استفسار ضروري ارجوكم فيدوني..

[احساس غريب]

السلام عليكم ..
انا فتحت شركة لتركيب الحجر والحين فيها سبع عمال وفي خمس عمال جايين ومكتب الشركه في شارع ام الدوم ..
حاليا صارتلي ظروف خارجه عن ارادتي وابي ابيعها وابي اعرف كم تسوى..
للامانه عمر الشركه تقريبا اربع شهور اتمنى تفيدوني لني ضايع..

[شموخ دائم]

,

,


مرحبا


اخوي الكريم


ان شاء الله المسئله سهله

الموضوع يشبه الحبل المربوط كم ربطه ومشدود
والحل نلين الحبل خطوه خطوه ونفك اول ربطه والباقي ينفك بسهوله

:)

بسم الله نبتدي

حط التكلفه الفعليه لكل شي بورقه وقلم

على سبيل المثال ....

سعر السجل جاهز .... 20 الف
سعر المكتب جاهز ومؤثث .... 50 الف
سعر السياره ان وجد والمعدات 40 الف
سعر العماله جاهزين كل عامل 1200 قيمه الاقامه

وهذا يعتمد على على مستوى المحل واثاثه
ومستوى السياره جديده او قديمه

الشركه ما عليها التزامات او ديون او رواتب متاخره او ايجارات متاخره
واذا في يخصم من القيمه الكليه

تحط سعرك على سبيل المثال 120 الف وتشوف الوضع
ويكون قابل للتفاوض بحدود 10 الى 20 الف

والسعر يعتمد لو شخص بيسوي شركه جديده بمستوى شركتك كم بيكلفه الوضع ؟؟؟
اذا نفس السعر بيكون ممتاز لانه بيختصر على نفسه الوقت والجهد زبياخذ شي جاهز

واذا انت مستعجل وما تبي تاخير لان كل تاخير محسوب عليك مصاريف شهريه من ايجار ومن رواتب
تقدر تحط سعر منافس على سبيل المثال 70 الف او 50 الف !!
وخساره قليله افضل من الاستمرار بخساره والسلامه غنيمه


اذ ا ما لقيت حد ياخذ الشركه

عندك احد الحلول الجيده
1- حط اعلان مطلوب مدير لشركه ( حجر ) او صيانه
بتلاقي ناس كثيره تقترح عليك اقتراحات شوف الزين منهم
وممكن تاخذ مبلغ شهري ( ثابت ) لمده سنه او سنتين
حتى تسترجع راس مالك

2- دخل معاك شريك النص بالنص يكون عنده خبره ويحط 50% من الي دفعته بالشركه
لو كلفتك الشركه 140 الف يدفع لك 70 الف
50 لك و 20 الف يحطها بحساب الشركه

بالتوفيق لك

,

,