جلسة تداول الخميس 2015-2-5

[mustang14]

81.5 الدولي

[mustang14]

اسف اضرب واشرد (اكتب من الموبايل)

[غريب الدّار]

السلا عليكم

واللي ضايع مو عارف شي ... !؟ وش تنصحونه يشتري اي سهم ؟؟؟

ردو علي بارك الله فيكم

وعليكم السلام

شوف اخوي

المحللين يقولون ان سهم مخازن اوكي
سهم فودافون اوكي

ازدان يقولون راح يواصل ارتفاع حتى لو صار عليه جني أرباح


والله يوفقك
القرار لك

[مشروع هاموور]

تقريبا ثلث سيولة السوق في ازدان

[ali.5]

السلام عليكم و رحمة الله وبركاته ... شباب شنو رايكم فى سهم قطر و عمان اعلانه يوم الاحد ابى رايكم ضرورى

[ام الحنايا65]

السلام عليكم
اخوى اضرب واشرد محتاره وين اشتري فودا ولا ازدان

[amhdoha]

كل السيولة في فودافون ربنا يرزقنا إنشاءالله

[شكلين مابحكي]

طلب جامبو في السينما :tease:
265 سهم

[atiq]

81.5 الدولي

:eek5:

وين

[H H]

فودافون يستعد للدعسه الثانيه , ان شالله ماتكون مضروبه مثل الاولى

[مشروع هاموور]

السلام عليكم و رحمة الله وبركاته ... شباب شنو رايكم فى سهم قطر و عمان اعلانه يوم الاحد ابى رايكم ضرورى

عن نفسي لو ماكنت في اعمال كنت بشتريه وانتظر الاعلان وانا وحظي
هالسهم متأمل فيه كثيييييييييييير في 2015
ليست دعوه للشراء ولست محلل ، هذا رأي شخصي

[NaifQatar]

:eek5:

وين


يقصد هو شاريه بهالسعر لاتتخرررررررررع ههههههههههه

[atiq]

يقصد هو شاريه بهالسعر لاتتخرررررررررع ههههههههههه

:anger1:

[ahmed saleh]

متوسط 200 يوم 12529

[ali.5]

عن نفسي لو ماكنت في اعمال كنت بشتريه وانتظر الاعلان وانا وحظي
هالسهم متأمل فيه كثيييييييييييير في 2015
ليست دعوه للشراء ولست محلل ، هذا رأي شخصي

مشكور يا هامور و عسى ربى يرزقك من اوسع ابوابه

[atiq]

روووووووووووح وحافظ عليه

[H H]

سبحان الله كل مجموعه من الاسهم ولها ايامها , وهالايام فترة فودافون وازدان واعمال
بعد ماكانت الايام الي راحت بروه والريان والدوليه , وقبلها غيرهم وغيرهم وغيرهم.

[<اضرب واشرد>]

مسيعيد لها هدف 32.1 خروج عليه شرط الثبات فوق 29.5

الحين استقرار قبل الوصول له ... 30.15 مقاومة

(لكن) في حال كسر 29.5 أقترح خروج والعودة لها عند 28.6

[NaifQatar]

:anger1:

يكفي المستثمرين مخمبقه شوي بس اتوقع ترتد وانت اكيد تعرف اكثر مني

[<اضرب واشرد>]

الله يسعدكم جميعا اخوي اضرب واشرد شريت فودا 17.20بكم ابيع

ويسعدج أختي .. 18.2 إذا وصل لها الأسبوع الجاي

[mustang14]

شباب واحد يفيدنا بالدولي

[نــهــار]

اضرب واشرد كم نبيع ازدان ؟

[مشروع هاموور]

سبحان الله كل مجموعه من الاسهم ولها ايامها , وهالايام فترة فودافون وازدان واعمال
بعد ماكانت الايام الي راحت بروه والريان والدوليه , وقبلها غيرهم وغيرهم وغيرهم.

ان شاء الله قطر وعمان تنضم للقائمة الاسبوع الجاي

[شذى الورد]

أخت شذى ممكن نعرف رؤيتك لأهداف أزدان ..مشكورة سلف
في هدف فيبوناتشي قريب ممكن يكون عندة جني أرباح وهو 19

[نــهــار]

اضرب واشرد قطر وعمان تنصح الاحتفاظ فيه وانتظار الاعلان او ابيعه اليوم

[عبد الحميد]

اخوي غريب الدار...

متابع لكم من بعيد بسبب الضغط في الدوام :)

الاغلاق فوق 12500 ايجابي جدا اليوم...

يالله يوفق الجميع يا رب...

[شذى الورد]

مبروووك 12500 :victory:

[غريب الدّار]

اخوي غريب الدار...

متابع لكم من بعيد بسبب الضغط في الدوام :)

الاغلاق فوق 12500 ايجابي جدا اليوم...

يالله يوفق الجميع يا رب...
الله يعينك

مرخوص

[<اضرب واشرد>]

السلام عليكم
اخوى اضرب واشرد محتاره وين اشتري فودا ولا ازدان

عليكم السلام أختي
وأنا مثلج محتار لأنكم متأخرين في الدخول وينكم قبل 4 أيام

أقترح فودافون على 17.2 وأقل .. وموفقة

[مشروع هاموور]

اضرب واشرد قطر وعمان تنصح الاحتفاظ فيه وانتظار الاعلان او ابيعه اليوم

من اصعب الاسئلة السؤال عن سهم قبل اجتماعه
تحديدا اذا ما كان في تسريب .
بصراحة تكون مجازفة من الشاري والبايع لان جميع الاحتمالات مطروحة وقابله للحدوث
الله يوفق الجميع

[مستثمر درويش]

[quote=<اضرب واشرد>;9954518]مسيعيد لها هدف 32.1 خروج عليه شرط الثبات فوق 29.5

الحين استقرار قبل الوصول له ... 30.15 مقاومة

(لكن) في حال كسر 29.5 أقترح خروج والعودة لها عند 28.6[/quote
اخوي اضرب وش رايك بقطر وعمان ادحل عليها اليوم

[ahmed saleh]

شباب واحد يفيدنا بالدولي

سعر شرااائك ممتاز اصبرر عليه لبعد الاعلان بيعه تاني يوم
لو وصل لسعر الشراء بتاعك اعتبره وقف خساره وبيعه
السهم انطلق وبحجم تداول عالي الانتظار افضل
بالتوفيق

[مستثمر درويش]

يا اخوي هل سهم قطر وعمان نقي

[<اضرب واشرد>]

الدولي باقي فيه كم ريال

[مستثمر درويش]

عليكم السلام أختي
وأنا مثلج محتار لأنكم متأخرين في الدخول وينكم قبل 4 أيام

أقترح فودافون على 17.2 وأقل .. وموفقة

اخوي اضرب ولاتهون رايك في قطر وعمان

[سعود80]

اخوي اضرب و اشرد تنصحني اطلع من خ.الدولية بخسارة بسيطة اليوم و ادخل فودا ؟
بليز رايك يهمني

شكراً

[eng.qatar]

طلب جامبو في السينما :tease:
265 سهم
ههههههههههههههههههههه

[ام الحنايا65]

عليكم السلام أختي
وأنا مثلج محتار لأنكم متأخرين في الدخول وينكم قبل 4 أيام

أقترح فودافون على 17.2 وأقل .. وموفقة
الله اوفقك اخوى

[مشروع هاموور]

يا اخوي هل سهم قطر وعمان نقي

مختلط اخوي
بسبب سندات القروض

[عبد الحميد]

وين ابو ريم ومضارب دوسري اليوم؟

ما شفناهم في الجلسة :)

[H H]

طلب جامبو في فودافون

[لـبـيـه]

قنبله فودافون

[سعود80]

اخوي اضرب و اشرد
بانتظار ردك و لا عليك أمر :telephone:

[eng.qatar]

في هدف فيبوناتشي قريب ممكن يكون عندة جني أرباح وهو 19

اتوقع يكون قريب من 18.40

[مستثمر درويش]

مختلط اخوي
بسبب سندات القروض

وش رايك اخوي اغامر

[H H]

اي طلب يتم التلاعب فيه برفعه او تنزيله يخوفني ويكون غالبا وهمي للتصريف

[حمود30]

في هدف فيبوناتشي قريب ممكن يكون عندة جني أرباح وهو 19

مشكورة

[مشروع هاموور]

مختلط اخوي
بسبب سندات القروض


الموضوع محل خلاف
لان النشاط العام للشركة حلال
ولكن لايوجد في بنودها ما يمنع اللجوء لسندات القروض وهو حرام
وهذا هو محل الخلاف
تحياتي

[eng.qatar]

طلب جامبو في فودافون

هذه صار له فتره حاط طلب 300 الف على 17.20

[<اضرب واشرد>]

فودااا بتروح فوق إن شاء الله ..احتفظوا


اضرب واشرد قطر وعمان تنصح الاحتفاظ فيه وانتظار الاعلان او ابيعه اليوم

مادري عن الإعلان أخوي لكن أتوقع التوزيع 0.75 في حدودة


اخوي اضرب وش رايك بقطر وعمان ادحل عليها اليوم

ادخل إذا مقتنع بالسعر والعائد ووقفك 15.8

16.77 مقاومة

[مشروع هاموور]

وش رايك اخوي اغامر

اعفيني من الجواب الشيخ
انا لست اهل للإجابة على هالسؤال في من هو اجدر مني
الله لا يخسر مسلم

[amhdoha]

سحبو الطلب وردو حطوه في فودافون

[سعود80]

والله مدري شنو جوه راعي 300 الف طلب

[ahmed saleh]

طلب جامبو في فودافون

مفيش حاجه بتخوفني غير الطلبات الجامبوو دي

[<اضرب واشرد>]

اخوي اضرب و اشرد تنصحني اطلع من خ.الدولية بخسارة بسيطة اليوم و ادخل فودا ؟
بليز رايك يهمني

شكراً

امممم أوكي توكل على الله

[لـبـيـه]

والله مدري شنو جوه راعي 300 الف طلب

خميسي

[<اضرب واشرد>]

مفيش حاجه بتخوفني غير الطلبات الجامبوو دي

هذا طلب حقيقي ومشتري صادق :)

[مشروع هاموور]

امممم أوكي توكل على الله

اعجبتني امممممممممم هذي
تخيلت ماسك القلم الرصاص وحاطه على شفايفك وتفكر (وضعية اللي يتذكر الجواب فالامتحان )

[ahmed saleh]

طلبات جامبوو في فوداا
نتمني يتم التنفيذ عليهه نشوفهه هتهرب ولا صامده

[atiq]

السيولة خفت عن نص الساعة الاولية

ان شاء الله اعادة تمركز في بعض الاسهم

[qtr qtr]

السلام عليكم عالجميع
ماشاءالله ولا اله الا الله
ومبروك فوووز بورصة قطر للمرحله الثالثه

[eng.qatar]

طلب اخر 200 الف من يزيد :)

[<اضرب واشرد>]

اي طلب يتم التلاعب فيه برفعه او تنزيله يخوفني ويكون غالبا وهمي للتصريف

كم سيولة أمس في فودافون ؟ 97 مليون وإغلاق فوق متوسط الجلسة

كم السيولة الحين 11:18 ؟ 35 مليون فقط والأسعار فوق متوسط اليوم .. وين التصريف ؟ للحين ماصار تشبع شراء.

[ahmed saleh]

هذا طلب حقيقي ومشتري صادق :)


ذيب والله يا اضرب واشررد ماشاء الله عليك

[eng.qatar]

شكله راعي ال 200 وال 300 واحد وجالس يستهبل في فودااا

[مشروع هاموور]

في مليارية اليوم وله ؟

[<اضرب واشرد>]

السلام عليكم عالجميع
ماشاءالله ولا اله الا الله
ومبروك فوووز بورصة قطر للمرحله الثالثه

عليكم السلام ورحمة الله وبركاته

ايش يعني هالكلام (مبروك فوز بورصة قطر للمرحلة الثالثة) ؟

[NaifQatar]

في مليارية اليوم وله ؟

اكسر الحصاله ياخي


ورششششش شوي :eek2:

[Bu3ly]

لاحظوا التكافلي

[غريب الدّار]

عليكم السلام ورحمة الله وبركاته

ايش يعني هالكلام (مبروك فوز بورصة قطر للمرحلة الثالثة) ؟
ومن فاز في المرحلة الأولى ؟

[مشروع هاموور]

عليكم السلام ورحمة الله وبركاته

ايش يعني هالكلام (مبروك فوز بورصة قطر للمرحلة الثالثة) ؟

الارتفاعات المتواصلة للجلسه الثالثه عالتوالي
بس خبرك تونا مخلصين كاس العالم فكرة اليد وماخذتنا اجواء الحماس والمباريات

[qtr qtr]

عليكم السلام ورحمة الله وبركاته

ايش يعني هالكلام (مبروك فوز بورصة قطر للمرحلة الثالثة) ؟

القصد صعود المؤشر ماقبل النهائي

[عبد الحميد]

اختفي طلب ال 300 الف في فوداااا

هل تنفيذ ولا انسحب؟

[عبد الحميد]

غير السعر...ههههههه

شكله جدي...

[qtr qtr]

الارتفاعات المتواصلة للجلسه الثالثه عالتوالي
بس خبرك تونا مخلصين كاس العالم فكرة اليد وماخذتنا اجواء الحماس والمباريات

ماشاءالله عليك

[شذى الورد]

شكلهم قاعدين يصخنون لإختراق متوسط ال 200 يوم :)

[qtr qtr]

الف مبروك وان شاءالله نفوز في هالمباراه الى 12700

[eng.qatar]

اختفي طلب ال 300 الف في فوداااا

هل تنفيذ ولا انسحب؟

تنفذ شكله لاني اشوف ملايين :)

[atiq]

بروة ممكن تلحق الريان

[QTR---]

شكلهم قاعدين يصخنون لإختراق متوسط ال 200 يوم :)

شذى جنه ازدان قاعده تريوس شوي ..

[لـبـيـه]

الي باين خروج بعض السيوله من ازدان وتتحول فودافون

[eng.qatar]

يازين الريان بس :) يالله يايبا نطرنا وايد هههههههههههههه

[atiq]

ودااام لا ناقة لها ولاجمل

[ahmed saleh]

وصلنا الهدف تمام التمام
نتفرررج بقي علي الي هيحصل
يا فوووق يا فوووق ان شاء الله هههههههه

[qtr qtr]

الي باين خروج بعض السيوله من ازدان وتتحول فودافون

ازدان ان شاءالله الى 20

[شكلين مابحكي]

اهداف الريان بعد ال 50 ؟
الله يوفق الجميع

[hajooh]

امش مع المؤشر أخوي المؤشر صاعد للحين فيه نفس

جزاك الله خير وبارك الله فيك وفي حلالك

[ahmed saleh]

ودااام لا ناقة لها ولاجمل


ياارجل سهم تعيس 3 مرات ادخل فيه مع الاختراق ويخسرني
سيوله مافي

[hajooh]

ودااام لا ناقة لها ولاجمل

ان شاالله جايها الدور

[شذى الورد]

شذى جنه ازدان قاعده تريوس شوي ..
هههه جنه
بس في النهايه بيوصلونه هدف فيبوناتشي إن شاء الله :)

[<اضرب واشرد>]

اهداف الريان بعد ال 50 ؟
الله يوفق الجميع

في عندك 53 شوفها

[.:: القيصر ::.]

شكله ازدان هذا

حده :(

[شذى الورد]

يا سلام اللهم زيد وبارك :victory:

[ahmed saleh]

الدولي اخترااق المقاومه 44.60 دخول ان شاااء الله
يا ريت المؤشرر يحافظ علي 12529

[eng.qatar]

اخت شذى ياريت تتحفينا بالريان .. وتصححين لي اذا كنت غلطان اختراق 50.97 باغلاق يودينا فوق ان شاء الله حسب فيبوناتشي الى هي 61.8%

[atiq]

بروة يا بروة

الاتدت من دعم والان نشوف المقاومة

[سعود80]

تم البيع
جاري شراء فودا 17.33 و 17.28 أحاول اصيدهم أوك ؟

امممم أوكي توكل على الله

[شكلين مابحكي]

في عندك 53 شوفها

شكرا اخوي واضرب واشرد
الله يوفقك

[atiq]

الدولي اخترااق المقاومه 44.60 دخول ان شاااء الله
يا ريت المؤشرر يحافظ علي 12529

:rolleyes2:

[eng.qatar]

:rolleyes2:

يقصد 84.60 بس متحمس :)

[عبد الحميد]

في سؤال في بالي واتمنى من الاخوان والاخوات الموجودين يجيب على هالتساؤل...

مع اني للامانة (واسمح لي اخوي غريب الدار :)) ما املك في السهم...

الوطني...ايش سالفته بالضبط؟ نتائج ممتازة وارباح مرضية لكثيرين...

طيب ليش وصل لهالحد؟

[شذى الورد]

اخت شذى ياريت تتحفينا بالريان .. وتصححين لي اذا كنت غلطان اختراق 50.97 باغلاق يودينا فوق ان شاء الله حسب فيبوناتشي الى هي 61.8%
عطني القمة والقاع اللي حسبت عليها فيبو
لأاني عيزانه أفتح الشارت ههههههه

[محروم البورصة 99]

اهداف ازدان 18 ؟؟؟؟؟

[<اضرب واشرد>]

تم البيع
جاري شراء فودا 17.33 و 17.28 أحاول اصيدهم أوك ؟

جرب 17.31 أتوقع يعطونك

[ahmed saleh]

هههههه عفواا عفواا
اختراق 84.60

[atiq]

بروة شدي حيلج 49.3

[محروم البورصة 99]

هدف ازدان 18 ؟

[.. الكاش ..]

مشاء الله تداول ازدان عالي شكلها رايحه من زمان ماشفت هالارقام

[غريب الدّار]

هدف ازدان 18 ؟

يعتمد على فيبوناتشي


عاد ان سألتني وش هو فيبوناتشي باسكر الجهاز وباروح ارقد

[محروم البورصة 99]

انا فيبو ماعطني 17.99 بس مب متاكد من الرسمه تبي الصج

[بحر شرق]

رأيكم في السلام اشتريه؟

[غريب الدّار]

انا فيبو ماعطني 17.99 بس مب متاكد من الرسمه تبي الصج

اعتقد اكثر
اكثر من 18 وشي بعد


والله يوفق الملاك

للأمانة لا املك في السهم

[غريب الدّار]

رأيكم في السلام اشتريه؟

الله يبارك لك

[شذى الورد]

اللي ما دخل في هالموجه من بدايتها لا يشط عمرة ويدخل الحين
خل نشوف وش بيسون :rolleyes2:

[غريب الدّار]

مصرف قطر الإسلامي يسلم عليكم

اللي لحق يركب لحق

[khalid-63]

اختي شذى الورد يا ليت تعطينا تصور للرعاية لاني الصراحه مب قادر استوعب الي يحصل فيها

[<اضرب واشرد>]

ازدان نازلة بسبب توقف السيولة الداخلة

[بحر شرق]

الله يبارك لك

ويبارك لك ان شاءالله

[atiq]

اخر 500 الف شراء بسعر السوق على بروة

[لـبـيـه]

شكل المؤشر اثبت انه قادر على 12500

للامانه لااملك في سوق قطر اي سهم وشكراااااا

حبيب ياغريب حبيب هههههههههههههههههه

[غريب الدّار]

اللي ما دخل في هالموجه من بدايتها لا يشط عمرة ويدخل الحين
خل نشوف وش بيسون :rolleyes2:


ازدان نازلة بسبب توقف السيولة الداخلة

هل نقدر نقول ان وقت ال brake قد حان؟

للأمانة لا املك في البريك

:)

[بحر شرق]

اضرب واشرد رايك في السلام بعد تجاوز المقاومه

[eng.qatar]

عطني القمة والقاع اللي حسبت عليها فيبو
لأاني عيزانه أفتح الشارت ههههههه

القمه 58.30 والقاع 39.1 والفاصل نص ساعه والفترة ستة اشهر :)

[<اضرب واشرد>]

يفضل الخروج من إزدان

[غريب الدّار]

شكل المؤشر اثبت انه قادر على 12500

للامانه لااملك في سوق قطر اي سهم وشكراااااا

حبيب ياغريب حبيب هههههههههههههههههه

هاهاهاهاهاهاهاهاهاهاهاهاهاه

[(بوطلال)]

صبحكم الله بالخير

البعض يخبص تخبيص ويعطيك عشرين رأي في نفس الوقت والافضل يبتعد عن التوصيات حتى لايحمل ذنب غيره

[NaifQatar]

ازدان نازلة بسبب توقف السيولة الداخلة

مع ان المحافظ القطرية شردت الأفراد والمحافظ الأجنبية أمس وطيرته فوووق

اليوم يمكن تبديل مراكز ، وبدت تهدأ السيوله عشان يلمووون من تحت والله أعلم

صحح لي إذا انا غلطان

[ahmed saleh]

الريان يبدل مع ازدان
اعزف يا صااانع اعزف اجمل المقطوعات

[<اضرب واشرد>]

صبحكم الله بالخير

البعض يخبص تخبيص ويعطيك عشرين رأي في نفس الوقت والافضل يبتعد عن التوصيات حتى لايحمل ذنب غيره

صبحك الله بالنور

[مهندس_قطري]

ملاك بروة...استعدوا للاكشن :)

بروة 49 ريال والقادم اقوى.....فالكم الخمسينات ملاك بروة :nice:

[غريب الدّار]

صبحكم الله بالخير

البعض يخبص تخبيص ويعطيك عشرين رأي في نفس الوقت والافضل يبتعد عن التوصيات حتى لايحمل ذنب غيره
هلااااااااااااااااااااااااا


وينك انت الله يهداك
مختفي صار لك مدة

شحالك بو طلال


طيب ولا عليك امر عطنا امثلة من (البعض) على قولتك

اقتبس بدون اسامي ع الأقل

[شذى الورد]

القمه 58.30 والقاع 39.1 والفاصل نص ساعه والفترة ستة اشهر :)
هل كان في تصحيح في نص الموجه ذي ؟؟
عطني الرقم :)

[لـبـيـه]

اي سهم غريب يقول انه مايملك فيه شي اعرفو انه عضو مجلس اداره في الشركه ذي

[مهندس_قطري]

طلب جمبو في بروة على 49 ريال

200الف سهم

[<اضرب واشرد>]

مع ان المحافظ القطرية شردت الأفراد والمحافظ الأجنبية أمس وطيرته فوووق
اليوم يمكن تبديل مراكز ، وبدت تهدأ السيوله عشان يلمووون من تحت والله أعلم
صحح لي إذا انا غلطان

أهم شي تغلق ازدان آخر الجلسة فوق متوسط الأسعار

[atiq]

بروة شدي حيلج 49.3


اخر 500 الف شراء بسعر السوق على بروة

:victory:

[غريب الدّار]

اي سهم غريب يقول انه مايملك فيه شي اعرفو انه عضو مجلس اداره في الشركه ذي




:strong

[H H]

ازدان اغلب الصفقات صارت تتم بسعر الطلب

[(بوطلال)]

هلااااااااااااااااااااااااا


وينك انت الله يهداك
مختفي صار لك مدة

شحالك بو طلال


طيب ولا عليك امر عطنا امثلة من (البعض) على قولتك

اقتبس بدون اسامي ع الأقل


هلا اخوي غريب الدار . موجود ياخوي ومتابع

بدون امثله هو الكلام موجه لصاحب العلاقه وهو ماشالله عليه يتميز بالذكاء ويلقطها وهي طايره

[<اضرب واشرد>]

البعض يخبص تخبيص ويعطيك عشرين رأي في نفس الوقت والافضل يبتعد عن التوصيات حتى لايحمل ذنب غيره

بعد إذنك بوطلال

لايوجد في الموضوع اليوم أي شخص يحمل لقب محلل فني

اخذوا راحتكم وكل واحد يقول رأيه واجتهاده :victory:

[ali.5]

قطر و عمان تحرك للمراقبه

[Bu3ly]

دور قطر وعمان :)

[(بوطلال)]

بعد إذنك بوطلال

لايوجد في الموضوع اليوم أي شخص يحمل لقب محلل فني

اخذوا راحتكم وكل واحد يقول رأيه واجتهاده :victory:

ههههههههههههههههههههه ماشالله تلقطها وهي طايره

[شذى الورد]

قطر وعمان ... مبرووك للي في بالي :)

[قطــ86ــر]

الدولية ما تتحرك الا بعد 12

الجماعة شكلهم متقاعدين :secret:

[ali.5]

اهداف قطر و عمان

[شذى الورد]

ما عليكم من العروض اللي في قطر وعمان
كلها راح تنشفط بإذن الله :)

[ali.5]

لو سمحتى اخت شذى اهداف قطر و عمان

[<اضرب واشرد>]

ازدان تحت متوسط جلستها


ههههههههههههههههههههه ماشالله تلقطها وهي طايره

لا بليز لاتجرحني يابوطلال هههههههه

طبعا مافي إلا شخصين حاليا تقصدهم (أنا أو شذى الورد) إن كنت تقصدني فرأيك أحترمه لكن يبقى (لك) يابوطلال .. يعني ما أقدر أوقف عن الكتابة عشان خاطر عيونك الغالية .. تقدر ماتتابعني وتحذر الأعضاء بشكل مباشر صدقني ماعندي مشكلة .. وتقدر ترد على التوصية اللي تشوفها خطأ وتقول رأيك وتسجله وتدونه

غريب سمعني رايك وتوقعك في المؤشر ولاتهون .. وخذ راحتك :victory:

[شذى الورد]

لو سمحتى اخت شذى اهداف قطر و عمان
الهدف الاول : 17.70
الهدف الثاني : 19.82
إن شاء الله .

[بحر شرق]

السلام بيجي دوره

[نــهــار]

الهدف الاول : 17.70
الهدف الثاني : 19.82
إن شاء الله .

اخت شذى تنصحين بالخروج او انتظار الاعلان

[قطــ86ــر]

ملك الاردن عبدالله الثاني يشارك في ضربة جوية على معاقل داعش انتقاما للطيار الاردني
^
^
^
كـــــــفــــــــو :nice:

[H H]

ملك الاردن عبدالله الثاني يشارك في ضربة جوية على معاقل داعش انتقاما للطيار الاردني
^
^
^
كـــــــفــــــــو :nice:


لو يتعوذ من ابلس ويرجع لقصره احسن له من هالكلام الي مايوكل عيش, اكثر من 53 دوله لها شهور تقصفهم ومافاد , الحين لانه شارك بيفيد يعني؟ :(

[(بوطلال)]

ازدان تحت متوسط جلستها



لا بليز لاتجرحني يابوطلال هههههههه

طبعا مافي إلا شخصين حاليا تقصدهم (أنا أو شذى الورد) إن كنت تقصدني فرأيك أحترمه لكن يبقى (لك) يابوطلال .. يعني ما أقدر أوقف عن الكتابة عشان خاطر عيونك الغالية .. تقدر ماتتابعني وتحذر الأعضاء بشكل مباشر صدقني ماعندي مشكلة .. وتقدر ترد على التوصية اللي تشوفها خطأ وتقول رأيك وتسجله وتدونه

غريب سمعني رايك وتوقعك في المؤشر ولاتهون .. وخذ راحتك :victory:

هههههههههه عاد انت صعب استثارتك .

المشكله انك تعرف رأيي فيك من زمان ولو ترجع لمشاركاتي تقدر اطلع اكثر من مشاركه انك بالنسبه لي ولكثير من الاعضاء من افضل المحللين في المنتدى -يعني ادانتي سهله لو كنت اقصدك -

على العموم كان المفروض لاتسئل ولاتقتبس كلامي هي كلمه فخاطري وقلتها يمكن اتكلم عن اليوم يمكن عن امس او قبله .ومثل ماقلت جلسه صباحيه الكل ياخذ راحته يخبص على كيفه :nice:

[<اضرب واشرد>]

حاسبوا ملاك ازدان عادي ينزل أحمر


ملك الاردن عبدالله الثاني يشارك في ضربة جوية على معاقل داعش انتقاما للطيار الاردني
^
^
^
كـــــــفــــــــو :nice:

يعني ركب طيارته وراح الرقة ؟ ما أصدق يمكن دعاية

[شكلين مابحكي]

ملك الاردن عبدالله الثاني يشارك في ضربة جوية على معاقل داعش انتقاما للطيار الاردني
^
^
^
كـــــــفــــــــو :nice:

المراجل عمرها ما كانت من فوق ... بس اذا ناوي يقصف خليه يقصف بشار وداعش ويريحنا ...وعلى كل الاحوال الخبر اشاعة

[eng.qatar]

اخت شذى لك رساله ياريت تشوفينها :)

[بحر شرق]

ههههه تصور يمسكونه المدلل ملك الأردن

[العساس]

رانبو

[مستثمر درويش]

ههههه تصور يمسكونه المدلل ملك الأردن

ههههههههههه يا ريت

[قطــ86ــر]

لو يتعوذ من ابلس ويرجع لقصره احسن له من هالكلام الي مايوكل عيش, اكثر من 53 دوله لها شهور تقصفهم ومافاد , الحين لانه شارك بيفيد يعني؟ :(


حاسبوا ملاك ازدان عادي ينزل أحمر



يعني ركب طيارته وراح الرقة ؟ ما أصدق يمكن دعاية

والله ياخوي لو 100 دولة .. المهم انه رجال و يدافع عن الاردنيين :)






حسب اللي وصلني مع الصور انه ركب الطيارة و شارك..

[لـبـيـه]

اقصد يدي اذا شذى ما استقبلت رساله خاصه من واحد في بالي :secret:

[eng.qatar]

بو ريم مكانك يبين :(

اشتقنا لكلماتك الجميله

[محروم البورصة 99]

الريان هدفه 54 ؟؟؟؟؟

[شذى الورد]

اخت شذى تنصحين بالخروج او انتظار الاعلان
انا أشوف ننتظر :)

[QTR---]

بللل زين الي طلعت من ازدان ولاجان تشربكت كل النقود

[roma27]

السلام اليوم اعلانه الخميس ؟؟؟؟؟

[لـبـيـه]

جولة فودافون بعد شوي بتبدى

[.:: القيصر ::.]

اضرب و اشرد

شكراً لك


اول امس شراء 14.77

اليوم بيع 16.80

بس الكمية محترمة


كنت حاط بيع 17.30

بس ماوصل ههههههه

[بحر شرق]

السلام اليوم اعلانه الخميس ؟؟؟؟؟

ان شالله متفائل فيه:victory:

[eng.qatar]

اضرب و اشرد

شكراً لك


اول امس شراء 14.77

اليوم بيع 16.80

بس الكمية محترمة


كنت حاط بيع 17.30

بس ماوصل ههههههه

تستاهل كل خير ويستاهل اخونا اضرب كل الشكر والاحترام

[محروم البورصة 99]

اخوي لبيه على اي اساس قلت هالكلام؟؟؟ احساس ولا تحليل:shy::shy::shy:

[<اضرب واشرد>]

هههههههههه عاد انت صعب استثارتك .

المشكله انك تعرف رأيي فيك من زمان ولو ترجع لمشاركاتي تقدر اطلع اكثر من مشاركه انك بالنسبه لي ولكثير من الاعضاء من افضل المحللين في المنتدى .

على العموم كان المفروض لاتسئل ولاتقتبس كلامي هي كلمه فخاطري وقلتها يمكن اتكلم عن اليوم يمكن عن امس او قبله .ومثل ماقلت جلسه صباحيه الكل ياخذ راحته يخبص على كيفه :nice:


لا عزيزي ولايهمك خذ راحتك وقول رأيك بشكل مباشر صدقني ما أزعل .. بالعكس ناوي أصور كلامك وأنزله في موضوع التوقعات (ياجماعة هذا بوطلال وهذا رأيه فيني)

واسمحلي أقول رأيي:

أنت مستثمر يايبا فـ ايش علاقتك بالمضاربات اليومية والجلسات الله يطولي عمرك .. وطبعا بما أنك مستثمر أكيد تزعجك التوصيات اليومية والكلام اليومي .. نظامك غير تماما وبيع السهم بالنسبة لك خسارة كبيرة كأن واحد دعم موترك لذلك تشوف باقي المتداولين (بعين طبعك الاستثماري) .. المضارب بيع السهم بالنسبة له شيء عادي أهم شيء نسبة الصعود اللي يجمّعها .. شخصيتك شيء وشخصية مضاربين كثر شيء آخر لذلك توقع دائما (تختلف معاهم)

[شذى الورد]

ههههه لازم هالزلزله عند إختراق المتوسط :)

[atiq]

ملك الاردن عبدالله الثاني يشارك في ضربة جوية على معاقل داعش انتقاما للطيار الاردني
^
^
^
كـــــــفــــــــو :nice:

بعض القرارات تحتاج التريث في الفعل وليس ردة فعل مباشرة

خله يشوف الجيشوش الي حوله ايش صار فيها وبيعرف المغزى من موضوع داعش

[ابو عبد الرحمن]

هل ندخل في ازدان الآن

[<اضرب واشرد>]

اضرب و اشرد

شكراً لك


اول امس شراء 14.77

اليوم بيع 16.80

بس الكمية محترمة


كنت حاط بيع 17.30

بس ماوصل ههههههه

العفو أخوي وتستاهل كل خير وزين أنك تتابع الجلسة لأني تذكرتك وقلت يمكن ماقريت .. موفق

[بحر شرق]

ما شاءالله مبروك ملاك الاجاره

[qtr qtr]

سبب ضعف مستوى منتخب بورصتنا بأصابة اللاعب ازدان .. خيبتي الظن يا ازدان

[المثابر2010]

توزيع الاجاره جيد مقارنة بالمستثمرين أتوقع ممكن تبديل مراكز من المستثمرين للاجاره

مبرووووووووووك الي اشترى في الاجاره

[<اضرب واشرد>]

بس شوف متى إعلان ازدان وتعرف الإعلانات تغير التحليل سواء إيجابي أو سلبي

[شذى الورد]

إشلون يدخلون مرحلة التجميع إلا لما يزلزلون صغار المستثمرين وياخذون أسهمهم :)
متوسط 50 متجه شمال... كأنه يقول لمتوسط ال 200 ما لك مفر جايك جايك :)

[قطــ86ــر]

بعض القرارات تحتاج التريث في الفعل وليس ردة فعل مباشرة

خله يشوف الجيشوش الي حوله ايش صار فيها وبيعرف المغزى من موضوع داعش

صحيح
بس عالاقل شي يبرد الخاطر

كل من نوى يذبح العالم هاليومين قال انا مسلم و ضرب لي فيها احاديث و قال الله و قال رسوله
وهو لايعرف الله ولا رسوله

وفي النهاية يشوه صورة الدين لأسباب لا يعلمها الا رب العالمين




ولا حول ولا قوة الا بالله

[ahmed saleh]

ههههه لازم هالزلزله عند إختراق المتوسط :)

ههههههه احسك تخصص متوسطات

[roma27]

اضرب وشرد ما عليك امر رايك في فودا فون بعد تداول اليوم هل هي مضغوطه

[ربعاوى]

البورصة القطرية اليوم تعظيم سلام
:nice:

[لـبـيـه]

اخوي لبيه على اي اساس قلت هالكلام؟؟؟ احساس ولا تحليل:shy::shy::shy:

احساس انا مش محلل

[H H]

نقدر نقول انه نزل لاختبار المتوسط ورجع فوق؟

[شذى الورد]

ههههههه احسك تخصص متوسطات
إحساسك صحيح هههههه

[NaifQatar]

الحمدلله إزدان بدأت تعوض نفسها


حرقوووها حرق

[مهندس_قطري]

برنت يرتفع مره اخرى
54.41 دولار

[NaifQatar]

نقدر نقول انه نزل لاختبار المتوسط ورجع فوق؟

منها إختبار ومنها كسر المؤشر

وسووها الصناع

لكن ربي يعوض وان شاء الله تقلع وتسوي فيهم نفس امس

[عبد الحميد]

برنت يرتفع مره اخرى
54.41 دولار

:nice:

[atiq]

صحيح
بس عالاقل شي يبرد الخاطر

كل من نوى يذبح العالم هاليومين قال انا مسلم و ضرب لي فيها احاديث و قال الله و قال رسوله
وهو لايعرف الله ولا رسوله

وفي النهاية يشوه صورة الدين لأسباب لا يعلمها الا رب العالمين




ولا حول ولا قوة الا بالله[/color][/quote]

صحيح بس ما هكذا تورد الابل يا سعد

الجيش الاردني قوي وعلى مستوى عالي من التدريبات .....لكن لا يدخل في مستنقع الغدر مع المتحالفين

شوف العراق وسوريا ومحاولة جر الجيش اللبناني والمصري واليمني والسعودي

هذه عمل استخباري قذر من الغرب

الله المستعان

[<اضرب واشرد>]

اضرب وشرد ما عليك امر رايك في فودا فون بعد تداول اليوم هل هي مضغوطه

طبيعي ، استراحة .. نشوف الإغلاق

أتوقع ترتد الأحد من 16.77

[roma27]

طبيعي ، استراحة .. نشوف الإغلاق

أتوقع ترتد الأحد من 16.77
باذن الله

[H H]

صحيح
بس عالاقل شي يبرد الخاطر

كل من نوى يذبح العالم هاليومين قال انا مسلم و ضرب لي فيها احاديث و قال الله و قال رسوله
وهو لايعرف الله ولا رسوله

وفي النهاية يشوه صورة الدين لأسباب لا يعلمها الا رب العالمين




ولا حول ولا قوة الا بالله


دام الغرب في كل الحالات قاعدين يذبحون المسلمين ويستحيون اموالهم واراضيهم ومقدساتهم اجل لابوهم لابو كلب , خل الصوره تتشوه فعيونهم!
الضعف مع صورة جميله ماراح يجيب لك الاحترام , لكن حتى لو كانت صورة سيئه (لاسمح الله) مع قوه , بيجيبلك الاحترام من الجميع.

طبعاً انا ضد داعش في كل الاحوال ( احد قال خايف من اليوكون الاسود ) ؟

[H H]

هلا بالعياال , فودافون دخل فالاحمر

[atiq]

دام الغرب في كل الحالات قاعدين يذبحون المسلمين ويستحيون اموالهم واراضيهم ومقدساتهم اجل لابوهم لابو كلب , خل الصوره تتشوه فعيونهم!
الضعف مع صورة جميله ماراح يجيب لك الاحترام , لكن حتى لو كانت صورة سيئه (لاسمح الله) مع قوه , بيجيبلك الاحترام من الجميع.

طبعاً انا ضد داعش في كل الاحوال ( احد قال خايف من اليوكون الاسود ) ؟

تم القبض على المدعو HH

وعلى هذا يسلم محفظته ل مدعو عتيق بناء على طلبه :tease:

[العساس]

ياخرابي

[atiq]

شوفوا طلب ودام :telephone:

[H H]

تم القبض على المدعو HH

وعلى هذا يسلم محفظته ل مدعو عتيق بناء على طلبه :tease:


اصلا داعش اناس مجرمين قتله ليس في قلوبهم رحمه :(

[مضارب دوسري]

السلام عليكم

الاجاره وقطر وعمان اخترقوا المقاومه اخيرا

[atiq]

اصلا داعش اناس مجرمين قتله ليس في قلوبهم رحمه :(

تم استيدال اليوكن الاسود باللكزس الابيض تقديرا واحتراما للسيد HH مع مبلغ 10 مليون ريال :victory:

[ربعاوى]

اية رايكم ياجماعة نخلى الاجارة

[H H]

السلام عليكم

الاجاره وقطر وعمان اخترقوا المقاومه اخيرا


وعليكم السلام والرحمه ارحب ملايين

[atiq]

السلام عليكم

الاجاره وقطر وعمان اخترقوا المقاومه اخيرا

:rolleyes2:

طيب وانت وين

[H H]

تم استيدال اليوكن الاسود باللكزس الابيض تقديرا واحتراما للسيد HH مع مبلغ 10 مليون ريال :victory:


هذا الكلام الزين :shy:

ياجماعة الخير سؤال , الي يدخلون فالاسهم المختلطه , كيف طريقتكم في اخراج نسبة التنقيه ؟ اسبوعياً شهريا والا بعد كل صفقه تخلصون كل الحسابات ؟
خويكم مقصر من هالناحيه وبين كل وين ووين يطلع الي عليه والله يغفرلنا

[مضارب دوسري]

:rolleyes2:

طيب وانت وين

ف جوجو
بس مب قايل سعر دخولي هههههههههه عالي على امل اغلاق اسبوعي ياخي

[غريب الدّار]

ازدان تحت متوسط جلستها



لا بليز لاتجرحني يابوطلال هههههههه

طبعا مافي إلا شخصين حاليا تقصدهم (أنا أو شذى الورد) إن كنت تقصدني فرأيك أحترمه لكن يبقى (لك) يابوطلال .. يعني ما أقدر أوقف عن الكتابة عشان خاطر عيونك الغالية .. تقدر ماتتابعني وتحذر الأعضاء بشكل مباشر صدقني ماعندي مشكلة .. وتقدر ترد على التوصية اللي تشوفها خطأ وتقول رأيك وتسجله وتدونه

غريب سمعني رايك وتوقعك في المؤشر ولاتهون .. وخذ راحتك :victory:
افا عليك

المؤشر طال عمرك بين خيارين لا ثالث لهما في نظري :
او انه يطلع فوق
او ينزل تحت

اذا طلع بتلاقي ناس تبيع وناس تشتري
واذا نزل بتلاقي ناس تبيع وناس تشتري

اعتقد كلامي واضح
:)
الشهادة لله اني احترم كلام الأخ بو طلال واحترم نظرته
وفي نفس الوقت يااضرب واشرد اشوفك محلل ماشاء الله مب سهل
الصراحة راحة

ملك الاردن عبدالله الثاني يشارك في ضربة جوية على معاقل داعش انتقاما للطيار الاردني
^
^
^
كـــــــفــــــــو :nice:
والله اذا الخبر صحيح :
فأشهد ان الملك حسين الله يرحمه ربى رجال

[atiq]

ف جوجو
بس مب قايل سعر دخولي هههههههههه عالي على امل اغلاق اسبوعي ياخي

بس ما تظن انها ما تستاهل لان المقاومة 21.5

[H H]

من الصبح يدي تحكني على قطر وعمان , كان يمديني الحق عليها على 15.94 , لكن الله ماكتب.
احسه ممكن يخربها مثل اعمال ويعطيها لمت اب مع اعلان التوزيع

[مضارب دوسري]

بس ما تظن انها ما تستاهل لان المقاومة 21.5

خلها تسكر عالاقل 21 عالاقل نضمن 30 درهم ربح ههه
اليوم
والسهم يستاهل حجم التداول يقول جذي

[atiq]

المستثمرين بتشوفونه قريب 48 والله اعلم

الي يصير عليه من تداول مب طبيعي ومب عادته الا في شهر 5 سواها ومنها الى 72

ليست دعوة للبيع والشراء ....بس تسجيل ملاحظة

وستندمون يا بحر شرق :tease:

[مضارب دوسري]

Hh
انا والله بعد ناوي الحين اشتري فالسهم بس خل ننطر يمكن ينزل شوي
اعلانه الاحد

[eng.qatar]

هذا الكلام الزين :shy:

ياجماعة الخير سؤال , الي يدخلون فالاسهم المختلطه , كيف طريقتكم في اخراج نسبة التنقيه ؟ اسبوعياً شهريا والا بعد كل صفقه تخلصون كل الحسابات ؟
خويكم مقصر من هالناحيه وبين كل وين ووين يطلع الي عليه والله يغفرلنا

انا عن نفسي اطلع اول باول يعني بعد كل صفقه احسب التنقيه واطلعها :) .. والواحد اذا حس نفسه مقصر الافضل يتجهه للاسهم الاسلاميه لان هالموضوع فيه ربا والله يبعدنا عن الربا

[ahmed saleh]

الحمد لله مضاربات ولا اروع في فودافون
دخول وخروج مرتين

[atiq]

بروة لا تخلي الريان بروحه الحقيه :anger1:

[مضارب دوسري]

بدت تنزل يا hh

[H H]

Hh
انا والله بعد ناوي الحين اشتري فالسهم بس خل ننطر يمكن ينزل شوي
اعلانه الاحد


صدقت , وهذا هو نزل حبتين

[H H]

اعلان قطر وعمان متى ؟ اليوم والا الاحد؟

[<اضرب واشرد>]

ماشاء الله المؤشر كمّل ماقلص الصعود

نشوف الإغلاق

[ahmed saleh]

المستثمرين بتشوفونه قريب 48 والله اعلم

الي يصير عليه من تداول مب طبيعي ومب عادته الا في شهر 5 سواها ومنها الى 72

ليست دعوة للبيع والشراء ....بس تسجيل ملاحظة

وستندمون يا بحر شرق :tease:
بنشيل ان شاااء لو وصلت 37

[غريب الدّار]

الأخت شذى وصت على قطر وعمان

كيفكم انتوا عاد

[atiq]

بنشيل ان شاااء لو وصلت 37

انسى خلاص ولا حتشوف 38

[Bo3essa]

اضرب واشرد تعتقد الريان كم المقاومه بعد 51

[بحر شرق]

المستثمرين بتشوفونه قريب 48 والله اعلم

الي يصير عليه من تداول مب طبيعي ومب عادته الا في شهر 5 سواها ومنها الى 72

ليست دعوة للبيع والشراء ....بس تسجيل ملاحظة

وستندمون يا بحر شرق :tease:

لين الحين ال كاش من بيعه موجود ، محتار وين اشتري

[مضارب دوسري]

خلصنا من الدخول في قطر وعمان
المهم والايجابي اغلاق فوق ال 16

سيولتي 50% جوجو
و50% قطر وعمان وننطر الاحد ان شاء الله

[atiq]

بتشوفوا س س معتبر في الريان وبروة واتوقع مزايا

[محروم البورصة 99]

الريان 54؟؟؟؟

[(بوطلال)]

خلصنا من الدخول في قطر وعمان
المهم والايجابي اغلاق فوق ال 16

سيولتي 50% جوجو
و50% قطر وعمان وننطر الاحد ان شاء الله

ههههههههههههههههه ماتجوز

[بحر شرق]

اغلب الاسهم طايره:rolleyes2:

[atiq]

ودام تسلم عليكم تقول لكم نراكم عند 64

[<اضرب واشرد>]

غريب الدار
في فيديو لملك الأردن .. واقف قدام قبر أتاتورك بتركيا .. وتدمع عيونه

بس أقول

[مضارب دوسري]

ههههههههههههههههه ماتجوز

هههههههههه
لا باذن الله هالمره يجيبون توم
على قولة جارح

[اعتمد]

السلام عليكم

- شرايكم في مزايا وكم ممكن توصل خلال المدى ال جداً قصير ( حسب القراءات )
- اخ مضارب دوسري متى الخروج من الاجارة وبكم

[غريب الدّار]

غريب الدار
في فيديو لملك الأردن .. واقف قدام قبر أتاتورك بتركيا .. وتدمع عيونه

بس أقول
ومن رفع اتاتورك يااضرب واشرد غير العرب؟

[(بوطلال)]

هههههههههه
لا باذن الله هالمره يجيبون توم
على قولة جارح

ان شالله السوق شكله مشجع ورايح واذا ماخاب ضني فيه 1000 نقطه ان شالله :nice:

[مضارب دوسري]

السلام عليكم

- شرايكم في مزايا وكم ممكن توصل خلال المدى ال جداً قصير ( حسب القراءات )
- اخ مضارب دوسري متى الخروج من الاجارة وبكم

اجاره مهم اغلاق فزق 20.60 اليوم
عشان يكون اغلاق اسبوعي ايجابي واعلى من الاسبوع اللي قبله

[مضارب دوسري]

ان شالله السوق شكله مشجع ورايح واذا ماخاب ضني فيه 1000 نقطه ان شالله :nice:

بصراحه اغلاق اسبوعي مشعلل للسوق
الله يجزاهم خير بوريم والمتوكل وشذى وبوذياب

[<اضرب واشرد>]

بعد ارتدادة النفط القوية كانت هناك فرصة للدخول على 12000 لمن يريد الدخول .. وهذي إشارة دخول مضاربية (طيران النفط) ماتحتاج لمحلل أو غيره

لاحد يقول فلان حذر وعلان

[بحر شرق]

غريب الدار
في فيديو لملك الأردن .. واقف قدام قبر أتاتورك بتركيا .. وتدمع عيونه

بس أقول

عادي تشوفه عند حائط المبكى أيضاً ، لا غرابه

[eng.qatar]

ان شالله السوق شكله مشجع ورايح واذا ماخاب ضني فيه 1000 نقطه ان شالله :nice:

بوطلال بنروح المالديف ببشوتنا اذا راح السوق 1000 نقطه :) الله يسمع منك

[مضارب دوسري]

اضرب واشرد قائد الارتفاع هذا الاسبوع

[غريب الدّار]

عادي تشوفه عند حائط المبكى أيضاً ، لا غرابه


انا مااتكلم عنه
أتكلم عن فعله

فعله فعل رجال

[اعتمد]

اجاره مهم اغلاق فزق 20.60 اليوم
عشان يكون اغلاق اسبوعي ايجابي واعلى من الاسبوع اللي قبله

بيض الله وجهك .. واذا عطى اشارة خروج تراني ماشوف ف لو تكرمت أشر لنا في هالمنتدى المبروك عشان نشرد باللي ربي رزقنا اياه

[مضارب دوسري]

قطر وعمان مبيته النيه على شمعة ماربروزو

[كيلو حديد]

ههههه لازم هالزلزله عند إختراق المتوسط :)

شيخة المتوسطات

في قطر وعمان متوسط 50 جاي لمتوسط 200 من تحت
اذا اخترقه بعدها يكون الانفجار ولا في اختبار اول

:nice:

[(بوطلال)]

بوطلال بنروح المالديف ببشوتنا اذا راح السوق 1000 نقطه :) الله يسمع منك

ان شالله بتصيف هالسنه من شهر 4 :victory: