فترة الخطوبة هذة الأيام

[R 7 A L]

السلام عليكم ورحمة الله وبركاتة

اليوم غير الامس
تغيرت الكثير من الامور لاسباب عدة ومنها فترة ( الخطوبة ) والعلاقة بين الخاطب والمخطوبة.

في الماضي لاتوجد اي علاقة او تواصل بينهم وربما لاتستمر فترة الخطوبة الا ايام معدودة ومن بعدها يتم الزواج.

اليوم ومن بعد تأثير المسلسلات واندماج المجتمعات الاخرى معنا تغيرت الاوضاع
صار التواصل بين الخاطب والمخطوبة موجود ومستمر 24 ساعة وقد تكون في هذة الفترة لقاءات بينهم .

هل يعتبر مايحدث الان بين المخطوبين امر صحيح او خطأ ؟
هل على الاهل ان يراقبوا بناتهم في هذة الفترة ويكونوا متواجدين معهم او يسمحون لهم بالانفراد ببعض للسماح لهم للتعرف على بعض اكثر واكثر ؟

[فرفوش]

ياخوي هالايام صارو يتواصلون مع بعض ويعيشون لحظات الحب والشوق ههه
ولين جا موعد العرس كل واحد مل من الثاني ههههه


انا اأيد انه التواصل يكون خفيف وبمعرفه الاهل شرط يكونون مالجين

[رهج السنابك]

دام انهم ازواج بشرع الله كيفهم يتواصلون 24 ساعه او ساعتين
لكن العرف يقول مايختلون ببعض عشان لا سمح الله صار شي شرعي بينهم بعض الرياييل يقطها براس زوجته ويطلق وهو بريء مسكين

[R 7 A L]

ياخوي هالايام صارو يتواصلون مع بعض ويعيشون لحظات الحب والشوق ههه
ولين جا موعد العرس كل واحد مل من الثاني ههههه


انا اأيد انه التواصل يكون خفيف وبمعرفه الاهل شرط يكونون مالجين

يعني التواصل موجود موجود
رضوا الاهل او مارضوا ؟

زين دام التواصل موجود هل الحل هو تقليل فترة الخطوبة والزواج بسرعه حتى لا يملوا من بعض قبل الزواج ؟

[مختلفة عقليا]

السلام عليكم .,

خير يملون من بعض علي جم شهر بس يعيشون مع بعض العمر كله ما يملون !!

الا يستانسون ويتواصلون ويتمون مع بعض ويطلعون ومن رايي اتجهز اغراضها معاه ., خلاص شرعا زوجها حلاااااال

واذا صار شي والا شي خلاص زوجها والمحكمه ادفعه مبلغ كبير يعني فوق الخساير خساير واخر شي الولد بسمه ., عيل ليش يطلق غبي !!

ويسلموو .,

[النهار]

الريال كاتب فترة الخطوبه اشلون صارات حلاله

[مختلفة عقليا]

الريال كاتب فترة الخطوبه اشلون صارات حلاله

هلا

اتوقع يقصد بعد عقد القران .,

لان هاي اللي متعارف عليه اهنيه ., يسولفون ويقعدون مع بعض .,

ويسلموو

[R 7 A L]

دام انهم ازواج بشرع الله كيفهم يتواصلون 24 ساعه او ساعتين
لكن العرف يقول مايختلون ببعض عشان لا سمح الله صار شي شرعي بينهم بعض الرياييل يقطها براس زوجته ويطلق وهو بريء مسكين

تضمنين ان زيادة التواصل ماراح يؤدي الي اللقاء وربما الاختلاء ؟

[R 7 A L]

السلام عليكم .,

خير يملون من بعض علي جم شهر بس يعيشون مع بعض العمر كله ما يملون !!

الا يستانسون ويتواصلون ويتمون مع بعض ويطلعون ومن رايي اتجهز اغراضها معاه ., خلاص شرعا زوجها حلاااااال

واذا صار شي والا شي خلاص زوجها والمحكمه ادفعه مبلغ كبير يعني فوق الخساير خساير واخر شي الولد بسمه ., عيل ليش يطلق غبي !!

ويسلموو .,

وعليكم السلام
يعني تشوفين ان هالتغير صح
وان ماكان في الماضي من عزلة غلط ؟

[R 7 A L]

الريال كاتب فترة الخطوبه اشلون صارات حلاله

قالتها لك مختلفة
اقصد بعد الملكة قبل حفل الزواج ( العرس )
عطنا رأيك

[فرفوش]

يعني التواصل موجود موجود
رضوا الاهل او مارضوا ؟

زين دام التواصل موجود هل الحل هو تقليل فترة الخطوبة والزواج بسرعه حتى لا يملوا من بعض قبل الزواج ؟

لا ياخوي يتواصلون بعد الملجه واهم شي الاهل يدرون

طبعا انا اقصد يتواصلون مع بعض بعد مايملجون

[QtrGate]

قبل كانت الخطوبة قبل كتب الكتاب
الحين يصير العقد مع الشهود والخطوبة في فندق ( الاشهار)
يعني اكمل شروط الزواج
والزوجة تحل له

[مختلفة عقليا]

وعليكم السلام
يعني تشوفين ان هالتغير صح
وان ماكان في الماضي من عزلة غلط ؟

هلا .,

ما اجوف شي صح وشي غلط .,

اجوف علي حسب الشخص والبيئه والثقافه .,

ودام الموضوع مافيه حرام ., اجوفه عادي ويرجع لهم

ويسلموو

[R 7 A L]

هلا

اتوقع يقصد بعد عقد القران .,

لان هاي اللي متعارف عليه اهنيه ., يسولفون ويقعدون مع بعض .,

ويسلموو

بالضبط

[نوفا91]

والله يارحال دام حلاله عادي ، بس انا ضد الطلعات مع بعض ،


واحد كان يطلع مع زوجته قبل العرس يأثثون البيت وصار اللي صار والريال صار له حادث وتوفى والبنت حامل واهل الريال ارفضوا كذبوها وانها يات تقط السالفه براس ولدهم
:(

[R 7 A L]

لا ياخوي يتواصلون بعد الملجه واهم شي الاهل يدرون

طبعا انا اقصد يتواصلون مع بعض بعد مايملجون
اي هذا الي نقصد وهو التواصل بعد الملكة وقبل العرس
طيب*شرايك
اذا كان التواصل الخروج مع بعض بمفردهما
دون وجود الاهل معهم

[فرفوش]

اي هذا الي نقصد وهو التواصل بعد الملكة وقبل العرس
طيب*شرايك
اذا كان التواصل الخروج مع بعض بمفردهما
دون وجود الاهل معهم

بصراحه ضد يطلعون مع بعض بروحهم

مع انه هالايام يطرشون معاها اخوها الصغير عشان يجيب لك الاخبار بالتفصيل ههههه

[JN000N]

رحال هاي تهون عقب الملجه
الحين في فترة خطوبه قبل الملجه يبلفيت يتعرفون ع بعض ويطلعون مع بعض باسم انهم مخطوبين :)

[R 7 A L]

قبل كانت الخطوبة قبل كتب الكتاب
الحين يصير العقد مع الشهود والخطوبة في فندق ( الاشهار)
يعني اكمل شروط الزواج
والزوجة تحل له

اذا وش حقه حفل الزفاف خساير على الفاضي

[R 7 A L]

هلا .,

ما اجوف شي صح وشي غلط .,

اجوف علي حسب الشخص والبيئه والثقافه .,

ودام الموضوع مافيه حرام ., اجوفه عادي ويرجع لهم

ويسلموو

تقولين ماشوف شي صح او غلط
بعدين تقولين عادي

طيب
هل تؤيدين هالشي ؟

[رهج السنابك]

تضمنين ان زيادة التواصل ماراح يؤدي الي اللقاء وربما الاختلاء ؟





واذا صار اختلاء؟!!

شرع الله يقول حلاااااااااااااال

بس هالاعراف والتقاليد هي الي تقول ياعيباه

نسمع الشرع ولا التقاليد؟!!!

[مختلفة عقليا]

تقولين ماشوف شي صح او غلط
بعدين تقولين عادي

طيب
هل تؤيدين هالشي ؟

هلا .,

نعم اوؤيد .,

ويسلمو

[العقل المدمر]

عادي يتواصلون ويلتقون فبيت اهلهم
وعادي يطلعون بس معاهم اهلهم
ومب عادي ان هالفترة تطول
بعضهم يوصلونها سنة بين الملجة والعرس
عاد شهالملل هني حتى المشاكل تزيد والعرس يتكنسل :(

[رهج السنابك]

رحال هاي تهون عقب الملجه
الحين في فترة خطوبه قبل الملجه يبلفيت يتعرفون ع بعض ويطلعون مع بعض باسم انهم مخطوبين :)

انا اؤيد يكون فيه تعارف بحدود معينه قبل الملجة ولا ان الوحده تطب في مريض نفسي ولا فاقد جزء من المخ!

وفي قبايل وايد بالكويت والسعوديه والامارات يحطون فتره خطوبه قبل الملجة بس بقطر ماعرف اذا فيه او لا
لكن وايد افضل من زواج البطيخه يا تطلع حلوه يا ماصخه

[رهج السنابك]

والله يارحال دام حلاله عادي ، بس انا ضد الطلعات مع بعض ،


واحد كان يطلع مع زوجته قبل العرس يأثثون البيت وصار اللي صار والريال صار له حادث وتوفى والبنت حامل واهل الريال ارفضوا كذبوها وانها يات تقط السالفه براس ولدهم
:(

والله اذا الاهل معتوهين ترا الطب الحديث يقدر يثبت بالدي ان اي كل شي ساعتها المحكمة تاخذ مجراها

[MirusS]

مادري اذا عادي او لا
لكن رأيي بعد العرس يطلعون بكل أريحيه أفضل وبعد عشان يتفادون الكلام عنهم .. تعرف بعض الناس ياحبهم حق تأليف السوالف

ومشكور رحال

[R 7 A L]

والله يارحال دام حلاله عادي ، بس انا ضد الطلعات مع بعض ،


واحد كان يطلع مع زوجته قبل العرس يأثثون البيت وصار اللي صار والريال صار له حادث وتوفى والبنت حامل واهل الريال ارفضوا كذبوها وانها يات تقط السالفه براس ولدهم
:(

هذي من الامور الي ينخاف منها*عندمايطلعون
مع بعض بروحهم

[koketa]

حسب التربيه والثقافه

انا بالنسبه لي خلهم يطلعون بس الاهل يكونون محددين شكل العلاقه مع بناتهم من الاول انه هاي فتره خطوبه وتعارف مب اكثر

المشكه ان لو صار انفصال بتنحسب عليها طلعه حتى لو حلاله بس جرى العرف على ان الزواج يتم عقب حفل الزفاف

[Aaziz]

تكلمون عن القطريين ولا الوافدين ؟

^
^
تعبير مجازي

[بصمة قطرية]

شرعاً هي زوجته و حلاله على سنة الله و رسوله ..
لكن هالشي في مجتمعنا مرفوض
طلعت أشياء دخيلة على مجتمعنا ..
الحين عادي تطلع معاه و يروحون مطاعم
المفروض يشوفون بعض عشان بتعرفون على بعض
الفترة تعتبر فترة تعارف بينهم
بس يشوفها في بيتها بين أهلها ..
الأفضل فترة الخطوبة ما تطول
بالذات هالأيام مع الإنفتاح الزايد ..

[JN000N]

انا اؤيد يكون فيه تعارف بحدود معينه قبل الملجة ولا ان الوحده تطب في مريض نفسي ولا فاقد جزء من المخ!

وفي قبايل وايد بالكويت والسعوديه والامارات يحطون فتره خطوبه قبل الملجة بس بقطر ماعرف اذا فيه او لا
لكن وايد افضل من زواج البطيخه يا تطلع حلوه يا ماصخه

وهني شرع الله يقول حلاااااال والا واعيباه؟

[Aaziz]

^
^

اسمحيلي اعلق في موضوع جانبي ،، من شوي كنت في فودا فون (كنت لابس رياضه و يومين في البر لك ان تتخيلي :rolleyes2:) كان فيه بنتين ثلاثينيات و انا انتظر الدور كانت عبايه وحده منهم مش مظبوطه ابدا و قاعد اقول في نفسي ،، ليش يعني صحيح شي شكلا افضل من الساده بس ليش لفت نظر الناس ؟
كانت تتكلم مع الموظفه و البنت قطريه طبعا .. مع لوك لوك لوك الطويل فرطت كم كلمه مصري :secret:
جا في نفسي (آآآآآآه الوافدين العرب تمشي عندهم امور ماتمشي عندنا "عندهم سعه اكثر في هذا الجانب" ) و تجي القطريه تشوف و بطبيعه حال النساء يحبون الزين و التجمل ،،، فا تروح تقلد هذي الاشياء الي المفروض مايسوونها اذا رجعنا الامور على اصولها .
الخلاصه: ان الي اشياء كثيره دخيله علينا من تصرفات و من طباع (مش لنا نهائيا) و بسبب الاختلاط و عدم الثبات و الاعتزاز بالاصول في مجتمعنا بدو الناس شوي شوي يفرطون و منها سالفه الخطوبه هذي .

غلط الي قاعد يصير ،، الطرفين في فتره الخطوبه بيطلعون افضل ماعندهم هذا غير صاحبنا بيكون مقلقص كلش :) و صاحبتنا شغاله اختبارات و تثبيت قواعد في وقت ظروفه مش مناسبه للاخذ و العطا بطريقه صحيحه .

شخصيا مع الطريقه التقليديه المطبقه قبل 30 سنه لانها هي الطريقه الصحيحه دون الاطاله و شرح الايجابيات فيها

[Aaziz]

تعليقي اعلاه على كلام بصمة

[نوفا91]

والله اذا الاهل معتوهين ترا الطب الحديث يقدر يثبت بالدي ان اي كل شي ساعتها المحكمة تاخذ مجراها

معاج انه تقدر تثبت بس عباله وسوالف وغير كلام الناس والفضايح ، من البدايه يتسكر باب الطلعات واذا يبي يشوفها فبيت اهلها ويخلون عنهم هالسوالف اللي مالها داعي

[بريق الحق]

مع كلام اخوي عزيز

[بصمة قطرية]

تعليقي اعلاه على كلام بصمة

عزيز
ما فهمت انت مع كلامي و لا ضده
السالفة اللي ذكرتها فرت مخي شوي معليش ..

أنا ضد فكرة الطلعات و هالمطاعم
و هالسوالف الدخيلة على مجتمعنا ..
صحيح هي زوجته و حلاله ..
بس مجتمعنا تحكمه عادات و تقاليد
ترفض هالأمور ..
بيشوفون بعض في كل مكان و بيطلعون
و بيروحون مطاعم و و و ..
شلي بيبقى لبعد الزواج
أو شلي راح يتغير
عاشوا حياتهم قبل ..!!

[رهج السنابك]

وهني شرع الله يقول حلاااااال والا واعيباه؟


حسب معرفتي يجوز بوجود محرم معها ممكن يزورها بعد الاتفاق ويتكلمون بحدود معينه في وجود محرم قبل العقد

[حسن]

متابع من بعيد
لأن ردي مدوي

:)

[بنت شرق]

الأفضل يكون بالبيت مع وجود محرم،،،،اما شغل المسلسلات المصرية ،،،ماله داعي ،،،يؤثر ع السمعه

[لبيبة]

لا خلوة بعد الملجة، ولا تكون معه بدون محرم. انتهى.

[Aaziz]

عزيز
ما فهمت انت مع كلامي و لا ضده
السالفة اللي ذكرتها فرت مخي شوي معليش ..

أنا ضد فكرة الطلعات و هالمطاعم
و هالسوالف الدخيلة على مجتمعنا ..
صحيح هي زوجته و حلاله ..
بس مجتمعنا تحكمه عادات و تقاليد
ترفض هالأمور ..
بيشوفون بعض في كل مكان و بيطلعون
و بيروحون مطاعم و و و ..
شلي بيبقى لبعد الزواج
أو شلي راح يتغير
عاشوا حياتهم قبل ..!!

اكيد ضد هالسوالف ،، القصه الي ذكرتها هي مجرد مصادفه صارت و قعدت اتأمل وضع مجتمعنا في السنوات العشر الاخيره ،، دخلت المنتدى لقيت هالموضوع ،، انا كشخص مقتنع اقتناع كامل انه هذي السوالف دخيله علينا ،، و ضررها اكثر من نفعها بكثير .

ملاحظة: انتقي في قراءه الردود لهذا ما اقرا كل الردود فا عادي الحوار يكون في صوب و انا شاطح في صوب

[ALKASER]

اكيد ضد هالسوالف ،، القصه الي ذكرتها هي مجرد مصادفه صارت و قعدت اتأمل وضع مجتمعنا في السنوات العشر الاخيره ،، دخلت المنتدى لقيت هالموضوع ،، انا كشخص مقتنع اقتناع كامل انه هذي السوالف دخيله علينا ،، و ضررها اكثر من نفعها بكثير .

ملاحظة: انتقي في قراءه الردود لهذا ما اقرا كل الردود فا عادي الحوار يكون في صوب و انا شاطح في صوب

مش مهم دخيلة ولا لاء... المهم انها مش ضد الدين ولا حرام! ي عادات وجب احترامها بس الي تتعارض مع الدين ماتهمتي ولا التفت لها!

العادات الي عقدت الدين واضهرت الاسلام بشكل سيء!

خل يروحون ويطلعون اذا كانت الفترة بين الملجة والعرس طويلة!

ودمتم بسلام!

[قطري سهم]

يعقب يشوفها النظره الشرعية حقة فالشرع وتحرم علية لين يملج عليها وياخذها في بيتة هني يشوفها على شرع الله

[JN000N]

حسب معرفتي يجوز بوجود محرم معها ممكن يزورها بعد الاتفاق ويتكلمون بحدود معينه في وجود محرم قبل العقد

وهاي حسب معرفتج ف الشرع؟
تدرين ان الشرع قال نظرة شرعية فقط بوجود محرم
ماقال فترة خطوبة او قعده او تعارف بينهم قبل الملجه

وشكرا

[Aaziz]

مش مهم دخيلة ولا لاء... المهم انها مش ضد الدين ولا حرام! ي عادات وجب احترامها بس الي تتعارض مع الدين ماتهمتي ولا التفت لها!

العادات الي عقدت الدين واضهرت الاسلام بشكل سيء!

خل يروحون ويطلعون اذا كانت الفترة بين الملجة والعرس طويلة !

ودمتم بسلام !

:con2:

سالمين طل :eek2:

[بصمة قطرية]

خخخخخخخخخخخخ
الله يقطع ابليسك عزيز ..

البعض فاهم غلط ..!!
يا عالم من حقه نظرة شرعية فقط قبل الملكة ..

[نوفا91]

خخخخخخخخخخخخ
الله يقطع ابليسك عزيز ..

البعض فاهم غلط ..!!
يا عالم من حقه نظرة شرعية فقط قبل الملكة ..


اي هذا هو اللي يقصدون قبل الملجه لازم نظره شرعيه ، عاد الله وكيلج فالنظره الشرعيه امه واخته وجدته وهو حسيت نفسي اختبار قدرات :(

[بريق الحق]

ياجماعه اذا اكتملت شروط الزواج خلاص هي زوجته خل ياخذها ويروح القمر كيفهم
ملجه ليلة حنا عرس عشا عورتو راسنا :anger1:

[qtr qtr]

سريع سريع شهر شهرين حق تجهيزات العرس .. واذا يبي يقعد معاها للضروره في امور العرس او السكن يحط بينهم رادار صغير اخوها :deal::pilot: لنقل الاخبار اول باول .. ماله داعي الطلعات بروحهم عشان يفهمون بعض كلام فاضي لان البنت المسكينه راح تأخذها عاطفة الاحلام الورديه والرومنسيه .

ولان اصلا قبل الملجه اهل البنت يسألون عن الرجال باخلاقه واسلوبه قبل يلا يوافقون عليه .

[aloosh]

في الخطوبه لا يحق له الاختلط بها وحتى على البعض بالفيت مودي معهم محرم مودي ياهل معهم

المفروض يخطب بعد ما سألون عنه واقتنعوا بالرجال خلاص يحددون ملكه على طول وعاد هذيك ساعه كيفه بعد ما يتملك رسمي ياخر العرس او يجدمه تصبح زوجته حلال شرعأ اما خطوبه فهذا يعني ربط كلام ولا يجوز الاختلاط بها غير امام اهلها فقط ولا تكون كاشف بعد

[رهج السنابك]

جنون هذا مب رايي انا هذا راي الشرع وسوي بحث واقرأي اكثر في الموضوع
لا بأس بفتره خطوبه قبل الملجة مب بس نظره وانقز

[JN000N]

جنون هذا مب رايي انا هذا راي الشرع وسوي بحث واقرأي اكثر في الموضوع
لا بأس بفتره خطوبه قبل الملجة مب بس نظره وانقز

اي شنهي اهي فترة الخطوبه عاد؟
معليش اسمحيلي يمكن توني بتعلم معلومة يديده منج
الي اعرفه لين تقدم هو اهلها بيسالون عنه وكل شي يتولونه هم واذا جافو انه ريال فيه خير ويستاهل بنتهم يبلغون البنت وتستخير واذا ارتاحت قالولهم يلا نظره شرعيه ولين ارتاحو لبعض يملجون
في شي ماعرفه؟

[بصمة قطرية]

اي هذا هو اللي يقصدون قبل الملجه لازم نظره شرعيه ، عاد الله وكيلج فالنظره الشرعيه امه واخته وجدته وهو حسيت نفسي اختبار قدرات :(

خخخخخخخخخ
لا احنا ما في نظرة شرعية ..

[الأصيلة]

أول كان الشاب في بداية أيام الزواج ويمكن حتى أول سنة يكون
ملهوف بالبنت ومشغوف بها ومايبغي يفارقها لحظة
وربعه يتمنون جلساته ومايحصلونه...
الحين من بعد أول اسبوع هي بوادي وهو بوادي هو مع ربعه
وهي مع صديقاتها ولها جوها الخاص...
وكل واحد شبعان من سوالف الثاني ومتمللين منها...

[مختلفة عقليا]

هلا .,

يعني في ردود ماعرف اشلون الصراحه ., !!

يعني من نظره بترتاح له ّّ!! خير ان شاء الله بتزوج والا بتطبخ !!

طبعا تطلع معاه وتروح واتناقش ., اصلا ما استوعب انها بتفهمه من المكالمات ومن كم قعده في البيت .,

لازم تقعد معاه واتناقشه وتاخذ وتعطي ., هاي بيكون ابو اعيالها ومعاها دنيا واخرة ., وهو نفس الشي .,

فترة الخطوبه وايددددد مهمه ., (( بدون تمثيل طبعا ))

ويسلموو .,

[حسن]

رحال يتكلم عن بعد العقد اللي هو يعتبر زوجته شرعا وانتهى اصلا

يعني الباقي مجرد شكليات ومراسيم التخريج فقط

يعني لا تودي ولا تجيب

فا طلعت معاه نامت معاه حملت منه فهي زوجته على سنه الله ورسوله

جيبولي دليل واحد فقط شرعي ينكر ذالك

اتحدى


:victory:

[حسن]

هلا .,

يعني في ردود ماعرف اشلون الصراحه ., !!

يعني من نظره بترتاح له ّّ!! خير ان شاء الله بتزوج والا بتطبخ !!

طبعا تطلع معاه وتروح واتناقش ., اصلا ما استوعب انها بتفهمه من المكالمات ومن كم قعده في البيت .,

لازم تقعد معاه واتناقشه وتاخذ وتعطي ., هاي بيكون ابو اعيالها ومعاها دنيا واخرة ., وهو نفس الشي .,

فترة الخطوبه وايددددد مهمه ., (( بدون تمثيل طبعا ))

ويسلموو .,

هدي هدي

يامختلفه

الاختلاف موجود الى يوم الساعه ولا حد يقدر يغيره وكلن على استيعابه وفهمه
الله خلقنا هالشكل

بس شوفي بالنسبه لي كله هذا ماتمنع من الانفصال يعين اللي يضن ان الفتره هي تتعارف
وفهم الطرف الثاني انا اعتبرها غير صحيحه نوعا ما
لان شفنا الكثير حصل بينهم مشاكل وادى الى الانفصال سؤا شرعي او جسدي وحسي
من بعد رضا ومن بعد قصص روميو وجوليت
يعني محد يعرف مايخبيه الزمن من احداث والشواهد كثيره
انا ماامنع الطلعه بعد عقد الزواج ولكن هذه رؤيتي لبعض الامور
المجتمع تغير وتغير بشكل كبير الاول ماكنا نستوعبه وولكن الان غصبا نستوعبه
ونحاول ناخذ المفيد ونترك الشين منه قدر المستطاع
دائما كنت اطرح رؤيتي وارسم صوره الى كيف سنصبح وهناك امثله لمجتمعات خليجيه سبقتنا من السعبينات وطالع

وشكرا

[الحياة الخالدة]

صبحكم الله بالخيـــــر جميعاً

والله يا رحال شقول لك
صحيح إن طلعتهم و دخلتهم مع بعض بعد الملكة غير مقبولة عرفاً و تقليداً .. و ممكن تحدث بعض الأمور اللي قد تسبب المشاكل مستقبلاً
لكن في هالزمن الصعب .. و زمن الفتــــــن ( على الصغير و الكبير .. و العاقل و المخبل )
و ما داموا ملكوا على بعض .. و صارت العلاقة بينهم شرعية
أنا اقول خلهم على كيفهم ..
المشاكل و المحاذير اللي ينخاف منها .. إذا ربك كاتب إنها بتصير .. بتصير .. سواء اختلوا ببعض أو لم يختلوا
اللي مافيه خير .. من الطرفين .. ما راح يمنعه الحذر من التسبب في هالمشاكل
دام الموضوع حلال .. ماله داعي نضيق عليهم
و هذا احنا شايفين و كلنا عارفين اللي قاعد يصير .. سبل الحرام للأسف ميسرة .. و محد يقدر يمنع أحد من شي

رأيي الخاص .. و طبعاً ما أفرضه على أحد

[حسن]

صبحكم الله بالخيـــــر جميعاً

والله يا رحال شقول لك
صحيح إن طلعتهم و دخلتهم مع بعض بعد الملكة غير مقبولة عرفاً و تقليداً .. و ممكن تحدث بعض الأمور اللي قد تسبب المشاكل مستقبلاً
لكن في هالزمن الصعب .. و زمن الفتــــــن ( على الصغير و الكبير .. و العاقل و المخبل )
و ما داموا ملكوا على بعض .. و صارت العلاقة بينهم شرعية
أنا اقول خلهم على كيفهم ..
المشاكل و المحاذير اللي ينخاف منها .. إذا ربك كاتب إنها بتصير .. بتصير .. سواء اختلوا ببعض أو لم يختلوا
اللي مافيه خير .. من الطرفين .. ما راح يمنعه الحذر من التسبب في هالمشاكل
دام الموضوع حلال .. ماله داعي نضيق عليهم
و هذا احنا شايفين و كلنا عارفين اللي قاعد يصير .. سبل الحرام للأسف ميسرة .. و محد يقدر يمنع أحد من شي

رأيي الخاص .. و طبعاً ما أفرضه على أحد


صباح النور والبلور يالحياه الخالده

بالعكس ردك جدا جميل وجدا معبر وجدا ايجابي وجدا راقي وجدا واقعي
اعتقد
قريتي انتي وغيرك من الاعضاء سؤا الواضحين وسؤا المتعالين
انا

اكثر من طالب بالغاء هل الحفلات والمظاهر اللي ابتليت بها المسلمين وخصوصا احنا
عقب الرواتب العاليه

انا

اكثر واحد من طالب بتدخل الدوله لتسهيل الزواج وتيسيره

انا

الوحيد الل طالب بتدخل الدوله وفرض نظام على القاعات في وقت خروج عرس النساء وهوجمت هجوم شرس
سؤا بالعلن او بالخفاء
ولكن على مين مهب انا انا

:victory:

انا الوحيد اللي كنت احذر من ظهور نماذج اخري للزواج سواء السري سواء الورقه (العرفي)
انا
:deal:
انا

انا الوحيد الللي ارسم لكم صوره تغير المجتمع وككنت اذكر كيف كان وكيف اصبح وكيف سيصبح

:victory:

انا انا

انا اموت في الانا اللي قتلت الكثيرين

:)

هاهاهاها

موضوع رحال شايك وبسيط جدا عند العقلاء

احنا ماننكر التغير ولا نقف ضد التغير ولا نرفض التغير

ولكن نحتار من التخلف في التغير واللي وراه

وبعدين تعالو شنهي المشكله ماانا قلت لكم الغو حفلات الفوضى اي العرس الي قاعده تسير ولا منها فايده نهائيا
الى بعثره مال محاسبين عليها
تصل من 500 الف وطالع بالملايين

:omg:

والله مضحكه عقول تتحجر وترفض التغير للاحسن
ذكرتوني بموضع مختلفه تبي التغير اي تغير !!
يبيله وقت يبيله رجال يبيله صبر يبيله زمن يبيله حكمه يبيله حنكه

اذا اردت التغير ابدا في المراءه


:victory:

[A-Alansari]

انا من رايي طلعات قبل العرس بروحهم مافي

يبون يطلعون يكون معاهم اهل العروس امها او اختها مب اخوها الصغير

يبي يشوفها في بيت اهلها حياه في اي وقت

[حمد 2002]

وش هالخرابيط !!

لقاءات مابين المخطوبين !!

هاي لا من عاداتنا ولا من تقاليدنا

النظره الشرعيه وبس

ومايجوفون بعضهم الا بعد العرس !!

والمفروض الملجه = كتبت الكتاب اليوم ، العرس ايكون بعد اسبوع

وليه التطويل والخرابيط الا خطوبه الا طقاقه الا كوشه :rolleyes2:

وشهو كوشه اصلا اسها غلط !! :victory:


الا تزين طاولات !! :(


الا اضاءه :omen2:


الا ابي اشرب المعازيم كوفي :eek5:



______________

رأي الشخصي

ملجه والعرس بعد اسبوع وعشاء بالبيت للطرفين وسفر وبس


قالها بوعلي وبوعلي صادق

بيجي يوم العباءه بتختفي

وتنبئاته كل مالها وتتضح


والقادم ادهى وامر :)

[الحياة الخالدة]

الموضوع مب عن تحضيرات العرس على فكرة

ركزوا في سؤال رحال بارك الله فيكم .. و لا تفرون السكــــــان .. تجنباً للحوادث المؤسفــــــة

[غريب الدّار]

اخوي ماعندنا احنا خطوبة في قطر حسب الطرح اللي طرحته

اسمها ملجة
بعد الملجة تصير زوجته شرعا وقانونا
يكلمها
يقعد وياها


حتى لو يطلع وياها عادي ولا حد يقدر يتكلم والشرع والقانون وياهم

لكن العادات تمنع هالشي فقط

لكن نظام خطوبة نفس مصر مثلا او الأردن ماعندنا

ومع هذا :
انا معاك ان فترة الملجة المفروض ماتطول وايد

[JN000N]

هلا .,

يعني في ردود ماعرف اشلون الصراحه ., !!

يعني من نظره بترتاح له ّّ!! خير ان شاء الله بتزوج والا بتطبخ !!

طبعا تطلع معاه وتروح واتناقش ., اصلا ما استوعب انها بتفهمه من المكالمات ومن كم قعده في البيت .,

لازم تقعد معاه واتناقشه وتاخذ وتعطي ., هاي بيكون ابو اعيالها ومعاها دنيا واخرة ., وهو نفس الشي .,

فترة الخطوبه وايددددد مهمه ., (( بدون تمثيل طبعا ))


ويسلموو .,

اعصابج يالطيبه
اذا انتي تقصدين الخطوبه قبل الملجه هاي عندكم انتو
اما عندنا احنا مافي شي اسمه تطلع معاه وتناقشه وتاخذ وتعطي قبل الملجه
واذا تتطنزين على موضوع من نظرة بترتاح
حاججي الي سن النظرة الشرعية وقولي ليش ياربي بس نظره شرعية وتنزل فيها الالفه والموده والرحمه بين الاثنين؟ ليش مب قعده ونقاش وطلعه
النظره الشرعيه يصير فيها شيئين
اما انهم يرتاحون لبعض ووقتها تنزل الموده بينهم من الله
او انهم يتضايقون ومايبون هالزواج وهذا كله من الله محد يعترض عليه

[JN000N]

الي يقول العادات والتقاليد تتعارض مع الدين دام الدين شرع هالشي
انا اقول العادات والتقاليد حفظت هالدين
والعادات حدت من مشاكل وايد تصير
مافي شي سوو اهلنا الاوليين الا و95% يطلع فيه نظرة مستقبليه وصح
اما انتو خلكم كل شي تناقشو فيه وفتحو كل شي ولا تمسكون على عاداتكم وعقب قولو ضيعنا هويتنا

[بوحارب]

يااااااااااه ذكرتوني في فترة الخطوبة حقتي :(

ابغي اجرب مره ثانية بس كيف crazy

[حسن]

يااااااااااه ذكرتوني في فترة الخطوبة حقتي :(

ابغي اجرب مره ثانية بس كيف crazy

هلا بالحب

:victory:
شوف المره الاولى كلنا انقص علينا ولكن المره الثانيه لا والف لا
يقولك لايلدغ المؤمن من جحر مرتين

:nono:

شوف الحل عندي وانا احط الشروط وهم الخسرانين

نملج وعلى طول سفره لاخرابيط وبلا دندره ولا تحاتي ترا وايد موافقين
بحكم زياده الانتاج على حاجه الطلب

الخبير الاقتصادي الاستراتيجي القانوي

حسن

ترا اشوف شي شي شي

:victory:

[بوحارب]

اعصابج يالطيبه
اذا انتي تقصدين الخطوبه قبل الملجه هاي عندكم انتو
اما عندنا احنا مافي شي اسمه تطلع معاه وتناقشه وتاخذ وتعطي قبل الملجه
واذا تتطنزين على موضوع من نظرة بترتاح
حاججي الي سن النظرة الشرعية وقولي ليش ياربي بس نظره شرعية وتنزل فيها الالفه والموده والرحمه بين الاثنين؟ ليش مب قعده ونقاش وطلعه
النظره الشرعيه يصير فيها شيئين
اما انهم يرتاحون لبعض ووقتها تنزل الموده بينهم من الله
او انهم يتضايقون ومايبون هالزواج وهذا كله من الله محد يعترض عليه

هذا هو الصح

ومختلفة شكلها عادي عندها الخطيب يسافر مع خطيبته فتره الخطوبة

بحجه يفهمون بعض اكثر :funny:

مختلفة ترى كل ربعي تزوجوا من نظره وحده بس
ترى مب لازم يسوون فلم هندي ههههههه

[بوحارب]

هلا بالحب

:victory:
شوف المره الاولى كلنا انقص علينا ولكن المره الثانيه لا والف لا
يقولك لايلدغ المؤمن من جحر مرتين

:nono:

شوف الحل عندي وانا احط الشروط وهم الخسرانين

نملج وعلى طول سفره لاخرابيط وبلا دندره ولا تحاتي ترا وايد موافقين
بحكم زياده الانتاج على حاجه الطلب

الخبير الاقتصادي الاستراتيجي القانوي

حسن

ترا اشوف شي شي شي

:victory:


هلا الضيب

انا وانت ما عندنا مشكلة خربانين من زمان

بس لازم تصيد لك وحده فري واهلها فري اكثر وأكثر :funny:

انها الرؤية يا سادة ;)

[بو خليفه 123]

اذكر بعد عقد القران كان اخوها ينشب لي و يتم قاعد بالزاويه ياكل جبس عمان و عصير بو نص و يطالع بنص عين

طفرني :(

[نور الحور]

اممممممممم .. عندي راي في الموضوع بس

حاسه بتاكلوني بقشوري ..

لي عودة ان شاء الله

[بريق الحق]

..

صفقة صفقة فوق فوق,, بعد هالكلام مافيه كلام ..!

ولكم في التخلف مثـــــــــــــــــآل :) ..!


اممممممممم .. عندي راي في الموضوع بس

حاسه بتاكلوني بقشوري ..:(
اذا رايج يخالف الدين لا تحطينه الله يبارك فيج

[بوحارب]

اممممممممم .. عندي راي في الموضوع بس

حاسه بتاكلوني بقشوري ..

لي عودة ان شاء الله

قولي عادي
واذا ما عجبنا الكلام بنقول ماعجبنا عادي;)

مختلفة يبيلج دورة في اداب العادات والتقاليد السليمة :funny:

[بريق الحق]

قولي عادي
واذا ما عجبنا الكلام بنقول ماعجبنا عادي;)

مختلفة يبيلج دورة في اداب العادات والتقاليد السليمة :funny:

هي كانت تقصد فالنظره الشرعيه تطلع معاه وتشرب شاي وماي ؟؟
ولا بعد مايكتب العقد!

[نور الحور]

اذا رايج يخالف الدين لا تحطينه الله يبارك فيج


ويبارك فيك .. الله يسامحك بس يا بريق ..
مخالف للدين عيل ليش بتبناه او بحاول اقوله ؟

لي عودة ان شاء الله للكتابة بتفصيل اكثر :)

[JN000N]

^ هاي الي ماعندهم رد دايما يدورون على هالحجه
عموما لا تحاتين
انا مانطر من وراج رد لان الي عندي قلته وماحتاج عادات دخيله تعلمني الصح من الغلط

[JN000N]

هي كانت تقصد فالنظره الشرعيه تطلع معاه وتشرب شاي وماي ؟؟
ولا بعد مايكتب العقد!


تقصد قبل العقد

[بريق الحق]

تقصد قبل العقد

اهاا
اذا على كلامها محد راح يتزوج كل واحد بتم مع النظره الشرعيه شهر شهرين لين ما يشبع بروح يغير

الاخت مختلفه انتي قطريه ؟ وهل انتي على الفطره السليمه ولا في تلوث بسيط عشان نساعدج في القضاء عليه <<< ديتول (:

[Dmy Enabi]

زوجته خل تطلع وتقعد معاه وخير ياطير سوت حرام
وإلي يقول يخاف أن تقع في المحظور حد يوضح لنا شنو المحظور لأني مافهمت زوجته هذي يعني حلاله مش من حقي ألوم أي اثنين وهما زوجان
لكن رايي الإنسان يوازن لا إفراط ولاتفريط وحسب شخصية الزوج وشخصية الزوجة لكن خبرتي في الحياة إنه محد مضمون نهائيا
فالإنسان يقدر الموقف ويعامل الزوج / الزوجة حسب ماتنطوي عليه هذه الشخصية
السؤال الأهم إلي أقوله حق كل بنت هو في أحد أسلمه الخيط والمخيط من أولها ؟ الزوج إلي هو زوج وعايشه دهر معاه مب مضمون شلون واحد توني بأتعرف عليه
الحذر جدا مطلوب لأقصى الحدود
تحياتي

[بريق الحق]

ويبارك فيك .. الله يسامحك بس يا بريق ..
مخالف للدين عيل ليش بتبناه او بحاول اقوله ؟

لي عودة ان شاء الله للكتابة بتفصيل اكثر :)

كنت اقصد اوزني رايج بميزان الشرع يخالف ولا مايخالف (:
اخبرج تفهمين السالفه عالطاير (:

[مختلفة عقليا]

هي كانت تقصد فالنظره الشرعيه تطلع معاه وتشرب شاي وماي ؟؟
ولا بعد مايكتب العقد!

هلا.،

اقصد عقب

[بريق الحق]

هلا.،

اقصد عقب
وضحي بارك الله فيج
اكتبو العقد
عقد الزواج
اكتملت شروط
ولا لا

[JN000N]

اي الحين ملزوم يتغير الكلام
مشكله اللي يقولون مالا يفعلون

[مختلفة عقليا]

اهاا
اذا على كلامها محد راح يتزوج كل واحد بتم مع النظره الشرعيه شهر شهرين لين ما يشبع بروح يغير

الاخت مختلفه انتي قطريه ؟ وهل انتي على الفطره السليمه ولا في تلوث بسيط عشان نساعدج في القضاء عليه <<< ديتول (:
هلا

ياليتك سألني بدال هالكلام .،

اقصد عقب العقد مو قبله .،

ويسلموو

[بريق الحق]

اي الحين ملزوم يتغير الكلام
مشكله اللي يقولون مالا يفعلون

يجوز كان عندها لبس فالموضوع
او خافت مني ههههه <<< امزح

[بريق الحق]

هلا

ياليتك سألني بدال هالكلام .،

اقصد عقب العقد مو قبله .،

ويسلموو

اذا عقب العقد يعني صارت زوجتها خلاص وشيبي يتعرف عليها خلاص ترى زوجته يعني بتعرف عليها طول حياته

[مختلفة عقليا]

يجوز كان عندها لبس فالموضوع
او خافت مني ههههه <<< امزح

هلا

ههههههه .،

من خاف سلم ههههه

انا كتبت رايي من الاول جوفه في بدايت الموضوع بس يمكن انت ما انتبهت .،

وانا اموضحه لشخص سال قبل او بعد قلت له بعد .،

ما التبس علي الموضوع ترا ولا غيرت كلامي .،

بس انت الله يهديك ما قريت الموضوع من الاول

وحصل خير

يسلموو

[مختلفة عقليا]

اذا عقب العقد يعني صارت زوجتها خلاص وشيبي يتعرف عليها خلاص ترى زوجته يعني بتعرف عليها طول حياته

هلا .،

اي زوجته بس دام ما دخل عليها فرصه انها تفهمه واذا ما أصلحوا ما بتصير أضرار كبيره نفس لو احملت

او انصدمت في أشياء .، او حتي هو ما أنصدم في أشياء وهي بعيده اشوي الأضرار دائماً اخف .،

ويسلموو

[بشائر]

موضوعك حساس جدا اخوي رحال وللناس فيه مذاهب ..
بالنسبة لي أنا ضد الخروج فترة الملكة لأنه مبالغ فيه صراحة .. يعني شنو الحكمة؟
لما يزورها في بيت أبوها شخصيته بتختلف عن لما يطلعون؟
لكني مع إنهم يكلمون بعض ويتعرفون على شخصياتهم و يتناقشون حول حياتهم كيف بتكون
من خلال الحوار والنقاش تبين الشخصية والخلفية اللي تربى عليها وبناء عليه تقدر تتوقع كيف بتكون حياتك معاه / ها ..
وهم للحين توهم على البر ..
بس الأهم إن الفترة ماتطول .. والنبيه بيكفيه أقل القليل حتى يعرف طبيعة اللي قدامه ..

ولو فرضنا ماصار اتفاق أو نصيب بتكون الخسائر أقل ( من ناحية الأطفال وتشتت الأسرة )
بنتكم عندكم وولدهم عندهم .. وحتى لو تملكت من جديد ما تتأذى مشاعر الخاطب الجديد
وتثار غيرته ويتم يوسوس هي طلعت مع ذا و ذاك وجات وسوت وحطت ..وبتكون لها ذكرى في كل مكان مع كل واحد فيهم ..
وهو بعد نفس الشي.. يعني بتكون بدايتهم غيرة تجهض حبهم في بداياته ..
وياكثر الطلاق قبل الدخول وبنسبة تخوف ..
طيب بتقولون لي زوجته وحلاله دامهم مالكين بقول لكم دام الأمر عادي عندهم يطلعون خلاص يرجعها بيته ليش يردها لبيت ابوها ؟ ويعيشون حياتهم طبيعي ..

أما التفلسف وإدخال عادات غريبة علينا تعلم البنات الجرأة وتكسر حياها هذا مرفوض رفضا باتا .. ولا كل الأسر تقبل به ..

[شبح الصمت]

موضوعك حساس جدا اخوي رحال وللناس فيه مذاهب ..
بالنسبة لي أنا ضد الخروج فترة الملكة لأنه مبالغ فيه صراحة .. يعني شنو الحكمة؟
لما يزورها في بيت أبوها شخصيته بتختلف عن لما يطلعون؟
لكني مع إنهم يكلمون بعض ويتعرفون على شخصياتهم و يتناقشون حول حياتهم كيف بتكون
من خلال الحوار والنقاش تبين الشخصية والخلفية اللي تربى عليها وبناء عليه تقدر تتوقع كيف بتكون حياتك معاه / ها ..
وهم للحين توهم على البر ..
بس الأهم إن الفترة ماتطول .. والنبيه بيكفيه أقل القليل حتى يعرف طبيعة اللي قدامه ..

ولو فرضنا ماصار اتفاق أو نصيب بتكون الخسائر أقل ( من ناحية الأطفال وتشتت الأسرة )
بنتكم عندكم وولدهم عندهم .. وحتى لو تملكت من جديد ما تتأذى مشاعر الخاطب الجديد
وتثار غيرته ويتم يوسوس هي طلعت مع ذا و ذاك وجات وسوت وحطت ..وبتكون لها ذكرى في كل مكان مع كل واحد فيهم ..
وهو بعد نفس الشي.. يعني بتكون بدايتهم غيرة تجهض حبهم في بداياته ..
وياكثر الطلاق قبل الدخول وبنسبة تخوف ..
طيب بتقولون لي زوجته وحلاله دامهم مالكين بقول لكم دام الأمر عادي عندهم يطلعون خلاص يرجعها بيته ليش يردها لبيت ابوها ؟ ويعيشون حياتهم طبيعي ..

أما التفلسف وإدخال عادات غريبة علينا تعلم البنات الجرأة وتكسر حياها هذا مرفوض رفضا باتا .. ولا كل الأسر تقبل به ..




هذا الكلام الطيب

ارحم الله والديج

:nice:

[يمامـة]

رحال

المفروض أولا: عدم إطالة فترة الخطوبة..

ثانيا: لو بيطلعون حتى لو كان زوجها حد يطلع معاهم..

اما بخصوص التواصل بالتلفون.. اشوف ان من حقهم يتواصلون
لان كل حليل للثاني.. وفكرة ان نبعدهم عن بعض علشان ما يملون من بعض
هالفكرة عبيطة مع احترامي للجميع.. فاللي بيمل من خطيبته وهي في بيت أهلها
ما بيستحمل رقعة ويهها وهي في بيته..

اما بخصوص لو تواصلوا واكتشفوا طبايع بعض وقرروا الانفصال
اشوف هالشي افضل من انهم ما يتواصلون وينصدمون في طبايع بعض
وما يشدون بعض عقب الزواج الرسمي..

فالعادات تتغير يا اخووي رحال مع تغيير الزمن
الشي اللي كان ممنوع يصبح مسموح وبكل سهولة.
لكن اشقد ممكن نخليه مسموح؟

هذا اللي يبي لنا نضبطه كثيرا جدا اوي خالص..

[بصمة قطرية]

الموضوع مب عن تحضيرات العرس على فكرة

ركزوا في سؤال رحال بارك الله فيكم .. و لا تفرون السكــــــان .. تجنباً للحوادث المؤسفــــــة


:funny::funny::funny::funny::funny:

احنا حتى النظرة الشرعية ما طلناها ..
تراني مجهزة لسته بظيف لها النظرة الشرعية
بعرضها على أبوي و بوالعيال
بطالب بتعويض .. :funny::funny::funny:

[بوحارب]

مختلفة وبالنسبة حق قبل العقد شو الترتيب ;)

[ريتويت]

طبعا هو بعد الملجه كتب الكتاب وتوثيق عقد الزواج بالمحكمه هي زوجته حلاله شرعا حقهم يطلعون ويستانسون ويتمشون عالكورنيش بعد :)بس بشرط الاشهار ومالها داعي الخلوه .. وربي يوفق الجميع ويتمم علي خير ويحفظنا من كل سوء

[غريب الدّار]

طبعا هو بعد الملجه كتب الكتاب وتوثيق عقد الزواج بالمحكمه هي زوجته حلاله شرعا حقهم يطلعون ويستانسون ويتمشون عالكورنيش بعد :)بس بشرط الاشهار

بس اختي الملجة(كتب الكتاب) تعني اشهار

يعني واحد مالج على وحدة في مجلس وربعه وهله موجودين وأهلها موجودين عندها والملاج يوثق العقد

تم الاشهار خلاص

[بوحارب]

طبعا هو بعد الملجه كتب الكتاب وتوثيق عقد الزواج بالمحكمه هي زوجته حلاله شرعا حقهم يطلعون ويستانسون ويتمشون عالكورنيش بعد :)بس بشرط الاشهار ومالها داعي الخلوه .. وربي يوفق الجميع ويتمم علي خير ويحفظنا من كل سوء

اوكي مرته ما قلنا شي

بس الحين الواحد يختلي بوحده وهي ماتحل له
والموضوع عادي عندهم!!

شلون عيل ما ماتبيه يختلي بزوجته وهي حلالك
:con2: ما ييجي كلش

[مختلفة عقليا]

مختلفة وبالنسبة حق قبل العقد شو الترتيب ;)
هلا

انت اشلونك شخبارك !؟

الحرام حرام يا بؤ حارب هاي رايي .،

ويسلموو

[مهرة]

طبعا هو بعد الملجه كتب الكتاب وتوثيق عقد الزواج بالمحكمه هي زوجته حلاله شرعا حقهم يطلعون ويستانسون ويتمشون عالكورنيش بعد :)بس بشرط الاشهار ومالها داعي الخلوه .. وربي يوفق الجميع ويتمم علي خير ويحفظنا من كل سوء


ايه ماعليه حاسبي تاخذين برد هالأيام الجوو صقيع وخاصة عالبحر ..!

[بصمة قطرية]

واللي يطلع مع وحدة يبي يخطبها حلال صح .. !
اي صح
يتعرفون على بعض يمكن تطلع تاكل باليسار
و هي ما يحب ايتيكيت الكفار ..!!

[JN000N]

اقول ان شاء الله عاد اللي يعرف الحرام ويصرخ بالحلال يكون قد كلامه :)
درب العبادة طويل مب يوم ولا سنه
اما سالفة خطيبي ويطلعني البر والبحر والمطاعم ولحين ما ملج هذي قويه هيهيهيهيهي

[ريتويت]

بس اختي الملجة(كتب الكتاب) تعني اشهار

يعني واحد مالج على وحدة في مجلس وربعه وهله موجودين وأهلها موجودين عندها والملاج يوثق العقد

تم الاشهار خلاص

صح كلامك اخوي.. وهذا راي الشخصي.. لكن ملاحظه من البعض ان رايهم يفرضونه بالقوه ذكرني بمقوله تقول حرا ولدت فلا تكن مستعبدا لا العبد كنت ولا سواك السيدا

[ريتويت]

بالاخير كل واحد له راي الشخصي لو انت تشوفه صح وحلال سوه والعكس صحيح لو لقيت شخص يفرض رايه بالقو سوي بالمثل المعروف اذن من طين واذن من عجين والحياه حلوه اهم شي الراحه النفسيه

[بريق الحق]

بالاخير كل واحد له راي الشخصي لو انت تشوفه صح وحلال سوه والعكس صحيح لو لقيت شخص يفرض رايه بالقو سوي بالمثل المعروف اذن من طين واذن من عجين والحياه حلوه اهم شي الراحه النفسيه
عندنا شروط وضعها الاسلام اذا اكتملت اكتمل الزواج اما غيره لا

[بوحارب]

هلا

انت اشلونك شخبارك !؟

الحرام حرام يا بؤ حارب هاي رايي .،

ويسلموو

بخير تمام ;)

هذا الكلام المزبوط

تحياتي

[بصمة قطرية]

غريب الدار ..
دام ملك عليها هي زوجته حلاله ..
محد يقدر يفتي بهالشي و يحرمه ..
لكن كعادات و تقاليد هالشي مرفوض
مجتمعنا اللي من وعينا على الدنيا وراحما نشوف هالشي
و عايشينه ان ما تطلع معاه الا بعد الزواج
مقل ما كانوا يقولون
تبيها خذها بيتك و طلعها 24 ساعه ..
لكن تجيني بأشياء عمرها ما صارت عندنا
في مجتمعنا و تقول عادي
لا اسمح لي مب عادي ..
و قبل الملكة فوية بصراحة يشوفون بعض غير النظرة الشرعية
و كلنا نعرف شروط النظرة الشرعية ..
خلوا عنكم الكلام اللي لا يودي و لا يجيب
زوجته و حلاله خل تطلع معاه ..!!

[غريب الدّار]

ياجماعة حد في الموضوع قال :
ان الوحدة تقدر تطلع مع أي حد خطبها بدون عقد
يعني بدون ملجة

لاني ابي اناقشه

[بريق الحق]

مافي نقاش في امور واضحه فالدين مايحتاج نقاش او الخ

[غريب الدّار]

غريب الدار ..
دام ملك عليها هي زوجته حلاله ..
محد يقدر يفتي بهالشي و يحرمه ..
لكن كعادات و تقاليد هالشي مرفوض
مجتمعنا اللي من وعينا على الدنيا وراحما نشوف هالشي
و عايشينه ان ما تطلع معاه الا بعد الزواج
مقل ما كانوا يقولون
تبيها خذها بيتك و طلعها 24 ساعه ..
لكن تجيني بأشياء عمرها ما صارت عندنا
في مجتمعنا و تقول عادي
لا اسمح لي مب عادي ..
و قبل الملكة فوية بصراحة يشوفون بعض غير النظرة الشرعية
و كلنا نعرف شروط النظرة الشرعية ..
خلوا عنكم الكلام اللي لا يودي و لا يجيب
زوجته و حلاله خل تطلع معاه ..!!


وانا شقلت طال عمرج؟

[غريب الدّار]

مافي نقاش في امور واضحه فالدين مايحتاج نقاش او الخ

شنهي الأمور الواضحة اخوي؟

انا أتكلم عن واحد مالج على وحدة على سنة الله ورسوله
والعادات والتقاليد هي بس اللي تمنعهم يطلعون مع بعض

هذا كلامي


شنهي الأمور الواضحة اللي تقصدها اخوي واللي مافيها نقاش؟

ممكن اتنورني ولا عليك امر وتنور الاعضاء؟

[ودي أكون]

الخطوبه تكون بعد الملجه.. يعني بعد ماتكون حلاله
وهي فترة تعارف وتقارب في الفهم كل منهما للاخر..

يكلمها ف اي وقت .. ويزورها في الاسبوع مره او في الاسبوعين مره افضل.. ومايطيل الجلوس اكثر من الساعه ظ،ظ،.. لان البيت له حرمه .. حتى لو يعتبر هو بمثابة ولدهم.. لكن يضل هالبيت مو بيته وله حرمه وله عادات وتقاليد وسمعه..

اما سالفة ان يطلع معاها.. هالسالفه دخيله علينا وتنم عن الجراءه خاصه ان كان خروجهم بروحهم.!
ولو اتسدعت السالفه عشان تجهيزات العرس.. هي تروح مع امها او ابوها، وزوج المستقبل يروح بروحه..

واللي يقول هي حلاله عادي تطلع.. او عادي يخلي القعدة صباحي.. اقوله.. احنا لنا عاداتنا وتقاليدنا.. والرجل والبنت الكفو هم اللي بيحترمون عادات اهاليهم من غير ما اهاليهم يتكلمون :)

وسلامتكم

[JN000N]

غريب الدار ..
دام ملك عليها هي زوجته حلاله ..
محد يقدر يفتي بهالشي و يحرمه ..
لكن كعادات و تقاليد هالشي مرفوض
مجتمعنا اللي من وعينا على الدنيا وراحما نشوف هالشي
و عايشينه ان ما تطلع معاه الا بعد الزواج
مقل ما كانوا يقولون
تبيها خذها بيتك و طلعها 24 ساعه ..
لكن تجيني بأشياء عمرها ما صارت عندنا
في مجتمعنا و تقول عادي
لا اسمح لي مب عادي ..
و قبل الملكة فوية بصراحة يشوفون بعض غير النظرة الشرعية
و كلنا نعرف شروط النظرة الشرعية ..
خلوا عنكم الكلام اللي لا يودي و لا يجيب
زوجته و حلاله خل تطلع معاه ..!!

دام ملجو لا يطولون فترة الخطبه وخلاص شهرين ثلاثه فترة التجهيزات ويسوون العرس وخلاص
في بعضهم يملجون قبل العرس باسبوع وفي ليلة العرس يسوون الملجه
وفي بعضهم ما يسوون عرس كبير يعني اتفقو على كل شي وخطبها اخر شي يسوون الملجه وهله واهلها موجودين وعشا وياخذها ويسافر
يعني في عدة اشكال تصير للملجة لكن بحدود الدين والشرع
لكن في ناس يملجون ويتمون سنه كامله عقب يسوون العرس هني عاد ملاغه ومصاخه

[بريق الحق]

الصراحه ضعت فالموضوع
وحده اتقول الخطبه بعد الملجه وحده اتقول العكس

[غريب الدّار]

الخطوبه تكون بعد الملجه.. يعني ماتكون حلاله
وهي فترة تعارف وتقارب في الفهم كل منهما للاخر..

يكلمها ف اي وقت .. ويزورها في الاسبوع مره او في الاسبوعين مره افضل.. ومايطيل الجلوس اكثر من الساعه ظ،ظ،.. لان البيت له حرمه .. حتى لو يعتبر هو بمثابة ولدهم.. لكن يضل هالبيت مو بيته وله حرمه وله عادات وتقاليد وسمعه..

اما سالفة ان يطلع معاها.. هالسالفه دخيله علينا وتنم عن الجراءه خاصه ان كان خروجهم بروحهم.!
ولو اتسدعت السالفه عشان تجهيزات العرس.. هي تروح مع امها او ابوها، وزوج المستقبل يروح بروحه..

واللي يقول هي حلاله عادي تطلع.. او عادي يخلي القعدة صباحي.. اقوله.. احنا لنا عاداتنا وتقاليدنا.. والرجل والبنت الكفو هم اللي بيحترمون عادات اهاليهم من غير ما اهاليهم يتكلمون :)

وسلامتكم

أولا اختي انتي بديتي كلامج بتناقض واضح وكبير جدا
لانج تقولين :
الخطوبة تكون بعد الملجة يعني ماتكون حلاله


شلون ماتكون حلاله بعد الملجة؟ ابي افهمها هاذي


هاذي اول نقطة

ثاني نقطة :

الجزء الثاني من كلامج صحيح وهالشي انا ركزت عليه في اكثر من مشاركة

ان الدين والقانون مايمنعون سالفة طلعتهم مع بعض ولا حتى اكثر من جذيه واقولها كاش

لكن العادات والتقاليد تمنع

هذا كلامي بالضبط

الدين والقانون مايمنعون لانها زوجته على سنة الله ورسوله

لكن العادات تمنع

[حسن]

تتكلم بالشرع والقانون يتكلمون بالعيب والعادات

عداكم العيب والله


:victory:

[MirusS]

أستفسار من بريء :(

أنتوا قلتوا بعد الملجه من ناحيه الدين تحل له بس عاداتنا لا مرفوض هالشي
أنزين بعد الملجه يقدر يتواصل بالتلفون ؟ من ناحيه العادات وتقاليد طبعا

ضيعوني ماعرفت شنو الي لنا والي علينا :(

نبي وثيقه نفس ماقال همر :rolleyes2:

أنتظر الاجابه على السؤال

[غريب الدّار]

عاد كون الشخص مع العادات والتقاليد او مب معاها ومعترض عليها فهذا شي ثاني وكل واحد يشووفها من زاويته وهو حر
مب قرآن ولا وحي نازل من السما

[JN000N]

الصراحه ضعت فالموضوع
وحده اتقول الخطبه بعد الملجه وحده اتقول العكس

بريق ماما فترة الخطوبة ف قطر دايما تعتبر الفتره الي بين الملجة والعرس يعني يقولون مملوجين على بعض مخطوبين رسمي
اما الخطبه الي قبل الملجه هذي خطبة الكلام يعني وقت يجون ويخطبونها

[ودي أكون]

أولا اختي انتي بديتي كلامج بتناقض واضح وكبير جدا
لانج تقولين :
الخطوبة تكون بعد الملجة يعني ماتكون حلاله


شلون ماتكون حلاله بعد الملجة؟ ابي افهمها هاذي


هاذي اول نقطة

ثاني نقطة :

الجزء الثاني من كلامج صحيح وهالشي انا ركزت عليه في اكثر من مشاركة

ان الدين والقانون مايمنعون سالفة طلعتهم مع بعض ولا حتى اكثر من جذيه واقولها كاش

لكن العادات والتقاليد تمنع

هذا كلامي بالضبط

الدين والقانون مايمنعون لانها زوجته على سنة الله ورسوله

لكن العادات تمنع

مافي تناقض نسيت كلمة ( بعد) بعد ماتكون حلاله

وراح اعدلها.. ف مشاركتي :)


اما بالنسبه لكلامك الدين مايمنع والعادات تمنع..

الدين ما منع.. على اساس ان الزوج كان يتم ف اقل من شهر..! او شهور تنعد عاليد الوحده ان طالت لاسباب.!
لكن البعض استغل سالفة الخطوبه والملجه ومايخفى عليك المشاكل اللي صارت بسبب الانفراديه بينهم..!
ف حفاظاً على الاثنين من الندم فيما بعد.. العادات والتقاليد اجربتهم على عدم تخطي الحدود

والله اعلم

[غريب الدّار]

أستفسار من بريء :(

أنتوا قلتوا بعد الملجه من ناحيه الدين تحل له بس عاداتنا لا مرفوض هالشي
أنزين بعد الملجه يقدر يتواصل بالتلفون ؟ من ناحيه العادات وتقاليد طبعا

ضيعوني ماعرفت شنو الي لنا والي علينا :(

نبي وثيقه نفس ماقال همر :rolleyes2:

أنتظر الاجابه على السؤال

اخوي


مرته على سنة الله ورسوله

الشرع والقانون ما يمنعون الخلوة

لكن العادات والتقاليد ماتسمح

عرفت اخوي؟


فالكلام في التلفون من باب أولى شي عادي جدا جدا جدا

والعادات ماتمنع هالشي

[حسن]

أستفسار من بريء :(

أنتوا قلتوا بعد الملجه من ناحيه الدين تحل له بس عاداتنا لا مرفوض هالشي
أنزين بعد الملجه يقدر يتواصل بالتلفون ؟ من ناحيه العادات وتقاليد طبعا

ضيعوني ماعرفت شنو الي لنا والي علينا :(

نبي وثيقه نفس ماقال همر :rolleyes2:

أنتظر الاجابه على السؤال

تابعني وفالك طيب

:victory:

بالنسبه لي ومن اصحاب الخبرات خلاص مانبي الى الدخول في الموضوع على طول


مثل الكباريه

مانبي ننتظر

الباقي كله كلام فاضي والله

ويسلمو


:nice:

[بريق الحق]

بريق ماما فترة الخطوبة ف قطر دايما تعتبر الفتره الي بين الملجة والعرس يعني يقولون مملوجين على بعض مخطوبين رسمي
اما الخطبه الي قبل الملجه هذي خطبة الكلام يعني وقت يجون ويخطبونها

صحيح هذا الي اعرفه
اتمنى تشيلين ماما
بوركتي

[غريب الدّار]

مافي تناقض نسيت كلمة ( بعد) بعد ماتكون حلاله

وراح اعدلها.. ف مشاركتي :)

قواج الله

[بصمة قطرية]

اختي



مرته على سنة الله ورسوله

الشرع والقانون مايمنعون

لكن العادات والتقاليد ماتسمح

عرفتي اختي؟


فالكلام في التلفون من باب أولى شي عادي جدا جدا جدا

والعادات ماتمنع هالشي

احنا شنقول من الصبح ..!!!
في الشرع حلال
بس العادات و التقاليد اللي تربينا عليها تمنع هالشي ..
و للحين في ناس يملجون من غير لا يشوفون بعض ..!!
فايبر اخوي ..
معاها 24 ساعه في التلفون عادي جداً
خلهم يتعرفون على بعض :)

[JN000N]

مشكله الي محسوبين علينا من هل قطر
حتى وان كانو من ابناءها الاصليين :) الا ويطلع شي مضروب فيهم
الكلام مقصود للي على راسه بطحه

[JN000N]

صحيح هذا الي اعرفه
اتمنى تشيلين ماما
بوركتي

يعني حسيت نفسي ام تفهم ولدها زين بابا؟ :shy:

[غريب الدّار]

احنا شنقول من الصبح ..!!!
في الشرع حلال
بس العادات و التقاليد اللي تربينا عليها تمنع هالشي ..
و للحين في ناس يملجون من غير لا يشوفون بعض ..!!
فايبر اخوي ..
معاها 24 ساعه في التلفون عادي جداً
خلهم يتعرفون على بعض :)
خليهم يتعرفون على بعض
:)