كم المده وصول الكهرباء

[العملة النادرة]

ولله الحمد والمنه شارفنا على النهاية والان يقوم المندوب باكمال اوراق اتمام البناء ..
في حاله جهزت اوراق اتمام البناء متى يتم الامداد بالكهرباء ...
علما ان المقاول مقدم على الكهرباء وفي شخص من كهرماء بزور البيت خلاص هالاسبوع كزياره اولى
ياريت تبشروني بخبر جيد ويكون اقل من شهر وتوصل بعد اتمام ورقه اتمام البناء ولكم جزيل الشكر

[معماري قطري]

لا تستعجل على السكن بسرعة جرب أَول أَشياء كثيرة مثل تصريف الماي تكرم في الحمامات وسلوب أَرضياتها والبانيوهات والشورات إِذا ما تسرب .. وتصريفها صح مب وقت التصيف يتسرب شوي ماي على البلاط.

بعد الكهرباء جرب التجهيزات الكهربية والسوكتات كلها وشوف لو فيه تسريب هواء من الدرايش ولا ربلات طايحة ولا تسكيرها ما يكون صح.

والكهرباء توصل حسب اجتهادك معاهم والمنطقة وتتدخل عوامل كثيرة.

[العملة النادرة]

وين ما استعجبل بنكمل 3 سنوات واحنا ننطر مافيها يا اخوي استعجال صبرنا صبر ايوب
انا سؤالي محدد وابي له جواب لو ورقه اتمام الكهرباء جهزت فل نفترض بكره كم يوم تحتاج الكهرباء لتوصل البيت في حاله ان كل شي تمام وان شاء الله كل شي تمام باذنه تعالي ؟؟؟

[الدبلوماسي]

انا 7شهور انتظر كهرماء توصل الكهربه و ماجات وعذرهم نقص ف مقاولين الحفر اما الفحص الاولي سريع
ف الاخر لاعت جبدي من البيت وطاب خاطري منه وبعته هههههههه

[معماري قطري]

وين ما استعجبل بنكمل 3 سنوات واحنا ننطر مافيها يا اخوي استعجال صبرنا صبر ايوب
انا سؤالي محدد وابي له جواب لو ورقه اتمام الكهرباء جهزت فل نفترض بكره كم يوم تحتاج الكهرباء لتوصل البيت في حاله ان كل شي تمام وان شاء الله كل شي تمام باذنه تعالي ؟؟؟

قصدي لا تستعجل في السكن قبل ما تفحص وتتأَكد من كل شيء

[معماري قطري]

انا 7شهور انتظر كهرماء توصل الكهربه و ماجات وعذرهم نقص ف مقاولين الحفر اما الفحص الاولي سريع
ف الاخر لاعت جبدي من البيت وطاب خاطري منه وبعته هههههههه

الله يعينك هذي خدماتنا وجهاتنا الخدمية تعبنا واحنا نشتكي .. انا وصلة شارع لبيتي مسافتها 10 متر ما سووها بسهولة بعد ما سكنت يمكن ب 3 سنين وما قصر مدير أَشغال ناصر المولوي لو ما تدخل كان للحين ما استوى الشارع .. ركبوا الليتات وللحين ما شغلوهم باقي شبكهم بالكهرباء والله يستر متى ينشبكون .. خدماتنا فيه واجد واجد زئيف

[مهاجر]

في اقل من اسبوع الكهربا تدخل اذا ورقة اتمام البناء جاهزه , كهرماء عندهم طلب لمد الكيبل وعادة ياخذ 4 شهور ومحتاج انك تقدمه خلال فترة البنيان اهم شي السور والصندوق يكونون جاهزين , والطلب الثاني بعد ماتخلص شغل كهربة البيت كامله ويجي شخص من كهرماء يختبر الكهربا ويتاكد من تطابق المواصفات فالبيت مع كهرماء واذا نجح الاختبار وخذت شهادة اتمام البناء تروح كهرماء تدفع الرسوم ويركبون لك ساهة الكهربا وعداد الماي ويشغلونهم :) وجعله منزل مبارك ان شاءالله