كم سعر المتر بناء وتشطيب؟

[لبيبة]

السلام عليكم ورحمة الله وبركاته

حاليا كم سعر المتر بناء وتشطيب ممتاز؟

ومطلوب مقاول يعمل بأمانة وأسعاره معقولة

وكذلك مكتب استشاري معتمد ويشرف بدقة

اللي عنده أي معلومات مفيدة يشارك بها إذا ممكن

وجزاكم الله كل خير

[معماري قطري]

الله يعينج ويعين كل من يبني هالوقت

سعر المتر المربع يا اختي الكريمة يختلف من مواصفات لمواصفات ومن شركة لشركة ويستحيل تحديده بدقة .. حتى الموقع أَحيانا يكون عامل مؤثر ولنفترض مواصفات معينة تقول على المقاول يعمل الأَسقف بنوعية مزخرفة من الجبس وعليه توفير رسومات ليوافق عليها المالك .. وتكون المواصفات مشروحة أَكثر بحيث تكون الدزاينات تصميم خاص على سبيل المثال وبعض القطع مزينة بورق الذهب والفضة وبمواصفات معينة .. ثم هناك الأَرضية بتفاصيل معينة .. وكل ما زادت هذي التفاصيل يبذل المقاول الشاطر مجهود إِضافي للتنسيق والسؤال عن الأَسعار قبل البدء في العمل وتوقيع العقد .. وطبعاً يضيف عليها نسبة ربحه ونسبة احتمال ارتفاع الأَسعار .. والشغلات اللي هو قادر عليها ومن صميم عمله كالهيكل الانشائي والتمديدات لها أَيضاً حسابات ثانية ونسب ثانية.

ببساطة المقاول يسوي حساباته صح ويركز في الثغرات والنواقص صح ويعرف شلون يطلع ربحه منها حتى بعد العقد .. وقليل من المقاولين يذكرون للمالك هذه النواقص ويحاولون يتفقون عليها مبدئياً وقبل العقد .. هؤلاء هم أَصحاب الخبرة والسمعة الطيبة في السوق .. أَما مقاول يسعر خرائط فقط وبدون مواصفات واضحة فهذا عقده يكون مبهم ومعرض للخلاف ولزيادة سعر كل بند .. أَو يكون حاط في حسابه تسعير عالي ويحاول يلف ويدور ويسوي شيء أَقل بحيث يطلع ربح في كل بند.

ليش أَي واحد يحاول يستدرج عروض أَسعار يحصل أَسعار متباينة؟ ويمكن يكون التباين كبير مثل مقاول يسعر له بمليون وثاني ب 3 ملايين .. فقط لتقديرات محاسبي الشركات ونسبة الربح والبعض يعطي سعر عالي ومبالغ فيه لعدم رغبته في أَخذ المشروع.

في أَي منافسة والحياة كلها تتعلق بالمنافسات وفي كل شيء .. تلفزيون الواحد يحدد شيبغي من مواصفات فيه ويبحث عن سعر مناسب ومواصفات مناسبة أَو قريبة للي يبيها .. أَوقات يحصل شيء أَفضل بسعر بسيط أَكبر ويقرر ياخذ الأَفضل .. ونفس الشيء لخيارات مواد البناء وطريقة تركيبها وتفاصيلها ومصنعيتها وجودتها .. قد يشتري الشخص طابوق من مصنع معروف بسعر مرتفع والمقاولين لهم في هذي الأُمور فنون ويشترون بعضهم أَرخص الموجود حتى طابوق ما انرش فترة بالماء ووصل قوته القصوى ولا نسبة الرمل فيه أَكثر وضعيف .. وهنا طبعاً يجي دور الاشراف الجيد والمواصفات الملزمة والمحددة لكل شيء ومتابعة المالك الدائمة.

[معماري قطري]

بالنسبة للمكاتب الاستشارية في قطر كلها معتمدة ومستحيل مكتب يشتغل بدون اعتماد الا يكون شخص عادي يعني مهندس مفرد .. كمثال انا بخبرة 21 سنة اقدر اتابع حاجة معينة لكن ما عندي سلطة لأَني ما امثل مكتب مرخص .. يعني لو المقاول ما حب ينفذ تعليمات معينة مني ما يعتد بشهادتي في المحكمة الا تكون بواسطة مكتب مرخص وانا منتمي له.

بس هل كل المكاتب المعتمدة تشتغل صح؟ الجواب لا والمسؤول التخطيط العمراني .. نصيحتي لأَي حد يسوي زيارات للمكاتب ويشوف كيفية نظام شغلهم ونظافة مكاتبهم ويركز على التخصصات الهندسية والخبرات الموجودة في المكتب .. بعضهم عندهم فورمان بتاع كله هو اللي يتابع كل شيء .. الخرسانات والكهرباء ويفتي في كل شيء .. وبعض المكاتب تسوي تقارير دورية وتصوير واجتماعات ومناقشات وتساعد في كل العقود الرئيسية والفرعية .. وبعضها توقع وتختم وكله ماشي تمام سيادتك

[لبيبة]

جزاك الله كل خير يا معماري وما قصرت

[معماري قطري]

جزاك الله كل خير يا معماري وما قصرت



وجزاج الله بما دعيتي والله يوفقج إِن شاء الله للحصول على البناء المناسب بالسعر المناسب

في السابق كان معدل سعر بناء المتر المربع بتشطيبات تحت المتوسط في حدود 1000 للمتر وحالياً المعدل زاد لحدود 2000 إِلى 3000 وكل ما زدنا في مواصفات البناء وأَسعار التشطيب كلما زاد السعر ... شفت أَرضيات بنفسها بحدود 8000 ريال واتوقع فيه أَغلى.

لو تحبين آراء ثانية في وشو تقدرين تسيطرين على السعر ويكون بحدود معقولة تقدرين تحددين الأَولويات .. مثل البورسلان متوسط الجودة مع البعد عن الصيني قدر الإِمكان .. ويكون تنويع في المساحات المغلقة من نوع غالي للأَماكن المفتوحة والمستخدمة يومياً كالصالات والممرات والمجلس .. وأَنواع أَقل درجة أَو سجاد للغرف مع حشوة تحته تحميه وتعطيه فخامة أَكثر والسجاد ممكن يتركب على صبية اسمنتية ناعمة مباشرة وبدون حتى بلاط .. البعد عن الزخرفة الخارجية الزايدة الا ممكن في المدخل .. كذلك الجبس ما نبالغ فيه والأَماكن اللي بيكون فيها جبس ما فيه داعي نسوي بلاستر .. الحوائط الخارجية دوم نصيحتي تكون دبل وبعازل في الوسط ويكون العازل مغلف الهيكل الخرساني لحمايته من تقلبات حرارة الجو ومن البرودة داخل والحرارة الشديدة برا وفي هذا أَتوقع كثيرين سمعوا عن المباني الخضراء .. وتابعنا من أَيام الدكتور الكواري وهو يتكلم عن عزل 100% وهذا ضرب من الخيال ومستحيل لأَن التبادل الحراري موجود حتى في الأَماكن المعزولة بطبقات كثيرة من العوازل .. لو وصلنا لعزل 100% يعني نشغل المكيف ليبرد البيت ونسكره ونطلع منه ونسافر شهور الصيف كلها ونرجع نحصله بارد .. الكلام يكون عن عزل حراري معقول حتى يخفف التبادل الحراري ويقلل من انتقال الحرارة السريع أَو البرودة .. وبهذا يكون عندنا ارتياح حراري بحيث المكيف يشتغل بطاقة أَقل ويرتاح الكمبريسر ويكون الانتشار الحراري متساوي تقريباً في كل جهات الغرفة وما نضطر نواجه المكيف حتى نحصل برودة جيدة ولا نمشي على البلاط بتكرمون نعال وقت البرد لحماية أَقدامنا من البرد.

[لبيبة]

إذا أبي تشطيبات ممتازة من ناحية الجودة، كم ممكن يكلف المتر، ما أبي التشطيب يكون غالي على الفاضي

من تنصح فيه للتشطيب؟ أي شركة؟

وأي مقاول تنصح فيه؟

والعازل هذي جدا مهم لي، ابي اعرف شلون يسوونه، عندك له صور؟

وابي نظام تدفئة مركزي للبيت متوزع بوحدات منفصلة مثل اللي عند الاجانب، ولو يدمجون معاه التبريد بعد احسن، من وين اجيبه؟

ابي المبنى ما تتشقق فيه الجدران، طلبي صعب؟! كلما قلته يقولون أكيد بتتشقق

وبيض الله وجهك على مساعدتك وجعلها في ميزان حسناتك

[بوحارب]

مرحبا لبيه

عندي مقاول ممتاز وأمين وفنان

وشوي في حقه هالصفات

باني عنده اربع فلل وملاحق

والحمدلله ما واجهت معاه اي مشكلة

الرقم بيجيك ع الخاص

واي حد يبغي رقمه يراسلني ع الخاص

[لبيبة]

مرحبا لبيه

عندي مقاول ممتاز وأمين وفنان

وشوي في حقه هالصفات

باني عنده اربع فلل وملاحق

والحمدلله ما واجهت معاه اي مشكلة

الرقم بيجيك ع الخاص

واي حد يبغي رقمه يراسلني ع الخاص




جزاك الله كل خير يا بوحارب ومشكور ما قصرت

[معماري قطري]

إذا أبي تشطيبات ممتازة من ناحية الجودة، كم ممكن يكلف المتر، ما أبي التشطيب يكون غالي على الفاضي

سؤال: خلصتي التصاميم؟ لو خلصتيها ومقتنعة بها يبقى ترتيب المواصفات والعقد والتجهيز للتشطيبات .. وبالنسبة للمقاول بدل ما نروح لمقاولين نسوي تشطيباتنا أَغلبها عن طريق المقاول الرئيسي وبعض الاحتياجات الخاصة احنا نتفق عليها بروحنا .. مثل الأَبواب وأَعمال الخشب والنوافذ .. بس نشترط إِن المقاول يرتب الفتحات بخرسانة في الطابوق والأَبواب بخرسانة وفريم أَساسي يسمونه sub-frame يتركب قبل الفريم للبلاستر وهذا حتى لو يتركب للنوافذ ويكون بعرض فريم النافذة يكون أَفضل ويفضل يكون من المارين بلايوود سمك 18 ملم وصناعة بلجيكية لأَنه يجي مضغوط ومقاوم للرطوبة.

طبعاً الاشراف الهندسي لازم .. وبالنسبة للتمديدات تذكر مواصفاتها وتوضح بدقة على الرسومات .. وتذكر طريقة التركيب .. البعض مثلاً يترك نواقص كثيرة في الرسومات والمواصفات وما يركز على طريقة التركيب والبناء في العقد وهنا المشكلة.

من تنصح فيه للتشطيب؟ أي شركة؟

وأي مقاول تنصح فيه؟

المقاول شرحت كم مره طريقة اختياره وأَهم شيء كل شيء مكتوب وبعقد واضح ولازم نختار مقاول جيد .. انا جربت شركات متوسطة والله وفقهم بعضهم دخلوا مجال الشغل الكبير ولا يبنون بيوت مثل حمد بن خالد بن حمد وجي ال سي اللي يسعرون غالي ويركزون على بنايات أَكبر .. شوفي شركة كونسيرف فوق بوكيه في السد .. هذي شركة متوسطة جيدة جداً ودقيقين في شغلهم وجربناهم في 3 بيوت غير عن شغل خاص لمسؤولين عندي في الشغل وطبعاً إِختيارهم يتم بعد تدقيق ترخيصهم وشغلهم معانا شغل حكومي .. وانا كل ما شفت مديرهم اقول له بجيكم بعد كم يوم بس للأَسف ما قصوا بيتي وبيتي جديد ولا حاجزهم للبنيان عندهم.

والعازل هذي جدا مهم لي، ابي اعرف شلون يسوونه، عندك له صور؟

إِختي موضوع العزل مشروح في توقيعي ومتكامل ولو بتركبين عازل صدقيني ما تحتاجين لدفايات .. بس يتركب العازل صح .. وفي الصيف التكييف بيشتغل براحته وحمل التكييف بيقل وبتوصلون للارتياح الحراري .. بعدين اللي قال البيت لازم يتشلخ يسوق حق بضاعة رديئة أَو عنده قناعة خاطئة .. أَدعوا الجميع من يحب يزورني ويشوف بيتي اللي له 10 سنين مسكون والحمد لله بلا شلوخ بسبب نظافة البناء والعزل الحراري المغطي للبيت بالكامل.

وابي نظام تدفئة مركزي للبيت متوزع بوحدات منفصلة مثل اللي عند الاجانب، ولو يدمجون معاه التبريد بعد احسن، من وين اجيبه؟

انا في بيتي خليت المكتب بس بدون عازل ومواجه شمال ومرتفع كمظلة على المدخل بعمدان وصراحة يبرد بطريقة ما استحملها وجربت كم دفاية وآخرها ركبت مكيف فوجي سبلت تكييف وتدفئة من عند الريس.

ابي المبنى ما تتشقق فيه الجدران، طلبي صعب؟! كلما قلته يقولون أكيد بتتشقق

وبيض الله وجهك على مساعدتك وجعلها في ميزان حسناتك



ووجهج أبيض إِن شاء الله .. وانا مستعد لأَي استفسار من أَي عضو وللمساعدة باللي اقدر عليه والله يوفق الجميع

[معماري قطري]

موضوعين مهمين حاولت افصلهم اللي هم العقود الهندسية والعزل الحراري أَنصح بقراءَتهم ومحاولة فهم النقاط الرئيسية حتى يكون البناء مسيطر عليه

[لبيبة]

موضوعين مهمين حاولت افصلهم اللي هم العقود الهندسية والعزل الحراري أَنصح بقراءَتهم ومحاولة فهم النقاط الرئيسية حتى يكون البناء مسيطر عليه




جزاك الله كل خير، ممكن تعيد رفع الصور في الموضوعين المذكورين؟ ولا وحدة منهم تطلع، ان امكن على موقع ثاني مثل http://imgur.com/ او http://imageshack.com/ والله يجزيك كل خير

[Bo3essa]

اختي رايي

اخذي عروض اسعار لشركات تمت التعامل معها عن طريق اشخاص قراب او في المنتدى ويمدحونهم
وحاولي تختارين ثلاثه او اربعه شركات بس حتى ماتتعبين وانتط تقارنين
وبخصوص التشطيب انا لو منج اتعاقد مع الشركه عظم وكهرباء وسباكه فقط
وعقب التشطيب تقدرين تكملين معاه اذا كان شغله ممتاز
او ان تشطبين بروحج لان مثلا
الدرايش عند محل الدرايش والبيبان كذلك والجبس محل الجبس وووو
ممكن تتفقين معا المقاول على تركيب الارضيات بس يعني تشترين الاشياء وهو يركبها
وبصراحه انا حاليا امشي بهالطريقه ومرتاح
وبالتوفيق

[لبيبة]

اختي رايي

اخذي عروض اسعار لشركات تمت التعامل معها عن طريق اشخاص قراب او في المنتدى ويمدحونهم
وحاولي تختارين ثلاثه او اربعه شركات بس حتى ماتتعبين وانتط تقارنين
وبخصوص التشطيب انا لو منج اتعاقد مع الشركه عظم وكهرباء وسباكه فقط
وعقب التشطيب تقدرين تكملين معاه اذا كان شغله ممتاز
او ان تشطبين بروحج لان مثلا
الدرايش عند محل الدرايش والبيبان كذلك والجبس محل الجبس وووو
ممكن تتفقين معا المقاول على تركيب الارضيات بس يعني تشترين الاشياء وهو يركبها
وبصراحه انا حاليا امشي بهالطريقه ومرتاح
وبالتوفيق




جزاك الله كل خير أخوي، طريقتك شكلها أضمن، تسلم على النصيحة

[الدبلوماسي]

نصيحه عن تجربه طويله لاتتعاقدين تشطيب تعاقدي كالاتي
عظم بلاستر +تركيب كهربه مع تسليم كرت الكهربه وماي وصرف صحي+تركيب جميع الارضيات
وايد مقاولين يغشون واهم شي الاستشاري يشيك ع العقد وعقدك يكون مفصل بدقه متناهيه مع تحديد تاريخ لانتهاء الاعمال بشكل نهائي
اما من ناحيه اختيار الشركه الاضمن ابعدي عن العرب نهائيا
ثاني شي خذي عروض ل كذا شركه حد متعامل معاها واهم شي متعامل معاها من فتره قريبه سنه كذا
لان من سنه لين سنه يايرتفع مستواها ياينخفض ويرجع لااعتمادهم على مقاول شاطر نشيط انهى خدماته عندهم
او زياده الاعمال مما يسبب ضغط ع الشركه او تكيسل المقاول

[لبيبة]

نصيحه عن تجربه طويله لاتتعاقدين تشطيب تعاقدي كالاتي
عظم بلاستر +تركيب كهربه مع تسليم كرت الكهربه وماي وصرف صحي+تركيب جميع الارضيات
وايد مقاولين يغشون واهم شي الاستشاري يشيك ع العقد وعقدك يكون مفصل بدقه متناهيه مع تحديد تاريخ لانتهاء الاعمال بشكل نهائي
اما من ناحيه اختيار الشركه الاضمن ابعدي عن العرب نهائيا
ثاني شي خذي عروض ل كذا شركه حد متعامل معاها واهم شي متعامل معاها من فتره قريبه سنه كذا
لان من سنه لين سنه يايرتفع مستواها ياينخفض ويرجع لااعتمادهم على مقاول شاطر نشيط انهى خدماته عندهم
او زياده الاعمال مما يسبب ضغط ع الشركه او تكيسل المقاول




جزاك الله كل خير يا الدبلوماسي، يعني اعتمد على الاستشاري في مراجعة العقود لأني ما أفهم في هالتفاصيل، يعني المهم استشاري شاطر وأمين

وبالنسبة للعرب للأسف، من زمان ما أثق في عملهم، لتجارب سابقة سيئة وعدم التزامهم، حتى الخريطة خليت أجانب يصممونها لي.

[لبيبة]

ابي ارقام شركات ترشحونها لي من تجاربكم الشخصية ومن غير دعاية لحد، اعتبروني اختكم وانصحوني.

[معماري قطري]

جزاك الله كل خير، ممكن تعيد رفع الصور في الموضوعين المذكورين؟ ولا وحدة منهم تطلع، ان امكن على موقع ثاني مثل http://imgur.com/ او http://imageshack.com/ والله يجزيك كل خير



بحاول إِن شاء الله .. السبب من موقع غلف أَب التعيس ومشكلتي بهالطريقة لازم اعيد كتابة الموضيعين بصيغة ثانية وأَدور بين آلاف الصور لأَن الصور اللي استعملهم احولهم لفولدر مسميه used وفيه عدد رهيب من الصور الحين.

فيه بدائل سهلة للعزل الحراري ممكن تنعمل خارجياً أَو داخلياً حتى كعمل صيانة والمبنى مسكون .. المفروض الشركات المختصة تتنافس في عرض تفاصيلها وسعرها لإِهتمام المواطن بها والدولة كذلك .. أَحد التجار كلمته عن التعتيم الكهربي للزجاج وذكر إِنه شافه في الصين ولا اقتنع به .. وهذا تكنولوجيا حديثة لعزل النوافذ بغاز خاص عزل حراري وكذلك عزل الرؤية .. بالنسبة للحراري ما اعرف كم يوصل بس للرؤية تستوي النافذة سوداء 100% وتقل درجة السواد حسب المطلوب بلمسة زر لدرجة الشفافية 100%.

[لبيبة]

بحاول إِن شاء الله .. السبب من موقع غلف أَب التعيس ومشكلتي بهالطريقة لازم اعيد كتابة الموضيعين بصيغة ثانية وأَدور بين آلاف الصور لأَن الصور اللي استعملهم احولهم لفولدر مسميه used وفيه عدد رهيب من الصور الحين.

فيه بدائل سهلة للعزل الحراري ممكن تنعمل خارجياً أَو داخلياً حتى كعمل صيانة والمبنى مسكون .. المفروض الشركات المختصة تتنافس في عرض تفاصيلها وسعرها لإِهتمام المواطن بها والدولة كذلك .. أَحد التجار كلمته عن التعتيم الكهربي للزجاج وذكر إِنه شافه في الصين ولا اقتنع به .. وهذا تكنولوجيا حديثة لعزل النوافذ بغاز خاص عزل حراري وكذلك عزل الرؤية .. بالنسبة للحراري ما اعرف كم يوصل بس للرؤية تستوي النافذة سوداء 100% وتقل درجة السواد حسب المطلوب بلمسة زر لدرجة الشفافية 100%.




الله يعينك ترفع الصور مرة ثانية

التعتيم الكهربائي للزجاج، عجبتني الفكرة، ممكن اسمه بالانجليزي؟

وجزاك الله كل خير

[ولد المنصور]

طرش رقمك وابشرررر . .

[لبيبة]

طرش رقمك وابشرررر . .




شكرا لك أخوي، أعتذر عن إرسال رقمي لأني بنت، إذا عندك شيء تكتبه هني بيفيدني ويفيد الأعضاء وجزاك الله كل خير

[فروخ]

نصيحه عن تجربه طويله لاتتعاقدين تشطيب تعاقدي كالاتي
عظم بلاستر +تركيب كهربه مع تسليم كرت الكهربه وماي وصرف صحي+تركيب جميع الارضيات
وايد مقاولين يغشون واهم شي الاستشاري يشيك ع العقد وعقدك يكون مفصل بدقه متناهيه مع تحديد تاريخ لانتهاء الاعمال بشكل نهائي
اما من ناحيه اختيار الشركه الاضمن ابعدي عن العرب نهائيا
ثاني شي خذي عروض ل كذا شركه حد متعامل معاها واهم شي متعامل معاها من فتره قريبه سنه كذا
لان من سنه لين سنه يايرتفع مستواها ياينخفض ويرجع لااعتمادهم على مقاول شاطر نشيط انهى خدماته عندهم
او زياده الاعمال مما يسبب ضغط ع الشركه او تكيسل المقاول


النصيحة الأخيرة من ذهب ياخوي
أنا تعاقدت مع مقاول (كانت) سمعته طيبة وللأسف مادريت إلا بعد ما فات الفوت

[sis]

للحين ماوصلنا للجواب
كم سعر العظم
وكم سعر التشطيب حاليا في السوق

[جبر ال جبر]

سعر العظم اخبر ب900 للمتر ماعرف الحين زاد نقص ثبت بس هالكلام قبل سنه بضبط
التشطيب عاد يعتمد سلمك الله على نوع التشطيب عادي تجاري ديلوكس سوبر ديلوكس يعني يتراوح مابين 1500-2000 ريال
بس هالاسعار نفس ماقلت لك من سنه الحين ماعندي علم

[باراكودا]

فيه بدائل سهلة للعزل الحراري ممكن تنعمل خارجياً أَو داخلياً حتى كعمل صيانة والمبنى مسكون .

ممكن تفاصيل أكثر عن عمل العزل الحراري والبيت مسكون وأسماء الشركات المنفذة وشكرا .

[Azizuk]

اخوي باراكودا احاول أرسل لك اللي طلبته مني على الخاص

يجيني رد يقولي انك ماتستقبل رسائل

[معماري قطري]

ممكن تفاصيل أكثر عن عمل العزل الحراري والبيت مسكون وأسماء الشركات المنفذة وشكرا .

تفضل إِخوي هذا الموضوع تحديث للموضوع القديم الموجود في توقيعي

http://www.qatarshares.com/vb/showthread.php?601415-العزل-الحراري-للمباني-محدث-وللنقاش-المتواصل

بالنسبة للشركات المنفذة أَي شركة مقاولات تقدر تنفذ بس بتفاصيل ومواصفات ورسومات ومتابعة هندسية