مواقف السيارات السفلية

[جوال 11]

بالامس استخدمت مواقف سوق واقف الشمالية السفلية جهد يشكر عليه صاحب الفكرة والمنفذ للمشروع مشروع يخدم سوق واقف والمناطق المحيطة به وجمال الحديقة العلوية على سطح الموقف والمواقف واسعة وبها دورات للمياه وسيارات كهربائية لنقل مستخدمي الموقف وللموقف اكثر من مدخل ومخرج .
نتمنى تعميم هذه التجربة في مواقف المستشفيات وكتار ومنطقة الابراج وكل المناطق الخدمية لحل مشكلة المواقف التي استهلكت الكثير من جيوب الناس من المخالفات المرورية ،

[بوحارب]

هذي المشاريع اللي ننتظرها من زمان

وسّعوا عالناس الله يوسّع عليكم يا مسؤولين :)

تسلم عاللفته الطيبة اخوي جوال وَيَا مرحبا بك

[QATAR 77]

مواقف شرحة و ممتازة و لكن ما تكفي الاعداد المهولة ان شاء الله يزيدون العدد

[khalid Qtr]

فكرة طيبة ومميزة ، ومستشفى حمد أكثر مكان يحتاج مثل هالمشروع.

[Aaziz]

باقي طال عمرك ،، المجمعات الخارجيه مثل اللند مارك و فيلاجيو ،، ان تجبرهم الحكومه على جعل المواقف الخارجيه دورين ،، مع توصيل الدور العلوي بالمجمع مباشره دون المشي في الشارع و ايضا مع سلالم للنزول للدور الارضي .
المواقف سهل يسوونها دورين ،، شغل اعمده خرسانيه و بيمات و النتيجه هي مضاعفه عدد المواقف

يعني اضرب في 2

[مدرسة]

انا جربتها منظمة و راقية و خدماتها طيبة ، جزاهم الله خير

[ya3coub]

الحمد الله انه في شخص اعجبته و حب يشارك بهالشي و يعلنه للناس <<< تعودنا بس على مواضيع الذم.


افتخر كوني شغال بنفس فكرة المشروع بمنطقة اخرى فالدوحة.


المستشفى ايضا اتوقع في مباني مواقف فوق الأرض جاري القيام بها الآن و ان شاء الله بالصبر و دعم الجهات و الوزارات بسرعه تخليص المعاملات لمثل هالمشاريع الي تحتاجها الدولة نقدر نسلم المشاريع و نبني غيرها بوقت قصير يخدم و يخفف من الي صاير.

الشكر لمن ساهم في بنائه و المسؤولين الي وافقو على الإنشاء و فوق هاي اهم شي شكر لكل من سهل و رد سوائا بالرفض او قبول المستندات بالمراجعات للوزارات و الجهات الرسمية حيث اغلب اسباب تأخير المشاريع يكون منهم و ليس من المقاول او الشركة الي مستلمة المشروع.

[Aaziz]

الحمد الله انه في شخص اعجبته و حب يشارك بهالشي و يعلنه للناس <<< تعودنا بس على مواضيع الذم.


افتخر كوني شغال بنفس فكرة المشروع بمنطقة اخرى فالدوحة.


اخ يعقوب ،،، اول شي الله يعطيك الف عافيه و يقويك و يوفقك

اخوي اتمنى تتمعن في كلامي ،،، من نعم الله على الانسان انه يشتغل و يلقى رده فعل و تقييم على شغله ،، بغض النظر التقييم كان سلبي او ايجابي تجاه العمل المنجز .

انت ادرى ان فيه كثير من المشاريع تخطيطها فيه قصور و هالشي يترتب عليه اعاده العمل من جديد في نفس المشروع بعد افتتاحه بفتره قصيره .

مابي ادخل في تفاصيل او امثله ... اشوف اخوي بما انك ذكرت ان هذا مشروع ساهمت فيه ،، انك تفتح المجال في المنتدى و تشرح اي مشروع تكون شغال عليه و تاخذ ردود الافعال قبل بدء المشروع و اثنائه و بعد اتمامه .

في هذا المنتدى قريت كثير اقتراحات من ناس حتى مش مختصين ولكنها اقتراحات بنائه و واقعيه و مفيده ،،، الافضل هو فتح قناه واضحه للتواصل بين الجمهور و الجندي المجهول (مهندسي المشاريع) لاني متاكد ان فيه كثير امور يتحملونها وهي خارجه عن ارادتهم .

مثلا ايش رايك في المقترح الي ذكرته بخصوص انشاء دور ثاني في مواقف المجمعات .. مش اقتراح سهل و سريع التنفيذ و النتيجه هي مضاعفه عدد المواقف الى الضغف بدال ما الناس مثلا في الاند توقف على العصى لين الشارع الرئيسي .

عندك مثلا و انت مار قدام اللاند متجه الى اشارات و جسر الدحيل او الشمال .... اللفه الي تدخلك اللاند يمين .. الي مسوينها بس مدخل .. هذي المفروض الجزيره الي في النص تنصغر و ترجع ورى ،، بحيث شارع الخدمات يكون مسار ثالث للي بيروحون يمين لطريق الشمال من عند الاشاره الي تحت الجسر ،، العقبه الوحيده هذي اللفه ،،، و الزحمه توصل لين قبل اللفه و السيدين الي على اليسار كلهم بيروحون سيده للغرافه او يسار لسوق العلي .

احنا ينقصنا قناه تواصل واضحه نوصل عن طريقها ملاحظاتنا ،، و هذا بالتاكيد شي يهم الي يشتغلون على مشاريع الطرق و غيره .

[معماري قطري]

باقي طال عمرك ،، المجمعات الخارجيه مثل اللند مارك و فيلاجيو ،، ان تجبرهم الحكومه على جعل المواقف الخارجيه دورين ،، مع توصيل الدور العلوي بالمجمع مباشره دون المشي في الشارع و ايضا مع سلالم للنزول للدور الارضي .
المواقف سهل يسوونها دورين ،، شغل اعمده خرسانيه و بيمات و النتيجه هي مضاعفه عدد المواقف

يعني اضرب في 2

صحيح عزيز الأَدوار المتعددة أَسهل خصوصاً لأَرضية قطر الضعيفة ومرتفعة المياه الجوفية .. في فلوريدا بعض المواقف توصل 10 أَدوار .. وبعض المطارات توقف وتمشي خطوات وانت في المطار .. كل دور له مواقف وفيه لنك بين القادمين والمواقف والمغادرين والمواقف .. الفندق تحصل وراه مبنى يعادله لوقوف السيارات.

عندنا فيه خطة تنفذ حالياً لعمل مواقف ومحطة قطار في مقابل المجلس الأَعلى للصحة وحول قلعة رميلة سمعت لعدة آلاف من السيارات نسيت الرقم بالضبط .. الفكرة جيدة لهذي المنطقة لخطتها العمرانية الحديقة المفتوحة على البحر بدون مباني .. لكن بعض المناطق تتطلب أَدوار متعددة وأَولها مستشفى حمد وفيلاجيو والمول والأَبراج وكثير غير.

[ya3coub]

اخ يعقوب ،،، اول شي الله يعطيك الف عافيه و يقويك و يوفقك

اخوي اتمنى تتمعن في كلامي ،،، من نعم الله على الانسان انه يشتغل و يلقى رده فعل و تقييم على شغله ،، بغض النظر التقييم كان سلبي او ايجابي تجاه العمل المنجز .

انت ادرى ان فيه كثير من المشاريع تخطيطها فيه قصور و هالشي يترتب عليه اعاده العمل من جديد في نفس المشروع بعد افتتاحه بفتره قصيره .

مابي ادخل في تفاصيل او امثله ... اشوف اخوي بما انك ذكرت ان هذا مشروع ساهمت فيه ،، انك تفتح المجال في المنتدى و تشرح اي مشروع تكون شغال عليه و تاخذ ردود الافعال قبل بدء المشروع و اثنائه و بعد اتمامه .

في هذا المنتدى قريت كثير اقتراحات من ناس حتى مش مختصين ولكنها اقتراحات بنائه و واقعيه و مفيده ،،، الافضل هو فتح قناه واضحه للتواصل بين الجمهور و الجندي المجهول (مهندسي المشاريع) لاني متاكد ان فيه كثير امور يتحملونها وهي خارجه عن ارادتهم .

مثلا ايش رايك في المقترح الي ذكرته بخصوص انشاء دور ثاني في مواقف المجمعات .. مش اقتراح سهل و سريع التنفيذ و النتيجه هي مضاعفه عدد المواقف الى الضغف بدال ما الناس مثلا في الاند توقف على العصى لين الشارع الرئيسي .

عندك مثلا و انت مار قدام اللاند متجه الى اشارات و جسر الدحيل او الشمال .... اللفه الي تدخلك اللاند يمين .. الي مسوينها بس مدخل .. هذي المفروض الجزيره الي في النص تنصغر و ترجع ورى ،، بحيث شارع الخدمات يكون مسار ثالث للي بيروحون يمين لطريق الشمال من عند الاشاره الي تحت الجسر ،، العقبه الوحيده هذي اللفه ،،، و الزحمه توصل لين قبل اللفه و السيدين الي على اليسار كلهم بيروحون سيده للغرافه او يسار لسوق العلي .

احنا ينقصنا قناه تواصل واضحه نوصل عن طريقها ملاحظاتنا ،، و هذا بالتاكيد شي يهم الي يشتغلون على مشاريع الطرق و غيره .

انا اتفق معاك بالدور الثاني و الثالث أيضا المشروع الي شغال فيه حاليا عبارة عن مواقف سيارات 4 طوابق تحت الأرض

و أغلبنا لاحظ السعه بمواقف الستي لما افتحو الطابق الثالث للمواقف من بعد ما كان طابقين "الطابق الأرضي و الأول" ولو انه صغير بس وفر مواقف قللت من الزحمة الخارجية.

موضوع الشوارع في جهة بالدولة مسؤولة عن اللإإشراف عليها و ليس من حق اي مهندس او شركة انه يسون شي بغير موافقتهم حتى لو تم رفعه طلب بالنهاية اهم اصحاب القرارات و اتمنى توصل لهم هالنقطة سوائا عند اللاند او حتى ببعض الأماكن الأخرى بالدولة


صحيح عزيز الأَدوار المتعددة أَسهل خصوصاً لأَرضية قطر الضعيفة ومرتفعة المياه الجوفية .. في فلوريدا بعض المواقف توصل 10 أَدوار .. وبعض المطارات توقف وتمشي خطوات وانت في المطار .. كل دور له مواقف وفيه لنك بين القادمين والمواقف والمغادرين والمواقف .. الفندق تحصل وراه مبنى يعادله لوقوف السيارات.

عندنا فيه خطة تنفذ حالياً لعمل مواقف ومحطة قطار في مقابل المجلس الأَعلى للصحة وحول قلعة رميلة سمعت لعدة آلاف من السيارات نسيت الرقم بالضبط .. الفكرة جيدة لهذي المنطقة لخطتها العمرانية الحديقة المفتوحة على البحر بدون مباني .. لكن بعض المناطق تتطلب أَدوار متعددة وأَولها مستشفى حمد وفيلاجيو والمول والأَبراج وكثير غير.

أخوي معماري قطر كنت اقرى ردودك بالمواضيع السابقه و كان لك تواجد قوي بالمنتدى و ارحب بردك و خبرتك بمجال الإنشائات و اتفق معاك بكل كلمة قلتها
كل مبنى يحتاج لبمنى مواقف نفس الي يصير برع و نفس الي بدا يصير بالمدينة التعليمية في مبنى مواقف كبير مشابه لمواقف الـــqncc

و ايظا في اكثر من مبنى مواقف بالدفنة و هالشي طيب و خفف إلى حد ما من العفيسة الي كانت بالسابق و نتمنى انشوف حلول افظل و بخساير اقل