ليش مايتحول نظام التقاعد المدني نفس العسكري !!!

[حمد 2002]

السلام عليكم ورحمه الله وبركاته


النقطه الاولى

سمعنا ان العساكر اذا تقاعدوا يقدرون يشتغلون بوظيفه ثانيه وراتبهم الاولي يظل ماشي مال التقاعد ممم يعني يمسكون راتبين !!

بعكس المدنين اذا تقاعد راتبه الاولي ينقطع وايظل له بس راتب الوظيفه الجديده !!

النقطه الثانيه

نجد بان المدني اذا تقاعد تسقط منه الكثير من العلاوات بعكس العسكري علاواته كلها تظل ماشيه !!



اما الان

هل تلك الامور بالفعل موجوده وصحيحه ؟

ومارأيكم لو تحول قانون التقاعد للمدنين نفس نظام وقانون التقاعد للعساكر ؟


مع الشكر ،،

[ضوى]

اولا : من قالك انه المتقاعد العسكري تمشي له كل العلاوات بعد التقاعد ؟؟؟ صحح معلوماتك فهي غلط ، راتب اساسي واجتماعية فقط حاله حال المدني الا اذا كان على بند الاحتياط هنا الامر يختلف
ثانياً : مع انه مافي تمييز يذكر في التقاعد المدني والتقاعد العسكري الا انه يجب ان يكون هناك تمييز فتعب العسكري يختلف عن تعب المدني في كل شي

[Dexter]

العسكري اذا تقاعد تطيح منه علاوات بالهبل.. اتمنى تتأكد من معلوماتك قبل لا تكتب موضوع

وبعدين العسكري يكرف المسكين طول وقته مب مثل المدني.. ووايد منهم من الي متعلمين عالشغل والانضباط اذا تقاعد مايقدر يقعد في البيت يبي يشتغل عشان جي مسموح له

بس سمعت انه هالكلام بيتغير مع قانون الموارد البشرية اليديد؟ مادري هذا الي سمعته

[حمد 2002]

اولا : من قالك انه المتقاعد العسكري تمشي له كل العلاوات بعد التقاعد ؟؟؟ صحح معلوماتك فهي غلط ، راتب اساسي واجتماعية فقط حاله حال المدني الا اذا كان على بند الاحتياط هنا الامر يختلف
ثانياً : مع انه مافي تمييز يذكر في التقاعد المدني والتقاعد العسكري الا انه يجب ان يكون هناك تمييز فتعب العسكري يختلف عن تعب المدني في كل شي

حلوه افادتج اختي ضوى بالعساكر على بند الاحتياط !!


طيب ليش مانخلي الموظفين المدنين على بند الاحتياط ؟ ونستفيد من خبراتهم الكبيره بتطوير الشباب والاجيال المقبله وبالاعمال التطوعيه ؟

النقطه الثانيه ؟

من قالج ان العسكريه كلها تعب ؟

بالعكس هناك وظائف مدنيه وخصوصا بالمجال الخدمي منها = خدمه الجمهور تظاهي الوظائف العسكريه من ناحيه التعب الفكري والجسدي !!

عيل تخيلي جالسه على مكتبج من بدايه الدوام الى نهايته تخلصين معاملات الناس !!

اولا الظهر بيتعب والراس بيصدع من مجابل الكمبيوتر !!


والحمد لله على كل حال ،،

[حسن]

اتفق معك ياحمد

المساوه زينه وطبيعه العمل وحده ومقارنه بالعمل مافي مقارنه نهائيا بالعلاوات

ليش لا نبي الخير للجميع وبلاش حسد
:)

[حمد 2002]

العسكري اذا تقاعد تطيح منه علاوات بالهبل.. اتمنى تتأكد من معلوماتك قبل لا تكتب موضوع

وبعدين العسكري يكرف المسكين طول وقته مب مثل المدني.. ووايد منهم من الي متعلمين عالشغل والانضباط اذا تقاعد مايقدر يقعد في البيت يبي يشتغل عشان جي مسموح له

بس سمعت انه هالكلام بيتغير مع قانون الموارد البشرية اليديد؟ مادري هذا الي سمعته

مشكور على الافاده وبالعكس كلنا نستفيد من خبرات بعض طال عمرك ،،

[حمد 2002]

اتفق معك ياحمد

المساوه زينه وطبيعه العمل وحده ومقارنه بالعمل مافي مقارنه نهائيا بالعلاوات

ليش لا نبي الخير للجميع وبلاش حسد
:)

بوعلي

الحين لو انت جالس بوظيفه حكوميه على الكرسي ومجابل الكمبيوتر وكل دقيقه جاك مراجع من بدايه الدوام لين نهايته

هاي تعب ول لا ؟

[المرحب]

صباح الخير للجميع

أولاً ما أحب كلمة سمعنــــا

ثانياً طرحك يا حمد للمواضيع أغلب الأحيان ليس منها فائدة لنا

بصراحة لا يعجبني طريقة طرحك للمواضيع والكتابة والإملاء ولك الشكر

وأشكر الأخت ضوى على التوضيح وفعلاً صحح معلوماتك فهي غلط

[حمد 2002]

صباح الخير للجميع

أولاً ما أحب كلمة سمعنــــا

ثانياً طرحك يا حمد للمواضيع أغلب الأحيان ليس منها فائدة لنا

بصراحة لا يعجبني طريقة طرحك للمواضيع والكتابة والإملاء ولك الشكر

وأشكر الأخت ضوى على التوضيح وفعلاً صحح معلوماتك فهي غلط

طيب اخوي المرحب

غلط من اي ناحيه ؟!!

انا طرحت الموضوع علشان ابي استفيد وافيد غيري ،،

[ضوى]

لا يا شيخ ؟؟

عيل تعب المدني نفس تعب العسكري ؟؟

الا تعال قولي جربت تدش الخدمة الوطنية ؟؟؟

جربت تدش صاعقة ؟؟

جربت تدش بحر وتسافر بلاد بمركب عسكري ؟؟؟

والا جربت يسحبونك بالليل من فراشك لانه في طوراي وبالايام ماتشوف اهلك ؟

جاوبني وساعاتها باوافقك انه المدني فقير تعبه مساوي لتعب العسكري ، يكسر خاطري المدني مجابل الكمبويتر ويتابع الايميلات والمراجعين تعب نفسي وضغط على ظهره ، جارك الله يالمدني

[حسن]

بوعلي

الحين لو انت جالس بوظيفه حكوميه على الكرسي ومجابل الكمبيوتر وكل دقيقه جاك مراجع من بدايه الدوام لين نهايته

هاي تعب ول لا ؟

من يقولك مهب تعب الا مليون تعب
جربت الاثنين ونعرف الزين

الا انا مؤيد وبقوه كلنا نكمل بعض

[R 7 A L]

للعلم كل العسكريين الي مايداومون ( قوة احتياط )
للحين التقاعدعلى العسكرية
اذا طبقوه راح يكون لهم وعليهم ما على الموظف المدني

[المرحب]

طيب اخوي المرحب

غلط من اي ناحيه ؟!!

انا طرحت الموضوع علشان ابي استفيد وافيد غيري ،،

معلوماتك عن تقاعد العسكري والمدني

وسؤالي لك

ما هي الاستفادة من الطرح ؟ وماذا ستفيد غيرك؟

مع احترامي لك هذا استفسار وليش للمناقشة...

[المرحب]

لا يا شيخ ؟؟

عيل تعب المدني نفس تعب العسكري ؟؟

الا تعال قولي جربت تدش الخدمة الوطنية ؟؟؟

جربت تدش صاعقة ؟؟

جربت تدش بحر وتسافر بلاد بمركب عسكري ؟؟؟

والا جربت يسحبونك بالليل من فراشك لانه في طوراي وبالايام ماتشوف اهلك ؟

جاوبني وساعاتها باوافقك انه المدني فقير تعبه مساوي لتعب العسكري ، يكسر خاطري المدني مجابل الكمبويتر ويتابع الايميلات والمراجعين تعب نفسي وضغط على ظهره ، جارك الله يالمدني

:nice:

[حمد 2002]

لا يا شيخ ؟؟

عيل تعب المدني نفس تعب العسكري ؟؟

الا تعال قولي جربت تدش الخدمة الوطنية ؟؟؟

جربت تدش صاعقة ؟؟

جربت تدش بحر وتسافر بلاد بمركب عسكري ؟؟؟

والا جربت يسحبونك بالليل من فراشك لانه في طوراي وبالايام ماتشوف اهلك ؟

جاوبني وساعاتها باوافقك انه المدني فقير تعبه مساوي لتعب العسكري ، يكسر خاطري المدني مجابل الكمبويتر ويتابع الايميلات والمراجعين تعب نفسي وضغط على ظهره ، جارك الله يالمدني

كم قسم عسكري ؟

حراسات ووووووووووووووو


كم قسم مدني ؟

وووووووووووووووووووو


مب كل مجال عسكري تعب ومب كل مجال مدني تعب !! .


فهمتي ولا ؟

[حمد 2002]

من يقولك مهب تعب الا مليون تعب
جربت الاثنين ونعرف الزين

الا انا مؤيد وبقوه كلنا نكمل بعض

اوافقك يالذيب

انا كمدير محتاج للمقهوي والمقهوي محتاج للفراش ووو


كل موظف مكمل للاخرى ،،


والعسكري مايقدر يستغني عن المدني ولا المدني يقدر يستغني عن العسكري !! .


وكلنا يد بيد لبناء مجتمع متماسك وقوي ان شاء الله ،،

[ضوى]

انا اللي ابي افهمك بما انه عندي خبرة اكثر منك في المجالين

لا تتكلم بشي ماتعرفه نصيحة ، كل واحد يتكلم عن شي عاشه وجربه لا تتفلسف بشي مالك شغل فيه ولا تدري عن هوا داره

[حمد 2002]

للعلم كل العسكريين الي مايداومون ( قوة احتياط )
للحين التقاعدعلى العسكرية
اذا طبقوه راح يكون لهم وعليهم ما على الموظف المدني

طيب اشلون ضوى والمرحب ايقولون يخصمون منهم علاوات بالهبل وللحين القانون على قوه الاحتياط ؟!


ممكن اتفهمني شوي اخوي رحال ولا عليك امر ؟

[حسن]

اوافقك يالذيب

انا كمدير محتاج للمقهوي والمقهوي محتاج للفراش ووو


كل موظف مكمل للاخرى ،،


والعسكري مايقدر يستغني عن المدني ولا المدني يقدر يستغني عن العسكري !! .


وكلنا يد بيد لبناء مجتمع متماسك وقوي ان شاء الله ،،

حمد

قلت ابي الخير للجميع وبس مهب قاعد اناقزلك في كل موضوع ومليون رد انا انسان راعي مبادئ واحترم مبادي
اللي عندي ابديت به وانتهي
شغل المناقز مهب لي

سلام

واخر رد لي

:victory:

[حمد 2002]

معلوماتك عن تقاعد العسكري والمدني

وسؤالي لك

ما هي الاستفادة من الطرح ؟ وماذا ستفيد غيرك؟

مع احترامي لك هذا استفسار وليش للمناقشة...

ابي افيد اخونا المدنين المتقاعدين المساكين ،،


عيل تخيل متقاعد مدني شيبه يصفي على راتب 10 الاف !! في هذا الزمن !!


انا مع طلب الخير لكل مواطن قطري سواءا مدني ولا عسكري :)

[المرحب]

انا اللي ابي افهمك بما انه عندي خبرة اكثر منك في المجالين

لا تتكلم بشي ماتعرفه نصيحة ، كل واحد يتكلم عن شي عاشه وجربه لا تتفلسف بشي مالك شغل فيه ولا تدري عن هوا داره


كلام جميــــل :nice:

[ضوى]

الحين انت الفقارى المساكين حاسدهم على 4000 ريال تقول وايد ، صارت 10000 شوي فجأة ؟

ركز ياحمد وتذكر الناس ماتنسى اللي تطرحه مافي شي يلغي اللي قبله

[R 7 A L]

طيب اشلون ضوى والمرحب ايقولون يخصمون منهم علاوات بالهبل وللحين القانون على قوه الاحتياط ؟!


ممكن اتفهمني شوي اخوي رحال ولا عليك امر ؟

الي اعرفه ان اي عسكري يحال الي قوة الاحتياط سنتين كاملة يستلم راتبة كامل ولا يحق له العمل في اي وظيفة تابعة للموادر البشرية طول هالسنتين يقدر يشتغل فقط في القطاع الخاص الغير تابع للموارد البشرية
بعد مضي سنتين يبقى له فقط الراتب الاساسي + العلاوة الاجتماعية ويحق له الجمع بين وظيفتين الاولى العسكرية والثانية مدنية ويستقطع منه 5% للوظيفة الجديدة للمشاركة بصندوق التقاعد .

[حمد 2002]

انا اللي ابي افهمك بما انه عندي خبرة اكثر منك في المجالين

لا تتكلم بشي ماتعرفه نصيحة ، كل واحد يتكلم عن شي عاشه وجربه لا تتفلسف بشي مالك شغل فيه ولا تدري عن هوا داره



يعني انتي جربتي العسكريه ؟

ولا بس انتوا الي عندكم عساكر ومدنين وغيركم لا ؟


ممكن توضيح اكثر ؟

[المرحب]

طيب اشلون ضوى والمرحب ايقولون يخصمون منهم علاوات بالهبل وللحين القانون على قوه الاحتياط ؟!


ممكن اتفهمني شوي اخوي رحال ولا عليك امر ؟

متى قلت هالكلام؟؟؟ :omg:

قلت لك ما أحب أسلوبك ولا الفلسفة الزايدة

لكن الله يخلف

[حمد 2002]

الحين انت الفقارى المساكين حاسدهم على 4000 ريال تقول وايد ، صارت 10000 شوي فجأة ؟

ركز ياحمد وتذكر الناس ماتنسى اللي تطرحه مافي شي يلغي اللي قبله

يعني تبين اتقارنين الاجنبي الي يمسك 4 الاف بالقطري المتقاعد الي يمسك 10 الاف ريال ؟


عجبا !!

[ضوى]

الي اعرفه ان اي عسكري يحال الي قوة الاحتياط سنتين كاملة يستلم راتبة كامل ولا يحق له العمل في اي وظيفة تابعة للموادر البشرية طول هالسنتين يقدر يشتغل فقط في القطاع الخاص الغير تابع للموارد البشرية
بعد مضي سنتين يبقى له فقط الراتب الاساسي + العلاوة الاجتماعية ويحق له الجمع بين وظيفتين الاولى العسكرية والثانية مدنية ويستقطع منه 5% للوظيفة الجديدة للمشاركة بصندوق التقاعد .

مو صحيح يا رحال

ممكن يحال للتقاعد بدون ابداء اي اسباب وتنسحب منه كل العلاوات عدا الراتب الاساسي والاجتماعية

[المرحب]

حمد

قلت ابي الخير للجميع وبس مهب قاعد اناقزلك في كل موضوع ومليون رد انا انسان راعي مبادئ واحترم مبادي
اللي عندي ابديت به وانتهي
شغل المناقز مهب لي

سلام

واخر رد لي

:victory:

:nice: سلامي وأحترامي لك يا حسن

[ضوى]

يعني انتي جربتي العسكريه ؟

ولا بس انتوا الي عندكم عساكر ومدنين وغيركم لا ؟


ممكن توضيح اكثر ؟

اي جربت ، لاني ماتكلم من فراغ ، عندي معلومات اصلح فيها معلوماتك ،ماعندي ما اتفلسف واسوي روحي فاهمة وانا الله بالخير

[حمد 2002]

الي اعرفه ان اي عسكري يحال الي قوة الاحتياط سنتين كاملة يستلم راتبة كامل ولا يحق له العمل في اي وظيفة تابعة للموادر البشرية طول هالسنتين يقدر يشتغل فقط في القطاع الخاص الغير تابع للموارد البشرية
بعد مضي سنتين يبقى له فقط الراتب الاساسي + العلاوة الاجتماعية ويحق له الجمع بين وظيفتين الاولى العسكرية والثانية مدنية ويستقطع منه 5% للوظيفة الجديدة للمشاركة بصندوق التقاعد .

كلام جميل ورائع ،،

طيب لو انا مدني وعندي راتب وتقاعدت وابي اشتغل بوظيفه حكوميه اخرى اقدر ول لا ؟

[ضوى]

يعني تبين اتقارنين الاجنبي الي يمسك 4 الاف بالقطري المتقاعد الي يمسك 10 الاف ريال ؟


عجبا !!

انت واثق انه مقارنتي مب عشان قطري واجنبي لاني مهب عنصرية مثلك ، انا اقارن مواضيعك المتناقضة مع بعضها مافي شي مربوط ببعض

[حمد 2002]

متى قلت هالكلام؟؟؟ :omg:

قلت لك ما أحب أسلوبك ولا الفلسفة الزايدة

لكن الله يخلف

انت مايد لكلام الاخت ضوى وبما انك مأيد لكلامها معناتها انك قلت هذا الكلام !!

عيل عادي عندك توافق انسان قال كلام خطأ وتالي تنسحب من الي ابديت موافقتك عليه !! ..

[ضوى]

انت مايد لكلام الاخت ضوى وبما انك مأيد لكلامها معناتها انك قلت هذا الكلام !!

عيل عادي عندك توافق انسان قال كلام خطأ وتالي تنسحب من الي ابديت موافقتك عليه !! ..

شوف يا انك تفهم غلط او انك متعمد تناقش بهالفلسلفة اللي مالها معنى

[ameeer3]

مسكين العسكري

حتى العسكري حسدتوه

[brooq]

أنا جربت الخدمة العسكرية والمدنية ..

في السابق نعم .. كانت الخدمة العسكرية أقسى من المدنية .. أما الآن فهم نفس التعب تقريباً ..

ما عندي مشكلة أن يعطى العسكري مميزات أكثر من المدني طالماً كان على رأس الخدمة ... ولكن في التقاعد أتمنى المساواة بين الجميع.

أتفق معاك أخوي حمد .. ليس هناك إنصاف بين المتقاعد العسكري والمدني.

شكراً.

[R 7 A L]

مو صحيح يا رحال

ممكن يحال للتقاعد بدون ابداء اي اسباب وتنسحب منه كل العلاوات عدا الراتب الاساسي والاجتماعية

تقصدين الي توظفوا بالعسكرية حديثاً بعد استحداث هيئة التقاعد والمعاشات ؟

[ضوى]

تقصدين الي توظفوا بالعسكرية حديثاً بعد استحداث هيئة التقاعد والمعاشات ؟

قبل يا رحال

[R 7 A L]

كلام جميل ورائع ،،

طيب لو انا مدني وعندي راتب وتقاعدت وابي اشتغل بوظيفه حكوميه اخرى اقدر ول لا ؟


حالياً لا

[حمد 2002]

اي جربت ، لاني ماتكلم من فراغ ، عندي معلومات اصلح فيها معلوماتك ،ماعندي ما اتفلسف واسوي روحي فاهمة وانا الله بالخير

طيب ممتاز بما انج جربتي ،،

ومشكوره على الافاده والتوضيح ،،


طيب شلون انحسن اوضاع المتقاعدين العسكرين والمدنين ؟


وماهي مميزات وسلبيات قانون التقاعد بالنسبه للمدنين وبالنسبه للعساكر ؟


وهل هناك فوارق مابين القانونين المدني والعسكري ؟


مع الشكر ..

[R 7 A L]

قبل يا رحال

الي قبل مافية احد عسكري متقاعد كلهم قوة احتياط

[حمد 2002]

انت واثق انه مقارنتي مب عشان قطري واجنبي لاني مهب عنصرية مثلك ، انا اقارن مواضيعك المتناقضة مع بعضها مافي شي مربوط ببعض

هل دفاعي عن ابناء وطني وطلب الخير لهم تعتبرينه عنصريه !!


انا نعم عنصري ويامرحبا والله بالعنصريه الي نفس كذا :victory:

[حمد 2002]

مسكين العسكري

حتى العسكري حسدتوه


حسدناه ؟


شلون ؟

[حمد 2002]

أنا جربت الخدمة العسكرية والمدنية ..

في السابق نعم .. كانت الخدمة العسكرية أقسى من المدنية .. أما الآن فهم نفس التعب تقريباً ..

ما عندي مشكلة أن يعطى العسكري مميزات أكثر من المدني طالماً كان على رأس الخدمة ... ولكن في التقاعد أتمنى المساواة بين الجميع.

أتفق معاك أخوي حمد .. ليس هناك إنصاف بين المتقاعد العسكري والمدني.

شكراً.

كلامك متزن اخي الكريم ورائع ،،


اشكرك ..

[ضوى]

طيب ممتاز بما انج جربتي ،،

ومشكوره على الافاده والتوضيح ،،


طيب شلون انحسن اوضاع المتقاعدين العسكرين والمدنين ؟


وماهي مميزات وسلبيات قانون التقاعد بالنسبه للمدنين وبالنسبه للعساكر ؟


وهل هناك فوارق مابين القانونين المدني والعسكري ؟


مع الشكر ..

هذي الأسئلة يجاوب عليها مجلس التخطيط مب انا ، أنا ماعندي ابعاد استرتيجية اقدر افتي فيها ، لها ناسها ومستشاريها هالاسئلة

[Al-Kuwari]

أنا جربت الخدمة العسكرية والمدنية ..

في السابق نعم .. كانت الخدمة العسكرية أقسى من المدنية .. أما الآن فهم نفس التعب تقريباً ..

ما عندي مشكلة أن يعطى العسكري مميزات أكثر من المدني طالماً كان على رأس الخدمة ... ولكن في التقاعد أتمنى المساواة بين الجميع.

أتفق معاك أخوي حمد .. ليس هناك إنصاف بين المتقاعد العسكري والمدني.

شكراً.

اتفق معاك

+1

[aloosh]

انا تابعت مواضيعك

يا اما فيك حسد مو طبيعي او انك لا تعرف شي نهائيآ

[ameeer3]

اخوي حمد ارجو منك رجاااااء خاص في مواضيع مشابه لتلك المواضيع التي تدخل في قوانيين انت وغيرك لا يعرف ما بها انك ما تطرحها في المنتدى واذا عندك شي روح طالب فيه انت ومن ايدك في الجهات الحكوميه

[ameeer3]

لانك تدخل في كلام وتشكك في قوانيين دوله ذات سيادة اطرحتها بعد دراسه ، مب كلام من الدرج جايبينه

[Aaziz]

انا تابعت مواضيعك

يا اما فيك حسد مو طبيعي او انك لا تعرف شي نهائيآ

و احتمال الثنتين سوى :confused:

[محمد سعيد]

قانون ظالم للمدني

يعني العسكري يتقاعد ويحق له يشتغل و يستلم راتب التقاعد والدوام الجديد

و المدني لا!

والموضوع موب من شغله في تعب اكثر ويستحق راتب اعلى !!!

ترى في وظايف مدنية تهد الحيل خصوصا في مجالات التقنية والصناعات وغيرها بس موب هذا الموضوع

المووضوع ليش العسكري المتقاعد يقدر يشتغل ويستلم الراتبين والمدني لا موب من حقه!

[JN000N]

من البدايه لو كنت تبي المميزات للمدني
ماكان المفروض تقارن بالعساكر واتييب طاريهم
مايخصك فيهم
انت مدني تبي المميزات هذي طالب فيها ك مدني وقول احنا نستاهلها وحط اسبابك
بدون ماتقول ليش الجهه الفلانيه وليش فلان وليش علتان
وبعدين انت راتبك اكثر من راتبهم (ماتكلم عن الضباط) اتكلم عن العساكر العاديين الي يستلمون 22
واذا انت تجوف انهم ياخذون اكثر جان دشيت انت العسكريه
هم يداومون 4 طالعين من البيت واذا بعيد بيته يطلع 3 هالحزه راقد اذا ماكنت لحين سهران
هم كفايه اذا تاخروا يتحاسبون حساب اقوى من الي يصير ف المدنيه انت تتاخر مايقولون لك شي
ف السنه كم دوره يعطونهم يكرفونهم كرف كم واحد طاح وتكسر وتعور من هالدورات وانت قاعد ف مكتب يهف عليك المكيف ويخدمك تي بوي وتتشكى من الم ظهر القعده محد قالك لا تقوم تتمشى كل نص ساعه
هاي غير المناويات والدولم يوم كامل وغير الطواري وغيرها بلاوي
يعني المدنيه التعب فيها صفر عالشمال جنب العسكريه مهما كان في ضغط عالمدنيه
حاسدهم على راتب التقاعد
هاي شي بسيط يستحقه العسكري عقب ماهلك من التعب ف الوظيفه هذي

واحمد ربك عالنعمه اللي انت فيها

[العربية نت]

هذا توجه من القائد سمو الشيخ تميم بن حمد امير البلاد وهو له نظره بعيده وما علينا الا طاعة ولي الامر لكن مع ذلك وباعتبار سمو الامير قدوه لنا وما يقصر ابداً مع شعبه الوفي فنحن نُطالب بان يعتمد للموظف المدني مكافاة نهاية خدمه تعينه على مطالب المعيشه بعد التقاعد وهذه نقطه مهمه جداً ومظلوم فيها المدني وان امكن اعادة النظر في توزيع الرواتب ككل على مستوى الدوله لتوزيع الثروه بالعدل على سبيل المثال احد الاخوة حدثني ان الي برتبة رائد قد تصل العلاوة الاجتماعيه عنده 17000 ريال لهذه العلاوة فقط وهي تمثل راتب كامل لموظف مدني هنا الفرق فقط الحديث يطول هنا وقد يتهمنا البعض بالحسد وخلافه وهي في الواقع مطالبه بالعدل فقط مع كامل الاحترام والتقدير لاخوانا العساكر

[Aisha]

سلام عليكم نظام التقاعد للعسكريين افظل بكثير من نظام التقاعد للمدنيين والله يهنيهم واللهم لا حسد و يستاهلون كل خير. نتمنى المساواه لأنهم جميعا أبناء قطر و يستاهلون كل خير .

[Red point]

من البدايه لو كنت تبي المميزات للمدني
ماكان المفروض تقارن بالعساكر واتييب طاريهم
مايخصك فيهم
انت مدني تبي المميزات هذي طالب فيها ك مدني وقول احنا نستاهلها وحط اسبابك
بدون ماتقول ليش الجهه الفلانيه وليش فلان وليش علتان
وبعدين انت راتبك اكثر من راتبهم (ماتكلم عن الضباط) اتكلم عن العساكر العاديين الي يستلمون 22
واذا انت تجوف انهم ياخذون اكثر جان دشيت انت العسكريه
هم يداومون 4 طالعين من البيت واذا بعيد بيته يطلع 3 هالحزه راقد اذا ماكنت لحين سهران
هم كفايه اذا تاخروا يتحاسبون حساب اقوى من الي يصير ف المدنيه انت تتاخر مايقولون لك شي
ف السنه كم دوره يعطونهم يكرفونهم كرف كم واحد طاح وتكسر وتعور من هالدورات وانت قاعد ف مكتب يهف عليك المكيف ويخدمك تي بوي وتتشكى من الم ظهر القعده محد قالك لا تقوم تتمشى كل نص ساعه
هاي غير المناويات والدولم يوم كامل وغير الطواري وغيرها بلاوي
يعني المدنيه التعب فيها صفر عالشمال جنب العسكريه مهما كان في ضغط عالمدنيه
حاسدهم على راتب التقاعد
هاي شي بسيط يستحقه العسكري عقب ماهلك من التعب ف الوظيفه هذي

واحمد ربك عالنعمه اللي انت فيها



اخت جنون وضوى كفو ووفو مافي مقارنة بين العسكري والمدني الله يهديك من ناحية التعب والجهد الجسدي من قال لك انه في وظايف عسكرية
الشغل فيها راحات وسهالات وبالنسبة للمدنين الي يداومون في وزارة الدفاع ذيلا رواتبهم كلش غير حالهم من حال الموظفين الحكومين ما يستلمون نفس العساكر
اما بالنسبة للكلام الي كاتبة بالنسبة للرواتب مافيه شي من الصحة من قال لك انه العلاوات ما تسقط للعسكري بعد التقاعد
حالة من حال المدني بس العلاوة الاجتماعية + الاساسي اما باقي العلاوات كلها تسقط
انتظر الخدمة الوطنية وراح اتعرف كيف يتعب العسكري وساعتها قول والله ليش رواتبهم اكثر

[بطل الفريج]

قانون ظالم للمدني

يعني العسكري يتقاعد ويحق له يشتغل و يستلم راتب التقاعد والدوام الجديد

و المدني لا!

والموضوع موب من شغله في تعب اكثر ويستحق راتب اعلى !!!

ترى في وظايف مدنية تهد الحيل خصوصا في مجالات التقنية والصناعات وغيرها بس موب هذا الموضوع

المووضوع ليش العسكري المتقاعد يقدر يشتغل ويستلم الراتبين والمدني لا موب من حقه!


هلا بوسعيد
كلامك صحيح ولكن هذا القانون قديم ومازال . في التسعينيات كان الضابط يستلم 14000 الراتب كامل مع جميع العلاوات ولما يحال على التقاعد
ينزل الراتب الى 6500 . المشكلة صارت اشلون ؟ يتقاعد وهو علية سلفية من البنك و البنك ياخذ اكثر من النصف هذا قبل التعديل .
كثير من العساكر جاتهم مشاكل مع البنوك وبعد الشكاوي اسمحو لهم بالعمل بعد التقاعد . السؤال بعد 120 % الزيادة و الستين % قانون البنوك من الاستقطاع من الراتب في حالة السلفة لماذا لايتغير القانون بخصوص العسكري بعد حل المشكلة ؟

[Red point]

هلا بوسعيد
كلامك صحيح ولكن هذا القانون قديم ومازال . في التسعينيات كان الضابط يستلم 14000 الراتب كامل مع جميع العلاوات ولما يحال على التقاعد
ينزل الراتب الى 6500 . المشكلة صارت اشلون ؟ يتقاعد وهو علية سلفية من البنك و البنك ياخذ اكثر من النصف هذا قبل التعديل .
كثير من العساكر جاتهم مشاكل مع البنوك وبعد الشكاوي اسمحو لهم بالعمل بعد التقاعد . السؤال بعد الستين % الزيادة و الستين % قانون البنوك من الاستقطاع من الراتب في حالة السلفة لماذا لايتغير القانون بخصوص العسكري بعد حل المشكلة ؟

طيب المدني له حق يدخل في اي انتخابات العسكري لا
المدني يقدر يفتح له بزنس خاص العسكري لا
المدني يقدر يتوظف في وظيفتين وهو على راس العمل العسكري لا

للعسكري مميزات والمدني مميزات ههههه شفيكم تبون اتقصون من راتب العسكري مسكين خلوه يستانس بهالراتب
وقالو نبي يسمحون لنا كيت وكيت من غير مقارنة بوظيفة معينة
اذا بتقارنون العسكري بالمدني طيب ليش المدرسات يستلمون 30 الف نفس راتب الضابط ؟ معنه شهادتها بكلريوس مش اكثر

اما الضابط حاصل على البكلريوس + دبلوم عسكري

كل وظيفة ولها مميزاتها مثل ما قلت ما يصير انقارن شي بشي

[عضو قديم]

الموضوع من المشاركة الثانية صار قصف جبهة شخص معين بذاته
اختي ضوى و اوخوي المرحب ماعاد باقي جبهة للقصف اعملوا تنكس سلاح وخلصنا

[kuwari]

العسكري ماشي مع التقلبات الجويه والمدني مكتب وشاي وقهوة

[السيف5]

غلطان من يعمم بأن جميع العسكريين اكثر تعبا من المدنيين
بالعكس توجد وظائف مدنية أتعب من ناحية الجهد !

أحب اضافة ليس كل العسكريين قوات خاصة
فهناك الكثير عملهم اداري عادي

[مليت]

رداً عليك نطالب بستلام العسكري عند التقاعد الراتب كااااامل وانشاء نادي خاص للمتقاعدين ضباط وصف ضباط وافراد وخاصم خاص من حيث التذاكروغيرها واسماح لهم ببعض الانشطة من وزارة الاقتصاد والتجاره وتسهيل وتبسيط التعقيدات في هذا الخصوص وستصدار بطاقات خصم لهم في بعض الشركات التي يكون للدوله طرف فيها وهنا اتكلم عن المتقاعدين فقط واتمنى من الاخوه دعم هذا المطلب والحكومة اكيد ماراح تقصر لكن حد يوصل الصوت وجزاكم الله خير

[بنت شرق]

اعتقد طرح الاخو حمد غلط ،،،،العسكرين والمدنين ،،،كلهم يعملون لصلح دولتهم ،،،الدولة تفضل تعطي العسكرين اكثر ،،،للجهد المبذول والدور المأمول ،،،حماية المواطنين والوطن ،،،ويكرفونهم بالدراسة والتدريبات ،،،،فشي جيد ،،،ومن ناحية ثانية لازم الدولة تفكر في مسألة الفجوة الطبقية الناتجة من هالشي وتخفف من اثرها ،،،حتى ما يكون السلم الاجتماعي فيه فروقات واسعة اجتماعيا ،،،

[R 7 A L]

حمد احمد ربك انك موب في مصر وتقلل من شأن الجيش بيصلخون جلدك وانت حي ههههه

[Fahad Alqahtani]

بس لو يرجعون مكافأة نهاية الخدمة يسوون خير مع راتب التقاعد 👍👍

[QatarSafety]

موضوع حلو انا اقولكم الله يهني العساكر ويطول عمارهم
و ان شاء الله يعطونهم امتيازات وكل شي مافي مانع يستاهلون والله
وموظفين الحكومة بعد الله يعطيهم نفس العساكر ان شاء الله لن محد
يقدر يهضم حقهم في خدمة البلد وكل واحد يخدم البلد خصوصاً ان الان
رؤية الوطن هو مشاركة أبناء الوطن في خدمة البلاد وهذا توجة جيد
ونظام جيد يعني لو سمح الله لو حدث امر طاري مافي عسكري ومدني
كلنا في خدمة بلادنا .

واللي يقول الشغله فيها تعب وشغله مافيها تعب هذا للأسف يرى الأمور
من زاوية ضيقة لن كل شغله محفوفه بالتعب والارهاق من كل صوب

وبصراحه بصراحه انا عسكري سابق والان موظف مدري اسمي نفسي
ايش بصراحه لاني مدني ولا عسكري ابصراحه شغلتي اشبها بالاشغال الشاقة
ايوالله ما اكذب عليكم وفوق هذا راضين ولله الحمد وشغلتنا تعب في تعب
الدوام بروحه من الساعة 7 الصباح حتى ال 3 عصراً والخط يبغيله ساعتين
رايح جاي يعني خلوها على الله يعني لو مابي تزعلون كان قلت احنا اكثر ناس
نتعب والعسكرية بصراحه والمدنية والله انهم في راحه ايوالله احلف لكم لاتنسون
اني عسكري سابق في أيام الشقى الأولية اللحين العسكرية والمدنية راحة عكس شغلتنا
أي موظف في احدى الشركات البترولية يصدق كلامي لن اللي مجرب هالشي احسن من
الي ماجرب الله يعين ونحمد الله ونشكرة مابي احد يأخذ الموضوع بالكراهية ولا أي شي
موضوع طرحه صاحب الموضوع بقصد المساواة لا اكثر بعيداً عن التحامل وبعيد عن الحسد
الله يرزق اهل قطر من خير قطر بعيداً عن العنصرية والتحامل والله يحفظ لنا قطر والأمير
قولوا
آآآآآآآآآمييييييييييييين.