اقتراح بسيط لادارة المرور لحل مشكله مروريه

[khaldoon]

السلام عليكم و رحمة الله و بركاته

كلنا نواجه مشكله لما نكون واقفين على مخرج من شارع فرعي او خدماتي على اليمين و نبي ندخل على الشارع الرئيسي و نروح بعدها لاقصى اليسار او نلف و نرجع خاصة مع الزحمة

اشوف ادارة المرور تعاملت مع هذه المشكله انها وضعت جزيرة تفصل بين اللي يمشي على طول و اللي يبي يروح على اليسار و مؤخرا جدا عملتها طويله جدا بحيث انها تكون اطول من المخرج اللي على اليمين علشان تمنع اي محاوله من اللي طالع من المخرج على اليمين انه يروح يسار ولا حتى يفكر او يحلم بهالشي.

يضطر كل من اراد انه يطلع من المخرج على اليمين و يروح يسار انه يطلع على طول و يلف من الاشاره التاليه و ممكن هالعمليه تاخذ ربع ساعه على الاقل في حالة الزحمة....

اقتراحي بسيط و متواضع و ارجو انه يكون مفهوم من خلال الرسمة التوضيحيه التاليه للفكرة و اعتذر عن رداءة الرسم ... طرحتها علشان نتناقش فيها و نشوف رأيكم و نشوف وين عيوب الفكره و مدى امكانية تطويرها و صقلها و تطبيقها بحيث نصل الى حل مقنع و مرضي للجميع .... بانتظار تعليقاتكم

[khaldoon]

http://store2.up-00.com/2015-02/142389885841.jpg (http://www.up-00.com/)

[khaldoon]

الحين بمجرد انه تكون الاشاره حمراء على الخط الرئيسي تصير الاشاره خضراء على المخرج اللي على اليمين..... و العكس صحيح.... في حالة انه ما في زحمة على الشارع الرئيسي فما تكون الاشاره على المخرج اللي على اليمين حمراء بل تكون اشاره تحذيريه بالاصفر لقطع الشارع و لكن بانتباه .....ممكن وضع كاميره على المخرج اليمين لمنع مرور السيارات لما تكون الاشاره حمراء على المخرج و اعاقة السير لمن يسير بشكل مستقيم على الشارع الرئيسي

لما تكون الاشاره حمراء على الشارع الرئيسي فممنوع منعا باتا للسيارات الواقفه خلف الخط الاحمر انها تقطعه لانه منطقة خاصة بمرور السياره الجايه من اليمين و تعامل مثل من يقف على خط مرور المشاه و يعيق حركة السير اثناء انتظاره للاشاره الحمراء.

[QATAR 77]

فكرة جيدة و لكن غير عملية

تخيل المسرب اليسار مليان فالي يطلع من اللغة بوقف في النص و يعطل السير

[ya3coub]

لا اتفق معااااك و بشدة أخوي خلدون

صحيح بخاطرنا هالشي ولكن لا و ألف لا

احنا الكرنيش الي يعتبر من اجمل الشوارع المطلة عالبحر و تشوف الأشارة واقفه من الزحمة و بعد مناحسين إلا يمرون بحكم أنها خضرا حتى لو مافي لهم مكان يوقفون بالنص. و تتعطل الإشارة الي بعدها و الي بعدها

لحد ما يفتح عندهم الشارع شوية و تلقى من كل جهة بقايا سيارات.


لما يكون في ثقافه التسامح و عدم المناحس و الأهم و قبلها أحترام قانون المرور

بعدين ممكن اتفق معاك بس حاليا و على هالوضع لااااا و ألف لاااا.

انا خذيت دراجة و ريحت نفسي بنفسبة 70% و بعد في من الناس الي فقط يسمع صوت الدراجة يسكر علي و يضيق علي علشان ما اطوف بين السيارات !!!!! لما تنقرض هالتصرفات بعدين ممكن انفكر بحل لباقي المشاكل.

وجهة نظري تمثلني شخصيا

[ابوعلي]

الفكرة اخوي خلدون غير عملية

وانا ضد المخارج الي تكون قريبه من الاشارات لان تسبب زحمه وحوادث وخاصة للاشخاص الي لهم نية اخذ اقصى اليسار


ويعطيك الف عافية اخوي

[khaldoon]

فكرة جيدة و لكن غير عملية

تخيل المسرب اليسار مليان فالي يطلع من اللغة بوقف في النص و يعطل السير


ممكن يكون في سينسر بعد الجزيرة اللي بالنص عند السيارات المتجهة لليسار و لو كان في سيارة واقفه عليه معناته بتظل الاشاره حمراء ايضا على المخرج اللي على اليمين يعني بتكون الاشارة على الطريق الرئيسي حمراء و ايضا الاشارة على المخرج اليمين حمراء لانها اشارات ذكيه

جزاك الله كل خير على ردك اللي اثرى الموضوع

اخوي ايضا انا حطيت اشاره على المخرج اليمين علشان ما يكون الوقت الضايع كبير لما تفتح الاشاره الخضراء على الشارع الرئيسي ...بيكون بس 3-4 سيارات في الشارع الرئيسي مب اكثر و مب شرط تسوي زحمة و الوقت الضايع مب شرط يكون كبير.... بالنهاية من حق الجميع انه يمشي و الا يعني لازم الواحد يلف من الاشارة الثانيه لو كل يوم مضطر يستعمل المخرج اليمين؟... اشلون بتكون حياة الناس المضطرين استخدام المخرج اليمين بشكل يومي او حتى اكثر من مرة باليوم؟

[jajassim]

ما شاء الله عليك مبدع أخوي
الفكرة حلوة وجميلة بس تحتاج الى بعض اللمسات الفنية
المشكلة الرئيسية الى اتوقعها عندما تكون الاشارة حمراء للخط الرئيسي فتتجمع السيارت لين بعد المخرج فبهذا من الصعب ان ترجع السيارات الى مسكرين المخرج ، لفتح المجال
اما اذا تريد تكون الاشارة حمراء للمخرج لنفس الوقت للخط الرئيسي فتسبب ارباك كبير للسواقين
ختاما الفكرة حلوه ولكن تصلح للتقاطعات الكبيرة يكون في مجال اما التقاطعات داخل المدينة صعبة جدا نظرا لضيق المساحات
وجزاك الله خير وتسلم على الابداع

[khaldoon]

لا اتفق معااااك و بشدة أخوي خلدون

صحيح بخاطرنا هالشي ولكن لا و ألف لا

احنا الكرنيش الي يعتبر من اجمل الشوارع المطلة عالبحر و تشوف الأشارة واقفه من الزحمة و بعد مناحسين إلا يمرون بحكم أنها خضرا حتى لو مافي لهم مكان يوقفون بالنص. و تتعطل الإشارة الي بعدها و الي بعدها

لحد ما يفتح عندهم الشارع شوية و تلقى من كل جهة بقايا سيارات.


لما يكون في ثقافه التسامح و عدم المناحس و الأهم و قبلها أحترام قانون المرور

بعدين ممكن اتفق معاك بس حاليا و على هالوضع لااااا و ألف لاااا.

انا خذيت دراجة و ريحت نفسي بنفسبة 70% و بعد في من الناس الي فقط يسمع صوت الدراجة يسكر علي و يضيق علي علشان ما اطوف بين السيارات !!!!! لما تنقرض هالتصرفات بعدين ممكن انفكر بحل لباقي المشاكل.

وجهة نظري تمثلني شخصيا

اخوي العزيز يعقوب.... اعتقد اشارات الكورنيش يصير عليها هالشي و الناس ما تحترم منظقة المشاة لانه اشاره ما عليها كاميرا.... لو في كاميرا ما احد يقدر يسوي هالشي لانه اقل مخالفه للسيارة لما تكون متوقفة على خط المشاه هي 500 ريال لاعاقة المشاه... فما بالك لما تكون قطع واضح للاشاره هذه مخالفتها 6000 ريال غير النقاط حالها حال اي اشاره رئيسيه و الناس تخاف و ما تفكر تغلط هالغلطه لانه القوانين الصارمه الصراحة ربت المشاغبين و المشاكسين الى حد كبير

بالنهاية السياقه فن و ذوق و اخلاق يعني ما نقدر نصلح الكون طالما في ناس مش محترمه بينا في الشوارع... مثل ماقال الشاعر: متى يبلغ البنيان تمامه... اذا كنت تبني وغيرك يهدم ...

كل الشكر و التقدير على ردك الجميل

[khaldoon]

الفكرة اخوي خلدون غير عملية

وانا ضد المخارج الي تكون قريبه من الاشارات لان تسبب زحمه وحوادث وخاصة للاشخاص الي لهم نية اخذ اقصى اليسار


ويعطيك الف عافية اخوي

اخوي ابوعلي كل شي في بدايته يمكن يكون صعب او مب الكل يفهمه بس بعدين بيصير سهل و انسيابي ... تتذكر طبعا الدوار المزدوج او ما يسمى الدوار المجنون.... قمة الفن و الابداع في هندسة الطرق و العيب كان من السائقين مب من الدوار نفسه.... لو في اشارات و كاميرات كان الناس المشاكسه مشيت باحترام معاه غصب عنها بدليل انه الناس اللي يقطعون الاشارات الحمراء على الطرق الرئيسيه اقل بكثير من اللي يقطعون نفس الاشارات اللى على الدواوير لانه ما في كاميرات على اشارات الدواوير

الحين يا الغالي معقول الناس اللي مضطرة تستخدم المخرج اليمين كل يوم و تبي تروح يسار اكثر من مرة في اليوم معقول تظل حياتهم هالشكل و الى الابد؟....

كل الشكر و التقدير يا الغالي على مرورك الجميل

[بونووف]

مايحطون مخرج قريب الاشاره وخلاص واللي يبي يرجع او يلف يسار ينتظر للاشاره الي عقبها مب من طول شوارعنا لكن ربعنا كله مستعجلين

[R 7 A L]

مشكور اخوي خلدون على المجهود والاقتراح

انا رأيي مثل رأي الاخوة الي قالوا تغلق المخارج القريبة من الاشارات وتنتهي هالمشكلة

[شيخ الديرة]

المثل يقول, امشي شهر ولا تقطع نهر

اللي يريد يروح للأشارة حتى يلف يسار, عند أختيارين,

يروح للأشارة اللي بعدها ويرجع, ثم يروح يمين
او
يروح يمين عند الأشارة ويمين مرة ثانيه, يمين مرة ثالثة للدخول الأصولي للشارع بحيث يمكنه أخذ الحارة اليسرى

[khaldoon]

ما شاء الله عليك مبدع أخوي
الفكرة حلوة وجميلة بس تحتاج الى بعض اللمسات الفنية
المشكلة الرئيسية الى اتوقعها عندما تكون الاشارة حمراء للخط الرئيسي فتتجمع السيارت لين بعد المخرج فبهذا من الصعب ان ترجع السيارات الى مسكرين المخرج ، لفتح المجال
اما اذا تريد تكون الاشارة حمراء للمخرج لنفس الوقت للخط الرئيسي فتسبب ارباك كبير للسواقين
ختاما الفكرة حلوه ولكن تصلح للتقاطعات الكبيرة يكون في مجال اما التقاطعات داخل المدينة صعبة جدا نظرا لضيق المساحات
وجزاك الله خير وتسلم على الابداع

بعض ما عندكم يا الغالي....اكيد الفكرة تحتاج لمسات و دراسات و ضوابط من اجل اخراجها بشكل افضل و احسن وهذه مهمة الخبراء ..... الحين هذا الخط اللي رسمته بين المخرج اليمين و الاشاره اللى على اليسار بيكون عباره عن خطوط صفراء ممنوع الوقوف عليها في جميع الحالات حاله حال الخطوط الصفراء الموجوده عند بعض التقاطعات من اجل تجنب عرقلة السير و ضمان انسياب المرور ... يعني ما بيكون في اكثر من 3 او اربع سيارات لما تفتح الاشاره الخضراء بالشارع الرئيسي بعد ان تفتح الاشاره الحمراء على التقاطع و انتبه لكلمة بعد و حط تحتها خطين ... يعني 3 او 4 سيارات بتكون بس متوقفه على الخط الاصفر بالكثير و ما راح تسوي زحمة ابدا ....

من الحالات الكريهة جدا في شوارع الدوحه على سبيل المثال لا الحصر لما تكون طالع من مجمع المناعي و ستيرلنج اللي عند اشارات رامادا و يكون ظهرك للصناعية و جهك باتجاه السنتر و جسر الجيده و تبي تروح على اليسار من اشارة رامادا...شوف العذاب اشلون.... لازم تنزل على اشارة السنتر الجديده و بعدها تلف و ترجع على اشارات رامادا و تروح يمين باتجاه مستشفى حمد و الرميله.... تخيل لو انك تشتغل هناك مثلا و كل يوم تبي تسوي هالحركه كم مره باليوم.... تكره عيشتك ههههه

[khaldoon]

مايحطون مخرج قريب الاشاره وخلاص واللي يبي يرجع او يلف يسار ينتظر للاشاره الي عقبها مب من طول شوارعنا لكن ربعنا كله مستعجلين


مشكور اخوي خلدون على المجهود والاقتراح

انا رأيي مثل رأي الاخوة الي قالوا تغلق المخارج القريبة من الاشارات وتنتهي هالمشكلة


المثل يقول, امشي شهر ولا تقطع نهر

اللي يريد يروح للأشارة حتى يلف يسار, عند أختيارين,

يروح للأشارة اللي بعدها ويرجع, ثم يروح يمين
او
يروح يمين عند الأشارة ويمين مرة ثانيه, يمين مرة ثالثة للدخول الأصولي للشارع بحيث يمكنه أخذ الحارة اليسرى

جزاكم الله كل خير على المرور و التعليق.... تم الرد على هذه النقطه اكثر من مره ....شوفوا الرد فوق

يا جماعه ليش تقبلون بأنصاف الحلول طالما في حل عملي و سهل التطبيق.... ليش دايما نلجأ لاسهل الحلول و الضحيه هو السايق فقط .... اللي يقولون الف و ارجع من الاشاره اللي بعدها مثل اللي يقول وين اذنك يا جحا.... ليش نقبل هالشي و الطريقه سهله ... ليش في ناس لازم اتظل تستخدم هذه الطريقه الطويله المضيعه للوقت و الجهد طالما نقدر نساعدهم... ليش لازم اظل اطلع قبل نص ساعه .... ايش المانع لو جربنا الطريقه ولو اثبتت فشلها نرجع للطريقه القديمه.... ليش افترضنا انها فاشله و غير عمليه حتى قبل ان نطبقها؟.... كنا نقول الاشارات على الدواوير فكره فشله و غير عمليه و مثل ما تشوفون سنين و احنا نستخدمها..... كنا عايشين سنين نستخدم الدواوير و بعدين الاشارات و بعدين الجسور ....

[R 7 A L]

يا عزيزي يا خلدون
لقيادة السيارات ( السواقه ) ثقافة موب شرط تُدرس او تثعلم في المدارس هالثقافة يكتسبها السواق من كيفية قيادة الاغلبية والتعامل معهم والاحتكاك بهم
للأسف للحين هالثقافة نادرة جداً جداً عندنا
مثال : اشارة ضوئية فتحت وصارت خضراء بينما الشارع الي بعدها مزدحم نشوف السيارات تتوافد ماتبي الاشارة تفوتهم وهم يعرفون ان فيه زحمة قدامهم وراح يوقفون في النص والنتيجة اذا فتحت في الشارع المقابل ماراح يستفيدون الناس الي واقفين والسبب الي واقفين في النص
واقتراحك راح تكون نتيجتة هالشي
بتحصل الي طالعين من يمين يبون ياخذون الاشارة يسار مغلقين الشارع تماماً عن الي لهم الشارع في الاساس ويبون يروحون سيده


الحل
يغلقون المخارج
خاصة اذا عرفنا ان فيه اكثر من مخرج

[khaldoon]

يا عزيزي يا خلدون
لقيادة السيارات ( السواقه ) ثقافة موب شرط تُدرس او تثعلم في المدارس هالثقافة يكتسبها السواق من كيفية قيادة الاغلبية والتعامل معهم والاحتكاك بهم
للأسف للحين هالثقافة نادرة جداً جداً عندنا
مثال : اشارة ضوئية فتحت وصارت خضراء بينما الشارع الي بعدها مزدحم نشوف السيارات تتوافد ماتبي الاشارة تفوتهم وهم يعرفون ان فيه زحمة قدامهم وراح يوقفون في النص والنتيجة اذا فتحت في الشارع المقابل ماراح يستفيدون الناس الي واقفين والسبب الي واقفين في النص
واقتراحك راح تكون نتيجتة هالشي
بتحصل الي طالعين من يمين يبون ياخذون الاشارة يسار مغلقين الشارع تماماً عن الي لهم الشارع في الاساس ويبون يروحون سيده


الحل
يغلقون المخارج
خاصة اذا عرفنا ان فيه اكثر من مخرج

يعني يا رحال ما في امل..... خلاص يعني ما في داعي اكلم اليابان ياخذوني عندهم؟........... احبطوتني