حماية المستهلك تغلق معرض الفردان في السد

[مضارب دوسري]

السلام عليكم

‏#صور
الاقتصاد تغلق معرض رئيسي لوكالة سيارات شهيرة بمنطقة السد لبيعها سيارات تعرضت لحوادث على انها جديدة
#الوطن #قطر http://t.co/eSuQxpduEL‎‎‎



هل من عقوبات رادعه او سحب تراخيص !!!!!!

[بريق الحق]

كم سنه ينصبون عالعالم


الله المستعان ضيعت الامانه

[بوحارب]

يعني فوق الملايين اللي يربحونها بعد يبوقون crazy

يستاهلون

[حسن]

حمايته المستهلك شغالين شغل وكنت دائما اشكرهم رغم ان الكثير يذم فيهم دون معرفه

فككنت اشوف شي مايشوفونه


:)


يعطيهم العافيه

[القبطان سلفر]

تكرار المخالفات من اكثر من وكالة يعني ان الامر خطير ويحتاج الى تشريع حازم ويواكب الحدث .

لا يكفي اغلاق الوكالات بالرغم تقديرنا لحماية المستهلك على الجهود المضنية التي تقوم بها وانما الامر يحتاج الى إجراءات اكثر مثل الطلب من هذه الوكالات تقديم كشف لجميع اعمال الغش التجاري التي مارستها من خلال بيعها للسيارت المتضرره واستدعاء أصحابها واخبارهم بذلك وترك حرية التصرف لهم في رفع قضايا على الشركة او المطالبه بتعويض

من امن العقوبه اساء الادب . وهذا ما حدث وسوف يحدث ان توقفت الإجراءات على الاغلاق فقط .

[حسن]

تكرار المخالفات من اكثر من وكالة يعني ان الامر خطير ويحتاج الى تشريع حازم ويواكب الحدث .

لا يكفي اغلاق الوكالات بالرغم تقديرنا لحماية المستهلك على الجهود المضنية التي تقوم بها وانما الامر يحتاج الى إجراءات اكثر مثل الطلب من هذه الوكالات تقديم كشف لجميع اعمال الغش التجاري التي مارستها من خلال بيعها للسيارت المتضرره واستدعاء أصحابها واخبارهم بذلك وترك حرية التصرف لهم في رفع قضايا على الشركة او المطالبه بتعويض

من امن العقوبه اساء الادب . وهذا ما حدث وسوف يحدث ان توقفت الإجراءات على الاغلاق فقط .

والله ياسلفر مااعتقد هناك عقوبه مشدده مثل اغلاق شهر الصراحه مهب هين

[القبطان سلفر]

والله ياسلفر مااعتقد هناك عقوبه مشدده مثل اغلاق شهر الصراحه مهب هين


طيب والناس الي شرو سيارات متضرره من يعوضهم وياخذ حقهم ؟؟!!


انا ماخذ من النيسان والفردان وموديل السنه . وبديت اشك في سيارتي ! من ينبهني ويرد حقي ؟!!

[Al-Kuwari]

تكرار المخالفات من اكثر من وكالة يعني ان الامر خطير ويحتاج الى تشريع حازم ويواكب الحدث .

لا يكفي اغلاق الوكالات بالرغم تقديرنا لحماية المستهلك على الجهود المضنية التي تقوم بها وانما الامر يحتاج الى إجراءات اكثر مثل الطلب من هذه الوكالات تقديم كشف لجميع اعمال الغش التجاري التي مارستها من خلال بيعها للسيارت المتضرره واستدعاء أصحابها واخبارهم بذلك وترك حرية التصرف لهم في رفع قضايا على الشركة او المطالبه بتعويض

من امن العقوبه اساء الادب . وهذا ما حدث وسوف يحدث ان توقفت الإجراءات على الاغلاق فقط .

كلامك سليم اخوي

سيارات قيمتها فوق النص مليون وبعد مصبوغه ومدعومة !!

والمشكلة مهب هم بس

الحين النيسان و الفورد و الاند روفر وصدقني بكره بتطلع شركات ثانية

اقل القليل من حق المتضررين انهم يعرفون بشكل رسمي انهم من المتضررين عشان يتخذون قرار رفع قضية او لا

وبصراحة شهر مب وايد

هذا غش تجاري , مش اهمال مثلاً او عملية غير مقصوده , هذا غش مع سبق الاصرار والترصد والمفروض ان الوكالة تنسحب منهم كلهم

حسبي الله ونعم الوكيل

[حسن]

طيب والناس الي شرو سيارات متضرره من يعوضهم وياخذ حقهم ؟؟!!


انا ماخذ من النيسان والفردان وموديل السنه . وبديت اشك في سيارتي ! من ينبهني ويرد حقي ؟!!

هم المفروض اي سياره يصير فيها شي تتحول للسيارات المستعمله ولا يسون عليها عرض خاص
يعني شي طبيعي يسير في بعض السيارات اصابه من تنزيل وتحميل
ولكن يقولون حق الناس
على حسب علمي التعليمات في النسيان اي سياره فيها صبغ تتحول على المستعمله
حذي معقوله

مثلا انا ابي سياره مايهمني صدامها مصبوغ ولا اي مكان وبسعر ارخص
مافي سياره ماتصاب ولكن احنا دخلت علينا ضاهره غريبه والبعض يخلي موتره مدعوم علشان مايصبغ
منطق غريب وعجيب شنهو المشكله غيرت رفرف ولا باب وسبغته محل ممتاز ومايبين خير شر لو الجهاز مايكشفه محد دري عنه

اما يبيعون لك السياره وهم صابغيناها وانها مافيها شي هذا غلط

[القبطان سلفر]

اما يبيعون لك السياره وهم صابغيناها وانها مافيها شي هذا غلط


بالضبط بوعلي ......... هذا غلط والغلط بلغة التجاره تعني مثل ما قال اخونا الكواري :



هذا غش تجاري , مش اهمال مثلاً او عملية غير مقصوده , هذا غش مع سبق الاصرار والترصد .

[R 7 A L]

الامر اكبر من الاغلاق فقط
تصليح سيارة مسويه حادث بدون ورقة من المرور يعتبر جريمة الا يحق ان تنفذ على هالوكالات ؟

[القبطان سلفر]

الامر اكبر من الاغلاق فقط
تصليح سيارة مسويه حادث بدون ورقة من المرور يعتبر جريمة الا يحق ان تنفذ على هالوكالات ؟


نقطه مهمة جدا وتكشف مدى تفرع وتغلغل المشكله وتتطلب تحقيق فوري في جميع ملابسات القضية لان ابعادها اعتقد اكبر مما نتوقع وما نراه فقط هو قمة جبل الجليد !

جميع الجهات الحكوميه ذات الصله على المحك وننتظر تحركها الفعلي أزاء هذه القضية التي تتكشف مدى تجذرها يوما بعد يوم .

[basma222]

حسبي الله ونعم الوكيل

[الحياة الخالدة]

وانا استغربت يوم جيت ابيع سيارتي البي إم
ودوها الفحص قالوا لي البانة مصبوغة اقول لهم السيارة ماخذتها جديدة من الوكالة و ما تعرضت لأي حادث
قلنا يمكن راعي المعرض قص علينا عشان يطيح من قيمتها
لكن الظاهر كلامه كان صحيح
حسبي الله و نعم الوكيل
عساها في ذمتهم لين يوم القيامة

[الحاقول]

https://fbcdn-sphotos-d-a.akamaihd.net/hphotos-ak-xap1/v/t1.0-9/p480x480/10624823_10202356186705430_9154034976272889370_n.j pg?oh=5205d8b3d993dee0f38b4465b86abfc8&oe=55616FEB&__gda__=1428652880_bc686dae97ea1a1f139262efa1e9b71 6

[الحاقول]

فرصه من ذهب
يجب على كل شخص اشترى سياره من الوكالات التى كانت تقوم بالغش التجاري
من خلال بيعها للسيارت مدعومه على انها جديده وسليمه
رفع قضايا في المحاكم القطريه والمطالبه باسترجاع المبلغ كامل او سياره جديده اخري وحتى لو مر على السياره عشر سنوات

[مضارب دوسري]

فرصه من ذهب
يجب على كل شخص اشترى سياره من الوكالات التى كانت تقوم بالغش التجاري
من خلال بيعها للسيارت مدعومه على انها جديده وسليمه
رفع قضايا في المحاكم القطريه والمطالبه باسترجاع المبلغ كامل او سياره جديده اخري وحتى لو مر على السياره عشر سنوات

هذا المفروض
فحص صبع ب 100 ريال في 3 اماكن ويرفع قضيه

ويكسبها ان شاء الله او يعوضونه بجديده مع دفع الاضرار

[رجل مثالي]

المفروض هاي شركات كبيرة او صغيرة الغش حرام وممنوع

[مضارب دوسري]

يجب على كل شخص يشتري سياره جديده من اليوم وطالع
يسوي لها فحص صبغ
اول ما يطلعها من الوكاله
مب يدفع مبلغ وقدره واخرتها سياره مدعومه

[مضارب دوسري]

الغش التجاري المفروض عقوبته سحب الرخصه !!!!

[fahed]

طيب الحين شراح يصير, بتتسكر الوكالة شهر و خلاص.
المفروض ما يسكرون الوكالة ولا يوم , بس يغيرون الوكيلز

[مضارب دوسري]

المفروض الوكالات هذي لو كانت محترمه
اقل شي تعرض السيارات المصبوغه مع خصم 15_25%
هذي هي الامانه
مب تبيعها على انها جديده هذا غش ونصب وسرقة واختلاس اموال الناس

[مضارب دوسري]

ولما الشركه بنفسها تشرف على هذا الغش
المفروض ما يسكرون معرض
بل يغلقون الشركه بكبرها بكل فروعها ومعارضها

يعني معقوله شركة %
مثلا
حطت السيارات المصبوغه في فرع واحد فقط!!!!!!!!!!

[عيسى]

لا تنسون ان إغلاق الوكاله كامله يوقع ضرر على الزباين من خدمة مابعد البيع او شراء سيارة جديده

[رجل مثالي]

لازم ممكن يعملون طريق لهذا الشئ حتى لا يقع الضرر على غيرهم من الزبائن

[رجل الجزيرة]

إغلاق وكالة الرنج دلالة على ان لا احد فوق القانون


http://im75.gulfup.com/PA9z0c.jpg (http://www.gulfup.com/?RymtNg)

[qtr qtr]

افاااااااااا ... :eek5: بروح اجيك على موتري escapeescape

[MirusS]

السؤال هل الاغلاق شهر يضرر الوكاله بشكل كبير ؟ وبيخوفهم من تكرار الغش ؟

[رجل الجزيرة]

السؤال هل الاغلاق شهر يضرر الوكاله بشكل كبير ؟ وبيخوفهم من تكرار الغش ؟

على حسب ميزانيتهم.

:)

[سعادة الوزير]

الا دليل ان معظم كبار التجار في قطر غشاشون ، واتمنى من القيادة الحكيمة لدينا انهم يفتحون السوق للمنافسة الخليجية (افساح المجال لدخول تجار الخليج) الى السوق القطري ، بدل اعطاء الامتيازات لمثل هؤلاء الغشاشون ومن على شاكلتهم. فوالله العظيم اني مستغرب منهم ، الدولة تساعدهم في كل شيء ، بل هي السبب المباشر لامتلاء حساباتهم البنكية بالمليارات ، وفي النهاية يتم رصدهم بالجرم المشهود بارتكاب جريمة الغش.

الهم لا تبارك لهم في ما اكتسبوه في تجارتهم.

[Red point]

السؤال هل الاغلاق شهر يضرر الوكاله بشكل كبير ؟ وبيخوفهم من تكرار الغش ؟


والله نفس السؤال االي في بالي طيب عطوهم اجازة شهر وبعدين ؟ شستفادوا المتظررين ؟ من هالموضوع
المفروض يفرضون عليهم غرامة مالية وتعويض حق الناس الي انصب عليهم مب يصكرون الوكالة كم يوم ويقولون والله احنا عاقبناهم

[qtr qtr]

ترى والله مب من ملاك الشركة الا من اللي تحتهم لا بارك الله فيهم .. ملاك الشركه مب فاضيين حق هالامور الثانويه .. هم اللي عليهم وظفوا عالطخه الحراميه النصابين ولاعبين لعبتهم بالشركه .

[لاجل QT]

محاربة الغش
إغلاق
وكالة الدوج
وكالة النسيان
وكالة الهوندا
وكالة الرنج

منقول تويتر

[لاجل QT]

وين القانون فوق الواسطة وشهر اغلاق بس !!!!!!!!!!!

[CH Engineer]

كلام صحيح يجب اغلاق جميع الفروع والصيانه وعدم السماح ببيع اي سيارة لمدة شهر كامل ويعوضون كل الي انقص عليهم.. ويعوضون كل الي سياراتهم بالصيانه بتأجير سيارات لهم

[bus3od]

كلام صحيح يجب اغلاق جميع الفروع والصيانه وعدم السماح ببيع اي سيارة لمدة شهر كامل ويعوضون كل الي انقص عليهم.. ويعوضون كل الي سياراتهم بالصيانه بتأجير سيارات لهم

سالفة التعويض بروحها يبيلها اغلاق شهر ثاني
لأن ولا عمري وديت موتري حق الفحص الدوري و عوضوني بموتر ثاني بالذات انهم قبل كانوا يخلصونه في نفس اليوم اما الحين ياخذون 3 أيام و اذا قلت لهم أبي موتر بديل يتعذرون بالضغط و ان ما عندهم الا سيارة ترجعني البيت
علماً بأن قانون حماية المستهلك في بعض دول الخليج يلزم الوكاله بتوفير سياره بديله بنفس النوع اذا استغرق فحص السياره الدوري اكثر من يوم
و لا عندي علم عن قانونا مع ان المفروض أنه يلزمهم

[R 7 A L]

ترى والله مب من ملاك الشركة الا من اللي تحتهم لا بارك الله فيهم .. ملاك الشركه مب فاضيين حق هالامور الثانويه .. هم اللي عليهم وظفوا عالطخه الحراميه النصابين ولاعبين لعبتهم بالشركه .

هذا شي مفروغ منه والكل يعرفه
ياليت يتم معاقبة المسئولين قانونياً

[وحيد-الشوق]

شيء حلو ان حماية المستهلك تقوم بدور كبير وتسكر الوكالة لكن اذا فرع السد سكر في فروع ثانية وشغالين

صدقوني الهوامير محد يقدر يخسرهم

[دااانة قطر]

شبقى؟!

[جبر ال جبر]

الفال للشركه الغشاشه الكبرى وهذا الي معطيني يقين انهم فوق القانون بل انه معظم الشركات الي تم اغلاقها كانت تقلدهم في صبغ السياره المدعومه وبيعها انها جديده

[qtr qtr]

هذا شي مفروغ منه والكل يعرفه
ياليت يتم معاقبة المسئولين قانونياً

هنا راح يكون دور ملاك الشركه برفع قضيه ضد المسؤول عن المبيعات ..

[جبر ال جبر]

ياجماعه الخير انا صادني موقف محرج جدا شريت من عندهم سيارة جديده 2014 من 8 شهور ومن اسبوعين قررت ابيعها لانها جابت لي سعر حلو عن طريق ولد عمي رفيجه يحن عليه يبي السياره ومروني المجلس وخذوها للفحص وسالني اذا جاها حادث او صبغ قلت ولا شي السياره على يدي من لوكاله وافحصو وكلموني عقب ساعه قالي جبر السياره فيها صبغ ف الباب العبري قلت له مستحيل شلون يعني لو قايل ضربه يمكن ابلعها اقول يمكن في احد المواقف بعض الناس الله يهديه يصفق باب سيارته بسيارتك بقو ولا هامه بس قلت صبغ مستحيل وين جاه الصبغ سيارتي هذي بتحديد محد يستخدمها غيري فشكيت وقعدت اوسوس وافكر وولد عمي يقولي مصدقك بس والله منحرج مع رفيجي والحين عرفت السبب بعد ماقريت خبر حمايه المستهلك

[qtr qtr]

ياجماعه الخير انا صادني موقف محرج جدا شريت من عندهم سيارة جديده 2014 من 8 شهور ومن اسبوعين قررت ابيعها لانها جابت لي سعر حلو عن طريق ولد عمي رفيجه يحن عليه يبي السياره ومروني المجلس وخذوها للفحص وسالني اذا جاها حادث او صبغ قلت ولا شي السياره على يدي من لوكاله وافحصو وكلموني عقب ساعه قالي جبر السياره فيها صبغ ف الباب العبري قلت له مستحيل شلون يعني لو قايل ضربه يمكن ابلعها اقول يمكن في احد المواقف بعض الناس الله يهديه يصفق باب سيارته بسيارتك بقو ولا هامه بس قلت صبغ مستحيل وين جاه الصبغ سيارتي هذي بتحديد محد يستخدمها غيري فشكيت وقعدت اوسوس وافكر وولد عمي يقولي مصدقك بس والله منحرج مع رفيجي والحين عرفت السبب بعد ماقريت خبر حمايه المستهلك

اول شي تسويه وده فحص وخذ تقرير الفحص ان موترك فيه صبغ وخذ تقرير من المرور ان موترك ماصاده حادث من يوم مماطلعته من الشركه .. وعقبا روح لحماية المستهلك وقدم شكوى على الشركه وان شاءالله راح تاخذ حقك .

[جاسم الدوحة]

من يوم ما غيروا الإدارة
في معرض الرنج روفر بالسد
وأنا غاسل يدي منهم

اختفت الشفافية وغاب الصدق في الكلام
وأتوقع منهم أي شي .. أي شي .
إدارة تعيسة بمعنى الكلمة ..

وألله يعين أصحاب السيارات المتضررة
اللي ما يدرون عن حقيقة سياراتهم .

ولحماية المستهلك : كفــو .. وقواكم الله
على كل غاشّ ومستهتر بحقوق الناس.

[ameeer3]

المفروض الاغراق يتبعه مخالفة مالية مش أقل من 300 ألف

[شيخ الديرة]

يبدو ان هذا النوع من الغش متفق عليه على أنه تصرف مقبول في جميع وكالات السيارات. في النتيجة كل وكالة تغلقون أحد معارضها شهر, بالدور.

الحبكة كلها ما عاجبتني, هناك شي ناقص بالطبخة.

[ثابت]

كفو عليهم زين يسون لهذي الشركات الي ماتخاف الله في العالم همهم بس الفلوس لو بالحرام وبالغش

[monatee]

الحين تسكرت شهر بسبب شكوى احدهم

هل اذا اشتكى غيره الشهر الجاي راح تتسكر الوكاله مره ثانيه ؟

ولا بيقولون له خلاص الوكاله خذت جزاها والاغلاق لمره واحده فقط ؟؟!!!!

[ولد شرق]

السلام عليكم

‏#صور
الاقتصاد تغلق معرض رئيسي لوكالة سيارات شهيرة بمنطقة السد لبيعها سيارات تعرضت لحوادث على انها جديدة
#الوطن #قطر http://t.co/eSuQxpduEL‎‎‎



هل من عقوبات رادعه او سحب تراخيص !!!!!!

اذا اسحبوا الترخيص ... انا جاهز آخذ الترخيص وابشروا بالخدمات الزينه :dance

[غريب الدّار]

طبعا هاذي مب اول وكالة تتسكر بنفس السبب


السؤال :
ياترى كم موتر خذناه من هالوكالات اللي تسكرت وعلى بالنا جديد وكان مضروب؟


حسبنا الله ونعم الوكيل

[شيخ القبيلة]

زين يعني الحين شنسوي شلون نشتري موتر جديد صار عندي تخوف ان اي موتر باشتريه بيكون فيه شي ......الحل شنو وجزاكم الله خير

[ولد شرق]

ترى والله مب من ملاك الشركة الا من اللي تحتهم لا بارك الله فيهم .. ملاك الشركه مب فاضيين حق هالامور الثانويه .. هم اللي عليهم وظفوا عالطخه الحراميه النصابين ولاعبين لعبتهم بالشركه .

اسمحلي اخوي ماوافقك الراي
ملاك الشركة هم المسؤولين مسؤوليه تامه
ومعروف عندنا ان ملاك الوكالات يديرون تجارتهم بنفسهم ولهم مكتب في الوكاله
هاذي وكاله فخمه الله يسلمك مهب وقت الشاي

[qtr qtr]

اسمحلي اخوي ماوافقك الراي
ملاك الشركة هم المسؤولين مسؤوليه تامه
ومعروف عندنا ان ملاك الوكالات يديرون تجارتهم بنفسهم ولهم مكتب في الوكاله
هاذي وكاله فخمه الله يسلمك مهب وقت الشاي

احترم كلامك واقدره
ولكن على قولتك المالك يقعد فمكتبه .. حط نفسك فمكان المالك تقدر تراقب دخول السيارات الجمارك ومن الجمارك الى المخزن وتعاين الاضرار اللي حصلت فالسيارات وعندك وقت البيع تقدر تتابع كل سياره تنباع يوميا وعندك الصيانه تقدر تحدد كم سياره تصلحت وكم انصرفت والقطع اللي انباعت كم قطعه وغير تجارتهم في امور كثيره من العقارات والمقاولات ووووو الى اخره ..

يعني وقت الشاي اقدر اعرف كم شاي بودره وحليب وروتي وخبز انصرف فاليوم وكم الحساب الاجمالي وانا قاعد فالبيت .
اخوي ترى صعب تراقب وتشوف حلالك وتديرها بروحك .

[(بوطلال)]

http://www.qatarshares.com/vb/showthread.php?594416-%CA%CD%D0%ED%D1-%E3%E4-%C7%E1%CA%DA%C7%E3%E1-%E3%DA-%D4%D1%DF%C9-%C7%E1%E3%C7%E4%DA-%E1%E1%D3%ED%C7%D1%C7%CA%BF%BF%BF%BF%BF%BF%BF%BF%B F%BF%BF%BF%BF%BF%BF%BF%BF%BF%BF%BF&p=9779323&highlight=

[وطن]

هم المفروض اي سياره يصير فيها شي تتحول للسيارات المستعمله ولا يسون عليها عرض خاص
يعني شي طبيعي يسير في بعض السيارات اصابه من تنزيل وتحميل
ولكن يقولون حق الناس
على حسب علمي التعليمات في النسيان اي سياره فيها صبغ تتحول على المستعمله
حذي معقوله

مثلا انا ابي سياره مايهمني صدامها مصبوغ ولا اي مكان وبسعر ارخص
مافي سياره ماتصاب ولكن احنا دخلت علينا ضاهره غريبه والبعض يخلي موتره مدعوم علشان مايصبغ
منطق غريب وعجيب شنهو المشكله غيرت رفرف ولا باب وسبغته محل ممتاز ومايبين خير شر لو الجهاز مايكشفه محد دري عنه

اما يبيعون لك السياره وهم صابغيناها وانها مافيها شي هذا غلط

:nice:

[رجل مثالي]

سعر برميل النفط اليوم 48 دولار = 177 ريال
سعر الهامور اليوم 180 ريال = 49 دولار

وين حماية المستهلك *rotfl*

[ya3coub]

توني كاتب رد بمنتدى أخر و بنسخه و بحطه اهني

--------------------------------------------------------------------------------

توضيح للي صار مع الفردان

ما اخبر ناس كثير تضررت من وكالاته بقدر ما تضررت من النيسان و الدوج و الجيب


امس كنت موجود عندهم بحكم ترددي الدائم و توني مطلع بي ام و ايضا جهة الدراجات

و سئلتهم عن طريق الطنازة عن الي صار بأختهم الرنج قالولي للأسف الي صار انه السائق المندوب و اهو يسجل السيارة شمخها و من خوفه راح حط الــــTouch Up paint و بنفسه سواها و على اساس ما صار شي

و بالصور موجودة عند أغلب موظفين الفردان واضحه وضوح الشمس.

يعني الي اشترى السيارة اول ما اخذها شافها و الأكيد لو مصبوغه بالقراج محد درى عنها.


المندوب او السائق لو يشتغل على راتبه طول حياته يالله يجيب سعر الرنج صحيح الشركة تضررت بس أيضا درس لهم انه يشددون على كل موظفينهم اذا في غلطة صارت مافيها شي لو اعترفو للعميل و يعطونه سيارة ثانية او يعطونه خصم و يصبغون الصدام و الرفرف بطريقه محترمة من جد و جديد.

باقي الشركات ايضا لما يكون في محاسبة للي يخطئون بيصير في انتاجية اكثر و رقي بالتعامل بين البياعين و بين العملاء و ايضا خدمة العملاء على كل هالتطورات و الصحوة الي صادت حماية المستهلك أخيييييييرا

اتمنى حتى انها تشمل مراكز خدمات السيارات بالوكالات ابتدائا من المرسدس ناصر بن خالد و ايضا حان وقت الغسيل عندنا بالدوحة زمان كلن يخيط و يلعب بكيفه انتهى القيادة الجديدة حازمة و حان موعد التصفية لكل غشاش و لعوب او من يحاول يسرق الوطن او من يعيش عليه من مواطنين و مقيمين

[رجل مثالي]

كما وصلني عن شركات التأمين منققققول واتساب


عاااااجل وهام للجميع في قطر
مواطن قطري ...!!
شركات التامين والاحتيال منذ أربع سنوات سابقه تعرض أحد المواطنين لحادث سير بسيارته وعند مطالبة شركة التامين للطرف الاخر طالبته الشركة بدفع 50% من قيمة التصليح لمجرد أن سيارته غير حديثه ، مثل هذا الاجراء تعارفنا عليه من شركات التامين و لكن رضخ الجميع للقانون طوال السنوات الماضيه لصالح شركات التامين ولكن هذا مالم يُدركه الجميع سوى هذا المواطن القطري والذي رفض هذا القرار وبحث في قانونيته واتضح أن شركات التامين تمرر مصلحتها لقانون وزير الداخليه رقم 4/1992 مع أن هذا القانون ملغي منذ أربع سنوات بقرار وزير الداخلية رقم 6/2010 ويتجلى هذا واضحاً كتاب مصرف قطر المركزي منذ أسبوع رقم 122/2015 بتاريخ 12/01/2015 موجه الى إدارة المرور وينص فيه تطبيق القانون على شركات التامين وفق القانون الصادر سنة 2010م ووفق ماسبق أتضح أن هناك احتيال طوال السنوات الاربع السابقه مع صدمتنا عن غفلة إدارة المرور عن هذا الاحتيال .
نعتبر هذا المقال بمثابة بلاغ للنيابة العامة للتحيق في أحتيال شركات التامين طوال السنوات الاربعة السابقة ومنذو صدور قرار الوزير سنة 2010م وعدم تطبيقه .
http://cdn.top4top.net/i_5b4653af650.jpg
SS 3
يرجى نشر هذا المقال لغفلة الجميع عن ماذكر .
حسبنا الله ونعم الوكيل عليكم

والعلم عند الله

كما وصلني

منقققققول واتساب

[كتكوت الوحش]

أنشالله يكون الدور عالشركه الي في بالي يا رب

[Qa10]

صرنا مثل قوم شعيب عليه السلام

[بومحمد المطاوعه]

كفوووووو


الى الامام ياحمايه المستهلك

[QtrGate]

اممممم
المانع و المناعي*والفردان

[Right]

سؤال:

هل تم إغلاق الباب الأمامي فقط ، وفتح الباب الخلفي ؟!

[بومحمد المطاوعه]

سؤال:

هل تم إغلاق الباب الأمامي فقط ، وفتح الباب الخلفي ؟!





المفروض يكون مسكر بالكامل

الفرع فقط

[مضارب دوسري]

سؤال:

هل تم إغلاق الباب الأمامي فقط ، وفتح الباب الخلفي ؟!





خهههههههههه
صدقت

[باراكودا]

اممممم
المانع و المناعي*والفردان

ضيف الهوندا معاهم .

[QtrGate]

صراحة لازم نشوف حل

اغلب وكالاتنا فيها لعب وغش واستغلال

[القبطان اكس]

انا اشتريت رنج من الوكالة 2014

ايش يضمن لي ان الموتر مافيه شي قبل ما اشتريه

هل في لجنة تقييم او تحرى المصداقية

[القبطان اكس]

المفروض الاغراق يتبعه مخالفة مالية مش أقل من 300 ألف

300 الف كانها 30 ريال عندهم

لازم انذار نهائي ويطلع تقرير امصدق من الوزارة للشركة الأم

[رجل مثالي]

انا من رأي أن تكون هناك رقابة على جميع
الشركات حفاظآ على المصداقية

[همر]

توني كاتب رد بمنتدى أخر و بنسخه و بحطه اهني

--------------------------------------------------------------------------------

توضيح للي صار مع الفردان

ما اخبر ناس كثير تضررت من وكالاته بقدر ما تضررت من النيسان و الدوج و الجيب


امس كنت موجود عندهم بحكم ترددي الدائم و توني مطلع بي ام و ايضا جهة الدراجات

و سئلتهم عن طريق الطنازة عن الي صار بأختهم الرنج قالولي للأسف الي صار انه السائق المندوب و اهو يسجل السيارة شمخها و من خوفه راح حط الــــTouch Up paint و بنفسه سواها و على اساس ما صار شي

و بالصور موجودة عند أغلب موظفين الفردان واضحه وضوح الشمس.

يعني الي اشترى السيارة اول ما اخذها شافها و الأكيد لو مصبوغه بالقراج محد درى عنها.


المندوب او السائق لو يشتغل على راتبه طول حياته يالله يجيب سعر الرنج صحيح الشركة تضررت بس أيضا درس لهم انه يشددون على كل موظفينهم اذا في غلطة صارت مافيها شي لو اعترفو للعميل و يعطونه سيارة ثانية او يعطونه خصم و يصبغون الصدام و الرفرف بطريقه محترمة من جد و جديد.

باقي الشركات ايضا لما يكون في محاسبة للي يخطئون بيصير في انتاجية اكثر و رقي بالتعامل بين البياعين و بين العملاء و ايضا خدمة العملاء على كل هالتطورات و الصحوة الي صادت حماية المستهلك أخيييييييرا

اتمنى حتى انها تشمل مراكز خدمات السيارات بالوكالات ابتدائا من المرسدس ناصر بن خالد و ايضا حان وقت الغسيل عندنا بالدوحة زمان كلن يخيط و يلعب بكيفه انتهى القيادة الجديدة حازمة و حان موعد التصفية لكل غشاش و لعوب او من يحاول يسرق الوطن او من يعيش عليه من مواطنين و مقيمين



صراحه ترقيعه بايخه من المعرض

ماتسوى ريال .. اشدعوه تش اب باينت..


ماقالو لك كم واحد كنسل حجزه عندهم بعد السالفه ؟!!

وليش العالم تكنسل حجوزاتها اذا السالفه

غلطة مندوب !!

كلام مأخوذ خيره ..