استفسار مراوح شفط

[العنيد000]

بخصوص مراوح الشفط للحمام اكرمكم الله وين احصلها اللي تجئ في النوافذ

[Aaziz]

عند محلات الباب فيتر و الكهربائيين الي في الفرجان ،، مثلا عندك في الخريطيات الشارع التجاري موجوده

[صباح]

انصحك تركب الي في الجبس يعني اللي في السقف ممتازه
تجده طريق المطار فلبس

[معماري قطري]

انصحك تركب الي في الجبس يعني اللي في السقف ممتازه
تجده طريق المطار فلبس

أَكيد والفتحة لها تكون في الحائط أَفضل .. عزل للصوت وعزل للغبار .. ومر على الدرويش شوف اكسبلير عندهم بعد نوعيات ممتازة حسب تجربتي

[Azizuk]

نصيحه اي شخص بيركب من عند الدرويش لازم يقول للمقاول ويجيب الاحجام والمواصفات

لانها مقاسات الفريمات تختلف عن المعتاد عندك للحمامات الجداري لازم الفريم مقاس 27 *25

واللي في السقف الفتحه الجدارية بيب مقاس 4 إنش

بالنسبة لمراوح السقف انصح تركيب نوع dix عندهم انواع كثيره المناسب قوة 100 للحمامات 3*3

والمطابخ قوة 200 بفتحه جدارية مقاس البيب 8 إنش تقدر تسوي فتحه جداريه 20*20

بس سعرها غالي dix تكلف الوحدة قوة 100 dix ( الف ريال )

وتحمل حد يقولك المروحة الزجاجية تركب بالجدارية

وانصحك تروح بنفسك وتسوي الفريمات أحسن لك

ميزة مراوح dix مافيها صوت مزعج وقوة الشفط وتتكون بمفتاح من 3 سرعات


نوع DIX متوفر بقوة ب 100 الى 350 وكل قوة لها مقاس فتحه جدارية غير

[Aaziz]

أَكيد والفتحة لها تكون في الحائط أَفضل .. عزل للصوت وعزل للغبار .. ومر على الدرويش شوف اكسبلير عندهم بعد نوعيات ممتازة حسب تجربتي

معماري ،، الفتحه الي في الجدار مخرج الهوى اخليها في اعلى الطوفه ؟ مع حد الخرسانه يعني ؟
انتظر اجابتك عشان اكلم المقاول

[معماري قطري]

معماري ،، الفتحه الي في الجدار مخرج الهوى اخليها في اعلى الطوفه ؟ مع حد الخرسانه يعني ؟
انتظر اجابتك عشان اكلم المقاول

إِخوي عزيز على حسب الموديل اللي تشتريه .. وما قصر عزيز يو كي وضح أُمور كثيرة .. إِذا بتاخذ اللي مخفية وتتركب فوق الجبس بدكت لازم تكون فوق حد الجبس وتحت الجسر أَو مجهزة مسبقاً في الجسر أَثناء صب الجسر .. أَما نوع اكسبلير بريمير هذي حديثة وجديدة وسهل تركيبها وفعالة .. تتركب في الحايط تحت الجبس بشوي وتنفع لها فتحة 4 إِنش.

لازم قبل لا تجهز الفتحة تختار وتشتري وبعدين ترتب للمروحة اللي شريتها .. بس نصيحة للكل يبتعدون عن مراوح النافذة لأَنها تدخل غبار وصوت وتخترب سرعة.

شوف إِخوي مثل ذي .. هذي مروحتها تجي عريضة وشفراتها كثيرة وجاية على طريقة الساقية .. وميزتها عن اللي تتعلق فوق الجبس انها بسهولة تتغير أَو تعمل لها صيانة يعيبها بس الصوت .. ولو حمامك كبير تاخذ ثنتين وتخليهم شغالين على البطيء مشكلة الصوت بتنحل.

انا غلطت ركبتهم على البوردر تقريباً والمفروض شوي تحت.

http://www10.0zz0.com/2015/01/13/14/385878880.jpg (http://www.0zz0.com)

[Aaziz]

انا رحت البيت بعد ماحطيت المشاركه و لقيت المقاول مسوي فتحات الشفط في الدور الارضي ،، كلمت المسؤول و قلت له يسكر هالفتحات و يسويلي فتحه نص طابوقه بالضبط تحت الجسر .
و الدريشه بخليها بس للنور حتى ماتنفتح .. بيتي حاليا مروحه عاديه و ايام الغبار و الهوى القى الغبار واصل البانيو .. بيتي مشاهد شمال و قدامه بر وهذا الي زايد الموضوع سوء .

تسلم يا معماري ،، اظن السالفه بتصير بس مروحه و بيب مثل الدكت يوصل للفتحه و من برى شخال .. صحيح ؟

[Azizuk]

عذرا أعضاء هذا القسم خطاء كتابي اسم المروحة المخفيه في السقف XID

وهذا الرابط يبين شكل ونوع المروحة

http://www.xpelairmiddleeast.com/product/Productsdetails.aspx?cat=2&id=32

ممكن تتركب وأفقية او عامودية او على اي زاويه انت حاب

ويلزمها اكسسوارات لازم تشتريها منفصله وهذا اللي رافع سعرها 1000 ريال نوع قوة 100 XID

[معماري قطري]

انا رحت البيت بعد ماحطيت المشاركه و لقيت المقاول مسوي فتحات الشفط في الدور الارضي ،، كلمت المسؤول و قلت له يسكر هالفتحات و يسويلي فتحه نص طابوقه بالضبط تحت الجسر .
و الدريشه بخليها بس للنور حتى ماتنفتح .. بيتي حاليا مروحه عاديه و ايام الغبار و الهوى القى الغبار واصل البانيو .. بيتي مشاهد شمال و قدامه بر وهذا الي زايد الموضوع سوء .

تسلم يا معماري ،، اظن السالفه بتصير بس مروحه و بيب مثل الدكت يوصل للفتحه و من برى شخال .. صحيح ؟

صحيح اخوي وسامحني على الرد متأَخر .. ومروحة اكسبلير الثانية اللي حط الرابط لها عزيز يو كي تنفع بعد بس ذيك تتركب فوق السقف المستعار .. في رايي الثنتين عمليين ويصلحون وعليك تروح هناك وتختار .. الدرويش يجيب كميات كبيرة وأَغلبها تكون محجوزة وتروح للمشاريع الكبيرة يعني صعب تحصل كل شيء متوفر طول الوقت.

بس بالنسبة لمثل اللي حطيت صورتها يركب بيب 4 انش دائري في الفتحة نص طابوقة تجي مربعة ما تنفع

[Bo3essa]

بعد اذن صاحب الموضوع

اخوي معماري والاعضاء الاخرين
انتوا رايكم الي في السقف

لكن انا كثير من ربعي مسويين في الدريشه ونصحوني اعمل نفسهم
لان صوتها مزعج وصيانتها مزعجه
انا متردد الصراحه لان انا حاليا قربت اخلص البيت عظم
والكهربائي نصحني مثلكم احط مروحه في السقف بس اخاف شكلها مب حلو من برع

يعني اتوكل على الله واعملها في السقف
افيدوني يزاكم الله خير

[Aaziz]

بوعيسى ،، الي في الدريشه او الي في الطوفه ،، هذي خذ مني و كلام اكيد ،، ان عمرها الافتراضي قصير ،، تقريبا كل سنتين لازم تبدلها ،، لان ربلاتها تيبس و تكسر من الحر و الشمس ،، هذا غير انها تدخل غبار شي اكيد .

يعني تقريبا في هالوقت نقدر نقول غلطان الي يركب مراوح عاديه الا اذا حق بيت اجار عشان التكلفه تقل ،، اما لبيتك فا ركب الي في السقف بدون تردد .
وعندك النوع الي قالولك عنه الشباب و عندك توه يبيعونه في بروه الي عند الوكره ،، نسيت اسمه بس يتكون من ثلاث حروف bkb او شي من هالقبيل .. بعد هذي زينه و اعرف شباب نصحوني فيها بقوه .

ركب هالمراوح و انت الربحان

[Bo3essa]

بيض الله وجهك وماقصرت على الرد السريع والحين انا خلاص بعمل مثل ماقلتوا لي

بوعيسى ،، الي في الدريشه او الي في الطوفه ،، هذي خذ مني و كلام اكيد ،، ان عمرها الافتراضي قصير ،، تقريبا كل سنتين لازم تبدلها ،، لان ربلاتها تيبس و تكسر من الحر و الشمس ،، هذا غير انها تدخل غبار شي اكيد .

يعني تقريبا في هالوقت نقدر نقول غلطان الي يركب مراوح عاديه الا اذا حق بيت اجار عشان التكلفه تقل ،، اما لبيتك فا ركب الي في السقف بدون تردد .
وعندك النوع الي قالولك عنه الشباب و عندك توه يبيعونه في بروه الي عند الوكره ،، نسيت اسمه بس يتكون من ثلاث حروف bkb او شي من هالقبيل .. بعد هذي زينه و اعرف شباب نصحوني فيها بقوه .

ركب هالمراوح و انت الربحان

[معماري قطري]

شوف إِخوي بو عيسى اللي حطيت صورتها قيمتها حول 500 ريال ولها عندي فوق 5 سنين والحمد لله لا تدخل غبار ولا شيء .. صوتها على السرعة المتوسطة مقبول وعلى العالية صج مزعج وعلى البطيئة خفيف جداً.

انا عندي تقريباً دوم شغالة .. وغلطت ركبت لحمامين مروحة في قزاز الدريشة من فوق .. كلها كم يوم الا صوت قوي من برا وغبار والحين كنسلتهم ورجعت للنوع الجديد اكسبلير بريمير .. قبل كنت مركب اكسبلير العادية القديمة وصج اختربت وركبت في الدريشة وتورطت وكانت غلطة عمري لأَن الدرايش يو بي في سي ومعزولة ويهمني العزل.

اللي في السقف زينة كشكل وصوتها خفيف لكن لو اختربت بتحتد تشيل الجبس وتركب غيره الا تكون مسوي فتحة صيانة خاصة لها وطريقتها سهلة أَي فني جبس شاطر يقدر .. إِنت لو بغيت تشتري اسئل عن قوة الصوت وبيعلمك البايع .. من برا وشو بوكس صغير بلاستيك أَسود ولا أَبيض شيسوي يعني في المنظر.

[Bo3essa]

بيض الله وجهك ماقصرت ببلغ الي بيعمل لي جبس فكره فتحه الصيانه

شوف إِخوي بو عيسى اللي حطيت صورتها قيمتها حول 500 ريال ولها عندي فوق 5 سنين والحمد لله لا تدخل غبار ولا شيء .. صوتها على السرعة المتوسطة مقبول وعلى العالية صج مزعج وعلى البطيئة خفيف جداً.

انا عندي تقريباً دوم شغالة .. وغلطت ركبت لحمامين مروحة في قزاز الدريشة من فوق .. كلها كم يوم الا صوت قوي من برا وغبار والحين كنسلتهم ورجعت للنوع الجديد اكسبلير بريمير .. قبل كنت مركب اكسبلير العادية القديمة وصج اختربت وركبت في الدريشة وتورطت وكانت غلطة عمري لأَن الدرايش يو بي في سي ومعزولة ويهمني العزل.

اللي في السقف زينة كشكل وصوتها خفيف لكن لو اختربت بتحتد تشيل الجبس وتركب غيره الا تكون مسوي فتحة صيانة خاصة لها وطريقتها سهلة أَي فني جبس شاطر يقدر .. إِنت لو بغيت تشتري اسئل عن قوة الصوت وبيعلمك البايع .. من برا وشو بوكس صغير بلاستيك أَسود ولا أَبيض شيسوي يعني في المنظر.

[الســـهم]

شوف إِخوي بو عيسى اللي حطيت صورتها قيمتها حول 500 ريال ولها عندي فوق 5 سنين والحمد لله لا تدخل غبار ولا شيء .. صوتها على السرعة المتوسطة مقبول وعلى العالية صج مزعج وعلى البطيئة خفيف جداً.

انا عندي تقريباً دوم شغالة .. وغلطت ركبت لحمامين مروحة في قزاز الدريشة من فوق .. كلها كم يوم الا صوت قوي من برا وغبار والحين كنسلتهم ورجعت للنوع الجديد اكسبلير بريمير .. قبل كنت مركب اكسبلير العادية القديمة وصج اختربت وركبت في الدريشة وتورطت وكانت غلطة عمري لأَن الدرايش يو بي في سي ومعزولة ويهمني العزل.

اللي في السقف زينة كشكل وصوتها خفيف لكن لو اختربت بتحتد تشيل الجبس وتركب غيره الا تكون مسوي فتحة صيانة خاصة لها وطريقتها سهلة أَي فني جبس شاطر يقدر .. إِنت لو بغيت تشتري اسئل عن قوة الصوت وبيعلمك البايع .. من برا وشو بوكس صغير بلاستيك أَسود ولا أَبيض شيسوي يعني في المنظر.

يعطيكم العافية على هالنقاش الجميل ونصايحكم الذهبية ..

انا لي تعليق على اللي مكتوب بالأحمر , من قال ان صيانة مروحة السقف تحتاج فتحة صيانة او تكسير الجبس , هذي المعلومة خاطئة لأن الشفاط يركب عالسقف من الداخل بدون تثبيت او براغي , وفي حالة اي عطل كل اللي عليك تفك غطاء المروحة وتطلع المكينة وماتاخذ منك الشغله اكثر من 5 دقايق ..

وانا بصراحة وصلت لقناعه اني ما اركب مروحة فالطوفة او الدريشه نهائيا , حتى حمامات الخدمة وغرفة الخادمة والسايق (الله يكرمكم) ركبتهم كلهم مراوح شفط فالسقف , يمكن السعر غالي حبتين ولكن شريت راحتي وبضمان 5 سنوات ..

[برشلوني قطر]

اخوي العنيد اخبر ناشونال عندهم نوعيه ممتازه مربعه...لاكن مادري اذا لحين يجيبونها..

بالتوفيق

[Azizuk]

[/color]

يعطيكم العافية على هالنقاش الجميل ونصايحكم الذهبية ..

انا لي تعليق على اللي مكتوب بالأحمر , من قال ان صيانة مروحة السقف تحتاج فتحة صيانة او تكسير الجبس , هذي المعلومة خاطئة لأن الشفاط يركب عالسقف من الداخل بدون تثبيت او براغي , وفي حالة اي عطل كل اللي عليك تفك غطاء المروحة وتطلع المكينة وماتاخذ منك الشغله اكثر من 5 دقايق ..

وانا بصراحة وصلت لقناعه اني ما اركب مروحة فالطوفة او الدريشه نهائيا , حتى حمامات الخدمة وغرفة الخادمة والسايق (الله يكرمكم) ركبتهم كلهم مراوح شفط فالسقف , يمكن السعر غالي حبتين ولكن شريت راحتي وبضمان 5 سنوات ..


عفواً يالسهم بس بعض الأنواع نحتاج فتحة صيانة مثل النوع اللي يتركب بالسقف الخرساني مب سقف الجبس

http://www.xpelairmiddleeast.com/Userfiles/Product/af32bc572aab41fc8e6b8025dd8871db.pdf

[الســـهم]

عفواً يالسهم بس بعض الأنواع نحتاج فتحة صيانة مثل النوع اللي يتركب بالسقف الخرساني مب سقف الجبس

http://www.xpelairmiddleeast.com/Userfiles/Product/af32bc572aab41fc8e6b8025dd8871db.pdf

هلا اخوي Azizuk ..

اشكرك على الاضافة والافاده والله يعطيك العافية , والاختلاف فالاراء وتعددها في صالح الاعضاء المقبلين على هالمرحلة ..

ردي كان على الشفاط اللي يركب فالجبس حسب ماذكر اخوي معماري قطر , وصدقني صيانته اسهل من ماتتصور واسهل حتى من اللي فالجدار او الشباك ..

[معماري قطري]

هلا اخوي Azizuk ..

اشكرك على الاضافة والافاده والله يعطيك العافية , والاختلاف فالاراء وتعددها في صالح الاعضاء المقبلين على هالمرحلة ..

ردي كان على الشفاط اللي يركب فالجبس حسب ماذكر اخوي معماري قطر , وصدقني صيانته اسهل من ماتتصور واسهل حتى من اللي فالجدار او الشباك ..

صح إِخوي وهذي موجودة كنوع من أَنواع اكسبلير بعد اللي تتركب في فتحة الجبس .. بس كنا نتكلم عن المخفية والمعلقة في السقف المسماه سنترفيوجال .. هذي زعانفها تجي عريضة وسميكة مثلها مثل الكبيرة اللي حطيت صورتها .. وهذي قوية وفعالة أَكثر من اللي مروحتها شبه مسطحة ولازم تتثبت ببراغي في الخرسانة وتمرر الدكت منها .. صوتها بيكون أَخف لأَنها بعيدة عن فتحة الشفط ومسكر عليها بالجبس وفي حالة احتاجت صيانة أَفضل يكون الجبس من النوع اللي ينفتح.

[مهاجر]

في مروحه يابانيه ماركة kdk موجوده في بروه ارخص من الدرويش , ومتوفره وممتازه عمليا

[Stars]

ايش رايكم يالربع في مراوح اينوكس

[معماري قطري]

ايش رايكم يالربع في مراوح اينوكس

آعرفها بس اسم وناس وايد يمدحونها بس وشي مواصفاتها وطريقة تركيبها .. وكل شركة لها كم موديل .. انا صراحة احب اخذ شيء مجرب واسئل وايد واقارن وحتى قبل لا اعرف هذا المنتدى لي ربع مختصين وتمر عليهم مشاريع دوم .. وكلهم مهندسين وكنت ما اسوي شيء الا باستشارة وبحث ومقارنة.

بعدين التجهيزات الكهربية تتطور وانتاجها مستمر ومحسن ولازم فيه شيء جديد غير وأَفضل وحتى ممكن أَرخص.