مشكلة في خط الفودافون !!

[نتفـه]

السلام عليكم ..

المشكله في خط الفودافون (الرقم) أي حد يتصل يوصلني مسج !!! ويبين لهم ان الرقم مغلق !! مع ان رقمي مفتوح .. صارت المشكله من يوم الخميس اللي فات .. ما اقدر استقبل مكالمات .. تلفوني Samsung Galaxy note3 ماعرف هل المشكله من التلفون نفسه والا الشريحه !!!!
مع العلم اني اتصلت في فودافون !! وعلموني خطوات اسكر فيها البريد الصوتي واحط على المكالمات التي لم يرد عليها ولا فاد !! وجربت اني ارجع وضع المكالمات التي لم يرد عليها بعد ما فاد ؟؟؟ شسوي ؟؟!!! شلون اعدل هالمشكله ؟!

هل من اعدادات التلفون .. مع العلم اني حاولت اتعبث في كل اعدادات الاتصال لكن ماعرف ما تعدل الوضع !:rolleyes2:

[المبرمج صلاح]

اتوقع والله اعلم انك مفعل خدمة من فودافون وهي عدم الازعاج

الخدمة موجودة ايضا في اريدو عند تفعيلها يتم ارسال رسالة نصية لك ويعطي المتصل ان الجوال مغلق
الخدمة يتم تفعيلها او تعطيلها عن طريق رسالة معينة الي رقم محدد

لا اعلم التفاصيل ولكن اتمنى من اي حد بيستخدم فودافون يبلغنا بالطريقة او الكود او انك تزور اقرب فرع لفودافون وتشرح لهم

وحتى تتاكد من ان جوالك سليم قم بتغيير الشريحة واتصل على الشريحة الجديدة وشوف اذا نفس المشكلة ولا لا

بالتوفيق للجميع ان شاء الله

[LiL iNVe$ToR]

عندي نفس المشكله مع تلفوني الـ htc m8

المشكله من الشبكه بالنسبه لي ..لان بس في اماكن معينه تصير هالحركه.

[ya3coub]

عادي الشيخ جوال 6+ و نفس الحالة

احمد ربك اذا اول مة تصيدك التلفون ماله أي دخل

الشبكة العجيبة و الضغط الي عليها و في بعض الأماكن من سينين إلى اليوم يفصل فيها الاتصال و ترجع تتصل و الحياة حلوة

[الزعــــــيم]

المشكله من الشبكه والتغطيه من فودافون حاول تتصل على خدمه العملاء ويحلون المشكل

[أحمد عراقى]

يعطيكم العافيه ..

[أحمد عراقى]

يعطيكم العافيه ..

[bohilal191]

جرب هالكود

#002#

شبكة صفر صفر اثنين شبكة اتصال

[عاشق العديد]

عندي نفس المشكله مع اوريدو ومشكله احينا يصير واحينا لا ..

[بـارود]

نفس المشكلة
طلع الكرت ودخله مرة ثانية

[حليتان*]

انا نفس الشي وايد يقولون لي تلفونك مسكر بس ماتجيني رساله ان في حد اتصلي اصلا

[لبيبة]

السلام عليكم ورحمة الله وبركاته،

جربوا وضع الجوال على وضعية الطيران وبعدين رجعوه عادي مرة ثانية.

[الســـهم]

السلام عليكم ورحمة الله وبركاته ..

صارت معاي وجننتني لأكثر من شهرين , واضطريت اسوي للجهاز إعادة ضبط المصنع , وبعدها رجع كل شي طبيعي وانحلت المشكله , طبعا سويتها وتوكلت على الله لأن ولا حل من اللي قالوه الشباب قبلي نفع معاي ..

ولكن !!!

طلع حل المشكله اسهل من هذا بكثير , كنت اتكلم مع واحد من الزملاء واقوله اشلون المشكله جننتني واخيرا حليتها , قالي اكيد كنت مشغل نظام عدم الازعاج فالجهاز (جهازي ايفون 6) ، قلتله ما اذكر اني شغلت هذا النظام عندي , وسألني اذا كانت تطلع عندي علامة (القمر) فالشاشه قبل ما تنحل المشكله , قلتله اي نعم كانت موجوده وماعرف من وين جايه , قالي هذي سبب المشكله وجرب تشغل هالنظام وشوف ايش بيصير معاك , وفعلا فعلت النظام وارجعت نفس المشكله مره ثانيه ورجعت سكرت النظام ورجع كل شي طبيعي ..