مشورتكم يا اعضاء المنتدى بعد الحصول على الارض؟

[لورنس العرب]

يا اخواني وخواتي انا ولله الحمد والمنه طلعت لي ارض في الثميد والمنطقة على حسب قول الكثير يبيلها اكثر من سنة علشان يعملون الخدامات للمنطقة المذكورة
الحين سوالي انا شاسوي الحين؟ هل اروح اسوي مخطط للفيلا؟ او اروح لبنك التنمية؟
مادري شنو الخطوة القادمة بعد التخصيص

ارجوا منكم الافادة من خبرتكم

[قطري 777]

مبروك الارض اخيرا مابغت تطلع هههههاي المهم ياخووي اول خطوه شوف لك مكتب تخطيط وخطط الفله ع كيف كيف كيفك التخطيط شغل روقان لكن لا تتحمس ترى كل شي بحساب والقرض كله 12000000 وصدقني يالله يالله بدفع الرباعي انها تشطب البيت وعقب تعتمدها من البلديه الخرايط وافضل انك انت تروح بنفسك علشان تخلصها بسرعه لان المندوب ينقعونه بشهر شهرين وتكون اثناء المعامله متفق مع مقاول مجهز عقدك معه علشان تضيفه للمعامله عقب الخرائط المعتمده من البلديه ومع تعهد المقاول ( العقد) تسلمه للبنك التنميه وتنزلك اول دفعه 150 الاف اعتقد لكن شوف لك مقاول معروف وامين والعقد خل نقاطه لصالحك كل خطوه بمبلغ وخل الكوره في ملعبك لو حبيت توقف الشغل وتاخذ حد غيره ماتكون متضرر ونتمنى التوفيق والاعضاء مارح يقصرون وعندك معماري قطر متخصص ولايهونون الباقين ..

[لورنس العرب]

تسلم اخوي قطري 777 انك رديت علي انا حسبالي انا بروحي بالمنتدى
بس سؤالي هل اروح مكتب هندسي يخطط لي الفيلا اولا ؟ وكم تكلف تخطيط الفيلا تقريبا ؟
وبعد ما اخذ مخطط الفيلا هل انطر لين يسوون الخدمات في المنطق اللي فيها ارضي علشان اخلص باقي الاجراءات والا شنو بالضبط؟ وشاكر لك مرتن ثانيه

[باراكودا]

تسلم اخوي قطري 777 انك رديت علي انا حسبالي انا بروحي بالمنتدى
بس سؤالي هل اروح مكتب هندسي يخطط لي الفيلا اولا ؟ وكم تكلف تخطيط الفيلا تقريبا ؟
وبعد ما اخذ مخطط الفيلا هل انطر لين يسوون الخدمات في المنطق اللي فيها ارضي علشان اخلص باقي الاجراءات والا شنو بالضبط؟ وشاكر لك مرتن ثانيه

لازم تروح مكتب تخصصه تصميم الخرائط اولا لعمل الخريطة والسعر يعتمد على حجم الفيلا وأذا نسخ ولصق أرخص
والاسعار تبدا من 6000 لغاية 8000 ريال وبعد أخذ الموافقات من البلدية والتعاقد مع المقاول والاستشاري بلش في البناء
بعد الانتهاء من البناء تكون الخدمات وصلت .

[almomaiaz-m]

مرحبا اخوي الاجرااء بصيط جداً تروح مكتب استشاري لعمل التصميم المبدئي وتدرسه عدل معى الاهل والاصدقاء لتفادي الاخطاء في التصميم
من حيث التوزيع والمساحات للغرف والصالات وعقب ترجع لمكتب الاستشاري لتنفيذ يبيله على مايتنفذ قريب شهرين إذا تدل ارضك تشوف
إذا محدده الزوايا بقطع حديديه لونها احمرحلووووو وإذا لا تروح لي اشغال على ما اظن موجوده خلف الستي في برج وزارة العدل
ومعك سند الملكيه وصوره منه يمكن يطلبون مصدقه ناسي طلباتهم المهم بيسجلون بياناتك ومنها رقم الجوال لكي يبعثون لك مسج انها تحولت للأراضي
في المبنى الغديم خلف وزارة البلديه الرئيسيه على الكورنيش وشكراً

ملاحظه : المكتب الاستشاري بيخلص لك رخصه البناء وبيطلب عليك تعهد مقاول تشوف لك مقاول زين وذو خبره+تعهدمالك+تفويض استشاري لكي يراغب مراحل البناء

كل هذا الاوراق موجوده عند الاستشاري تاخذ رخصة البناء وتروح الاسكان في البرج الي جمب برج التخطيط العمراني الدور الاول لكي يحولون معاملتك على بنك التنميه
اتمنى فهمت علي واسف على طول الشرح

[love life]

سوري بس سؤال اذا المنطقه انت اتقول يبي لها اكثر من سنه علشان خدامات اشلون راح يعطونك ترخيص البناء الي سمعته ان في قانون جديد وما يعطون ترخيص اله بعد ما يكون فالمنطقه بنيه تحتيه وشوارع صححوا لي لو كانت معلوماتي غلط