واخيرااااا تم حل مشكلة شارع 22 فبراير ...

[alkhaleje]

بصراحة فرحت جدا بالعبقري الذي وصل لحل مشكلة شارع 22فبراير الذي ازعج قطر وعلمت بمشكلته كل الشعوب المجاورة
حتى ان بعض الضيوف يطلبون منا ، ان نذهب بهم لشارع 22 فبراير بقولهم " بس نبي نشوفه " :rolleyes2:
طبعا هم مايدرون انك طالما دخلت قطر " غصبن من ورا خشمك " بتمر على هالشارع

عموما عودة لموضوع الخبر والشكر .. فقط اكتشف اخيرا احد المحللين العباقرة أن الحل ياسادة هو ... على فكرة قبل ما اذكر لكم الحل
:
:
:
يقول لي واحد من المقربين ، انه ضمن المساعي لحل مشكلة 22 فبراير ، استضافوا احد اهم المهندسين العالميين
واكرموه بشكل كبير جدا منذ لحظة وصولة للطائرة وحتى طاولة الاجتماعات
فسألوه ماهو الحل برأيك لهذا الشارع
يقول صاحبي ان الخبير ارتشف القهوة العربية وقال : منطقيا كثيرة المجمعات التجارية التي تم السماح ببــ...
وقبل ان يكمل الجملة ، خذو منه فنجال القهوة ورجعوه المطار :secret:

:
:
المهم نرجع للخبر وكلمة الشكر ، موصولة للشخص الذي فعلا وضع لنا حل عبقري لشارع 22 فبراير
والحل احبتي باختصار كان غايب عن عقول الجميع :)

وهو

خفض السرعة من 100 إلى 80 :omen2:

فعلا اتوقع بس تشتغل الرادارات الحين على الخط خلاص .. الامور طيبة
وشكرا

[MirusS]

ودي أعرف السبب الي خلاهم يتخذون هالخطوه الفاشله
شالسبب أنزين ؟
فيه شوارع مترين وسرعتها 100 :p .. أي خط سريع هذا والسرعه 80 ؟

[MAZEN37]

ترا العالم مسافره ومافي ضغط
اذا جت المدارس ابشرك بيخلص عليك البترول وانت لاهي بالمنتدغŒ عليه

[فرفوش]

هاي اخرتها هههههه

91765

[بوحارب]

هههههههههههههه خل العالم ترجع من السفر
وشوف الحشره بعدين عالخط!!!!

نسخه حق محمد عبدالرحمن ;)

[مخطط قطري]

نسخه حق الخرجي

[معماري قطري]

تذكرون الدوار المينون اللي استوت له شهرة .. في قطر لازم يتفنون ويطلعون شيء غريب .. طلع لنا مضمار دوار سباق الصناعية وغيره كثير .. ويتكلمون بالمليارات وشوارعهم بعضها كئيبة سيدين وتصميم أَي كلام.

[معماري قطري]

هاي اخرتها هههههه

91765

خاطري اشوف الصورة بس ما تطلع عندي

[محاسب]

شارع كلف ميزانية الدوله
أرقام صعبه
وأهم أهدف منه لم يتم تحقيقه .... من الملام ؟؟؟

[فرفوش]

خاطري اشوف الصورة بس ما تطلع عندي

الصوره تعبر عن حال شوراعنا في 2020 بوجود 100 رادار بشارع واحد هههه

[ya3coub]

ابشركم للأسف اشتغلت الرادارات على سرعه 80

امس مصورني بنفق العسيري ماشي تقريبا 92 :anger1: الساعه 12 فلليل و الشارع فاضيي سرعه 80 صعبه لا شعوريا الواحد يمشي تحت ال100 و فوق الــ90

[بوحارب]

ابشركم للأسف اشتغلت الرادارات على سرعه 80

امس مصورني بنفق العسيري ماشي تقريبا 92 :anger1: الساعه 12 فلليل و الشارع فاضيي سرعه 80 صعبه لا شعوريا الواحد يمشي تحت ال100 و فوق الــ90
اوصلت لك المخالفة؟؟؟

[الدوحه1]

هالشارع صار "حقل للتجارب"!!!

في اوروبا وامريكا يسون يتجارب على الفيران .. وعندنا تجارب على الشوارع!!!

سبق وان جربوا على المداخل والمخارج والتجربه افشلت قاولوا خلونا نجرب "السرعه" لعل وعسى؟؟؟

التجربه الجايه بتكون "ادفع لاستخدام الشارع"؟؟؟

[حسن]

الحل بالنسبه لي وذكرته مرار رفع السرعه الى 140

رؤيتي



وبعدين نجيب مطوع حق الجني

:victory:

[المبرمج صلاح]

الحل بالنسبه لي وذكرته مرار رفع السرعه الى 140

رؤيتي



وبعدين نجيب مطوع حق الجني

:victory:

مع اغلاق بعض المخارج والمداخل اغلاق نهائي
منها المخرج و المدخل اللي قبل دوار المدماك
ومخرج و ومدخل اشارة النصر

[حسن]

مع اغلاق بعض المخارج والمداخل اغلاق نهائي
منها المخرج و المدخل اللي قبل دوار المدماك
ومخرج و ومدخل اشارة النصر

لا لا مايسير نغلق المداخل والمخارج

زيد السرعه وبس

[العقل المدمر]

قرار غبي
منطقياً وقت الزحمة السرعة بتخف
فليش يقللون سرعة الشارع اذا الواحد مابيسرع الا والشارع فاضي ؟!
هاي وي و 80 المفروض يسمونه شارع السلحفاة
المواطنين يحتاجون مهدئات لدخول الشارع عقب هالقرار

[ابن سينا]

الحل ان تستملك الدولة المناطق الي حول الشارع وتسير توسعه

[الغيور]

الحل ان تستملك الدولة المناطق الي حول الشارع وتسير توسعه

انزين اذا وسعوا شارع 22 فبراير وباقي الشوارع شنو الحل!!! بيحصل تكدس للسيارات نفس الموضوع حاصل فى اشارات رمادا من اتجاه طريق سلوى القادمون للدوحة حاليا رقعوا اشارات رمادا بس مب نافعه هالحلول لازم حلول شاملة منها بناء جسور وانفاق غير تقليدية عدة طوابق وتقليل الاشارات بدل الزياده وتقليل السيارات والتخطيط السليم للمناطق بحيث توزيع المولات والاسوق والمدارس وغيرها ...

[دااانة قطر]

الله المستعان
مع احترامي بس قرار مش مدروس صح

[ya3coub]

اوصلت لك المخالفة؟؟؟

لحد الحين لم تسجل بس بنطر ما يقارب الأسبوع للتأكد
كانت في سيارة ثانية معاي بس لما صور الرادار شفت سرعتي فوق الــ90 تقريبا 93 كيلو بالساعه و الأكيد سرعته لم تكن اعلى مني بكثير حيث اننا مرينا عليه بنفس السرعه تقريبا مع التخفيف

[باحث علم]

قرار عبقري صراحة هههههههههه
السالفة واضحة الرادار ماكان يقدر يصيد حد فوق 100 قالوا خلونا نخلي السرعة 80
اتوقع 2016 بيخلون السرعة 60
وباذن الله لين نوصل 2022 يكون الشارع بالريوس

[khaldoon]

يا جماعه يا جماعه الحل مش بتخفيف السرعه ابدا ابدا..... تدرون ايش الحل لهذا الشارع من منطقة المطار الى اخر الشمال ...













انه لازم يسوونه كله مطبات

[Darco]

قرار عبقري صراحة هههههههههه
السالفة واضحة الرادار ماكان يقدر يصيد حد فوق 100 قالوا خلونا نخلي السرعة 80
اتوقع 2016 بيخلون السرعة 60
وباذن الله لين نوصل 2022 يكون الشارع بالريوس

هههههههههه ..

من أول ما فتح الشارع وغالبية الناس , اللي هم ناس عاديين مهب مهندسين , قالوا أن أيسر حل انشاء شارع موازي أوسع (مثلا شارع سريع يمر على الوعب ويروح شمال) بحيث تتوزع الزحمة بين الشارعين .. هالكلام من 6 سنين وكان الحل واضح ولين اليوم ما حصل أي شيء من هذا , بل على العكس خلصوا طريق سلوى مع فتح إشارات ضوئية عند تقاطع فالح بن ناصر (قطر للديكور) بمعنى أنهم مهب في مخططاتهم هذي الفكرة نهائياً!

سيارات أبطأ تمشي أقل من 80 معناتها عدد سيارات أكثر في الشارع في أي وقت, معناها زحمة أكثر, معناها ضغط على المخارج أكثر, معناها اختناقات مرورية أكثر وربما حوادث أكثر .. ما يبيلها خبير ولا عبقري ..

[بوحمد1]

الحل ان تستملك الدولة المناطق الي حول الشارع وتسير توسعه

بالضبط شارع مهم وحيوي مثل هالشارع لازم يكون اكبر يعني الضعف مره ويكون نظام انفاق واشارات يعني لا مخارج ولا مداخل الا الانفاق بس والسرعه مالها خص في الموضوع

[مبرمج QA]

قرار عبقري صراحة هههههههههه
السالفة واضحة الرادار ماكان يقدر يصيد حد فوق 100 قالوا خلونا نخلي السرعة 80
اتوقع 2016 بيخلون السرعة 60
وباذن الله لين نوصل 2022 يكون الشارع بالريوس

بالضبط :nice:

[غريب الدّار]

في شغلة مب قادر افهمها يالربع :

الحين افرضوا خلوا سرعة الشارع 280 كيلو في الثانية

هل تقدرون توصلون هالسرعة ؟

انا بصراحة لما كان الشارع 100 كنت كل دقيقة او دقيقتين تقريبا ادوس بريك !!

مب قادر اوصلها وان وصلتها لازم اتم ادوس بريكات من الزحمة

وهالكلام اللي أقوله تقريبا ينطبق في كل وقت على هالشارع ماعدا قبل الفجر يمكن او نص الليل

[بو خليفه 123]

أنا بس بسألكم سؤال

لنفترض ان السرعه تمت على 100 . من منكم الصبح او بعد صلاة المغرب قدر يوصل هالسرعه على خط 22 فبراير ؟


اقتراحي هو تعيين مقهويين على 22 فبراير يقهوون السيارات الواقفه

[مختلفة عقليا]

السلام عليكم .,

اول مره ادش موضوع من العنوان لين اخر رد كله ضحك ., ههههههه

والله العالم من الصدمه مو قادرين يستوعبون ما الومكم .,

يعني ما اقول الا حسبنا الله ونعم الوكيل .,

ويسلموو

[عس عس]

قرار عبقري صراحة هههههههههه
السالفة واضحة الرادار ماكان يقدر يصيد حد فوق 100 قالوا خلونا نخلي السرعة 80
اتوقع 2016 بيخلون السرعة 60
وباذن الله لين نوصل 2022 يكون الشارع بالريوس

هههههههههههههه :tease:
الله المستعان