ياويلكم من الله يا أشغال

[بومحمد55]

موضوعي طرحته في وطني الحبيب اليوم وسبق أن طرحت نفس
الموضوع تقريباً قبل أسبوع .
موضوعي عن ضيق الشوارع في منطقة روضة إقديم شمال بني هاجر . يا جماعة الخير ويا مهندسين عمركم شفتو مدخل فريج يسع
لسيارة واحدة يعني أذا بادخل الفريج وفي سياره تبي تطلع من الفريج لازم واحد فينا ينتظر السيارة اللي بتطلع أو بتدخل هاذي أول نقطه .
النقطه الثانيه أنا عندي سيارتين كبار (سوبربان، وسلفرادو )
ومن ضيق الشارع ماقدر أدخل البيت أو أطلع من البيت لازم أركب فوق الرصيف .

أتصلت على هيئة أشغال وقدمت شكوى واتصلت وطني الحبيب وبعد
ماسكرت تواصلو معاي من أشغال خذو أسمي ورقم البيت ؛ يا ناس
الشكوى على شوارع المنطقة كلها مو بيتي .

المهم اليوم أشوف العمال يكملون الشغل رحت كلمت الفورمن اللي
ماسك المشروع قالي محد كلمهم وراح يكملون المشروع وأذا في تعديل راح يعدلون بعدين .

هذا دليل على أهمال وتخبط واللعب في أموال الدولة.

أنا أتمنى أي مسؤول يطلع ويشوف المشروع الفاشل .

[Aaziz]

الشيخ ،،، هل فيه مساحه كافيه عشان يوسعود المداخل ،، ولا فيه طوف بيوت يمين و يسار المدخل .. و انصحك بضروره تصوير الشوارع و المداخل و ياليت تصور و سيارتك لافه في المدخل عشان تبين ضيق المداخل حسب وصفك و ترفقها في الموضوع هذا عشان يتضح الوضع و تكتمل الصوره .

[Rider]

ايه سمعت شكوتك اليوم في وطني صباح الخير بس ياخوي مافيه داعي تدعي على الناس فيه أشخاص مالهم ذنب مجرد موظفين عاديين في أشغال

[بومحمد55]

الشيخ ،،، هل فيه مساحه كافيه عشان يوسعود المداخل ،، ولا فيه طوف بيوت يمين و يسار المدخل .. و انصحك بضروره تصوير الشوارع و المداخل و ياليت تصور و سيارتك لافه في المدخل عشان تبين ضيق المداخل حسب وصفك و ترفقها في الموضوع هذا عشان يتضح الوضع و تكتمل الصوره .

أي أخوي في مساحات كبيرة والجزيرة كبيره يسرح فيه الخيل
وكل سكان المنطقه يشتكون

[بومحمد55]

ايه سمعت شكوتك اليوم في وطني صباح الخير بس ياخوي مافيه داعي تدعي على الناس فيه أشخاص مالهم ذنب مجرد موظفين عاديين في أشغال

أنا أقصد المهندسين اللي سلمناهم أمانة وقاعدين يلعبون في مخططات الدوله وميزانيتها عيل في حد يسوي مدخل ومخرج من مسار واحد

[محاسب]

أخوي ..... قول الي بخاطرك ... وانصح .. وذكر
ودعي لهم بلهدايه .....وبين الصح من الغلط للناس
وكل ابن ادم خطاء
بتصير كلها حسنات لك
...
خير ماسويت أنك وضحت المشكله ... في منبر عام
عساهم في القريب العاجل ... يصلحون الأمر
ويحفظك من كل مكروه

[مرتبش]

ملاحظ ضيق مداخل الشوارع او التقاطعات في منطقة الثمامة.. المنطقة فيها 4 مدارس والباصات تضيق المكان اكثر.
نفس المشكلة تتكرر وتتكرر ومايبون يصلحونها او يهتمون بحلها.

[aloosh]

احسن منطقه عجبني فيها تخطيط ابو نخله ترتيب صراحه المفروض يمشون على نفس التخطيط تخطط الشوارع قبل البناء

[مواقف النجادة]

لابد من سياسة الثواب و العقاب في هذه المؤسسة ..
دوام الله بالخير .. كله جلسات عقار و ريوق .. كل واحد يقط المسئولية عالثاني ..
و الإدارة مشغولة بالموتمرات الصحفية و المجسمات .. بينما مشاريعهم بعد التنفيذ وعلى الأرض .. سواد وجه ولا تراعي المستخدمين تصميماً و تنفيذاً.

[Right]

سؤال:


هل لدى أشغال مهندسيين فعلاً ؟!

[رجل مثالي]

موضوعي طرحته في وطني الحبيب اليوم وسبق أن طرحت نفس
الموضوع تقريباً قبل أسبوع .
موضوعي عن ضيق الشوارع في منطقة روضة إقديم شمال بني هاجر . يا جماعة الخير ويا مهندسين عمركم شفتو مدخل فريج يسع
لسيارة واحدة يعني أذا بادخل الفريج وفي سياره تبي تطلع من الفريج لازم واحد فينا ينتظر السيارة اللي بتطلع أو بتدخل هاذي أول نقطه .
النقطه الثانيه أنا عندي سيارتين كبار (سوبربان، وسلفرادو )
ومن ضيق الشارع ماقدر أدخل البيت أو أطلع من البيت لازم أركب فوق الرصيف .

أتصلت على هيئة أشغال وقدمت شكوى واتصلت وطني الحبيب وبعد
ماسكرت تواصلو معاي من أشغال خذو أسمي ورقم البيت ؛ يا ناس
الشكوى على شوارع المنطقة كلها مو بيتي .

المهم اليوم أشوف العمال يكملون الشغل رحت كلمت الفورمن اللي
ماسك المشروع قالي محد كلمهم وراح يكملون المشروع وأذا في تعديل راح يعدلون بعدين .

هذا دليل على أهمال وتخبط واللعب في أموال الدولة.

أنا أتمنى أي مسؤول يطلع ويشوف المشروع الفاشل .


نعم أنا بعد مع الأخ الي يقول صور الغلط
مال ضيق الشارع وطرشه لاشغال حتى
يعملون اللازم

[CH Engineer]

سؤال:


هل لدى أشغال مهندسيين فعلاً ؟!






عندهم بس نص مهندس والشغل على المقاولين