مطاردة شرطة وحادث وتم تعويض المتضررة بسيارة جديدة من الشرطة

[معماري قطري]

https://www.youtube.com/watch?v=zBhhyGFQAnA

[al saad]

:eek5:

[بوحارب]

^

السد من وين طال انت @@



معماري أشكرك على الفلم

غريبة الأجانب يطّلع منهم شي ببلاش!! هههههههه

[معماري قطري]

العفو اخوي بو حارب

بالنسبة للأَمريكان حقانيين وايد وكثير منهم يعطون بدون مقابل .. صار مره اعصار وتضرروا ناس من ربعنا وناس خسروا سكنهم ونقلوا سكن ثاني .. وسفارتنا ما قصرت تعرف مستعدين يسافرون ويجون ويتفقدون أَحوال الرعية ويوعدون بس التنفيذ ياخذ سنوات أَوقات.

جات لجان حكومية أَمريكية ويسئلون عدة أَسئلة ويكتبون الشيك ويسلمونك في الموقع وما يكذبونك .. لكن لو اكتشفوا بعدين حد يخدعهم عقابه يكون عسير.

[Dana’1]

أكشن أهم شي التعويض
أمس شايفه مطارده #_#
http://cdn.top4top.net/i_e2e0d43b7e0.jpg (http://up.top4top.net/)

تهقى ربعنا يعوضون$!

[معماري قطري]

أكشن أهم شي التعويض
أمس شايفه مطارده #_#
http://cdn.top4top.net/i_e2e0d43b7e0.jpg (http://up.top4top.net/)

تهقى ربعنا يعوضون$!

ما يشتغل الرابط

بعدين ربعنا ياخذون ما يعطون .. مره بالغلط سحبوا 500 ريال من البطاقة ويوم سئلت الموظفة قالت سهلة روح القسم المالي وقدم طلب وبيردونها لك .. وطلعت القصة لا يبي لها شهور لين ترجع وكنت بسافر ونسيت السالفة خلاص

[Dana’1]

ما يشتغل الرابط

بعدين ربعنا ياخذون ما يعطون .. مره بالغلط سحبوا 500 ريال من البطاقة ويوم سئلت الموظفة قالت سهلة روح القسم المالي وقدم طلب وبيردونها لك .. وطلعت القصة لا يبي لها شهور لين ترجع وكنت بسافر ونسيت السالفة خلاص
هههههه ياخذون مايعطون ...في هذي صدقت
الرابط صوره مو فيديو مشاءلله مر زهبه من يمي مايمدي عالفيديو^_^

[معماري قطري]

هههههه ياخذون مايعطون ...في هذي صدقت
الرابط صوره مو فيديو مشاءلله مر زهبه من يمي مايمدي عالفيديو^_^

لو في الدوحة احتمال السيارتين للشرطة العادية واللي وراها ورايحين لشغل لأَن المطاردات ممنوعة الا لحالات ضرورية جداً

[العلياا]

شصار عليه اللي لابس ابيض خرعني شلون طاح :(

وليش الشرطة تعوضها ليش مب اللي متسبب فالحادث يعوضها ؟!!

[معماري قطري]

شصار عليه اللي لابس ابيض خرعني شلون طاح :(

وليش الشرطة تعوضها ليش مب اللي متسبب فالحادث يعوضها ؟!!

الشرطة هم السبب لأَنهم مطاردينه .. بعدين بعضهم فقراء يسرقون سيارة ويشردون بها أَو يسوون جرايم قتل أَو خطف ولازم تكون مطاردة حتى يقدرون عليهم .. ولو مسكوه ما عنده شيء وهله ما يدفعون له ولا تحصلين عنده تأَمين ولو عنده تأَمين يكون حادث شبه متعمد ولا يعوضونه.

بالنسبة للولد شكله تعور وطاح بعدين قدر يقوم .. فيه لقطات وايد مصورة من عدة زوايا لأَن كم طيارة تتابعه وأَغلبهم قنوات اخبارية

بعدين لو الشرطة ما راضوا المدعومة وعوضوها ورفعت قضية وخصوصاً فيه تصوير بتقدر تطلع ملايين من وراهم .. مقطع ثاني حق هندي مسكين جاي ما صار له اسبوعين وما يعرف انجليزي مسكوه الشرطة بالقوة وصاده شلل نصفي وتدخلت بلاده والحين رافع قضية بملايين على الشرطة.


https://www.youtube.com/watch?v=ePY62BagJjE

[Dana’1]

لو في الدوحة احتمال السيارتين للشرطة العادية واللي وراها ورايحين لشغل لأَن المطاردات ممنوعة الا لحالات ضرورية جداً

حتى بالسعوديه حسب ما اعرف ممنوع المطاردات
بس هذا يمكن لأن بالهاي وي وشبه فاضي وغير كذا ماقاوم راعي السوناتا مايمديه

[معماري قطري]

حتى بالسعوديه حسب ما اعرف ممنوع المطاردات
بس هذا يمكن لأن بالهاي وي وشبه فاضي وغير كذا ماقاوم راعي السوناتا مايمديه

انا مرتين طاردوني الشرطة .. مره على خط الشمال كانت دورية تمشي ومريت عليها امشي حول 250 شغلوا الرماق ولحقوني ما صادوا حتى الرقم .. بعدها حصلت ثبوت وسئلوني من وين جاي .. قبل الثبوت طبعاً خففت السرعة .. قلت من ام صلال بس لو قلت من الشمال كان بيحاولون يتأَكدون من الدورية الثانية ومشت السالفة .. ومره كانت دبة السيارة ( السلنسر - الشكمان ) مختربة وتطلع صوت والسيارة تكون أَقوى وتسحب أَكثر وكنت وقتها 17 ومستانس على الوضع تحفص بين المحلات في سوق العلي ومرعب الناس .. ومستانس وانا اشوف الناس يطالعون ولا ادري شيصير وراي ما انتبهت للمنظرة الا سيارة الشرطة وراي ويبوني اوقف وانا مستمتع .. وقفت وفي لمة الناس ونزل لي وكيل على ما اعتقد وطلب الليسن وشافه وكانت اجابتي وويهي مستوي قوطي صلصه من الاحراج إِني ما ادري إِنهم وراي ومستانس للصوت .. عطاني الليسن قبل ليلتمون الناس وقال لي توكل على الله .. قبل شرطتنا طيبين وايد أَلحين وعلى الزحمة ذي ما اظن افكر اسويها.

[ya3coub]

انا مرتين طاردوني الشرطة .. مره على خط الشمال كانت دورية تمشي ومريت عليها امشي حول 250 شغلوا الرماق ولحقوني ما صادوا حتى الرقم .. بعدها حصلت ثبوت وسئلوني من وين جاي .. قبل الثبوت طبعاً خففت السرعة .. قلت من ام صلال بس لو قلت من الشمال كان بيحاولون يتأَكدون من الدورية الثانية ومشت السالفة .. ومره كانت دبة السيارة ( السلنسر - الشكمان ) مختربة وتطلع صوت والسيارة تكون أَقوى وتسحب أَكثر وكنت وقتها 17 ومستانس على الوضع تحفص بين المحلات في سوق العلي ومرعب الناس .. ومستانس وانا اشوف الناس يطالعون ولا ادري شيصير وراي ما انتبهت للمنظرة الا سيارة الشرطة وراي ويبوني اوقف وانا مستمتع .. وقفت وفي لمة الناس ونزل لي وكيل على ما اعتقد وطلب الليسن وشافه وكانت اجابتي وويهي مستوي قوطي صلصه من الاحراج إِني ما ادري إِنهم وراي ومستانس للصوت .. عطاني الليسن قبل ليلتمون الناس وقال لي توكل على الله .. قبل شرطتنا طيبين وايد أَلحين وعلى الزحمة ذي ما اظن افكر اسويها.

قبل غير أخوي معماري كانو طيبين و ينصحون و يهددون ايضا بالحق... بينما الحين حتى ابتسامه ودك اتقوله ياخي ابتسم السلام ما يردونه بعض الضباط و هالكلام صارلهم اسبوع يخالفون يوميا اشارات المطار و عبد الغني فقط 2 الي ردو علي السلام بينما الافراد يردون و غريبه بالنهاية كل واحد و تعاملة و تربيته ولا يرمز للوزارة ولكن يجب عليهم الإبتسامة و رد تحية الإسلام ابسطها, وين دولة سياحية اذا الشرطة ما لهم واجهة مبتسمة الي خالف يتخالف بس الإبتسامة صدقه.


بالنسبة للمطاردات بقطر مسموحة حسب اخر ما سمعته و كنت بالمرور السنة الي طافت و وقتها تم تعويض احد الأفراد بحكم انه طارد شخص مطلوب او مخالف إلى سلوى قريب المركز و صادهم حادث قامت الوزارة بتعويضه بنفس سيارته بالظبط جديدة.
طالما حاول يوقفك شرطي عنده بطاقه عسكرية سوائا على شفته او لا يجب عليه انه يعرف بنفسه و ايضا يوريك البطاقه العسكرية أذا كان بسيارة مدينة و مو لابس الزي العسكري.

في من يقلل من شأنهم او يحاول يهينه و المطاردة تكون ابسطها من عدم الإنصياع لأوامر الشرطة , بعدها عندك السيارة او قيادة المركبة برعونة تشكل خطر على مستخدمي الطريق او الشخص مطلوب لجريمة او لتنفيذ حكم قضائي , مخدرات و قضايا كبيرة الله يحفظ بلادنا منها.

في مطاردات بقطر و مسموحة و لكن لها شروط و اسباب مو علشان ليت محترق او حزام بيطاردون. في اشياء يكفي اخذ رقم السيارة.

[معماري قطري]

صحيح إِخوي يعقوب ما يميز قطر هو الجرائم بسيطة لا تبرر المطاردات أَما في دول كبيرة فيها سرقات وفيها ناس يسوقون بدون أَرقام ويسون مشاكل فالمطاردة واجبة .. وحتى في قطر فيه حالات وفيه حالات كثيرة يعرفون وين يحصلون الشخص ولا فيه داعي للمطاردة .. وبالنسبة لملاحظتك على الشرطة والضباط انا معاك فيها المفروض اللباقة .. شرطة أَمريكا خالفونا ومسكونا كم مره وكل كلامهم محترم وطيب بس تحصله خايف ويده على المسدس مستعد لأَي حركة غلط.

أَذكر شرطي مسكني معلق على الهرن آخر الليل في منطقة سياحية وفنادق وزحمة .. وسويت هرن لأَن واحد موقف ومسكر التقاطع .. وقفت وكنت معصب من اللي صار والشرطي وقف عند باب سيارتي وانا رفيجي يكلمني عربي ويقول لي قول له آسف .. وانا متشتت بين الشرطي وبين رفيجي وعصب الشرطي قال لي ما تبي تسمعني اوكي وراح لسيكله .. كان على سيكل وبدأَ يكتب تقريره واظن يتصل .. انا نزلت له وممنوع الواحد ينزل أَصلاً .. وجيته هاديء وقلت له رفيجي كان يقول لي قول له آسف .. تصدق على هذا الوضع قال لي انا آسف أَيضاً وانت عليك مخالفات كذا وكذا .. ما كنت متحزم - وأَوراق السيارة ما كانت معاي - الهرن آخر الليل وبطريقة متواصلة وبعصبية - هو حط بعد عدم التعامل مع الشرطي بشكل لائق .. ههههههه طلعت مجرم وهو صادق بس قال لي مسامحك عن كل اللي صار لكن أَوراق السيارة تاخذها وتروح المحكمة تراويهم وخلاص ما عليك ولا مخالفة ولا تدفع شيء بس لا تكررها لأَنها مسجلة كانذار لك.

[ya3coub]

الحمد الله رجعت الدوحة بعد مغامرة سريعه تضمنت مطاردة شرطة !! و استقبال حافل من احد دول مجلس التعاون :)



تذكرتك علطول معنه المخالفه ما تسوى ولكن فقط للتعطيل سحبو السيارة و يبون يحجزوني بدون قانون بس مزاج

و اليوم كل الي بالإدارة يعتذرون و ما قصرو طيبو خاطري و طلعت من عندهم على الدوحة

[معماري قطري]

الحمد لله على السلامة إِخوي يعقوب

هالوقت ما فينا شدة مطاردات وقف على طول .. قبل كنت من هواة شل السيارة تايرين وكنت داير الدوار وفي الزحمة .. دوار حفصة قبل ليسونه اشارات والسالفة في الثمانينات أَيام البطل الخاطر مدير المرور .. نسيت اسمه اظن محمد عبدالعزيز وكان مشهور وشديد .. وحظي الدامر إِنه كان موجود ولابس مدني لأَن كان ليل وكان موقف عند حادث بسيط وطلع لي وسط الطريق يبي يوقفني وجهاز اللاسلكي في يده وكنت طالع من الدوار بسرعة ومجابله .. في البداية ما عرفته لأَني شفت أَشياء تطير غترة في صوب وتكرمون نعال في صوب وزين نجا بروحه في آخر لحظة .. شلون متخيل يوقف كروزر شكبره ودايس له .. المهم بسرعة قبل ليثبت الرقم لفيت شارع يمين واللي معاي قال هذا مدير المرور دوس له .. بس دخلت دهاليز المنتزه وطلعت مع شوارع ثانية وابتعدت والحمد لله ما انصدت .. ولو يقرا الخاطر اطالبه بالسماح لي ذاك الوقت المخ مفقود