الزواج من الثانيه بدون علم الزوجه الأولى موضوع للنقاش

[المهاجر]

السلام عليكم ورحمة الله وبركاته

الشرع حلل للرجل التعدد والزواج من اربع نساء ولكن هناك عوائق كثيره امام الرجل للزواج من الثانيه

ومنها الزوجة الأولى ورفضها لهذا الزواج خصوصاً في بدايته

لذلك قد يلجأ الكثير من الرجال الى كتمان امر زواجهم عن زوجاتهم تجنباً للمشاكل في بداية زواجهم من الثانيه

فهل ترون هذا الكتمان من صالح الطرفين ام لا

واللي اقصده بالكتمان هو كتمان مؤقت يعني فتره من الزمن لحين ترتيب الأوضاع

مع العلم بان الزوج مفهم زوجته الأولى انه بيتزوج لكن ما حدد وقت الزواج

بس تكلم معاها انه له رغبه بالزواج من ثانيه وانه هالامر حاطه في باله

وبعد فهم اللي بيتزوجها ان زواجهم بيكون سري في بداية الامر لحين ابلاغ زوجته الاولى بأمر زواجهم

وان في الفتره الأولى من زواجهم ما راح يبات عندها في اليوم اللي من حقها

وان مبيته عندها بيكون حسب الظروف لحين ابلاغ زوجته الأولى بأمر زواجهم

اما اهله فلديهم علم بأمر زواجه من بدايته

رايكم هل تصرفه صحيح وشنهي مزايا هذا الزواج وعيوبه

الموضوع جدي وللنقاش الجدي لذا يرجى عدم الخروج عن صلب الموضوع

لأنه مهم جداً النقاش فيه وابداء الآراء بجديه وبصوره موضوعيه

اتمنى ما نطلع عن الموضوع

وما طرحت الموضوع الا لأنه مهم جدا جدا جدا

تحياتي للجميع

[دايموند]

دام مخبرها ان راح يتزوج قريبا. وعادي عندها فماعتقد يهمها اذا اعلن الزواج بالثانيه

[بو خليفه 123]

من وجهة نظري يابو عبدالله ان اي شي يبتدي غلط تكون نهايته غلط

[بريق الحق]

من الناحيه الشرعيه مب لازم يقول حق مرته انه بتزوج*
وعلى كلامك انا اشوفه هذي الطريقه سليمه ان مهد وقال قبل لا يتزوج بس الله يعينك

[Dmy Enabi]

أولا وقبل كل شيء الشرع لم يحلل للرجل الزواج من أربع إلا في حالات خاصة ووفق ظروف معينة ،
ثانيا الكذب كذب وإن جملناه لدوافع أنانية نستغلها حسب أمزجتنا ورغباتنا وأهوائنا لأننا فقط لدينا أعذار
أحترم الزوج إلي يصارح زوجته ويقولها نيته إن قبلت أهلا وسهلا وإن ماقبلت لها الخيار في البقاء أو الخلع وله الحق في الزواج من عدمه
لكن أخش عنها عشان ماتزعل هذي تضحك سؤال يعني يوم فكرت تتزوج عليها مافكرت في زعلها ؟ ولا هو خوف إنها تفركش العرس
لذا فهو كذب نجمله وفق رغباتنا ،يعني بس تخيل شكلها جدام الناس
صراحة في ناس ماعرف شلون تفكر
ياخي خلك ريال وروح قولها مادام إنك ريال والشرع حلل لك أربع

[شبح الصمت]

ياخوي يمهد لها يمهد يخلي كلمة الزواج على لسانه دايم الدووم


ويقعد يدعي يقول لعياله قووولوا يارب الله يزوج ابوكم

واذا ما قالوا يقول لهم ردو ما تبون ابوكم يتزوج في الحور العين


يمهد يالحبيب خلك دبلووومسي


نفس واحد مهد لمرته وعياله وعقب توكل عالله

وقال لو ادري انه الزواج من الثانية حلووو كنت نووويت من زمان



الله يزووجكم يالربع


:secret:

:telephone:

escape

اهم شيء العدل بينهم

[المهاجر]

دام مخبرها ان راح يتزوج قريبا. وعادي عندها فماعتقد يهمها اذا اعلن الزواج بالثانيه

هو ما قال لها باتزوج هو لمح لها انه يبي يتزوج من الثانيه وهي مش راضيه ولو كانت راضيه كان خبرها

[المهاجر]

من وجهة نظري يابو عبدالله ان اي شي يبتدي غلط تكون نهايته غلط

شنهو الغلط بوخليفه

هو يبي يتزوج بشرع الله ومخبر هله وملمح لزوجته الأولى بس يبي الفتره الأولى ما تدري لين يرتب اموره ويبلغها

بس هو مفهمها انه يبي يتزوج والمشكله انها مش موافقه لما لمح لها بهالشي

[المهاجر]

من الناحيه الشرعيه مب لازم يقول حق مرته انه بتزوج*
وعلى كلامك انا اشوفه هذي الطريقه سليمه ان مهد وقال قبل لا يتزوج بس الله يعينك

هو يشوف ان تصرفه عدل بس يبي يعرف شلون يتصرف اذا درت قبل لا يقول لها بالوقت المناسب

وهل تصرفه مع اللي بيتزوجها عدل ولا ممكن تصير له مشاكل بعد ما يتزوجها

[دااانة قطر]

الله يهني سعيد بسعاده
أهم شي العدل والعيال لا ينساهم

[غريب الدّار]

هل الكتمان مباح شرعا؟
او قانونا؟


اعتقد هذا السؤال

من عنده فكرة؟

[المهاجر]

أولا وقبل كل شيء الشرع لم يحلل للرجل الزواج من أربع إلا في حالات خاصة ووفق ظروف معينة ،
ثانيا الكذب كذب وإن جملناه لدوافع أنانية نستغلها حسب أمزجتنا ورغباتنا وأهوائنا لأننا فقط لدينا أعذار
أحترم الزوج إلي يصارح زوجته ويقولها نيته إن قبلت أهلا وسهلا وإن ماقبلت لها الخيار في البقاء أو الخلع وله الحق في الزواج من عدمه
لكن أخش عنها عشان ماتزعل هذي تضحك سؤال يعني يوم فكرت تتزوج عليها مافكرت في زعلها ؟ ولا هو خوف إنها تفركش العرس
لذا فهو كذب نجمله وفق رغباتنا ،يعني بس تخيل شكلها جدام الناس
صراحة في ناس ماعرف شلون تفكر
ياخي خلك ريال وروح قولها مادام إنك ريال والشرع حلل لك أربع

وين الكذب ؟

هو قال لها برغبته بالزواج وان بيجي يوم يتزوج اذا شاف نفسه مقتدر

وقال لها اذا ما تبين تستمرين معاي فالخيار لج وانه شاريها وما يطالب الا بحقه الشرعي

ووين الأنانيه في الموضوع ريال ويبي يتزوج وقال لها وبلغ هله انه بيتزوج

بس بيخش عنها في بداية زواجه خوفا من انه يخسرها لحين يشوف الوقت المناسب ويبلغها

وشنهو شكلها جدام الناس ؟!

ارتكب جريمه ولا سوى الحرام!

[غريب الدّار]

الله يهني سعيد بسعاده
أهم شي العدل والعيال لا ينساهم

معليش اختي دانة اسمحي لي والله بس استوقفني ردج :
يعني لو كنتي متزوجة وريلج تزوج من وراج
هل بتقولين له هالكلام؟


السموحة اختي والله مااقصد شي بس ردج خلاني أوقف
بس للحين قاعد ع الكرسي
:)


والسموحة مرة ثانية ولج حرية الإجابة

[QATAR 77]

الشرع حلل التعدد بشرط واحد فقط و هو العدل

كتمانه لزواجه الكل يدري ما عدا زوجته احسها قوية و يمكن الصدمة تصيدها بالشلل

[Dmy Enabi]

وين الكذب ؟

هو قال لها برغبته بالزواج وان بيجي يوم يتزوج اذا شاف نفسه مقتدر

وقال لها اذا ما تبين تستمرين معاي فالخيار لج وانه شاريها وما يطالب الا بحقه الشرعي

ووين الأنانيه في الموضوع ريال ويبي يتزوج وقال لها وبلغ هله انه بيتزوج

بس بيخش عنها في بداية زواجه خوفا من انه يخسرها لحين يشوف الوقت المناسب ويبلغها

وشنهو شكلها جدام الناس ؟!

ارتكب جريمه ولا سوى الحرام!
إذا قالها عيل ليش طرحت الموضوع ؟

[المهاجر]

ياخوي يمهد لها يمهد يخلي كلمة الزواج على لسانه دايم الدووم


ويقعد يدعي يقول لعياله قووولوا يارب الله يزوج ابوكم

واذا ما قالوا يقول لهم ردو ما تبون ابوكم يتزوج في الحور العين


يمهد يالحبيب خلك دبلووومسي


نفس واحد مهد لمرته وعياله وعقب توكل عالله

وقال لو ادري انه الزواج من الثانية حلووو كنت نووويت من زمان



الله يزووجكم يالربع


:secret:

:telephone:

escape

اهم شيء العدل بينهم

بالضبط هذا اللي سواه يالغالي

بس هو ما يبي يبلغها وقت زواجه يبي يبلغها بعد ما يتزوج

وهو يشوف في نفسه انه راح يعدل

ياخوي اذا الزواج من ثانيه حلو بننوي عيل :)

الحين بيقول تبي تسوي مثلي ههههه

ياحظه عيل ياشبح كلامك شجعه وبيعطيه دافع قوي

زين رايك بخصوص الزوجه الثانيه وانه ماراح يبات عندها في ليلتها هل تشوف هالشي عدل حتى لو هي موافقه ؟

[بريق الحق]

هل الكتمان مباح شرعا؟
او قانونا؟


اعتقد هذا السؤال

من عنده فكرة؟

كتمان ايش ؟
شلون كتمان وفيه شهود وعشا وكل شي ؟

[المهاجر]

الله يهني سعيد بسعاده
أهم شي العدل والعيال لا ينساهم

الله يهني كل واحد يبي الحلال ويسعده

وصدقتي اختي دانه اهم شي العدل والعيال ما يقصر فيهم ولا يهملهم

[QATAR 77]

مشكلة الحريم الكلام و طنازة الحريم عليهم

[المهاجر]

هل الكتمان مباح شرعا؟
او قانونا؟


اعتقد هذا السؤال

من عنده فكرة؟

ان شاء الله يفيدونا اللي عندهم فكره عن هالشي

يعطيك العافيه

[المهاجر]

الشرع حلل التعدد بشرط واحد فقط و هو العدل

كتمانه لزواجه الكل يدري ما عدا زوجته احسها قوية و يمكن الصدمة تصيدها بالشلل

وشنهو الافضل ان يكتم عنها ويحافظ على بيته وعياله واستقرارهم

ويبلغها في وقت مناسب ويخليها تتقبل الموضوع بهدوء او انه يقول لها ويخترب بيته

ودي اشوف راي اللي لهم تجارب او يعرفون حد مر بهالتجربه

الريال محتار ويبي يحدد موقفه قبل لا يخطي اي خطوه

[شبح الصمت]

بالضبط هذا اللي سواه يالغالي

بس هو ما يبي يبلغها وقت زواجه يبي يبلغها بعد ما يتزوج

وهو يشوف في نفسه انه راح يعدل

ياخوي اذا الزواج من ثانيه حلو بننوي عيل :)

الحين بيقول تبي تسوي مثلي ههههه

ياحظه عيل ياشبح كلامك شجعه وبيعطيه دافع قوي

زين رايك بخصوص الزوجه الثانيه وانه ماراح يبات عندها في ليلتها هل تشوف هالشي عدل حتى لو هي موافقه ؟




اشلون ما يبات عندها حلاله خلاص

يبه اسمع من البداية دامه نوى على الشيء خلاص لا يقعد يتضعض


الاولى على العين والراس والثانية نفس الشيء


اذا ما يقدر قوله لا يلعوز البنت معاه يعطيها حقها وذيج لها حق طبعاً لانها الاولى وام عياله


والرجال الي اعرفه مرتاح ليلة عرس اتصل وقال حق مرته تراني اليوم عرسي

واتصل في عياله وقال لهم انا ترى اليوم عرسي والله الله في امكم يمكن تمر في حالة نفسية اشوي

خلكم معاها والله يصبرها


اذا شخصيته مهب قويه قوله نصيحة لا يقدم على الزواج نصيحة


لانه بيلعبووووون فيه لعبة اذا قلبه طيب

وحده بترفع له والثانية بتكبس


قوله خلككك اسسسسسسسسسسسسسسسسسسسد

[المهاجر]

إذا قالها عيل ليش طرحت الموضوع ؟

اختي اقولج لمح لها قال انه له رغبه بالزواج بس ما قال لها الحين باتزوج

وهي رافضه هالشي

فعشان كذا يفكر انه يتزوج بدون ما تعرف انه تزوج لين يبلغها في الوقت المناسب

[المهاجر]

كتمان ايش ؟
شلون كتمان وفيه شهود وعشا وكل شي ؟

يقصد الكتمان عن الزوجه الاولى

[غريب الدّار]

كتمان ايش ؟
شلون كتمان وفيه شهود وعشا وكل شي ؟
والعشا كان برياني ولا مجبوس؟
الله يهداك بس




يقصد الكتمان عن الزوجه الاولى

بيض الله ويهك يالمهاجر
ايه بالله هذا اللي قصدته

الكتمان اللي اقصده عن الزوجة الأولى ياجماعة
مب كتمان الزواج نفسه

[المهاجر]

مشكلة الحريم الكلام و طنازة الحريم عليهم

هالشي مش مهم ياخوي الريال يبي يشوف الايجابيات والسلبيات

وشلون يتصرف لو درت الأولى قبل ما يقول لها

[Dmy Enabi]

اختي اقولج لمح لها قال انه له رغبه بالزواج بس ما قال لها الحين باتزوج

وهي رافضه هالشي

فعشان كذا يفكر انه يتزوج بدون ما تعرف انه تزوج لين يبلغها في الوقت المناسب
أخوي إذا الزوجة قالت حق زوجها آنا مب قادره أعيش معاك وبيجي يوم ننفصل بس ماعرف متى بس ماعرف متى اليوم بكرة عقب شهر وعقب رفعت قضية خلع وماقالت له في وقتها ؟ هل للزوج الحق في الزعل ؟ هي قالت قالت له بس ماقالت له متى ؟
هل بيزعل الزوج ولابيقول هي قالت لي من قبل هي ماكذبت صح ؟

[المهاجر]

اشلون ما يبات عندها حلاله خلاص

يبه اسمع من البداية دامه نوى على الشيء خلاص لا يقعد يتضعض


الاولى على العين والراس والثانية نفس الشيء


اذا ما يقدر قوله لا يلعوز البنت معاه يعطيها حقها وذيج لها حق طبعاً لانها الاولى وام عياله


والرجال الي اعرفه مرتاح ليلة عرس اتصل وقال حق مرته تراني اليوم عرسي

واتصل في عياله وقال لهم انا ترى اليوم عرسي والله الله في امكم يمكن تمر في حالة نفسية اشوي

خلكم معاها والله يصبرها


اذا شخصيته مهب قويه قوله نصيحة لا يقدم على الزواج نصيحة


لانه بيلعبووووون فيه لعبة اذا قلبه طيب

وحده بترفع له والثانية بتكبس


قوله خلككك اسسسسسسسسسسسسسسسسسسسد





:omg::eek5:

بل شدعوه وحده ترفع والثانيه تكبس راح فيها عيل

ما اعتقد توصل معاه لهالدرجه لأنه يعرف شلون يمسك زمام الأمور لاتخاف عليه

بخصوص المبيت هو قال للي بيتزوجها انه في بداية الأمر ما راح يقدر يبات عندها الا بعد ما يرتب اموره ويقول لعياله وامهم

وهي موافقه على هالشي معه اني مع رايك المفروض يعطيها حقها كامل


تعتقد افضل انه يقول لهم ليلة عرسه وهو مسافر ؟

واذا صارت سالفه وهي صار فيها شي يخليها ولا يرجع لها؟

هالشي هو اللي عامل حسابه

[المهاجر]

أخوي إذا الزوجة قالت حق زوجها آنا مب قادره أعيش معاك وبيجي يوم ننفصل بس ماعرف متى بس ماعرف متى اليوم بكرة عقب شهر وعقب رفعت قضية خلع وماقالت له في وقتها ؟ هل للزوج الحق في الزعل ؟ هي قالت قالت له بس ماقالت له متى ؟
هل بيزعل الزوج ولابيقول هي قالت لي من قبل هي ماكذبت صح ؟

هذا هو اختي

يعني تصرفه سليم وما يعتبر انه كذب عليها حسب رايج السابق

[شبح الصمت]

:omg::eek5:

بل شدعوه وحده ترفع والثانيه تكبس راح فيها عيل

ما اعتقد توصل معاه لهالدرجه لأنه يعرف شلون يمسك زمام الأمور لاتخاف عليه

بخصوص المبيت هو قال للي بيتزوجها انه في بداية الأمر ما راح يقدر يبات عندها الا بعد ما يرتب اموره ويقول لعياله وامهم

وهي موافقه على هالشي معه اني مع رايك المفروض يعطيها حقها كامل


تعتقد افضل انه يقول لهم ليلة عرسه وهو مسافر ؟

واذا صارت سالفه وهي صار فيها شي يخليها ولا يرجع لها؟

هالشي هو اللي عامل حسابه



فرضا قال لها وازمرت وردت بيت اهلها شكله بيرد وبيكنسل ام السالفة


اسمعني تبي نصيحة خله يصارحهها من البداية لاجل يعرف راسه من رجوووله



مب عقب يسافر ويده على قلبه شلي بيصير وشالسالفه


يقول لها انا اقول رضت ما رضت هذا شرع الله ومحلل للرجال

[شموخ دائم]

,

,


مرحبا


اخوي الكريم

بالفعل هذا موضوع مهم جدا والطريقه مهمه ايضا جدا جدا

والزواج من الثانيه راح يعمل مشكله بالبيت الاولى هذا لابد ان بيحصل

لو انا بتخذ قرار يهمني لوحدي ما بخبر الزوجه هذي امور شخصيه

لكن موضوع الزواج من الثانيه ( يهم الاولى ) وهي شريكه فيه من كل النواحي

لذلك من الخطاء اخبي عنها وانا رايي ان من المهم ( ابلغها ) وواجه نتيجه قراري بكل صدق وصراحه وواجه المشكله الي راح تصير من البدايه وتكون كل اموري واضحه امام الله سبحانه وتعالى وامام الناس
ما سويت شي غلط حتى ( اخش ) موضوع بهذا الحجم

انا رجل بتزوج واعلنها بصراحه واتحمل نتائج القرار

بتزعل وبتروح بيت اهلها ويمكن تطلب الطلاق كل هذا بيكون اكيد ويمكن يحصل الطلاق

اذا تأجل الموضوع بيكون مشكلتين

زواج
واولاد واخوان واخوات لاولادك من الاولى


الزعل راح يصير هذا شي مؤكد الان او بعدين وما راح تخف حدته ابدا ولا راح ترجع العلاقه مثل قبل حتى لو بعد 20 سنه

لو انا الي بتخذ القرار اول شخص بيعرف هو ( زوجتي ) لازم المواجهه هذي تكون من بدري

الخلاصه
ابلغها واتحمل الامور وما بعيش كل السنوات ونا اروح بالخش وارجع بالخش وكاني سارق حاجه او مسوي شي غلط
واحمل هم بصدري وخايف ينكشف

لا والله ما برضاها على نفسي

بتزوج على سنه الله ورسوله وامام الناس

واعدل بينهم على قدر المستطاع

,

,

[Dmy Enabi]

هذا هو اختي

يعني تصرفه سليم وما يعتبر انه كذب عليها حسب رايج السابق
عفوا المثال إلي آنا ذكرته نسميه بلغتنا (استهبال ) ولو مافيه كذب فيه احتيال أبي أعرف هي زوجة لها مشاعر أحاسيس ولا قوطي

[Dmy Enabi]

,

,


مرحبا


اخوي الكريم

بالفعل هذا موضوع مهم جدا والطريقه مهمه ايضا جدا جدا

والزواج من الثانيه راح يعمل مشكله بالبيت الاولى هذا لابد ان بيحصل

لو انا بتخذ قرار يهمني لوحدي ما بخبر الزوجه هذي امور شخصيه

لكن موضوع الزواج من الثانيه ( يهم الاولى ) وهي شريكه فيه من كل النواحي

لذلك من الخطاء اخبي عنها وانا رايي ان من المهم ( ابلغها ) وواجه نتيجه قراري بكل صدق وصراحه وواجه المشكله الي راح تصير من البدايه وتكون كل اموري واضحه امام الله سبحانه وتعالى وامام الناس
ما سويت شي غلط حتى ( اخش ) موضوع بهذا الحجم

انا رجل بتزوج واعلنها بصراحه واتحمل نتائج القرار

بتزعل وبتروح بيت اهلها ويمكن تطلب الطلاق كل هذا بيكون اكيد ويمكن يحصل الطلاق

اذا تأجل الموضوع بيكون مشكلتين

زواج
واولاد واخوان واخوات لاولادك من الاولى


الزعل راح يصير هذا شي مؤكد الان او بعدين وما راح تخف حدته ابدا ولا راح ترجع العلاقه مثل قبل حتى لو بعد 20 سنه

لو انا الي بتخذ القرار اول شخص بيعرف هو ( زوجتي ) لازم المواجهه هذي تكون من بدري

الخلاصه
ابلغها واتحمل الامور وما بعيش كل السنوات ونا اروح بالخش وارجع بالخش وكاني سارق حاجه او مسوي شي غلط
واحمل هم بصدري وخايف ينكشف

لا والله ما برضاها على نفسي

بتزوج على سنه الله ورسوله وامام الناس

واعدل بينهم على قدر المستطاع

,

,

ونعم فيك وفي أمثالك
هذا الصح

[عاشق العديد]

ما اشجع ..

الغموض هذا ماله داعي ..

اذا انت واحد مقتدر وماشي ع شرع الله ..

قولها ويش المشكله .. سواء درت منك او من غيرك .. هي بتعرف بتعرف ..

[QATAR 77]

متى العرس

[يمامـة]

اشلون ممكن يخش عن زوجته ويختفي من بيته يوم لليديدة ويوم للقديمة؟

الشرع حلل التعدد ولكنه اقر بحق كل زوجة،، فهل بيتفق مع الثانية تعطي لياليها للأولى؟
ويعوضها بالليالي هذي عن طريق ادعاء الكذب والسفر خارج البلاد؟

واذا خش عنها الخبر اشكثر ممكن يتم خاش الخبر عنها؟

للعلم اعتقد ان لو قال لها قبل الزواج ممكن تعاند وتتمسك برايها وعنادها
اكثر من لو تزوج وحطها جدام الامر الواقع..

لكن بعد ما نقدر نطبق هالشي على كل الشخصيات..
فالرجل صاحبك هذا يا اخونا المهاجر.. هو ادرى واعرف بشخصية زوجته
وبناء عليه هو اللي لازم يقرر يخبرها قبل ولا عقب ..

لكن عيب يخليها المسكينة غافلة عن تطبيقه لشرع الله والناس حولها تدري
وهي مثل الأطرش في الزفة..

[للصبر اخر]

اسمح لي
هذي يسمونها انانيه
انت المهم سعادتك وراحتك
لو الزوجه الاولى تهمك بتحاول تقنعها وتسوي هالشي برضاها
بس دامك من وراها سويت هالشي فانت ماهمك الا نفسك وبس
وتدور على حل عشان ماينهار البيت وتتم العلاقه
فانا اقولك المراءه اذا كسر فيها شي ابد مايتصلح
وكل شي الا الاستهانة بمشاعر المراه
لن مايفيد اي حل

[مختلفة عقليا]

السلام عليكم

علي هالكلام هم متفقين !! بس هي ماتعرف وقت الزواج يعني عادي نسبيا

بس اذا ما قال بيتم يجذب عليها .، وهالشي مو حلو بحقه

ويسلموو

[احلى دنياااا]

يجهز لها الاسباب ويقعد معاها قعدة ويقولها
ويتحمل مسؤولية هالخطوة اللي يتخذها ليش المراوغة والمكر والخداع هذا زواج وشراكه في الحياة مو لعبه
المشكله ان اغلب الرجال للاسف جدام حريمهم جبناء مايقدرون يواجهونهم بقرارهم اللي اتخذوه
الوضوح من البداية احسن له وللمرة الاولى والثانية اذا هو فعلا يشوف ان عنده اسباب مقنعة وبصراحة مو من صالحه بعد ان المرة ماتدري واهله يدرون بتطلع كل السالفة عليه مو لصالحه

[كازانوفا]

موضوعك جدا صعب كامراة متزوجه وحطيت نفسي مكان هالزوجه
وربي بيصرعهااا

[بريق الحق]

والعشا كان برياني ولا مجبوس؟
الله يهداك بس



بيض الله ويهك يالمهاجر
ايه بالله هذا اللي قصدته

الكتمان اللي اقصده عن الزوجة الأولى ياجماعة
مب كتمان الزواج نفسه

وضح سوالك عشان نعرف نرد عليك اما تعطينا طلاسم تحمل الجواب الي يجيك

[راشد محمد]

اسمح لي
هذي يسمونها انانيه
انت المهم سعادتك وراحتك
لو الزوجه الاولى تهمك بتحاول تقنعها وتسوي هالشي برضاها
بس دامك من وراها سويت هالشي فانت ماهمك الا نفسك وبس
وتدور على حل عشان ماينهار البيت وتتم العلاقه
فانا اقولك المراءه اذا كسر فيها شي ابد مايتصلح
وكل شي الا الاستهانة بمشاعر المراه
لن مايفيد اي حل
اتفق معاج ... لا فض فوهك