قطر تسحب عطورا ومستحضرات تجميلية لاعتبارها مسيئة للتقاليد

[رجل الجزيرة]

http://i.cdn.turner.com/dr/cnnarabic/cnnarabic/release/sites/default/files/styles/landscape_780x440/public/image/B7AR6n2CMAI4zBm.jpg?itok=PUZ5-JhR

الدوحة، قطر (CNN)-- أمرت السلطات القطرية بسحب زجاجات عطر وعلب مستحضرات تجميل لعدد من العلامات التجارية الرائدة منها التي توزعها محلات الثياب الداخلية النسائية الشهيرة "فيكتوريا سيكريت"، معتبرة إياها مسيئة للتقاليد الاجتماعية.

ووفقا للائحة معروضات المحلات، وتغريدات مستهلكين فإنّ الأمر يتعلق بمنتجات تحمل اسم "فراولة وشامبانيا" وأن المحل الذي سحبت منه يقع في مركز تجاري شهير في العاصمة الدوحة.

وقالت الوزارة في تغريدة على صفحنها الرسمية بموقع التواصل الاجتماعي، تويتر: إن "المنتجات تتعارض مع العادات والتقاليد والقيم الدينية" فيما قالت تقارير إعلامية محلية إنّ التحرك تقرر بعد شكوى قدمها أحدهم إلى السلطات.

http://arabic.cnn.com/business/2015/01/12/qatar-victoria-secret-shops

[همر]

وبلاي بوي مش مسيئه للتقاليد ؟!! :eek5:

[monatee]

ليش ادخلت من الاساس

[راجي الْعفو]

شامبانيا !

همران !

[al saad]

الشامبنيا الاصليه موجوده ماجات على العطر ^___^

[رهج السنابك]

ليش مسيئه مافهمت؟!!
ع قوله الي فوقي الشمبانيا بكبرها موجوده
ولا الفرواله مع الشمبانيا غير!

[qtr qtr]

هههههههههههه
شي يضحك الصراحه

[بوحارب]

اشفيكم زعلانين ياللي فوق !!

جزاهم الله خير على هذا العمل الطيب



:)

[Rosy]

ههههههه شر البليه ما يضحك , ع اسم بغرشه عطر وكريم سوها سالفه ,

[القبطان سلفر]

شر البلية ما يضحك .

[الحياة الخالدة]

شي طيب
و يا ليت يعممون الإزالة على الشمبانيا الحقيقيـــــــة من أماكن تواجدها

[R 7 A L]

خلهم وياهم

[Red point]

والله العجب نجوفه كل يوم يعني الحين عشان اسم سوو لهم سالفة !! ومثل ما قالو الاخوان طيب الخمور الي تارسة الفنادق والمطار وشوي شوي بتدخل حتى ف الاماكن العامة ليش محد تكلم عنها ؟ وله ذيك الخمور ما تسئ للمبادئ والقيم الي يتكلمون عنها

[همر]

شامبانيا !

همران !



خخخخ احتمال مب حلال شمبانيا :)

[رهج السنابك]

دخلت الاماكن العامه وخلصت
الحين بالمطاعم وفي وضح النهار


حطوا حيلكم وجيدكم في الصج

[النظامي]

فعلاً .......... شر البلية ما يضحك

ان شاء الله نسمع عن قريب منع الخمور بجميع انواعها من قطر و الخطوط القطرية

[khk]

هي حركة كويسة لكن إذا كان السبب الأسم فعندنا عطوارات بأسماء أقوى مثل عطر sexy 212 وغيره

[المحاميه]

استغفر الله العلي العظيم

كالعاده

لو ماتحركوا قلتوا نايمين فالعسل ولا مفتكرين

ولو تحركوا قلتوا ليش وشفيها وعادي


ياريت كل واحد يقعد مع نفسه ويحدد وجهة نظره
ويرسى له على بر

قمة التناقض مايعجبكم شي

!!!

[Charisma]

صباح الخير .

[كازانوفا]

الحمدلله انهم انتبهو مع انها قديمه هاي العطورات

[ameeer3]

عقبال باقي الاماكن الي تبيع الخمور

[بوحارب]

وانا احسب النفسيات في الاستراحة بس ههههههههههههههههه

[بو خليفه 123]

ليش مسيئه مافهمت؟!!
ع قوله الي فوقي الشمبانيا بكبرها موجوده
ولا الفرواله مع الشمبانيا غير!

اول مره ادري ان فيه شامبانيا بالفراوله .. و منكم نستفيد .

جزاهم الله خير على سحب هذي المنتجات , و بما ان هذي المنتجات بمتناول الجميع بتكون من صالح المستهلك يسحبونها , و الشامبانيا بالفراوله الي تتكلمون عنها (الخمر) ليست بمتناول الجميع .

[العلياا]

وبلاي بوي مش مسيئه للتقاليد ؟!! :eek5:

بلغ عن مكان تواجدها والاخوان في وزارة الاقتصاد والتجارة ماراح يقصرون
شرط يكون على تويتر :victory:

مشاركة ووضعتها امس وتجاوبهم السريع مع الشكوى


نشكر اخواننا في وزارة التجارة والصناعة على جهودهم

هنا شكوى واتخاذ اجراء سريع من قبلهم :victory:

http://www.dohaup.com/up/2015-01-12/admin24267920.jpg (http://www.dohaup.com/)

http://www.dohaup.com/up/2015-01-12/admin971331726.jpg (http://www.dohaup.com/)

[دااانة قطر]

شي طيب
و يا ليت يعممون الإزالة على الشمبانيا الحقيقيـــــــة من أماكن تواجدها


صح
وخل يلغون الخنزير بعد

[غايه الطواش]

على الي قدرون عليه ,مساكين
وساتنا كلوز مرزز في محل نفس هالمجمع اماقالو شي
فالاخير الي انسحب كريمات جسم وشاور جل
البلا بالمحل الي ف بوهامور

فالانتاين داي الشهر الياي بشوف اذا بسكرون محل يسئ لعادات وتقاليد البلد

[حبر وقرطاس]

نعم صارت سالفه وتحركت الجهات المعنيه لان مقدم الشكوى انسان مثقف وواعي وعرف كيف يشتكي مب قرقرقرقر وتحلطم فالنت هههع

[بن مسلم]

والفنادق الي تبيع الخمر بكل انواعه ليش مش ممنوع ولا حق ناس وناس الصراحه تخلف والله

[الحياة الخالدة]

نعم صارت سالفه وتحركت الجهات المعنيه لان مقدم الشكوى انسان مثقف وواعي وعرف كيف يشتكي مب قرقرقرقر وتحلطم فالنت هههع

زين .. و اللي يبي يشتكي على الخمور في الفنادق و السوق الحرة و على متن الخطوط القطريــــــة وين يروح ؟؟

[رهج السنابك]

زين ياحبر وقرطاس وهالانسان المثقف ماعرف يشتكي ع الخمور


جات على اسم عطر مسكين ترا اسم بس
وع فكره في مشروب بالسعوديه يسمونه شمبانيا سعودي

تسحبون عطر عشان اسمه وماسحبتم المحرمات!!!

[يمامـة]

شسالفة؟

حاطين اسم قطر في الموضوع؟

وفي الأخير مب معروف شنهي السالفة؟

هل المشكلة في اسم الشامبانيا ....> صح يحق لهم
بس فراولة ليش ممنوعة؟.............> والا الاسمين متلازمين بنفس الماركة؟

ياربي علي لما اصير خارج التغطية ما استوعب شي من ثقافة الماركات :shy:

[يمامـة]

اول مره ادري ان فيه شامبانيا بالفراوله .. و منكم نستفيد .

جزاهم الله خير على سحب هذي المنتجات , و بما ان هذي المنتجات بمتناول الجميع بتكون من صالح المستهلك يسحبونها , و الشامبانيا بالفراوله الي تتكلمون عنها (الخمر) ليست بمتناول الجميع .

بو خليفة اسحبوا منتجات تجميلية تحمل اسم فراولة وشمبانيا تبا لهم حتى كتابة الاسم صعب..

السؤال الحين البلاي بوي اللي العن وادمر وافتك بالمجتمع مرتز وما صار له شي
اسم شامبانيا سبب لهم الرعب؟

شخصيا مب معترضة على السحب بسبة اسم الشامبانيا بس محتارة ليش مب قادرين على اسم البلاي بوي؟

سؤال محيرني.......> عندك إجابة عليه؟

[kawkawii]

عادي هاي اسامي في محل نسائي لحريم كبار
مب عام و لا لليهال علشان انقول ان غبائهم بيخلي هالتسميات الي هدفها ان تكون مغريه للمتع الدنيويه من انتاج اجنبي ان تخلي مثلا حد يبطل ويدقها!!

مادري شهالتخلف والتسبب!!

كفايه انهم ما يبيعون منتجاتهم الخاصه بالملابس الداخليه عندنا مثل باقي العالم

[رهج السنابك]

شسالفة؟

حاطين اسم قطر في الموضوع؟

وفي الأخير مب معروف شنهي السالفة؟

هل المشكلة في اسم الشامبانيا ....> صح يحق لهم
بس فراولة ليش ممنوعة؟.............> والا الاسمين متلازمين بنفس الماركة؟

ياربي علي لما اصير خارج التغطية ما استوعب شي من ثقافة الماركات :shy:


مب منج خارج التغطيه

من الغطه الي مدري وين تغطين فيها ثم تطلعين
اعترفي

[العقل المدمر]

حلو انهم استجابوا حق الشكوى واسحبوه
بس محد شال شير الكرسمس اللي كانت محطوطه فكل مكان
والا شير كرسمس من العادات والتقاليد ؟
واعلام بريطانيا اللي تنباع وعليها صليب ؟
والاكسسوارات اللي عليها صليب ؟
اتمنى يستجيبون حق الاشيا الاهم

[(بوطلال)]

بارك الله فيهم خطوه طيبه. بخصوص بلاي بوي هذي وحده من الاخوات حاطه شكواها وتجاوب الجهات المختصه.

اما الي يقول شمعنى هالشغلات ومخلين الخمور فمثل هذه الامور الي تعرض للعامه فيجب تشديد الرقابه عليها لان اهلي وعيالي يمرون عليها عند دخولهم المجمعات او المحلات اما الخمور فهي في الفنادق يمكن طول عمري مامر عليها ولا اشوفها

[.. الكاش ..]

ماعندهم سالفه في اسماء واشياء غيرها ليش ماتشطرو عليها

[وطن]

زين ياحبر وقرطاس وهالانسان المثقف ماعرف يشتكي ع الخمور


جات على اسم عطر مسكين ترا اسم بس
وع فكره في مشروب بالسعوديه يسمونه شمبانيا سعودي

تسحبون عطر عشان اسمه وماسحبتم المحرمات!!!

عدل كلامج
بخصوص الشامبين السعودي
ويسوونه هني في البيوت مكوناته كلها حلال بس اسمه شامبين

تراها اسامي

هذا اسم عطر مب معناها يحتوي على شامبين !!!


من وجهة نظري في أشياء أهم المفروض يتخذون اجراءات ضدها
مب اسم عطر ولا كريم !!

[حمد بن سعد]

اكيد التاجر زعل المخرج

[Qa10]

تعارض
يالله عقبال مايسحبون رخص البارات

[Qa10]

للعلم "شامبين" اسم مدينه في فرنسا

[يمامـة]

مب منج خارج التغطيه

من الغطه الي مدري وين تغطين فيها ثم تطلعين
اعترفي

اعتقد اني اعاني من اكتئاب رقمي ..نفسي عافت اي شي رقمي الا لعبة كاندي كراش بنسختينها
مع كم لعبة ثانية..

الا اني اجاهد للحد من تفاقم المشكلة والدخول في حين غفلة من الاكتئاب الى العالم الرقمي..:shy:

بس انتي قولي لي شنهي سالفتج مع مواضيعج اللي تنحذف؟ اقصد شنهو شعورج:shy:

[ضوى]

حتى بسنتر بوينت فيه عطر فواحات اسمه شامبين

[يمامـة]

حتى بسنتر بوينت فيه عطر فواحات اسمه شامبين

معليه يا اخويتي

الحين شامبانيا ولا شامبين؟
وشنهو يعني شامبين؟

[ضوى]

تنكتب شامبين

بس لفظ شامبانيا مدري من وين

[يمامـة]

تنكتب شامبين

بس لفظ شامبانيا مدري من وين

يعني اخرتها متبلين على العطر المسكين محولينه من شامبين لين شامبانيا؟

ليش هالافتراء ياحماية المستهلك؟:looking:

[ضوى]

يمامتي الجميلة

شامبين تعني الشامبانيا بالعربي :shy:

[يمامـة]

يمامتي الجميلة

شامبين تعني الشامبانيا بالعربي :shy:

هااا
صج؟
من متى .. قاتل الله التخلف الثقافي..
بس الحين مسوين عطر ومسمينه شامبين ولا هو عطر مستورد واسمه شامبين؟

[ضوى]

هااا
صج؟
من متى .. قاتل الله التخلف الثقافي..
بس الحين مسوين عطر ومسمينه شامبين ولا هو عطر مستورد واسمه شامبين؟

الاثنين يمامتي

[يمامـة]

الاثنين يمامتي

يعني مستورد واسمه شامبين.. زين هالاجانب يوم سموه شامبين كانوا يقصدون الشامبانيا؟

معليه اعذريني بس على اسئلتي لاني مب مستوعبة شسالفة؟

[ضوى]

يس يس

[يمامـة]

يس يس

تسلمين على التوضيح...

[القبطان اكس]

قمة التخلف من إدارة خدمية في بلد ديموقراطي

شيقولون العالم عنا ونتكلم عن الانفتاح

يعني احين صادروا العطور اللي اسمها whatever وخلووا الحريم اللي ايبيعون هالعطور وبملابس فاحشة واقفين بلا رقيب ولا توجيه

[عس عس]

:nice:
اكيد التاجر زعل المخرج

ههههههههه حلووووه منك خالي :tease:

[أم محمد 90]

ليش مسيئه مافهمت؟!!
ع قوله الي فوقي الشمبانيا بكبرها موجوده
ولا الفرواله مع الشمبانيا غير!

شي يفشل ويضحك !

مستوى التجاره عندنا فااااااشل لاقصى حد !

يبون يمنعون شي خل يمنعون الخمر من البلاد !!!!

يعني استغرب تفتحون محل ووكالة وحالة وتجيبون زبالته عندنا وتبيعونها ع اساس انها نيو كولكشن

والله فكتوريا سيكرت لما افتحوه هني عيبت عليه لين الله شاف لي قلت فكتوريا وفتكوريا وجي زبالة
والبنات يقولون والله انه حلو بس عندنا ماجايبين شي عدل كله قديم
وع كثر لروحاتي دبي مافكر ادخله لاني كرهته بس اخر مرة دخلته عجبني شي من واجهة العرض
لما دخلته انصصصصصدمت انه غييييييييييييييييييير
من بيجامات من ملابس داخليه من شوزات بيت من مكياج عطور ملابس رياضة شنط اكسسوارات !!!
ورجع حبي للمحل !

يعني لما تقررون تفتحون شي عندنا افتحوه بكبره مب جزء وجزء لا !
جد مجمعاتنا واسواقنا فااااااااااااااااااااااااااااااااااااااااااااشلة .

[للصبر اخر]

شي يفشل ويضحك !

مستوى التجاره عندنا فااااااشل لاقصى حد !

يبون يمنعون شي خل يمنعون الخمر من البلاد !!!!

يعني استغرب تفتحون محل ووكالة وحالة وتجيبون زبالته عندنا وتبيعونها ع اساس انها نيو كولكشن

والله فكتوريا سيكرت لما افتحوه هني عيبت عليه لين الله شاف لي قلت فكتوريا وفتكوريا وجي زبالة
والبنات يقولون والله انه حلو بس عندنا ماجايبين شي عدل كله قديم
وع كثر لروحاتي دبي مافكر ادخله لاني كرهته بس اخر مرة دخلته عجبني شي من واجهة العرض
لما دخلته انصصصصصدمت انه غييييييييييييييييييير
من بيجامات من ملابس داخليه من شوزات بيت من مكياج عطور ملابس رياضة شنط اكسسوارات !!!
ورجع حبي للمحل !

يعني لما تقررون تفتحون شي عندنا افتحوه بكبره مب جزء وجزء لا !
جد مجمعاتنا واسواقنا فااااااااااااااااااااااااااااااااااااااااااااشلة .

:nice:

صح لساانج
اللي بيفتح محل يا ينفتح بكامل مافيه ولا مو يجيبون نص المحل ويقولون الاول من نوعه والاكبر
وبعدين عطورات فيكتوريا سيكرت حتى محل حميد يبيعهاا
هل انسحبت من هناك والا بس من محل فكتوريا سيكرت؟

[وطن]

هااا
صج؟
من متى .. قاتل الله التخلف الثقافي..
بس الحين مسوين عطر ومسمينه شامبين ولا هو عطر مستورد واسمه شامبين؟

:shy:

[مخطط قطري]

هذا الامر يذكرني بتصريحات مدير منتخب فلسطين في بطولة اسيا المقامة حاليا في استراليا يقولك وصلنا استراليا بدم الشهداء الفلسطينين!!