كيمرات لمراقبة الخادمات !! ..

[حمد 2002]

السلام عليكم ورحمه الله وبركاته

انتشرت بالفترة الاخيره ظاهره مراقبه الخدم بكيمرات المراقبه عن طريق وضعها ب المطبخ الخارجي وغرف نومهم واماكن تواجدهم ..


انا ضد هالتصرفات لأنه هالشيء يعد إنتهاك صارخ لحقوقهم وخصوصياتهم وهم ليسوا في معتقل أو سجن .. وهالشيء يعد تعدي على انسانيتهم !!

ولاتلومونهم اذا شردوا عنكم أو يبون يرجعون بلادهم دام هاذا تصرفكم معاهم ..



وشكرا ..

[طبيب قطري]

مااعتقد ياحمد هالشي يصير مع احترامي لك، الناس تحط الكيمرات في غرفة العاب الاطفال اذا الطفل بيقعد مع الخادمه بروحهم والام في الدوام مثلا.. لكن ماحد يحط الكيمره بغرفة نوم الخدامه!!

[نوفا91]

عفواً

[ana_ana]

اول مره اسمع انه حد يحط في غرف نوم الخدم كاميرات مراقبه يمكن حد انت تعرفه
اما عن المطبخ ومكان تواجد الاطفال انا من مأيدين وضع الكاميرات فيهم

[طبيب قطري]

ولا تنسى ياحمد ان هالكميرات اكشفت مصايب الخدم من تلويث الاكل بفضلاتهم ووضع سحر واشياء عجيبه بالاكل وتعذيب للاطفال بدون اي سبب!! يعني لاتحاتي الخدامه وتنسى اهل البيت المساكين مالهم ذنب ان خدامتهم مريضه نفسيا او معقده وجايه تنتقم .. طبعا انا اتكلم عن حالات سمعنا عنها وشفناها .. لكن ايضا في حالات عنف ضد الخدم من قبل اهل البيت وهذا ممكن يؤدي الى انتقام الخادمه.. بكل الحالات اشوف الكميرات مهمه بالبيت اللي فيه خادمه.

[لطيف الروح]

يا اخ حمد الله يهديك انت قاعد تنشر اخبار و معلومات دون اثبات صحتها و بالتالي تعتبر ضمن الإشاعات الكاذبة و هي تضر بسمعة دولة قطر بشكل خاص و القطريين بشكل عام و فعلك هذا يجرمه القانون

أتمنى من إدارة الموقع حذف الموضوع

[JN000N]

انا ضد هالتصرفات لأنه هالشيء يعد إنتهاك صارخ لحقوقهم وخصوصياتهم وهم ليسوا في معتقل أو سجن .. وهالشيء يعد تعدي على انسانيتهم !!


طول ما اهم عندهم خبر بوجود الكيمرات ماراح يكون في انتهاك لحقوقهم
لكن انا ضد وضع كيمرات ف غرف نومهم شهالمرض النفسي الي بيخليني اطالع شتسوي ف غرفة نومها

[النهار]

متابع فقط

[CH Engineer]

محد يراقب غرف الخدم بالغت بالموضوع

و البيت لي الحريه احط كميرات مراقبه بالعكس تناقشني بهالموضوع يعتبر تعديت على خصوصياتي

[R 7 A L]

الحين انتم شعرفكم ماحد يحط كيمرات في غرف الخدم ؟

[basma222]

والله ياخوي من سنين كنا نشوف الخادمه و السائق و الصبي في بيوتنا كلهم من الهند وكان عندنا ثقه فيهم والكل على نيته
بس بعد ما تعددت جنسيه الخادمات و اكثرت مصيبه كل وحدة من قتل و ضرب الأطفال و وضع أشياء في الاكل ودخول اشخاص غريبه في الليل في بيوتنا صار لازم ناخذ الحذر منهم
الكيمرة في المطبخ و الحوش و الصاله لسلامه اعيالنا و بيوتنا

[حسن]

انا ضد وضعها في غرفهم وهذا انتهاك لخصوصياتهم ومايجوز
واللي يقول ان الكيمرا بتوقف الجريمه هذا نظره محدود
وش يفيد الكيمرا وانت بعيد عنها
اعتقد ملف الخدم والعماله صداع في راس الحكومات الخليجيبه بالذات
ومسبب ضغط رهيب عليهم من قبل المنظمات حقوق الانسان

اقترحت على حسب رؤيتي يجب ان يعاد قوانين هذه العماله من ضمنها خدم البيوت
الاول البيت في خادمه وسائق
الحين الكثير من البيوت بعد الرواتب العاليه اصبحن اكثر من الاسره وهذه تصرفات سلبيه
واستغلال سي

المفروض هناك حملات توعويه للمواطنين بخصوص استفحال هذه الظاهره واصبحت الخادمه هي المسؤ له عن المنزل
في جميع البيوت

عندي رؤيه بس الى الان في طور التبلور بعدين بااكتبها اذا رجعت من البحر


:)

[<اضرب واشرد>]

لابأس من وضع كامرات مراقبة للأماكن الرئيسية في البيت صالة - مطبخ - حوش - أماكن تواجد الأطفال والطبخ

والموضوع مشجع خاصة والحمدلله في ظل الراحة المادية للمواطنين ، ادفع شوية فلوس وتحمي نفسك وعيالك من مخاطر محتملة. حتى لو كانت مجرمة وماتخاف مراقبة ربها .. ممكن هالكاميرات تمنعها من جريمتها.

لكن غرفة نوم خادمة! هذي من راسك اخوي حمد2002 محد سواها :omg:

[حسن]

لابأس من وضع كامرات مراقبة للأماكن الرئيسية في البيت صالة - مطبخ - حوش - أماكن تواجد الأطفال والطبخ

والموضوع مشجع خاصة والحمدلله في ظل الراحة المادية للمواطنين ، ادفع شوية فلوس وتحمي نفسك وعيالك من مخاطر محتملة.

لكن غرفة نوم خادمة! هذي من راسك اخوي حمد2002 محد سواها :omg:

زين حطيت الكيمرا وقعت الجريمه وين غرفه المراقبه !!!!

ولا هي كيمرابس ولما ارجع اشوف الفلم من صجكم الحين من بيرجع يشوف احداث اليوم !!!

الصراحه اشوف الناس بس تمشي على امر المره وبس فلانه حاطه كيمرا

مادري الى متى بنتعلم صح

[<اضرب واشرد>]

زين حطيت الكيمرا وقعت الجريمه وين غرفه المراقبه !!!!
ولا هي كيمرابس ولما ارجع اشوف الفلم من صجكم الحين من بيرجع يشوف احداث اليوم !!!
الصراحه اشوف الناس بس تمشي على امر المره وبس فلانه حاطه كيمرا
مادري الى متى بنتعلم صح

أخوي حسن محد يراجع الأفلام كل يوم طبعا لكن فوائدها حسب رأيي كالتالي:

1) تخوف الخدامة وتمنعها من التفكير بأي خطأ ، الخدامة تشوف الكاميرا مثل عيون أهل البيت إذا غابوا .. كأنهم موجودين.

2) تعطي راحة وإطمئنان أكثر لأهل البيت خاصة على عيالهم.

3) فائدتها في حال حصل شيء نرجع للفلم ، انسرق شي .. انضرب ولد وماندري من الفاعل .. نرجع للفلم ونشوف .. حرامي طب البيت (كاميرا الحوش مثبتة)

في النهاية هي مفيدة على حسب حاجة البيت ، اللي يغيبون عن البيت ويتركونه فاضي (الخدامة وعيالهم الصغار) يحتاجون للكمرات ضروري!!

[<اضرب واشرد>]

مشاركات عام 2012
من منتدى سعودي

______________




خل الكاميرات واضحة للرؤية .. والكل يعرفها ويشوفها

ما الفائدة اذا كانت مخفية .. وصار حاجة خطيرة لا سمح الله .. وش بتسوي بعد فوات الأمر

يعني بس بتعيد عرض التسجيل فقط ؟؟

الكاميرات بقدر الإمكان تمنع حدوث الشيء .. مو تسجل وتعيد الحادث فقط

لاحظ المحلات والأسواق .. يكتبون على الأبواب المحل مراقب بالكاميرات

حتى يمتنع الناس من أرتكاب المخالفات ..


أنا عندي كاميرات .. في البيت والكل يشوفها ويعرف عنها

لأني ابغى الخدم والسواق يعرفون أن البيت مراقب .. ولا يحاولون يعملون شيء
وش أستفيد اذا قتل لا سمح الله او سرق وهرب .. أجلس أطالع بخشته

وبرضه على الأبواب والأسوار .. ومكتوب على السور ( المنطقة مراقبة بالكاميرات )

لأني أبغى المخرب يبتعد عن البيت .. ما ابغى بس اسجله وأجلس اطالع بوجهه

هذا رأيي الشخصي .. والله أعلم

___________________


والله يا اخوى أذا عندك سقف صناعى يمديك زي الفل تحط كمرات

المدير عندنا حط كمرات وكل شئ نسوية فى الفصل يدري حنا قلنا فى واحد لسلوس ورحنا حطيناها فى واحد مسيكين

ويجي واحد من الشباب خش علا غرفة المدير ولقا شاشة مجزاء لتقريبا 13 فصل وما اعتذرنا لخوينا

المدير حاط الكمارت فى الجبس ( السقف الصناعى )

والسعر والله مدري

بس ترا فى كمارات زي الاثاث

__________________

http://www.adslgate.com/dsl/showthread.php?t=1257583

[ابوعلي]

أخوي حسن محد يراجع الأفلام كل يوم طبعا لكن فوائدها حسب رأيي كالتالي:

1) تخوف الخدامة وتمنعها من التفكير بأي خطأ ، الخدامة تشوف الكاميرا مثل عيون أهل البيت إذا غابوا .. كأنهم موجودين.

2) تعطي راحة وإطمئنان أكثر لأهل البيت خاصة على عيالهم.

3) فائدتها في حال حصل شيء نرجع للفلم ، انسرق شي .. انضرب ولد وماندري من الفاعل .. نرجع للفلم ونشوف .. حرامي طب البيت (كاميرا الحوش مثبتة)

في النهاية هي مفيدة على حسب حاجة البيت ، اللي يغيبون عن البيت ويتركونه فاضي (الخدامة وعيالهم الصغار) يحتاجون للكمرات ضروري!!

معاك اخوي وصارت سالفة لاخوي خدامته كانت تضرب العيال ولما شاف الفيلم اكتشف هالشي وسلم الفيلم للنيابة العامة وتم سجن الخدامة

وبصراحة الكاميرات مهمة وفي اماكن معينة بالبيت ولكن انا ضد وضع الكاميرا في غرفة الخدامة

[رجل مثالي]

السلام عليكم ورحمه الله وبركاته

انتشرت بالفترة الاخيره ظاهره مراقبه الخدم بكيمرات المراقبه عن طريق وضعها ب المطبخ الخارجي وغرف نومهم واماكن تواجدهم ..


انا ضد هالتصرفات لأنه هالشيء يعد إنتهاك صارخ لحقوقهم وخصوصياتهم وهم ليسوا في معتقل أو سجن .. وهالشيء يعد تعدي على انسانيتهم !!

ولاتلومونهم اذا شردوا عنكم أو يبون يرجعون بلادهم دام هاذا تصرفكم معاهم ..



وشكرا ..


الله يسلمك بعد التصرفات الخطيرة من
الخدم في حق الكفلاء من ضرب لأولاد
الكفلاء وضرب الكبار في السن والأعمال
الأجرامية الأخرى لذلك تم وضع الكاميرات

[مختلفة عقليا]

السلام عليكم .,

رايي من راي اخواني .,

البيت ملك لي بس غرفتها شي خاص .,

واذا كان يحسسها انه سجن فالدوام يحسسنا ان احنا في سجن والمجمع نفس الشي !!


ويسلموو .,

[فرفوش]

يابوشهاب اهم شي انهم يشوفون الكيمرا صدقني بيخافون خخخ

واحد من الربع ركب كيمرات الشغاله عصبت قالت سفرني هههههههه

[باراكودا]

يابوشهاب اهم شي انهم يشوفون الكيمرا صدقني بيخافون خخخ

واحد من الربع ركب كيمرات الشغاله عصبت قالت سفرني هههههههه

عيب ومايجوز تركيب الكاميرات في الغرف والمجالس يجوز تركيبها في المطبخ والممرات والصالات وطبيلة السيارات
والابواب الرئيسية ولا يجوز مشاهدتها الى بعد حصول سرقة اوجريمة .

[العقل المدمر]

عيب ومايجوز تركيب الكاميرات في الغرف والمجالس يجوز تركيبها في المطبخ والممرات والصالات وطبيلة السيارات
والابواب الرئيسية ولا يجوز مشاهدتها الى بعد حصول سرقة اوجريمة .

ما يجوز فأي مذهب ؟ :eek5:

[فرفوش]

عيب ومايجوز تركيب الكاميرات في الغرف والمجالس يجوز تركيبها في المطبخ والممرات والصالات وطبيلة السيارات
والابواب الرئيسية ولا يجوز مشاهدتها الى بعد حصول سرقة اوجريمة .

هلا اخوي

رفيجي مركبهم فالحوش مب داخل الغرف

[العقل المدمر]

ماسمعت عن حد يركب فغرفة النوم
بس مع تركيب الكاميرات فالبيت
الاماكن العامة واماكن العمل دايما تكون مراقبة
والبيت نفس الشي لازم يتم مراقب
طبعا مثل ماقالوا اللي قبلي مع علم الجميع تتركب
وفي حالة وجود اهل البيت فالمكان عادي تتسكر الكاميرا
خصوصا لو في عزيمة او ضيوف
وفي خدامة لما اهل البيت حطوا لها كاميرا فالمطبخ قالت ماعرف اطبخ سفروني :shy:

[باراكودا]

ما يجوز فأي مذهب ؟ :eek5:

مذهب مال قبل زمان لول

[nono80]

انا مع تركيب الكاميرات في البيت كامل وماعتقد في ناس تركب كاميرات في غرفهم هذا كلام ماله اساس من الصحه انا اركب في البيت كامل حمايه لي وحق اعيالي اذا رحت الدوام رحت مكان اطلع وانا متطمنه والله عقب المصايب والبلاوي اللي تطلع منهم ماعاد في امان منهم والامان بالله بس الكاميرات صارت شي اساسي اختي اكتشفت بلاوي من خدامتها وعقبها قررت تركب الكاميرا قالت الحمدلله اعيالي مش موجودين في البيت كل شي يخطر في بالكم تسويه واشلون تامن بيتك بعد ماتشوف هالاشياء انا اشوف هذي حريه شخصيه واهم شي اعيالي انا ماراح اضرها اذا ماضرتني ولا ضرت اعيالي تشتغل وتستلم راتبها وكل شي تكمل سنتين تروح الله يحفظها بس انه في غرفهم هذي ماصارت لانه انا كل ربعي وهلي مركبين محد سواها

[القبطان اكس]

التركيب يطال الحوش من الداخل بكل زواياه
داخل البيت عن المداخل والمخارج
غرفة الألعاب
المطبخ الخارجي
مدخل الحوش من برع

انا مع التركيب ليس عشان الخدم بل عشان الاولاد يوم ايصيح الضرب وكل واحد ايقط عالثاني

ووقت تواجد ضيوف وحريم داخل البيت , في فصل للكاميرات من داخل dvr في غرفة التحكم الرئيسية خاصة للي امنزل البرنامج من الجوال عشان ما يقدر ايطالع من برع .

موضوع مهم

[ameeer3]

ما أعتقد في حد بيحط كاميرا مراقبة في غرف نوم الخدم

[طبيب قطري]

ما أعتقد في حد بيحط كاميرا مراقبة في غرف نوم الخدم

واحد سيكوباثي مثلا!

[بوحارب]

كل وحده تمسك عيالها وخلاص

:)

[يمامـة]

محد يراقب غرف الخدم بالغت بالموضوع

و البيت لي الحريه احط كميرات مراقبه بالعكس تناقشني بهالموضوع يعتبر تعديت على خصوصياتي

اتفق معاك في رايك.. كل حر في بيته مالم يتعدى على حقوق الاخرين فيه..
اما اذا الموضوع بالفعل فيه كاميرات في غرف الخدم يا حمد فهذا تعدي صارخ على حريتهم..
ومثل ما قالت جنون هذيه مرض نفسي ..

[ameeer3]

واحد سيكوباثي مثلا!

كل شي جايز أخوي طبيب ، ناهيك عن الأضطرابات النفسية التي اصابة الكثير في زمنا هذا من الي يشوفه من الاحداث المحيطه بهم .

((الله يرحمنا برحمته))