ظاهره بيع الطراريد الكبيره بسبب تضيق الخناق على البحاره /

[حمد 2002]

السلام عليكم ورحمه الله وبركاته


ظاهره بيع الطراريد الكبيره //


اصبحت مواقع النت والمنتديات تضج بأعلانات بيع الطراريد الكبيره من 30 قدم وفوق ، وذلك بعد تشديد الخناق وتشديد الرقابه على اصحابها ، حيث نجد بان البحاره كانوا يسترزقون ويطلبون الرزق من الله ، نظرا لذهابهم الى بعض المناطق المحضوره والتي يكثر بها الصيد صوب منصات البترول وبعض الحقول البتروليه !! ، وكانوا الجهات المعنيه يقضون الطرف احياننا عن اصحاب تلك القوارب ، اما الان فأصبح هناك تشديد ومنع نهائي للذهاب لتلك الاماكن الممنوعه !! ، فأظطر اصحاب تلك الطراريد على بيعها نظرا لانهم ماخذينها بالدين من البنوك حيث يصل اسعار تلك القوارب الجديده الى 300 الف وكذلك نجد بان اسعار الصرفيه للمكائن والوقود لتلك الطراريد كبير ، فلذلك اراد البحاره تقليل حجم خسارتهم عن طريق بيعها ، لانه اسعارها كل ماله وينزل اكثر !! .


اما الان ارائكم ،

هل انتم مع منعهم ام لا ؟ وخصوصا بانهم من (( هل قطر ؟ ))

بالتوفيق //

[همر]

الله واكبر الحين السمج مايعيش الا تحت منصات البترول ؟!!

سمج كربريتر شكله ..

[ضوى]

اشدخل اللي تقوله هذا كله ببيع طراد 30 قدم ؟ خل اعلم بو العيال توه ماخذ بو 30 قدم

[شبح الصمت]

همر


ننتظر افادة النوخذه لخبرته في هالامور البحرية

[R 7 A L]

السلام عليكم ورحمه الله وبركاته


ظاهره بيع الطراريد الكبيره //


اصبحت مواقع النت والمنتديات تضج بأعلانات بيع الطراريد الكبيره من 30 قدم وفوق ، وذلك بعد تشديد الخناق وتشديد الرقابه على اصحابها ، حيث نجد بان البحاره كانوا يسترزقون ويطلبون الرزق من الله ، نظرا لذهابهم الى بعض المناطق المحضوره والتي يكثر بها الصيد صوب منصات البترول وبعض الحقول البتروليه !! ، وكانوا الجهات المعنيه يقضون الطرف احياننا عن اصحاب تلك القوارب ، اما الان فأصبح هناك تشديد ومنع نهائي للذهاب لتلك الاماكن الممنوعه !! ، فأظطر اصحاب تلك الطراريد على بيعها نظرا لانهم ماخذينها بالدين من البنوك حيث يصل اسعار تلك القوارب الجديده الى 300 الف وكذلك نجد بان اسعار الصرفيه للمكائن والوقود لتلك الطراريد كبير ، فلذلك اراد البحاره تقليل حجم خسارتهم عن طريق بيعها ، لانه اسعارها كل ماله وينزل اكثر !! .


اما الان ارائكم ،

هل انتم مع منعهم ام لا ؟ وخصوصا بانهم من (( هل قطر ؟ ))

بالتوفيق //

منع ايش ؟

بيع الطراريد في المنتديات والمواقع ولا منع دخولهم المناطق الممنوعه ؟

[همر]

اشدخل اللي تقوله هذا كله ببيع طراد 30 قدم ؟ خل اعلم بو العيال توه ماخذ بو 30 قدم



قولي له يبلغ حماية المستهلك

ترى الطراد مايشتغل الا تحت المنصات !

[همر]

همر


ننتظر افادة النوخذه لخبرته في هالامور البحرية



اصلا اشم ريحة بوعلي بين حروف الموضوع :(

[حمد 2002]

الله واكبر الحين السمج مايعيش الا تحت منصات البترول ؟!!

سمج كربريتر شكله ..


لانه البحاره قليلين في تلك المناطق فشيء طبيعي يتاكثر السمج فيها وباحجام كبيره ،،

وترى البحاره انواع //

في بحاره تخصصهم اسياف وماي رق ،،

وفي بحاره تخصصهم اعماق وغزر وغبه ،،

واخوي انت تفتكر السمج جالس لك على السيف ، ترى السمج مايتكاثر بكل المناطق ، والسمج يحتاج الى اجواء معينه للتكاثر ، منها الهدوء وعدم الازعاج وتوفير البيئه الملائمه لذلك ،،


قديما كانوا السبيطيه ومختلف انواع السمج ينصادون بكميات على السيف ، اما الحين كل من هب ودب شراله طراد وسوه نفسه بحار ونصب له شروخ وغزول بمائات الكيلو مترات ، فشيء طبيعي السمج ينقرض ويعييش بعيدا عن بني البشر ،،


وشكرا ،،

[شبح الصمت]

وترى حق الاسياف 24 او 25 وحق الفرضة 27 او 31 يا حمد تدري الحين فالسوق

على حسب القرف وعلى حسب موديله ومكاينه


وتقول 300


واحلى طراريد الضاعن والدرازي

انت تتكلم عن طراد فوق الـ 43 قدم وطالع ونوعه ممتاز

ومكاينه ياماها 350

[حمد 2002]

اشدخل اللي تقوله هذا كله ببيع طراد 30 قدم ؟ خل اعلم بو العيال توه ماخذ بو 30 قدم

اختي ترى انا مب جايب شيء كذا من مخي ، انا جبته بعد بحث عميق ومجهود جبار ، وبعد البحث والتقصي ،،


بالمناسبه وش نوعه الطراد الي شراه ريلج = زوجج = ابوالعيال ؟

المحيط ولا الظاعن ولا حالول ولا دبي مارين ولا شنووو بالظبط ؟

علشان اوجه له النصيحه بحكم خبرتي الكبيره بعالم البحار ،،


وشكرا ،،


البحار

حمد 2002

[حمد 2002]

منع ايش ؟

بيع الطراريد في المنتديات والمواقع ولا منع دخولهم المناطق الممنوعه ؟

الاماكن الممنوعه طبعا //

[حمد 2002]

وترى حق الاسياف 24 او 25 وحق الفرضة 27 او 31 يا حمد تدري الحين فالسوق

على حسب القرف وعلى حسب موديله ومكاينه


وتقول 300


واحلى طراريد الضاعن والدرازي

انت تتكلم عن طراد فوق الـ 43 قدم وطالع ونوعه ممتاز

ومكاينه ياماها 350

اكيد الطراد يختلف استخدامه وحجمه بأختلاف الغرض منه ،،

وعلى حسب البحار وتخصصه ،،


يعني كل بحار داخل البحر وفي غرض بمخه من وراء الصيد ،،

يعني مايدخل البحر بشكل عشوائي الا الهاوي والكشات ،،

[R 7 A L]

الاماكن الممنوعه طبعا //


اكيد مع منع
هالاماكن خطيرة

[حمد 2002]

وشيء اكيد اخوي المكاين تختلف بأحجامها بأختلاف حجم الطراد ،

مثلا دنقي طوله 12 قدم ،، تشيله مكينه 5 حصان ،،

وفي طراد طوله 23 قدم تشيله مكينه 85 حصان ،،

وهكذا ..

والمكاين انواع فيه التو ستروك وفيه الفور ستروك ،،


واشهر نوعين دارجين للمكاين الياماها والسوزكي ،،

[حمد 2002]

اكيد مع منع
هالاماكن خطيرة

طيب ليش قبل مخففين الرقابه عنها ، والحين شددوا الرقابه عليها ؟!

[ضوى]

اختي ترى انا مب جايب شيء كذا من مخي ، انا جبته بعد بحث عميق ومجهود جبار ، وبعد البحث والتقصي ،،


بالمناسبه وش نوعه الطراد الي شراه ريلج = زوجج = ابوالعيال ؟

المحيط ولا الظاعن ولا حالول ولا دبي مارين ولا شنووو بالظبط ؟

علشان اوجه له النصيحه بحكم خبرتي الكبيره بعالم البحار ،،


وشكرا ،،


البحار

حمد 2002

مجهودك تشكر عليه

باخلي بو العيال يقرا اللي كتبته ويرد عليك انا اشعرفني بهالتفاصيل

[همر]

نشكرك على هذا المجهود الجبار

والمعلومات القيمه يا حمد ذا سايلر مان ..

http://www.arabnet5.com/media/638/photos_بوباى_22130.jpg


:victory:

[همر]

طيب ليش قبل مخففين الرقابه عنها ، والحين شددوا الرقابه عليها ؟!



سمعت عن مشروع بوالحنين يا حمد ؟!!

كان كملت جميلك وتابعت تحقيقك الصحفي

من قلب الحدث ورحت تسأل وتتقصى عن

الحقيقه في قطر للبترول !

[R 7 A L]

طيب ليش قبل مخففين الرقابه عنها ، والحين شددوا الرقابه عليها ؟!


اول ماكان يجي هالاماكن الا الناس هل البحر الي عندهم خبره
الحين من هب ودب شرى له طراد

[ya3coub]

مالي خبره و بعدت عن هالشي لأن نفس ما تفظلت أخوي حمد اسعارهم خيالية و غير الصيانة و القلص او الموقف بالبحر و الخ الخ الخ

لي رب العالمين زاد بالرزق افكر اشتري طراد

نرجع للقانون انا مع و بقوة التشديد و المنع.

لماذا؟..

لأن في ناس مو ويه حشيمة للأسف من اهل قطر و يخربون على غيرهم من الناس الهادية الي بحالها و المحترمة و يستغلون هالشي تحت مظله الحشيمة و الحيا و الإحترام من مسئولين الجهات.

الرق او منصات البترول او حتى الحقول النفطية قطر كلها عايشة على انتاجهم .!! احنا دولة نفطية ولازم اتكون الحراسات مشدده عليهم نفس دخان.

لا قدر الله صار هجوم اي او شي اذا انظرب او تزعزع انتاج البترول عندنا الدولة كللللها بتتأثر.

و اي حد حاقد بيشوف احد من الي ينقص عليهم علشان يستغله بمثل هالأفعال الشنيعه.

قد أخوي حمد انت تروح تصيد و ترجع و تسترزق الله بنفس الوقت.

بس اهني ولع الليت بمخي بسؤال ثاني

هل مسموح لأي شخص بمزاولة مهنة البيع ؟؟ يعني ما تحتاج رخصه بانك تصيد و تبيع ؟؟؟ وين الرقابة يعني انا عندي طراد لوناستي هل من حقي او قانونيا مسموح اروح اشقل الي فالبحر و ابيعه بالفرضه ؟؟ مو المفروض انه عندي سجل تجاري و رخصه و الخ من المستندات المطلوبة ؟؟

[QATAR 77]

عقبال ما تحصل

http://www.gasolinealleyantiques.com/cartoon/images/Dakins/dakin7oliveoyl.JPG

[ya3coub]

طيب ليش قبل مخففين الرقابه عنها ، والحين شددوا الرقابه عليها ؟!

أخوي حمد دامك تدري انه ممنوع من الأصل و انك تقول بشي ضد القانون!!!

الحين احتجاجك او اعتراضك ليش قامو بالتطبيق الحين و قبل كانو متهاونين ؟؟؟

بالعكس يعطيهم الف عافية, قد يكون قبل يسمحون لكم شخص و هالكم شخص يعطي المعلومات و زادت اعداد الناس و لازم يكون في حد فصار التشديد و ممكن يخفون بعد فترة

بالظبط نفس المرور صحيح الحزام لازم تربطه بس كثير من الأحيان بتغاضى عنك الشرطي بس لما يخالفك مو من حقك تعترض لأنه مشاك قبل اكثر من مرة

[راجي الْعفو]

وعليكم السلام و رحمة الله و بركاته ..

نبي نستفيد من خبرتك با بوشهب

كونك نوخذه منافس للنوخذه حسن ..

وخوفي سوقه بيضيع !

[ameeer3]

مساك الله بالخير أخوي حمد

بالنسبة لهذا القرار سليم 100% من الناحية الأمنية أولاً وحفاظاً على أرواح مرتادي هذا المكان ثانياً

ولا يخفى عليكم الموقع الجغرافي لهذا المكان وما يحطه من مواقع يستخدمها مهربي ومروجي الممنوعات

[النهار]

انزين انت ليش حارق قلبك عندك طراد http://store2.up-00.com/2015-01/1421828407751.gif (http://www.up-00.com/)

[بوحارب]

عندي طرادين للبيع

32 قدم gulf craft

31 قدم para coda

اللي له خاطر يطمر خاص

[بوحارب]

وعليكم السلام و رحمة الله و بركاته ..

نبي نستفيد من خبرتك با بوشهب

كونك نوخذه منافس للنوخذه حسن ..

وخوفي سوقه بيضيع !

حمد نوخذه بتاتا :funny:

[يمامـة]

ياليت اقدر افيدك يا حمد لأني ما عندي علم بتساؤلاتك..

[شيخ الديرة]

ليش ما تحط منصاتك وتصيد حواليها؟ الدولة والشركات صارفة المليارات عليها وأنت تقول سمج ما سمج

http://bestdocus.files.wordpress.com/2010/04/cousteau.png?w=370&h=250

[الحاقول]

كذلك ظاهره وجود بعض الطراريد الكبيره في الفرجان
مشكله كبيره تعيق
الحركه في شارع الفريج بالنسبه
للسيارات والاشخاص
وين المرور عنهم

وبعد ظاهره وجود بعض الطراريد الكبيره في الفرجان ظاهره غير حضاريه
الطراد في البحر وليس في الفريج
نطالب البلديه بحمله لازالة طراريد من الفرجان

[Aaziz]

قلنالك كنت ولا زلت و ستضل اداه
خبصت السالفه لا انت فاهم ولا وصلت الفكره

[حمد 2002]

قلنالك كنت ولا زلت و ستضل اداه
خبصت السالفه لا انت فاهم ولا وصلت الفكره

الله يشفيك

[بريق الحق]

اخبار الكشري معاك ياحمد

[Aaziz]

الله يشفيك

الله يسمع منك ،، والله اني في اجازه مرضيه

حمد اذا فيه مواضيع مهمه اجلها شوي ،، لاتخلطها مع مواضيع القفاش و الفلبينيات عشان ماتفقد اهميتها
الموضوع الي تكلم عنه موضوع مهم و له ابعاد كبيره مادريت عنها