ابي اساهم!؟ [الأرشيف] - منتديات شبكة الأسهم القطرية

مشاهدة النسخة كاملة : ابي اساهم!؟

مساهم عادي

22-05-2005, 11:51 AM

السلام عليكم جميعا..

هذا اول موضوع لي في المنتدى ...

باختصار انا طالب في الجامعة وباتخرج بعد شهر باذن الله ... طبعا باقدم على شغل .. ولين احصل لي مكان مادري كم لازم انتظر .. فقلت دام اني باكون فاضي طول الصيف ليش مادخل البورصة..

انا تراني غشيم في سالفة الشراء والبيع عندي اسهم باسمي ولا عندي ادني فكره عن طريقة البيع والشراء في البورصة ..

عندي اسهم اكتتاب في شركات كثيرة .. بعضها اكثر من عشر سنوات... الوالد الله يحفظه كل ماتنزل شركة كان يشتري باسمي.. طبعا لا انا ولا الوالد نعرف شلون نبيع ونشتري .. اللهم بس نستلم شيكات الأرباح اخر السنة ونحطها في الحساب..اما بيع ومشترى ماندري شالطبخة .. الاسهم ارتفعت الاسهم انزلت ولا علينا...

المهم دام اني فاضي طول الصيف ويمكن اكثر .. قلت ليش ماجرب في سوق الأسهم.. عندي 50 الف ابي اشتري وابيع فيها .. لكن مثل ماقلت ماعرف الطريقة..

فممكن اي حد فيكم يدلني وينورني عن طريقة البيع والشراء .. واذا في مواضيع سابقة ممكن حد يدلني عليها ..

شاكرا لكم مقدما والسلام عليكم

البرنس

22-05-2005, 12:01 PM

مساهم عادي

22-05-2005, 12:10 PM

ياهلا وغلا باخوي البرنس ...

انت اول واحد رد علي او بمعنى آخر انت اول زميل لي في هذا المنتدى

وانا فعلا عندي رغبة في البيع والشراء .. انا عندي 50 الف يعني هاي راس مالي اللي ابي ادخل فيه ... قول لمدة سنة اذا كان لي عمر... وباشوف هالخمسين كم بتسوتي بعد هالسنة..اكيد ما بتصير صفر ... حتى لو خسرت يعني الخسارة مقدرو عليها وفي المقابل باكتسب خبرة ...

بالنسبة للإصول ... اشتقصد بالأصول !

المزااجي

22-05-2005, 12:12 PM

ركز على دراستك احسن لك و تمتع بشبابك و لاحق على وجع الراس ، ولكل زمان دولة و رجال .. و اذا نويت على السوق ، الله الله بالأصول و الأصول ثم الأصول .. و اعرف شيئ واحد ، السوق ادمان و العن من المخدرات .. بالتوفيق انشالله ..

http://arabnokia.net/images/smilies/p015.gif http://arabnokia.net/images/smilies/p015.gif http://arabnokia.net/images/smilies/p015.gif http://arabnokia.net/images/smilies/p015.gif

مساهم عادي

22-05-2005, 12:19 PM

ياهلا بك المزاجي ...........

:shy: حسيت باحبطاط من ردودكم....انا اسمع عن البورصة كلام زين ..وكان لي زملاء في الجامعة ادخلوا السوق وهم طلاب .. لدرجة انه احدهم تاخر سنة كاملة عن التخرج والسبب انشغاله بالبورصة وكان يتكلم لي عن ارباحها المغرية ...لكني فضلت اني انتظر الين اتخرج حتى لاتتاثر دراستي وهذا اللي صار....

انا ابي ادخل البورصة من جديد .. والاسهم اللي باسمي ايام الاكتتاب مب ناوي ابيعها لو شي يصير...

ابي اشتري اسهم جديدة ابيع واشتري فيها ... واجرب حظي ...

اشرايكم!

البرنس

22-05-2005, 12:28 PM

ابي اشتري اسهم جديدة ابيع واشتري فيها ... واجرب حظي ... شوف اخوي مساهم عادي ، من اول اصول الأستثمار و المضاربة في السوق هي متابعة السوق قبل الدخول لفترة كافية انها تخليك تكشف بعض من الاعيبة المعروفة .. و السوق مفتوح لك و لي و لكل الناس من قديم الأزل والى يوم الدين .. معنى كلامي لا تستعجل و الركادة و اذا تبي تستثمر ال 50,000 الي عندك ، اشتر فيهم اسهم في اي شركة من الي مستقبلهم واعد و انساهم لين يرتفعون 100% على الأقل و في الفترة هذي تابع السوق من غير ما تشارك لين تفهم القواعد الأساسية له .. والله يوفقك ..

مساهم عادي

22-05-2005, 12:33 PM

البرنس ..

انزين شنو الشركات الواعدة ... او شنو القطاعات الواعدة ... الخدمات ولا الصناعة ...

المراقب

22-05-2005, 02:31 PM

انصحك أولا بمراقبة السوق لفترة وتقرأ المداخلات في المنتدى لكي تكون لك فكرة، ولا تستعجل. بالنسبة للشركات هناك شركات قيادية وقوية جدا، مثل صناعات والدولي والمصرف.

وإذا كنت مصمم على دخول السوق، فادخل كمستثمر لفترة 6 أشهر أو سنة أو أكثر.
فلديك بعض الشركات الممتازة مثل التحويلية وسعرها بين 50 - 60 حاليا، والإجارة والعقارية.

ونصيحتي لك بمتابعة السوق للتتعلم ولا تستعجل.

وبالتوفيق

ابوعلي اليافعي

22-05-2005, 02:53 PM

اخوي مساهم عادي اتمنى ان لاتبداء بدخول البورصه والاستثمار فيها قبل التخرج..وانا سعيد بطموحك وتفكيرك العملي..

وقد فهمت من كلامك انك تريد المضاربه فالبورصه وليس الاستثمار والفرق هو ان المضارب يجب عليه التواجد امام شاشة العرض واقتناص فرص الشراء والبيع والانتقال سريعا ين شركه واخرى بعد تحقيق ربح معقول.. المهم

اهم نقطه يجب ان تبحث عن شخص قريب او صديق ذو خبره وحاول ان تتعلم منه اصول البيع والشراء وكيفية المضاربه وان تتواجد معه وتلاحظ كيفية تعامله مع الاسهم واوقات البيع والشراء..

ثم يجب ان تستزيد من المعلومات المتوفره في قسم الدروس في المنتدى ففيها معلومات مهمه ومن خلال تواجدك فالاقسام المختلفه في المنتدى ..

ولا تتوقع انك ستربح من اول مره فتوقع الخساره قبل الربح ويجب ان تتعلم من خسارتك كيف تحقق البرح فالمرات القادمه..

ولاتنسى التوكل على الله وان تضع في بالك ان الارزاق بيد الله وماعليك سو الجد والاجتهاد وتتوكل على الله بعد ذالك..

ولاتنسى من بداية مشوارك الابتعاد عن الشركات المحرم التعامل بها حتى يبقى مالك طاهر نظيف..

هذا مع تمنياتي لك بالتوفيق والنجاح..