ضروري أسعار الدفان البودرة لفيلا في قطر لعام2015/2014

[qtr-1st]

مرحبا أخواني وأخواتي أعضاء المنتدي حاب استفيد

من تجاربكم في اسعار الدفان البودرة لفيلا كامله اذا امكن

وكيف تتم الحسبه الله يرضي عليكم اكون شاكر لكم

[النهار]

اخوي ماحد ينصح البودره للدفان ترى بعد مده بتصير عندك مشاكل لاحصر لها

[سري للغاية]

مرحبا اخوي الغالي
يعتمد الموضوع على مساحة الارض المطلوب دفانها وارتفاعها
سعر التريلا ٢٠ طن تقريباً ٧٠٠ ريال

[معماري قطري]

اخوي ماحد ينصح البودره للدفان ترى بعد مده بتصير عندك مشاكل لاحصر لها

مؤيد :nice:

[معماري قطري]

حاولت ارد عليك طلع بريدك مليان ونقلت ردي هنا


اخوى شكرا لردك اكن كل المقاولين يدفنون بودره

اذا مش بودره؟

ماهو بديل البودره للدفان الداخلي لفيلا ؟


إِذا المقاول مب مقيد بعقد واضح أَكيد بيختار الخيار الأَرخص وبيزينه لك ولا بعليه من شيصير بعدين .. البديل هو الدفان بدفان عادي رمل وحصى من الموقع ولازم يكون نظيف ومزالة منه الحجارة الكبيرة .. فيه قوانين يعرفونها كل المقاولين وكل الاستشاريين للدفان ولباقي حيثيات البناء المهمة.

تبي بديل آخر بعد لا تحط دفان سو صبيات خرسانة تحتها فراغ بس في هالحالة تحتاج تصميم انشائي مناسب.

بس اللي يقول الدفان كله المقاول يستعمل البودرة فيه قوانين ومواصفات للبناء في قطر تمنع استخدام البودرة لمشاريع الحكومة ويفترض انها تطبق للعامة كما هو موجود في مواصفات البناء القطرية .. لكن اللي مواصفات بناءَه غير محددة لازم بيواجه مقاولين يبيعونه الرخيص بغالي ولا شلون يستفيد المقاول.

[qtr-1st]

أشكر الجميع على الرد والتوضيح

[معماري قطري]

الله يوفقك إِن شاء الله

بالنسبة للدفان في مناطق كثيرة من العالم بعد الحفر يتم تثبيت الأَرضية على قواطع طابوق أَو حتى خشب وتكون سنائد خاصة مثل الأَعمدة القصيرة وبدون دفان حواليها .. يبقى عندنا فراغ تحت وبارتفاع بسيط حتى محد يقدر يمشي فيه والدخول له يكون عن طريق منافذ خارجية أَو داخل البيت .. يستعمل هذا الفراغ للتمديدات وصيانتها والإِضافة عليها وقت الحاجة .. كما انه يكون طبقة خاملة عازلة للمناطق الباردة والمثلجة .. كذلك تستخدم المنطقة للمعدات الميكانيكية للبيت من معدات تدفئة وتكييف إِلى نظام سحب مياه الأَمطار لو هناك حاجة له .. ولتخزين بعض المعدات.