اقتراح لزيادة ترخيص المركبات

[MAZEN37]

تحياتي للجميع
اقترح يكون الفحص السنوي للسيارات تكون صلاحيتها سنتين
بدلا من سنه واحده
ويدبلون الرسوم للمرور وشركات التامين
مثال اذا تكلفت الترخيص والتامين 1000 للسنه ياخذون 2000
وبهالمقترح نسهل علي الناس والزحمه والفكه من دوشة الكراجات
واستغلالهم ويخف الضغط
اعتقد نظام السنتين موجود بالسعوديه ودول اخري
الحين السنه تمر صاروخ
وشكرا والله من وراء القصد

[ya3coub]

أتفق معاك أخوي و بالسعودية اتوقع كانت كل 3 سنين


والله ياريت خصوصا انه السيارة بعد 3 سنوات ليلحين تعتبر جديدة ماله داعي الفحص الفني و التخضخض

اتمنى ايظا فوق طلبك أخوي انه السيارات الجديدة يبدأ الفحص الفني بعد 5 سنوات من أول تسجيل لها.

[أبورودي]

السلام عليكم
انا اري ان السنوي يحافظ على المظهر الحضاري للدوله لانك بتشوف عدد قليل جدا من السيارات المدعومهتسير فى الشوارع بالضافه لحرص كل مالكى السيارات على صيانه سيارتهمبصه دوريه ليتات .......... الخ

[رجل الجزيرة]

السلام عليكم
انا اري ان السنوي يحافظ على المظهر الحضاري للدوله لانك بتشوف عدد قليل جدا من السيارات المدعومهتسير فى الشوارع بالضافه لحرص كل مالكى السيارات على صيانه سيارتهمبصه دوريه ليتات .......... الخ

يا ما سيارات ملخلخة في الشوارع وأي دعمة خفيفة تنثرت في الشارع.

[Rider]

المفروض السيارة الجديدة خمس سنين ماعليه فحص وبعد الخمس سنين كل اربع سنين وكل سنة ينزلون سنة افضل لكن هم يبغون الفلوس لو ودهم السيارة تطلع من الوكالة في الفحص الفني ثاني يوم

[Aaziz]

اشوفه سنه مناسبه ،، الي محتاج تعديل هي معاييرهم ،، والله امس اشوف مازدا اتزان و ميلان السياره مش صحيح و خطر .. السياره مايله جهه السايق بشكل غريب و محمل و يمشي يمكن 60 ومايقدر يزيد على حال هالسياره الي شفته و الشارع سرعته 120 (الخط الجديد الي فتحوه من المزروعه الى سلوى) .. هذا شلون رخصو سيارته .. مايشوفون ؟

[GENIUS]

من كم سنة أعتقد سنتين أو أكثر كانت السيارات الجديدة ترخص لثلاث سنوات كونها لا تحتاج للفحص الفني لأول ثلاثة سنوات وكان هذا العرض اختياري لكن لا أعلم اذا كان هذا النظام ما زال معمولا به حاليا.

[مخطط قطري]

اقتراح ممتاز

[فرفوش]

المفروض الجديده 4 او 5 سنين

والشبه جديده كل سنتين

والسيارات القدام سنويا

[بوNasser]

حتى في بريطانيا كل سنة فيه فحص للسيارات

لكن الفحص يتم في كراجات كثيرة معتمدة من وزارة النقل (mot) ، وحتى هناك فيه بعض التلاعب من الكراجات، لكن العقوبات مشددة بالفعل.

اهنيه لو يبون يسهلون للناس:

1 - ممكن يفتحون مراكز فحص فني اكثر ،

2 - أو يعتمدون الفحص الفني لوكالات و كراجات ، ذات معايير محددة ، مع عقوبات صارمة للمتلاعبين تصل الى الإغلاق في حالة ثبوت اي مخالفة عليهم، مع توحيد اسعار فحص السيارات لتكون مثل اسعار الفحص الفني.

[النظامي]

أقترح الجديدة 5 سنوات

والمستعملة 3 سنوات

الحين السنة تمر بسرعه الله يكفينا شرها الواحد ما يلحق غمض فتح .... يالله روح الفحص الفني

واللي يقول عشان المظهر الحضاري ولا عشان السلامة المرورية .... الحين الفحص كل سنة والشوارع متروسة من السيارت المتهالكة والغير صالحة وتستغرب وشلون عدت من الفحص

تسلم يا مازن على الموضوع المميز


وننتظر منك الاجمل

[7llo]

على فكره السيارات الجديده ماتنفحص الا بعد مرور 3 سنوات يعني اذا سيارتك موديل 2015 تنفحص في 2018

[شيخ الديرة]

الأقتراح غير موفق.

حل المشكلة يبدأ بتحديد أطارها

المشكلة ليست في كثرة السيارات, وأنما في قلة مراكز الفحص. أبسط شي يسوون الخدمة 24 ساعة متواصلة وهذا يضاعف توفر الخدمة 3 مرات

[R 7 A L]

خلها على سنة

لا يخلونها كل شهر ):

[موظف ((حكومي]

لاتعليـــــــــــــــــــــــق

[khalid525]

اقتراح حميل

[.. الكاش ..]

اقتراح في محاله بالفعل مقترح منطقي وله ايجابيات من كذا ناحيه اتمنى يوصل للجهات المعنيه ويتم البدء فيها