نسبتي ضعيفة 71%

[تاجر كشخة]

السلام عليكم ورحمة الله وبركاته

أخواني انا بغيت اعيد ثالث ثانوي لاني نسبتي ضعيفة نوعا ما علما باني خلصت الثانوية سنة 2005 هل فيه امكانية اني اعيد وشنو المطلوب مني
يا ليت الي عنده علم في الموضوع يفيدني ويفيد غيري وشاكر لكم اخواني مقدما

[بانغ بانغ]

الشيخ اتصل بالميلس الاعلى احسن لانه يمكن حد يعطيك اجابة غير صحيحة بالمنتدى بحسن نية

اموفق عاد نبي كيكة النجاح

[العقل المدمر]

اذا نسبتك 71 فهي مب ضعيفة
ليش ماتدرس دبلوم اتوقع يفيد اكثر

[كاشف الغطاء]

انصحك تدرس دبلوم وآخر شي تفكر فيه انك تعيد السنة والله يوفقك

[تاجر كشخة]

ليش لاء بتصل وبسال الا هم مداومين بكرة :telephone: اعتبر كيكتك واصلتك اذا ما نسيتك :nice:

[تاجر كشخة]

ابي ادخل تخصص هندسة و الجامعة تقبل الي نسبهم 75%

[تاجر كشخة]

ما ينفع دبلوم ابد :weeping:

[بحر شرق]

اذا ما عندك مانع تعيد السنه ،، أنصحك تدخل الجسر الأكاديمي في المدينة التعليميه ، وبعدها تدخل الجامعه لان اذا معدلك في الايلز 6او sat فوق570 تقدر تدخل الجامعه بدون النظر الى النسبه الثانويه

[العقل المدمر]

صح في حل انك تقدم الايلز والاي سي تي وتجيب النسب اللي يقبلونها
او ممكن تدرس دبلوم وتكمل عليه جامعة عقب

[ya3coub]

أخوي اذا طبك علشان تدرس هندسة.

و بحكم انك متخرج من 2005 الله يوفقك لا خوف عليك ان شاء الله أكيد عارف بأهمية الشهادة الجامعية, كنت بنصحك انك تدخل كلية المجتمع تاخذ Associat Degree و بعدها تكمل بأحد الجامعات او تدخل كلية شمال الأطلنطي لتحصل على HND الدبلوم العالي ثم تكمل و بالحالتين تخسر سنة او ما يعدالها و فقط مسموح لك ان تكمل بجامعات معدودة الي بينهم اتفاقية و إلا ستدرس ما بين سنتين إلى 4 سنوات.

ولكن اسرع و افضل حل اعادة الثنوية و من بعدها تدرس الدراسة الجامعية علطول تقريبا 5 سنين من عمرك أو اقل ايضا.
قبل هاي كله شوف مستواك الحالي باللغه الإنجليزية و حاول تنميها اذا عندك صعوبات قبل ما تطلع من الشغل و ترجع لمقاعد الدراسة.

و ان شاء الله بالدرجات العالية ان شاء الله و اتكون من الأوائل و من بعدها تدخل الجامعه و تكمل دراسة الهندسة بإذن الله تعالى.


من الي عاشرته و شفته نسبة انك تحصل عليها بإمتياز اكثر بكثير من حديثي التخرج بحكم انك عارف المطلوب و عارف هدفك و مركز عليه و ليس مشتت والله يوفقك يا رب.

بخصوص الترتيب اتوقع انها منازل او مسائي لإعادة الثنوية و في نظام معين يكون عن طريق المجلس الأعلى للتعليم يحولونك على مكتب و من هناك تخلص التسجيل و يعطونك باقي المعلومات

[Red point]

أخوي اذا طبك علشان تدرس هندسة.

و بحكم انك متخرج من 2005 الله يوفقك لا خوف عليك ان شاء الله أكيد عارف بأهمية الشهادة الجامعية, كنت بنصحك انك تدخل كلية المجتمع تاخذ Associat Degree و بعدها تكمل بأحد الجامعات او تدخل كلية شمال الأطلنطي لتحصل على HND الدبلوم العالي ثم تكمل و بالحالتين تخسر سنة او ما يعدالها و فقط مسموح لك ان تكمل بجامعات معدودة الي بينهم اتفاقية و إلا ستدرس ما بين سنتين إلى 4 سنوات.

ولكن اسرع و افضل حل اعادة الثنوية و من بعدها تدرس الدراسة الجامعية علطول تقريبا 5 سنين من عمرك أو اقل ايضا.
قبل هاي كله شوف مستواك الحالي باللغه الإنجليزية و حاول تنميها اذا عندك صعوبات قبل ما تطلع من الشغل و ترجع لمقاعد الدراسة.

و ان شاء الله بالدرجات العالية ان شاء الله و اتكون من الأوائل و من بعدها تدخل الجامعه و تكمل دراسة الهندسة بإذن الله تعالى.


من الي عاشرته و شفته نسبة انك تحصل عليها بإمتياز اكثر بكثير من حديثي التخرج بحكم انك عارف المطلوب و عارف هدفك و مركز عليه و ليس مشتت والله يوفقك يا رب.

بخصوص الترتيب اتوقع انها منازل او مسائي لإعادة الثنوية و في نظام معين يكون عن طريق المجلس الأعلى للتعليم يحولونك على مكتب و من هناك تخلص التسجيل و يعطونك باقي المعلومات


بالضبط مثل ما قال لك اخوي يعقوب افضل حل انك تاخذ دبلوم عالي ومن بعدها تعمل سنة توب اب وتكملها بكلريوس او تقدر تدرس برع في بريطانيا 71 تعتبر ممتازة انا نسبتي كانت في الـ 70 ومتخرج من بريطانيا تخصص هندسة كهرباء والكترونيات
ما انصحك اتعيد ثالث ثنوي لنك خريج سنة 2005 المنهج تغير والحين صار كل شي انجليزي والمنهج اصعب عن قبل في حالة ما توفقت الله لا يقول ورسبت شهادتك السابقة تنلغي ويعتبرون شهادتك اعدادية ف الانسب انك تخطي خطوة للامام وتدرس دبلوم عالي او اتكمل برع

[kitmat]

نصيحة اول شي قدم على الايلس واخذ 3 ثلاث مواعيد ورا بعض لان يمكن واحد فيهم يكون سهل ثاني شي باعطيك رقم هندي في لندن اذا انت حاب تدرس في لندن بيشوفلك جامعة وبيسجلك فري ومارح ياخذ منك ريال على حسب التخصص اللي ترغب فيه انا طرشت ولدي خارج لندن بعد ما فشل في جامعة قطر واي استفسار انا في الخدمة

[LiL iNVe$ToR]

اعادة ثالث ثانوي صراحه مضيعه للوقت..في خيارات كثيرة والنسبه ذي تقدر تكمل عليها ..انسى النسبه وركز على الايلز او التوفل وجيب فيه سكور حلو وماعليك ان شاء الله.