جلسة تداول يوم الخميس 12/2/2015

[غريب الدّار]

بسم الله الرحمن الرحيم

أصبحنا وأصبح الملك لله

على بركة الله نفتتح الجلسة

سائلين المولى عز وجل التوفيق والفلاح في الدنيا والآخرة

[Kimoo]

السلام عليكم ورحمة الله وبركاته

[سعود80]

و عليكم السلام و رحمة الله و بركاته

اللهم ارزقنا رزقنا طيبا حلال يارب العالمين

[الافريقي]

اللهم إني أصبحت أشهدك وأشهد حملة عرشك و ملائكتك وجميع خلقك أنك انت الله لا إله إلا أنت وحدك لا شريك لك و أن محمداً عبدك ورسولك

صباح الخير والبركة

[.:: القيصر ::.]

السلام عليكم

صباح الخير


اليوم يوم راحة اتوقع

[pink pearl]

السلام عليكم
اسال الله ان يرزقنا الرزق الحلال

[عبد الحميد]

السلام عليكم جميعا وصبحكم الله بالخير والعافية...

مشكور اخوي غريب الدار على افتتاحيتك لجلسة اليوم...

شلونك الشيخ؟ شخبارك؟ :)


بما ان مورجان اللي كنا امس منتظرينه لم يأتي باي شئ جديد في السوق القطرية...ومع هبوط برنت...اتوقع ان السوق مستقر (بسبب الاسهم القيادية) مائل للسلبية (بسبب الاسهم اللي شهدت ارتفاعات صاروخية الفترة السابقة على امل الدخول في مؤشرات مورغان)...

اتمنى التوفيق للجميع باذن الله...

[لـبـيـه]

السلام عليكم ورحمة الله وبركاته

[غريب الدّار]

وعليكم السلام ورحمة الله وبركاته


يامرحبا يامرحبا

شلونك ياعبدالحميد؟

لبيه شحالك؟


قواكم الله يالربع

اشخاص مطلوب تواجدهم في الجلسة غير السنافية الموجودين واللي بيدخلون :
اضرب واشرد
بو ريم
السامر الأسود (مختفي عن الجلسات صار له فترة)

[لـبـيـه]

وعليكم السلام ورحمة الله وبركاته


يامرحبا يامرحبا

شلونك ياعبدالحميد؟

لبيه شحالك؟


قواكم الله يالربع

اشخاص مطلوب تواجدهم في الجلسة غير السنافية الموجودين واللي بيدخلون :
اضرب واشرد
بو ريم
السامر الأسود (مختفي عن الجلسات صار له فترة)



يامرحبا الله يسلمك انت علومك

[غريب الدّار]

يامرحبا الله يسلمك انت علومك

المرحب باقي

الله يرحم والديك يالبيه

ها


شلونك ويا الاسهم؟؟؟ عساك منت متعلق هنيه ولا هناك؟

[لـبـيـه]

المرحب باقي

الله يرحم والديك يالبيه

ها


شلونك ويا الاسهم؟؟؟ عساك منت متعلق هنيه ولا هناك؟

ابشرك ابشرك متعلق ونص ومن علباي بعد

[الجوكرl]

السلام عليكم ورحمة الله وبركاته

[العساس]

السلام عليكم ورحمة الله وبركاته.

مرحبا بجميع الاعضاء .......والله يوفقنا وياكم .

[لـبـيـه]

الاسلاميه القابضه اتوقع لها زياره 111

[لـبـيـه]

كل خميس يمر علينه يكون السوق فيه مريح في الاحمر

[][ الوحيد ][]

السلام عليكم ..

موفقين جميعا ,,, اليوم بكون بعيد عشان اخلص كل شغلي و اقدر اخذ اجازتي :(

[عبد الحميد]

وعليكم السلام ورحمة الله وبركاته

شلونك ياعبدالحميد؟



يسرك الحال اخوي غريب الدار :)

انت شخبارك...عساك بخير؟

[عبد الحميد]

كل خميس يمر علينه يكون السوق فيه مريح في الاحمر

ان شالله ما يريح بزيادة :rolleyes2:

[لـبـيـه]

ودام بعض الناس محد احتمال السوق يرتفع شي بسيط

هلكلام ينلغي اذا المذكور طلع بلجسه وبان

[Laffan]

السلام عليكم وصبحكم الله بالخير جميعا

يالربع فيدونا بخصوص ازدان بعد نتايج مرجان؟
هل ممكن توصل 20 ان شاءالله

[الرايــق]

السلام عليكم ورحمة الله وبركاته
اسعد الله صباحكم جميعا

[لـبـيـه]

السلام عليكم وصبحكم الله بالخير جميعا

يالربع فيدونا بخصوص ازدان بعد نتايج مرجان؟
هل ممكن توصل 20 ان شاءالله
مورغان ماجاب شي جديد

[لـبـيـه]

احس الريان اليوم يومها

[عبد الحميد]

ابو الريم حبيب الملايين :)

صبح صبح يا عم الحج...

مش شايف معي ان هناك سلبية في الانباء العالمية موجودة...ولان سوقنا ماشي على مبدأ (خالف...تُعرف)، بالتالي سوقنا راح يكون اخضر :nice:

[(ام عبدالله)]

السلام عليكم ورحمه الله وبركاته

[Laffan]

مورغان ماجاب شي جديد

اي نعم يعتبر سلبي

[عبد الحميد]

اي نعم يعتبر سلبي

ما اشوفه سلبي...لان ما في شركة دخلت المؤشر ولا في شركة طلعت منه...تم الحال على ما هو عليه...

[الرايــق]

احس الريان اليوم يومها

ان شاء الله..

[Laffan]

ما اشوفه سلبي...لان ما في شركة دخلت المؤشر ولا في شركة طلعت منه...تم الحال على ما هو عليه...

بس الناس كانت متوقعه انه في بعض الشركات راح تدخل ومن ضمنها ازدان وفودافون

[QTR---]

[ الوحيد ][;9963551']السلام عليكم ..

موفقين جميعا ,,, اليوم بكون بعيد عشان اخلص كل شغلي و اقدر اخذ اجازتي :(


omen الله يرزقنا اجازات

[ابو عبد الرحمن]

السلام عليكم ورحمة الله وبركاته

صباحكم مشرق بذكر الله والصلاة والسلام على رسول الله

[عبد الحميد]

بس الناس كانت متوقعه انه في بعض الشركات راح تدخل ومن ضمنها ازدان وفودافون

اخوي...في نهاية الامر... هو كان توقع :) السيولة العالية على هالسهمين في الفترة السابقة عزز هذا التوقع...

واكاد اجزم اني ما شفت اي محلل في هذا المنتدى ذكر هذا التوقع...

اللي سيحدد اذا كان ايجابي او سلبي على هالشركتين ومعهم بروة والريان...هو التداول اليوم...

[][ الوحيد ][]

omen الله يرزقنا اجازات

امييين :weeping:

[qtr qtr]

السلام عليكم عالجميع ..

اليوم راح الم فلوسي بأذن الله اذا كان السوق يلعب عالحبلين لان بالامس التداول ماعجبني .
فأعتقد راح يكون فيه تصحيح لبعض لاسهم الي مأثره فالمؤشر ومن ثم راح يرتد للقمم السابقه بأذن الله .

لحد يسألني كيف ولا شلون ولا على اي اساس ولا شنهي الاسهم .. لان كلامي كله من احساسي وتأليفي المخبط .

[Laffan]

السلام عليكم عالجميع ..

اليوم راح الم فلوسي بأذن الله اذا كان السوق يلعب عالحبلين لان بالامس التداول ماعجبني .
فأعتقد راح يكون فيه تصحيح لبعض لاسهم الي مأثره فالمؤشر ومن ثم راح يرتد للقمم السابقه بأذن الله .

عليكم السلام اخوي


لحد يسألني كيف ولا شلون ولا على اي اساس ولا شنهي الاسهم .. لان كلامي كله من احساسي وتأليفي المخبط .

احيانا الاحساس يكون صائب اكثر من التحليلات العلمية
موفق اخوي

[Laffan]

اخوي...في نهاية الامر... هو كان توقع :) السيولة العالية على هالسهمين في الفترة السابقة عزز هذا التوقع...

واكاد اجزم اني ما شفت اي محلل في هذا المنتدى ذكر هذا التوقع...

اللي سيحدد اذا كان ايجابي او سلبي على هالشركتين ومعهم بروة والريان...هو التداول اليوم...

ان شاءالله الامور طيبه

[ابو عبد الرحمن]

اتوقع ان شاء الله تعالى مواصلة فودافون في الارتفاع بناء على تداولها القوي ليوم أمس
ربما ازدان كذلك
القابضة (بعد توزريع الأرباح ليوم أمس) اما نزول قوي او صعود قوي

والله تعالى أعلم

[qtr qtr]

احيانا الاحساس يكون صائب اكثر من التحليلات العلمية
موفق اخوي

ان شاءالله يعكس كلامي .. والله يوفقنا وياك على طاعته

[emirateyah]

السلام عليكم ورحمة الله وبركاته

[eng.qatar]

صبحكم الله بالخير جميعا ... والله يوفق الجميع

[سهم حزين]

صباحكم فل وان شاء الله يومكم أخضر

[Bo3essa]

صباح الخير

[H H]

فودافون بتعطيها غطسه صغيره فالبدايه

[عبد الحميد]

حد من الشباب الطيبة طالب 10 الالاف عالليمت اب بفودا :)

بنشوف اذا طلب حقيقي ولا لا

[][ الوحيد ][]

حد من الشباب الطيبة طالب 10 الالاف عالليمت اب بفودا :)

بنشوف اذا طلب حقيقي ولا لا

غير الطلب ههههه

[عبد الحميد]

[ الوحيد ][;9963681']غير الطلب ههههه

ههههههههههههههه ما عنده سالفة...

صار طلب 2500 سهم على 20... :tease:

[roma27]

السلام عليكم يارب يرتفع

[roma27]

يارب يرتفع سعر سهم السلام

[الريان76]

احس الريان اليوم يومها

السلام عليكم ورحمه الله وبركاته

صبحكم الله بالخير :nice:

حد جاب سيرتي :shy:

[ربعاوى]

السلام عليكم ورحمة الله وبركاته
صباح طيب جميل ان شاء الله

[atiq]

السلام عليكم جميع

[الريان76]

السلام عليكم عالجميع ..

اليوم راح الم فلوسي بأذن الله اذا كان السوق يلعب عالحبلين لان بالامس التداول ماعجبني .
فأعتقد راح يكون فيه تصحيح لبعض لاسهم الي مأثره فالمؤشر ومن ثم راح يرتد للقمم السابقه بأذن الله .

لحد يسألني كيف ولا شلون ولا على اي اساس ولا شنهي الاسهم .. لان كلامي كله من احساسي وتأليفي المخبط .

الله يزيدك ويرزقك واذا محتاج مساعده انا حاضرة بلمها لك عدل :tease:

[ابو عبد الرحمن]

ما شاء الله الاجارة طلب جامد بفجوة

[ابو عبد الرحمن]

فودافون 100000 طلب جامد على 18.9

[ahmed saleh]

السلاااام عليكم
تداول موفق للجميع ان شاء الله

شكراا غريب علي الافتتاحيه الطببه

[Abu Mahmoud]

السلام عليكم جميعا

[roma27]

عليكم السلام على كل من دخل الله يعطيكم الرزق الحلال

[Abu Mahmoud]

اللي حاط 99 الف في فودافون على 18.55 يسحبها ههههههه بلا لعب

[atiq]

السلام عليكم عالجميع ..

اليوم راح الم فلوسي بأذن الله اذا كان السوق يلعب عالحبلين لان بالامس التداول ماعجبني .
فأعتقد راح يكون فيه تصحيح لبعض لاسهم الي مأثره فالمؤشر ومن ثم راح يرتد للقمم السابقه بأذن الله .

لحد يسألني كيف ولا شلون ولا على اي اساس ولا شنهي الاسهم .. لان كلامي كله من احساسي وتأليفي المخبط .

قلب المؤمن دليله

[لـبـيـه]

فودافون 100000 طلب جامد على 18.9
هذا اول الفال

[.:: القيصر ::.]

واضح مايبون فودا تحت ال 18.60


شكلنا بنقول لها بالتوفيق يا فودا :shy:

[Abu Mahmoud]

المنتدى فيه عطل بعد المشاركة تظهر الصفحة صغيره جدا

[Abu Mahmoud]

هذا اول الفال

فيه مقابلة 99 الف على 18.55

[][ الوحيد ][]

واضح مايبون فودا تحت ال 18.60
شكلنا بنقول لها بالتوفيق يا فودا :shy:

شكلهم

[مضارب دوسري]

السلام عليكم
صباح الخير

[.:: القيصر ::.]

السلام عليكم
صباح الخير

عليكم السلام صباح النور

[roma27]

عليكم السلام

[مستثمر درويش]

السلام عليكم
صباح الخير

صباح النور اخوي مضارب انا معك بالاجارة نحتفظ ولا نبيع

[مضارب دوسري]

تسجيل خروج من فودا
ونشوف وضع السوق

[H H]

حد من الي يستخدمون البرامج المباشره يقولنا , الكميه الي في فودافون تصريف والا تجميع؟ تمت بسعر الطلب والا العرض

[مضارب دوسري]

صباح النور اخوي مضارب انا معك بالاجارة نحتفظ ولا نبيع

انا الاجاره محتفظ فيها

[H H]

وعليكم السلام والرحمه ارحبوا جميعاً

[H H]

ارتفاع 4% فالطبيه ب 24 الف سهم فقط! يعني اقل من 275 الف ريال

[نــهــار]

السلام عليكم

[العساس]

بروه لها قوة في السوق في حال تفاعلها تتفاعل بقية الاسهم

[eng.qatar]

ارتفاع 4% فالطبيه ب 24 الف سهم فقط! يعني اقل من 275 الف ريال

هالسهم لو يضرب لمت اسبوع قدام لا تفكر تشوفه هههههههههههههه

[QtrGate]

السلام عليكم

مرجان خيبت ضني

مجمع في فودافون وازدان
على أساس بيوصلون فوق العشرين

أتوقع ان الأسهم تصريف
فباصرف مع العالم

[.:: القيصر ::.]

كسر 18.60


نشوف وين رايح يالقققققالي هههههه

[atiq]

بروه لها قوة في السوق في حال تفاعلها تتفاعل بقية الاسهم

تراني مسجل عليك :tease:

[نــهــار]

الدوسري نبي نضارب وين انروح

[atiq]

نشوف الريان وبروة

الدعم يالدعم

[مضارب دوسري]

اغلاق الاسبوع الماضي للمؤشر 12520

[ابو عبد الرحمن]

انا الاجاره محتفظ فيها

:nice:

[H H]

طلب واحد بحجم كبير كفيل بانه يرفع فودافون

[roma27]

اليوم صعبه المضاربة اليوم شراء فقط

[العساس]

تراني مسجل عليك :tease:

افا عليك سجل وركز ع الساعه 10.30


ولاتقول اشلون ......هذا من فضل ربي:)

[H H]

هالسهم لو يضرب لمت اسبوع قدام لا تفكر تشوفه هههههههههههههه

مافهمت , كيف يضرب لمت اسبوع ومااشوفه , لو يضرب لمت اب اسبوع كامل بتشوفني فالمالديف ببشت مع باقي الشباب :shy:

[atiq]

افا عليك سجل وركز ع الساعه 10.30


ولاتقول اشلون ......هذا من فضل ربي:)

ههههههههههههههههههههههههههههههههههههههههههه

[eng.qatar]

مافهمت , كيف يضرب لمت اسبوع ومااشوفه , لو يضرب لمت اب اسبوع كامل بتشوفني فالمالديف ببشت مع باقي الشباب :shy:

يعني هالسهم عقيم ... :) والله يرزقنا ويرزقك روحه للمالديف بعد الربح الوفير :)

[الموج الأزرق]

السلام عليكم ورحمة الله وبركاته

الصبر طيب يالطيبين ...
ان شاء الله أي هبوط تجمييييييييييييييييييع في رأيي ... ما في شي سلبي يخليك تبيع اسهمك الفتره الحالية

والله الموفق

[eng.qatar]

بروووووووووه هالسهم شيخ الشيوووووووخ :)

[H H]

يعني هالسهم عقيم ... :) والله يرزقنا ويرزقك روحه للمالديف بعد الربح الوفير :)


امين جزاك الله خير

[H H]

بروووووووووه هالسهم شيخ الشيوووووووخ :)

امس كاني قريت لاحد الاعضاء هنا فالجلسه ان بروه انهى التصحيح المفترض والمفروض الحين انه يقلع لفوق بس ماني متاكد منهو

[atiq]

نختبر 12570 .....يمقن ايه يمقن لا

[<اضرب واشرد>]

السلام عليكم

المؤشر تقوده ازدان وأتوقع ترتد ازدان والاسعار تحت 17.4 جيدة للمضارب .. كسر 17 وقف

[مضارب دوسري]

تم الدخول مضاربه ع ازدان
مضاربه سريعه

[eng.qatar]

امس كاني قريت لاحد الاعضاء هنا فالجلسه ان بروه انهى التصحيح المفترض والمفروض الحين انه يقلع لفوق بس ماني متاكد منهو

وانا بعد قريت بس بعد ماني متذكر من :) الله يرزقنا ونشوف الاقلاع

[H H]

الله يوفقك يامضارب بس انتبه من هالسهم تراه نذل نذل نذل :(

[.:: القيصر ::.]

هجمة مرتدة

[H H]

بدت موجة الشراء في فودافون

[atiq]

بروة ومزايا شراء محافظ قطرية امس

[eng.qatar]

بدت موجة الشراء في فودافون

فوداااا مره تشوف مليون بالطلب ومره مليون بالعرض تدووووخ ماتعرف شالوضع :)

[<اضرب واشرد>]

ازدان بين 17.2 و 17.02 أسعار مناسبة والهدف 18.1

[QTR---]

تم الدخول في ازدان 17.18

[roma27]

السيوله حتى الان 112مليون

[جارح]

صبحكم الله بالخير جميع

[مضارب دوسري]

ااسوق يختبر مستويات 12550
دعم قوي كسره يودينا تحت

[غريب الدّار]

الله يعينكم ياملاك ازدان

لكن السهم حاليا فرصة مضاربية على كلام اخونا العزيز اضرب واشرد

للأمانة لا املك في السهم

[نــهــار]

تم شراء ازدان 17.29

[atiq]

اليوم يوم ودام :)

[مضارب دوسري]

اللي يبي يدخل الاجاره
مستويات 21.5_21.8 مناسبه

[سعود80]

تم دخول ازدان 17.16

[qatar 86]

كم دعم ازدان

[جارح]

مضارب وشرايك بالي يقول ويحلف بالقسم ان الطبية فيها ستة ريالات قادمة ههههههههههههههه
بذمتك هاذا شتسوي فيه او شلون تقنعه

[العساس]

اليوم يوم ودام :)

سجلناها عليك

[غريب الدّار]

الظاهر الشباب قاعدين يدخلون ازدان بناء على نصيحة اضرب واشرد
:)


الله يوفقكم

[غريب الدّار]

ومع هذا سهم ازدان تم رشه بكل قوة

[atiq]

سجلناها عليك

احل شي تدخل الاسهم الي الناس غافلين عنها وحد يتكلم عليها :)

[مضارب دوسري]

مضارب وشرايك بالي يقول ويحلف بالقسم ان الطبية فيها ستة ريالات قادمة ههههههههههههههه
بذمتك هاذا شتسوي فيه او شلون تقنعه

سهم مضاربي بس فاشل
والبعد عنه غنيمه

[مطلع الشمس]

صباح الخير جميعا

حد يفيدنا في قطر وعمان
شاريتها على 16.9
نبيع والا ننطر
:((

[العساس]

احل شي تدخل الاسهم الي الناس غافلين عنها وحد يتكلم عليها :)

:nice:

[مضارب دوسري]

شكلي بوقف الخساره ف ازدان

[QTR---]

صباح الخير جميعا

حد يفيدنا في قطر وعمان
شاريتها على 16.9
نبيع والا ننطر
:((

انا شاريها بـ 17 ههههههه

[جارح]

حاولت فيه وقلت له ياولد تعوذ من ابليس واستهدي بالله وخاف ربك ومصر اصرار عجيب اخرتها قلت له ممكن تعطيني بس سبب ولو تافه يخليها تروح لهالسعر قال خذها مني كلام واحد عود بمجلس الادارة قلت اقول خله عجل يرفع لك السهم وبيع الي تدبست فيها عليه وفكني من زنتك

[مضارب دوسري]

تم بيع ازدان ب 17
العوض بغيرها ان شاء الله

[atiq]

بعد هبوط ازدان القوي من بيدعم المؤشر

[الخطاب]

استفسار عندي 1000 سهم في الاسلاميه القابضه كم يعني راح استلم نقدا ؟؟

:shy:

[غريب الدّار]

اضرب واشرد


الشباب متحبلين لك عند الباب
:)

[مضارب دوسري]

استفسار عندي 1000 سهم في الاسلاميه القابضه كم يعني راح استلم نقدا ؟؟

:shy:

3000 ريال

[atiq]

تم بيع ازدان ب 17
العوض بغيرها ان شاء الله

اظن 16.8 الدعم والا انا غلطان

وبعدين هبوط 5% ممكن يقلل الى 2%

ما تظن انك استعجلت

[العساس]

اضرب واشرد


الشباب متحبلين لك عند الباب
:)



ههههههههههههههههههههههههه


الله يبيض وجهه والله مب مقصر.

[غريب الدّار]

تم شفط ازدان مرة ثانية

اضرب واشرد شكل الشباب بيعشونك الليلة


:)


الله يبارك لملاك ازدان

[عبد الحميد]

بعد هبوط ازدان القوي من بيدعم المؤشر

اتوقع الوطني وصناعات...والله اعلم

[eng.qatar]

اتوقع فودا تستقر وتريح بين 18.54الى 18.75 وان شاء الله ماتنزل عن 18.54 .. هذي مجرد توقعات وماهي توصيات

[مضارب دوسري]

اظن 16.8 الدعم والا انا غلطان

وبعدين هبوط 5% ممكن يقلل الى 2%

ما تظن انك استعجلت

الله يوفق ملاكه

[NaifQatar]

اظن 16.8 الدعم والا انا غلطان

وبعدين هبوط 5% ممكن يقلل الى 2%

ما تظن انك استعجلت



السلام عليكم ورحمة الله وبركاته

المفروض 17 دعم قوي يختبره وبعدها يرتد حسب كلام أحد المحللين

بس دام صناعات والوطني مريحين ومركلسين قالوا خل نشوف ازدان شلون بتسوي بالمؤشر

وعينك ماتشوف الا النور

ننتظر الإرتداد

[مضارب دوسري]

تم الرجوع لفودافون
والله يستر من النكبات هههه

[atiq]

اتوقع الوطني وصناعات...والله اعلم

من الاسهم الي صححوا بداية الاسبوع والحين في مناطق الارتداد

تبادل مراكز ومااعتقد نكسر 12570

[eng.qatar]

تم الرجوع لفودافون
والله يستر من النكبات هههه

مضارب ماتحس انك تستعجل بعض الاوقات ؟؟؟

[atiq]

الله يوفق ملاكه

امين يارب

خاطري مرة اشوفك في بروة ......ماادري من معاند الثاني هههههههههههههههه

[مضارب دوسري]

الاجاره وصلت قريب الدعم
دعمها 21.7

[مضارب دوسري]

مضارب ماتحس انك تستعجل بعض الاوقات ؟؟؟

احيانا كثيره

[عبد الحميد]

العساس...قربنا على ال 10:30 :)

[غريب الدّار]

ياجماعة في شي في المنتدى؟
جني مثلا؟ :)


شدعوة كل يوم هجمات؟

[غريب الدّار]

ياجماعة في شي في المنتدى؟
جني مثلا؟ :)


شدعوة كل يوم هجمات؟

[atiq]

يالربع في حركات نص كم في ودام

طلب بو 60 الف

مرة يحطه دفعات ومرة يحطه طلبات

شكله ياهل يلعب في العزبة بس اشوي راقي بدل الغنم اسهم الغنم

[بحر شرق]

صباح الخير
فودا فرصه للدخول ، صحيح ً؟
دخلتها 18.8

[atiq]

يالربع في حركات نص كم في ودام

طلب بو 60 الف

مرة يحطه دفعات ومرة يحطه طلبات

شكله ياهل يلعب في العزبة بس اشوي راقي بدل الغنم اسهم الغنم

[بحر شرق]

صباح الخير
فودا فرصه للدخول ، صحيح ً؟
دخلتها 18.8

[مضارب دوسري]

امين يارب

خاطري مرة اشوفك في بروة ......ماادري من معاند الثاني هههههههههههههههه

ماحب اتداول فيه

[NaifQatar]

عندي سؤال

الحين داخل من برنامج المجموعة
وسويت عرض بالسعر الحالي طلع لي مبلغ مثلا نقول 50 الف
سويت بسعر السوق طلع لي 55 الف يعني اربح 5000 زياده لو بعت

شسالفه ؟؟ في شي غلط فالبرنامج ؟ مع اني بندته وشغلته

المثال على سهم ازدان

[.:: القيصر ::.]

جميل يا فودا

[Anas_G]

اضرب واشرد ذييييب

[العساس]

العساس...قربنا على ال 10:30 :)

توكلنا على الله

[مضارب دوسري]

فودا عوضت خسارة ازدان

[لـبـيـه]

مادري ليش احس مزايا ودها تنفجر بس فيها شد عضلي

[][ الوحيد ][]

جميل يا فودا

انت اجمل

[][ الوحيد ][]

جميل يا فودا

انت اجمل

[atiq]

بروة في ساعة تداول 600 لاف عند الدعم تحت 48

[NaifQatar]

فودا عوضت خسارة ازدان

الله يبارك لك وللجميع
ارتداد حلو

[Hamad_qa]

غريب امر فودافون و التهافت عليها
شركة لازالت تحقق خسائر و راس مالها ضخم جدا
عشان توزع ريال لازم تحقق صافي ارباح 850 مليون ريال و توزعها كلها

[Abu Mahmoud]

دا رشششششش وتصررريف
ولا ايه ؟؟؟؟؟؟؟؟؟؟

[غريب الدّار]

تم رش فودافون بسعر 19 ريال
رش بقوة ضغط 500000000 باسكال

للعلم لا امتلك في السيهم والله يوفق ملاكه

[الخطاب]

3000 ريال

مشكؤررررر يالدؤسري

بس كيف يحسبؤنها ؟؟ خبرك عليمي:shy:

[العساس]

تم رش فودافون بسعر 19 ريال
رش بقوة ضغط 500000000 باسكال

للعلم لا امتلك في السيهم والله يوفق ملاكه
ركز ع الرشة الجاية

[atiq]

غريب امر فودافون و التهافت عليها
شركة لازالت تحقق خسائر و راس مالها ضخم جدا
عشان توزع ريال لازم تحقق صافي ارباح 850 مليون ريال و توزعها كلها


تصحيح معلومة

هي لاتحقق خسائر بل تقلل خسائر وفيه فرق كبير

معدل تقليل الخسائر تقريبا 30%

قطاع الاتصالات مربح جدا ....ولا تستبعد اخبار ايجابية للسهم في المستقبل القريب

لا املك في السهم ( منتظر الشيخ السالوس)

[][ الوحيد ][]

مشكؤررررر يالدؤسري
بس كيف يحسبؤنها ؟؟ خبرك عليمي:shy:

توزيع الشركه فالاجتماع كان 3 ريال عالسهم ..

تضرب المبلغ في عدد الاسهم اللي عندك

[.:: القيصر ::.]

اضرب واشرد ذييييب

ماقصر

اشهد انه ذيب

[العساس]

مشكؤررررر يالدؤسري

بس كيف يحسبؤنها ؟؟ خبرك عليمي:shy:
اضرب الربح على عدد الاسهم مثال

التوزيع 3 ريال على السهم وعدد الاسهم 1000

3 ضرب 1000 = 3000

[مضارب دوسري]

الاجاره شكلها اختبرت وخلصت

[العساس]

وين المحللين............


انا ماراح اتحمل المسؤولية اكثر من كذا.

[atiq]

اضرب واشرد حدد كسر 17 خروج من السهم

البعض عندما يرى السهم 16.9 يظن ان السهم الان خروج ( وهذا الذي يسمى الكسر الكاذب او الوهمي )
الكسرالحقيقي يحتاج تاكيد وايضا تداول بكمية كبيرة على الدعم وتحته

ننتبه لهذه النقطة

والا اشرايك يااضرب واشرد

[عبد الحميد]

وين المحللين............


انا ماراح اتحمل المسؤولية اكثر من كذا.

انا فعلا مستغرب من عدم وجود المحللين :anger1: ترا وجودكم مهم اكثر في الهبوط اكثر منه في الصعود...

وصدقني يالعساس ما حد بيحملك مسؤولية...في نهاية الامر نحن الاعضاء نقول ما نراه وما نتوقعه وما نظنه...ويبقى احتمالية الخطأ فيه عالية لاننا لسنا محللين...وربما يكون البعض محلل على قده...

[qatarma]

صبحكم الله بالخير

يالربع اتوقعون انتها التصحيح؟؟؟

[بحر شرق]

وين المحللين............


انا ماراح اتحمل المسؤولية اكثر من كذا.
العساس وين الخير

[مضارب دوسري]

صبحكم الله بالخير

يالربع اتوقعون انتها التصحيح؟؟؟

اذا اغلق السوق فوق 12644
بيكون تمام التمام

[العساس]

العساس وين الخير

صبرا يا هل شرق

[رحال]

المحافظ تطلع بنك قطر .. حتى تطلع المؤشر
قديمـــة

[<اضرب واشرد>]

صباح الخير جميعا

حد يفيدنا في قطر وعمان
شاريتها على 16.9
نبيع والا ننطر
:((

لاتبيعين 16.01 دعم أستبعد كسرة .. والمضاربين طلعوا مافيه بيع قوي .

[مضارب دوسري]

اتوقع فودا ناويه هالمره ع اختراق 19.20

[Hamad_qa]

تصحيح معلومة

هي لاتحقق خسائر بل تقلل خسائر وفيه فرق كبير

معدل تقليل الخسائر تقريبا 30%

قطاع الاتصالات مربح جدا ....ولا تستبعد اخبار ايجابية للسهم في المستقبل القريب

لا املك في السهم ( منتظر الشيخ السالوس)

الربع الثالث 2014 الخسائر كانت 69 مليون مقارنة بخسائر 53 مليون نفس الفترة 2013
بمعنى إجمالا هناك تقليص في الخسائر سنويا لكن هناك تذبذب و يحتاج السهم سنوات في اعتقادي لا تقل عن 5 سنوات حتى يحقق ربح قريب من 850 مليون ريال - حتى يكون العائد على السهم ريال واحد فقط

[رحال]

أسواق الخليج كلها على تراجع
والسوق السعودي يفتح على تراااجع

[.:: القيصر ::.]

هجمة مرتدة مرة ثانية

[Hamad_qa]

السهم مضاربي بحت

[بحر شرق]

المؤشر بدا يرتد

[عبد الحميد]

برنت راجع لمستوى ال 57 دولار...

اللي قاعد يصير للتجميع والله اعلم...

[بحر شرق]

صبرا يا هل شرق

المتحده خلت فيني صبر ،،:rolleyes2:

[مضارب دوسري]

بدا الطلب يزيد ع الاجاره

[Abu Mahmoud]

فيه ارتداد ان شاء الله

[بحر شرق]

فودا مضاربه يوميه :nice:

[.:: القيصر ::.]

بدأت حرب فودا مرة ثانية

[غريب الدّار]

فودافون لازم حد يمسك السهم من بلاعيمه ويسأله :
يبه انت وين تبي تروح؟

:)


للأمانة ماعندي ولا سهم في الشركة

[atiq]

الربع الثالث 2014 الخسائر كانت 69 مليون مقارنة بخسائر 53 مليون نفس الفترة 2013
بمعنى إجمالا هناك تقليص في الخسائر سنويا لكن هناك تذبذب و يحتاج السهم سنوات في اعتقادي لا تقل عن 5 سنوات حتى يحقق ربح قريب من 850 مليون ريال - حتى يكون العائد على السهم ريال واحد فقط

والسنة الاجمالية بالكامل تقليص الخسائر بمعدل 50%

وهذه الايجابية للسهم

[باراكودا]

فودا مضاربه يوميه :nice:

أحلى مضاربة في أسهم فودا حبيبة الكل بالحجاب أحلى .

[atiq]

أسواق الخليج كلها على تراجع
والسوق السعودي يفتح على تراااجع

السعودي لازم يرتد والا بيرجع الى 8700

واستبعد هذا الان

[العساس]

ياجماعة حد يحرك مزايا شكلها ماتت

[رحال]

المتحده خلت فيني صبر ،،:rolleyes2:

أيش توقعاتك لتوزيعات المتحدة اليوم يابحر ..؟

[atiq]

ياجماعة صعبن نكسر 12570 والله اعلم

السيولة الداخلة حول 5 مليار وهذه ليست مضاربية يعني لازم يرفع الاسهم فوق عشان يجني ربحه والا يبيع بخسارة الى 12000

شوفوا نطاق الدخول للسيولة وبتعرفون

[مضارب دوسري]

السوق غير مطمئن
او بمعنى اصح يتوجب الحذر

[عبد الحميد]

ياجماعة صعبن نكسر 12570 والله اعلم

السيولة الداخلة حول 5 مليار وهذه ليست مضاربية يعني لازم يرفع الاسهم فوق عشان يجني ربحه والا يبيع بخسارة الى 12000

شوفوا نطاق الدخول للسيولة وبتعرفون

:nice:

[بحر شرق]

أيش توقعاتك لتوزيعات المتحدة اليوم يابحر ..؟

ان شالله خبر يفرح ملاكه ، أرباح التسعة أشهر سنه 2014 ،،559 مليون زياده11% ،، :)

[<اضرب واشرد>]

اضرب واشرد حدد كسر 17 خروج من السهم

البعض عندما يرى السهم 16.9 يظن ان السهم الان خروج ( وهذا الذي يسمى الكسر الكاذب او الوهمي )
الكسرالحقيقي يحتاج تاكيد وايضا تداول بكمية كبيرة على الدعم وتحته

ننتبه لهذه النقطة

والا اشرايك يااضرب واشرد

صحيح اخوي عتيق كذلك قلت أرقام تقريبية ع السريع بدون الرجوع للشارت .. والكسر إذا استقر تحت 17 نص ساعة ع الأقل ..

تحليلي لجلسة أمس كان : صعود أول نص ساعة من الجلسة ل 18.2 ثم هبوط إلى 17

أمس صعدت 18.49 أول نص ساعة واليوم نزلت 16.91

حاليا دعمها 17.07 والهدف 18 يوم الأحد إن شاء الله .. والصراحة ذكرتها اليوم لمعرفة طريق المؤشر فقلت خلها توصية لمتابعي السهم

[غريب الدّار]

السوق غير مطمئن
او بمعنى اصح يتوجب الحذر

وشلون غير مطمئن يامضارب وانت امس قايل ان دام سكرنا تحت متوسط مادري كم معناها السوق بخير؟

يخوي انت الله يهداك تنقل من هنيه وهنيه بس أتمنى نقلك يكون مدعوم بأدلة مثلا او كلام منطقي

لان كلامك الحين يخالف المحللين الافاضل

[بنت الدوحة]

صبحكم الله بالخير،،

ازدان للبيع على 17 ? وجزاكم الله خير

[بحر شرق]

ناقلات الأسبوع القادم ممكن تشوفها 26

[غريب الدّار]

[quote=بنت الدوحة;9963978]صبحكم الله بالخير،،

ازدان للبيع على 17 ? وجزاكم الله خير[/quote

يصبحج بالنور اختي


حسب كلام المحلل الفاضل بو حمد ان السوق شراء ومش بيع

الا اذا كنتي ربحانة اختي ومقتنعة بربحج فالله يوفقج

[NaifQatar]

صبحكم الله بالخير،،

ازدان للبيع على 17 ? وجزاكم الله خير


هذا الجواب


صحيح اخوي عتيق كذلك قلت أرقام تقريبية ع السريع بدون الرجوع للشارت .. والكسر إذا استقر تحت 17 نص ساعة ع الأقل ..

تحليلي لجلسة أمس كان : صعود أول نص ساعة من الجلسة ل 18.2 ثم هبوط إلى 17

أمس صعدت 18.49 أول نص ساعة واليوم نزلت 16.91

حاليا دعمها 17.07 والهدف 18 يوم الأحد إن شاء الله .. والصراحة ذكرتها اليوم لمعرفة طريق المؤشر فقلت خلها توصية لمتابعي السهم

[رحال]

ان شالله خبر يفرح ملاكه ، أرباح التسعة أشهر سنه 2014 ،،559 مليون زياده11% ،، :)

أيش توقعاتك للتوزيع ؟؟؟

[بحر شرق]

عتيق سهم بروه اكثر سهم يخدع بالكسر الكاذب

[NaifQatar]

عتيق

ولا يزال الشراء قوي في هالأسعار المتوفره حاليا

[بحر شرق]

أيش توقعاتك للتوزيع ؟؟؟
،،

اتوقع 1.25،ريال

[مضارب دوسري]

وشلون غير مطمئن يامضارب وانت امس قايل ان دام سكرنا تحت متوسط مادري كم معناها السوق بخير؟

يخوي انت الله يهداك تنقل من هنيه وهنيه بس أتمنى نقلك يكون مدعوم بأدلة مثلا او كلام منطقي

لان كلامك الحين يخالف المحللين الافاضل

مثل ماكان سلبي فنيا
وارتفع بفعل النفط

الان ايجابي بس ممكن يخون بفعل هبوط النفط

وجهة نظر هذي ولا لا ؟

[ابو عبد الرحمن]

السعودي مرتفع 0.66%

[بنت الدوحة]

[quote=بنت الدوحة;9963978]صبحكم الله بالخير،،

ازدان للبيع على 17 ? وجزاكم الله خير[/quote

يصبحج بالنور اختي


حسب كلام المحلل الفاضل بو حمد ان السوق شراء ومش بيع

الا اذا كنتي ربحانة اختي ومقتنعة بربحج فالله يوفقج
مشكور اخوي غريب لا والله ماخذتة على 18

[atiq]

السوق غير مطمئن
او بمعنى اصح يتوجب الحذر

السوق القطري ارتفاع يوم ان الاسواق الخليجية نازلة

الحين الاسواق الخليجية مرتفعة والسيولة قوية وداخلة مستوى تاسيس عند قريب من الارقام الحالية

لازم ارتفاع قوي حول 500 نقطة واكثر

ان شاء الله السوق بخير

[qatarma]

السعودية ارتفاع 65 نقطة عند مقاومه 9200 الان 9197

[مضارب دوسري]

المهم استمرار الايجابيه هي باغلاق فوق مستويات 12630_12644
والسلبيه تكون باغلاق تحت 12520

[الزعفراني]

السلام عليكم ورحمة الله وبركاته

مساء الظهيره

شخباركم عساكم طيبين ؟

نهاركم سعيد وخميسكم فله ان شاء الله

[الزعفراني]

شخباركم مع السوق .. ربحانين خسرانين متعلقين ترقب خوف انتظار ... مشاعركم ؟

[عبد الحميد]

وترا برنت رجع ل 57 دولار...مرتفع 1.2%

[qatarma]

مثل ماكان سلبي فنيا
وارتفع بفعل النفط

الان ايجابي بس ممكن يخون بفعل هبوط النفط

وجهة نظر هذي ولا لا ؟
بس النفط*اليومسجلارتفاع
الان برنت 57.12

[atiq]

مثل ماكان سلبي فنيا
وارتفع بفعل النفط

الان ايجابي بس ممكن يخون بفعل هبوط النفط

وجهة نظر هذي ولا لا ؟

ارجع الاسبوع الماضي يوم الاربعاء ونزول النفط بقوة حول 8% واليوم الثاني سوقنا ارتفع بقو واخترق 12500

السيولة يا مضارب داخلة بقوه

وصعب ينزل المؤشر عن 12500 كمستوى

[بحر شرق]

المهم استمرار الايجابيه هي باغلاق فوق مستويات 12630_12644
والسلبيه تكون باغلاق تحت 12520

ان شالله اغلاق فوق 12630 وخميسنا مع هذا الجو يريحنا

[عبد الحميد]

شخباركم مع السوق .. ربحانين خسرانين متعلقين ترقب خوف انتظار ... مشاعركم ؟

يا هلا بك اخوي الزعفراني...

انا عندي رأي متواضع...

انخفاض اليوم وراه خير باذن الله الاسبوع القادم...بشرط اغلاق ايجابي لبرنت...

[بحر شرق]

شخباركم مع السوق .. ربحانين خسرانين متعلقين ترقب خوف انتظار ... مشاعركم ؟

عندنا غبار في البر

[adell]

الظاهر ان شاء الله لاسوق حيبداء يرتفع واولهم فودا ل 20

[qatarma]

ممكن توضيح لو ادري ان صعب التوضيح في السهم

القابضه ارتفاع 1 % تقريباً شلون؟

[JOMAN]

شخباركم مع السوق .. ربحانين خسرانين متعلقين ترقب خوف انتظار ... مشاعركم ؟
مافي غير مزايا تعليقه شكلها علر 21.30انا الباقي بالنسبه اموري في الروب فودافون وبروه

[Anas_G]

ماسر طلبات ناقلات الكبيرة على هالسعر

[مضارب دوسري]

ارجع الاسبوع الماضي يوم الاربعاء ونزول النفط بقوة حول 8% واليوم الثاني سوقنا ارتفع بقو واخترق 12500

السيولة يا مضارب داخلة بقوه

وصعب ينزل المؤشر عن 12500 كمستوى

السيوله ما قلنا شي
ولكن ك مؤشر عام يتبعه كثير من الشركات

ايجابيته اغلاق فوق مستويات 12630_12644
سلبيته اغلاق تحت 12520_12550 اغلاق الاسبوع الماضي

الحيره هو ان يغلق بين 12520 _12644

[رحال]

،،

اتوقع 1.25،ريال

معناتها أقل من لعام 15%
وكان سعرها 19 ريال

[جارح]

،،

اتوقع 1.25،ريال

اذا كانت الشركة تسعى للمحافظة على سعر السهم وثقة الملاك يجب ان لايقل عن ريال ونصف كاقل تقدير وهي قادرة على هذا ان لم يكن للشريك الاستراتيجي واعني به هيئة التقاعد رأيي اخر فالجميع استبشر خيرا بدخولة في الشركة بنسبة كبيرة من رأس المال ولاكن منذ دخولة والسهم محكور جدا بين الثلاثين والعشرين

[بحر شرق]

معناتها أقل من لعام 15%
وكان سعرها 19 ريال

رحال تتوقع اكثر ؟

[NaifQatar]

عليكم السلام ورحمة الله وبركاته

حي الله المتأخرين

:telephone:

[جارح]

رحال تتوقع اكثر ؟

بحر تطمن واستبشر خير وانا اخوك بيبين كل شي قبل الاغلاق وبتتضح امور واجد كنا نجهلها او غافلين عنها

[بحر شرق]

اذا كانت الشركة تسعى للمحافظة على سعر السهم وثقة الملاك يجب ان لايقل عن ريال ونصف كاقل تقدير وهي قادرة على هذا ان لم يكن للشريك الاستراتيجي واعني به هيئة التقاعد رأيي اخر فالجميع استبشر خيرا بدخولة في الشركة بنسبة كبيرة من رأس المال ولاكن منذ دخولة والسهم محكور جدا بين الثلاثين والعشرين

ان شالله خير يالجارح ويكسب ثقه ملاكه ، بتوزيع مجزي
،

[بحر شرق]

بحر تطمن واستبشر خير وانا اخوك بيبين كل شي قبل الاغلاق وبتتضح امور واجد كنا نجهلها او غافلين عنها
اتوقع يغلق السهم اخضر غاااااامق :victory:

[مضارب دوسري]

اذا كانت الشركة تسعى للمحافظة على سعر السهم وثقة الملاك يجب ان لايقل عن ريال ونصف كاقل تقدير وهي قادرة على هذا ان لم يكن للشريك الاستراتيجي واعني به هيئة التقاعد رأيي اخر فالجميع استبشر خيرا بدخولة في الشركة بنسبة كبيرة من رأس المال ولاكن منذ دخولة والسهم محكور جدا بين الثلاثين والعشرين

والله يا جارح هالشركه
عليها صانع يجيب للواحد الجلطه
فالبعد عن المضاربه فيه غنيمه

[رحال]

رحال تتوقع اكثر ؟

أطمح في الأكثر .. بس ما أتوقع !

[لـبـيـه]

حد يقرا على السوق الظاهر صكوه بعين

[ابو عبد الرحمن]

توقعاتكم بالنسبة للقابضة

[مضارب دوسري]

50% كاش تنتظر الدخول

و50% في الاجاره

[بحر شرق]

شخباركم مع السوق .. ربحانين خسرانين متعلقين ترقب خوف انتظار ... مشاعركم ؟

الزعفراني رايك في السلام 15.3

[لـبـيـه]

50% كاش تنتظر الدخول

و50% في الاجاره

ممكن الاسعار عشان تعم الاستفاده

50% كاش = 12 مليون يورو

50% اسهم اجاره = 68000 سهم

[الزعفراني]

من اللي شرى الاسلامية للتأمين أمس ؟

السهم وزع 4 ريالات ومع ذلك نازل .. عن اسعار امس ..

لذلك انا تعلمت الا اشتري قبل الاعلان

[مضارب دوسري]

ممكن الاسعار عشان تعم الاستفاده

50% كاش = 12 مليون يورو

50% اسهم اجاره = 68000 سهم

نص مليار تومان

[الزعفراني]

الزعفراني رايك في السلام 15.3

ما اتابعه السموحه منك

[بحر شرق]

توقعاتكم بالنسبة للقابضة

مثل ما قالوا لنا ،، فوق 223 تداول عالي او اغلاق ندخل ،غير كده سيبك منه

[eng.qatar]

50% كاش تنتظر الدخول

و50% في الاجاره

توك داخل فودافون ولا طلعت بعد هههههههههههههههههه