ما بقى في البيت غير الخدامة والسواق !!!

[فريج النجادة]

ما بقى في البيت غير الخدامة والسواق !!!

اللهم ربي لك الحمد على هذا المجتمع المبارك

ولكن يبقى عندنا بعض الاخطاء المقصودة والغير مقصودة

والجميع يعرف ان بيوتنا اصبحت فاضية بعد خروج

العيال و ابوعيال وام العيال الى اعمالهم ومدارسهم

ويقول المثل حرص ولا تخون

ولا ودك ترجع البيت وتجد المشاكل التي لا تعد ولا تحصا

ننتظر منكم مقترحاتكم في وضع الحلول المناسبة

التي ترونها مناسبة ومجربة

[قطري 777]

مافيه حل غير الكاميرات لايوجد حل اخرر ......

[حسن]

شيلني انا من القائمه ذي

وهذا واقع صحيح لا غبار عليه الا من رحم ربي

والمشكله يجيك يسويله بيت ويحط على نفسه ديون واسمع شكاويهم في ودني الحبيب
اذا عدد الاسره الان لم يتجاوز الاربعه ليش هل المساحات والمبالغ والصرف اللي ماله عدال

[R 7 A L]

مافهمت المووضوع

[monatee]

راتب محترم لكل ربة منزل ،، وانا اولهم اطلع من الدوام واقعد في البيت

وبتنحل مشكله البيت فاضي

[MirusS]

التهديد والشده فالتعامل معاهم بدون قسوه
وأذا كلش كلش الكاميرات حل بعد

[فريج النجادة]

المشكلة ان بعض البيوت حاط غرفة الخادمة والسايق بجنب بعض داخل البيت!!!

[عثرة جواد]

السلام عليكم

العتماد ع النفس وكلن ينظف غرفته مايبقى الا الصالات والمجلس والباقي يقفل

والو في تنضيف خفيف يكون بوجود صاحب الغرفة

ولين يطلعون يقفلون باب السكة

عساك ع القوة

[برشلوني قطر]

المشكلة ان بعض البيوت حاط غرفة الخادمة والسايق بجنب بعض داخل البيت!!!

هذي مشكلة راعي البيت..

وياخوي خذها مني اذا هي مب سيده مارااح تقدر تضبط الامور حتى فالكيمرات...ممكن تساعد لا ماتمنع..

اكثر من واحد من الربع يقولي والله خووش خدامه عندي من الفير امر من جدام الغرفه اسمعها تقرا قرآن

آخر شي مع راعي الدكان...الله يكفينا

[ضوى]

الحل نستودع الله بيتنا واهلنا واولادنا ومالنا وخدمنا وسواقنا والله خير الحافظين ، ونتوكل على الله ونفوض جميع امرنا اليه وانتهى

[بوحارب]

ع الأقل راعي البيت يركب كيمرات وهمية عشان يخافون الخدم !!


وراعي البيت لازم يتقي الله في بيته

[Aaziz]

هذي مشكلة راعي البيت..

وياخوي خذها مني اذا هي مب سيده مارااح تقدر تضبط الامور حتى فالكيمرات...ممكن تساعد لا ماتمنع..

اكثر من واحد من الربع يقولي والله خووش خدامه عندي من الفير امر من جدام الغرفه اسمعها تقرا قرآن

آخر شي مع راعي الدكان...الله يكفينا

ههههههههههههههه استغفر الله العظيم
شر البليه مايضحك ههههههههه مطوعه هاه :nice:

اذا بلاهم على النفسهم هذي اهون ،، تذلف و يذلف ولاحول ولا قوه الا بالله
الي في مثل هالوضع (يترك البيت فاضي الصبح و فيه خدم) يجيب خدم كبار في السن " فوق الـ 40" و يلغم البيت كيمرات و يحط عليهم شروط ،، مثلا الدريول مايدخل البيت ،، حدوده غرفته و اذا شافه في يوم داخل الحوش يحاسبه

[بومحمد المطاوعه]

الله يجزاك خير على هذا الموضوع الطيب

[فريج النجادة]

الحل نستودع الله بيتنا واهلنا واولادنا ومالنا وخدمنا وسواقنا والله خير الحافظين ، ونتوكل على الله ونفوض جميع امرنا اليه وانتهى

من افضل الحلول

[رجل مثالي]

مافيه حل غير الكاميرات لايوجد حل اخرر ......


صح لازم يخوفونهم بوجود كاميرات
فى كل مكان في البيت أفضل
لتقييد اي عمل منهم
خطر لعدم وجود احد في البيت

[بنت مريخ]

هذي مشكلة راعي البيت..

وياخوي خذها مني اذا هي مب سيده مارااح تقدر تضبط الامور حتى فالكيمرات...ممكن تساعد لا ماتمنع..

اكثر من واحد من الربع يقولي والله خووش خدامه عندي من الفير امر من جدام الغرفه اسمعها تقرا قرآن

آخر شي مع راعي الدكان...الله يكفينا

كانت عندنا وحده صيام و قرايه قران وصلاه
و اخرتها يننت الدريول عطناها ناس بعد ينتت دريولها وسفرناها
سبحان الله هي تلعب اهنيه وريلها تزوج ثنتين عليها

[يمامـة]

الحل نستودع الله بيتنا واهلنا واولادنا ومالنا وخدمنا وسواقنا والله خير الحافظين ، ونتوكل على الله ونفوض جميع امرنا اليه وانتهى

والله خير الحافظين<< صدقتي

[فريج النجادة]

الله يجزاك خير على هذا الموضوع الطيب

بارك الله فيك يا ابومحمد

[ودي أكون]

سبحان الله محد مرتاح الا اللي ساكن عند امه وابوه .. او اللي امه وابوه ساكنين عنده

هم بركة البيت .. الواحد يطلع ومأمن على البيت بعد التوكل على الله عز وجل

[العقل المدمر]

الكاميرات والا يجيبهم متزوجين ويفكونا :telephone:

[ودي أكون]

الكاميرات والا يجيبهم متزوجين ويفكونا :telephone:

لا ما انصحك .. بتهاوش الخدامه بيفزع لها زوجها لدريول
بتهاوش الدريول بتفزع له زوجته الخدامه

بتسفر حد منهم بيخرب كل واحد عالثاني، يا انتم اثنينا يا انروح اثنينا :rolleyes2:

[محاسب]

الكاميرات ................... حل وهمي ماله قيمه
س- كم زاويه في البيت ممكن اتراقبها........ ؟؟؟ ولومليت كل زوايا البيت ..كم كاميرا ؟؟؟
إلا يلقون لهم وسيله ......
وبعدها أفرض مسكتهم متلبسين بالجريمه ..... وين الحل ,,بترجع في دوامة خدامه جديده ودريول ثاني .... وبدأ معاهم التعليم ...
أخوي السالفه ماله حل
واحد من الربع كانت في بيتهم خدامه عجوز ومن سنين ....وصادوها في سواد وجه؟؟
الحل ..
ترجع ربة البيت ......للبيت .

[مضارب دوسري]

الحل نستودع الله بيتنا واهلنا واولادنا ومالنا وخدمنا وسواقنا والله خير الحافظين ، ونتوكل على الله ونفوض جميع امرنا اليه وانتهى

ووين راح الاخذ بالاسباب !!!!!

[بصمة قطرية]

لا ما انصحك .. بتهاوش الخدامه بيفزع لها زوجها لدريول
بتهاوش الدريول بتفزع له زوجته الخدامه

بتسفر حد منهم بيخرب كل واحد عالثاني، يا انتم اثنينا يا انروح اثنينا :rolleyes2:

خخخخ
اي والله
اختي جايبة خدامة و جايبة ولد الخدامة
تقول ذاك اليوم راحت تكفخ الولد و تضربه
محترة عليه ..
اختي هاوشتها و بعدتها عنه قالت لها ما لج شغل فيه
تثول لإختي هاي ولدي ..

[ضوى]

ووين راح الاخذ بالاسباب !!!!!

وفي احسن من تحصين البيت بالاذكار في الاخذ بالاسباب ، علي انظم البيت وانبه واحذر غير جذي مابيدي شي ، كاميرات مرفوضه تماما عندي ، البيبان مقفله وخلاص واساسا سايقنا مايقعد الصبح في البيت يعني ان شاء الله نستودع البيت رب العالمين وامورنا طيبه باذن الواحد الاحد

[حسن]

الكاميرات ................... حل وهمي ماله قيمه
س- كم زاويه في البيت ممكن اتراقبها........ ؟؟؟ ولومليت كل زوايا البيت ..كم كاميرا ؟؟؟
إلا يلقون لهم وسيله ......
وبعدها أفرض مسكتهم متلبسين بالجريمه ..... وين الحل ,,بترجع في دوامة خدامه جديده ودريول ثاني .... وبدأ معاهم التعليم ...
أخوي السالفه ماله حل
واحد من الربع كانت في بيتهم خدامه عجوز ومن سنين ....وصادوها في سواد وجه؟؟
الحل ..
ترجع ربة البيت ......للبيت .

زبده الهرج على مايقولون
واخذوهذا الرد الصحيح والباقي مسكنات

وما الكيمرات الى نوع من انوع التقليد
وش يفيدب الكيمره اذا المراقب بعيد عنها ناس تضحك على عمرها
اللي مايقدر يقول للزوجه امسكي عيالك وربيهم
لا يلوم غيره
من همل فقد
ولا تنعذرون بالفقر الشماعه المشروخه