حشيش طبيعي أو صناعي ؟

[عيد بن شاكر]

السلام عليكم

يعطيكم العافية جميعاً

عندي مساحة حلوة لعمل حديقة و أبي أزرعها حشيش عشان لعب العيال.

سؤالي .... ايش الأفضل, حشيش طبيعي أو صناعي ؟

طبعاً لقيت حشيش صناعي سمكه 35 ملم و عليه ضمان 10 سنوات مايتغير اللون و لا يخترب و و و

هل أحد ركب الصناعي و تحسف؟ هل الحديقة تكون بلا روح؟ يعني كاني حاط زولية خضراء؟

من خبراتكم و علمكم نستفيد

[محاسب]

http://www.qatarshares.com/vb/showthread.php?560765-العشب-الصناعي-للحدائق-استفسار

[عيد بن شاكر]

مشكوووور اخووووي

[معماري قطري]

كنت باكتب رد لكن حصلت الردود نفسها كتبتها قبل وشكراً للأَخ محاسب على النقل

الصناعي لو فرضاً بتحطه على بلاط كشكل ممكن لكن الطبيعي أَحلى بوايد وفيه شركة عندها قوالب خاصة بلاستيك تقدر تزرع فيها عشب وتمشي عليه السيارة حتى .. شركات الزراعة تطورت تطور كبير .. وهي كثيرة في قطر منها كمثال شركة الثلاثي وشركة متأَسسة في عمان عندهم مواد حتى للزراعة العمودية مثل واجهات البيت.

[الجـــوديّ]

الطبيعي أفضل ..

لون يريح العين .. ويجدد لكم أكسجين البيت .. ويرطب الهواء من رطوبة الأرض خاصة في الصيف

اذا حطيت صناعي .. سبحان الله بتجيك ضيقة لأنه بس لون وشكل من غير ريحة أو هواء نقي ومنعش

[شموخ دائم]

,

,


مرحبا


مع الطبيعي وزارع في بيتي طبيعي والحمدالله

ومافي مقارنه بين الشعر الطبيعي و ( الباروكه )

:)


,

,

[Bozizoo]

انا مركب صناعي 36 مم صار له اكثر من 3 سنوات صيني من الامارات الرول 2000 ريال 25م*2م وممكن تطلبه وانت في الدوحه بدون ماتروحوضيف عليه شحن ال3 رولات ماتطلع 1200 ريال انا الاسبوع الي راح جايب لعزبه واحد من الربع مع اغراض ثانيه
صراحه فيه مميزات ماتحصلها بالطبيعي
1- مايحاتج صيانه ولا ري من نفس الطبيعي
2- وهو الاهم بالنسبه لي ماتجيك الحشرات نفس الطبيعي

[اللوز]

طبيعي بدون وجه مقارنة
علشان اتحس بجمالية العشب ولا تنسى عمل شبكة الري الاتوماتيكية