المساعد الشخصي الرقمي

مشاهدة النسخة كاملة : فوق المليار ريال شهريا صادرات خدم المنازل لبلدانهم !!


حمد 2002
06-02-2015, 01:40 PM
السلام عليكم ورحمه الله وبركاته

لو قلنا عندنا 500 الف خدامه و 500 الف دريول بقطر وراتبهم 1000 ريال يعني المجموع مريال ريال شهريا ! ! .. يعني 12 مليار سنويا .. يعني 12 الف مليون .. وانا اتوقع هالنسبه المخيفة أكبر .. لو حسبناها الدريول والخدامة ماكلين شاربين ومعاشهم كله مصدر لبلدانهم ودولتنا مب مستفيده منهم شيء نهائيا ..

لازم نقلص ذلك النزف المادي إلى أقل المبالغ الممكنة !!

نبي حلول وتلك الحلول بنحصلها بردودكم الايجابيه أن شاء الله ..


وشؤكرن ..
shadad
06-02-2015, 01:48 PM
طيب ما تبي الهندي او الدريول يتزوج بالهند ويجيب له عيال ؟ يشتري له بيت ؟ والا تبيه بس يخلص ويصير عمره 50 بوز على الهند وينام بالشارع ؟ العماله هاي جايه تسترزق مو جايه تلعب. فلوسه بكيفه يحولها للهند هاي شقا عمره او السيفينج يصرف على اهله وعلى والدينه لو مرضوا او صار فيهم شي. في ناس للاسف تفكر الدنيا اكل ومشرب وطلعة فلاجيو. ترا اذا انت مرتاح غيرك شقيان.

وحاط لي توقيعك : الظلم مب زين ... ههههه
بانغ بانغ
06-02-2015, 01:51 PM
ليش هالحقد عالفقارة
Al-Kuwari
06-02-2015, 01:56 PM
ما توفقت فالموضوع يا حمد
بنت شرق
06-02-2015, 01:59 PM
من راقب الفقارى مات هما ،،،اقترح أطالب بفرض رسوم على مكاتب الخدم اهي المستفيده اكثر ،،،من راجو وبابو وماري
دااانة قطر
06-02-2015, 01:59 PM
حمد وصلت لارزاق الخدم؟؟
طيب قارن راتبك براتب الخدم وقول لنا شتسوي فيه؟
بانغ بانغ
06-02-2015, 02:00 PM
لو ينحذف احسن لانه في تعدي على ارادة الله في ارزاق الخلق

وثاني شي الدولة اعطتهم الامان والاستقرار والموضوع قد يخلق فتنة بين المكفولين فعلى اساس ايش زعلان

ثاني شي اخ حمد اللي بيطرح موضوع لازم يتجاوب فيه ويتناقش مب اضرب واهرب

اللهم لك الحمد على نعمك
دااانة قطر
06-02-2015, 02:05 PM
اتوقع حمد بيتم عروبي طول عمره لأن لا مره بتم معاه ولا عيال بتحملونه. . الله يعين هلك ياحمد عليك
Bin sultan
06-02-2015, 02:10 PM
من كثر رواتبهم حاسدين الفقير على موتة اليمعة...هديت تعبهم وتوصيلهم ليهالك وانتظارهم لساعات في هالحر والشمس ،وتنظيفهم لبيتك وسيارتك، وركزت على رواتبهم
koketa
06-02-2015, 02:10 PM
بالمقابل احنا مستفيدين منهم

لو تقدر تستغني عن خادمه او سايق تكون حليت المشكله من جذورها

الافضل ان الموضوع يكون استقطاب عماله مسلمه على الاقل تاخذ أجر انك تساعد أسره مسلمه
بالمرصاد
06-02-2015, 02:31 PM
موضوع ضائع
النهار
06-02-2015, 02:41 PM
لاحول ولاقوة الا بالله
من فتره كان مفتر على عمال البلديه اليوم فار صوب الخدم
مضارب دوسري
06-02-2015, 02:51 PM
النهار انتظر الموضوع القادم :(
باي حق البلدية والتخطيط العمراني يرسلون 94 شخص الاسبوع الماضي من الفئه العماليه لاداء مناسك العمره
مضارب دوسري
06-02-2015, 02:52 PM
عنوان الموضوع هذا المفروض يكون
تعال وتغرب وعيش بعيد عن عيالك واهلك واصرف راتبك في قطر
وخل اهلك ياكلون تراب في بلادك

لا حول ولا قوة الا بالله
w4rr10r
06-02-2015, 03:00 PM
عنوان الموضوع هذا المفروض يكون
تعال وتغرب وعيش بعيد عن عيالك واهلك واصرف راتبك في قطر
وخل اهلك ياكلون تراب في بلادك

لا حول ولا قوة الا بالله

لا حول ولا قوة الا بالله .. شوف ما ركز الا على فئة الخدم في المجتمع وترك باقي الفئات الي تلهط بالملايين
غريب امر هاي الانسان
fhd4
06-02-2015, 03:06 PM
الخدم وخاصة الحريم منهم متغربين عن عيالهم لمدة سنتين والكثير مايشوفهم حتى بسكايب
عشان أقل من 24 ألف ريال طوال السنتين …
ما أبي أقارنها برواتبنا في الشهر … كلٍ أدرى بحاله …

يعني 3 تلفزيونات في البيت أو حتى شنطة وحدة …

ومستكثرين عليهم التحويل … الله المستعان …
النهار
06-02-2015, 03:18 PM
النهار انتظر الموضوع القادم :(
باي حق البلدية والتخطيط العمراني يرسلون 94 شخص الاسبوع الماضي من الفئه العماليه لاداء مناسك العمره

خلاص نخليهم يعملون بالسخره يأكلون ويشربون بس مافي داعي للرواتب العاليه كفايه عليهم الاكل والشرب
دااانة قطر
06-02-2015, 03:31 PM
وكالعادة اختفى
CH Engineer
06-02-2015, 03:50 PM
800 ريال شهريا و تشتغل وتخم وتكرف 24 ساعه البنت وانواع المذله والكلام يجيها كل يوم
خلال سنتين يطلع لها 19 الف ريال

مكتب الخدم ياخذها بثواني وفوقها ماقصرتوا والله يخليك حاول تجيبها بسرعه..


مريت على برج من ابراج الدفنه اغلب الي يشتغلون فيه من اصحاب العيون الرزقاء شفت فالباركنق 3 سيارات فيراري و اكثرمن سيارة بورش سبورت هذا وانا للحين ماشفت الا 50% من الباركنق!!
شيخ الديرة
06-02-2015, 03:52 PM
.
.
لو قلنا عندنا 500 الف خدامه و 500 الف دريول بقطر ...
.
.



يعني مليون, يا أخي حتى الفرضيات لها حدود
CH Engineer
06-02-2015, 03:58 PM
يعني مليون, يا أخي حتى الفرضيات لها حدود

و2 مليون سكان قطر
يعني مقابل كل شخص في قطر يوجد خادمه او سايق!!
حتى العمال بالمحلات والكراجات وعمال البنيه التحتيه وصيانه المناطق الصناعيه الي اعدادهم هي الاكثر في قطر لكل واحد سايق او خادمه
lion66
06-02-2015, 04:01 PM
السلام عليكم ورحمه الله وبركاته

لو قلنا عندنا 500 الف خدامه و 500 الف دريول بقطر وراتبهم 1000 ريال يعني المجموع مريال ريال شهريا ! ! .. يعني 12 مليار سنويا .. يعني 12 الف مليون .. وانا اتوقع هالنسبه المخيفة أكبر .. لو حسبناها الدريول والخدامة ماكلين شاربين ومعاشهم كله مصدر لبلدانهم ودولتنا مب مستفيده منهم شيء نهائيا ..

لازم نقلص ذلك النزف المادي إلى أقل المبالغ الممكنة !!

نبي حلول وتلك الحلول بنحصلها بردودكم الايجابيه أن شاء الله ..


وشؤكرن ..


اشفيكم عليه خلوه يعبر عن أفكاره

راحت عليك يا حمد
طبيب قطري
06-02-2015, 04:09 PM
اشلون تقول ان دولتنا مب مستفيده منهم نهائيا!!! ياخي سبحان الله معطيك عقل فكر شوى.. الحين الدريول لو انت استغنيت عنه بتقدر توصل عيالك مدارسهم بالوقت وبعدين تروح دوامك وتوصل بالوقت؟؟؟ واذا اهلك عندهم مشوار الصبح موعد مستشفى ولا اي موعد بياخذوا تكسي؟ ولا بيدقوا عليك تطلع من دوامك توصلهم؟؟؟
ممنوع اللمس
06-02-2015, 04:17 PM
والله يكسرون خاطرري طول اليوم كرف بكرف
جرب قول لاخوك او اختك جيبي لي قلاص ماي وارجع اطلبه مره ثانيه وشوف شلون يعصبون

اهم يمكن خمس طلبات بنفس الوقت وغربه وهم وتعب على راتب بسيط
انا اطالب يخلون لهم اجازه يوم فالاسبوع فالاخير بشر ومن حقهم
عالاقل في هاليوم الاجازه لو هل البيت اشتغلو شغلها بيحسون بمعاناتها
شيخ الديرة
06-02-2015, 05:48 PM
و2 مليون سكان قطر
يعني مقابل كل شخص في قطر يوجد خادمه او سايق!!
حتى العمال بالمحلات والكراجات وعمال البنيه التحتيه وصيانه المناطق الصناعيه الي اعدادهم هي الاكثر في قطر لكل واحد سايق او خادمه

مع أحترامي لرأي الأدارة, لكن هناك بعض الأعضاء الذين يرفعون عدد المشاركات, لكن ينزلون مستوى المنتدى
Dmy Enabi
06-02-2015, 05:52 PM
حمد بس انا ناطره ترقيعتك للموضوع
تذكروا دائماً إني أقول إن البعض منا عنصري بطريقة أو بأخرى وهذا خير مثال
<اضرب واشرد>
06-02-2015, 06:27 PM
حسب إحصائيات في 2004 هناك خادمة لكل مواطنين اثنين في كل من الامارات والكويت. وخادمة لكل أسرة سعودية في المتوسط. ولاتوجد إحصائيات لقطر.

http://www.alarabiya.net/articles/2004/10/19/7257.html

أعتقد قطر مثل الامارات والكويت
رجل مثالي
06-02-2015, 07:00 PM
السلام عليكم ورحمه الله وبركاته

لو قلنا عندنا 500 الف خدامه و 500 الف دريول بقطر وراتبهم 1000 ريال يعني المجموع مريال ريال شهريا ! ! .. يعني 12 مليار سنويا .. يعني 12 الف مليون .. وانا اتوقع هالنسبه المخيفة أكبر .. لو حسبناها الدريول والخدامة ماكلين شاربين ومعاشهم كله مصدر لبلدانهم ودولتنا مب مستفيده منهم شيء نهائيا ..

لازم نقلص ذلك النزف المادي إلى أقل المبالغ الممكنة !!

نبي حلول وتلك الحلول بنحصلها بردودكم الايجابيه أن شاء الله ..


وشؤكرن ..

اذا كانوا يشتغلون اوكي الحمدلله
الدبلوماسي
06-02-2015, 07:33 PM
اتمنى مسؤولينك ف الدوام يراجعون علاواتك ويقللون منها حفاظا على ميزانيه الدوله مب لازم تسافر ومب لازم تشتري بيت ولاسياره حالك من حال المساكين الي تتكلم عنهم
الله يعينك على نفسك
غايه الطواش
06-02-2015, 07:46 PM
اي والله الظلم. مب زين
بعدين الاحصائيه ماتدخل المخ
حدث العاقل بما يعقل
R 7 A L
06-02-2015, 07:48 PM
اتمنى بربطون حمد ويعلقونه في جسر الصناعية يوم الجمعه العصر ويهدون عليه الشلة الي يتسدحون تحت الجسر
ahmed1111
06-02-2015, 08:14 PM
هد اعصابك اخوووي حسيتك بتمووون وانت تقول 12 مليار
ياخوي هذا شخص تغرب من بلاده وياه اهني عشان يجمع فلوس ولا تبيه يشتغل ببلاش

الرزق ربك الي كاتبه مب انت ولا احنا تعوذ من ابليس ولا تكتب مواضيع هالشكل مره ثانيه
بوحارب
06-02-2015, 08:35 PM
ياريت نتعلم منهم التوفير وعدم الأسراف على أمور تاااافهه
حمد 2002
06-02-2015, 08:47 PM
بالمقابل احنا مستفيدين منهم

لو تقدر تستغني عن خادمه او سايق تكون حليت المشكله من جذورها

الافضل ان الموضوع يكون استقطاب عماله مسلمه على الاقل تاخذ أجر انك تساعد أسره مسلمه


طيب ما تبي الهندي او الدريول يتزوج بالهند ويجيب له عيال ؟ يشتري له بيت ؟ والا تبيه بس يخلص ويصير عمره 50 بوز على الهند وينام بالشارع ؟ العماله هاي جايه تسترزق مو جايه تلعب. فلوسه بكيفه يحولها للهند هاي شقا عمره او السيفينج يصرف على اهله وعلى والدينه لو مرضوا او صار فيهم شي. في ناس للاسف تفكر الدنيا اكل ومشرب وطلعة فلاجيو. ترا اذا انت مرتاح غيرك شقيان.

وحاط لي توقيعك : الظلم مب زين ... ههههه

نعم تلك الفئة الدوله مب مستفيده منهم شيء ..

لعلمك بس الفئات العمالية الثانيه يصرفون فلوسهم داخل البلد بطريقه وأخرى .. أما خدم المنازل ريال واحد مايصرفونه داخل البلد ، بالعكس لو معاشه 1200 اتحصل هالمبلغ كامل يرسله لبلاده ،

وبنفس ماهؤلاء يعتبرون نزف لمواردنا الماديه يعتبرون نزف لنا من ناحيه اجتماعية .. من حيث تأثيرهم على تربية الأبناء وتعويدنا على الاتكاليه عليهم بابسط الأمور ..


الحلول


منح فيزه خادمه واحده بدلا من خادمتين و 3 لكل مواطن ..


وشكرا ..
حمد 2002
06-02-2015, 08:50 PM
بالمقابل احنا مستفيدين منهم

لو تقدر تستغني عن خادمه او سايق تكون حليت المشكله من جذورها

الافضل ان الموضوع يكون استقطاب عماله مسلمه على الاقل تاخذ أجر انك تساعد أسره مسلمه


ليش هالحقد عالفقارة

مصلحه بلدي الماديه فوق كل اعتبارات ..
R 7 A L
06-02-2015, 08:50 PM
كالمعتاد يا حمد ضرب من تحت الحزام
هدفك الاول والاخير الاسر الي عندها خدم
في المقابل انت تعيل اكبر عدد من الخدم والسائقين
لذا
عيب عليك وعلى الي مثلك هالحركات
حمد 2002
06-02-2015, 08:56 PM
ما توفقت فالموضوع يا حمد

مستحيل أن كل كاتب يتوفق بمواضيعه ..

لاننا بشر ولسنا ملائكة والخطأ وارد ..

أشكرك يالذيب ..
shadad
06-02-2015, 09:27 PM
نعم تلك الفئة الدوله مب مستفيده منهم شيء ..

لعلمك بس الفئات العمالية الثانيه يصرفون فلوسهم داخل البلد بطريقه وأخرى .. أما خدم المنازل ريال واحد مايصرفونه داخل البلد ، بالعكس لو معاشه 1200 اتحصل هالمبلغ كامل يرسله لبلاده ،

وبنفس ماهؤلاء يعتبرون نزف لمواردنا الماديه يعتبرون نزف لنا من ناحيه اجتماعية .. من حيث تأثيرهم على تربية الأبناء وتعويدنا على الاتكاليه عليهم بابسط الأمور ..


الحلول


منح فيزه خادمه واحده بدلا من خادمتين و 3 لكل مواطن ..


وشكرا ..

يا يبه حتى ترقيع ما تعرف ترقع .

استغفر الله يا رب. الهندي اللي ينكرف او الدريول والخدامه براتبهم 1200 ويش تبيه يصرفه عندنا ؟؟؟ ويش تجيب له هاي 1200 ممكن تقولي ؟ قطعة ارض والا كروزر ؟ ههههههه قسم بالله موضوعك ذكرني بالافلام اللي كانوا يشغلوها لنا المدرسه في حصص المكتبة عن العبوديه والعبيد في عصر الجاهليه . يجيبون العبد يكفخونه تكفخ وحده اكل ومشرب. سبحان الله هاي هي العبوديه في زمننا الحالي. وجاي تقولي اتكاليه وما اتكاليه كنت قلتها من اول الموضوع .
Rosy
06-02-2015, 09:34 PM
الموضوع ماله اي هدف , شدخل الدوله مب مستفيده منهم !؟! هههه الحمدلله ع نعمه العقل .
QtrGate
06-02-2015, 10:07 PM
للعلم الله يوزع الارزاق

ولكل شخص مصدر للرزق واصل الرزق من الله
انت راتبك تاخذه من الشركة
والشركة رزقها من الدولة
والدولة دخلها من البترول

او ممكن تشتغل في وزارة وراتبك من الدولة
والدولة رزقها من البترول

فأحمد ربك على النعمة
كلامك فيه نوع من الصحة
لأكن خانك التعبير
الزعفراني
06-02-2015, 10:10 PM
بطل حسد يابوشهاب .. خلهم يترزقون ترى الخير اللي انت فيه بفضل الله أولا وأخيرا وثم بفضل سموالامير الوالد اللي ورث فعله ونهجه لسمو الأمير ..في كثير من الأمور والقرارات والمواضيع ومن ضمنها ان خير قطر اللي الله حباها فيه مش لقطر وبس ولكن لغيرها بعد من الدول والشعوب المستضعفه اللي الله ما كتب لأرضها الخير مثل ما اكتبه لقطر .. ولذلك الخير اللي تنعم به ترى من جزاء الاحسان لان قطر دوم تعمل الخير وتلقى مثله .. الله يديمها من نعمه ولا يحدك على اللي حد المستضعفين والمساكين من الخدم والدريوليه
العقل المدمر
06-02-2015, 10:33 PM
الدولة تصرف مليارات ع بعض الدول المحتاجة بدون مقابل
وانت حاسد هالفقارة على كم ريال ندفعها لهم بمقابل !!
شهالنفس الدنية اللي خلتك تحط عينك ع رزق الفقير !!
النهار
06-02-2015, 11:07 PM
اتمنى بربطون حمد ويعلقونه في جسر الصناعية يوم الجمعه العصر ويهدون عليه الشلة الي يتسدحون تحت الجسر

يعلقونه في سيخ شاورما وكل واحد من الي منسدحين تحت الجسر نعطيه سكين http://store1.up-00.com/2015-02/1423253209931.gif (http://www.up-00.com/)
R 7 A L
06-02-2015, 11:11 PM
سؤال
الحين هالمبالغ الي تتحول تتحول ببلاش ؟
محلات الصرافة ما ياخذون شي على الحوالة ؟
الدولة ماتستفيد شي من هالمكاتب والمحلات ؟
يوسف0
07-02-2015, 12:19 AM
السلام عليكم ورحمه الله وبركاته

لو قلنا عندنا 500 الف خدامه و 500 الف دريول بقطر وراتبهم 1000 ريال يعني المجموع مريال ريال شهريا ! ! .. يعني 12 مليار سنويا .. يعني 12 الف مليون .. وانا اتوقع هالنسبه المخيفة أكبر .. لو حسبناها الدريول والخدامة ماكلين شاربين ومعاشهم كله مصدر لبلدانهم ودولتنا مب مستفيده منهم شيء نهائيا ..

لازم نقلص ذلك النزف المادي إلى أقل المبالغ الممكنة !!

نبي حلول وتلك الحلول بنحصلها بردودكم الايجابيه أن شاء الله ..


وشؤكرن ..

الحلول اعتماد القطرين على انفسهم فالبيت وتربية العيال وعدم جلب الخدم منها توفير للمستقبل

لاكن صعبه الناس تعودوا على الخدم والدلع فصعبه تركهم الى من رحم ربي والله احسدهم الي بدون خدم السموحه

وموضوعك مش سئ لااعرف شسالفه المنتدى كل شئ حسد وحقد :rolleyes2:

الله يعين
ودي أكون
07-02-2015, 12:35 AM
لو كانت دولتهم تاخذ نسبه من راتب الخدم، كنسبه .. ف هالوضع تقدر تقول مليون ومليار و و

لكن راتب الخدم راتب شخصي مقابل جهد شخصي ومعاناه نفسيه وجسديه خاصه بالخادم نفسه .. ف ع اي اساس تحسب المليارات اللي تروح مقابل عملهم .. ولحاجتهم الشخصيه من ماكل ومشرب وتعليم اطفالهم و و و ..؟!

الا بسألك يا اخ حمد .. الدوله تصرف على المواطنين اهني مليار المليارات .. تقدر اتقولي وين راحت هالمليارات المليارات ..؟!
والا بس تحسبها عالفقير.!!


صج يحسدون الفقير ع موتة الجمعه .!!





اشنقوه
رجل مثالي
07-02-2015, 12:44 AM
الله يسلمك هو من المفروض ان يرسلون مبلغ آلى اهاليهم للمعيشة
ضوى
07-02-2015, 01:17 AM
ان شاء الله عشرين مليار عليهم بالعافية

بعد شقاهم بنحاسبهم عليه

الله سخرهم لخدمتنا سبحان الله وهم احرار بفلوسهم دامها حلال
H H
07-02-2015, 01:22 AM
يعني بتقنعني الحين انك تستاهل انك تاخذ فيوم واحد راتب الشغاله فشهر كامل؟
خل عنك هالكلام وخل عنك الحسد الله يصلحك
ضوى
07-02-2015, 01:26 AM
ودي واتمنى لو يعيدون النظر في راتب حمد لانه الدوله مب مستفيدة منه بشي لا يحجز بشاليهات ولا يسافر عالقطرية ولا يشتري ماركات ولا يروح مطاعم وراتبه كله تحت البلاطة

استغفرك ربي واتوب اليك
معماري قطري
07-02-2015, 01:42 AM
يالسمي كلمة تدخل النار فما بالك برأَي خطأَ وكثير استفزهم هذا الرأَي وممكن يدعون عليك

انا شخصياً أَدعي لك بالرأَي السديد .. بالنسبة لي رأَيي تتم رقابة التحويلات المالية لكل أَجنبي والسحوبات من البنوك لو مشكوك فيها والتحقيق مع المحول لأَن كثرت السرقات الكبيرة من بعض الأَجانب وكأَن بنوكنا يطلبون منهم أَي شيء يعطونهم
معماري قطري
07-02-2015, 01:45 AM
ودي واتمنى لو يعيدون النظر في راتب حمد لانه الدوله مب مستفيدة منه بشي لا يحجز بشاليهات ولا يسافر عالقطرية ولا يشتري ماركات ولا يروح مطاعم وراتبه كله تحت البلاطة

استغفرك ربي واتوب اليك

ما عليج منه مدلع نفسه حتى ثوبه ماركة البسني وروح يالمجروح بس يتكلم عن العين
MirusS
07-02-2015, 01:45 AM
مع أني ضد الخدم
لكن
أستغفر ربك ياحمد
MagnuM
07-02-2015, 01:45 AM
مش دفاعا عن صاحب الموضوع لانه حزات عليه شطحات، ولكن هذا الموضوع سليم جدا من ناحية اقتصادية، واغلب الردود راحت في وادي ثاني. صح كلام صاحب الموضوع انه يجب إيجاد حلول لمنع تسريب المال الى الخارج. منها تقليص عدد الخدم. الموضوع مش موضوع حقد وحسد، ولكن الفلوس لازم تتم في الدوحه وتدار في الدولة حتى يتطور الاقتصاد.

ماعرف كم المبلغ بالضبط، بس هاذي مشكله تواجه كل دول الخليج الا وهي تسرب الأموال الى الخارج عن طريق العماله الوافده مما يضر الاقتصاد المحلي. الحلول كثيره، منها تقليص إعداد العماله الوافده بشكل عام بالاضافة الى وضع لمت معين لتحويلات الأموال السنويه. طبعا الحلول محتاجه دراسه عميقه عشان مايصير فيها غش او ظلم او تلاعب
معماري قطري
07-02-2015, 01:54 AM
من أَيام سئلني سواق البيت وذكرني بتجديد اقامته وقال انه غير جوازه ولازم ينقل الاقامة للجواز الجديد ويبون فلوس زيادة ويسئل حق كم سنة يجدد .. قلت له انت زين ونحبك ولو تبي 10 سنين بنجدد لك .. قال حدهم 3 سنين قلت له خلاص جدد 3 واستانس مسكين بكلامي الطيب له .. لأَن هالناس الكلمة الطيبة لهم فيها أَجر .. يخالف أَوقات وأَدفع عنه وبطيب نفس وأَي شيء يزيد عن الحاجة في البيت اعطيه يبيعه ويتصرف في فلوسه .. طلبت يبيع سيارة وما قصر وعطيته مبلغ من قيمة السيارة وفرح وايد وقال لي انت محتاج وخل الفلوس لك ما رضيت.

ما اقول هالكلام رياء وكثير ما يعرفوني علشان ارايئهم لكن كمثال لحسن معاملة الخدم وتذكير للكل بالتجاوز عن تقصيرهم أَوقات.
معماري قطري
07-02-2015, 02:02 AM
مش دفاعا عن صاحب الموضوع لانه حزات عليه شطحات، ولكن هذا الموضوع سليم جدا من ناحية اقتصادية، واغلب الردود راحت في وادي ثاني. صح كلام صاحب الموضوع انه يجب إيجاد حلول لمنع تسريب المال الى الخارج. منها تقليص عدد الخدم. الموضوع مش موضوع حقد وحسد، ولكن الفلوس لازم تتم في الدوحه وتدار في الدولة حتى يتطور الاقتصاد.

ماعرف كم المبلغ بالضبط، بس هاذي مشكله تواجه كل دول الخليج الا وهي تسرب الأموال الى الخارج عن طريق العماله الوافده مما يضر الاقتصاد المحلي. الحلول كثيره، منها تقليص إعداد العماله الوافده بشكل عام بالاضافة الى وضع لمت معين لتحويلات الأموال السنويه. طبعا الحلول محتاجه دراسه عميقه عشان مايصير فيها غش او ظلم او تلاعب

المال يا اخوي يروح ويجي .. كفاية بترولنا يرحل بأَرخص الأَسعار حتى ماي ايفيان أَغلى منه .. خذ مثال أَمريكا ما تستجلب خدم ولا عمال وكل الشعب يشتغل .. لكن هم في حاجة لخدم وبعضهم يستخدمون خدم بالساعة وبأَسعار خيالية ولو عدلوا شوي من سياستهم وصار عندهم نظام كفالة الخادم ومن دول فقيرة كثيرة حولهم كان بيفيدون ويستفيدون .. نفس الوقت شرعوا طريقة ترحيل الأَعمال للخارج للصين وللهند وغيرها فنقص دعم كبير لناس كانت عايشة على هالمصانع وكثير اتجهوا للاجرام وللعيش بلا مأَوى.
<اضرب واشرد>
07-02-2015, 06:33 AM
مش دفاعا عن صاحب الموضوع لانه حزات عليه شطحات، ولكن هذا الموضوع سليم جدا من ناحية اقتصادية، واغلب الردود راحت في وادي ثاني. صح كلام صاحب الموضوع انه يجب إيجاد حلول لمنع تسريب المال الى الخارج. منها تقليص عدد الخدم. الموضوع مش موضوع حقد وحسد، ولكن الفلوس لازم تتم في الدوحه وتدار في الدولة حتى يتطور الاقتصاد.

ماعرف كم المبلغ بالضبط، بس هاذي مشكله تواجه كل دول الخليج الا وهي تسرب الأموال الى الخارج عن طريق العماله الوافده مما يضر الاقتصاد المحلي. الحلول كثيره، منها تقليص إعداد العماله الوافده بشكل عام بالاضافة الى وضع لمت معين لتحويلات الأموال السنويه. طبعا الحلول محتاجه دراسه عميقه عشان مايصير فيها غش او ظلم او تلاعب

الموضوع السليم اللي يكتب فيه أرقام صحيحة
شنو 1 مليون خادمة وسايق ؟ و 12 مليار سنويا ؟
بروحه الموضوع مقزز تنرفز الناس بأرقام غلط ليش (واضح متعمد ..يستهبل)

ثانيا جيتوا على هالمساكين ؟ مافي أجانب تحتاج لهم الدولة ويستلمون رواتب 15 إلى 50 ضعف الخادمة ؟ كم مليار يصرفه المواطنون في سفراتهم السياحية ؟ كم مليار تخسره الدولة بسبب الإسراف في الماء والكهرباء ؟

موضوع الخدم إذا مزعج حمد يقدر ينصح ياجماعة خدامة واحدة لكل بيت تكفي مافي داعي ثنتين وثلاث

بخصوص إحصائية الخدم:

أعتقد إذا عدد المواطنين 300 ألف هناك 150 ألف خادمة لهم (غير الخدم عند غير القطريين) "حسب الإحصائية في الاقتباس أدناه"
إذا متوسط رواتبهم 1100ريال = 165 مليون شهريا = 1980 مليون ريال سنويا (جزء منه يصرفونه في قطر وجزء يحولونه لبلدانهم)

(غير الدريولية)

بعدين أنت ياحمد تدفع لهم مقابل خدمة وفائدة لك ، ماتبيهم أنت حر وبارك الله فيك .. اكرف ونظف واطبخ واغسل عشان توفر الـ 12000-24000 ألف سنويا حق سفرة سياحية قصيرة تنسيك تعب سنة كاملة من الكرف والتنظيف والطبخ والغسل.


حسب إحصائيات في 2004 هناك خادمة لكل مواطنين اثنين في كل من الامارات والكويت. وخادمة لكل أسرة سعودية في المتوسط. ولاتوجد إحصائيات لقطر.

http://www.alarabiya.net/articles/2004/10/19/7257.html

أعتقد قطر مثل الامارات والكويت
khaldoon
07-02-2015, 07:25 AM
اخوي حمد تبي حل مقنع و عادل و يحافظ على بقاء الاجور في البلد و ما تطلع بره و يكون حل منطقي جدا و يحمي و يعتني بالشعر حتى نهاية اطرافه ؟

ايش رأيك لو تسمح للعمال و الخدم انهم ينشؤون شركات استثماريه و مشاريع تجاريه محليه مع تقديم كافة التسهيلات الممكنه لهم لتشجيع الاستثمار؟.... اعتقد هالشكل نقدر نشجعهم على ابقاء رؤوس اموالهم وما يرسلونها بره و بكل قوة ....صدقني حل ولا اروع وما في اي ظلم على احد بالعكس كل الاطراف بتكون راضيه و مبسوطه ومن جد وجد ...والا انت عندك حل افضل؟
شيخ الديرة
07-02-2015, 08:11 AM
.
.
. .. لأَن هالناس الكلمة الطيبة لهم فيها أَجر .. يخالف أَوقات وأَدفع عنه وبطيب نفس وأَي شيء يزيد عن الحاجة في البيت اعطيه يبيعه ويتصرف في فلوسه .. طلبت يبيع سيارة وما قصر وعطيته مبلغ من قيمة السيارة وفرح وايد وقال لي انت محتاج وخل الفلوس لك ما رضيت.
.
.


كلام من ذهب, جزاك الله خير, والأجر عند الله ما يضيع
ناس يقضون نصف عمرهم هنا بعيدين عن أهلهم, حرام يكون نصف عمرهم ظلم ومذلة.
دااانة قطر
07-02-2015, 09:22 AM
ودي واتمنى لو يعيدون النظر في راتب حمد لانه الدوله مب مستفيدة منه بشي لا يحجز بشاليهات ولا يسافر عالقطرية ولا يشتري ماركات ولا يروح مطاعم وراتبه كله تحت البلاطة

استغفرك ربي واتوب اليك
:nice: :nice:
:nice:
دااانة قطر
07-02-2015, 09:32 AM
يا يبه حتى ترقيع ما تعرف ترقع .

استغفر الله يا رب. الهندي اللي ينكرف او الدريول والخدامه براتبهم 1200 ويش تبيه يصرفه عندنا ؟؟؟ ويش تجيب له هاي 1200 ممكن تقولي ؟ قطعة ارض والا كروزر ؟ ههههههه قسم بالله موضوعك ذكرني بالافلام اللي كانوا يشغلوها لنا المدرسه في حصص المكتبة عن العبوديه والعبيد في عصر الجاهليه . يجيبون العبد يكفخونه تكفخ وحده اكل ومشرب. سبحان الله هاي هي العبوديه في زمننا الحالي. وجاي تقولي اتكاليه وما اتكاليه كنت قلتها من اول الموضوع .

صدقت والله
R 7 A L
07-02-2015, 10:31 AM
يعلقونه في سيخ شاورما وكل واحد من الي منسدحين تحت الجسر نعطيه سكين http://store1.up-00.com/2015-02/1423253209931.gif (http://www.up-00.com/)

صباح الخير
يالنهار
شوف الناس قامت تفهم وتعرف مو مثل اول
مثل حمد واشكالة ومواضيعهم هذي مش هدفها اقتصاد الدولة ولا راحة المواطنين
اهدافهم خاصه لهم فقط يبون العالم كلهم يسفرون خدمهم وهم يخلونهم عندنا
اعتقد هذي حالة مرضية نفسية وتحتاج الى علاج فوري بالاضافة انهم يشعرون انهم اصحاء وغيرهم مرضى بس الحقيقة انهم هم المرضى
اتمنى ان نتكاتف ونساعدهم لانهم في الاخير منا وفينا
يمامـة
07-02-2015, 11:32 AM
حمد هل بالفعل عندنا 500 الف خادمة؟
و 500 الف دريول؟
الكنترول
07-02-2015, 11:51 AM
كيف يصدر للبلد يصدره يبني له بيت يأمن مستقبلة مع أهله وعياله
حرام والله تكرف الخدامة والسائق حتى وجبه من كنتاكي ما يشترونها
من أجل أهلهم وتأمين المستقبل .
دااانة قطر
07-02-2015, 12:34 PM
كيف يصدر للبلد يصدره يبني له بيت يأمن مستقبلة مع أهله وعياله
حرام والله تكرف الخدامة والسائق حتى وجبه من كنتاكي ما يشترونها
من أجل أهلهم وتأمين المستقبل .



اي والله يكسرون الخاطر ولا ليش تعنوا وتغربو
على الأقل يسوون شي ل اهاليهم ولا ماشفناهم مهندسين ومبرمجين ودكاتره ..
في ناس يبخلون على عمرهم وعلى اهلهم وبعد مايشبعون وعينهم على اللي عند غيرهم .. طيب خاطرك في شي روح اخذه لا تحسد غيرك .. ولا من الأساس تقاعد ولا استقيل وروح عند أي مسيد والله يرزقك رزق يومك ...



الله المستعان
mubarak2006
07-02-2015, 03:48 PM
مصلحه بلدي الماديه فوق كل اعتبارات ..
لحول ياوزير الماليه،،،اقول شكلك زطي يالحبيب
ahmed203949
07-02-2015, 04:45 PM
ما شاء الله على الشعب القطري الأصيل المسلم
تابعت الموضوع ففرحت كثيرا للردود وهذا يبين طبيعة الشعب القطري الاصلي المسلم
ولا يحتاج اي مكتب لحقوق الانسان. فهم بطبيعتهم الأصيلة المسلمة عرفوا حقوق الغير.
والله يحفظ هذا الشعب العظيم والقيادة الرشيدة من كل سوء.
و الاخ حمد لم يوفق في الموضوع ونعذره.
qtr qtr
07-02-2015, 07:35 PM
ليش هالردود الجارحه والقاسيه على حمد 2002 .. والظن بالسوء له .

يا اخ واخت أرجوا منكم الرد والتعامل مع الناس بعقلانيه وبهدوء دون تهجم وتجريح واساءه .. ردو عليه بكلام طيب بكلام فيه نصح بكلام فيه من ادله من القران والسنه على دلالة الرفق بالفقير والمحتاج .. هذا هو الاسلوب اللي تعلمنا من رسولنا الكريم عليه افضل الصلاة والسلام .

واتذكر اخونا حمد كتب موضوع عن عمال النظافه ذكر فيها الر فق بهم .

قال الله تعالى: يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ {الحجرات:12}
النهار
07-02-2015, 07:49 PM
ليش هالردود الجارحه والقاسيه على حمد 2002 .. والظن بالسوء له .

يا اخ واخت أرجوا منكم الرد والتعامل مع الناس بعقلانيه وبهدوء دون تهجم وتجريح واساءه .. ردو عليه بكلام طيب بكلام فيه نصح بكلام فيه من ادله من القران والسنه على دلالة الرفق بالفقير والمحتاج .. هذا هو الاسلوب اللي تعلمنا من رسولنا الكريم عليه افضل الصلاة والسلام .

واتذكر اخونا حمد كتب موضوع عن عمال النظافه ذكر فيها الر فق بهم .

قال الله تعالى: يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ {الحجرات:12}

واتذكر بعد كتب عن عمال النظافه في موضوع سابق انهم يستلمون رواتب 4000 ريال وان هذالراتب في نظره ضخم جدا
وانهم لايستحقون مثل هذالراتب ؟؟؟؟؟؟؟
qtr qtr
07-02-2015, 09:01 PM
اخوي النهار حتى ولوا كتب مثل ماتفضلت .. محد يرضى على نفسه مثل هالردود ردوا عليه برد مثل مايرضيكم بدون تهجم وتجريح وانهامات وظن بالسوء .

حد منك تفضل وساله اسباب طرح موضوعك او المقصد منه او هل عندك مقترح يرضي الطرفين دون المضره .. وغيرها من هالامور .
حسن
07-02-2015, 10:28 PM
اخوي النهار حتى ولوا كتب مثل ماتفضلت .. محد يرضى على نفسه مثل هالردود ردوا عليه برد مثل مايرضيكم بدون تهجم وتجريح وانهامات وظن بالسوء .

حد منك تفضل وساله اسباب طرح موضوعك او المقصد منه او هل عندك مقترح يرضي الطرفين دون المضره .. وغيرها من هالامور .


ماعليك من النهار وحمد ترا هذولا مثل دلالوه الحسا
:)


موضوع حمد مهم وخصوصا مهب هني على مستوى الخليج بكبره
اذكر مره قريت عن تحويلات لعماله ارقام خياليه
وتقدر بميزانيات دول كبيره
موضعه اقتصادي وكبير وذكي جدا ليش هذه المبالغ تطلع وتحول الى بلدانهم
وهذا ثروه ضخمه ماتستغل في البلد شلون لها طرق كثيره
يعني الحين الخليجي اذا سافر برع يروح مريش ويعود متلش
ويصرف فلوسه وبالميارات في دولهم ويعود بخفي حنين ويخاف من مسج الفيزا والبنك
:(

حمد موضوعك هذا خطير وله بعد استارتيجي ونظره بعيده جدا واشوف شي مايشوفونه
خلني اسئلك بكره المستشارين اللي عندي واقولك الحلول وشنهي الخساره لنا

طلعت مهب هين ياحمد

المفروض يعينونك تمسك الصندوق السيادي للحكومه

:victory:
مفكر قطري
08-02-2015, 01:06 AM
عزيزي حمد .. للعلم ترى افكارك تعجبني و مميزة ..
فعلا التحويلات للخارج توصل لعشرات المليارات لكن مب السبب
الوحيد هو العمالة المنزلية.. السبب الرئيسي هو الموظفين الأجانب في كافة القطاعات ..

استمر يا حمد .. و أتمنى لو تكون عندك نظرة أوسع
حين طرح المواضيع لأن مب الكل بيفهمك ..
الجـــوديّ
08-02-2015, 02:05 AM
Omg!!!


حمد .. أنت قصدك نبيل .. الله يجزاك خير وموضوع كبير مثل ذيه يفضل تفصل فيه علشان
نستفيد من الخبرات الاقتصادية الموجودة في المنتدى بما انه اقتصادي
وللأسف صار موضوع عام والأخوان راحوا شخصنوه ..وما استفدت الا من كم رد.



الموضوع يتكلم عن قضية تتناولها الرؤوس الاقتصادية، وتهدد الاقتصاد الوطني بالفعل.
الموضوع ما يناقش أتعاب وأجور واستحقاقات .. هذي أمور بديهية مفروغ منها
لكنها تناقش هجرة أموال لابد من استثمارها في الداخل بدلاً من هجرتها إلى الخارج
بما فيها الأوال اللي يصرفها الخليجين في الخارج بغرض التسوق والسياحة.
صحيح هي رواتبكم وفلوسكم .. عليكم بألف عافية
لكن اصحاب القرار يفكرون قد ما يقدرون يوازنون بين رؤوس الأموال الصادرة والداخلة
ويسنون قوانين ومزايا لاستقطاب رؤوس الاموال الاجنبية واستثمارها في الداخل .. واحنا نصدر أموال كثيرة للخارج!
ما تلاحظون في نشرة الأخبار دايماً يذكرون قيمة الحوالات الخارجية .. وعادة تكون بالمليارات .. وهالارقام مب هينة،
وكل دولة تفكر توطن أموالها وتستثمرها بما يعود عليها بالنفع بدون ظلم لأحد .. لذلك أحد الحلول تقليص أعداد العمالة.
نمر بن عدوان
08-02-2015, 02:32 AM
لايحق لاي احد ان يتحكم بأموال الانسان الشخصيه الا اذا كان سفيه يحولها بلاده او يصرفها في البلد هو حر
Red point
08-02-2015, 03:09 AM
طيب ما تبي الهندي او الدريول يتزوج بالهند ويجيب له عيال ؟ يشتري له بيت ؟ والا تبيه بس يخلص ويصير عمره 50 بوز على الهند وينام بالشارع ؟ العماله هاي جايه تسترزق مو جايه تلعب. فلوسه بكيفه يحولها للهند هاي شقا عمره او السيفينج يصرف على اهله وعلى والدينه لو مرضوا او صار فيهم شي. في ناس للاسف تفكر الدنيا اكل ومشرب وطلعة فلاجيو. ترا اذا انت مرتاح غيرك شقيان.

وحاط لي توقيعك : الظلم مب زين ... ههههه


ليش هالحقد عالفقارة


من راقب الفقارى مات هما ،،،اقترح أطالب بفرض رسوم على مكاتب الخدم اهي المستفيده اكثر ،،،من راجو وبابو وماري


حمد وصلت لارزاق الخدم؟؟
طيب قارن راتبك براتب الخدم وقول لنا شتسوي فيه؟


من كثر رواتبهم حاسدين الفقير على موتة اليمعة...هديت تعبهم وتوصيلهم ليهالك وانتظارهم لساعات في هالحر والشمس ،وتنظيفهم لبيتك وسيارتك، وركزت على رواتبهم


بالمقابل احنا مستفيدين منهم

لو تقدر تستغني عن خادمه او سايق تكون حليت المشكله من جذورها

الافضل ان الموضوع يكون استقطاب عماله مسلمه على الاقل تاخذ أجر انك تساعد أسره مسلمه

احسنتم ردودكم اتبرد على الخاطر الحمدلله لين الحين في ناس صاحي ضميرها
الله يهديك يا حمد يعني الحين انت اتشوف هال 1000 وله 2000 ريال الي ينصرفون حق الخدم هي الي مسوية ربكة اجتماعية وازمة اقتصادية ؟

والمشكلة في توقيعك كاتب الظلم مب زين هذا الظلم بعينة يطولي بعمرك
Red point
08-02-2015, 03:17 AM
اخوي النهار حتى ولوا كتب مثل ماتفضلت .. محد يرضى على نفسه مثل هالردود ردوا عليه برد مثل مايرضيكم بدون تهجم وتجريح وانهامات وظن بالسوء .

حد منك تفضل وساله اسباب طرح موضوعك او المقصد منه او هل عندك مقترح يرضي الطرفين دون المضره .. وغيرها من هالامور .

وبعد محد يرضى يقصون من راتبه او يتحكمون في راتبه الحين انت برايك هذا صح يوم نقول لا ما يصير نخلي الاجانب يطرشون فلوسهم لاهلهم ولازم يصرفونها داخل البلاد ؟؟

اخبر من فترة يوم نزل موضوع في جريدة الراية كانو يطالبون كل قطري يكون عندنا كحد اقصى سيارتين باسمة للحد من الازداحم الكل قال لا وشلون يتحكمون بفلوسنا وفلوسي وانا حر فيها
اخذ سيارة ولا 20 سيارة محد له دخل ومحد قال والله هاي مصلحة عامة ليش ما يطبق هالقرار والحين عشان ذيلا مستضعفين ومالهم صوت تبي الناس ما ادافع عنهم يطولي بعمرك
في شي ينقال له الجزاء من جنس العمل وهذا الي انطبق على حمد القصد واضح من الموضوع ويمكن احنا مافهمنا عدل فخل يفهمنا عشان تتضح الصورة مثل ما تقول
وحيد-الشوق
08-02-2015, 07:20 AM
ياحمد هذيلا عمال مساكين تدري شنو راتب 1200 غرشة العطر نفس راتبهم المفروض موضوعك عن الموظفين الاجانب الي يستلم لك فوق ال30 الف وعندة بيت وسيارة وعياله مدراس خاصه تخيل بس عليه الاكل هذا اذا ماكان الاكل يجيه ببلاش ماكل وماش يده في الطوفه ويحول لك 20 الف بلاده ويجيك بعدين يسب قطر وياكثرهم في الفيس بوك وغيره

ولاتنسى بوعيون زرق عادي محول شهريا 100 الف :)
R 7 A L
08-02-2015, 07:42 AM
ياحمد هذيلا عمال مساكين تدري شنو راتب 1200 غرشة العطر نفس راتبهم المفروض موضوعك عن الموظفين الاجانب الي يستلم لك فوق ال30 الف وعندة بيت وسيارة وعياله مدراس خاصه تخيل بس عليه الاكل هذا اذا ماكان الاكل يجيه ببلاش ماكل وماش يده في الطوفه ويحول لك 20 الف بلاده ويجيك بعدين يسب قطر وياكثرهم في الفيس بوك وغيره

ولاتنسى بوعيون زرق عادي محول شهريا 100 الف :)



المشكلة في ناس يمجدونه ويمدحونه في هالموضوع الغير الموفق
لا ويطالبون الاسر والعوايل تخفف من الخدم او تسفرها وفي المقابل هم اكثر الناس مناقضين لهذا الامر كل واحد منهم وصل الحد الاقصى من الكفالات الشخصية للعمالة
وعدد العمال في بيوتهم اكثر من عددهم

خلهم يبتدئون بأنسفهم بعدين يعممون على الناس
حمد 2002
08-02-2015, 07:51 AM
153 مليار ريال تحويلات المقيمين بالسعودية إلى بلادهم
السبت 17 ربيع الثاني 1436هـ - 7 فبراير 2015م


سجلت تحويلات الأجانب المقيمين في السعودية مستوى قياسيا جديدا خلال العام 2014، حسب ما أظهر تقرير مؤسسة النقد، حيث بلغت تحويلات الأجانب العام الماضي نحو 153.3 مليار ريال، وبحسب هذه الإحصاءات فإن متوسط تحويلات العامل الوافد الواحد في المملكة بلغ نحو 19 ألف ريال خلال العام الماضي.

ورغم تقلص نسبة النمو في تحويلات الأجانب لعام 2014 والتي بلغت 4% تقريبا، مقارنة بنسبة النمو في العام 2013 والتي بلغت 18% فإن وجود النمو يعني عدم استفادة الاقتصاد من حملات تصحيح أوضاع العمالة، وترحيل ما يقرب من مليون عامل، إضافة إلى حملات مكافحة التستر التي يعتقد أن لها دوراً كبيراً في زيادة حجم حوالات الأجانب بحسب جريدة الرياض.

واعتبر مختصون أن من الطبيعي أن يكون هناك تدفقات مالية خارجة طالما أن السوق مشبعة بالعمالة الأجنبية، وهذا حق من حقوقها في تحويل جزء من رواتبها إلى الخارج، إلا أن المشكلة تظهر في حجم تلك التحويلات المالية مقارنة بالدخل الحقيقي للعمالة، ما يجعلنا نعتقد أن 153 مليار ريال لا تمثل رواتب العمالة فحسب، بل ربما كان ضمنها موارد مالية أخرى لا علاقة لها بالأجور والرواتب، وهذا هو الأقرب.

ولفتوا إلى تدفقات التحويلات الخارجية التي تزيد على 153 ملياراً هو استنزاف للعملات الصعبة، وتسرب للسيولة من الاقتصاد، إضافة إلى أنها تشكل عبئاً مالياً غير منظور بسبب الملاءة المالية ووفرة احتياطيات النقد الأجنبي، واستمرارية تدفق الدخل بالعملات الصعبة.






رأيي الشخصي

اشكر كل من رد بالموضوع فرد فرد

هاي في السعوديه وتحويلاتهم فوق المئه مليار احنا اكيد اتوقع عندنا اكثر وبقولكم ليش

لانه الاجنبي الفلبيني الي بيمسك بالسعوديه 1500 ريال هنا عندنا بالراحه بيمسك 3000 ريال واكثر !!

ملاحظه مب شرط خدم المنازل بل الخطوره بالتحويلات الخارجيه تكمن كذلك بالوظائف الغير مصنفه مثل طباخ صباغ سباك عامل خدمات وووووو


لانه الدوله مب مستفيده منهم شيء نهائيا ،،

تلقونه يصرف بالدوحه 200 ريال شهريا والباقي تحويله لبلاده ،،


ياجماعه وسعوا افق رئيتكم قليلا ،،


مع الشكر الجزيل
ضوى
08-02-2015, 08:31 AM
وانت كم تصرف في الشهر يا حمد ؟؟

موضوعك بغيض جدا
بانغ بانغ
08-02-2015, 08:40 AM
153 مليار ريال تحويلات المقيمين بالسعودية إلى بلادهم
السبت 17 ربيع الثاني 1436هـ - 7 فبراير 2015م


سجلت تحويلات الأجانب المقيمين في السعودية مستوى قياسيا جديدا خلال العام 2014، حسب ما أظهر تقرير مؤسسة النقد، حيث بلغت تحويلات الأجانب العام الماضي نحو 153.3 مليار ريال، وبحسب هذه الإحصاءات فإن متوسط تحويلات العامل الوافد الواحد في المملكة بلغ نحو 19 ألف ريال خلال العام الماضي.

ورغم تقلص نسبة النمو في تحويلات الأجانب لعام 2014 والتي بلغت 4% تقريبا، مقارنة بنسبة النمو في العام 2013 والتي بلغت 18% فإن وجود النمو يعني عدم استفادة الاقتصاد من حملات تصحيح أوضاع العمالة، وترحيل ما يقرب من مليون عامل، إضافة إلى حملات مكافحة التستر التي يعتقد أن لها دوراً كبيراً في زيادة حجم حوالات الأجانب بحسب جريدة الرياض.

واعتبر مختصون أن من الطبيعي أن يكون هناك تدفقات مالية خارجة طالما أن السوق مشبعة بالعمالة الأجنبية، وهذا حق من حقوقها في تحويل جزء من رواتبها إلى الخارج، إلا أن المشكلة تظهر في حجم تلك التحويلات المالية مقارنة بالدخل الحقيقي للعمالة، ما يجعلنا نعتقد أن 153 مليار ريال لا تمثل رواتب العمالة فحسب، بل ربما كان ضمنها موارد مالية أخرى لا علاقة لها بالأجور والرواتب، وهذا هو الأقرب.

ولفتوا إلى تدفقات التحويلات الخارجية التي تزيد على 153 ملياراً هو استنزاف للعملات الصعبة، وتسرب للسيولة من الاقتصاد، إضافة إلى أنها تشكل عبئاً مالياً غير منظور بسبب الملاءة المالية ووفرة احتياطيات النقد الأجنبي، واستمرارية تدفق الدخل بالعملات الصعبة.






رأيي الشخصي

اشكر كل من رد بالموضوع فرد فرد

هاي في السعوديه وتحويلاتهم فوق المئه مليار احنا اكيد اتوقع عندنا اكثر وبقولكم ليش

لانه الاجنبي الفلبيني الي بيمسك بالسعوديه 1500 ريال هنا عندنا بالراحه بيمسك 3000 ريال واكثر !!

ملاحظه مب شرط خدم المنازل بل الخطوره بالتحويلات الخارجيه تكمن كذلك بالوظائف الغير مصنفه مثل طباخ صباغ سباك عامل خدمات وووووو


لانه الدوله مب مستفيده منهم شيء نهائيا ،،

تلقونه يصرف بالدوحه 200 ريال شهريا والباقي تحويله لبلاده ،،


ياجماعه وسعوا افق رئيتكم قليلا ،،


مع الشكر الجزيل

شوف بو شهاب كلامك فيه من الصواب

كان معانا مدرس انجليزي في البترول يصرف في الاسبوع والله العظيم 17 ريال بس

لان كل شي مدفوع له من اكل ومشرب ومعيشة

هاي ال17 ريال بس يشرب فيها " شراب خاص " في فندق الواحة ذيك الايام

فالكلام صح بس مب عشان العمال

لو اتعمم على الاجانب راح الكل يحشد جيشه معك وانا اولهم
حسن
08-02-2015, 09:27 AM
153 مليار ريال تحويلات المقيمين بالسعودية إلى بلادهم
السبت 17 ربيع الثاني 1436هـ - 7 فبراير 2015م


سجلت تحويلات الأجانب المقيمين في السعودية مستوى قياسيا جديدا خلال العام 2014، حسب ما أظهر تقرير مؤسسة النقد، حيث بلغت تحويلات الأجانب العام الماضي نحو 153.3 مليار ريال، وبحسب هذه الإحصاءات فإن متوسط تحويلات العامل الوافد الواحد في المملكة بلغ نحو 19 ألف ريال خلال العام الماضي.

ورغم تقلص نسبة النمو في تحويلات الأجانب لعام 2014 والتي بلغت 4% تقريبا، مقارنة بنسبة النمو في العام 2013 والتي بلغت 18% فإن وجود النمو يعني عدم استفادة الاقتصاد من حملات تصحيح أوضاع العمالة، وترحيل ما يقرب من مليون عامل، إضافة إلى حملات مكافحة التستر التي يعتقد أن لها دوراً كبيراً في زيادة حجم حوالات الأجانب بحسب جريدة الرياض.

واعتبر مختصون أن من الطبيعي أن يكون هناك تدفقات مالية خارجة طالما أن السوق مشبعة بالعمالة الأجنبية، وهذا حق من حقوقها في تحويل جزء من رواتبها إلى الخارج، إلا أن المشكلة تظهر في حجم تلك التحويلات المالية مقارنة بالدخل الحقيقي للعمالة، ما يجعلنا نعتقد أن 153 مليار ريال لا تمثل رواتب العمالة فحسب، بل ربما كان ضمنها موارد مالية أخرى لا علاقة لها بالأجور والرواتب، وهذا هو الأقرب.

ولفتوا إلى تدفقات التحويلات الخارجية التي تزيد على 153 ملياراً هو استنزاف للعملات الصعبة، وتسرب للسيولة من الاقتصاد، إضافة إلى أنها تشكل عبئاً مالياً غير منظور بسبب الملاءة المالية ووفرة احتياطيات النقد الأجنبي، واستمرارية تدفق الدخل بالعملات الصعبة.






رأيي الشخصي

اشكر كل من رد بالموضوع فرد فرد

هاي في السعوديه وتحويلاتهم فوق المئه مليار احنا اكيد اتوقع عندنا اكثر وبقولكم ليش

لانه الاجنبي الفلبيني الي بيمسك بالسعوديه 1500 ريال هنا عندنا بالراحه بيمسك 3000 ريال واكثر !!

ملاحظه مب شرط خدم المنازل بل الخطوره بالتحويلات الخارجيه تكمن كذلك بالوظائف الغير مصنفه مثل طباخ صباغ سباك عامل خدمات وووووو


لانه الدوله مب مستفيده منهم شيء نهائيا ،،

تلقونه يصرف بالدوحه 200 ريال شهريا والباقي تحويله لبلاده ،،


ياجماعه وسعوا افق رئيتكم قليلا ،،


مع الشكر الجزيل

ياعيني عليك ياحمد بعد هذا التقرير كانك صاب ماي بارد علينا الرقم يخرع ويروع

انت انسان مفكر انت مبدع انت مميز عندي

تصدق ياحمد تستنزف الكثير من فلوس الخليج هل التحويلات وكله له ضرر كبير على الاقتصاد
تخيل هل المبالغ تسحب من اسواقنا وبهذه الطريقه تنشفط السيوله مما يؤدي الى نزول الاسعار منها البورصه
والعقارات وغيرها بسبب قله السيوله
وهذا خطر مما يؤدي ان الدوله لازم تعوض عن خروجا بزياده الانتاج او الاستثمارات وزيادتها
لسد النقص
طبعا البترول سله لن تدوم في المستقبل والاجليال القادمه بتقعد على شموع بسبه كثره زياده الانتاج
من
وجهه نظري ياحمد
هو وضع ضوابط ومميزات لعدم هجره هذه الاموال
مثلا الاقامه الطويله هذه ميزه
او رفع نسبه التملك لمقيمين وهذه ميزه ايظا وعندك فرض ضريبه عاليه على التحويلات
ومنع مثلا التحويلات اكثر من نصف الراتب كل هذه قيود
يعني يجيك مدرس معروف راتبه قول 15 الف يحول شهريا 50 الف من وين طبعا من الدروس الخصوصيه اكيد
فانت بهذه الحاله تقضى على العماله السائبه بعد والعمل دون تراخيص

وهناك الكثير

موضوعك كبير ياحمد مهب صغير

يبيله خبرا ومفكرين ومحللين واصحاب رؤيا

مايبيله راعي سوق واقف مثل النهار
R 7 A L
08-02-2015, 09:30 AM
ياعيني عليك ياحمد بعد هذا التقرير كانك صاب ماي بارد علينا الرقم يخرع ويروع

انت انسان مفكر انت مبدع انت مميز عندي

تصدق ياحمد تستنزف الكثير من فلوس الخليج هل التحويلات وكله له ضرر كبير على الاقتصاد
تخيل هل المبالغ تسحب من اسواقنا وبهذه الطريقه تنشفط السيوله مما يؤدي الى نزول الاسعار منها البورصه
والعقارات وغيرها بسبب قله السيوله
وهذا خطر مما يؤدي ان الدوله لازم تعوض عن خروجا بزياده الانتاج او الاستثمارات وزيادتها
لسد النقص
طبعا البترول سله لن تدوم في المستقبل والاجليال القادمه بتقعد على شموع بسبه كثره زياده الانتاج
من
وجهه نظري ياحمد
هو وضع ضوابط ومميزات لعدم هجره هذه الاموال
مثلا الاقامه الطويله هذه ميزه
او رفع نسبه التملك لمقيمين وهذه ميزه ايظا وعندك فرض ضريبه عاليه على التحويلات
ومنع مثلا التحويلات اكثر من نصف الراتب كل هذه قيود
يعني يجيك مدرس معروف راتبه قول 15 الف يحول شهريا 50 الف من وين طبعا من الدروس الخصوصيه اكيد
فانت بهذه الحاله تقضى على العماله السائبه بعد والعمل دون تراخيص

وهناك الكثير

موضوعك كبير ياحمد مهب صغير

يبيله خبرا ومفكرين ومحللين واصحاب رؤيا

مايبيله راعي سوق واقف مثل النهار



حمد خصص الموضوع للعمال في البيوت
ماقال المدرسين والمدرسات
خلنا نشوف حل لمشكلة الخدم مثل ماحد ذاكر مانبي الموضوع يتشعب للوظائف الاخرى
تاجر كشخة
08-02-2015, 10:09 AM
حسبي الله ونعم الوكيل ناس وصلت فيهم انهم يطالعون في جيب الفقير هو ماخذ الفلوس بلاش
انزين شرايك انه اكثر الشعب حاط رجل على رجل في المكتب لا شغل ولا انتاجية وفوق كذا اجازات وغياب عن العمل وفي الاخير يستلم راتب ما تعب فيه وفي الاخير يسافر دولة اوروبية ويصرف فوق الخمسين الف على الفاااااضي هذا ويش تسميه ما تسميه استنزاف لاموال الدولة ما غابت عنك ذي النقطة ولا بس تشوف على الفقير
كالعادة تقط قنبلة وتشرد
khalid Qtr
08-02-2015, 10:42 AM
بالمقابل ، أنا وأنت نصرف أكثر من عشر أضعاف راتب هالضعوف شهرياً ، خلهم يترزقون ويعيشون عيالهم ، وبارك الله في من أحسن للخدم وعطاهم حقهم وفوقه زود ..

ولا تنسى أن هالمساكين يشتغلون ما لا يقل عن 10 ساعات يومياً ، يعني 30 ساعة شهرياً ..
mubarak2006
08-02-2015, 10:56 PM
وانت كم تصرف في الشهر يا حمد ؟؟

موضوعك بغيض جدا
لا لا ،،، صعب عليه يجاوب على هالسؤال،، تدرين ليش لانه !!!!! هههههه
Bin sultan
08-02-2015, 11:51 PM
حسبي الله ونعم الوكيل ناس وصلت فيهم انهم يطالعون في جيب الفقير هو ماخذ الفلوس بلاش
انزين شرايك انه اكثر الشعب حاط رجل على رجل في المكتب لا شغل ولا انتاجية وفوق كذا اجازات وغياب عن العمل وفي الاخير يستلم راتب ما تعب فيه وفي الاخير يسافر دولة اوروبية ويصرف فوق الخمسين الف على الفاااااضي هذا ويش تسميه ما تسميه استنزاف لاموال الدولة ما غابت عنك ذي النقطة ولا بس تشوف على الفقير
كاعادة تقط قنبلة وتشرد
انشهد انك قلت الي كنت بقولة يا تاجر كشخة