نصيحة لزراعة شجر

[SeniorTrader]

السلام عليكم

عندي مساحة فاضية حول 600 متر وناوي ازرعها حشيش

وناوي بشجر ظل لان البيت في البر

شتنصحون شجر للظل ويكون منظره حلو وجذوره ماتخرب الاساسات والمجاري عزكم الله

ووين ممكن احصل الشجر والاسعار التقريبيه

[معماري قطري]

حق قطر يصلح أَكثر شيء السدر والقرط بأَنواعه والنخل ولو تنوع أَحلى .. ولا تنسى فكرة عمل مثل التلة متدرجة وعليها شجر وعشب بتكون أَحلى .. وبالنسبة للبايبات لتزرع حولها واحفر تحت حول مترين شيل الحجارة الكبيرة وحط دفان جزء بسيط مغربل من الموقع مخلوط بشوية طين تحت وفوقه سماد ورمل بعدين وادفن على طبقات آخرها قد ما تقدر رمل يشرب الماي بسرعة حتى ما تنشفه الشمس وتحته بشوي طين خالص حتى يمسك الماي فترة وتشربه عروق الشجر والعشب ينمو بسهولة في الرمل وفي الطين توقف عروقه .. يعني 30 سم رمل وبعدها 20 سم طين وبعدين سماد وبعدين طين مخلوط بتربة الأَرض المغربلة ولو فيه سماد بعد زين والطبقة التحتية كلش قد ما تقدر طين 50 سم أَو أَكثر حتى تمسك الماي وما يتسرب تحت وتستفيد منه النباتات .. والأَطراف ركب طابوق أَو حجر لو تحب ووراه وقدامه بلاستيك سميك ومدفون حوله حتى يمنع جذور الشجر من الوصول للأَساسات وللبيايبات.

[الجـــوديّ]

مركز قطر خضراء يصممون لك حديقة بالمجان
وتاخذ الشتلات من مشتل البلدية باسعار رمزية
وتستوي عندك احلى حديقة

[شموخ دائم]

,

,


مرحبا

من الضروري تعمل جلسه خارجيه كراسي للايام الحلوه مثل ايامنا هذي
اختار المكان الي يستوي فيه ( ظل ) العصر اعمل الجلسه فيه

http://www.9ori.com/media/images/95d78ed308.jpg

1- مساحه خضراء عشب طبيعي
2- زهور وورود موسميه ( جوري - محمدي -رازجي - فل )
3- اشجار مثمره ( ليمون - نخل - كنار - مانجو - رمان - تين )
4-اشجار زينه ... الخ
5- اشجار ظل .... الخ

هذه الاحتياجات الاساسيه للزراعه بالبيت

تحتاج التنسيق في المكان وبعدها تختار اسماء النبات لكل نوع

,

,

[فريج النجادة]

خير ما فعلت
ظ،- التربية عندك وزارة البيئة مع لفة مجلس الوزراء
يعطونك ما تحتاجة والاسعار رمزية
ظ¢- مثل ما قالو الاخوان التصميم مهم جدا للحديقة ولا تنسا الجلسة
ظ£- مصادر الزراعة عندك السوق المركزي وعندك مشتل ضخم جدا مع مدخل الخور
بعدة ظ£ظ*ظ* متر تشوف مشتل كبير جدا فية كل ما يخطر على بالك
وما لا يخطر على بالك
ظ¤- عليك بزراعة الثمار والورد
ظ¥- عليك بالاشجار الكبيرة خارج المنزل وهي تمنع عنك الغبار والأتربة وساترة للبيت
ظ¦- يوجد مكائن ممتازة لتحديد وقت الزراعة والري
وبالتوفيق يارب

[إعلامي قطر]

حق قطر يصلح أَكثر شيء السدر والقرط بأَنواعه والنخل ولو تنوع أَحلى .. ولا تنسى فكرة عمل مثل التلة متدرجة وعليها شجر وعشب بتكون أَحلى .. وبالنسبة للبايبات لتزرع حولها واحفر تحت حول مترين شيل الحجارة الكبيرة وحط دفان جزء بسيط مغربل من الموقع مخلوط بشوية طين تحت وفوقه سماد ورمل بعدين وادفن على طبقات آخرها قد ما تقدر رمل يشرب الماي بسرعة حتى ما تنشفه الشمس وتحته بشوي طين خالص حتى يمسك الماي فترة وتشربه عروق الشجر والعشب ينمو بسهولة في الرمل وفي الطين توقف عروقه .. يعني 30 سم رمل وبعدها 20 سم طين وبعدين سماد وبعدين طين مخلوط بتربة الأَرض المغربلة ولو فيه سماد بعد زين والطبقة التحتية كلش قد ما تقدر طين 50 سم أَو أَكثر حتى تمسك الماي وما يتسرب تحت وتستفيد منه النباتات .. والأَطراف ركب طابوق أَو حجر لو تحب ووراه وقدامه بلاستيك سميك ومدفون حوله حتى يمنع جذور الشجر من الوصول للأَساسات وللبيايبات.

أخوي معماري يعني لو واحد عنده العمق أربعين سم مثلاً
وناوي يزرع حشيش هل يخلي الأساس ثلاثين سم طين
وفوق الطين يحط عشره سم رمل بلاستر وقبل مايزرع
الحشيش بفتره بسيطه يحط مثلاً بوتمس داخلي
على الرمل وبهذي الطريقه يكون الحشيش أوكي
ويكون أيضاً ضمن بقاء الماء لأطول فتره ممكنه
عشان تنتفع منه الجذور؟

كم عمق جذور الحشيش هل لازم تكون
الحسبه دقيقه لهذي الدرجه ولا وشو تنصح؟

ومشكور بكل الحالات ياشيخ المنتدى..

..

[معماري قطري]

أخوي معماري يعني لو واحد عنده العمق أربعين سم مثلاً
وناوي يزرع حشيش هل يخلي الأساس ثلاثين سم طين
وفوق الطين يحط عشره سم رمل بلاستر وقبل مايزرع
الحشيش بفتره بسيطه يحط مثلاً بوتمس داخلي
على الرمل وبهذي الطريقه يكون الحشيش أوكي
ويكون أيضاً ضمن بقاء الماء لأطول فتره ممكنه
عشان تنتفع منه الجذور؟

كم عمق جذور الحشيش هل لازم تكون
الحسبه دقيقه لهذي الدرجه ولا وشو تنصح؟

ومشكور بكل الحالات ياشيخ المنتدى..

..

هلا فيك إِخوي اعلامي

من خلال تجربة زراعة ملعب وكان مشتغل فيه مهندس طرق .. مسكين بعقلية الدك حط طين ودك الأَرضية وما طلع العشب وبقت بقع خالية.

للبيوت والحدائق يختلف الوضع واللي ذكرته كمثال المهم منه إِن الطين متراصصة حباته وبصعوبة يمر من خلالها الماي .. لذلك فهو يحفظ الماي ويفترض يكون تحت .. وبالنسبة للعمق ممكن يقل أَو يزيد .. للعشب نحتاج عمق بسيط والعشب يحتاج رش يومي للماء وفي الحر حتى مرتين والماي لازم كمية بسيطة .. بالنسبة للطبقة الفوقية فيه تربة خاصة بعد تنحط بعمق بسيط وتنباع في المشاتل.

الطين غالي وصعب تحصله خصوصاً لمساحات كبيرة ولازم ينخلط برمل لكن حاول قد ما تقدر لأَي زراعة تخلي الطبقة الأُولى تحت كلش طين حتى لو 10 سم لأَن الطبقة ذي تحفظ الماي .. قريت بالنسبة لمحسنات التربة أَفضل شيء بعض بقايا الخضروات وقشور البيض .. المعلومة غريبة بس قريتها في كتاب مختص من زمان واذكرها .. بعد المعلومات ذي بسهولة يأَكدونها لك وأَكيد عندهم تفاصيل اضافية الجهات الخاصة في البيئة أَو البلدية.

بالتوفيق لك إِن شاء الله ولا تهمل الاهتمام بعزل الحفرة من الجوانب حتى جذور الشجر ما تدخل في الأَساسات أَو المنهولات وتخربها .. عجبتني بيوت الكويت الله يحفظها لأَهلها .. مركزين على تنظيم الفضاءات الخارجية بحيث تكون من الشارع لحوش البيت متصلة وبأَقل حائط خارجي .. البعض حاط سور بسيط والبعض حديد .. والسيارات متوفرة لها مواقف خارجية مظللة والشارع حول البيت مرتب .. عندنا تحصل الشارع أَصلاً ضيق وحوله مترين تراب ودرامات تكرمون زبالة مرمية بطريقة عشوائية .. والسيارات واقفة على بعض الأَرصفة المكسرة أَو التراب .. والمفروض يكون فيه ترتيب لكل منطقة صح وما يكون التركيز على إِزالة كبائن خارجية خادمة الناس أَو طبيلات تظلل سيارات سكان المنزل .. المفروض لها قوانين ولازم ما تشوه المنظر بس يركزون على بقايا الطريق وبعض المناطق الواجب الطريق من حائط لحائط قار ومخطط بحيث تكون فيه مواقف .. واللي محتاج يظللها ما يمنعونه وبشروط ولا تكون الشروط استخدام النوع القماشي فقط .. غالي ويهتريء بسرعة ويجمع الغبار وينزل على شكل صلصال وقت المطر .. الأَفضل ترك الاختيار للمالك بحيث تكون بعمود قريب من الحائط أَو بتركيب من أَعلى الحائط ومعلقه بدون عمود .. وتحديد ممرات مخططة للمشاة في الشوارع الشبه رئيسية وتحديد مواقع لتوانكي المهملات بطريقة مرتبة وحضارية وحتى ممكن بنوعيات لإِعادة التدوير.

سامحوني طلعت شوي عن الموضوع بس لأَنه متصل.

[معماري قطري]

هذا مقطع لترتيب التربة ويذكر فيه إِن من الضروري تكون التربة مفككة لكن في نفس الوقت بها قليل من الصلابة بحث لا تغوص فيها أَقدامنا ل 4 انشات ( تساوي تقريباً 10 سم )


https://www.youtube.com/watch?v=31yXxpZFdL4

[معماري قطري]

هذي خطوات لازم تنعمل وهي تعتبر خطوط عريضة تعطينا فكرة وممكن نعدل عليها حسب ما نشوف .. هذي الخطوة رقم 5 وقبلها خطوات ممكن تتبعها في اليوتيوب.


https://www.youtube.com/watch?v=oz8_AuuhfvA

[باظلوف]

مركز قطر خضراء يصممون لك حديقة بالمجان
وتاخذ الشتلات من مشتل البلدية باسعار رمزية
وتستوي عندك احلى حديقة

بعد إذن صاحب الموضوع، كيف يمكنني التواصل مع مركز قطر خضراء؟

[معماري قطري]

بعد إذن صاحب الموضوع، كيف يمكنني التواصل مع مركز قطر خضراء؟

عندي رقم بركات الصعيدي يشتغل معاهم من وقت لوقت وهو رجال مبروك من أَهل المغفور له بإِذن الله محمد متولي الشعراوي الإِمام المعروف ببرامجه الدينية .. بس بركات يشتغل الصباح في الحكومة وطول وقته مشغول وما شاء الله خبرة في الزراعة الله يعطيه الصحة