البحاره لاعبين في بورصه السمك لاحسيب ولا رقيب

[حمد 2002]

سعر برميل النفط اليوم 38 دولار = 138 ريال
سعر سمك الهامور اليوم 180 ريال = 49 دولار .

وين حماية المستهلك ✌️

[بصمة قطرية]

وينهم عن سعر السمك و لا النفط ..؟

[R 7 A L]

المفروض خلاص يمنعون التجار الشخصيين يا تستلم مواشي الموضوع
او ينزلون السعر

[حمد 2002]

وينهم عن سعر السمك و لا النفط ..؟
صحيح كلامج وينهم !!

[حمد 2002]

المفروض خلاص يمنعون التجار الشخصيين يا تستلم مواشي الموضوع
او ينزلون السعر

فكره والله ..


أشكرك ..

[R 7 A L]

المفروض البيئة يوقفون الصيد ويخلون البحر محمية مثل مايمنعون الصيد في البر
سنة وحدة يمكن تنقرض بعض انواع الاسماك من الصيد الجائر

[حمد 2002]

المفروض البيئة يوقفون الصيد ويخلون البحر محمية مثل مايمنعون الصيد في البر
سنة وحدة يمكن تنقرض بعض انواع الاسماك من الصيد الجائر

بعض البحاره همهم الفلوس بس ... أحسن من بيئة بلدهم ..

[R 7 A L]

والمتضرر في الاخير ذوي الدخل المحدود

[حمد 2002]

والمتضرر في الاخير ذوي الدخل المحدود

يعني الي دخله محدود يأكل وحر الكيلو ب 5 ريال والغني يأكل هامور الكيلو ب 180 !!

بعد الوحره حلوه مع صالونه ليش لا !! :nice:

[JN000N]

المفروض البيئة يوقفون الصيد ويخلون البحر محمية مثل مايمنعون الصيد في البر
سنة وحدة يمكن تنقرض بعض انواع الاسماك من الصيد الجائر

عقب شناكل
كورن فلكس

[حمد 2002]

عقب شناكل
كورن فلكس

لا فلافل مع جبس عمان من مطعم صديق هه هه هه !! ...


اضحك صح ؟ :shy: ..


ممممم وووو صج الجبس مال الآند مارك بقى يطيح على راسج ؟ :omg: :weeping: ..


سلامات ..:)

[R 7 A L]

عقب شناكل
كورن فلكس

ماقلت منع على طول نفس قرارات البيئة في البر
بعدين التونه يفي بالغرض

[R 7 A L]

يعني الي دخله محدود يأكل وحر الكيلو ب 5 ريال والغني يأكل هامور الكيلو ب 180 !!

بعد الوحره حلوه مع صالونه ليش لا !! :nice:


حتى الضبان ممنوعه هههههه
يمدحون التونه وبنت الديك ههههه

[بوحارب]

ان شاء الله المره الجايه اذا بنزل بحر لازم تخاويني

اشقلت حمندي !!

[JN000N]

لا فلافل مع جبس عمان من مطعم صديق هه هه هه !! ...


اضحك صح ؟ :shy: ..


ممممم وووو صج الجبس مال الآند مارك بقى يطيح على راسج ؟ :omg: :weeping: ..


سلامات ..:)

خساره انت ماكنت موجود
امس شموديك المعرض؟
كلهم قصار الي ف المعرض مافي الا اثنين طوال واحد معروف حسن الساعي اكيد الثاني انت
مب انت طولك 180 ووزنك 80

[JN000N]

ماقلت منع على طول نفس قرارات البيئة في البر
بعدين التونه يفي بالغرض

قوم اطلع برا

[قطر love]

اليوم الهامور كان 50 وين شايف السعر حمد

ثاني شي شدعوه رحال تطبق قوانين البر بالبحر ترى فرق كبير ومب كل شي لازم يتطبق حتى لو يوم واحد

قانون البحر من سنين والروبيان ممنوع شنو استفدنا خيرنا لغيرنا البحريني 45 والسعودي 30 والهندي 50 والايراني 70 اسعار فالسما تبي تمنع الصيد بعد والله قوطي التونه بيصير اغلى من الهامور لا تطلعون حرتكم فالبحر يا هل البر

[R 7 A L]

اليوم الهامور كان 50 وين شايف السعر حمد

ثاني شي شدعوه رحاال تطبق قوانين البر بالبحر ترى فرق كبير ومب كل شي لازم يتطبق حتى لو يوم واحد

قانون البحر من سنين والروبيان ممنوع شنو استفدنا خيرنا لغيرنا البحريني 45 والسعودي 30 والهندي 50 والايراني 70 اسعار فالسما تبي تمنع الصيد بعد والله قوطي التونه بيصير اغلى من الهامور لا تطلعون حرتكم فالبحر يا هل البر


اهلين وسهلين
ياخي لعبوا فينا ماتشوف الاسعار
بعدين المنع كحماية للثروة البحرية الصيد صار جائر من اول الي عنده طراد صار الحين عنده خمسة
والي كان عنه خمس صيادين الحين عنده درزن صيادين
المفروض يسوون لهم جدول ع الاقل كل صياد ولا راعي مركب له عدد معين من الايام في الشهر موب كل يوم نازل وملوث البحر
والوضع غير منظم يبي له شوي ترتيب

[JN000N]

رحال خبرك عتيج
الحين ممنوع البحاحير يدشون البحر بروحهم
لازم ريال قطري معاهم والا مايدشون

[قطر love]

اهلين وسهلين
ياخي لعبوا فينا ماتشوف الاسعار
بعدين المنع كحماية للثروة البحرية الصيد صار جائر من اول الي عنده طراد صار الحين عنده خمسة
والي كان عنه خمس صيادين الحين عنده درزن صيادين
المفروض يسوون لهم جدول ع الاقل كل صياد ولا راعي مركب له عدد معين من الايام في الشهر موب كل يوم نازل وملوث البحر
والوضع غير منظم يبي له شوي ترتيب

اقول سنع وزارتك وعدل جوالك وارجع هناك احسن لك ههههههههههههه


ثاني شي تبي تنزل الاسعار امنع الهنود ياخي عصابات تشوف العجب والله تحالف وتعاون بشكل مش طبيعي انا حضرت كم مره على فرضه الكورنيش فرضه الصيادين شوف طريقه البيع طراد يجي هندي واحد يشتري الطراد كله بمبلغ وقدام كل البياعين يشتري الي بالطراد كله ويرجع يبيعه على البياعه ياخي مخ وتعاون مش طبيعي والله لو نسوي مثلهم صدقني سنتين ولا بنفتح لنا دوله ثانيه من الفلوس

[R 7 A L]

رحال خبرك عتيج
الحين ممنوع البحاحير يدشون البحر بروحهم
لازم ريال قطري معاهم والا مايدشون


خطوة طيبة
ونطمع بالمزيــد

[رهج السنابك]

فعلا غاليه الاسعار
من اسبوع شفت كيلو الكنعد ظ¦ظ£ ريال في كارفور

[R 7 A L]

اقول سنع وزارتك وعدل جوالك وارجع هناك احسن لك ههههههههههههه


ثاني شي تبي تنزل الاسعار امنع الهنود ياخي عصابات تشوف العجب والله تحالف وتعاون بشكل مش طبيعي انا حضرت كم مره على فرضه الكورنيش فرضه الصيادين شوف طريقه البيع طراد يجي هندي واحد يشتري الطراد كله بمبلغ وقدام كل البياعين يشتري الي بالطراد كله ويرجع يبيعه على البياعه ياخي مخ وتعاون مش طبيعي والله لو نسوي مثلهم صدقني سنتين ولا بنفتح لنا دوله ثانيه من الفلوس



الهنود هذولاء هل هم من يمتلك تلك المراكب ؟
ولا لمواطنين ؟


كلامك فيه نوع من الصحة
بس بعد الوضع يبي له ترتيب

[حسن]

الموضوع كان في الاستراحه ايش اللي جابه للحوار !!!

والموضوع مايتكلم عن حقيقيه موجوده كيف تنااقشونه !!!

بس بازيدك معلومات

السمك رخيص حاليا مع العلم ان هواؤ وبرد وهو عكس ماكان في السابق
يكون غالي
سعر السوق يرجع لا نظريته الوفره وعوامل الطقس
كنت افكر ان الااسعار بتولع بعد منع الصيادين الاجانب من الدخول الى بقطري
ولكن اصبح سعره رخيص جدا للوفره وزياده المخزون
اداره الثروه السمكيه استخدمت اجراءت وحمايه للبيئه وللمواطن من خلال رجوع الفائده له شخصيا
وهذا قرار سليم

وحبيت اوجهه نصيحه اذا بي تشتري سمك وفرش روح السوق بعد المغرب
رخيص جداجدا وهناك فرق كبير بينه وبين المجمعات والمحلات الاخري في السعر
وثانيا بيكون فرش اكثر لان توه نازل السوق
وعلى المواطن ان يبحث عن الجوده وفرق السعر اذا كان همه اما اذا ماتفرق عنده ولا يطرش خدم
هذا راجعله

بعدين الهامور ب 180 شنهو الكيلو ولا كم كيلو ماححدت يممكن وزنه عشره كيلو
للعلم
ترا اسواقنا الارخص بالمنطقه

[Amigo]

من الي يشتري سمج من كارفور ولا الولو ؟؟؟؟؟؟
انتو فلبينين ولا شنو قبل فتره شريت 3 كيلو ربيان طلع علي الكيلو ب 45
رحت في نفس اليوم الولو لقيت الكيلو ب 75

المهم كيف حالكم انتو قالو كارفور والولو ,, اذا ماتاخذ من الجبره سمج ولا لاتاخذ
وصحيح سوقنا ارخص بوايد من اسواق المنطقه وعن تجربه شفت الفرق بين اسواق قطر والامارات السمجيه
وبس والله

[Amigo]

وعلى فكره الهامور الحين نازل سعره انا معينه قبل رمضان كان واصل 95 ريال للكيلو الحين 50 ريال
الي يعرف حق البحر يعرف متى يشتري السمج والي مايعرف يتم على التونه ابرك له

[باراكودا]

أنا أقترح يلغون الحضر على الربيان ويحضرون صيد الهامور لمدة 3 سنوات .

[يمامـة]

المفروض البيئة يوقفون الصيد ويخلون البحر محمية مثل مايمنعون الصيد في البر
سنة وحدة يمكن تنقرض بعض انواع الاسماك من الصيد الجائر

الروبينا ممنوع صيده وام الروبيان بعد...

بس هل صحيح في ناس عندهم تصريحات لصيدهم.. وفي ناس يصيدون لكن ما ينقال لهم شي؟

شنهي فايدة المنع دام ان في ناس يصيدون سواء بالخش او برضا الجهات المسؤولة؟
( هذا ل صج ان في ناس يصيدون)

اما بخصص الاسماك.. توني اقول حق ابوي اول امس
صار كيلو السمك اغلى من كيل اللحم وين صار هالشي؟ وليش؟

اما بخصوص ارتفاع اسعار الهامور وبعض انواع الاسماك الكبيرة يا حمد
يقولون لك الفنادق يشلون السمك من الفرضة بأي سعر
فلو خذوا كيلو الهاور على 80 يبيعونه باضعاف سعره..
للحين ما وصلوا للينم ولا كانوا ارفعوه هو الثاني..

بس صج الفنادق هي سبب ارتفاع سعر الهامور؟

[محاسب]

سوق السمك غصب يرتفع ولو مارتفع
كان الي ياكل سمج من اهلنا .....هو الي يروح البحر ويصيده
شوفو الكثافه السكانيه وحجم الاستهلاك ع حجم المعروض؟؟
في حل ::
يصرفون بدل علاوة غلا......... وهذا تم صرفه ع شكل قانون ..دخول البحاره مع مواطن ؟؟

[لبيبة]

فعلا صار السمك غالي، اكثر من قبل

ارجو تدخل حماية المستهلك وجميع الجهات المسؤولة في الحد من الغلاء

[بوعلي-Qtr]

اخوي انا ماعندي علم باسعار السمج
بس اللي اعرفه البترول ماله خص في سعر السمج
لانه البحاره بياخذون لتر البترول قبل ارتفاع البترول ولا اذا نزل بنفس السعر