عندي اقتراح للنساء باليوم الرياضي،، وارجوا احترام الاقتراح !

[حمد 2002]

السلام عليكم ورحمه الله وبركاته


بما اننا نفضل بأن النساء يجلسون بالبيت في اليوم الرياضي لانه مب شيء الحريم يخالطون الرجال في الاماكن العامه ،

ليش ماتقوم كل ام بتعليم بناتها الصغار الالعاب الشعبيه النسائيه القديمه الخليجيه القطريه بحوش المنزل او الصاله ؟!! بدلا من النوم وتكبير المخده ؟!!


وفرصه والله بما انه يوم رياضي والالعاب الشعبيه كذلك تعد رياضه !! .



هاي مجرد اقتراح وارجوا احترامه وعدم الاستهزاء به ،،


مع التحيه ،،

[R 7 A L]

اقتراح جيد

[ضوى]

فكرة كيووت خالص ، واشرايك بعد نجيب حفرة كبيرة ونحط فيها حطب ونحرق كل النسوان بالبلد عشان مايخالطون الرجال ابدا ابدا

[ضوى]

عيل حرام المرة تطلع مع بو عيالها وعيالها تتنفس في اليوم الرياضي عشان ماتشوف رياييل ولا رياييل يشوفونها ؟

[للصبر اخر]

اختي ضوى
اول شي لازم نتعلم الالعاب الشعبيه بعدين يسوون لنا الحفرة

[ضوى]

ان شاء الله للصبر اقلها نتعلم شي قبل لا يحرقونا

[مـراحـب]

ومن قال لك انها تكبر المخدة وتنام


الا اذا أهلك واقاربك يسوون جذي

[المحاميه]

جاري التنفيذ

الموضوع قيد النظر

[JN000N]

احفر لكم الحفره؟
والا مايحتاي تعالو فريجنا كله حفر هيهيههيهي

[مـراحـب]

ووااايد تفتكر نفسك الانسان المثالي الملاك

سبحان الله

[عطر فرنسي]

اقتراح جيد

[المحاميه]

ليش كل هالهجوم يابنات؟

ترا ماقال شي غلط ولا سب حد

مجرد اقتراح من وجهة نظره


ليش كل هالتحامل مب فاهمه انا

[العلياا]

مثل شنو ؟؟؟

عطونا افكار

[حسن]

ليش كل هالهجوم يابنات؟

ترا ماقال شي غلط ولا سب حد

مجرد اقتراح من وجهة نظره


ليش كل هالتحامل مب فاهمه انا


جزاك الله خير يالمحاميه

وكثر الله من امثالك

[JN000N]

ليش كل هالهجوم يابنات؟

ترا ماقال شي غلط ولا سب حد

مجرد اقتراح من وجهة نظره


ليش كل هالتحامل مب فاهمه انا

بس واحنا عسى ماقلنا شي قمتو علينا
دشيتو ف نيتنا وقلتو تحامل
يعني يبين نضحك ونتغشمر ترى احنا ف استراحه مب حوار عام!
عنبوه بتضيقون علينا حتى ف الضحك
اعوووذ بالله

[النظامي]

اشكرك على اقتراحك .... والله ينور بصيرتك

[المحاميه]

بس واحنا عسى ماقلنا شي قمتو علينا
دشيتو ف نيتنا وقلتو تحامل
يعني يبين نضحك ونتغشمر ترى احنا ف استراحه مب حوار عام!
عنبوه بتضيقون علينا حتى ف الضحك
اعوووذ بالله

:weeping:


:eek5:


كلش عاد ولا جنون

مانرضى عالحب :shy:

[بو خليفه 123]

الحين طالعه فتوى انه يجوز المره تسافر بروحها و انت جاي تقولي يوم رياضي

[للصبر اخر]

الحين طالعه فتوى انه يجوز المره تسافر بروحها و انت جاي تقولي يوم رياضي

قوووله
مايسمع الكلام

[R 7 A L]

الحين طالعه فتوى انه يجوز المره تسافر بروحها و انت جاي تقولي يوم رياضي


:secret:

[بريق الحق]

الله لا يبلنا
اتوقع مرض والله اعلم

[JN000N]

:weeping:


:eek5:


كلش عاد ولا جنون

مانرضى عالحب :shy:

فديت ويهج :* :shy:

[بومحمد المطاوعه]

الحين طالعه فتوى انه يجوز المره تسافر بروحها و انت جاي تقولي يوم رياضي

من المفتي؟؟

شيخ وعالم معروف ولا عالم عادي ؟

مب شرط تاخذ من اي عالم
ترى في علمانيين وفي اباضيين وفي شيعه

بتتبعهم؟

يحللون كل شي

[بومحمد911]

نعم فكرة جيدة ،ولكن هل تدع الام اطفالها مع الخادمة لكي تلعب معاهم وهي تذهب تكبر المخده.هههههههههه

[نور الحور]

فكرة حلوة يا حمد .. أنا بجمع عيال الفريج وبلعب معاهم خشيشة :shy:

اللي له خاطر يشاركنا حياه الله !

[شبح الصمت]

ههههههههههههههههههههههاي
ههههههههههاي
ههه


ناس تحب تجيب الكلام حق نفسها


الووو حمد وينك

شكله الارسال عندك يقطع

[Dana’1]

السلام عليكم ورحمه الله وبركاته


بما اننا نفضل بأن النساء يجلسون بالبيت في اليوم الرياضي لانه مب شيء الحريم يخالطون الرجال في الاماكن العامه ،

ليش ماتقوم كل ام بتعليم بناتها الصغار الالعاب الشعبيه النسائيه القديمه الخليجيه القطريه بحوش المنزل او الصاله ؟!! بدلا من النوم وتكبير المخده ؟!!


وفرصه والله بما انه يوم رياضي والالعاب الشعبيه كذلك تعد رياضه !! .



هاي مجرد اقتراح وارجوا احترامه وعدم الاستهزاء به ،،


مع التحيه ،،

وعليكم السلام ورحمة الله وبركاته
هالإقتراح بدأ لأجل المرأه ماتخاالط الرجال .. وإنتهى لأجل ماتكبر مخدتها €_€ !

موفق

[همر]

عيل حرام المرة تطلع مع بو عيالها وعيالها تتنفس في اليوم الرياضي عشان ماتشوف رياييل ولا رياييل يشوفونها ؟

لا

عشان غبار وحمد يخاف على نساء الوطن

تجيهم ذبحه صدريه ويموتون كلهم ..


ظلموه :shy:

[همر]

مثل شنو ؟؟؟

عطونا افكار

تيله مثلاً .. :playball:

[همر]

حمد .. قطري يقول اذا قعدت شهر ماتكتب عن الحريم

بيعطيك مراقب منتدى الاسره والطفل :)

[بصمة قطرية]

خخخخخخخخخ
أين أنت يا حمد ..!!!





الحين يوم اشتطينا و قلنا بنشارك في فعاليات اليوم الرياضي
و بنودي العيال يستمتعون بالفعاليات
تبي تحبسنا ..
تباً لك يا حمد :(

و الجوتي ( الله يكرم السامعين ) متى بكشخ فيه :(

[عثرة جواد]

السلام عليكم

فكرة حلوة وحنا سوينا مسابقات ومعلومات عن الرياضة

بعدين حمد ترا مب كل الحريم يطلعون ف الزحمة ف

بعضهم عندهم نقص يسدونه ف هااي اليوم :tease:

[بصمة قطرية]

شلون يعني نقص ..!!
قلبتها يمين يسار ما فهمت شنو يعني نقص ..!؟

[رهج السنابك]

ولماذا تنصح النساء بعدم تكبير المخده وعدم مخالطه الرجال باليوم الرياضي؟



ع ماتجاوب وتغرد احلا التغاريد بكون وصلت سباير


هابي سبورت داي

[نوفا91]

بنات انا تعبانه اللي يخليكم اللي بتلعب عيالها العاب شعبيه تاخذ بنتي وتلعبها
:(

[ابوعلي]

نحترم رايك واقتراحك اخوي ومعاك بهالشي ان ممكن الحريم الي في البيوت والي يتجنبون الاماكن المختلطة يستغلون هاليوم مع العيال خاصة وان عندنا العاب شعبية فيها حركة مثل الصبه والخشيشه ونط الحبل


يعطيك العافية اخوي حمد