طوارئ النساء .... فوضى بثوب الديمقراطية والانفتاح [الأرشيف]

مشاهدة النسخة كاملة : طوارئ النساء .... فوضى بثوب الديمقراطية والانفتاح

القبطان اكس

26-01-2015, 10:00 PM

اليوم واحد من الربع راحت زوجته طوارئ النساء والولادة في مستشفى الوكرة الجديدة واتعبت هناك بشكل مفاجئ

حاول ايدش يطمن عليها منعوه

حاول ايدش عشان ايكلم اي موظفة اتطمنه اطردوه وهددوه بالشرطة

حاول ايكلمهم بس دخيل الله حد ايشوف مرته وايبلغه شفهيا رفضوا

راح جاب امه ودشت وطمنته عليها

وين قاعدين وايش هالتخلف

هل سمو الامير الله يحفظه يدري او وزير الصحة توصله هالامور

في افغانستان والكونغو ما يسووونها

المهم الرجال بلغني انقل الموضوع لانه مش عضو وبيضطر ايروح الديوان للشكوى

واللللله قههههههر

نوفا91

26-01-2015, 10:53 PM

اللي اعرفه بطواري النساء والولاده يمنعون الرجال ، واكثر من مره اشوف باكستاني والا شامي يبي يدش مع مرته مايخلونه ،

اللي يقهر ان الارسال ززززززفت اذكر طلعت من الطواري لين برا عشان اتصل ! ومايخلون اي حد يدش اذكر ام ريلي ماخلوها تدش معاي صوب الطواري داخل وماعندهم كرسي الواحد يقعد ومافي ارسال !
خدمه 5 ستار
:)

معاند احساسه

26-01-2015, 11:37 PM

شي يقهر

Aaziz

27-01-2015, 12:23 AM

لان المبنى مش مصمم بحيث انه يدخله رجل و يحفظ خصوصيه النساء الاخريات .

على ذكر خصوصيات النساء ،،، اذا كنت في المستشفى و مر عليك سرير فيه شخص مغطى بالكامل ،، لاتخاف او تحزن هذا مش جثه مودينها المشرحه ،،، تحت هذا الغطاء امرأه ساترها ربي لاتلبس الا روب العملية كاشفه الرأس و الوجه ( يدزها بوي رجل ؟؟ ) فلا يجدون لها حل سوى ان يغطوها كالجنازه .

بصمة قطرية

27-01-2015, 12:28 AM

قلبت المواجع يا عزيز
و ذكرتنا بما مضى ..
الله يستر علينا و على الجميع يارب ..

بالنسبة للموضوع ..
المفروض على الأقل يطمنون الرجال على زوجته
ما يخلونه في ولوال يحاتي و يضرب طوف ..
أوكي مستشفى نساء و ممنوع دخول الرجال
بس من حق الرجال يتطنن على زوجته
و يعرف اش صار معاها ..

تصرفهم موفوض و غير حضاري أبداً
حلوة يهددونه بيجيبون الشرطة ..!!!

نوفا91

27-01-2015, 01:07 AM

القبطان اكس

27-01-2015, 06:18 AM

مفهوم ان المكان للنساء ..... يعني اللي ايربون برع , ايش ايسوون , كله رياييل

لازم وزارة الصحة اتعدل من هالمفاهيم عند موظفيهم

مرة وحدة توفت لان منعوا شخص ( موظف ذكر من الممرضين المصريين) ينعشها وتأخروا اشوي عليها .

والله في بلاوي محد يدري عنها ولا حد يكشف عتها مع ان الشفافية لازم اتطول وزارة الصحة .

همر

27-01-2015, 06:19 AM

ضوى

27-01-2015, 06:28 AM

همر تراك غلطان ، هذاك مال اول ستاير الحين غرف خاصه لكل مريضة تولد لا تسمع صراخ احد ولا احد يسمعك لصرخت

القبطان اكس

27-01-2015, 06:28 AM

ياخي هو يرضى اذا زوجته مرقده داخل

وممرضات رايحين جاين بين الأسرّه فاتحين ستاره

هني داشين على ذي وطالعين من عند ذي

ويجيك واحد يتمشى بين الأسرّه يدور زوجته !!!

ياخي مب شي .. ياخي ماينحرج ؟!!

ياخي راع احساس المريضات اللي داخل ..

نعم في اولويات .. بس في اشياء اولى ..

اشكر مرورك اخونا همر .

طال عمرك هذي مستشفى على مستوى الدولة مب معسكر لاجئين .

في استقبال وتيجي الممرضة وبالرقم ايشيكون وين مكانها وبعدين اينادونه وتمشي معاه الممرضة .... صدقني العملية ما تاخذ دقيقة ( ستين ثانية ) فعلية

على فكره مافي ستائر ( هذاك اول ) احين غرف في ممرات منفصلة .

تسلم

الدوحه 2006

27-01-2015, 06:41 AM

القبطان اكس

27-01-2015, 06:49 AM

الله يعطيك العافيه ,, انا لي تجربه من فتره بسيطه جدا ..

السؤال الله يسلمك اذا كان مكان خاص بالنساء فقط وهذا ما نختلف عليه لكن الي اشوفه شي ثاني .. السكيورتي رجال , البوي الي يودي الاسره رجال , عمال التنظيفات رجال ,, وطبعا بنستثني الدكاتره لانه شغلهم مع انه المفروض يكون حريم فقط ...

بس بخصوص اذا الواحد بيسال عن اي احد داخل ترى عادي ( اتكلم عن مستشفى الولاده حمد ) تقدر تسال النيرس الي برى وهي تروح تشيك لك وتعطيك الخبر بس المشكله انه ممنوع تدخل ( الامور طيبه الي يبي يدخل بيدخل مافيه رقابه )

وانت صادق الشيخ فعيل ليش يمنعون الازواج

ثاني صارت لي مرة من زمان

اوروبي ( فرنسي ) دش الاستقبال ومعاه اعياله ( عرفت ان زوجته داخل )

منعوه من الدخول لمنطقة ما بعد الاستقبال ... قام كلم السفارة ومادري ايش صار ( شبيك لبيك ) والممرضة جت وسلمت عليه وودوه داخل .

c'est tres bien

شيخ الديرة

27-01-2015, 06:52 AM

أجزم اذا تغيرت الأجراءات وسمحوا للرجال بالدخول الى الأستعلامات سينزل مليون موضوع يطالب بالعكس

القبطان اكس

27-01-2015, 06:55 AM

أجزم اذا تغيرت الأجراءات وسمحوا للرجال بالدخول الى الأستعلامات سينزل مليون موضوع يطالب بالعكس

هذا طال من متغييرات البيئة ومتغيرات الانسان اللي اختنا " مختلفة عقليا " قاعده اتناقشه

لازم في ضوابط ومعايير وثقافة لإدارة هالامور لانه من قمة الخصوصية

ليش ما انحط خطة تمشي ثلاثين سنة وليس 8 شهور

اشكر مرورك شيخنا

غريب الدّار

27-01-2015, 07:23 AM

همر تراك غلطان ، هذاك مال اول ستاير الحين غرف خاصه لكل مريضة تولد لا تسمع صراخ احد ولا احد يسمعك لصرخت

يعني الحكومة مب مقصرة

الله يعز الحكومة

غريب الدّار

27-01-2015, 07:23 AM

بس شعلاقة الفوضى اخوي بالديمقراطية والانفتاح؟

مافي أي رابط اطلاقا في مضمون موضوعك

حسن

27-01-2015, 07:27 AM

النظامي

27-01-2015, 07:43 AM

يا جماعة الموضوع ما يحتاج نقاش

مستشفى نساء ولادة ..... ويبون يدخلون داخل !!!

ما يصير

يجيب معه وحده من الحريم أو يسأل الممرضه بيطمنونه

لكن يدخل لا وألف لا ..

رجل مثالي

27-01-2015, 08:08 AM

الله يسلمك الواجب على المسؤولين المرور على المشفى للتأكد من صلاحيته لخدمة النساء والولادة أو ممكن يصلح مقر للبلدية العامة

عاشق العديد

27-01-2015, 08:14 AM

دام انه في خصوصيه للمريضات انا معاهم انه مايسمحون له ..

لكن مفروض مراعاة لرجل انه تجي نيرس او موظفات الاستقبال ..

يسئلون عن المريضه ويعلمون الشخص الي بالانتظار ..

وماشوف انه السالفه تستاهل شكوى .. لانه شكوى ع ايش .؟ ع النظام ..؟؟؟؟

القبطان اكس

27-01-2015, 08:15 AM

بس شعلاقة الفوضى اخوي بالديمقراطية والانفتاح؟

مافي أي رابط اطلاقا في مضمون موضوعك

الشيخ

حقوق الانسان بس للعمال عشان كأس العالم ؟؟

هذي الأشياء مالها علاقة بخصوص الانسان والقطريين ؟؟؟

لو واحد مسكين ما عنده اهل في الدوحة كيف بيتصرف لو مرته صار لها شي

think between the lines

القبطان اكس

27-01-2015, 08:17 AM

يا جماعة الموضوع ما يحتاج نقاش

مستشفى نساء ولادة ..... ويبون يدخلون داخل !!!

ما يصير

يجيب معه وحده من الحريم أو يسأل الممرضه بيطمنونه

لكن يدخل لا وألف لا ..

الشيخ اقرا اول مشاركة عدل

عاشق العديد

27-01-2015, 08:20 AM

الشيخ

حقوق الانسان بس للعمال عشان كأس العالم ؟؟

هذي الأشياء مالها علاقة بخصوص الانسان والقطريين ؟؟؟

لو واحد مسكين ما عنده اهل في الدوحة كيف بيتصرف لو مرته صار لها شي

think between the lines

والله مادري ياخوي قبطان احنا عايشين في اي زمن ..

اذا هي داشه .. طواري عندها تلفون تقدر تكلمه ..

في مسج في واتساب في بيبي في مليون سالفه وسالفه ..

لكن حلوه .. اتمشى فالغرف اجوف مرتي وين في حريم داخل بعد .. مهب مرتي المستشفا لها بس .....

القبطان اكس

27-01-2015, 08:25 AM

والله مادري ياخوي قبطان احنا عايشين في اي زمن ..

اذا هي داشه .. طواري عندها تلفون تقدر تكلمه ..

في مسج في واتساب في بيبي في مليون سالفه وسالفه ..

لكن حلوه .. اتمشى فالغرف اجوف مرتي وين في حريم داخل بعد .. مهب مرتي المستشفا لها بس .....

ياخوي

الموقف الأمسي مرت الرجال اغمي عليها واتعبت وما عرف كيف يتواصل معاها

المشكلة تكمن في ان محد من النيرسات قبل يعطيه افادة او يتجاوب معاه

يعني الرجال ما حاول يقتحم عنوة بس عند الاستقبال بس

عاشق العديد

27-01-2015, 08:27 AM

ياخوي

الموقف الأمسي مرت الرجال اغمي عليها واتعبت وما عرف كيف يتواصل معاها

المشكلة تكمن في ان محد من النيرسات قبل يعطيه افادة او يتجاوب معاه

يعني الرجال ما حاول يقتحم عنوة بس عند الاستقبال بس

اي اوك شلي تبيه انت او الرجال يعني .؟
تبون تدشون يعني انتو دكاتره .؟

اغمى عليها في دكاتره وفي ناس متتخخخصين فهالمجال ..
دامك تعرف انه المستشفيات الحكوميه بهالطريقه مره ثانيه ودها مستشفى خاص والدوله مب مقصره بلاش بعد ..
لكن انه احد يدخل يطمن عليها لا والف لا ..

بونووف

27-01-2015, 08:42 AM

القبطان اكس

27-01-2015, 08:51 AM

الله يقومها بالسلامه

والمفروض يكون في تجاوب من النرسات ويقدرون حالة الزوج

عاشق الرجال زوجته مغمى عليها ويبغي يتطمن ومحد متجاوب معاه اما انه بنجيب لك الشرطه المفروض في اسلوب احسن من هاي

الناس الراقية مثلك هم اللي يفكرون بيض الله وجهك

اما الاعضاء الثانيين مثل صاحبنا , ينظر للأمور من زاوية ضيقة للأسف

بونووف

27-01-2015, 09:26 AM

الناس الراقية مثلك هم اللي يفكرون بيض الله وجهك

اما الاعضاء الثانيين مثل صاحبنا , ينظر للأمور من زاوية ضيقة للأسف

وجهك ابيض ياخوي.. يمكن لانه صادني نفس اللي صاد رفيجك وحاس باللي مر فيه.. لكن الصراحه الحمدالله مستشفى حمد الخوات والسسترات اللي قبل غرف الولاده كانوا متعاونات وطمنوني عليها اول بأول لين الولاده وقدرت ادخل عليها ثاني مولوده لكن الاولى مارضوا .. يعني يعتمد على تعاطف وتعاون الي ماسك الشفت

Aaziz

27-01-2015, 09:30 AM

الصراحه الموضوع معرفت اعلق فيه مستشفى ولاده ونسوان بعد لو رجال كان لي تعليق

السموحه انا سمعت صراخ ودخلت وفكرته شي صاير ولا شي

ماعرفت انه مخاض

:)

على العموم ان شاء الله ولد ولبنت المهم سليم
ويتربي في عزكم وتستااهلون سلامه المدام

وهالله هالله بالحسو

تحياتي

باي

:victory:

الله لايحشم العدو
ماعرفت تعلق عليه لانك مهتم تنغز نغزات الحريّم كعادتك ،، و ما اهتميت بان نسوان خلق الله الستيرات العفيفات ،، يدخلون العمليه شبه عاريات لا يسترهم الا بطانية يدزهم رجل وهم في وضع رعب من العمليات و بعضهم مبنجين يهذرون مثل السكارا تكشف عمرها وهي ماتدري ،، هالموضوع يحتاج بنبعتك الله لايهينك نبي صوتنا يوصل ولا تنسى انك اب لعيال والي الناس فيه انت فيه .
عجزانين المستشفى يوظفون عاملات نسوان يدزون اسره المريضات بدال الرجال ؟ ايش السبب ؟ مش اساساً ممنوع الرجال يدخلون المستشفى ؟ ليش يدخل البوي وهو رجل غريب مانعرف ملته ولا دينه ولا حرصه على عورات المسلمين .
اذا يسمحون لرجال يدخلون فالاولى يدخل زوج المره لانه هو الاحق وهو الاستر على شوفته ،، مع اني ارفض هالشي رفض تام .
محتاجين ردحه في هالموضوع الله يرحم والديك .

Riku3

27-01-2015, 10:39 AM

شهور وانا اودي زوجتي الوكرة وما شفت اي قصور او اسلوب سيء في الرد .. كنت ادخلها وهي تعبانه ويهتمون فيها وانا بنفسي اوصلها لين داخل الاستقبال واسلمها للنيرسات ولو كانت تعبانه يجيبونلها كرسي .. وكنت اشتري من الثلاجة حلويات لليهال الي عندي في السيارة ولا حد قالي شي واطلع بإحترامي .. ودايماً المكان شبه فاضي بالمقارنه مع حمد .

حسب الي انسرد وبعد ما الشخص جاب والدته تأكدت ان مافيها شي والامور طيبه .. ولو كانت تعبانه لدرجة انها تترقد فبيتم نقلها للغرف في المستشفى وبيشوفها عادي .. ودام ان ما نقلوها فهي للحين في الطوارئ وفي عشرات النيرسات والدكاتره الي يحاولون يقومون بعملهم ومب محتاجين حد يملغ عليهم ! .. وهذا المكان تصير فيه حالات اغماء ومشاكل وقد تكشف فيه عورات ومب مكان يتواجد فيه الرجال الاجانب .. وانا بعد ما ارضى ان رجل اجنبي يتواجد بدون سبب لان الدلوعه الي عنده تحسب انها الوحيده في العالم الي حامل (اقصد بشكل عام وما اقصد صاحب الموضوع) ..

ونفس الشي في الولادة في حمد كنت بنفسي كل نصف ساعة اسأل مسئولة النيرسات عن الوضع وكانت تدخل وتطلع وتبلغني وما تعنتوا او رفضوا الرد علي .. بس يمكن الي صار تصرف شخصي من موظفه وما استبعد هالشي واحمل العذر لصاحب الموضوع لو هذا الي صار لان بعض النساء للاسف ما يكونون متعاونين لما ينحطون في مكان للرد على الاستفسارات او في وظايف علاقات عامه محتاجه مرونه وتقدير ..

كنت متواجد في مستشفى النساء والولادة في حمد قبل 3 سنوات وصارت قدامي نفس السالفة وكان السبب هو رعونة الرجل وتصرفه كأن مافي بنت في الدنيا الا زوجته .. وكان يتحلطم ويصارخ انا توني جاي من امريكا وما ادري وشو .. وعرفت عقليته وشنو يبي يوصله ..

مثل هالنوعيه بتلاحظون ان ردودهم دايماً يحاولون يحورونها ويعيدون كلمات عن الديمقراطيه والانفتاح او الحريه .. وما يحتاج اعطيهم مسميات مباشرة علشان ما اطلع من الموضوع :] .

كلمة حق .. مستشفى النساء والولادة تطور بشكل كبير .. فرق شاسع بين زياراتي له الاخيرة في 2011 وقبل شهور في 2014 ... الشي السلبي الوحيد وجود دكاترة رجال في الطوارئ بعض الاحيان مما يجعل الانتظار اطول على الدكتورة المناوبه .. وهذا شي مستغرب لان معظم النساء يرفضون حتى الحديث مع هالدكتور فما بالكم بالفحص .. ودايماً يكون في غرفة ثانية فيها دكتورة وعليها ضغط ! .. فليش يعينون رجل من الاساس ! .

القبطان اكس

27-01-2015, 11:31 AM

نشكر مرور الجميع بمختلف طبقات تعليمهم وتثقيفهم ونتشرف بالبقية

ويا ريت في عضو من وزارة الصحة منخش ايدش وايعلق وايفيدنا

يمكن التصرف اللي صار امس فردي ونحن نتمنى الرقي في كل تعاملاتنا الحكومية

يمامـة

27-01-2015, 12:19 PM

ياخي هو يرضى اذا زوجته مرقده داخل

وممرضات رايحين جاين بين الأسرّه فاتحين ستاره

هني داشين على ذي وطالعين من عند ذي

ويجيك واحد يتمشى بين الأسرّه يدور زوجته !!!

ياخي مب شي .. ياخي ماينحرج ؟!!

ياخي راع احساس المريضات اللي داخل ..

نعم في اولويات .. بس في اشياء اولى ..

مع همر.. غرف الولادة مب مخصصة للرجال بشكل عام.. الا لو في أبواب خارجية
لكل غرفة تولد فيها الوحدة..

لأن مرات الوحدة ما تكون مقيدة في السرير فتقوم تتمشى في الممرات
فاشلون يا ترى تلقى زوج وحدة ثانية يمر لأنه يبي يتطمن على زوجته؟!!

الصح انه ممنوع دخول الرجال صوب قسم طواري النساء و الولادة و قسم غرف الولادة..

لان الغرف أصلا ما تتسكر بيبانها وكل يمر وينشاف ويشوف..

فاللي مطلوب مب السماح للرجال بالدخول,, اللي مطلوب هو وضع خدمة طمئنة اهل اللي تربي على صحتها..

الأسبانية للمصاعد

27-01-2015, 12:22 PM

اتفق مع الراي

القبطان اكس

27-01-2015, 12:28 PM

مع همر.. غرف الولادة مب مخصصة للرجال بشكل عام.. الا لو في أبواب خارجية
لكل غرفة تولد فيها الوحدة..

لأن مرات الوحدة ما تكون مقيدة في السرير فتقوم تتمشى في الممرات
فاشلون يا ترى تلقى زوج وحدة ثانية يمر لأنه يبي يتطمن على زوجته؟!!

الصح انه ممنوع دخول الرجال صوب قسم طواري النساء و الولادة و قسم غرف الولادة..

لان الغرف أصلا ما تتسكر بيبانها وكل يمر وينشاف ويشوف..

فاللي مطلوب مب السماح للرجال بالدخول,, اللي مطلوب هو وضع خدمة طمئنة اهل اللي تربي على صحتها..

صح لسانك بخصوص توفير خدمة عند باب الاستقبال للحالات نفس صاحب الموقف

لان مافي وحدة اصلا بتمشي خلال النقاهة عند باب الاستقبال

المشكلة ان بعض الأعضاء ما يتمعنون في المكتوب بس قصف جبهات ارض جو ...... ياخي اقرأ وعقب حلل .

الله لا يراوي حد اي مكروه او حالة مثل ذي

عاشق العديد

27-01-2015, 12:31 PM

الله يقومها بالسلامه

والمفروض يكون في تجاوب من النرسات ويقدرون حالة الزوج

عاشق الرجال زوجته مغمى عليها ويبغي يتطمن ومحد متجاوب معاه اما انه بنجيب لك الشرطه المفروض في اسلوب احسن من هاي

ماهو .. ياخوي انتبه انا شكتبت ..

مفروض انه حد من الاخوات يطمنون الريال ..

لكن يدش لا والف لا ..
هاي الي انا قلته .. لكن صاحب الموضوع انا ماعرفت شنو الي يطالب فيه .. يطالب بدخول الرجال مب بتثقيف النيرسات والموظفات ..

مختلفة عقليا

27-01-2015, 12:38 PM

السلام عليكم .,

انا لحين ما رحت هالمكان المرعب .,

بس مافيه ستاره !! يعني مو نفس نظام الطواري يم بعض الحريم تفصلهم ستاره !!

ويسلمو

Riku3

27-01-2015, 12:43 PM

السلام عليكم .,

انا لحين ما رحت هالمكان المرعب .,

بس مافيه ستاره !! يعني مو نفس نظام الطواري يم بعض الحريم تفصلهم ستاره !!

ويسلمو

في حالات الولادة .. جهزوا مؤخراً كل وحده في غرفة منفصله وفيها باب من الجهتين .. جهة الدكاتره والنيرسات والجهة الخارجية الي فيها ممر وابواب تودي للمستشفى ومنطقة الانتظار وفي استقبال هناك للرد على الاستفسارات ..

حتى مؤخراً صاروا يدخلون الزوج بعد الولادة مباشرة الى غرفة الولادة ! .. علشان يسلم على زوجته ويشوف الطفل قبل نقلها لغرفة النقاهه ومن بعدها تنقل للغرفة الي بتجلس فيها يوم او يومين بحسب الحاله .

يمامـة

27-01-2015, 12:45 PM

صح لسانك بخصوص توفير خدمة عند باب الاستقبال للحالات نفس صاحب الموقف

لان مافي وحدة اصلا بتمشي خلال النقاهة عند باب الاستقبال

المشكلة ان بعض الأعضاء ما يتمعنون في المكتوب بس قصف جبهات ارض جو ...... ياخي اقرأ وعقب حلل .

الله لا يراوي حد اي مكروه او حالة مثل ذي

في مستشفى الولادة اخبر كانت هناك دريشة فيها موظفة ونيرس
يطمنون الناس.. لكن الوكرة ما ادري عن نظامهم..

بس مثل ما ذكرت ان المفروض تكون هناك خدمة تواصل ما بين المريضة
وأهلها .. على اقل تقدير السؤال عنها وطمأنتهم عليها..

مختلفة عقليا

27-01-2015, 12:46 PM

في حالات الولادة .. جهزوا مؤخراً كل وحده في غرفة منفصله وفيها باب من الجهتين .. جهة الدكاتره والنيرسات والجهة الخارجية الي فيها ممر وابواب تودي للمستشفى ومنطقة الانتظار وفي استقبال هناك للرد على الاستفسارات ..

حتى مؤخراً صاروا يدخلون الزوج بعد الولادة مباشرة الى غرفة الولادة ! .. علشان يسلم على زوجته ويشوف الطفل قبل نقلها لغرفة النقاهه ومن بعدها تنقل للغرفة الي بتجلس فيها يوم او يومين بحسب الحاله .

هلا .,

عيل خلوا الريال يدش بس عطوه رقم الغرفه صح .,

ليش يقولون عيب وغلط والغرف (( خاصه )) !! صج شسالفه

ويسلموو

يمامـة

27-01-2015, 12:48 PM

في حالات الولادة .. جهزوا مؤخراً كل وحده في غرفة منفصله وفيها باب من الجهتين .. جهة الدكاتره والنيرسات والجهة الخارجية الي فيها ممر وابواب تودي للمستشفى ومنطقة الانتظار وفي استقبال هناك للرد على الاستفسارات ..

حتى مؤخراً صاروا يدخلون الزوج بعد الولادة مباشرة الى غرفة الولادة ! .. علشان يسلم على زوجته ويشوف الطفل قبل نقلها لغرفة النقاهه ومن بعدها تنقل للغرفة الي بتجلس فيها يوم او يومين بحسب الحاله .

نظام الغرفة ام بابين معمول فيه من اول ما افتتحوا النساء والولادة عام 88 ان ما خانتني الذاكرة في سنة الافتتاح..

ونظام الستاير كان في مستشفى حمدة القديم..

يمامـة

27-01-2015, 12:50 PM

هلا .,

عيل خلوا الريال يدش بس عطوه رقم الغرفه صح .,

ليش يقولون عيب وغلط والغرف (( خاصه )) !! صج شسالفه

ويسلموو

الله يهديج بس يا مختلفة..

منطقة غرف الولادة تختلف عن منطقة الغرف العادية.

ما يصير الريال يدخل منطقة غرف الولادة لأنه بيمر على كل الغرف اللي فيها الحريم يولدون
وغالبا البيبان تكون مفتوحة..
وهي منطقة أصلا محرمة على الرجال.. وللحين ما عندنا قانون يعطي الزوج الحق في التواجد
مع زوجته في غرفة الولادة.. فإذا وجدت هناك حالات سمحوا للزوج بالدخول
فهو تكرم من الممرضات او الطبيب فقط..

لذلك دخوله ممنوع بكل الأحوال..
سواء من الباب الامامي او الباب الخلفي لغرفة الولادة..

Aaziz

27-01-2015, 12:56 PM

ياجماعه الخير احنا ناس عاميين مش متخصصين ،، ترى الوضع سهل وواضح لاهل الاختصاصات .

للمستشفيات نظام عالمي مثل نظام المطارات و الملاعب ،،، اختار النظام (النظام يعني تصميم المبنى و آليه استقبال الحالات و كيفية التعامل معها) الي يناسب حسب قناعة المسؤولين و عدل عليه مايناسبنا كطبيعة بشر .

من الانظمه الي متعلقه بهذا الخصوص انه اهل المريض يكونون في غرفه انتظار و يعطى المريض جهاز (مثل البليب) يرن اذا الدكتور او كبيره الممرضات عندها تطورات تستدعي توصلها لاهل المريض الي ينتضرونه برى و يكون اللقاء في غرفه مخصصه لهالشي مكتوب عليها غرفه الاجتماع العائلي .
من الانظمه ايضا ان للمريض رقم طبي معين و تكون فيه شاشه عرض في غرف الانتظار .. و فيه جداول فيه ارقام المرضى و الوان تتغير بجانب اسم المريض تبين هذي الارقام المريض وين موقعه و ايش حالته بالضبط .. مثلا مرحله الاستعداد للعمليه ،، مرحله البنج ،، مرحله العمليه ،، مرحله الافاقه ،، مرحله النهايه و تقدر تشوف مريضك .

مختلفة عقليا

27-01-2015, 12:57 PM

الله يهديج بس يا مختلفة..

منطقة غرف الولادة تختلف عن منطقة الغرف العادية.

ما يصير الريال يدخل منطقة غرف الولادة لأنه بيمر على كل الغرف اللي فيها الحريم يولدون
وغالبا البيبان تكون مفتوحة..
وهي منطقة أصلا محرمة على الرجال.. وللحين ما عندنا قانون يعطي الزوج الحق في التواجد
مع زوجته في غرفة الولادة.. فإذا وجدت هناك حالات سمحوا للزوج بالدخول
فهو تكرم من الممرضات او الطبيب فقط..

لذلك دخوله ممنوع بكل الأحوال..
سواء من الباب الامامي او الباب الخلفي لغرفة الولادة..

هلا ,.

انا قلت ماعرف عنها .,

اها جيه طلع الموضوع البيبان مفتوحه ., لا انا ضد التطاول علي ممتلكات واعراض الغير .,

ويسلموو