المجلس الاعلى للصحة ومشفى القلب رميلة

[رجل مثالي]

موضوعي بخصوص مشفى القلب رميلة
الذي اصبح الآن لغير القطريين بسبب استيلاء
غير القطريين على المشفى الجديد للقلب
والذي اصبح القطري غريب في المشفى
وينتظر وقت طويل في كل أقسام المشفى
الذي من المفروض يكون كل خدماته واهتمامه
للقطريين لا حول ولا قوة الا بالله
و الصيدلية مثلآ تم الاستيلاء عليه ومعظم
الأقسام والغرف وينتظر المواطن كأنه غريب
ولا يوجد بوي للويل جير أو الكاري للذين
عاملين عملية او للذين في حاجة الى الويل
الجير للحالات الصحية ولا يتوفر بوي
لهذا الغرض وأيظآ زيادة عدد الغير قطريين
يعرقل المواطنين في علاجهم المهم للقلب
ترجوا من المختصين التدخل لوضع
حل لهذا الموضوع الهام حتى يكون
المواطن مرتاح في علاجه
وجعل مشفى القلب في الوكرة
للقطريين وغير القطريين
لانه ليس فيه ازدحام والى
ساكن في الشمال يكون
رميلة اقرب له من الوكرة

نرجو ان يبدي كل واحد
رأيه حسب قواعد المنتدى

[يمامـة]

اوبيه كل هذا صاير في مستشفى القلب..؟؟!!

اشلون الأجانب يستولون عليه ؟
ما في مدير قطري تدخل عنده و تستفسر عن الأسباب والمسببات
وتستوضح منه يا اخوي رجل مثالي عن الأسباب لتردي الحال هناك؟

[رجل مثالي]

اوبيه كل هذا صاير في مستشفى القلب..؟؟!!

اشلون الأجانب يستولون عليه ؟
ما في مدير قطري تدخل عنده و تستفسر عن الأسباب والمسببات
وتستوضح منه يا اخوي رجل مثالي عن الأسباب لتردي الحال هناك؟


الله يسلمك ما يبيلة الا يجي واحد من طرف المجلس
الصحة ويشوف الى حاصل ويقرر

[يمامـة]

الله يسلمك ما يبيلة الا يجي واحد من طرف المجلس
الصحة ويشوف الى حاصل ويقرر

طيب قدم شكوى رسمية للمجلس الأعلى للصحة دامك تشوف الامر بالسوء هذا!!

[حسن]

شكواك غير مفهومه يارجل مثالي يعني المواعيد طويله ولا مافي غرف
ولا مافي قطريين يشتغلون في الصيدليه
ولا مافي ويل جير مادري
كانك تتكلكم عن مستشفى في موزنبيق

ههههههههه

شوف في عضو ويانا اعتقد اسمه صحه نسيت اسمه
ارسله شنهيي شكواك بالضبط وان شاء الله خير

وسلامت قلبك يالمثالي

:victory:

[ودي أكون]

موضوعي بخصوص مشفى القلب رميلة
الذي اصبح الآن لغير القطريين بسبب استيلاء
غير القطريين على المشفى الجديد للقلب
والذي اصبح القطري غريب في المشفى
وينتظر وقت طويل في كل أقسام المشفى
الذي من المفروض يكون كل خدماته واهتمامه
للقطريين لا حول ولا قوة الا بالله
و الصيدلية مثلآ تم الاستيلاء عليه ومعظم
الأقسام والغرف وينتظر المواطن كأنه غريب
ولا يوجد بوي للويل جير أو الكاري للذين
عاملين عملية او للذين في حاجة الى الويل
الجير للحالات الصحية ولا يتوفر بوي
لهذا الغرض وأيظآ زيادة عدد الغير قطريين
يعرقل المواطنين في علاجهم المهم للقلب
ترجوا من المختصين التدخل لوضع
حل لهذا الموضوع الهام حتى يكون
المواطن مرتاح في علاجه
وجعل مشفى القلب في الوكرة
للقطريين وغير القطريين
لانه ليس فيه ازدحام والى
ساكن في الشمال يكون
رميلة اقرب له من الوكرة

نرجو ان يبدي كل واحد
رأيه حسب قواعد المنتدى

نعم زحمه .. نعم ضيق .. نعم الواحد يطول ويتأخر لين ما يدخل عالدكتور.؟!.. واللي يوم تدخل عليه يلس يقرا الحاله ف هالوقت .؟!

مو من الواجب والمفروض .. ان الدكتور ملم عن مرضاه قبل ما يدخلون عليه .. اقلها قبل المواعيد بساعتين يقرا ملفات المرضى اللي ف هاليوم.؟! .. اوه هالشيء يمكن برع موجود ، بس عنده مستحيل !

الله المستعان

[حسن]

نعم زحمه .. نعم ضيق .. نعم الواحد يطول ويتأخر لين ما يدخل عالدكتور.؟!.. واللي يوم تدخل عليه يلس يقرا الحاله ف هالوقت .؟!

مو من الواجب والمفروض .. ان الدكتور ملم عن مرضاه قبل ما يدخلون عليه .. اقلها قبل المواعيد بساعتين يقرا ملفات المرضى اللي ف هاليوم.؟! .. اوه هالشيء يمكن برع موجود ، بس عنده مستحيل !

الله المستعان


وين يقدر يلم جميع المرضى ياودي اكون هو مريض واحد وايد مرضى
وبعدين ماخبر دكتور يقرا الملف قبل لا يدخل عليه وشعرفه انا جاي ولا مهب جاي
وبعدين هو يقرا الفحوصات والتحاليل والنتائج كلها دقايق
ولا بيسئلك عن الحاله معاها وعقب يوصفلك الطريقه
سؤاء علاج ولا ممارسه طرق

[الجنوبي 11]

ان شاء الله محد يحتاج له، ولكن يجب ان يتحصل القطري على اهتمام اكثر في هذا المستشفى

[ودي أكون]

وين يقدر يلم جميع المرضى ياودي اكون هو مريض واحد وايد مرضى
وبعدين ماخبر دكتور يقرا الملف قبل لا يدخل عليه وشعرفه انا جاي ولا مهب جاي
وبعدين هو يقرا الفحوصات والتحاليل والنتائج كلها دقايق
ولا بيسئلك عن الحاله معاها وعقب يوصفلك الطريقه
سؤاء علاج ولا ممارسه طرق

اخوي حسن ترا اغلبهم ما ياخذون الا 5 او 6 حالات فاليوم .. وبعض المرات ان كثرت 10 حالات ( فالحلات القصوى هاذي )

شلي بيكلف عليه اخوي حسن لين قرا 5 والا 6 ملفات قبل ما يدخل المريض ..
يوم يدخل المريض ياخذ الدكتور مايقل عن 10 الى ربع ساعه يقرا ملف المريض!.. على حساب من؟.. الناس اللي تنطر برع.؟!

انا اكلمك عن تجربه اخوي حسن لان احنا عندنا مريض قلب

والله المستعان

[Rider]

الاجانب استولوا على كل المرافق في البلد مب بس المستشفى

[يمامـة]

وين يقدر يلم جميع المرضى ياودي اكون هو مريض واحد وايد مرضى
وبعدين ماخبر دكتور يقرا الملف قبل لا يدخل عليه وشعرفه انا جاي ولا مهب جاي
وبعدين هو يقرا الفحوصات والتحاليل والنتائج كلها دقايق
ولا بيسئلك عن الحاله معاها وعقب يوصفلك الطريقه
سؤاء علاج ولا ممارسه طرق

اتفق معاك من خبرة في التعامل مع أطباء كثر مب بس في القلب..
من حق المريض ان الطبيب يفتح ملفه جدامه ويقرى حالته ويستفسر منه في
كل شي يقراه.. ويشوف تحاليله ويكتب له العلاج ..

[رجل مثالي]

أحبائي أبي أرد على كل واحد بس السموحة
لأني متعب الله يسلمكم وردودكم ما شاءالله أوكي
ولكم الرد لمافيه الخير أن شاءالله

[بن غيث]

مواعيدهم جدا بعيده ..
واذا موعدك الساعة التاسعة .. تدخل على الطبيب 11:30
ومستوى الاطباء .. تعيس

[حسن]

اخوي حسن ترا اغلبهم ما ياخذون الا 5 او 6 حالات فاليوم .. وبعض المرات ان كثرت 10 حالات ( فالحلات القصوى هاذي )

شلي بيكلف عليه اخوي حسن لين قرا 5 والا 6 ملفات قبل ما يدخل المريض ..
يوم يدخل المريض ياخذ الدكتور مايقل عن 10 الى ربع ساعه يقرا ملف المريض!.. على حساب من؟.. الناس اللي تنطر برع.؟!

انا اكلمك عن تجربه اخوي حسن لان احنا عندنا مريض قلب

والله المستعان

الله يشفي مريضكم والله يعافي كل مبتلى

الصراحه انا دخلته مرات بسيطه وزيارات وكنت اشوف اهتمامهم مشاء الله ممتاز والله
هذا قبل سنه ونصف
ولكن مااعرف عن نظام مواعيدهم ومقالبله التكاتره
مع العلم ان عندنا دكتور عبدالواحد وعبد العزيز الخليفي وواحد مشهور ليبي مادري جزائري مااذكر اسمه
يعني من اكفاء دكاتره القلب
بس بالنسبه لقراه الملف اكيد الطبيبب يقرا بحكم اني اودي اخوي الكبير المعاق
قبل لعياده السكر اكثر من عشر سنوات الدكتور يقرا الملف ويشوف التحاليل وعقب يكتب الدواء
والحمدلله الحين سكرنا ملفه وتم وقف الانسولين والضغط والكلسترول طبيعي بعد ماقل اكله ونزل وزنه

ونتمنى السلامه للجميع

[ودي أكون]

الله يشفي مريضكم والله يعافي كل مبتلى

الصراحه انا دخلته مرات بسيطه وزيارات وكنت اشوف اهتمامهم مشاء الله ممتاز والله
هذا قبل سنه ونصف
ولكن مااعرف عن نظام مواعيدهم ومقالبله التكاتره
مع العلم ان عندنا دكتور عبدالواحد وعبد العزيز الخليفي وواحد مشهور ليبي مادري جزائري مااذكر اسمه
يعني من اكفاء دكاتره القلب
بس بالنسبه لقراه الملف اكيد الطبيبب يقرا بحكم اني اودي اخوي الكبير المعاق
قبل لعياده السكر اكثر من عشر سنوات الدكتور يقرا الملف ويشوف التحاليل وعقب يكتب الدواء
والحمدلله الحين سكرنا ملفه وتم وقف الانسولين والضغط والكلسترول طبيعي بعد ماقل اكله ونزل وزنه

ونتمنى السلامه للجميع

يزاك الله خير والله يشفي جميع مرضى المسلمين يارب .. والحمدلله على سلامة اخوك

بالنسبة لقراءه الملف والمريض موجود .. مطلوب اخوي حسن بس ك مراجعه .. بمعنى ان الدكتور المفروض ان تكون عنده خلفيه عن المريض مسبق ويوم يدخل عليه المريض، يرد يفتح الدكتور ملف المريض بدقايق بحكم ان عنده خلفيه عن الحاله اللي جدامه .. بدال ما ينقع كل شخص فوق النص ساعه

احنا تنقعنا من 9 لين 12 الا .. وطلعنا منه 12 ونص تقريباً .؟ .. يعني اذا كل مريض بياخذ 45 او ساعه .. فكم بينطر كل مريض!!.. مع العلم ان الدخول مو مرتب عندهم ! يعني مو بالارقام
ماني عارفه شلون طريقتهم


والدولة خسرت وحطت وسوت .. عالاقل يزيدون اعداد الدكاتره

[حسن]

يزاك الله خير والله يشفي جميع مرضى المسلمين يارب .. والحمدلله على سلامة اخوك

بالنسبة لقراءه الملف والمريض موجود .. مطلوب اخوي حسن بس ك مراجعه .. بمعنى ان الدكتور المفروض ان تكون عنده خلفيه عن المريض مسبق ويوم يدخل عليه المريض، يرد يفتح الدكتور ملف المريض بدقايق بحكم ان عنده خلفيه عن الحاله اللي جدامه .. بدال ما ينقع كل شخص فوق النص ساعه

احنا تنقعنا من 9 لين 12 الا .. وطلعنا منه 12 ونص تقريباً .؟ .. يعني اذا كل مريض بياخذ 45 او ساعه .. فكم بينطر كل مريض!!.. مع العلم ان الدخول مو مرتب عندهم ! يعني مو بالارقام
ماني عارفه شلون طريقتهم


والدولة خسرت وحطت وسوت .. عالاقل يزيدون اعداد الدكاتره

والله ماادري بس الانتظار اللي ذكرتيه طويل وايد يعني قولي على القل ربع ساعه معقوله
بالنسبه للارقام انا معاك ولكن وش سويتو !!
قبل شهر وديت بنتي لكتور العيون عمر القحطاني فلما سئلت الرسبشن وين الجهاز للدخول الجديد اللي يعطونا اياه
قلت توقف !!
قلت لها ليش
قالت نصهم خذذوهم المرضى معاهم ولا حد يرجعه والغى قلت
قابلت موظفه في كل دور حاطينهم للتوجهه وعندهم استبيان للملاحظات فقلت لها ليش صار جذي الدخول مثل فوضى
قالت تفضل عب الشكوى والمشكله واقترحت انهم يرجعون نظام الارقام الالول على الشاشه هو الحل
ثاني يوم على طول جاني الاتصال منهم وشرحت لهم المشكله اللي لاحظتها انا وغيري ولكن انا اتخذت فيها اجراء
ومتوفر في كل دور مكتب لهم
ايدو فكرتي مع العلم انها عاديه وموجوده في فكل مكان وطالبتهم باارجاع النظام السابق

وشكرتهم على سرعه تجاوبهم بهذه السرعه
وقالت احنا في خدمتكم

جزاهم الله خير الصراحه

[رجل مثالي]

كما تبين للكثير من الأخوة هذا الطوفان
الموجود في عيادة القلب رميلة

[ابن الجزيرة]

واحد مريض بالقلب قطري او أجنبي يجب تقديم العناية له هذا واجب ديني وأخلاقي وإنساني

الدولة ادخلت نظام التأمين الصحي للقطري ويستطيع ان يتعالج في أي مستشفى بالدولة

بالعودة الى الموضوع

ما فهمت اين المشكلة لان الكثير من الكلمات غير عربية!
الله يشفي كل مريض

[وحيد-الشوق]

احنا افتحوا لنا مستشفى الوكرة وماشفنا خير اقل موعد عقب شهرين حتى امي اروح اخذ لها موعد معطيني موعد 5-2-2015 ليش ياعالم حتى علاج مانقدر نتعالج كل شيء تأخير في تأخير

تعبنا حتى من التشكي :)

[مشلاقي]

وانا اقرأه الموضوع وانه تم الاستلاء على كذا وكذا تشعر انه صاير انقلاب في المستشفى
هناك مستشفى قلب واحد بالدوله ومريض القلب مهما كان جنسيته او دينه دام انه يعيش على ارض هذه الدوله المباركه فله حق العلاج وهذا حق كفلته له الدوله
ما حد يتمنى المرض ولا حد حابب يكون له مواعيد لكن قدر الله ومشاء كان
اسال الله ان يشفي جميع المرضى

[رجل مثالي]

واحد مريض بالقلب قطري او أجنبي يجب تقديم العناية له هذا واجب ديني وأخلاقي وإنساني

الدولة ادخلت نظام التأمين الصحي للقطري ويستطيع ان يتعالج في أي مستشفى بالدولة

بالعودة الى الموضوع

ما فهمت اين المشكلة لان الكثير من الكلمات غير عربية!
الله يشفي كل مريض


لازم نتكلم معاك بالإنجليزي بعدين كل واحد يكتب الموضوع الهام له وللمجتمع وبعدين انا ما قلت ان الغير قطري ما يتعالج عندنا لا تذكر شئ ما قلته أحنا نتكلم عن زحام المشفى ممكن انت عاجبك الزحام هاي شئ راجع لك

[باراكودا]

ألاخ كاتب الموضوع يطمح الى ألأفضل وهذا من حقه ومستشفى القلب في أرميلة صرح رائع ومكسب لايقدر بثمن للجميع
والخدمات خمس نجوم والصيدلية مخصصة أكثر من شباك للقطريين فقط ودخول الطوارىء في خلال دقيقة فقط يستلمك
الطبيب فعلا المستشفى مفخرة مستشفيات القلب في الشرق الاوسط .

[رجل مثالي]

ألاخ كاتب الموضوع يطمح الى ألأفضل وهذا من حقه ومستشفى القلب في أرميلة صرح رائع ومكسب لايقدر بثمن للجميع
والخدمات خمس نجوم والصيدلية مخصصة أكثر من شباك للقطريين فقط ودخول الطوارىء في خلال دقيقة فقط يستلمك
الطبيب فعلا المستشفى مفخرة مستشفيات القلب في الشرق الاوسط .


أخوي هاي الكلام الفاهم للموضوع تسلم على مشاركتك

[باراكودا]

أخوي هاي الكلام الفاهم للموضوع تسلم على مشاركتك

لاشكر على واجب والله يسلمك ياخوي .

[بصمة قطرية]

فعلاً
المواعيد بعيدة وايد
و هاي اللي خلاني اتكيسل اتابع ..
خلها على الله ..
الخاص يقولون لنا روحوا مستشفى القلب
و مستشفى القلب مافي مواعيد
مافي اسرة ..!!!
لازم يشوفون حل ..

[بصمة قطرية]

واحد مريض بالقلب قطري او أجنبي يجب تقديم العناية له هذا واجب ديني وأخلاقي وإنساني

الدولة ادخلت نظام التأمين الصحي للقطري ويستطيع ان يتعالج في أي مستشفى بالدولة

بالعودة الى الموضوع

ما فهمت اين المشكلة لان الكثير من الكلمات غير عربية!
الله يشفي كل مريض
و إذا المستشفى الخاص يحولك على مستشفى القلب
و المواعيد بعيدة ..
شتسوي ..!!
وين تروح ..!

[ابن الجزيرة]

و إذا المستشفى الخاص يحولك على مستشفى القلب
و المواعيد بعيدة ..
شتسوي ..!!
وين تروح ..!


يجب إعادة النظر في نظام المواعيد في مستشفى حمد وفي مستشفى القلب بشكل عام


الحالات الطارئة كما هو متبع لا يمكن تاخيرها

التأخير للحالات العادية

ومع ذلك أقول لابد من آلية جديدة مناسبة

[بصمة قطرية]

يجب إعادة النظر في نظام المواعيد في مستشفى حمد وفي مستشفى القلب بشكل عام


الحالات الطارئة كما هو متبع لا يمكن تاخيرها

التأخير للحالات العادية

ومع ذلك أقول لابد من آلية جديدة مناسبة

لا بد من آلية جديدة
و بأسرع وقت ..
الحالات المرضية تزداد و الضغط كبير على المستشفى
و العيادات ..
بعض الموضى لا يحصلون على أسرة ..
لا بد من إعادة النظر في المستشفى
من الألف إلى الياء ..

[رجل مثالي]

لاشكر على واجب والله يسلمك ياخوي .

تسلم أخوي

[eXpert*]

الحل إعادة النظر في الوافدين بتأشيرة زيارة ومدى أحقيتهم في أستخدام المرافق الصحية بأسعار رمزية !! ..

[رجل مثالي]

حتى الى جالس في الويل جير الكرسي المتحرك أمس في صيدلية عيادة القلب من المواطنين ما يحصل على أدويته أبسرعه لأن المفروض القطري الى على الكرسي المتحرك يحصل على أدويته بسرعة وهذا من الزحمة الى عاملها أنتوا
عارفين من والمفروض مساعدة لقطري بسرعة وهذا موجود عندهم في سيستم الصيدلية

[حمد بن سعد]

صديق لي امه مرقده في مستشفى القلب الله يشفيها ويعافيها ويشفى مرضى المسلمين ان شاء الله .

يشتكي من المعاملة السيئه اكثر من مره .


المجلس الاعلى للصحه

صباحكم خبيص