الانتخابات + طريقة اختيار مرشحك ؟؟

[برشلوني قطر]

السلام عليكم

بما ان حاليا في فترة انتخابات ويصير الكثير من الجدل ف طريقة اختيار المرشح .

تواصل معاي الصدبق و الغريب والي ماسمعت عنه من سنوات طويله واحترت بينهم ولا عرفت اختار.

انا مايهمني ايش بيخدمني فيه لان ماعتقد في يدهم شي قد ماهي مسؤليه قدام الله.

جاني واحد من الربع فالدوام متضايق وقلت له عسى ماشر ؟؟ قال يا اخي افلان طالب ارشحه ويبي كل

الجماعه يرشحونه وعور راسي .. قلت وين المشكله ؟؟ قال يااخي مابي ارشح حد ومستحي منه..قلت ليش ؟؟

قال احس اني بجامل فلان وهذا الشي محاسب عليه.

بعد كلامه رجعت اعيد حساباتي.

هل انتخب ولد عمي لان من الجماعه وملزوم اوقف معاه ؟؟

هل اذا طلب مني صديق انتخبه وانا مب مقتنع فيه. اعتذر منه واقوله مب منتخبك ؟؟ والا اجامله واقول ان شاء الله ؟؟


ارآئكم ومناقشاتكم تهمني

[R 7 A L]

انا ماراح ارشح احد

[حسن]

الصراحه هذه الاشياء الغلط واتمنى كل المرشحين ينفذونها ولكن مااعتقد ولا مرشح ينفذها
يطقطقون علىى خلق الله ويااذونهم رشحونا رشحونا
من جذي انا مفتك ولا سجلت نهائيا وخصوصا لاما قرات مجلس استشاري ولا يؤخذ برائيه
ومافيه اي صلاحيات حسب قرائتي له
فا فاك عمري من الصداع

من رائي بحكم انا مجتمع قبلي رشح ولد عملك

ههههههه

[برشلوني قطر]

انا ماراح ارشح احد

ايش الاسباب اخوي رحال ؟؟ وهل اذا قالك واحد من جماعتك رشحني بتقوله ماراح ارشحك ؟؟

[R 7 A L]

ايش الاسباب اخوي رحال ؟؟ وهل اذا قالك واحد من جماعتك رشحني بتقوله ماراح ارشحك ؟؟


اول شي ماشفت شي من المجلس البلدي
حتى برامج المرشحين ماشفتها
3 الي قالوا لي رشحنا قالت اسموح لي ماراح ارشح احد واذا برشح لازم اشوف البرامج الي راح يقدمها المرشحين من غير ماشوف الاسماء
الصوت أمانة

[وحيد-الشوق]

كل السنين الي راحت مارشحت حد محد يستاهل ادق سلف لموتري واروح انتخب :)

[فريج النجادة]

اول شي ماشفت شي من المجلس البلدي
حتى برامج المرشحين ماشفتها
3 الي قالوا لي رشحنا قالت اسموح لي ماراح ارشح احد واذا برشح لازم اشوف البرامج الي راح يقدمها المرشحين من غير ماشوف الاسماء
الصوت أمانة

كلام صحيح الصوت امانة

[فريج النجادة]

كل السنين الي راحت مارشحت حد محد يستاهل ادق سلف لموتري واروح انتخب :)

وهل دقيت سلف على المجلس البلدي وجلست معاهم وتعرفت على انجازاتهم حتى لا تضلمهم

[فريج النجادة]

جرايدنا المحلية مع الاسف بدل ما تصف مع المجلس البلدي وتكون عون لة

حتى يحصل على صلاحيات اكثر واكبر

تبحث عن الاخطاء الصغيرة وتكبرها من اجل بيع جرايدهم

والنتيجة عزوف الناس عن المجلس

[فريج النجادة]

خدمة اهل الدائرة شرف واجر وثواب لكل صحح نية وقصدة مع الله سبحانة وتعالى

والله يوفق الجميع لخدمة الوطن والمواطن

[برشلوني قطر]

الصراحه هذه الاشياء الغلط واتمنى كل المرشحين ينفذونها ولكن مااعتقد ولا مرشح ينفذها
يطقطقون علىى خلق الله ويااذونهم رشحونا رشحونا
من جذي انا مفتك ولا سجلت نهائيا وخصوصا لاما قرات مجلس استشاري ولا يؤخذ برائيه
ومافيه اي صلاحيات حسب قرائتي له
فا فاك عمري من الصداع

من رائي بحكم انا مجتمع قبلي رشح ولد عملك

ههههههه



هههههههههههههه وصوتك امانه ؟؟؟

مشاركتك مهمه يابوعلي وممكن مستقبلا تجيب نتايج..متفائلين خير..

وممكن ترشح نفسك مستقبلا وتساهم ف منع قرار منع ( الخيه )

[برشلوني قطر]

كل السنين الي راحت مارشحت حد محد يستاهل ادق سلف لموتري واروح انتخب :)

تبي الصراحه ياوحيد ف ناس يسعوون ويتكلمون ويحاولون...لاكن المسأله محتاجه تعاون من الجهات في تطبيق مقترحاتهم

[VX.R]

كل السنين الي راحت مارشحت حد محد يستاهل ادق سلف لموتري واروح انتخب :)

وليش ما ترشح وتطالب العضو بتبني قضيتك حول ( القرض بدون ارض ) ، فلا تعلم لعله يكون سبب في ايجاد حل او توصيل صوتك للمسؤولين.

[حسن]

هههههههههههههه وصوتك امانه ؟؟؟

مشاركتك مهمه يابوعلي وممكن مستقبلا تجيب نتايج..متفائلين خير..

وممكن ترشح نفسك مستقبلا وتساهم ف منع قرار منع ( الخيه )

ياخوك اذا تبي تخطط خطط صح انا ناطر مجلس الشوري المنتخب الموعودين به وصوتنا عليه في الدستور
جواز خاص برستيج خاص صلاحيات اكبر

انا اشوف شي ماتشوفونه

هاهاها

اما مجلس بلدي مايناسبني شغل مطبه وحفره ولوحه شاره طايحه

ارسم على شي كبير

:victory:

[بو خليفه 123]

للامانه انا اشوف مرشحنا انسان مجتهد , ولو انه ما انجز كل المتطلبات في فريقنا و لكن كان يرد على جميع طلباتنا , و كان يجينا لين مجالسنا , و يبلغنا بجميع المناسبات من اهل فريقنا عرس او عزاء و يرسل لي تقارير بالواتساب على المستجدات في فريقنا , فلذلك يوم اتصل يطلب مني ارشحه قلت له تم بناءً على جهوده .

بنفس الوقت اتصل فيني صديق او جار قديم و طلب مني ارشحه و اعتذرت منه و قلت له اني عطيت كلمه للشخص الي قبلك .

الله يجزيهم خير جميعاً و يوفقهم بخدمة بلدنا الحبيب

[غايه الطواش]

ارشح مجلس صلاحيته توصيات !!
اصلا ماله اهميه , احسه بس اختبار للشعب شلون يتعاملون مع الانتخابات وطريقه اختيار المرشح حسب مؤهلاته , مب حسب ولد قبيلتنا ولد معارفنا اخو مدرسه معاي !
رفيجنا فالمجلس !!

[monatee]

محد يستاهل اني اطق حتى زر بتلفوني واصوت له

[Aaziz]

انا رشحت اول مره بس و من بعدها مارشحت ولا راح ارشح .. المرش تحس يبحث عن الوجاهه مع انه ما اشوف وجاهه في الموضوع .

الخلل طبعا في صلاحيات المجلس البلدي

انظم لقائمة المقاطعون

[فريج النجادة]

للامانه انا اشوف مرشحنا انسان مجتهد , ولو انه ما انجز كل المتطلبات في فريقنا و لكن كان يرد على جميع طلباتنا , و كان يجينا لين مجالسنا , و يبلغنا بجميع المناسبات من اهل فريقنا عرس او عزاء و يرسل لي تقارير بالواتساب على المستجدات في فريقنا , فلذلك يوم اتصل يطلب مني ارشحه قلت له تم بناءً على جهوده .

بنفس الوقت اتصل فيني صديق او جار قديم و طلب مني ارشحه و اعتذرت منه و قلت له اني عطيت كلمه للشخص الي قبلك .

الله يجزيهم خير جميعاً و يوفقهم بخدمة بلدنا الحبيب

من اجمل الردود

بارك الله فيك

[Right]

قبل التصويت ، اسئلوا أنفسكم:


المجلس البلدي وأعضاءه ، هل لهم دور فعلاً فعال ومرئي ؟!

[برشلوني قطر]

خدمة اهل الدائرة شرف واجر وثواب لكل صحح نية وقصدة مع الله سبحانة وتعالى

والله يوفق الجميع لخدمة الوطن والمواطن

الله ياجرهم ع عملهم...ونتمنى تعاون الجهات معاهم


وليش ما ترشح وتطالب العضو بتبني قضيتك حول ( القرض بدون ارض ) ، فلا تعلم لعله يكون سبب في ايجاد حل او توصيل صوتك للمسؤولين.

مب غلط..المشكله ياخوي بعض الاعضاء ماعندهم مكان ممكن تشوفهم فيه او تجلس معاهم..اتمنى اتمنى يكون لكل دائرة مجلس وتكون فيه جلسات دوريه


ياخوك اذا تبي تخطط خطط صح انا ناطر مجلس الشوري المنتخب الموعودين به وصوتنا عليه في الدستور
جواز خاص برستيج خاص صلاحيات اكبر

انا اشوف شي ماتشوفونه

هاهاها

اما مجلس بلدي مايناسبني شغل مطبه وحفره ولوحه شاره طايحه

ارسم على شي كبير

:victory:

ياخوي مابقى فالعمر كثر الي راح :rolleyes2:

سولك مطبه والا طلع ارض فالصناعيه ليتيم وبتحصل من يدعيلك فالغيب:victory:

[غير عنهم]

عضو منطقتنا ماشفنا منه الا المطبات الي كسرت سياراتنا الظاهر هاذي صلاحيته ( والمفروض كل شخص يبي يرشح نفسه يعرض برنامجه الاحترافي عن طريق الاعلام وما يزعج الناس )

[حسن]

عضو منطقتنا ماشفنا منه الا المطبات الي كسرت سياراتنا الظاهر هاذي صلاحيته ( والمفروض كل شخص يبي يرشح نفسه يعرض برنامجه الاحترافي عن طريق الاعلام وما يزعج الناس )

المطبات حت سواقك يقدر يطلبها كتاب للمرور وهذيلاك مايصدقون بدون دراسه ولا شي
لازلت اقول لو في يدي القرار لكان حاسبت كل من وضع مطبه وكان خلف القضبان في قانوني

اي برنامج الله يهداك لاكون النووي
لو يطرح مليون برنامج مواظيع اعدت من قبل اداره المشاريع في وزاره البلديه من زمان

[برشلوني قطر]

للامانه انا اشوف مرشحنا انسان مجتهد , ولو انه ما انجز كل المتطلبات في فريقنا و لكن كان يرد على جميع طلباتنا , و كان يجينا لين مجالسنا , و يبلغنا بجميع المناسبات من اهل فريقنا عرس او عزاء و يرسل لي تقارير بالواتساب على المستجدات في فريقنا , فلذلك يوم اتصل يطلب مني ارشحه قلت له تم بناءً على جهوده .

بنفس الوقت اتصل فيني صديق او جار قديم و طلب مني ارشحه و اعتذرت منه و قلت له اني عطيت كلمه للشخص الي قبلك .

الله يجزيهم خير جميعاً و يوفقهم بخدمة بلدنا الحبيب

اعجبتني صراحتك يابوخليفه والي ماقدرت اسويها...وكل واحد قلت له ان شاء الله..

بس حلو تواصله معاكم وشي طيب.....تدري متى شفته ؟؟ مره فالحلاق في الاربع سنوات ودفع حسابي وراح:victory: << جزاه الله خير


ارشح مجلس صلاحيته توصيات !!
اصلا ماله اهميه , احسه بس اختبار للشعب شلون يتعاملون مع الانتخابات وطريقه اختيار المرشح حسب مؤهلاته , مب حسب ولد قبيلتنا ولد معارفنا اخو مدرسه معاي !
رفيجنا فالمجلس !!

هذا الي صاير...ليش مايكون في توعيه وبرامج ان الي بتنتخبه مب لانه صديقك والا ولد عمك!!!


محد يستاهل اني اطق حتى زر بتلفوني واصوت له

وسع صدرك ياخوي


انا رشحت اول مره بس و من بعدها مارشحت ولا راح ارشح .. المرش تحس يبحث عن الوجاهه مع انه ما اشوف وجاهه في الموضوع .

الخلل طبعا في صلاحيات المجلس البلدي

انظم لقائمة المقاطعون

مب وجاهه يابوسعود...يمكن علشان التفرق

وتفائل خير ياخوي...يمكن تصير اشياء حولك وماتدري ان الي سعى فيها هو عضو دائرتكم..

لا للمقاطعه...مع اني ادري ان صلاحياتهم مجرد توصيات

[برشلوني قطر]

قبل التصويت ، اسئلوا أنفسكم:


المجلس البلدي وأعضاءه ، هل لهم دور فعلاً فعال ومرئي ؟!






ممكن تكون المشكله مب فيهم وممكن البعض يطالب ويجتهد لاكن التطبيق من الجهات الي ماتتعاون معاهم


عضو منطقتنا ماشفنا منه الا المطبات الي كسرت سياراتنا الظاهر هاذي صلاحيته ( والمفروض كل شخص يبي يرشح نفسه يعرض برنامجه الاحترافي عن طريق الاعلام وما يزعج الناس )

من حقك تطلب قبل لا ترشح

[فريج النجادة]

اعجبتني صراحتك يابوخليفه والي ماقدرت اسويها...وكل واحد قلت له ان شاء الله..

بس حلو تواصله معاكم وشي طيب.....تدري متى شفته ؟؟ مره فالحلاق في الاربع سنوات ودفع حسابي وراح:victory: << جزاه الله خير



هذا الي صاير...ليش مايكون في توعيه وبرامج ان الي بتنتخبه مب لانه صديقك والا ولد عمك!!!



وسع صدرك ياخوي



مب وجاهه يابوسعود...يمكن علشان التفرق

وتفائل خير ياخوي...يمكن تصير اشياء حولك وماتدري ان الي سعى فيها هو عضو دائرتكم..

لا للمقاطعه...مع اني ادري ان صلاحياتهم مجرد توصيات

والتوصيات ممكن يكون لها نتيجة

[R 7 A L]

مانبي منهم شي الله يكثر خيرهم
نبي بس بعد ماتخلص الانتخابات يشيلون الوائح التعريفية الي فيها صورهم لانها ماراح تكون مثبته عدل والجو متغير و وضعها خطر على السيارات

[ضوى]

مانبي منهم شي الله يكثر خيرهم
نبي بس بعد ماتخلص الانتخابات يشيلون الوائح التعريفية الي فيها صورهم لانها ماراح تكون مثبته عدل والجو متغير و وضعها خطر على السيارات

اتفق معاك تماما

[يمامـة]

صوتك امانة وعطه للي يستحق ... ولا تجامل حد
محد بينفعك لو عطيت صوتك من باب الفزعة..

فإذا ناوي تصوت واطلبوا منك صوتك
قول لهم صوتي باحطه في الصندوق ولا تخبر ولا واحد فيهم انك بتعطيه صوتك
لو كان اي واحد فيهم هو اللي بتختاره..
اما اذا ما تبي تصوت قول لهم مب مصوت وفك عمرك..

[القبطان اكس]

مرشحنا يطلع في الصور اكثر من توم كروز

وبعد الفوز والله ما نتذكر شكله

ميالس وركض على الفرضة ولعب ورق يوميا وانا شاهد على ذلك

ووقت الحاجة ايقول مالي خص

يمدحون جو الوكرة

[khalid525]

شاركوا يالربع ليش دايما تاخذون الاختيار السلبي ، وللي متعيز يسجل عن طريق مطراش

[فريج النجادة]

شاركوا يالربع ليش دايما تاخذون الاختيار السلبي ، وللي متعيز يسجل عن طريق مطراش

:victory: :victory: :victory:

[برشلوني قطر]

جزاكم الله خير ع المشاركه والارآء الطيبه


صوتك امانة وعطه للي يستحق ... ولا تجامل حد
محد بينفعك لو عطيت صوتك من باب الفزعة..

فإذا ناوي تصوت واطلبوا منك صوتك
قول لهم صوتي باحطه في الصندوق ولا تخبر ولا واحد فيهم انك بتعطيه صوتك
لو كان اي واحد فيهم هو اللي بتختاره..
اما اذا ما تبي تصوت قول لهم مب مصوت وفك عمرك..

اشكرج اليمامه ع النصيحه..وان شاء الله راح آخذ فيها وصوتي يكون لمن يستحق

[فريج النجادة]

شاركوا يالربع ليش دايما تاخذون الاختيار السلبي ، وللي متعيز يسجل عن طريق مطراش

:nice: :nice: :nice:

[حـ ن ـيـ ن]

غالباً ما نجد صعوبة في اختيار المرشح .... أما طريقة التسجيل فياحبذا لو كانت إلكترونية عامة تشمل

جميع أفراد الأسرة وليس عن طريق خدمة مطراش فقط لتسهيل المشاركة للجميع ...

طبعا المرشحين فيهم القريب والبعيد وقررت أرشح القريب :nice:

وصديقاتي قلت لهم صوتي بيكون لمن وتعذرت لعدم التصويت لأقاربهم ....

وفالهم التوفيق ...

[R 7 A L]

للاسف صلاحيات المرشح ماتشجعنا على التصويت

[حـ ن ـيـ ن]

للاسف صلاحيات المرشح ماتشجعنا على التصويت

بغض النظر عن الصلاحيات لأن هذا شيء ليس منهم ... إذا ترشح أحد من جماعتك وفيه خير

مالمانع إنك تصوت له ؟!!خصوصا إذا أحد طلب صوتك وهو يستاهل صوت له ...

أما إن كان الشخص سيئا ومعروف عنه هذا الشيء لن أرشحه وإن كان قريبا....

[R 7 A L]

بغض النظر عن الصلاحيات لأن هذا شيء ليس منهم ... إذا ترشح أحد من جماعتك وفيه خير

مالمانع إنك تصوت له ؟!!خصوصا إذا أحد طلب صوتك وهو يستاهل صوت له ...

أما إن كان الشخص سيئا ومعروف عنه هذا الشيء لن أرشحه وإن كان قريبا....

صحيح
بس شالفايدة الي راح استفيد منها وهو بس اسم ماعنده صلاحيات

[حـ ن ـيـ ن]

صحيح
بس شالفايدة الي راح استفيد منها وهو بس اسم ماعنده صلاحيات

وهل سوف تتضرر من اعطاء صوتك ؟!

شخص طلب مني أصوت له وفيه خير وما منها ضرر لي شخصيا ولا للمجتمع .. ...بصوت له...

أما الصلاحيات أكيد سوف يكون لهم ذلك عاجلا أم آجلا ....

[R 7 A L]

وهل سوف تتضرر من اعطاء صوتك ؟!

شخص طلب مني أصوت له وفيه خير وما منها ضرر لي شخصيا ولا للمجتمع .. ...بصوت له...

أما الصلاحيات أكيد سوف يكون لهم ذلك عاجلا أم آجلا ....

عدم اعطائي وغيري لاصواتنا للضغط حتى تكون لهم صلاحيات مستقبلاً

[حـ ن ـيـ ن]

عدم اعطائي وغيري لاصواتنا للضغط حتى تكون لهم صلاحيات مستقبلاً

وجهة نظر ...قد تكون صحيحة ...

بالمقابل هناك من يعطي صوته ...

رحال بالنسبة للإنتخابات ماكان عندي فيها خبر ناسيتها تماماً...حتى جاءني اتصالين من أقارب

المرشحين ، أجبت الأولى واعتذرت من الثانية ...

(( ثمن الشيء طلبته)):)

[R 7 A L]

وجهة نظر ...قد تكون صحيحة ...

بالمقابل هناك من يعطي صوته ...

رحال بالنسبة للإنتخابات ماكان عندي فيها خبر ناسيتها تماماً...حتى جاءني اتصالين من أقارب

المرشحين ، أجبت الأولى واعتذرت من الثانية ...

(( ثمن الشيء طلبته)):)

هذا خطأ
الصوت امانة المفروض تشوفين كل المرشحين وتختارين الافضل ليس لك انتي فقط بل للمجتمع

[حـ ن ـيـ ن]

هذا خطأ
الصوت امانة المفروض تشوفين كل المرشحين وتختارين الافضل ليس لك انتي فقط بل للمجتمع

للأمانة ليس كل ما يكتب من برامج سينفذ وللأمانة لا أعرف المرشحين حق المعرفة وللأمانة سأرشح

القريب إن كان يستحق ذلك ...

[R 7 A L]

للأمانة ليس كل ما يكتب من برامج سينفذ وللأمانة لا أعرف المرشحين حق المعرفة وللأمانة سأرشح

القريب إن كان يستحق ذلك ...
تبقى وجهات نظر تحتمل الصواب وتحتمل الخطأ

الاهم من كل هذا النتائج المرجوة

[حـ ن ـيـ ن]

تبقى وجهات نظر تحتمل الصواب وتحتمل الخطأ

الاهم من كل هذا النتائج المرجوة

لا شك في ذلك ... وإن شاء الله تتحقق النتائج التي تصب في مصلحة الوطن والمواطن

[فريج النجادة]

في البداية يجب على الجميع تسجيل قيد الناخب وبعد ذالك سوف تتعرف على المرشحين من خلال

حملاتهم الاعلانية

والله ولي التوفيق

[حـ ن ـيـ ن]

في البداية يجب على الجميع تسجيل قيد الناخب وبعد ذالك سوف تتعرف على المرشحين من خلال

حملاتهم الاعلانية

والله ولي التوفيق

من غير التعرف على بقية المرشحين أو حملاتهم معظم من سجل قيد ناخب اختار المرشح مسبقا ...

[فريج النجادة]

قيد الناخب يحتاج الى تمديد اسبوعين على الاقل

حتى يسجل اكبر عدد ممكن

والله ولي التوفيق

[فريج النجادة]

معقولة قيد الناخب عن طريق مطراش

ولا يحق للناخب ان يختار المرشح عن طريق مطراش ليش!!!