افضل انواع مجمع الكهرباء الريسي داخل الفله [الأرشيف]

مشاهدة النسخة كاملة : افضل انواع مجمع الكهرباء الريسي داخل الفله

mnal

13-01-2015, 05:58 AM

الساده اعضاء المنتدى المحترمين
ارجو مسا عدتي بمعرفة افضل انواع مجمع الكهرباء الريسي داخل الفله
والشكرللجميع

(عبدالله)

13-01-2015, 07:19 AM

اللي ركب لي اياه المقاول في بيتي (لوحة رئيسية + لوحات فرعية+ بريكرات) ماركة إيتون

http://northwoodsleague.com/kalamazoo-growlers/wp-content/uploads/sites/13/2014/05/eaton-logo.jpg

على أساس إن الشركة انجليزية

ولما جاب الللوحات والبريكرات جيكت على الصناعة فلقيتها مصنوعة في دول أوروبية مختلفة

لكن تراوالي انها جيدة وعملية ومتوفرة في السوق بكثرة

أنا شفت منها وايد عند العمودي في قرية بروة

بالتوفيق

معماري قطري

13-01-2015, 09:32 AM

الله يوفقك .. صناعة الكهرباء متجددة ومتغيرة ووايد موديلات تدخل السوق .. المشكلة جهاتنا الرقابية اللي تسمح بدخول الرديء والمسبب للحرائق والكوارث .. غير عن الصوت والريحة .. نصيحتي شوف مهندس كهربائي مختص وفاهم ويكون مصمم وعارف السوق.

ameeer3

13-01-2015, 10:05 AM

91601

Azizuk

13-01-2015, 10:47 AM

عندك ABB الصندوق صناعة مصرية والمفاتيح ألماني

بس للأسف انا ركب لي الكهربائي EATON لانها متوفرة في كل مكان متوفر ألون الأسود ماليزي والا ألون الأبيض أوروبي

والا انا كنت بركب يا Schneider او ABB

وعندك سيمنز بعد ممتاز

الملاحظ ان المشاريع الكبيرة والمستشفيات وبعض الشركات تطلب مواصفات خاصه

وتطلب تركيب Schneider or ABB

معماري قطري

13-01-2015, 02:56 PM

Azizuk

13-01-2015, 07:36 PM

في الكهربة ما عندكم الا عزيز يو كي

إِذا حضر الماء بطل التيمم

العين ماتعلى على الحاجب اخوي معماري

ماعليك مني هذا بس اجتهاد شخصي وإلا مب من معرفه

تعلمنا منكم من هذا القسم

أعضاء هذا القسم فطاحلة وردوكم وشرحكم مفصل وخاصه الاخ معماري

Azizuk

13-01-2015, 07:51 PM

اذا تبي تحس بالفرق بين انواع الشركات خذ لك نوعين في نفس الوقت عند راعي المحل

وحرك الفيوز بصبعك وتحس بالفرق بين اي نوع لما يسكر ويفتح

اذا تحس انه رخو ومافي طقه ( مقاومه شوي ) يعني الجودة اقل

في محل في طريق سلوى جنب المتحدة لقيت عنده فيوزات صغيره قديمه من سراميك كنت استخدمه في اليونان ومصر بعد يستخدمونها شكلها بيضاوي كأنها علبه حلوه صغيره

سألته في حد يستخدم هذا النوع الحين في قطر عشان انت تبيعه قالي ان مازال بعض المولدات والأجهزة القديمة تحتاجه وفي كثير من الشركات تشتري من عندي

وبيت الوالد مره اخترب عندي الفيوز الرئيسي وطلع من سيراميك كأنه مقبض يد ويالله ياالله حصلت مثله وقيمته ب 300 ريال تحصله يستخدم عند الحكومة في المحولات الموجوده في الفرجان

معماري قطري

13-01-2015, 09:27 PM

العين ماتعلى على الحاجب اخوي معماري

ماعليك مني هذا بس اجتهاد شخصي وإلا مب من معرفه

تعلمنا منكم من هذا القسم

أعضاء هذا القسم فطاحلة وردوكم وشرحكم مفصل وخاصه الاخ معماري

ما شاء الله عليك يبين لي إِطلاع وخبرة .. عن مواضيع الكهربة انا أَكون حذر وايد واسئل عدة أَشخاص متمكنين ومهندسين خبرة في المجال .. وانت توضيحاتك مهمة للكل لأَن سوقنا مفتوح للرديء والزين وهذا عيب كبير.

المحلات الكبيرة والأَسماء الكبيرة تجيب جودة وخصوصاً الدرويش وغيره من التجار المعروفين بالماركات المشهورة في مجال الكهربة.