متى اخر مره جبت هديه لزوجتك/زوجك؟! [الأرشيف] - منتديات شبكة الأسهم القطرية

طبيب قطري

12-01-2015, 11:12 PM

السلام عليكم ورحمة الله وبركاته.
يقول الرسول صلى الله عليه وسلم (تَهَادُوا تَحَابُّوا ) رواه البخاري في الأدب المفرد، ومالك، وصححه الألباني.

بعض الازواج لايحرص على موضوع الهدايا باعتبارها بلا معنى او بلا مناسبه ولكن لو تمعنا في معنى الهديه في الاسلام نجد انها سنة نبوية، ومَظْهر حب، ومبعث أُنْس، تـُقرِّب البعيد، وتصل المقطوع، وتشق طريق الدعوة إلى النفوس، وتفتح مغاليق القلوب، وتبذر المحبة بين الناس..

واخيرا ايها الزوج والزوجه تذكروا ان الهديه ليست بالضروره مهمه لقيمتها الماديه ولكن الاهم قيمتها المعنويه واثرها كبير على النفس.

اشكركم واتمنى تشاركوني بأفكاركم..

عضوو

13-01-2015, 12:37 AM

عيد الاضحى الفائت والفطر

رجل مثالي

13-01-2015, 12:44 AM

[quote=طبيب قطري;9925161]السلام عليكم ورحمة الله وبركاته.
يقول الرسول صلى الله عليه وسلم (تَهَادُوا تَحَابُّوا ) رواه البخاري في الأدب المفرد، ومالك، وصححه الألباني.

بعض الازواج لايحرص على موضوع الهدايا باعتبارها بلا معنى او بلا مناسبه ولكن لو تمعنا في معنى الهديه في الاسلام نجد انها سنة نبوية، ومَظْهر حب، ومبعث أُنْس، تـُقرِّب البعيد، وتصل المقطوع، وتشق طريق الدعوة إلى النفوس، وتفتح مغاليق القلوب، وتبذر المحبة بين الناس..

واخيرا ايها الزوج والزوجه تذكروا ان الهديه ليست بالضروره مهمه لقيمتها الماديه ولكن الاهم قيمتها المعنويه واثرها كبير على النفس.

اشكركم واتمنى تشاركوني بأفكاركم..[/quote

نعم قال رسول الله صلى الله على محمد واله وصحبه - تهادوا تحابوا -

همر

13-01-2015, 06:22 AM

تبي تقنعني ان المره لو دخلت عليها

بورده بتستانس وتطير من الفرحه وتعلئها في النجفه

بدون ماتقولك الله لو احذاها كرتون آيفون بعد صراحه

خوش ورده ؟!!

بوحارب

13-01-2015, 06:29 AM

هلا تختور

مال اول الحين تجيب هدية حق زوجتك

الحين يشترطون يا تسفرني أوروبا
اشتري ماركات ولا مووبي:oops:

انه الفسق يا ساده :yes:

وبالنسبة لجواب سؤال ؛ انا اكبر هدية لها ;););)

حسن

13-01-2015, 06:50 AM

هلا تختور

مال اول الحين تجيب هدية حق زوجتك

الحين يشترطون يا تسفرني أوروبا
اشتري ماركات ولا مووبي:oops:

انه الفسق يا ساده :yes:

وبالنسبة لجواب سؤال ؛ انا اكبر هدية لها ;););)

بسبب الرواتب العاليه يابوحارب

رؤيتي

باختصرها لك يادختور

انا

اكبر هديه للزوجه في عصر ندر فيه الرجال

:victory:

الحين بتنقز لنا ام عزوز الله يخسها

:(

white bird

13-01-2015, 08:03 AM

الآجمل آن الطرف الآخر يكون دايماً على البال ..
لا آقصد الهدية الباهظة الثمن ،فهذه لها مناسباتها ..
لكن ما آقصده التودد للطرف الآخر بآبسط الآشياء المفضلة لديه :
كالذهاب لمكان يفضله الشريك، كطعام مفضل مثلاً
و كلها آعتقد بآنها آشياء غير مكلفة ..
جميل الموضوع يا طبيب قطري ، نحتاج للتذكير
:shy:

Charisma

13-01-2015, 08:06 AM

الزوجه تستاهل كل خير وجميل ان تهدى كل فتره .. والاجمل ان تذكر والدتك بهديه ايضا في كل مره تهدي فيها زوجتك .

حسن

13-01-2015, 08:14 AM

احلى هديه هي المشموم ريحته حلوه

:victory:

بنت مريخ

13-01-2015, 08:15 AM

يا هديه راهيه وتترس العين
ولا ماتبي

بو خليفه 123

13-01-2015, 08:18 AM

عيالي اجمل هديه منها من بعد الله سبحانه

طبيب قطري

13-01-2015, 10:17 AM

اشفيكم ياجماعة الخير ! خلاص اتفقتوا ان الحريم ماتعجبهم الا الهدايا الغاليه!!
ترى انتم الظاهر فاهمين الدنيا غلط!

هيلو كيتي

13-01-2015, 10:28 AM

مع احتراامي لبعض الاراء ,, الا ان الهديه لو كانت بسيطه لها معنى كبير ,,

ولو دخلت عليها بورده , بالنسبه لي اعظم هديه , وافضل من الذهب والالماس,, حسستونا ماشايفين خير الصرااحه :rolleyes2:

كلمة حلوه اتسر القلب والخاطر , هي هدية , ثناء ومدح بعد تعتبر احلى هديه ,

لمسه حنونه تعتبر اغلى هديه . الخ .

صح فالمناسبات الخاصه ممكن ايكون في سفره خاصه لها لوحدها من دون اعيالها .

ولكن لاتقدر اهمية الهديه ابدا بقيمتها الماديه , على العكس القيمة المعنويه للهديه اكبر واعظم .

والي لاحظته ان الي تعتبر الهدايا المعنويه والبسيطه , اكبر ,, سبحان الله تغدق عليها هدايا عظيمة الشأن وكبيره .

شكرا على موضوعك الجميل :)

طبيب قطري

13-01-2015, 12:56 PM

ضوى

13-01-2015, 12:57 PM

اخر هدية من بوعيالي شجر زينة

واخر هدية مني له عطر ودهن عود

مهرة

13-01-2015, 01:25 PM

..

قيمة الهدية معنوية وحسية وليست بقيمتها المادية ..

يعني الزوجة ماراح تقيس سعادتها وحقيقة حب الزوج لها بحسب قيمة الهدية سواء كانت وردة ولا خاتم الماس ..

ان عطاها هدية اذاً هي زوجة صالحة وان ماعطاها اذاً هي زوجة مهمشة (امممم ماتذكر هاليوم امممم ماجابلي شي امممم اكيد وراه شي .!) ارتقوا شوي*

وطبعاً بعض الردوود تتكلم عن البيئة المحيطة فيها ,, واهم شي انهم يقدرون بعض يهتمون في بعض وايه فيه حريم كثيييييير ترضى بمشموم بلس كلمتين حلوين..

وأكيد البعض مقتنع انه مش كل الأزواج نفس العقل ولا كل الزوجات نفس بعض ,, بخل بخل ترا الكلمات بلاش طق تلفونك واحفظ لك بيتين وتفلسف فيهم ولا ان كنت ميت من الخجل دزهم مسج صباحي ارفع من معنويات هالمسكينة وهي اكيد ماراح تقصر ..

بس لو انك بالدوام تصبح وتهلل وترشرش ورد منا ومناك (عووووذه من هالأشكال ) نضرب مثال يعني ماقصد حد بعينه ..

طرح موفق دكتور ..

JN000N

13-01-2015, 01:39 PM

ماتهم القيمه كلششششش
اهم مافي الموضوع واللي يطيب الخاطر انه طراها ب شي
حتى لو داش عليها بعصير من المعصره
بالنسبه للنساء ك عاطفيات اكثر شي
انهم يدققون ف تفاصيل الشخص الي مقدم الهديه قبل يجوفون شنو الهديه (يعني من خاطره والا شنو ف خاطره والا ف النهايه حب يطيب خاطرها ب اي شي)
مشاركه بينهم

باظلوف

13-01-2015, 01:42 PM

أعتقد إن احنا في زمن المرأة تستطيع فيه شراء اللي تبيه بسبب الراوتب العالية والحمد لله على هذه النعمة

طبعا الهدية بتكون غير لو كانت من الزوج :) لكن الحقيقة هناك الكثير من النساء اللي بتحب إن زوجها يدخل عليها بشيء لو بسيط وردة أو غيره (هذي بدون مناسبة)

لكن إذا في مناسبة أكيد لازم تكون هدية مميزة.

وإجابة لسؤالك: أخر هدية عيد الأضحى

باظلوف

13-01-2015, 01:42 PM

أتفقك معاج بخصوص التفاصيل وطريقة التقديم بعد لها معنى

بصمة قطرية

13-01-2015, 01:43 PM

اشفيكم ياجماعة الخير ! خلاص اتفقتوا ان الحريم ماتعجبهم الا الهدايا الغاليه!!
ترى انتم الظاهر فاهمين الدنيا غلط!

الله يسلمك هم يتكلمون عن نفسهم
و عن المحيطين بهم ..
لذلك ..
قالوا الحريم ما يعجبهم الا الهدايا الغالية ..
لا تتعب نفسك أخوي
الحين بيرجعون و بيقولون لك
تشتغل وراتبها قوي ليش ناخذ لها هدية ..!!
ما اقول غير
الله يعين حريمكم عليهم ..
( يس اللي على راسه بطحة يتحسسها ) ..

ضوى

13-01-2015, 01:44 PM

مهرة جنون بصمة

حبتين

نور الحور

13-01-2015, 02:00 PM

شكرا طبيب قطري على الموضوع ..

بكل صراحة .. وواقعية .. المرأة ( غالبا )هي من تهتم اكثر

بمنح وتلقي الهدايا .. وخاصة في المناسبات ..

وتعني لها المناسبة ابعاد شعورية

ورومنسية ومعنوية غاية في الاهمية ..

وهي الطرف الاكثر تأثرا بوجودها من عدمه !

لذلك .. ففي الاوقات العادية .. تذكر الزوج لزوجته بهدية ولو بسييييطة جدا

لها وقع خاص على الزوجة .. والاجمل ان تشعر ان

هذه الهدية على بساطتها هي تعبير عن انها مازالت حاضرة في الفكر والقلب

لكن في المناسبات المعروفة سلفا .. كيوم الزواج مثلا ..

طبيعي ان تتوقع ان زوجها يتذكرها بشيء له قيمة معنوية ومادية ايضا

والاهم ان هذه المناسبة مهمة بالفعل عنده وبذل فيها جهد يتناسب مع قيمتها عنده ..

هنا تصبح الهدايا البسيطة جدا كالوردة مثلا ذات معنى باهت !

ليس لان الزوجة مادية .. ولكن لان المناسبة محددة ومتوقعة سلفا

وبالنسبة لي يهمني ما يرافق الهدية من تعبير ..

من كلمات جميلة معبرة تكتب على بطاقة اهداء ..

او كلمات شفهية تقرب القلوب .. او حتى تعابير صادقة ونظرات تعبر بصدق عن صدق المشاعر !

الواقعية وسياق المواقف هي الفيصل في تحديد توجهات الزوج او الزوجة تجاه الهدية ..

لان الهدية لو قدمت بلا روح فمهما بلغ ثمنها ماديا ..

تفقد قيمتها المعنوية والشعورية .. وربما تلعب دورا معاكسا ..

فتزيد البعد والجفاء !

مهرة

13-01-2015, 02:06 PM

مهرة جنون بصمة

حبتين

المنتدى راقي بوجودج .. بس بقولج تعتقدين من الأحسن والأفضل لو الزوجة بحكم راتبها عالي وأعلى من زوجها المنتف تشتري لنفسها هدية وتفرح نفسها وتتهنى براتبها وبحلالها الي ماخذ من تعبها وعمرها وصحتها صح لو لاء ..!

انا اقترح تدخل على مواقع مميزة للهدايا وتطلب وتنقى التغليف والكرت والكلام وترسله لنفسها على بريدها ويوم توصل الهدية تسوي نفسها متفاجأة وتقول مشكور يالغايب الحاضر ..!

aloosh

13-01-2015, 02:57 PM

كل يوم تشوف الهدياء جدامها
اطفالها وانا اكبر هديه
وبعدين الكلمة الحلوه كل يوم لزوجه تغنيها عن مليون هديه

ضوى

13-01-2015, 03:02 PM

المنتدى راقي بوجودج .. بس بقولج تعتقدين من الأحسن والأفضل لو الزوجة بحكم راتبها عالي وأعلى من زوجها المنتف تشتري لنفسها هدية وتفرح نفسها وتتهنى براتبها وبحلالها الي ماخذ من تعبها وعمرها وصحتها صح لو لاء ..!

انا اقترح تدخل على مواقع مميزة للهدايا وتطلب وتنقى التغليف والكرت والكلام وترسله لنفسها على بريدها ويوم توصل الهدية تسوي نفسها متفاجأة وتقول مشكور يالغايب الحاضر ..!

الرقي بوجودج ، تصدقين ماعمري فكرت باللي تقولينه !! يمكن لاني دايما مدلعه نفسي واشتري اللي ابيه مهما كانت قيمته ، لكن الهدية من الزوج لها تأثير خاص وذات رونق ، شخصيا احب هداياه حتى ولو كانت شجرة زينه

راجي الْعفو

13-01-2015, 03:03 PM

..

لذلك .. ففي الاوقات العادية .. تذكر الزوج لزوجته بهدية ولو بسييييطة جدا

لها وقع خاص على الزوجة .. والاجمل ان تشعر ان

هذه الهدية على بساطتها هي تعبير عن انها مازالت حاضرة في الفكر والقلب

لكن في المناسبات المعروفة سلفا .. كيوم الزواج مثلا ..

طبيعي ان تتوقع ان زوجها يتذكرها بشيء له قيمة معنوية ومادية ايضا

والاهم ان هذه المناسبة مهمة بالفعل عنده وبذل فيها جهد يتناسب مع قيمتها عنده ..

فقط اخت نور احببت ان اذكر بموضوع :

{ الاحتفال بيوم الزواج }

سئل الشيخ ابن عثيمين رحمه الله عن حكم احتفال الزوجين فيما بينهما بيوم الزواج ؟

فأجاب: أرى أن ذلك لا يجوز؛ لأنهم يتخذون هذا عيداً: كلما جاء ذلك اليوم اتخذوه عيداً يتبادلون فيه الهدايا والفرح وما أشبه ذلك، لكن لو فعلوا هذا عند الزواج ليلة الزفاف أو في أيام الزواج فلا بأس، أما أن يجعلوه كلما مر هذا اليوم من كل سنة فعلوا هذا الاحتفال فلا يجوز.

(فتاوى نور على الدرب )

qtr qtr

13-01-2015, 03:59 PM

هديتها فلم رعب :vampire:

رهج السنابك

13-01-2015, 04:03 PM

اهداني يخت الماني و شقة بالوسيل

النهار

13-01-2015, 04:06 PM

احلى هديه هي المشموم ريحته حلوه

:victory:

وانا اقول من الي قاعد يمشع المشوم الي زراعه برع البيت
مره صدت بنغالي يمشع سألته ايش تبي فيه قال اسوي منه صالونه سلط عليهم ماخلو شي ماسوا منه صالونه هذي واجد زين هههههههههههههههههه

يمامـة

13-01-2015, 04:08 PM

عاد في زمننا هذا في زوج ما يهدي زوجته؟

ترى صدقوني الهدايا مب كل شي في حياة المتزوجين فلا اتدققون عليها وايد..

اليوم الزوجة كل شي عندها وكل شي حولها.. المعاملة الحسنة تغني عن مليون هدية
والمليون هدية ما يسدون مكان المعاملة الحسنة..

لذلك أرى........> نعم سيدة يمامة ماذا ترين؟

مهما كان للهدية معنى او تأثير في العلاقة ما بين الزوجين
لحد بس يقول ان الزوج بحد ذاته هو اكبر هدية للزوجة..
ولحد يقول العيال بحد ذاتهم اكبر هدية للزوجة..
لأن هذه أمور اكرمها رب العالمين على الزوجة مثل ما اكرم على الزوج
بهدايا كثيرة في حياته..

وإذا كان المنطق يقول ان الزوج اكبر هدية والعيال اكبر هدية
ما وصى الرسول عليه الصلاة والسلام بالتهادي بقوله" تهادوا تحابوا"..

بس ماعندي شي بشوف رد ارسطو ..

يمامـة

13-01-2015, 04:09 PM

اهداني يخت الماني و شقة بالوسيل

احلامج جبيييرة مرة جبيييرة..

الله يرزقج كل ما تتمنين..

ANONYMOUS

13-01-2015, 06:32 PM

الشباب طلعوا قحط الله يهديهم

مب شرط شي غالي

ومش لدرجة ورده

خلوكم وسط

صحن فول و 2 حبه تميس مناسب !

النهار

13-01-2015, 06:42 PM

الشباب طلعوا قحط الله يهديهم

مب شرط شي غالي

ومش لدرجة ورده

خلوكم وسط

صحن فول و 2 حبه تميس مناسب !

سويتها مره قالت هذي قدري عندك ليش شايفني من باب اللؤ
http://store2.up-00.com/2015-01/1421163701821.gif (http://www.up-00.com/)

رهج السنابك

13-01-2015, 06:53 PM

احلامج جبيييرة مرة جبيييرة..

الله يرزقج كل ما تتمنين..

انزين معليه بتشوفين مب ماخذتج فره في يختي ولا بعزمج في الشقه
خلج مع المعامله الحسنه وانج اكبر هديه < مربوطه بشريطه حمرا؟

خلج

بوحارب

13-01-2015, 08:57 PM

هاه خلصتوا المسلسل المصري يا بنات ولا للحين هههههه :funny:

بس ناس عايشه على الهدايا والدلع
خلاص سكتوا شوي يه ;)

الحياة الخالدة

13-01-2015, 10:07 PM

البعض مسوين نفوسهم ما يهتمون بالهدية .. و معتبرينها كلام فاضي
بس يشوفون خبر .. سعودية أهدت زوجها سيارة .. تقول دخل فيهم جني
شوفوا الزوجة المثالية و شوفوا الحريم اللي يفهمون .. و شوفوا و شوفوا

أقول استريحوا بس ..

طبيب قطري

13-01-2015, 11:31 PM

الهديه تكسر الروتين وتصفي النفوس ، طبعا انا مااحبذ ربط كل مناسبه باحضار هديه ولكن حلاة الهديه انها تكون بدون مناسبه.

ANONYMOUS

14-01-2015, 12:53 AM

سويتها مره قالت هذي قدري عندك ليش شايفني من باب اللؤ
http://store2.up-00.com/2015-01/1421163701821.gif (http://www.up-00.com/)

هذا فطور مب هديه ههه

تهادو تحابوا يا اخي ..

مختلفة عقليا

15-01-2015, 10:34 AM

السلام عليكم .,

احلا هديه بدون مناسبه ياخي اترد الروووووح .,

اخر مره اهديته بمناسبه للاسف الشهر اللي طاف .,

بس زين ذكرتني .,

طالبه له هديه من النت ونسيت ادفع هههههههه

ويسلموو .,

طبيب قطري

18-01-2015, 07:48 PM

السلام عليكم .,

احلا هديه بدون مناسبه ياخي اترد الروووووح .,

اخر مره اهديته بمناسبه للاسف الشهر اللي طاف .,

بس زين ذكرتني .,

طالبه له هديه من النت ونسيت ادفع هههههههه

ويسلموو .,

العفو ههههه

القبطان اكس

18-01-2015, 08:11 PM

هذي ثقافتنا الهدايا امور مادية

في الغرب بووووووسة كانها هدية

شعب لا يشبع

اعنبوووو

بريق الحق

18-01-2015, 08:20 PM

ان شاء الله كل يوم بيب هديه
وينهي سعيدة الحظ :telephone:

Aaziz

18-01-2015, 08:21 PM

ان شاء الله كل يوم بيب هديه
وينهي سعيدة الحظ :telephone:

ههههههههه تزوج و خل نشوف :nice:

بريق الحق

18-01-2015, 08:27 PM

ههههههههه تزوج و خل نشوف :nice:
صدقني ياعزيز هههههه

ولد العرب

18-01-2015, 11:22 PM

ضوى

18-01-2015, 11:31 PM

الله يرزق بناتي زوج مثل ابوهم ، يعلني ماذوق حزنه ياااارب

بوحارب

18-01-2015, 11:58 PM

ان شاء الله كل يوم بيب هديه
وينهي سعيدة الحظ :telephone:

ياريال كنّا نقول كذا :funny:

بريق الحق

19-01-2015, 12:10 AM

ياريال كنّا نقول كذا :funny:
صدقني يابوحارب
قول وفعل وانا اخوك

بصمة قطرية

19-01-2015, 01:40 AM

الله يرزق بناتي زوج مثل ابوهم ، يعلني ماذوق حزنه ياااارب

آمين يااااارب ..

كلامج ذكرني بالمثل اللي يقول ..
كل بنت بأبيها معجبة :)

بصمة قطرية

19-01-2015, 01:42 AM

بوحارب أكبر عيار
عياله توهم صغار يعني مش متزوج من سنين طويلة
و يبي يتزوج ثانية ..
و الحين ينتقد سالفة الهدايا
و يقول كنت أقول كذا ..!!!
ياخي طير انت و عيارتك
ما فيكم إلا حجي لسان ..

Riku3

19-01-2015, 09:44 AM

shadad

19-01-2015, 09:47 AM

ما في داعي لهديه. انا بكبري اصلا اكبر هديه خخخخخ

بوحارب

19-01-2015, 09:55 AM

صدقني يابوحارب
قول وفعل وانا اخوك
كفو كفو بريق

الله يرزقك ببنت الحلال اللي تعينك على دينك ودنياك يارب http://i.imgur.com/1C7AqoJ.jpg

بوحارب أكبر عيار
عياله توهم صغار يعني مش متزوج من سنين طويلة
و يبي يتزوج ثانية ..
و الحين ينتقد سالفة الهدايا
و يقول كنت أقول كذا ..!!!
ياخي طير انت و عيارتك
ما فيكم إلا حجي لسان ..

العياره مطلوبه بعض الأحيان :yes:

بوحارب

19-01-2015, 09:57 AM

مدري ليش الشباب قايمين على الحريم :discuss: .. بالعكس ابسط هدية تخليهم يشتطون حتى لو ورده ذابله من محطة وقود هههههه .. تلاقيها بعد ما كان ودها تعطيك تقرير هواش اليهال ومن ما خلاها تنام ومن يصيح من الصبح .. تلاقي التقرير يتغير بأن كل شي تمام :] ..

اخر هدية .. من شهرين جاتني بنت الحمد لله .. استهبلت بأني ناسي الهدية اسبوعين وهي تنتظر وتقط نغزات @_@ .. خذت لها سيارة جديدة :] .

اهم شرط من سلمتها السيارة قلت سيارتج القديمة باخذها مب تحطين ان القيمة بترجعلج هههههه .

زين تنفع هالوردة تكون هدية http://i.imgur.com/1C7AqoJ.jpg :(

بدزها لها عالواتساب :) ولا لازم امر وقود ههههههه

تستاهل ما جاك اخوي وتتربى في عزك يارب
وتستاهل ام العيال الهدية وماقصرت

بس عجبتني في سالفة الموتر الثاني يبين عليك ضيب كبير :)

الله يخليكم لبعض http://i.imgur.com/1C7AqoJ.jpg

عطر فرنسي

19-01-2015, 10:03 AM

الهدايا ليس لمد يوم او يومين انما طول السنه والزوجه في الحياه هي اكبر هديه ا

يمامـة

19-01-2015, 12:54 PM

باااااال وش هالبخل ياحبااب
الحين تحمل وتولد ومعرضه حياتها للمووت
واخرتها فول وورد ليش
عني انا بدوون مناسبه اهديتها قبل اسبوع ارباااح اسهم قويه وتدسم الشارب تستاهل ام العيال
حبيت اكسر روتين كله ورد وفوول مشموم عطر مصخت والله
خلووها مفاااجاه غير متوقعه لها:shy:

هااااا...............> انت اللي يبي لك مفاجعة يا اخ العرب
عيل انا اللي بديت اشوف نفسي هااا؟
صبرك علي وانا يمامة بنت ام يمامة..

المهم
يا اخ العرب..

موضوع الهدايا شي مفروغ منه.. ما اعتقد في ريال اليوم
ما يهادي زوجته وخاصة مع زيادة الرواتب والطفرة المالية حسب رؤية
اخونا حسن الملقب بأبو علي..

يعني وزير مستحيل يهدي زوجته سندويشات فول من مطعم الفول الايراني
لكن فرغلي ممكن جدا صحنين فول مدمس وخبز طازج وغرشتين بيبسي مع ورود ملونة من الدوار
يسوون كل هدايا الدنيا...

بو خليفه 123

19-01-2015, 12:57 PM

اول امس جبت كرتون برتقال

و كلت نصه

تستاهل المعزبه

ANONYMOUS

19-01-2015, 01:13 PM

اول امس جبت كرتون برتقال

و كلت نصه

تستاهل المعزبه

تستاهل تستاهل

ماجات ف بالي هالمفاجاه

شكلي بسويها

بالله من وين خذت الكرتون

لازم جمعيه وسوق ولا امر المزروعه الويكيند !!

ANONYMOUS

19-01-2015, 01:16 PM

مدري ليش الشباب قايمين على الحريم :discuss: .. بالعكس ابسط هدية تخليهم يشتطون حتى لو ورده ذابله من محطة وقود هههههه .. تلاقيها بعد ما كان ودها تعطيك تقرير هواش اليهال ومن ما خلاها تنام ومن يصيح من الصبح .. تلاقي التقرير يتغير بأن كل شي تمام :] ..

اخر هدية .. من شهرين جاتني بنت الحمد لله .. استهبلت بأني ناسي الهدية اسبوعين وهي تنتظر وتقط نغزات @_@ .. خذت لها سيارة جديدة :] .

اهم شرط من سلمتها السيارة قلت سيارتج القديمة باخذها مب تحطين ان القيمة بترجعلج هههههه .

الف مبروك تتربى بعزكم

والله يهنيكم ولا يحرمكم من بعض
اجل لو جابت ولد ولا توم اولاد , تقنيتي كان بتاخذ لها بيت في عين خالد ب ظ§ مليار

ولد العرب

20-01-2015, 06:42 PM

هااااا...............> انت اللي يبي لك مفاجعة يا اخ العرب
عيل انا اللي بديت اشوف نفسي هااا؟
صبرك علي وانا يمامة بنت ام يمامة..

المهم
يا اخ العرب..

موضوع الهدايا شي مفروغ منه.. ما اعتقد في ريال اليوم
ما يهادي زوجته وخاصة مع زيادة الرواتب والطفرة المالية حسب رؤية
اخونا حسن الملقب بأبو علي..

يعني وزير مستحيل يهدي زوجته سندويشات فول من مطعم الفول الايراني
لكن فرغلي ممكن جدا صحنين فول مدمس وخبز طازج وغرشتين بيبسي مع ورود ملونة من الدوار
يسوون كل هدايا الدنيا...

اليمامه الله لايفجعني فيكم ولا في احد اعوذ بالله من فااااالك :anger1:

يالربع احد يساعدني يمامه تمدحني ولا تغسلني :rolleyes2:

طبيب قطري

20-01-2015, 11:26 PM

مدري ليش الشباب قايمين على الحريم :discuss: .. بالعكس ابسط هدية تخليهم يشتطون حتى لو ورده ذابله من محطة وقود هههههه .. تلاقيها بعد ما كان ودها تعطيك تقرير هواش اليهال ومن ما خلاها تنام ومن يصيح من الصبح .. تلاقي التقرير يتغير بأن كل شي تمام :] ..

اخر هدية .. من شهرين جاتني بنت الحمد لله .. استهبلت بأني ناسي الهدية اسبوعين وهي تنتظر وتقط نغزات @_@ .. خذت لها سيارة جديدة :] .

اهم شرط من سلمتها السيارة قلت سيارتج القديمة باخذها مب تحطين ان القيمة بترجعلج هههههه .

الله يجعلها قرة عين والديها وتتربى في عزك اخوى.. اشكر مشاركتك

يمامـة

21-01-2015, 11:45 AM

اليمامه الله لايفجعني فيكم ولا في احد اعوذ بالله من فااااالك :anger1:

يالربع احد يساعدني يمامه تمدحني ولا تغسلني :rolleyes2:

الله لا يفجعك قول امين ..............> اسحب هالكلمة مع اني كنت امزح فيها
وبعدين يا اخ العرب تراني ما كنت اغسلك( اشدعوة فوطة؟) ولا كنت امدحك

كل الموضوع اني كنت اغشمرك( اتغشمر معاك)
لأنك من الأعضاء اللي في قائمتي البلاتينية.. ووصلتني صورة
عن مشاركتك في موضوع انتقد عضو.. وشفت كلامك وضحكت عليه
ورديت قريته اكثر من مرة علشان افك شفرته.. وأخيرا قلت للي جابت الكلام
تراه يمزح...

وكملت مزح وياك اهنيه..
وعذرا من صاحب الموضوع على هالتفاصيل..
بس لازم تعرف سبب مزحي معاك..

بصمة قطرية

22-01-2015, 12:47 AM

نفسيتي تعبانة أبي هدايا :(

ولد العرب

22-01-2015, 11:42 AM

الله لا يفجعك قول امين ..............> اسحب هالكلمة مع اني كنت امزح فيها
وبعدين يا اخ العرب تراني ما كنت اغسلك( اشدعوة فوطة؟) ولا كنت امدحك

كل الموضوع اني كنت اغشمرك( اتغشمر معاك)
لأنك من الأعضاء اللي في قائمتي البلاتينية.. ووصلتني صورة
عن مشاركتك في موضوع انتقد عضو.. وشفت كلامك وضحكت عليه
ورديت قريته اكثر من مرة علشان افك شفرته.. وأخيرا قلت للي جابت الكلام
تراه يمزح...

وكملت مزح وياك اهنيه..
وعذرا من صاحب الموضوع على هالتفاصيل..
بس لازم تعرف سبب مزحي معاك..

تمونيين علينا يام الجن واعز علينا
والحين فهمت السالفه الانتقاد عضو
وبعدين زين عرفتي اني امزح مع الكل الا من رحم ربي
والفتانه اللي دزيت لك صورة مشاركه طرشي لي رقم حسابها تبشر بالخير:anger1:
وكم انا فرحان باحتلال مكانه البلاتينيه في قايمتك مع معيض 2002لبيه خشته ولقافته