اجراءات سفر خدامة

[العربية نت]

السلام عليكم ورحمة الله وبركاته،،،
عندي خدامة اندونيسية وخلص عقدها وتبغي تسافر وممكن ترجع بس سمعت ان سفارة
اندونيسيا مسوية اجراءات نفس الفلبين مثل عقد وتأمين حياه ويكون مصدق من السفاره علشان ترجع من مطار جاكرتا الي صار معه نفس هالموضوع نتمنى يفيدنا:shy: اش الاجراءات بالضبط

[العربية نت]

للرفع:(

[ya3coub]

أخوي بلا خساير سفرها و اذا تبي ترجع عندها معلوماتكم و ارقامكم

و تقدرون ترجعونها و تاخذون لها تذكرة, ياما صارت مع ناس نعرفهم يقولون يبون يرجعون و بس روحه و مخاسير و تذاكر روحة و رجعه بالنهاية عالفاضي

[العربية نت]

اخوي يعقوب مشكور على المشاركة بس اذا انتهت سنتين يقولون لك اذا مافيه عقد مايخلونها
تطلع من مطار جاكرتا هذه اجراءات جديده من السفارة حسب ما سمعت يتشرطون الله كريم
وبالنسبة للتكاليف هالطريقه ارخص من استقدام وحده جديده ب16000qr بلشه هالخدم ههه
حياك الله الشيخ

[R 7 A L]

فيه مكاتب يطلعون لك عقد عمل يحتاجون الي كل بياناتها

وين المكتاب ؟
شخصياً ماعرف بس سمعت


مر أقرب مكتب خدم ويوضح لك كل الامور


مو و و و فق

[العربية نت]

هلا اخوي رحال نشكر مشاركتك ما تفضلت به صحيح بعض المكاتب تقوم بهالمهممه ولكن بعضهم ينصب
ويطلب700qr فقلت يمكن احد الاخوه هنا له تجربه يفيد بها الجميع الي عندهم خدم من اندونيسيا
وحياك الله الشيخ

[(عبدالله)]

خدامتنا اشتغلت عندنا 5 سنين ونوت ترجع بعد ما تاخذ اجازة شهر

اللي صار معاي


1- سويت عقد من 3 نسخ بحيث ينكتب الراتب الشهري 1500 ريال (على طلب السفارة)- بس ودياً هذا كلام اوراق ومتفقين على راتب اقل من جذي.
2-أجيب تأمين خدم من أي شركة تأمين (ما اذكر كم اتوقع اقل من 200 ريال).
3-تصديق إدارة العمل (60 ريال).
4-حضور الخادمة شخصياً إلى السفارة وقت تقديم الطلب + صورتين + رسوم 20 او 30 ريال وصلاحية الجواز الجديد 3 سنوات.
5- استلام الجواز الجديد + عقد العمل مصدق (بيعطونك نسختين ويخلون نسخة وحدة عندهم)- مب نفس يوم تقديم الطلب طبعاً :) .

على كلامهم إن في حالة مغادرة الخدامة لأي مطار في اندونيسيا لازم يكون عندها إقامة + جواز السفر صالح المدة+ عقد مصدق من السفارة الاندونيسية وإدارة العمل.

لكن

يا كلام السفارة غير دقيق (أو) المطارات في اندونيسيا ما عندهم علم إن عقد السفارة المصدق كفاية

عموماً

الخدامة عملت احتياطها وراحت وحدة من مكاتب العمل في منطقتها في اندونيسيا وسوت (بطاقة عمل) كلفتها ما يعادل 550ريال قطري، وتقول لي لازم تسويها عشان يسمحون لها تطلع من اندونيسيا للعمل في قطر.


باختصار.. عملنا كل الاحتياطات (جواز سفر جديد + عقد مصدق من السفارة وإدارة العمل من قطر + إقامة سارية+ بطاقة عمل من مكتب في اندونيسيا)

والخدامة هاذي هي موجودة معانا :)

[ya3coub]

الله يعطيك الف عافية أخوي عبد الله افدتنا جميعا

[العربية نت]

اخ عبد الله مشكور يالطيب على المشاركة الوافية والواضحة جداً صراحه فيلم هندي هههه:) وزين انها رجعت لكم فالي تعرفه احسن من الي ما تعرفه خاصة في موضوع هالخدم وبلشتهم
من وين جبت العقد هل من مكتب عمل او من وين تقريباً ما تفضلت به وحسب ما عرفت انه يجب عمله حرفياً وغصباً علينا مهو بطيب يتشرطون مثل الفلبين واستغرب من دولة تسمي نفسها انها مسلمه بعمل تأمين على الحياة :eek5:
طبعاً جواز الخدامة للحين باقي فيه 3 سنوات لم ينتهي صراحة انا افكر اسوي تجديد لاقامتها وباقي الاجراءات هي تسويها في اندونيسيا عاد اسمحو لها زين ما اسمحو قلعتها خخخخخ
حياك الله الشيخ :nice:

[(عبدالله)]

الله يعافيكم وانا حاظر لأي خدمة.. المنتدى هذا وأعضاءه أفادوني ويفيدوني فواجب علي أفيد باللي أقدر عليه والأجر من ربكم

العقد ممكن تسوونه في أي مكتب خدمات.. يمكن العقد ب40-50 ريال.. عبارة عن فورمةMicerosoft Word تحتوي على صيغة عقد عمل حسب قانون العمل في قطر.. جاهزة ويعبي البيانات ما تاخذ 5 دقايق بالكثير ويطبعها

أنا سويته قبل 5 سنين من مكتب وخذ علي 28 ريال (بلفيت انه تكلف وطبع كل صفحة كاملة بروحها)..

فسويت نفس محتوى الفورمة على وورد واحتفظت بالنسخة على كمبيوتري للمستقبل .. وبالفعل استخدمته 3 مرات.. وكذا واحد استفاد منه بعد..

ان بغيته ولا يهمك ارسل لي ايميلك وفالك السعد

[العربية نت]

بو عبدالله الشيخ مشكور على مداخلاتك الكريمه بالموضوع والتوضيح والشرح الوافي ماقصرت طال عمرك تحياتي*
لك يالغالي :nice:

[ولد العلي]

الله يعافيكم وانا حاظر لأي خدمة.. المنتدى هذا وأعضاءه أفادوني ويفيدوني فواجب علي أفيد باللي أقدر عليه والأجر من ربكم

العقد ممكن تسوونه في أي مكتب خدمات.. يمكن العقد ب40-50 ريال.. عبارة عن فورمةMicerosoft Word تحتوي على صيغة عقد عمل حسب قانون العمل في قطر.. جاهزة ويعبي البيانات ما تاخذ 5 دقايق بالكثير ويطبعها

أنا سويته قبل 5 سنين من مكتب وخذ علي 28 ريال (بلفيت انه تكلف وطبع كل صفحة كاملة بروحها)..

فسويت نفس محتوى الفورمة على وورد واحتفظت بالنسخة على كمبيوتري للمستقبل .. وبالفعل استخدمته 3 مرات.. وكذا واحد استفاد منه بعد..

ان بغيته ولا يهمك ارسل لي ايميلك وفالك السعد

جزاك الله خيرا