السلام عليكم

[مجنونة قطر]

موضوعي اليوم عن محلات سوق واقف الي اعرفه ان الاولويه للاحتياجات الخاصه والارامل وكبار السن والمطلقات انا بنفسي وحده من هاي الاشياء الي كتبتها رحت ابي اقدم كل مكان سدوه بويهي رحت سوق واقف الدوحه مافي رحت الوكره لازم اكون من سكان الوكره ورحت الخور الي ينبني الحين ومافي فايده السؤال وين نروح كل شي واسطه في واسطه احنا اهل قطر نبي نبتدي بشي بسيط بأي مشروع على قدنا مانقدر التجار الكبار ياخذون الي لهم والي مب لهم والله حرام اليوم رحت للوكره طبعا الموظف مب طايق نفسه ويقولي روحي كلمي المدير شوفي لج واسطه والخور نفس الكلام اذا الامير الله يطول بعمره حط هاي الأيجارات البشيطه عشان نستفيد ولا عشان التجار يستفيدون وربي ماقدر على الاجارات اقل محل لقيته ب 12 الف الحين ابي حد يشوف حل لهل الموضوع وين نروح نحن المطلقات والارامل وذوي الاحتياجات للخاصه الي ماعندنا دخل غير الراتب في حد يقدر يفيدني لاني جد مقهوره من الي يصير والله مايرضاها

[وحيد-الشوق]

كل شيء بالواسطة شوفي سوق الوكرة فاتحين رويال تندور وحلويات العكر وكوفي شوب كومباني لاحد المذيعين القطريين المشهورين هل هولاء ذوي الدخل المحدود !!!

مالنا غير رب العالمين والحمدلله دائما وبداً

[aloosh]

سوق واقف اغلبها للتجار ارصدتهم ملايين ولم بحاجه ها المحلات بس الطمع والحسد عندنا بقطر تعدا الحدود

[دايموند]

الله كريم
لا تقولين حتى الي بالخور توزع ؟!!!!!

[بانغ بانغ]

نص اللي ماخذين في الوكرة مش من هل الوكرة

روحي حق واحد اسمه خالد السويدي في مكتب الوكرة والنعم فيه الناس تذكره بالخير

[مجنونة قطر]

بجرب بروح له يوم الاربعاء الله كريم حتى الخور قالي شوفي لج واسطه ولا بنستبعدج والله قهرررر وين نروح وين نطق بعمرنا لازم حد يشوف حل ويحطون مسؤولين يخافون الله ف الناس

[مجنونة قطر]

اتمنى حد من السؤولين يرد علي

[Red point]

وين الواحد يقدم بالنسبة للخور ؟؟

[مـراحـب]

ا
نص اللي ماخذين في الوكرة مش من هل الوكرة

روحي حق واحد اسمه خالد السويدي في مكتب الوكرة والنعم فيه الناس تذكره بالخير

شلون تقول نص اللي ماخذين في الوكرة مش من اهل الوكرة

وانا شخصيا كلمت خالد السويدي وهو اللي يوزع المحلات وقال لي الاولويه حق اهل الوكرة

معنى كلامك انه هو المسؤول ما وزع المحلات لاهل الوكرة

[رهج السنابك]

كوفي شوب كومباني هو النكته من قلب لاحد الاثرياء وهو كوفي مودرن اشدخله بسوق واقف التراثي!!!!

[رهج السنابك]

قالوها كل شي ببالواسطه لا تقولون مطلقات ولا ارامل

[مجنونة قطر]

الله يعينهم على نفسهم ولهم رب يحاسبهم

[دايموند]

وين الواحد يقدم بالنسبة للخور ؟؟

نفس السؤال ... حد يعلمنا

[مجنونة قطر]

تروح بلدية الخور والذخيره وتقدم انا بنفسي رحت بس بدون واسطه مابتاخذ

[Red point]

تروح بلدية الخور والذخيره وتقدم انا بنفسي رحت بس بدون واسطه مابتاخذ

طيب اختي شنهي شروطهم او شنهي متطلبات التقديم

[مجنونة قطر]

البطاقه الشخصيه وتكون من سكان الخور وعندك واسطه

[khalid525]

انصحج بيعي عن طريقي انستغرام لين توفرين راس مال تقدرين تاجرين في مكان زين

[مجنونة قطر]

ان شاء الله

[بنت شرق]

انصحج بيعي عن طريقي انستغرام لين توفرين راس مال تقدرين تاجرين في مكان زين
ما عتقد تقدر لانه الإيجارات التجارية مولعه 15 الف شهريا ،،حتى لو توفر راس مال بيطير بعد سنة