عفواً الشؤون الإجتماعية ..!!!

[بصمة قطرية]

بسم الله الرحمن الرحيم
السلام عليكم و رحمة الله و بركاته


لموضوع واضح من العنوان ..
يتعلق بالشؤون الأجتماعية
و مستحقي الرواتب ..

الحمدلله الدولة ما قصرت
الله يعز حكومتنا و يجزاهم خير ..
كلنا فرحنا بالزيادة الأخيرة ..

لكن العتب على سالفة قطع الرواتب عن بعض
أمهاتنا من كبار السن بحجة أنها غير مقيمة ..!!

يعني إمرأة كبيرة في السن لنفرض تروح تزور بناتها
في أحدى الدول الخليجية و تقعد عند بنتها فترة ..
و ما عندها حد هني تروح تغير جو و تستانس ..
ليش تدقيق على مسألة ( مقيمة و غير مقيمة ) لكبار السن ..!!!
المفروض كبار السن بستثنون من هالنقطة ..
حرام اش بقى من عمرهم خلوهم يستانسون ..
سمعت عن كذا حالة قطعوا عنها الراتب بحجة أنها ( غير مقيمة ) ..!!

و عندي مقترح ..
صرف رواتب لربات البيوت ..!
رجاءاً اللي بيقعد يتفلسف و يقول ما يستحقون
من الحين أقول يحتفظ برايه لنفسه ..
ما نبي حسد في الموضوع ..
بعض ربات البيوت عدوا سن التوظيف
و صعب يشتغلون في هالعمر ..

نتمنى توصل الملاحظة و الإقتراح ..
والله يوفق الجميع ..

[متواصل]

وعليكم السلام ورحمة الله وبركاته

اما الموضوع الاول
فمهما كانت الحجة المقدمه لهم
تجد عندهم عذر للقطع

فبعد ان قدمت لهم الاوراق التي تثبت بان والدتي
مسافره لاجراء عملية
كان ردهم
على هذا الرابط تجدون التكملة في المشاركة رقم 88
http://www.qatarshares.com/vb/showthread.php?599848-%E6%D2%C7%D1%C9-%C7%E1%DA%E3%E1-%E6%C7%E1%D4%C4%E6%E4-%C7%E1%C7%CC%CA%E3%C7%DA%ED%C9-%CA%C3%E3%D1-%C8%DE%D8%DA-%D1%C7%CA%C8-%DF%C8%C7%D1-%C7%E1%D3%E4-%C8%D3%C8/page9

اما بخصوص راتب لربات البيوت
يستاهلون
اشرف وظيفة تربية الابناء ورعايتهم
وتستحق الراتب

[مهرة]

..

وعليكم السلام والرحمة اختي بصمة ,,

بصراحة مافهمت بالضبط كيف يعني ( مش مقيمة) .!!

واذا هي قطرية وكبيرة ومالها الا هالراتب لسبب من الأسباب تستحق والحكومة ماقصرت بشي تجاه هالفئة ويستاهلون كل خير

وان شاءالله يدرسون موضوع راتب ربية البيت ويطبقونها واكيد أغلب الموظفات الكفء بتفضل قعدة البيت وتربيت الأجيال القادة

ويعطيج العافية ,,

[aloosh]

نعم اختي بصمه
انا اقترحت انه يكون فيه بصمه كل سنه للقادرين انهم يوصلون للمكان واللي ما يقدرون يجونهم ناس من الشؤن الاجتماعيه
اما اذا المساله حسد وتضيق عليهم فهذا شي مرفوض وسبق وشفنا الحسد من المسؤله على اهل الشؤن عندما صرحت في احد الجرايد انهم لا يستحقون زياده
اين ولاي الامر من هذا الموضوع الذي يذل فيه شيبانا وعجايزنا على 6000 ريال

وعن ربات اليوت يستاهلون اليس لهم حق من هذي المليارات التي تصرف على الفاضي عاجزين يمشون لهم على الاقل 5000 ريال

[ya3coub]

أتوقع موضوع غير مقيمة لمن يكون تواجدها برع البلد لأكثر من 6 شهور.

لا علم لدي أختي بصمة بس ان شاء الله تنفرج و اتكون القرارات واضحة و ايضا المبررات اوضح و الحالات الي يتم فيها الإعفاء مثل ما ذكر أخونا متواصل الي يسافرون للعلاج المفروض لا تشملهم "غير مقيمة"

و الكثير تكلمو فالراديو عن هالموضوع بالسابق

[Rider]

صرف رواتب لربات البيوت ..!
رجاءاً اللي بيقعد يتفلسف و يقول ما يستحقون
من الحين أقول يحتفظ برايه لنفسه ..
ما نبي حسد في الموضوع ..
بعض ربات البيوت عدوا سن التوظيف
و صعب يشتغلون في هالعمر

انا معاج اختي في هذا الاقتراح ومب شرط عدة سن التوظيف جلوسها في البيت وتربية اولادها هذي اشرف وأنبل وظيفية ويستحقون

[Aaziz]

التدقيق الزايد بهذا الشكل ماله داعي بصراحة ،،، صرفتو راتب الشؤون للمستحق وفق معايير معينه و بناء عليها تم قبوله كمستحق لراتب الشؤون لسد حاجته و اكرامه عن سؤال الناس .
فا لو كان في الدوحه او اقام فتره مستمره او متقطعه في دوله اخرى ،، ايضا سيكون بحاجه لسد حاجته عن سؤال الناس المساعده .

اما بالنسبه لصرف راتب لربات البيوت ،، فا اشوف انه صار ضروره ماسه و حق مستحق .

شخصيا اعرف حاله قريبه ،، شابه قطريه خريجه تربيه ماخلت مكان ماقدمت عليه حتى المدارس (في محيط السكن) و ايضا قدمت على ديوان الخدمه الاجتماعيه اذا ذكرت اسمه صحيح (الجهه الي تبحث لك عن وظيفه) و الى اليوم لم مالقت وظيفة .

[بصمة قطرية]

وعليكم السلام ورحمة الله وبركاته

اما الموضوع الاول
فمهما كانت الحجة المقدمه لهم
تجد عندهم عذر للقطع

فبعد ان قدمت لهم الاوراق التي تثبت بان والدتي
مسافره لاجراء عملية
كان ردهم
على هذا الرابط تجدون التكملة في المشاركة رقم 88
http://www.qatarshares.com/vb/showthread.php?599848-%E6%D2%C7%D1%C9-%C7%E1%DA%E3%E1-%E6%C7%E1%D4%C4%E6%E4-%C7%E1%C7%CC%CA%E3%C7%DA%ED%C9-%CA%C3%E3%D1-%C8%DE%D8%DA-%D1%C7%CA%C8-%DF%C8%C7%D1-%C7%E1%D3%E4-%C8%D3%C8/page9

اما بخصوص راتب لربات البيوت
يستاهلون
اشرف وظيفة تربية الابناء ورعايتهم
وتستحق الراتب

شكراً أخوي متواصل على مشاركتك
موضوع والدتك الله يحفظها من الأسباب
اللي خلتني أكتب هالموضوع ..
و نتمنى ينحل هالموضىع في أسرع وقت ..

نتمنى الموضوع يلقى صدى و تجاوب
عند الجهات المعنية ..
شكراً لك ..

[MirusS]

التدقيق الزايد بهذا الشكل ماله داعي بصراحة ،،، صرفتو راتب الشؤون للمستحق وفق معايير معينه و بناء عليها تم قبوله كمستحق لراتب الشؤون لسد حاجته و اكرامه عن سؤال الناس .
فا لو كان في الدوحه او اقام فتره مستمره او متقطعه في دوله اخرى ،، ايضا سيكون بحاجه لسد حاجته عن سؤال الناس المساعده .

اما بالنسبه لصرف راتب لربات البيوت ،، فا اشوف انه صار ضروره ماسه و حق مستحق .

شخصيا اعرف حاله قريبه ،، شابه قطريه خريجه تربيه ماخلت مكان ماقدمت عليه حتى المدارس (في محيط السكن) و ايضا قدمت على ديوان الخدمه الاجتماعيه اذا ذكرت اسمه صحيح (الجهه الي تبحث لك عن وظيفه) و الى اليوم لم مالقت وظيفة .

كلام يمثلني
وربات البيوت يستحقون بالذات من تمتلك مؤهل تعلمي على الاقل

[CH Engineer]

حفظا للحقوق.. تقدر تزورهم من فتره لفتره

[بصمة قطرية]

..

وعليكم السلام والرحمة اختي بصمة ,,

بصراحة مافهمت بالضبط كيف يعني ( مش مقيمة) .!!

واذا هي قطرية وكبيرة ومالها الا هالراتب لسبب من الأسباب تستحق والحكومة ماقصرت بشي تجاه هالفئة ويستاهلون كل خير

وان شاءالله يدرسون موضوع راتب ربية البيت ويطبقونها واكيد أغلب الموظفات الكفء بتفضل قعدة البيت وتربيت الأجيال القادة

ويعطيج العافية ,,

الله يعافيج حبيبتي مهرة ..
بالنسبة لمقيمة و غير مقيمة تحسب على عدد الأيام
اللي تقضيها خارج البلاد
على هالأساس يعتبرونها غير مقيمة في البلد
و يسقط عنها الراتب ..
أعترض على تطبيق هالنقطة لكبار السن ..
أوكي حاسبوا فيها اللي تحت الستين
اللي في عمر الشباب
لكن استثنوا منها كبار السن رأفةً بهم ..

أشكرج حبيبتي على مشاركتج ..

[QtrGate]

والله أني اتحسر لما اشوف الحسد والضغائن على أهل قطر
على 6 آلاف ريال يذلونهم

ولما تشوف رواتب الأجانب في قطاعات البترول ( ماشاء الله )
راتب شخص واحد منهم مع البونص نهاية السنه يعادل راتب عشرين شخص من الشؤون
طبعا غير بدل التذاكر والامتيازات الاخرى
الله يزيد الجميع

لأكن صراحه شي يقهر
ماشاء الله الخير تارس البلد
وخير قطر غطى القريب والبعيد

فيا حبذا يتكرمون على شيابنا وعجائزنا ويعطونهم رواتبهم بدون مسائله او مجادله

[ام ناصر1]

والله أني اتحسر لما اشوف الحسد والضغائن على أهل قطر
على 6 آلاف ريال يذلونهم

ولما تشوف رواتب الأجانب في قطاعات البترول ( ماشاء الله )
راتب شخص واحد منهم مع البونص نهاية السنه يعادل راتب عشرين شخص من الشؤون
طبعا غير بدل التذاكر والامتيازات الاخرى
الله يزيد الجميع

لأكن صراحه شي يقهر
ماشاء الله الخير تارس البلد
وخير قطر غطى القريب والبعيد

فيا حبذا يتكرمون على شيابنا وعجائزنا ويعطونهم رواتبهم بدون مسائله او مجادله
خوش رد ...ما يعلى عليه ....المشكلة في قطر على حسب ظني فيه سياسة مزدوجة .... على ناس غفور رحيم وعلى ناس شديد العقاب
والسبب مفهوم الدولة والمواطنة والضرائب غير متوازن ....فالدولة ما تنظر للشخص كمواطن له حقوق وعليه واجبات وله خدمات وتأمينات
ينظر لنا كمواطنون علينا واجبات وأخذنا أكثر مما نسحق من خدمات ...مجانية ...
لذا السياسية في قطر إذا ماتغيرت نحو مشاركة المواطن بالرسوم والضرائب ....سنظل نعاني من تعاظم سلطة الدولة وتضائل حقوق المواطنة
سيغضب هذا الكثيرين في البداية ....لكنه الطريقة الوحيدة لتوازن العلاقة بين الدولة والمواطن ...

ومن الآخر ....السياسة المتبعة ..قيمة الفرد ...العادي ....عندنا هي بقائه على رأس عمله ....إذا كان متقاعد ... أو شايب ....راحت عليه ...

[R 7 A L]

قانون قديم
نتمنى ان يتغير

[بوحارب]

والله ياريت يصرفون راتب لربة المنزل

يكفي انها قاعدة عشان عيالها

تحياتي بصمه

[الشحروره]

يجب صرف راتب لجميع كبار السن رجال ونساء ضمان لهم في هذي الحياه هذا موضوع لا يحتاج لي اي تفكير هذا يستحق وهذا لا يستحق كل كبار السن هم في امس الحاجه للراتب ليعيش حياه كريمه لا يحتاج احد يصرف عليه سواء ابناء او زوج وخصوصا المراه التي هي الام فهيا لا تعمل وتحتاج للراتب

[بصمة قطرية]

نعم اختي بصمه
انا اقترحت انه يكون فيه بصمه كل سنه للقادرين انهم يوصلون للمكان واللي ما يقدرون يجونهم ناس من الشؤن الاجتماعيه
اما اذا المساله حسد وتضيق عليهم فهذا شي مرفوض وسبق وشفنا الحسد من المسؤله على اهل الشؤن عندما صرحت في احد الجرايد انهم لا يستحقون زياده
اين ولاي الامر من هذا الموضوع الذي يذل فيه شيبانا وعجايزنا على 6000 ريال

وعن ربات اليوت يستاهلون اليس لهم حق من هذي المليارات التي تصرف على الفاضي عاجزين يمشون لهم على الاقل 5000 ريال

هالشي معمول فيه
كل سنه يتم تجديد بيانات الحالات
و اللي ما يقدر يروح بسبب كبر سن أو أي سبب ثاني
في خدمة إسمها ( آمرني ) يروحون له للبيت ..
اللي صرحت سابقاً راحت ..
لو دامت لغيرك ما وصلت لك ..
الحمدلله الزيادة حلوة و الكل فرح بيها
يستاهلون كل خير ..
بس العتب على التدقيق لكبار السن ..


نتمنى يتم النظر في موضوع ربات البيوت ..

مشكور اخوي على مشاركتك ..

[بصمة قطرية]

أتوقع موضوع غير مقيمة لمن يكون تواجدها برع البلد لأكثر من 6 شهور.

لا علم لدي أختي بصمة بس ان شاء الله تنفرج و اتكون القرارات واضحة و ايضا المبررات اوضح و الحالات الي يتم فيها الإعفاء مثل ما ذكر أخونا متواصل الي يسافرون للعلاج المفروض لا تشملهم "غير مقيمة"

و الكثير تكلمو فالراديو عن هالموضوع بالسابق
مرحبا أخوي يعقوب ..
سالفة مقيمة و غير مقيمة شرحتها في ردي على مهرة ..
تحسب بعدد الأيام اللي يقضيها الشخص خارج البلد ..
في موضوع أخوي متواصل أمه تتعالج على حسابها هاي أول نقطة
ثانياً هي تتابع هناك و قاعدة عند بنتها ..
يعني اعتبروا هالأسباب غير كافية ..!!!

[بصمة قطرية]

صرف رواتب لربات البيوت ..!
رجاءاً اللي بيقعد يتفلسف و يقول ما يستحقون
من الحين أقول يحتفظ برايه لنفسه ..
ما نبي حسد في الموضوع ..
بعض ربات البيوت عدوا سن التوظيف
و صعب يشتغلون في هالعمر

انا معاج اختي في هذا الاقتراح ومب شرط عدة سن التوظيف جلوسها في البيت وتربية اولادها هذي اشرف وأنبل وظيفية ويستحقون

أشكرك أخوي ..
إن شاءالله يتم النظر في هالإقتراح ..

[بصمة قطرية]

التدقيق الزايد بهذا الشكل ماله داعي بصراحة ،،، صرفتو راتب الشؤون للمستحق وفق معايير معينه و بناء عليها تم قبوله كمستحق لراتب الشؤون لسد حاجته و اكرامه عن سؤال الناس .
فا لو كان في الدوحه او اقام فتره مستمره او متقطعه في دوله اخرى ،، ايضا سيكون بحاجه لسد حاجته عن سؤال الناس المساعده .

اما بالنسبه لصرف راتب لربات البيوت ،، فا اشوف انه صار ضروره ماسه و حق مستحق .

شخصيا اعرف حاله قريبه ،، شابه قطريه خريجه تربيه ماخلت مكان ماقدمت عليه حتى المدارس (في محيط السكن) و ايضا قدمت على ديوان الخدمه الاجتماعيه اذا ذكرت اسمه صحيح (الجهه الي تبحث لك عن وظيفه) و الى اليوم لم مالقت وظيفة .

أخوي عزيز
من حقهم يحطون قوانين عشان يصمنون الشخص إنه مقيم في قطر
ما يجي بس عشان يستلم الراتب
أو إنه يستلمه و هو مقيم في دولة ثانية ..

ما نعترض على هالشي
اعتراضنا على التدقيق لكبار السن بس ..
المفروض يستثنونهم من هالشي ..


نتمنى من أصحاب الشأن النظر في مسألة
رواتب ربات البيوت ..

[بصمة قطرية]

كلام يمثلني
وربات البيوت يستحقون بالذات من تمتلك مؤهل تعلمي على الاقل

أشكرك أخوي فايبر
نتأمل خير من أصحاب الشأن ..

[محب قطر 64]

اعتقد ان بكشف الراتب للموظفين ببعض الدول نسبة للاولاد وللزوجة وللمعالين الاب او الام
ممكن حسم نسبة الزوجة + اعطاءها بدل بطالة للخريجة ولا تعمل الا بتربية الاولاد = راتب دائم لربة البيت
كل شيء ممكن وهو حق لها

[بصمة قطرية]

حفظا للحقوق.. تقدر تزورهم من فتره لفتره

اخوي
كبار سن نقلتهم ثقيلة و مرات ما يحبون يسافرون كل فترة ..

[w.qatar]

احس وزاره الشئون سياستها هي كيفيه التضييق على كبار السن اللي ماعندهم واسطه ويتعمدون اهانتهم ومعاملتهم تكون بخياس نفس عشان يتعبون ويملون ويتنازلون عن الشئون
اللي عنده واسطه بتمشي اموره وبيساعدونه يتحايل عالقانون بعد
امي بنفسها كانت هناك شافت وحده جايه تقدم الموظفه قالت لها ما بيمشون لج لان عندج تجاره ومحلات روحي انقلي السجل التجاري باسم حد من عيالج و تعالي بنمشيه لج !!!

[قطري 777]

انا معاج واضم صوتي لصوتج هي في الا خير مواطنه ولها حقوق مثل ماعليها واجبات ولا اتفق معاج بخصوص ربات البيوت وين ازواجهم المفروض هم مسوولين عنهم والعلاوه الزوجيه له بروحه : ))

بسس اضيف ع اقتراح المواطنين والموطنات الي فووق 22 سنه ماتوظفو ومقدمين وينطرون دورهم في التعين يستحقون راتب شهري ...