 2015

https://turkishvisa.com/wp-content/themes/turkishvisa/images/logo-new.png (https://turkishvisa.com/visa-fees/)

تحياتي للجميع