بعد افتتاح ميناء الرويس مطلوب تشغيل عبارات سياحية.......... [الأرشيف]

بومتعب

13-01-2015, 08:04 AM

بعد أن تم افتتاح ميناء الرويس الجديد الاسبوع الماضي من قبل معالي رئيس مجلس الوزارء وتوجيهات معاليه بأن يتم استغلال هذا الميناء كأحد منافذ الدولة لتنشيط علاقات قطر مع الدول المجاورة والعالم الخارجي ..... اصبح من الضروري توفير عبارات سياحية لنقل المسافرين بين دول الجوار كالبحرين والدمام وايران .... خاصة وأن موقع الرويس الجغرافي في اقصى شمال قطر واطلالتها المباشرة على خط الملاحة البحري للخليج العربي سيتيح لها ميزة نسبية لسهولة التنقل بين الدول والمدن الساحلية المجاورة لقطر ............

اتمنى أن يتم التسريع بهذا المشروع نظراً لجدواه الاقتصادية والتجارية والسياحية للدولة...........

حمد 2002

13-01-2015, 08:09 AM

نتمنى ان لاتكون وسائل النقل حكرا لاشخاص بأعينهم ، وان يتم دعم اصحاب ذوي الدخل المحدود بتلك المشاريع ،

وشكرا ،،

حسن

13-01-2015, 08:12 AM

لا تخربون علينا يالربع

:)

النظامي

13-01-2015, 08:13 AM

حسن

13-01-2015, 08:18 AM

كلام صحيح ... و راح يستفيد المواطن والدولة من المشروع هذا من جميع النواحي

و ياليت يكون فيه عبّارة بينا وبين دبي يقولون ساعة ونص ولا انت في دبي

تسلم يا بو متعب على المشروع الجميل

وننتظر منك الاجمل

يارجال ماعليك من الكلام وين ساعه ونص الى دبي

كان هذه تمشي 400 كيلو في الساعه يمكن

وتفكر البحر مثل الشارع ولا الجو يبيى هو ا موج تبي العالم منسدحين زواع

R 7 A L

13-01-2015, 08:22 AM

لا تخربون علينا يالربع

:)

خربوا على هل العديد من قبل
من بعد ماكان فيه الا عيال العسيري وكم خيمة منصوبة على السيف للصيد
قام من هب ودب يروح للعديد

رجل الجزيرة

13-01-2015, 08:26 AM

يارجال ماعليك من الكلام وين ساعه ونص الى دبي

كان هذه تمشي 400 كيلو في الساعه يمكن

وتفكر البحر مثل الشارع ولا الجو يبيى هو ا موج تبي العالم منسدحين زواع

بو علي سؤال:

شمال قطر فيها جزر مثل بنانا علشان يحطون شاليهات في المستقبل تنافس جزيرة البنانا.

:)

حسن

13-01-2015, 08:45 AM

بو علي سؤال:

شمال قطر فيها جزر مثل بنانا علشان يحطون شاليهات في المستقبل تنافس جزيرة البنانا.

:)

لا والله مافيها الاجزيره ام تيس وفرق بين الاثنين

ومهب ناقصين تدمير البيئه اكثر من ماهي تدمر الى الان

بوفاطمه

13-01-2015, 08:46 AM

السلام عليكم ورحمة الله وبركاته...
اسعد الله الله صباحكم.
نشكر جهود الشيخ:تميم بن حمد ال ثاني ،والامير الوالد:حمد بن خليفة ال ثاني .
وابارك للجميع من المواطنين والمقيمين.
اتمنى من الهيئة العامة والسياحة الاكثار من الاماكن السياحية مثل المنتجعات والجزر السياحية واماكن ترفيهية .
اسف على الاطلة .
والله ولي التوفيق

Aaziz

13-01-2015, 12:29 PM

العبارات المستخدمه في الفندق الجديد في البنانا (اننتارا) ممتازه جدا ،،، دورت لها صوره مالقيت ... مربعه و رفيعه و قدام مثل السيوف عشان ماتحس بالموج و سريعه جدا جدا ،، اتوقع سرعتها في التنقل 80 كيلو اذا مش اكثر
ونظام المكاين جيت (دفع الماء) مثل السكوتر .
لو يحطون فقط ثنتين في ميناء الرويس للتنقل للبحرين او الخبر تطلع وقت توفر زباين (تتصل تحجز) اتوقع بيكون مشروع ناجح و خدمي الى اقصى حد .
يعني تطلع الصبح و ترجع في الليل .. و البحر في هذي المنطقه رق مش غزير ،، اما ايران لا ماينفع و خصوصا ان المسافه طويله و البحر مفتوح و فيه قرصنه بحريه من قبل الايرانيين

MAZEN37

13-01-2015, 04:11 PM

الشكر لرئيس الوزراء عبدالله بن ناصر
رجال كفو بقراراته وتوجيهاته والنعم فيه

يمامـة

13-01-2015, 04:19 PM

لا تخربون علينا يالربع

:)

وليش ما يخربون عليك يا بوعلي؟:con2:

حسن

13-01-2015, 04:23 PM

وليش ما يخربون عليك يا بوعلي؟:con2:

امزح ياليمامه

ميناء الرويس قديم منذ الازل والحين بعد التوسعه زين سو بس مهب عاد ميناء اللي يسمعون به
عادي بسيط مايدخل باخره وحده
قولي فرضه سفاره حق اللنجات الخشب بمكن اما ميناء لا يابنت الحلال
مادري هم يخططون بس مايقولون وش بيسون الله اعلم

يمامـة

13-01-2015, 04:25 PM

امزح ياليمامه

ميناء الرويس قديم منذ الازل والحين بعد التوسعه زين سو بس مهب عاد ميناء اللي يسمعون به
عادي بسيط مايدخل باخره وحده
قولي فرضه سفاره حق اللنجات الخشب بمكن اما ميناء لا يابنت الحلال
مادري هم يخططون بس مايقولون وش بيسون الله اعلم

اوبيه كل هالاعلان واخرتها فرضة..............> اتصدق ظنيت بعد ازمتنا مع دول الجوار
ان ينبني ميناء لا صار ولا استوى في الشمال ..........................> طلع ظني مزح نفس مزحك :(

حسن

13-01-2015, 04:32 PM

اوبيه كل هالاعلان واخرتها فرضة..............> اتصدق ظنيت بعد ازمتنا مع دول الجوار
ان ينبني ميناء لا صار ولا استوى في الشمال ..........................> طلع ظني مزح نفس مزحك :(

المشكله الناس تقرا ولا تدري انا توني نزل منه ولي موضوع في الاستراحه ومصوره
وسعو المدخل اللي كان كانه حيه وعمقه مهب عمق بواخر لا لنجات خشب يخوت اوكي
مادري وبعدين مادري وش بيسون وليش وشنهو المخطط
وبعدين اي تجاره
الميناء الضخم هو مسيعيد الجديد االي لين الحين مانفتح هذاك مينا دولي
ولا رويس بسيط جدا ومحد يسافر منه الى كم واحد يطلع ويرجع
اخر مره رحت ورجعت وجبت خبز ايراني ورويد وبغل وجرجير وبربير
وحلوه وخبز الشيخ توه جديد طالع في البحرين
وربيان

هذه صوغه اللي يسافرون منه

نفسي عزيزه

13-01-2015, 07:57 PM

لا والله مافيها الاجزيره ام تيس وفرق بين الاثنين

ومهب ناقصين تدمير البيئه اكثر من ماهي تدمر الى الان

حسن ليش نسيت جزيرة ركن :omg:

مستثمر رشيد

14-01-2015, 12:52 PM

فكرة رائعة نتمنى تنفيذها
سيترتب عليها احياء المناطق الشمالية

aloosh

14-01-2015, 01:05 PM

اول شي جو الخليج متغلب من ناحيه الرياح

اذا يفكرون في عبارات يجيبون كبار ومريحه للمسافر اما يجينون صغار ما يسوى على راكب سفر لو فيه امواج

JN000N

14-01-2015, 03:21 PM

حسن ليش نسيت جزيرة ركن :omg:

الا ركن
لحد يقربها
لحد يخرب الشمال
مانبي تجاره من هناك
ولا نبي زحمه
ولا نبي هيلق
كفايه بعض الهيلق الي مملغين علينا هناك
بعد يزيدون؟
لالا يبه
خله ع قده وعله ماتطور
طورو ف كل مكان الا رويس خلوها على وطر الاوليين والبساطه

نفسي عزيزه

14-01-2015, 03:39 PM

الا ركن
لحد يقربها
لحد يخرب الشمال
مانبي تجاره من هناك
ولا نبي زحمه
ولا نبي هيلق
كفايه بعض الهيلق الي مملغين علينا هناك
بعد يزيدون؟
لالا يبه
خله ع قده وعله ماتطور
طورو ف كل مكان الا رويس خلوها على وطر الاوليين والبساطه

والله كلامج درر
ودنا فرويس تتم جذي لكن شكلهم ناويين نيه ياجنون ع المينا وركن :weeping:

JN000N

14-01-2015, 03:40 PM

لا ان شاء الله مب مسوين شي :weeping:

h9466

14-01-2015, 04:04 PM

اطيب ناس اهل الشمال...كنت رحلة ليوم واحد من الصبح لليل...حطيت الغزول وولعت النار وقلت بعد صلاة العشا بشيلهم وانا راجع والمكان اللي انا فيه كان هناك مخيم يبعد عنه حوالي 100 متر والله الشباب غصب عني اخذوني اتعشى معاهم ,,في البداية اعتذرت لاول شخص جاني وبعد حوالي10 دقايق جاني شخص ثاني ومباشرة نزل من سيارته وطفى النار وقال لازم تتعشى معانا...
الحقيقة ناس اصلاء والكرم في دمهم..الله يديم عليهم الامن والامان...

نفسي عزيزه

14-01-2015, 04:48 PM

حبيب h9466 وماعليك زود

حسن

14-01-2015, 06:02 PM

حسن ليش نسيت جزيرة ركن :omg:

ياخوك ادري انه مايبون
ذكرتني بجزيرتنا اللي راحت

SeniorTrader

14-01-2015, 06:44 PM

باقي مرحلتين بعد للتطوير

المينااا بيصير تجاري خلاص

حسن

14-01-2015, 06:49 PM

باقي مرحلتين بعد للتطوير

المينااا بيصير تجاري خلاص

يعني نلحق نشتري اراضي هناك حق المستقبل

:victory:

R 7 A L

14-01-2015, 07:10 PM

نتمنى ان لاتكون وسائل النقل حكرا لاشخاص بأعينهم ، وان يتم دعم اصحاب ذوي الدخل المحدود بتلك المشاريع ،

وشكرا ،،

فيه شركات مايحتاج يدخل اشخاص في المشاريع

QATAR 77

14-01-2015, 09:29 PM

ايش اقرب ميناء ايراني للرويس يصير اجيب بضاعة من ايران

معماري قطري

14-01-2015, 11:16 PM

لا تخربون علينا يالربع

:)

بو علي انا معزوم على رحلة بطرادك صح؟

معماري قطري

14-01-2015, 11:20 PM

ايش اقرب ميناء ايراني للرويس يصير اجيب بضاعة من ايران

ايران موانيها وايد .. قبل سويت دراسة طلعت منطقة بوشر تبعد حول 400 كلم من الدوحة ومن الشمال تقريباً 300 كلم لكن الساحل المقابل أَكيد أَقل.

الله يوفق والله شيء حلو بيكون خصوصاً لمواد البناء