خريجة وأبي رايكم !*

[الوفا]

السلام عليكم ورحمة الله وبركاته ..

أخواني وخواتي انا ولله الحمد خريجة هالفصل من كلية الهندسة بجامعة قطر :victory: وتخصصي : علوم حاسب .. معدلي تقريباً 3.5

ياريت اتفيدوني باجراءات التقديم على الوظائف لانه فعلاً ضايعه ووين المكان الانسب . . هل فعلا التقديم الالكتروني يؤخذ في الاعتبار ولا لازم شخصياً اروح للشركات والوزارات ؟؟؟؟

اللي اسمعه من البنات انه التوظيف صعب ومحدود ..الا اني اتمنى القى المكان الانسب واستفيد من اراءكم وتجاربكم ..


ولكم جزيل الشكر :)

[QtrGate]

http://www.teachforqatar.org/ar/fellowship-experience

[Red point]

في البداية الف مبروك وتستاهلين التخرج ومنها للاعلى
بالنسبة للوظايف ان شاء الله متوفرة وتخصصج مطلوب في عدة قطاعات راح اقترح عليج بعض الاماكن

1- القطرية تقدرين اتقدمين اون لاين من موقعهم
2- المجلس الاعلى للاتصالات
3- اتقديمن في المجلس الاعلى للتعليم يبون مدرسات ورواتبهم زينه المدرسين ما شاء الله
4- كيوتل
5- قطر للبترول
وروحي بعد وزارة العمل وجوفي شنو عندهم من وظايف

[الوفا]

صراحة ما اشوف لي ميول للتدريس :secret:

شكراً ....

[الوفا]

@Red point
الله يبارك فيك ، ومشكور/ة .

راح ابدا تقديم اون لاين ، والله يسهّل .. :)

[مدققة جامعية]

بنسبة للوظائف اغلبها متوفرة و التخصص مطلوب بس في اشياء الخريج لازم يعمل له حساب مثل يكون عنده ساعات تطوع او اشتغل من قبل كتدريب انترنشب او شىء يبين ان هو اكتف بيرسون موب بس تركيزه على دراسه وخلاص ...

اذا كنتي قطرية اغلب الاماكن تفتح ابوابها بس يبيله تراكضين وراهم لين توظفين
اما اذا ما كنتي قطرية انصحج تدخلين اي مكان حتى لو كان من باب التطوع بس عشان طورين نفسج وتبينين حق الوظائف المستقبلية انج نشيطة ...

الله يوفقج وييسر لج ادري ان جامعة قطر مهلكة لطاقة الطالب لاني من خريجها
بس الحمد لله هانت و عدينا على خير

موفقة

[Al Basha]

http://www.teachforqatar.org/ar/fellowship-experience

للأسف يقبلون طلاب الحاسب ولكن راح يطلبون منك تدرس رياضيات أو إنجليزي،

[الوفا]

@مدققه جامعية

بالنسبة حق التطوع اي الحمدلله وايد كانت لي تجارب من ايام الثانويه وطول فترة دراستي بالجامعة شاركت بوايد انشطه وفعاليات ، وخذت انترن شب في شبكة الجزيره الاعلامية.
راح ارفق الشهادات مع الطلب ،

وياج يارب مشكورة جزاج الله خير :)

[العربية نت]

تخصص ممتاز لكن قد تنصدمين بكثرة الاحانب الي مسيطرين على هالتخصص حتى في الوزارات

[ya3coub]

للأسف توني اشوف الموضوع

بالمدينة التعليمية كان في معرض مهني يوم الأحد و الأثنين تاريخ 1-2/2/2015

و قريبا في بجامعه قطر و اذا انك قطرية ان شاء الله أغلب الجهات بتكلمك و على اساسها تختارين.

احنا بهالمعرض ان شاء الله تم نوعا ما قبول توظيف شاب قطري خريج اي تي من جامعه قطر.

و دام عندك بالتطوع أكيد ابواب كثيرة راح تنفتح ان شاء الله حتى لو ما كنتي قطرية, الحمد الله الدولة الحين قامت تقدر الامكانيات و مواهب المتقدمين للعمل و ينظرون للصورة الكبيرة و ليست فقط شهادة و بس.

و ان شاء الله برسلك ايميل اذا لك خاطر بقطاع الإنشائات و البناء ولكن للقطرين فقط

[ya3coub]

بعد التحري ان شاء الله المعرض المهني الي بيكون بجامعه قطر

فبداية شهر 3

[الوفا]

بعد التحري ان شاء الله المعرض المهني الي بيكون بجامعه قطر

فبداية شهر 3



شكراً اخوي ،
راح اقدم بالشركات خلال المعرض المهني ان شاء الله ..

:)

[ya3coub]

ايضا للي ما يقدر ينطر في ايضا معرض مهني تستضيفه مؤسسة حمد الطبية

و بيكون يوم الثلثاء للطالبات فقط و ذويهم (اتوقع طالبات التمريض او الي بالمعهد الطبي لمؤسسة حمد) و الأربعاء و الخميس للجميع


يتشرف برنامج الإستقطاب للمهن الصحية و برنامج التطوع بمؤسسة حمد الطبية بدعوتكم
للحضور و المشاركة في فعاليات معرض المستقبل المهني 2015 و ذلك بنادي الضيافة بمدينة حمد
بن خليفة الطبية بجانب المجلس الأعلى للصحة
من الساعة 8 صباحاً و حتى 2 بعد الظهر
يوم الثلاثاء الموافق 2015 / 02 / 17 مخصص للطالبات و ذويهم فقط
يوم الإربعاء و الخميس يوم مفتوح للجميع

و بالتوفيق لكل من يبحث عن عمل

[حـ ن ـيـ ن]

ألف مبروووووك ي الوفا التخرج......

انصحك بالسلك التعليمي (المدارس ) خصوصا إنك تخصص حاسب دروسكم خفيفة وسهلة والراتب قوي ...

بالتوفيق

[خليفـة]

الف مبروك وبالتوفيق ان شاء الله
معدل طيب ماشاء الله