مساعدة من ذوي خلفية

[مدققة جامعية]

سلام عليكم ورحمة الله

حبيت استفسر عن شغلة وحدة تخص معاملات التوظيف في شركة قطر غاز و ياريت الي عنده خلفية ما يبخل علينا

اختي مسوية مقابلة مع قطر غاز (الموارد البشرية) من اسبوعيين وهي خريجة جامعة و قالوا لها ان في بعد مقابلة ثانية مع الادارة الي راح تكون وياهم
بس للحين ما تعرف اذا بيقبلونها ولا لا ؟؟ بس حبينا نعرف اذا حد عنده علم في العادة كم ياخذون وقت حق المقابلة الثانية (الفنية).

وعلما ان خبروها ان راح يدخلونها في برنامج تطوير الفردي (idp) بس ما حددو لها وقت.

ياريت الي يعرف يعطينا خلفية عن هالموضوع

[Al-Kuwari]

يعتمد على تواجد مدير الادارة ,

ممكن يكون في اجازة حالياً

ومرات قسم الموارد البشرية يبعث اكثر من سي في للمدير وهو يختار البعض ويرفض البعض

والله اعلم

نصيحتي انها تتصل عليهم وتستفسر ..

[مدققة جامعية]

تسلم يا al-Kuwari على مرورك الطيب
بس ان شاء الله ما يتأخرون عليها بخليها تراجهعم بعد اسبوع اذا ما ردو عليها

انتظر بعد ردود

[دايموند]

يعني بحدود اسبوعين او 3
وخل تراجعهم افضل

[الســيل]

السلام عليكم ورحمة الله وبركاته

دام قالو لها بندخلج علي نظام ال idp مقبولة ان شاءالله (برنامج التطوير الذاتي )

طبعا هالبرنامج ماتدخله الا تكون موظفه في الشركة وعلي درجة السنير

طبعا البرنامج مدته يعتمد علي حسب مجال عملها اذا كانت قسم الهندسة البرنامج اقل شي مدته خمس سنوات لين توصل علي الدرجة السادسه

واذا كان الاقسام الاخري يعتمد علي الشخص متي ممكن يقدر يلم بادارة عمله

والله يوفقها

[مدققة جامعية]

تسلمون على المرور الطيب
يعطيكم العافية

[مدققة جامعية]

تسلم ( السيل ) على المرور
حبيت اعرف ان في العادة يتأخرون في الرد ؟
ولا هشىء طبيعي في اغلب الاماكن

[Al-Kuwari]

اذا يسمحلي اخوي السيل بالرد

عادة بين المقابلة والثانية فتره لا تزيد عن اسبوعين

لكن مرات يكون مدير الادارة باجازة وتتأخر المقابلة

الافضل الاتصال , وعادي مافيها شي , بالعكس هالشي يبين انها حريصه انها تشتغل في قطر غاز ويعطي صورة ايجابية عنها

[الســيل]

اذا يسمحلي اخوي السيل بالرد

عادة بين المقابلة والثانية فتره لا تزيد عن اسبوعين

لكن مرات يكون مدير الادارة باجازة وتتأخر المقابلة

الافضل الاتصال , وعادي مافيها شي , بالعكس هالشي يبين انها حريصه انها تشتغل في قطر غاز ويعطي صورة ايجابية عنها

مع أخوي الكواري

[مدققة جامعية]

تسلمون على الرد
شكلهم مطولين لان استفسرت وقالوا لها بنرد عليج
الله يوفقها ويوفق الجميع