مجلس الوزراء يوافق على مشروع قانون بشأن الزواج من الأجانب

[حمد 2002]

معالي الشيخ عبدالله بن ناصر بن خليفة آل ثاني رئيس مجلس الوزراء ووزير الداخلية

الدوحة - قنا
الأربعاء 21-01-2015*

ترأس معالي الشيخ عبدالله بن ناصر بن خليفة آل ثاني، رئيس مجلس الوزراء الاجتماع العادي الذي عقده المجلس صباح اليوم، الأربعاء، بمقره في الديوان الأميري.

وقد نظر المجلس في الموضوعات المدرجة على جدول الأعمال على النحو التالي:

أولاً:*الموافقة على مشروع قانون بتعديل بعض أحكام القانون رقم / 21/ لسنة 1989 بشأن تنظيم الزواج من الأجانب، وعلى إحالته إلى مجلس الشورى.

ووفقاً لهذا التعديل يصدر بتشكيل لجنة النظر في طلبات الزواج من الأجانب المنشأة بموجب أحكام القانون وتحديد مكافأتها قرار من مجلس الوزراء.

ثانياً:*الموافقة على مشروع قرار مجلس الوزراء بتشكيل لجنة النظر في طلبات الزواج من الأجانب وتحديد مكافأتها.

ويقضي المشروع بأن تشكل لجنة النظر في الطلبات للزواج من الأجانب، من ممثلين اثنين عن وزارة الداخلية، يكون أحدهما رئيساً والآخر نائباً للرئيس، وعضوية ممثل عن كل من وزارات العمل والشؤون الاجتماعية، والأوقاف والشؤون الإسلامية، والعدل، وممثل عن المجتمع المدني يختاره وزير الداخلية.

وتختار كل جهة من يمثلها في عضوية اللجنة، ويصدر بتسمية رئيس ونائب رئيس وأعضاء اللجنة، ونظام عملها وإجراءاتها، قرار من وزير الداخلية.

ثالثاً:*الموافقة على:

أ - مشروع قرار مجلس الوزراء بتعديل تنظيم بعض الوحدات الإدارية التي تتألف منها وزارة الشباب والرياضة وتعيين اختصاصاتها.

ب- مشروع قرار وزير الشباب والرياضة بإنشاء أقسام في الوحدات الإدارية التي تتألف منها وزارة الشباب والرياضة وتعيين اختصاصاتها.

وبموجب أحكام مشروع قرار مجلس الوزراء تضاف إلى الوحدات الإدارية التي تتبع وكيل الوزارة، إدارة تسمى "إدارة الشؤون الشبابية"، وتختص بعدة اختصاصات منها تنفيذ أحكام القانون المنظم للمراكز الشبابية، واقتراح شروط ومعايير إنشاء المراكز واللجان والجمعيات الشبابية، ورعاية ودعم الموهوبين والمتفوقين وتطوير مهاراتهم ثقافياً وعلمياً ودينياً، وتنظيم المشاركة الشبابية في المهرجانات المحلية والخارجية.

كما تضمن المشروع تعديل اختصاصات كل من إدارة التدقيق الداخلي، وإدارة الشؤون الرياضية، وإدارة المنشآت والمشاريع، وإلغاء إدارة المراكز الشبابية والأندية، وإدارة الأنشطة الشبابية.

رابعاً:*الموافقة على اقتراح وزارة المواصلات بتعديل تشكيل لجنة المناقصات التابعة للجنة تسيير مشروع ميناء الدوحة الجديد.

وتتولى هذه اللجنة اختصاصات لجنتي المناقصات المركزية والمحلية المنصوص عليها في قانون تنظيم المناقصات والمزايدات الصادر بالقانون رقم (26) لسنة 2005، بالنسبة للمناقصات المتعلقة بمشروع ميناء الدوحة الجديد وأي مشروعات أخرى تكلف بها لجنة تسيير مشروع الميناء.

خامساً:*الموافقة على اقتراح وزارة المواصلات بتخفيض رسوم رسو السفن الخشبية في ميناء الرويس البحري.

سادساً:*الموافقة على استضافة الاجتماع الثالث لمدراء الطيران المدني لدول الشرق الأوسط بالدوحة خلال الفترة من 27 إلى 29 /4/ 2015.

[R 7 A L]

القرار غير واضح ممكن توضح بالمختصر وين التعديل ؟

[حمد 2002]

القرار غير واضح ممكن توضح بالمختصر وين التعديل ؟

قبل كان غير منظم وضبابيه بالاجراءات. .

الحين منظم ووفق إجراءات واضحه للجمهور ..


هذا والله أعلم ..


وياليت الي عنده توضيح أكثر يفيدنا ..

[R 7 A L]

يعني اي واحد يقدر يتزوج اجنبية موب شرط العمر ؟

[حمد 2002]

يعني اي واحد يقدر يتزوج اجنبية موب شرط العمر ؟


قدم واذا لك نصيب بتاخذه أخوي رحال ..

[R 7 A L]

كم بيعطون مكافأة ؟

[همر]

يحيا العدل :victory:

[رهج السنابك]

شنو تفاصيل القرار

[راجي الْعفو]

ا.د / حمد2002 - وفقه الله -

لعلك تفيدنا بالهدف المرجو وراء هذا القانون ..

وشكراً

[R 7 A L]

زين الخبر يخص الرجال ولا بعد الحريم ؟

[QATAR 77]

هل شرط موافقة الزوجة عند الزواج من مغربية موجود و لا شالوه

[qtr qtr]

؟؟!! :con2:

[رهج السنابك]

الشباب منتظرين الافراج هاهاهاها
ترا ماكو فكه لا تحلمون

[النهار]

هل شرط موافقة الزوجة عند الزواج من مغربية موجود و لا شالوه

:victory:

:telephone: متى ياناس هرمنا

[QATAR 77]

:victory:

:telephone: متى ياناس هرمنا

هههههههه

[MirusS]

مـادري شسالفه بس شكله من صالحنا :victory:
ياليت حد يوضح

[بريق الحق]

زين الخبر يخص الرجال ولا بعد الحريم ؟

الظن الي بياخذ الثانيه اجنبيه يصير
هذا الي اعرفه

[دايموند]

الزواج من الاجانب مب من الاجنبيات ☺

[بريق الحق]

انا اشوف ينزلون قرار يقللون من المهور افضل
الله يوفق الجميع

[النهار]

الزواج من الاجانب مب من الاجنبيات ☺

:weeping::weeping:

[مختلفة عقليا]

السلام عليكم .,

يعني حتي البنات ., !! :victory:

بالمبارك مقدما .,

شنو موضوع الشباب والرياضه مافهمت ., !!

ويسلموو

[حسن]

ماادري ايش التعديل ولكن حسب ماعلمت بخصوص الاعضاء والمكافئه فقط

هذا والله اعلم

وبعدين شنهو الاتعديل المطلوب اساسا

اعتقد محد يقدر يمنع حد عن الزواج الشرعي

فليش مكبرين الموضوع

:)

[وثائقي]

بغض النظر عن ماهية القرار لم أقرا تفاصيله فهو خاص بدولة قطر الشقيقة ولكن أود التعليق بما يخص تنظيم الزواج من أجنبيات فقد طرحت قرارات عديدة في السعودية في مجلس الشورى تلتمس تسهيل إجراءات الزواج من الخارج ومنح الجنسية والحمد لله قوبلت جميعها بالرفض لأسباب عديدة ولا أعلم ما اللذي يميز الأجنبية عن الخليجية ليتم البحث لها عن مسالك لترويجها ؟؟

وفق الله الجميع لما يحبه ويرضاه ..

[وثائقي]

ماادري ايش التعديل ولكن حسب ماعلمت بخصوص الاعضاء والمكافئه فقط

هذا والله اعلم

وبعدين شنهو الاتعديل المطلوب اساسا

اعتقد محد يقدر يمنع حد عن الزواج الشرعي

فليش مكبرين الموضوع

:)

الزواج الشرعي قائم على شروط أحد اهم هذه الشروط هو لم الأسر وليس تشتتها وأرى في الزواج من الخارج تشتيت اكثر من لم لما تعيشه الدول من أنظمة وقوانين لربما تعيق تنفيذ ذاك الزواج من باب تقديم المصلحة العامة على الخاصة ..

بوركتـ ..

[QtrGate]

اخوي حسن

الموافقة للزواج من اجنبية تأخذ ثلاث او اربع سنين

[اسعاف]

هل شرط موافقة الزوجة عند الزواج من مغربية موجود و لا شالوه

موجود
واذا بتتزوج ايرانية لازم اتعلم زوجتك كتابيا

[اسعاف]

اخوي حسن

الموافقة للزواج من اجنبية تأخذ ثلاث او اربع سنين
لا
علي الواسطة
اذا اتعرف فلان اللي في اللجنة فأمورك
طيبة ٣ شهور بالكثير
واذا ما تعرف احد
ممكن سنة او يطنشونك

[اسعاف]

السلام عليكم .,

يعني حتي البنات ., !! :victory:

بالمبارك مقدما .,

شنو موضوع الشباب والرياضه مافهمت ., !!

ويسلموو

الموضوع يخص القطريات اللائي يردن الزواج من لبناني مثلا
وكذلك القطري اللي يود الزواج من مغربية او بوسنية مثلا

[QATAR 77]

واحد من الربع 4 سنين مطنشينه

[اسعاف]

القرار فقط
اعادة تشكيل اللجنة
بنفس الاجراءات والضوابط
يعني لا تفرحوا وايد يا امهات العيون الزايغة
هههههه

[لاجل QT]

الزواج شرع الله وسنة الحياه

ليش يسون قانون وشروط للي يبي يتزوج عربية مسلمة..هالامر جائز شرعا بعد ليش قانون

[مختلفة عقليا]

الزواج شرع الله وسنة الحياه

ليش يسون قانون وشروط للي يبي يتزوج عربية مسلمة..هالامر جائز شرعا بعد ليش قانون

هلا .,

انا معاك والله ., خلوا البنات بعد يتزوجون من دول اسلاميه وعربيه ., هاي شرع ربنا .,

يعني لازم قطري ياخذ قطريه !! ياخوا نبي انجوف قطري عينه زرق وشعره اشقر وبريطاني عيونه سودا وشعره اسود ^^

ويسلموو .,

[اسعاف]

الزواج الشرعي قائم على شروط أحد اهم هذه الشروط هو لم الأسر وليس تشتتها وأرى في الزواج من الخارج تشتيت اكثر من لم لما تعيشه الدول من أنظمة وقوانين لربما تعيق تنفيذ ذاك الزواج من باب تقديم المصلحة العامة على الخاصة ..

بوركتـ ..

اذا فتح الباب امام الشباب القطري ليتزوج من الشقر الاكرونيات والبلغاريات اللي كل وحدة كأنه ملكت جمال وعرسها ومهرها ما يكلف عشرة آلاف ريال
اذا فتح الباب لهم عجل من يتزوج بنات هل قطر؟!!

[بنـ الدحيل ـت]

صح أخي الكريم إسعاف

الله المستعان

[مختلفة عقليا]

اذا فتح الباب امام الشباب القطري ليتزوج من الشقر الاكرونيات والبلغاريات اللي كل وحدة كأنه ملكت جمال وعرسها ومهرها ما يكلف عشرة آلاف ريال
اذا فتح الباب لهم عجل من يتزوج بنات هل قطر؟!!

هلا .,

شباب اوكارنيا ., الشقر الخضر

[QATAR 77]

هلا .,

شباب اوكارنيا ., الشقر الخضر

اذا بيهد الشقراوات ام عيون خضر و زرق فحلال عليكم

[مختلفة عقليا]

اذا بيهد الشقراوات ام عيون خضر و زرق فحلال عليكم

هلا .,

دام البنات هدوا الشقر وابو العيون الخضرا اكيد ذولا بيهدون !!

ويسلموو .,

[QATAR 77]

هلا .,

دام البنات هدوا الشقر وابو العيون الخضرا اكيد ذولا بيهدون !!

ويسلموو .,

عندهم لجنة للزواج من الاجانب هههههه

[راجي الْعفو]

لا يُعارض القرار من ناحية الشرع ان توفرت الأركان و الشروط بالنسبه للطرفين

ولكن الناس تظن الزواج من الخارج امر عادي وسهل

لازم تستحضرون امر مهم يمكن كثير مب مستوعبه :

الزواج من غير القطريه ، او القطريه من غير القطري ، يحصل فيه تفاوت كبير من جميع النواحي :

الدين - الطبائع - العادات - حسن التربية - المستوى المادي

كل هذه الامور تؤثر على الحياة الزوجية وتنعكس على الأبناء

لا تظنون المسالة سهلة .. وان السالفه تعال تزوج اللي تبيه و توكل

الموضوع له ابعاد ..

بالتوفيق للجميع ..

[الحياة الخالدة]

صحيح أخوي راجي
بس البعض نظرته للأمور قاصرة
أكبر همه الشعر الأشقر و العيون الزرق و المهر القليل
ما يدري أن وراء الأكمة ما وراءها

[R 7 A L]

اذا بيهد الشقراوات ام عيون خضر و زرق فحلال عليكم

هههههههه

[راجي الْعفو]

صحيح أخوي راجي
بس البعض نظرته للأمور قاصرة
أكبر همه الشعر الأشقر و العيون الزرق و المهر القليل
ما يدري أن وراء الأكمة ما وراءها

كلام صحيح

[بريق الحق]

اذا كان الزواج لا يخالف شرع الله فخلو العالم تتزوج هنديه بنقاليه بلغاريه واتركو الناس في حالها

[الحياة الخالدة]

اذا كان الزواج لا يخالف شرع الله فخلو العالم تتزوج هنديه بنقاليه بلغاريه واتركو الناس في حالها

صحيح
و خلوا البنات يتزوجون اللي يبونه ما دام الزواج حلال و لا يخالف شرع الله

[وحيد-الشوق]

بس حاليا الزوجة تاخذ الجنسية بعد 10 سنوات :)

[بريق الحق]

صحيح
و خلوا البنات يتزوجون اللي يبونه ما دام الزواج حلال و لا يخالف شرع الله
اكيد اختي

ومن يمنع هذا الشي فالله المستعان وحسبي الله عليهم

[الكنترول]

ولا تحسب الأنساب تنجيك من لظى *** ولو كنتَ من قيسٍ وعبد مدانِ
أبو لهب في النّار وهو ابن هاشــم *** وسلمانُ في الفردوس من خرسانِ

[مرحوم قطر]

ما اعتقد ان في شي جديد

بس قبل كان ضابط واحد ماسك الموضوع و كان له اختصاصات ثانيه

اتوقع الحين مجرد رتبوا المكتب فقط


(( انا من المعارضين للزواج من الاجانب ))

[بونووف]

بس حاليا الزوجة تاخذ الجنسية بعد 10 سنوات :)

لا لا ..متاكد

[وحيد-الشوق]

لا لا ..متاكد

هذا الكلام اكده لي شخص زوجة القطري تستحق الجنسية بعد 10 سنوات والله تعالى اعلم

[حسن]

ماادري من وين تجيبون امور ماامر الله بها

اللي يقول تهديد المجتمع واللي يقول خراب الاسره واللي يقول بتختل التركيبه القطريه

مادري لا يكون احنا شعب الله المختار واحنا ماندري

ياماشفنا عيال الاجنبيه من افضل تربيه وافضل تعليم

مالها عللاقه كلش بالجنس بابشر

الثقافه الععلم هي الاساس

والله

حتى الزواج اللي الله امر به بتفتون به

شروط عقد النكاح معروفه في الاسلام لم يخصص فئه دون فئه
وبالنسبه للقطريه بتتزوج من برع خير ياطير شنهي المشكله

وبالنسبه لي انا مايهمني تاخذ جواز ولا ماتاخذه من وين ماخذها انا من سوق العبيد !!
شدخلني اخذ لها جواز ولا ماتحصل عنها ماحصلت وش فيها جنسيه ابلادها

ومن اللي يقول اللي ياخذ قطريه يعني مافي مشاكل المحاكم مليانه بلاوي وفي كل وقت وزمان
وهذا كله قسمه ونصيب وقدر مكتوب

هذا زواج ياناس مهب رخصه بناء

[نفسي عزيزه]

لو الاوليين حيين جان خذو من بمبي وكيرلا

[نفسي عزيزه]

يازين بنت بلادي والله ومافي قصور بالباقي خصوصا خليجنا

قطريه حتى لما تكتبها ---> قطريه تحسها هيبه وتعرف لك عدل ماكو مني مناك صايدتك هع

ارفعو راسكم يالقطريات

[حمد 2002]

الحين الرجال اذا بيتزوج وش يبي

يبي الحلال ووحده مهرها بسيط ( وقنوعه ) ومزيونه و حفله بسيطه واخلاقها زينة ..


مب


ابي حفله بالقصار وابي الخطوبة بالسانت ريجنس والحنه بالريتز والهديه بالدبليو وشهر عسل باريس :eek5:




والخيار لكم


ياشباب وشياب


تبون كيكه وعصير وذبيحتين وبس


ولا حفله بالقصار ؟


قالت قصار قالت :omen2:

[حمد 2002]

يازين بنت بلادي والله ومافي قصور بالباقي خصوصا خليجنا

قطريه حتى لما تكتبها ---> قطريه تحسها هيبه وتعرف لك عدل ماكو مني مناك صايدتك هع

ارفعو راسكم يالقطريات

ههههههههههههه

[نفسي عزيزه]

ههههههههههههه


ياويلك من الحريم تضحك ها escapeescape:vampire:

[حسن]

الحين الرجال اذا بيتزوج وش يبي

يبي الحلال ووحده مهرها بسيط ( وقنوعه ) ومزيونه و حفله بسيطه واخلاقها زينة ..


مب


ابي حفله بالقصار وابي الخطوبة بالسانت ريجنس والحنه بالريتز والهديه بالدبليو وشهر عسل باريس :eek5:




والخيار لكم


ياشباب وشياب


تبون كيكه وعصير وذبيحتين وبس


ولا حفله بالقصار ؟


قالت قصار قالت :omen2:

وهذا قد يكون سبب ياحمد من اللي ذكرته ليش لا
هو الواحد يتكلم بالمنطق والحكمه

انا ابي اتزوج ابي مره ان شاء الله اخذ من المريخ
كيفي انا حر

اما لا لازم تاخذ بنت بلادك هذا ولا حكم غراقوش والحمدلله ان لم يسن الى الان فالزواج مفتوح
والحمدلله ماشفنا منعه لا من حكومتنا ولا غيره
والواحد كيفه يعرس هني ولا هناك ولا رحله الى الخابوره

الشخص هو من يحدد زواجه ولا في اي قوه تمنعه الى الموت
هذه وجهه نظري

:)

[بريق الحق]

الحين الرجال اذا بيتزوج وش يبي

يبي الحلال ووحده مهرها بسيط ( وقنوعه ) ومزيونه و حفله بسيطه واخلاقها زينة ..


مب


ابي حفله بالقصار وابي الخطوبة بالسانت ريجنس والحنه بالريتز والهديه بالدبليو وشهر عسل باريس :eek5:




والخيار لكم


ياشباب وشياب


تبون كيكه وعصير وذبيحتين وبس


ولا حفله بالقصار ؟


قالت قصار قالت :omen2:

روح دق باب بيت يبون الستر وبتحصل الي يقر عينك
دور وحده دينه وابشر الي يسرك
سوى كانت امريكيه ولا قطريه

[مشـــــاعر]

الحين الرجال اذا بيتزوج وش يبي

يبي الحلال ووحده مهرها بسيط ( وقنوعه ) ومزيونه و حفله بسيطه واخلاقها زينة ..

مب
ابي حفله بالقصار وابي الخطوبة بالسانت ريجنس والحنه بالريتز والهديه بالدبليو وشهر عسل باريس :eek5:

والخيار لكم

ياشباب وشياب

تبون كيكه وعصير وذبيحتين وبس

ولا حفله بالقصار ؟


قالت قصار قالت :omen2:

ليش وإنت مالك كلمة ؟؟
ماتقدر تقول مآإقدر مآإعندي إمكآإنية ؟؟
مآإتقدر تقنعها تسوي آإلحفلة فآإلبيت أو مكآإن تقدر عليه ؟؟

محد خرّب آإلبنآإت غيركم ترى :anger1::anger1: . .
آإلواحد مآإله كلمة ولين صآإرت آإلبلآإوي جآإء يتشكى هني . .

وين شخصيتكم ؟؟
وآإلله آإلبنت لو تحبكك صج بتسمع كلآإمكك لو تقولها نبي عرسنا فآإلبيت حتى . .

لكن إنتوا (سلبيين) لأبعد آإلحدود . .
فآإلحين بآإلتشكي هني وبآإلددوانية وبسسسس . .

وآإخر شي تجون وتطلعون عيوب آإلدنيآإ فآإلبنآإت وإنتوا آإلبلآإ كله . .

وإذا إنت (بخيل) يآإحجي حمد خل هلكك يدورون لك بنية على قد حآإلها أو مآإتحب آإلتبذير . .
وترى وآإيد هني نآإس أجاويد ويشترون آإلريال آإلكفووو . .
لكن إنتوا عيونكم مآإتشوف إلآإ إللي فالينها وعايشين على هواهم . .


أنا مو ضد فكرة آإلزواج من أجنبية لكن ضد فهمكم آإل............
كل آإلعيوب حطيتوها في آإلبنآإت ؟؟

هآإلتفكير آإلسطحي مزروووع في أغلبكم للأسف :anger1: . .

[حمد 2002]

ليش وإنت مالك كلمة ؟؟
ماتقدر تقول مآإقدر مآإعندي إمكآإنية ؟؟
مآإتقدر تقنعها تسوي آإلحفلة فآإلبيت أو مكآإن تقدر عليه ؟؟

محد خرّب آإلبنآإت غيركم ترى :anger1::anger1: . .
آإلواحد مآإله كلمة ولين صآإرت آإلبلآإوي جآإء يتشكى هني . .

وين شخصيتكم ؟؟
وآإلله آإلبنت لو تحبكك صج بتسمع كلآإمكك لو تقولها نبي عرسنا فآإلبيت حتى . .

لكن إنتوا (سلبيين) لأبعد آإلحدود . .
فآإلحين بآإلتشكي هني وبآإلددوانية وبسسسس . .

وآإخر شي تجون وتطلعون عيوب آإلدنيآإ فآإلبنآإت وإنتوا آإلبلآإ كله . .

وإذا إنت (بخيل) يآإحجي حمد خل هلكك يدورون لك بنية على قد حآإلها أو مآإتحب آإلتبذير . .
وترى وآإيد هني نآإس أجاويد ويشترون آإلريال آإلكفووو . .
لكن إنتوا عيونكم مآإتشوف إلآإ إللي فالينها وعايشين على هواهم . .


أنا مو ضد فكرة آإلزواج من أجنبية لكن ضد فهمكم آإل............
كل آإلعيوب حطيتوها في آإلبنآإت ؟؟

هآإلتفكير آإلسطحي مزروووع في أغلبكم للأسف :anger1: . .

مشكله البنات .. اغلبيتهم كذا ..


مانشتري إلا الرجال ..


وتالي تهل الطلبات نفس المطر ..


إلا خاطري بالطقاقه الفلانية إلا ابي اروح المالديف إلا ابي أعزم الدوحه كلها !!

[حمد 2002]

روح دق باب بيت يبون الستر وبتحصل الي يقر عينك
دور وحده دينه وابشر الي يسرك
سوى كانت امريكيه ولا قطريه

شكرا على النصيحة ..

[حمد 2002]

وهذا قد يكون سبب ياحمد من اللي ذكرته ليش لا
هو الواحد يتكلم بالمنطق والحكمه

انا ابي اتزوج ابي مره ان شاء الله اخذ من المريخ
كيفي انا حر

اما لا لازم تاخذ بنت بلادك هذا ولا حكم غراقوش والحمدلله ان لم يسن الى الان فالزواج مفتوح
والحمدلله ماشفنا منعه لا من حكومتنا ولا غيره
والواحد كيفه يعرس هني ولا هناك ولا رحله الى الخابوره

الشخص هو من يحدد زواجه ولا في اي قوه تمنعه الى الموت
هذه وجهه نظري

:)

صادق ...

[مشـــــاعر]

مشكله البنات .. اغلبيتهم كذا ..


مانشتري إلا الرجال ..


وتالي تهل الطلبات نفس المطر ..


إلا خاطري بالطقاقه الفلانية إلا ابي اروح المالديف إلا ابي أعزم الدوحه كلها !!

وإنت شنو دووورك ؟؟
بس تهززز آإلراس وموووافق ؟؟
في مثل ينطبق على هالوضع بس مآإبي أقوووله :secret: . .

[بريق الحق]

القوامه للرجل لكن للاسف في بعض البيوت العكس بسبب اشباه الرجال الذكور سبب المشاكل

[وثائقي]

اذا فتح الباب امام الشباب القطري ليتزوج من الشقر الاكرونيات والبلغاريات اللي كل وحدة كأنه ملكت جمال وعرسها ومهرها ما يكلف عشرة آلاف ريال
اذا فتح الباب لهم عجل من يتزوج بنات هل قطر؟!!

وهل مقياسك للزواج بمنظورك الشخصي يتوقف على الشقراوات والحسناوات فقط ؟؟

وهل علمت بالأحصائيات الأخيرة لعدد الأوكرانيات المصابات بمرض نقص المناعة (الأيدز) عوضاً عن الأمراض الأخرى الخطيرة ؟؟

وبالنسبة لغلاء المهور وقلها فالمهر وإن دفع أضعافه في ظل مانعيشه من غلاء في هذه الأيام فهو قليل ايضاً والمهر ليس هو مشكلة الزواج بل أن المصاريف ما بعد الزواج هي المشكلة الحقيقة وهي من تثقل كاهل الزوج وأعتقد أن المصروف بعد الزواج يكون أكثر كلما إبتعدت بالزواج عن بلادك ..

أخي الفاضل حين نتحدث عن الزواج فليست كلمة تتوقف عند حد معين إنما هي مستقبلك القادم أنت من يرسم طريقك فعليك التروي..

مودتيـ ..

[وثائقي]

ماادري من وين تجيبون امور ماامر الله بها

اللي يقول تهديد المجتمع واللي يقول خراب الاسره واللي يقول بتختل التركيبه القطريه

مادري لا يكون احنا شعب الله المختار واحنا ماندري

ياماشفنا عيال الاجنبيه من افضل تربيه وافضل تعليم

مالها عللاقه كلش بالجنس بابشر

الثقافه الععلم هي الاساس

والله

حتى الزواج اللي الله امر به بتفتون به

شروط عقد النكاح معروفه في الاسلام لم يخصص فئه دون فئه
وبالنسبه للقطريه بتتزوج من برع خير ياطير شنهي المشكله

وبالنسبه لي انا مايهمني تاخذ جواز ولا ماتاخذه من وين ماخذها انا من سوق العبيد !!
شدخلني اخذ لها جواز ولا ماتحصل عنها ماحصلت وش فيها جنسيه ابلادها

ومن اللي يقول اللي ياخذ قطريه يعني مافي مشاكل المحاكم مليانه بلاوي وفي كل وقت وزمان
وهذا كله قسمه ونصيب وقدر مكتوب

هذا زواج ياناس مهب رخصه بناء

الزواج اقره الشرع ومع ذلك هنالك بعض الجنسيات والدول التي يأبى حتى شخصك الكريم من ان تتقرب بالزواج منهم مع أن الشرع أحل ذلك ولم يحرمه ولا ننسى قوانين الدول المسنونة والتي قد تعيق مثل تلك الزواجات ليس قصوراً بغيرنا إنما لدرء مسائل هم اعلم بها مننا كشعوب نجهل مدى دراستهم وتحريهم ..

ومشاكل المحاكم هذه تعاني منها دول العالم الغربي أكثر من دول العالم العربي فكما لهم مشاكلهم الخاصة لنا مشاكلنا والزوج إن كان غير صالح فلو إرتبط بأي جنسية يبقى غير صالح وكذلك الفتاة غير السوية وإن كانت تحمل أي جنسية تبقى فتاة غير صالحة للزواج ..

وفقنا الله وإياكم لما يحبه ويرضاه ..

[وثائقي]

مشكله البنات .. اغلبيتهم كذا ..


مانشتري إلا الرجال ..


وتالي تهل الطلبات نفس المطر ..


إلا خاطري بالطقاقه الفلانية إلا ابي اروح المالديف إلا ابي أعزم الدوحه كلها !!

الزوج ليس ملزماً بعمل جميع ما يطلب منه إنما عادة أي رجل يحب ان يظهر بأجمل المظاهر وهذا ليس بخسارة أمام شريكة حياته ولب فؤادة إن صدقت مشاعره تجاهها بل على العكس يحرص بأن يرفع شأنها أمام ذويها ومن يهمها وصنيعه لا يذهب سدى بل يرجع بالثناء عليه ..

وفق الله الجميع لما يحبه ويرضاه ..

[الجـــوديّ]

سنة الله في خلقه أن الرجل يتجمّــل للمرأة لكي يغريها بجماله وتملا عينه
وفي عالم الطير والحيـــوان يكون الذكر أجمل من الأنثى غاااالباً بما فيهم الطاووس وذكر النعّـــام ورقصته المشهورة!


عاد ربعنـا الأسبان ... تشلح ملح .. يعذربون في البنية وهم ما فيهم أي مظهر جمال يملا عينها
من البداية شايل يده من مصرفها ليش إنها موظفة .. ويطالع اش عندها ماعندعا ويتشرط على مهرها!

يايبه .. مب قد عرس عليك بالأجانب .. يرضون بالقليل .. حتى عطر مافيه .. شقة صغيرونه كلها ريحة بصل وثوم
والحياة حلوة .. اشتبي عند الاسبانية اللي مب تارسة عينك .. واذا مابغتكم زعلتوا أأأأ!!!!

يازين الطاووس بس .. على حلللللله لي نفش ريشه :tease:

[qtr qtr]

افضل بنات الخليج عن العربيه وافضل بنات العرب عن الاجنبيه .. يعني فالنهايه الافضليه الخليجيه ..
والجمال جال الروح اما جمال الملامح راح تتعود عليه وتشوفه بعد فتره شي عادي والسبب لانك تملكته

[رجل مثالي]

أذا كان يساعد في حل مواضيع الناس شئ جيد

[lion66]

اندونسيا فيها ملكات جماااااااااال

يحرقون المغربيااات حرااق

[مختلفة عقليا]

الحين الرجال اذا بيتزوج وش يبي

يبي الحلال ووحده مهرها بسيط ( وقنوعه ) ومزيونه و حفله بسيطه واخلاقها زينة ..


مب


ابي حفله بالقصار وابي الخطوبة بالسانت ريجنس والحنه بالريتز والهديه بالدبليو وشهر عسل باريس :eek5:




والخيار لكم


ياشباب وشياب


تبون كيكه وعصير وذبيحتين وبس


ولا حفله بالقصار ؟


قالت قصار قالت :omen2:

هلا .,

لا القاعه مجانيه اللحين هههههههههههههههههه .,

مالك عذر ^^

شباب قطر ع الخير اللي انتوا فيه اتقولون جيه اشخليتوا للعالم !!

انا مع العرس الراقي البعيد عن البذخ واغلب بناتنا جيه .,

بس عاد (( اظفر باذات الدين تربت يداك ))

والله يوفقكم

ويسلموو

[همر]

هلا .,

انا معاك والله ., خلوا البنات بعد يتزوجون من دول اسلاميه وعربيه ., هاي شرع ربنا .,

يعني لازم قطري ياخذ قطريه !! ياخوا نبي انجوف قطري عينه زرق وشعره اشقر وبريطاني عيونه سودا وشعره اسود ^^

ويسلموو .,



اي خلها تتزوج لبناني ولا مصري

بس تروح تعيش وياه عقب في شُبره ولا في الدئي..

لما يخلص عقده مو تقول ابي سكن حكومي !

مو تقعد تصيح في الاذاعه ابي جوازات لعيالي !

العيال يتبعون ابوهم ..

لذلك زواج الرجل من اجنبيه مافيه هم وغم ومشاكل

للدوله كثر زواج المرأه ..


يعني اطلعوا منها .. مب كل ماقالوا للرجال خذ

قلتوا عطونا .. هذي والله النشبه .. :court:

[حمد بن خالد]

أولاً:*الموافقة على مشروع قانون بتعديل بعض أحكام القانون رقم / 21/ لسنة 1989 بشأن تنظيم الزواج من الأجانب، وعلى إحالته إلى مجلس الشورى.




ملاحظة :

مشروع قانون بتعديل بعض أحكام القانون

يعني المشروع موجود بس عدلوا عليه فقط

[الحياة الخالدة]

اي خلها تتزوج لبناني ولا مصري

بس تروح تعيش وياه عقب في شُبره ولا في الدئي..

لما يخلص عقده مو تقول ابي سكن حكومي !

مو تقعد تصيح في الاذاعه ابي جوازات لعيالي !

العيال يتبعون ابوهم ..

لذلك زواج الرجل من اجنبيه مافيه هم وغم ومشاكل

للدوله كثر زواج المرأه ..


يعني اطلعوا منها .. مب كل ماقالوا للرجال خذ

قلتوا عطونا .. هذي والله النشبه .. :court:


أما في هالنقطــــــة يا همر
كلش كلش مافي مشاكل
أنا صدقتك بس .. نشوف رأي البقية

[همر]

أما في هالنقطــــــة يا همر
كلش كلش مافي مشاكل
أنا صدقتك بس .. نشوف رأي البقية



اقتباس على وزن ولا تقربوا الصلاه مايجوز يا مديره :nono:

انا قلت مافيه مشاكل للدوله ..

[عطر فرنسي]

السلام عليكم

انا وجهه نظري اشوف مافيها شي الرجل يتزوج بوحده من الخارج ياما ناس اعرفهم كملو زواجهم 10 سنين و15 سنه مدام مسلمه يتزوجها

اما بانسبه لي بنات قطر ماله دخل ان مافي احد مايبيهم بنات قطر والنعم فيهم وكل واحد في الدنيا رب العالمين كاتب له نصيبه

والله يوفق الجميع

[السيف5]

يازين بنات قطر

واذا ماقدرت وماعندي استطاعة حقيقية لمهرها

آخذ وحدة خليجية

[عثرة جواد]

اخيرا بناخذلنا تركي عيونه زرقاء

نعدل النسل اشوي :nice:

[همر]

اخيرا بناخذلنا تركي عيونه زرقاء

نعدل النسل اشوي :nice:




نقطه اخرى في صالح زواج الرجل من اجنبيه

وضد زواج المرأه من اجنبي

الاصل في الزواج ان الرجل بياخذ "ربة بيت"

سواء بشمرقيه ولا جنجويديه .. هذه طبيعة

المرأه وهذا ما تجيده كل نساء العالم بالفطره .. المفروض ..


اما المرأه اللي تبي حلاق ولا معلم شوارمه

عشان عيون زرق وركب بيضا هذي ماتعرف

مصلحتها وتلقي بنفسها الى التهلكه

وحري بالحكومه التحكم بحقوقها الشرعيه ..

[Dmy Enabi]

اي خلها تتزوج لبناني ولا مصري

بس تروح تعيش وياه عقب في شُبره ولا في الدئي..

لما يخلص عقده مو تقول ابي سكن حكومي !

مو تقعد تصيح في الاذاعه ابي جوازات لعيالي !

العيال يتبعون ابوهم ..

لذلك زواج الرجل من اجنبيه مافيه هم وغم ومشاكل

للدوله كثر زواج المرأه ..


يعني اطلعوا منها .. مب كل ماقالوا للرجال خذ

قلتوا عطونا .. هذي والله النشبه .. :court:


همر إذا خلص عقده تخلعه وتاخذ واحد ثاني ....أمزح

المهم الزواج من الأجانب أمر شخصي وكل واحد ينام عالجنب إلي يريحه
أهم شيء الخلق والدين هذا شرع الله

[عثرة جواد]

اذا فتح الباب امام الشباب القطري ليتزوج من الشقر الاكرونيات والبلغاريات اللي كل وحدة كأنه ملكت جمال وعرسها ومهرها ما يكلف عشرة آلاف ريال
اذا فتح الباب لهم عجل من يتزوج بنات هل قطر؟!!

نتزوج امريكي فارع القامه او فرنسي لبق الكلام

ليش نصبر ع الظيم والظلايم

[عثرة جواد]

نقطه اخرى في صالح زواج الرجل من اجنبيه

وضد زواج المرأه من اجنبي

الاصل في الزواج ان الرجل بياخذ "ربة بيت"

سواء بشمرقيه ولا جنجويديه .. هذه طبيعة

المرأه وهذا ما تجيده كل نساء العالم بالفطره .. المفروض ..


اما المرأه اللي تبي حلاق ولا معلم شوارمه

عشان عيون زرق وركب بيضا هذي ماتعرف

مصلحتها وتلقي بنفسها الى التهلكه

وحري بالحكومه التحكم بحقوقها الشرعيه ..



هههههههههههههاااااااااااي

اشفية معلم الشوارمة مايعجبك

عيل ليش مطيح عنه ووااي شوفه وهو يقول تبرني

يطبخ ويغسل ويكوي وبعد تابرني :tease:

[بوحارب]

brb morroco time

:funny:

[QATAR 77]

بااال ملل كل يوم شوارما :playball:

[بو خليفه 123]

هل تعديل القانون محصور على جنسيات معيّنه ام انه مفتوح لجميع الجنسيات

مثال : السوريه / المغربيه .. بحكم الظروف الراهنه بالمنطقه

[عثرة جواد]

بااال ملل كل يوم شوارما :playball:


لا ف تبوله وبابا غنوج

وكفته

ههههههههه

شكلك مال مجبوس كل يوم :nice:

[همر]

هل تعديل القانون محصور على جنسيات معيّنه ام انه مفتوح لجميع الجنسيات

مثال : السوريه / المغربيه .. بحكم الظروف الراهنه بالمنطقه



زين السوريه وعرفنا ظروفها الراهنه في المنطقه

المغربيه اشدخلها ؟!!


على قولة بوحارب .. هرامي كبير :happy:

[الحياة الخالدة]

نقطه اخرى في صالح زواج الرجل من اجنبيه

وضد زواج المرأه من اجنبي

الاصل في الزواج ان الرجل بياخذ "ربة بيت"

سواء بشمرقيه ولا جنجويديه .. هذه طبيعة

المرأه وهذا ما تجيده كل نساء العالم بالفطره .. المفروض ..


اما المرأه اللي تبي حلاق ولا معلم شوارمه

عشان عيون زرق وركب بيضا هذي ماتعرف

مصلحتها وتلقي بنفسها الى التهلكه

وحري بالحكومه التحكم بحقوقها الشرعيه ..



ما شاء الله .. اللهم قوِّ إيمانك
تبي تقنعني الحين أن الريال القطري لما يتزوج أجنبية ما يدور إلا ربة البيت ؟؟!!
عيل الدول الأفريقية حالكة السواد فاتحة ذراعينها لكم يا طالبي ربات البيوت

Come on Mr Hammer

صج صج حسستني على قولة اليهال

[QATAR 77]

معروفات المغربيات و السوريات بالطباخ و حسن التبعل

[الحياة الخالدة]

و الأتراك بعد زينين يفتحون مطاعم

[بصمة قطرية]

صح
حلوين و رومنسيين و طباخين :)

[Dmy Enabi]

يمدحون أهل البوسنة :omen2:

[QATAR 77]

يعني يدور كفيل لا تنسون تخشون الختم حق تجديد الاقامة

[Dmy Enabi]

يعني يدور كفيل لا تنسون تخشون الختم حق تجديد الاقامة

آنا ختمي جاهززززز

[QATAR 77]

شكلج تبصمين

[QATAR 77]

انا مع زواج القطرية من اجنبي اذا تعدت 35 سنة

[همر]

ما شاء الله .. اللهم قوِّ إيمانك
تبي تقنعني الحين أن الريال القطري لما يتزوج أجنبية ما يدور إلا ربة البيت ؟؟!!
عيل الدول الأفريقية حالكة السواد فاتحة ذراعينها لكم يا طالبي ربات البيوت

Come on Mr Hammer

صج صج حسستني على قولة اليهال



You missed the point miss Immortality :no2:

القطري اكيد ماتزوج شقرا الا لجمالها

وهي احدى الاسباب التي تنكح من اجلها

المرأه كما جاء في الحديث ..


في المقابل السبب اللي يزوج من اجله الرجل

هو دينه وخلقه مصداقاً لحديث الرسول ..

وليس لون عينيه وشعره الكوستنائي كما

تقلن انتن .. من باب الطنازه طبعاً ..



الامر الاخر الرجل مسؤول عن اعالة المرأه

يعني القطري اللي بياخذ بوسنيه منتفه

بيعيشها احسن عيشه ..


اما القطريه اللي بتاخذ معلم شوارمه

عشان لون عيونه ورومنسيته وتئبرني

خليها بكره تسكن في عيونه وتاكل رومنسيته

مع شاي حمر وبيعلمها شمعناة "تئبرني" بالحيا ..



ها ها ها

انتوا اصلاً محترين .. :tease:

[يمامـة]

الحين شسالفة ؟

واشبلاه الخبر؟ ومن مع من ومنهو ضد من؟

[همر]

الحين شسالفة ؟

واشبلاه الخبر؟ ومن مع من ومنهو ضد من؟

عندج 100 رد بالتمام والكمال ترجعين

تقرينهم واحد واحد .. شغل التشقح وتدشين

عرض من اخر الموضوع غير مقبول بتلكاً :nono:

[الحياة الخالدة]

You missed the point miss Immortality :no2:

القطري اكيد ماتزوج شقرا الا لجمالها

وهي احدى الاسباب التي تنكح من اجلها

المرأه كما جاء في الحديث ..


في المقابل السبب اللي يزوج من اجله الرجل

هو دينه وخلقه مصداقاً لحديث الرسول ..

وليس لون عينيه وشعره الكوستنائي كما

تقلن انتن .. من باب الطنازه طبعاً ..



الامر الاخر الرجل مسؤول عن اعالة المرأه

يعني القطري اللي بياخذ بوسنيه منتفه

بيعيشها احسن عيشه ..


اما القطريه اللي بتاخذ معلم شوارمه

عشان لون عيونه ورومنسيته وتئبرني

خليها بكره تسكن في عيونه وتاكل رومنسيته

مع شاي حمر وبيعلمها شمعناة "تئبرني" بالحيا ..



ها ها ها

انتوا اصلاً محترين .. :tease:




هو بيني و بينك الطرفين محترين مب بس احنا

و لا يكون الأجنبيات لما ياخذون القطري ميتين عليه .. والا عشان سواد عيونه ..
يبونه عشان العنابي و عشان يجيبون أهلهم و ينتشلونهم من الفقر .. و يتعينون في وظيفة مرموقة
و أول ما تجيهم الفرصة يبيعونه و لا يفتكرون فيه .. إلا ما رحم ربي يعني الأغلبية عشان محد ينقز لي

المحصلة أن مثل ما انتو بتصرفون عليهم وانتو مستانسين و منشكحين
عادي القطرية بتصرف على زوجها الأجنبي و بتجدد له الإقامة و الكفالة
دام الله منعم عليها و هي مرتاحة و عاجبها الوضع

و لحد يجي و يقول لا تجون تتشكون بعدين
لأن حتى اللي ياخذون أجنبيات بعد يتشكون و مب مقصرين

Nice arguing with you Mr Hammer

[النهار]

الحين شسالفة ؟

واشبلاه الخبر؟ ومن مع من ومنهو ضد من؟

ههههههههههه
مادري الموضوع تحول ألي داحس والغبراء ماحد راضي يتنازل عاد نبي همتج في الموضوع انتي حكيمة المنتدى

[Dmy Enabi]

هو بيني و بينك الطرفين محترين مب بس احنا

و لا يكون الأجنبيات لما ياخذون القطري ميتين عليه .. والا عشان سواد عيونه ..
يبونه عشان العنابي و عشان يجيبون أهلهم و ينتشلونهم من الفقر .. و يتعينون في وظيفة مرموقة
و أول ما تجيهم الفرصة يبيعونه و لا يفتكرون فيه .. إلا ما رحم ربي يعني الأغلبية عشان محد ينقز لي

المحصلة أن مثل ما انتو بتصرفون عليهم وانتو مستانسين و منشكحين
عادي القطرية بتصرف على زوجها الأجنبي و بتجدد له الإقامة و الكفالة
دام الله منعم عليها و هي مرتاحة و عاجبها الوضع

و لحد يجي و يقول لا تجون تتشكون بعدين
لأن حتى اللي ياخذون أجنبيات بعد يتشكون و مب مقصرين

Nice arguing with you Mr Hammer

آنا بجدد له الإقامة بفلوس أستفيد من وراه

[الحياة الخالدة]

ههههههههههه
مادري الموضوع تحول ألي داحس والغبراء ماحد راضي يتنازل عاد نبي همتج في الموضوع انتي حكيمة المنتدى

مع احترامي لأختي اليمامة

هي حكيمة المنتدى .. و احنا شنو ؟؟!!

[الحياة الخالدة]

و على فكرة ترا كثير من كلامنا ضحك و مزح و ناخذ فيه البعض على قد عقولهم و على مستوى كلامهم

[JN000N]

انزين صج القطريات شفيهم؟
مادري من صوبكم شتطلع اشكالكم صراحتن
لكن مامرت علي قطريه مب مزيونه
كل وحده تقول الزين عندي
والعين الي متعوده عالزين ماتجوف الا الزين
اما العين الي متعوده عالشين خل تروح تدور من يحسن نسلها من برا هيهيهيهيهي
ال شو ال بدنا شقرا وعيون زرء

[QATAR 77]

العين تعشق كل جميل

[راجي الْعفو]

أعصابكم ياصبورين ..

خلاص اللي يبي ياخذ من غير جنسيته يتوكل على الله ..

والواقع سيبين له ان كان مناسب له او لا ..


بالتوفيق للجميع ..

[راجي الْعفو]

نسيت نقطه :

ترى الرجال هو اللي يزوج المره مب اهي اللي اتزوج نفسها

فالعصمه بيده

والرجل العاقل يعرف يختار الزوج المناسب

وبالتوفيق مره اخرى

[POINT]

الحين ماصدقنا على الله التفتوا للاجانب وبيطيرون الي مالهم لزمة وعاله على الاقتصاد وعجلة التنمية
تقومون تجيبونهم بعقود زواج؟؟؟ مدروسة السالفه ههههههههه

شكلة شر لابد منه

[ضوى]

الله يهني سعيد بسعيدة ، الطيور على اشكالها تقع

[BIN MAN3]

الي يبي يتزوج اجنبيه. هاي من حقه ،،، وإذا هي تبي تتزوج أجنبي ع صعبه وايد. بحكم المجتمع الي احنى فيه .... أما. أنا على قولة الشاعر (ما عشقت. من العرب غير اقطريه ... عزها من عز أبوها الأولاني) ...

[يمامـة]

عندج 100 رد بالتمام والكمال ترجعين

تقرينهم واحد واحد .. شغل التشقح وتدشين

عرض من اخر الموضوع غير مقبول بتلكاً :nono:

:"(

عيزنا وانا امك ما فيني ليقانة الدوارة على 100 رد..

[يمامـة]

ههههههههههه
مادري الموضوع تحول ألي داحس والغبراء ماحد راضي يتنازل عاد نبي همتج في الموضوع انتي حكيمة المنتدى

كله من حمد يحط قنبلته وفي لهجات أخرى ( قمبلة.. نفس عمبر يعني عنبر ) ويطلع ولا كأنه له خص في الموضوع..
بس بجد يعني شنهي السالفة؟ الموضوع بصوب والهواش في صوب..
والقانون مب واضح وشنهي سالفته..
وبعدين بصراحة اوي خالص.. لو بتكلم عن موضوع زواج القطرية افضلها وبنسبة 100% من ولد البلاد
لكن لكل انسان ظروفه ومسبباته .. وما اعتقد القطرية اللي بتتزوج من غير قطري رافضة أصلا القطري
لعيب فيه ولكن هناك أسباب خاصة فيهم تحدهم للزواج من غير القطري..
لكن الرجل بطبعه يبحث لنفسه عن أسباب لاخطائه او نزواته او رغباته ويجمل هالاسباب حتى يخدع
نفسه قبل ما يخدع غيره..

فالاصل في الزواج مب تحسين النسل.. ولكن الأصل فيه تكوين اسرة متعوب عليها في تربيتها..
واما بخصوص الجمال.. لو قلنا الرجل بيتزوج علشان يحسن نسله.. شنهو ذنب الأطفال اللي بيطلعون على
الابو ومب ماخذين شكل الأم؟

لكن قطرية وماخذة تركي.............> تحملوا يا بنات تتهورون وتصدقون المسلسلات التركية
الريايل كلهم واحد لكن باشكال مختلفة..

اللهم اني بلغت واللهم فاشهد.. الوداع





مع احترامي لأختي اليمامة

هي حكيمة المنتدى .. و احنا شنو ؟؟!!

كله من حسن الله يسامحه كم مرتن نبهته ما يقول لي حكيمة المنتدى
وكم مرتن قلت له خف الريس..
زين جذيه المشرفة مسكت النهار من اذونه؟

مساءك قرنفل يالحياة الخالدة..
ليش المنتدى صاير فيل في تصفحه؟

[حسن]

كله من حمد يحط قنبلته وفي لهجات أخرى ( قمبلة.. نفس عمبر يعني عنبر ) ويطلع ولا كأنه له خص في الموضوع..
بس بجد يعني شنهي السالفة؟ الموضوع بصوب والهواش في صوب..
والقانون مب واضح وشنهي سالفته..
وبعدين بصراحة اوي خالص.. لو بتكلم عن موضوع زواج القطرية افضلها وبنسبة 100% من ولد البلاد
لكن لكل انسان ظروفه ومسبباته .. وما اعتقد القطرية اللي بتتزوج من غير قطري رافضة أصلا القطري
لعيب فيه ولكن هناك أسباب خاصة فيهم تحدهم للزواج من غير القطري..
لكن الرجل بطبعه يبحث لنفسه عن أسباب لاخطائه او نزواته او رغباته ويجمل هالاسباب حتى يخدع
نفسه قبل ما يخدع غيره..

فالاصل في الزواج مب تحسين النسل.. ولكن الأصل فيه تكوين اسرة متعوب عليها في تربيتها..
واما بخصوص الجمال.. لو قلنا الرجل بيتزوج علشان يحسن نسله.. شنهو ذنب الأطفال اللي بيطلعون على
الابو ومب ماخذين شكل الأم؟

لكن قطرية وماخذة تركي.............> تحملوا يا بنات تتهورون وتصدقون المسلسلات التركية
الريايل كلهم واحد لكن باشكال مختلفة..

اللهم اني بلغت واللهم فاشهد.. الوداع




كله من حسن الله يسامحه كم مرتن نبهته ما يقول لي حكيمة المنتدى
وكم مرتن قلت له خف الريس..
زين جذيه المشرفة مسكت النهار من اذونه؟

مساءك قرنفل يالحياة الخالدة..
ليش المنتدى صاير فيل في تصفحه؟

انا اقولك السالفه كلها تعديل في لجنه الزواج والمكافئه

هم بس اسمعو كلمه تعديل في لجنه الزواج بس قالو جاك الفرج وكلن يغني على ليلاه

وبس

هذه زبده الموضوع كلها

[حمد 2002]

الله يهني سعيد بسعيدة ، الطيور على اشكالها تقع


يعني يا يتزوج الفقير قطريه ولا تطلعون فيه مليون عيب ..

ايعقل هذا ؟!

[QATAR 77]

لا يعقل

[يمامـة]

انا اقولك السالفه كلها تعديل في لجنه الزواج والمكافئه

هم بس اسمعو كلمه تعديل في لجنه الزواج بس قالو جاك الفرج وكلن يغني على ليلاه

وبس

هذه زبده الموضوع كلها


يعني الربحان في الموضوع بكبره لجنة الزواج.. شكرا لك يا بوعلي..

[همر]

هو بيني و بينك الطرفين محترين مب بس احنا

و لا يكون الأجنبيات لما ياخذون القطري ميتين عليه .. والا عشان سواد عيونه ..
يبونه عشان العنابي و عشان يجيبون أهلهم و ينتشلونهم من الفقر .. و يتعينون في وظيفة مرموقة
و أول ما تجيهم الفرصة يبيعونه و لا يفتكرون فيه .. إلا ما رحم ربي يعني الأغلبية عشان محد ينقز لي

المحصلة أن مثل ما انتو بتصرفون عليهم وانتو مستانسين و منشكحين
عادي القطرية بتصرف على زوجها الأجنبي و بتجدد له الإقامة و الكفالة
دام الله منعم عليها و هي مرتاحة و عاجبها الوضع

و لحد يجي و يقول لا تجون تتشكون بعدين
لأن حتى اللي ياخذون أجنبيات بعد يتشكون و مب مقصرين

Nice arguing with you Mr Hammer



وصلنا الى تدرج وتسلسل سلس وجميل في الاحداث

القطري ياخذ اجنبيه ويصرف عليها وعلى اهلها

والقطريه تاخذ اجنبي وتكد عليه ..


بذمتج اي مره ترضى بواحد مثل هذا ؟!!

واي رجل يرضى على نفسه يكون تحت رحمة امرأه ؟!!



هذا من الناحيه الاخلاقيه


من الناحيه الاجتماعيه

القطري اذا انفصل عن الاجنبيه عياله بيتمون

عنده ماتقدر تاخذهم وتشرد

اما القطريه ان خذ عيالها الحلاق بتروح تصيح

عند الحكومه ردوا لي عيالي وساعدوني ..



فنقول ونكرر ..

زواج القطري من اجنبيه قد يكون به ضرر ..

لكن زواج القطريه من اجنبي قمبله (على قولة اليمامه) موقوته

تحمل في طياتها الكثير من الكوارث ..


Thanx 4 ur attention miss Lifetime..

[همر]

كله من حمد يحط قنبلته وفي لهجات أخرى ( قمبلة.. نفس عمبر يعني عنبر ) ويطلع ولا كأنه له خص في الموضوع..
بس بجد يعني شنهي السالفة؟ الموضوع بصوب والهواش في صوب..
والقانون مب واضح وشنهي سالفته..
وبعدين بصراحة اوي خالص.. لو بتكلم عن موضوع زواج القطرية افضلها وبنسبة 100% من ولد البلاد
لكن لكل انسان ظروفه ومسبباته .. وما اعتقد القطرية اللي بتتزوج من غير قطري رافضة أصلا القطري
لعيب فيه ولكن هناك أسباب خاصة فيهم تحدهم للزواج من غير القطري..
لكن الرجل بطبعه يبحث لنفسه عن أسباب لاخطائه او نزواته او رغباته ويجمل هالاسباب حتى يخدع
نفسه قبل ما يخدع غيره..

فالاصل في الزواج مب تحسين النسل.. ولكن الأصل فيه تكوين اسرة متعوب عليها في تربيتها..
واما بخصوص الجمال.. لو قلنا الرجل بيتزوج علشان يحسن نسله.. شنهو ذنب الأطفال اللي بيطلعون على
الابو ومب ماخذين شكل الأم؟

لكن قطرية وماخذة تركي.............> تحملوا يا بنات تتهورون وتصدقون المسلسلات التركية
الريايل كلهم واحد لكن باشكال مختلفة..

اللهم اني بلغت واللهم فاشهد.. الوداع




كله من حسن الله يسامحه كم مرتن نبهته ما يقول لي حكيمة المنتدى
وكم مرتن قلت له خف الريس..
زين جذيه المشرفة مسكت النهار من اذونه؟

مساءك قرنفل يالحياة الخالدة..
ليش المنتدى صاير فيل في تصفحه؟



بل بل بل .. اخطاءه ونزواته ورغباته ؟!!

هذا كله عشان بيتزوج بالحلال ؟!!

بعد لو بينحرف شبتقولون عنه ؟!!


ومافي شي اسمه تحسين نسل .. هذي كلمة

اخترعتها الاسبانيه ..

تحسين النسل يحمل في طياته عواقب كارثيه

على الاولاد بالذات في مسيرتهم الفنيه ومافي

اب يقبل ان ينحط في مثل هذا الوضع الحرج ..


الرجل يتزوج الجميله ليستمتع بجمالها

ويستغني بها عن النظر الى ماحرم الله ..

لذلك كان الجمال احد اسباب نكاح المرأه

كما جاء في حديث الرسول ..


آنشنتيه ..