رسالة لبعض الموظفين.... مع الاسف

[رهج السنابك]

رسالتي للموظفين الذين لهم تعاملات مباشره مع العملاء
كونك تتطلع على بيانات العميل وعندك بعض المعلومات الخاصه تحت يدك هذا لا يعطيك الحق في التمادي
موظفين البنوك بعد ماتنهي معاملة لعميله وشكلك ظاهريا موظف محترم بمكان محترم مالداعي لمنح كرتك مع رقم جوالك الخاص بحجة ان لو احتجتو شي كلموني!
موظفين الجهات الخيريه وللاسف الشديد ان يصدر نفس السلوك
لو كان سلوك فردي ممكن نتغاضى لكن اكثر من وحده تعرضت لعرض الكرت الخاص مضاف له رقم جوال ومعروف التلميح مافي وحده ساذجة بتاخذها بحسن نيه !!

ابسط شي رفع شكوى لجهة عمل الموظف وهم يتخذون اللازم
لكن هنا بيدخل في الموضوع اعتبارات تقديريه يمكن مايقصد يمكن قصده خدمة العميل يمكن ويمكن الخ

اخي الموظف قدمت خدمة من صميم عملك شكرا لك ولا داعي لتقديم كرتك ورقم هاتفك الخاص
وبحد علمي لا يوجد عقوبه ع هذا التصرف!

[H H]

تقدر تشق الكرت وترميه فاقرب زباله تكرمون قدام الموظف

[كازانوفا]

وتقدر ترميه بوحهه لكم حرية التصرف
وهو يدفع الحساب

[نمر بن عدوان]

الجرائه تحتاج محفزات

[المحاميه]

تقدر تقوله لا شكرا وتوكل

او تسفه كأنها ماشافت الكرت وتمشي عنه

[aloosh]

كل البنوك تطبع لموظفيها كروت وبعض الوزارات انا عن نفسي عندي كروت فيها ارقامي واي واحد يجيني المكتب اعطيه كرت من حقه ياخذه او يرفضه
اللي له حاجه بالبنك او الوزاره بياخده اللي ماله حاجه بيرفضه

والبنك شي مهم اي شخص يكون تواصل معا العملاء يضاف لتقريره

وانتي ليش حطيتي سوء الظن براسك يوم كتبتي ها الموضوع

لو اجنبي عطاكم الكرت بتاخذونه وانتو تبتسمون لو قطري معناه يبي يتعرف هذا فكركم

[راجي الْعفو]

اذا كان الغرض فعلا شخصي فنقول :

لو النساء ما تساهلوا في مثل هالمواضيع كانوا الشباب ما تجرؤا

هو ما بيتشجع على مثل هالسوالف الا لو لقى قبول

بس لو كلهم سفّلوا فيه كان اصطلب


ولا يعفي هذا ان الرجل يستحي على وجهه و يحشم نفسه من البداية

وخله يحط في باله انه اللي قاعد يسويه مع العميلة ..

ممكن في نفس اللحظه ، في رجل قاعد يسوي هالفعله مع وحده من هله !

لا يستبعد ..

وأيضاً على مثل هذه الجهات أن تجعل ضوابط وَ مراقبين ان تطلب الامر ، للتعامل مع العميل في مثل ذلك

والله يصلح الحال ..

[محب قطر 64]

لم واجمع اي كرت و ارمية بالدرج
ممكن يلزم
لكن التعامل بالطرق الرسمية أءمن مليون مرة

[R 7 A L]

بما اننا اليوم نشوف ان كل الجهات عندها رقم تلفون للمساعدة المفروض هالجهات تمنع منهاً بات توزيع الارقام الشخصية للموظفين وتمنع التواصل بين العميل والموظف

[راجي الْعفو]

وممكن من خلال هالموضوع أوجه رسالة لاخواتنا :









ان لا يتساهلون في إعطاء ارقامهم للجهات الرسمية او غير الرسمية كالمحلات و بعض الشركات بغرض التواصل

بل يعطونهم رقم أحد محارمهم ، لان الزمن فيه بلاوي ، وأصحاب النفوس المريضة كثر

[aloosh]

يا جماعه افهو وفتحو مخكم
ليش البنوك تطبع كروت للموظفين يعني يصور معاه الكرت سلفي
وليش تسؤن الظن على طول

بالذات البنوك تحب تكسب اكبر عدد من العملاء وقد فعلآ احتاجه بالاتصل في موضوع معين والبنك متشعب في معاملاته استفسر قبل اروح اجلس في زحمه البنك اذا كل شي تمام احرك للبنك
والكل يعلم ان بعض البنوك ما يرد على الاتصال اللي يجي من البداله
والارقام اللي في الكروت محسبوبه على البنك لو اي احد اخطاء بحقك توصل لمرحله الفصل من البنك الدنيا مو لعبه ويحاسبون

[راجي الْعفو]

اي طبعا اخوي علوش اللي ذكرته ليس هو المقصود

وإنما قصدنا من يستغل هذا الامر بشكل شخصي

ولذلك علامات تدل عليه

وبعض الأحيان قد يتساهل الطرف الاخر

ولذلك وجب التنبيه

[بنت شرق]

وممكن من خلال هالموضوع أوجه رسالة لاخواتنا :









ان لا يتساهلون في إعطاء ارقامهم للجهات الرسمية او غير الرسمية كالمحلات و بعض الشركات بغرض التواصل

بل يعطونهم رقم أحد محارمهم ، لان الزمن فيه بلاوي ، وأصحاب النفوس المريضة كثر

ما طلبوا بياناتنا فقط ،،،بعد بيانات ولي الامر وارقامه ،،،وصور اثبات شخصية ،،،وعدد الأبناء وجوازتهم ،،، وكثير معلومات
انا وحده رفضت اعطيهم من البيانات الا الأساسي ،،،لاهم بجهة رسمية كالداخلية ولاهم يحزنون ،،،،المشكله مافي قانون ينظم الحد الأدنى من المعلومات

ولا وفي مكان تقول عنه رفيجتي ،،،يطلبون عقد الزواج ،،،لوضعها بالملف في مؤسسة صحية ،،،يقعدون الموظفات واحيانا الفراشات ،،،،يشوفون العقد ومن متزوجه وجنسية الزوج والمهر المدفوع ،،،
ويخلونه لسوالفهم وضحكهم ،،،

[راجي الْعفو]

ما طلبوا بياناتنا فقط ،،،بعد بيانات ولي الامر وارقامه ،،،وصور اثبات شخصية ،،،وعدد الأبناء وجوازتهم ،،، وكثير معلومات
انا وحده رفضت اعطيهم من البيانات الا الأساسي ،،،لاهم بجهة رسمية كالداخلية ولاهم يحزنون ،،،،المشكله مافي قانون ينظم الحد الأدنى من المعلومات

وهذا اشد ..

ولذلك يحتاج الحذر من اخواتنا في مثل هالمواضيع ولا يتسرعون

[H H]

ما طلبوا بياناتنا فقط ،،،بعد بيانات ولي الامر وارقامه ،،،وصور اثبات شخصية ،،،وعدد الأبناء وجوازتهم ،،، وكثير معلومات
انا وحده رفضت اعطيهم من البيانات الا الأساسي ،،،لاهم بجهة رسمية كالداخلية ولاهم يحزنون ،،،،المشكله مافي قانون ينظم الحد الأدنى من المعلومات

ولا وفي مكان تقول عنه رفيجتي ،،،يطلبون عقد الزواج ،،،لوضعها بالملف في مؤسسة صحية ،،،يقعدون الموظفات واحيانا الفراشات ،،،،يشوفون العقد ومن متزوجه وجنسية الزوج والمهر المدفوع ،،،
ويخلونه لسوالفهم وضحكهم ،،،


لفتت نظري هالجمله! مهمه جداً جداً جداً !! بدال مايكون الحبل على الغارب كذا!

[غايه الطواش]

مابي أسي النيه البرنس كارد مالي قي رقم جوالي وهو رقم خاص للشغل
لاني اخذ عليه علاوه
واحيان كثير انا اطلب البزنس كارد من أشخاص أتعامل معاهم في جهات رسميه حكوميه او خاصه
عمري ماحسيت انها معضله او مشكله

[بوحارب]

لو اجنبي عطاكم الكرت بتاخذونه وانتو تبتسمون لو قطري معناه يبي يتعرف هذا فكركم

ههههههههههههه انها الحقيقه يا ساده :)


انا على كثر مارحت للبنوك ولا حد عطاني الكرت الخاص فيه crazy

[qtr qtr]

سوال يا اخت الارستقراطيه .. هل من رفيجاتج او انتي اتصل حد فيكم من الموظفين اللي عطاكم الكرت ؟؟

[love life]

مب كل الناس نيتهم سئية سواء كانوا فالبنوك او جهة حكومية مرات يكون قصدهم صج خدمة العميل والتسهيل له وخاصة البنوك الموظف يستفيد لو العميل خذ منه قرض او كريدت كارت

[توشيبا]

انا ماعطي حد كرتي

عشان العمل مسويه لي اصور وياه

بس اللي فاقع كبدي البعض وصايره اكثر من مره قدامي يشوف وحده حلوه يطلع رقم جوالها عن طويق رقك لوحه السياره

محد يقول مستحيل بلى صايره قدامي وواحد منهم شخصيه مشهوره طلع رقم وحده عن طريق رقم سيارتها

[ودي أكون]

؟؟

عطاج الكرت التعريفي وفيه الرقم شنهي المشكله..؟!*..
الكرت مسواي حق حاجة العميل.. فالاول والاخير..!

ولو السالفه غلط.. كان هو طلب رقمج وخزنه واتصلج عليه..؟! مو عطاج كرته..؟!
اما يعطيج الكرت لحاجة العميل اذا اراد الاستفسار ، والعميل هو المسؤول عن استخدام الكرت الحاجه والا للخربطه..؟!

ومثل ردوا قبلي الاعضاء.. الشخص نفسه هو اللي يقرر ان ياخذ الكرت او يقوله شكرا مايحتاي الكرت

والله اعلم

[ودي أكون]

انا ماعطي حد كرتي

عشان العمل مسويه لي اصور وياه

بس اللي فاقع كبدي البعض وصايره اكثر من مره قدامي يشوف وحده حلوه يطلع رقم جوالها عن طويق رقك لوحه السياره

محد يقول مستحيل بلى صايره قدامي وواحد منهم شخصيه مشهوره طلع رقم وحده عن طريق رقم سيارتها

الغلط مو من اللي طلع رقمها ( مع ان هذا التصرف مو تصرف رجال ولازم يتحاسب ان استخدم شغله فالغلط )؟

المهم الغلط على اهل البنت.. لان المفروض والواجب ان كل ارقام البنات( البنات والخوات والخدامات ) تتسجل باسم الزوج او الاخ او الاب او الام عالاقل..
واي فاتوره لاي محل حتى لو عبايه.. يتسجل الاسم عالاقل باسم الاخ او الزوج او الاب، والرقم رقمها بس الاسم عالمحرم .. وحتى حق امور الدليفري

هاذي وجهة نظري وهذا المتبع عندنا

[بوحارب]

السؤال اللي يسدح نفسه

ليش للحين محد عطاني كرته :)

[راجي الْعفو]

يمكن لانك مب وحده يا بوحارب !

[ya3coub]

في و في اختي و نبهتيني لشيء او سوء ظن ما قد طرى فبالي

البزنس كرت مالي فيه رقم جوال ما استخدمه و مستفيد من هالحركة بحيث في الي مجاملة يبي البزنس كارد ولا انا بستفيد من ورآه الا السندارة و ما اقدر أقول لا لان بأماكن رسمية
فأعطيه و الي صج ابي يتصل فيني و يتواصل معاي اكتب رقمي على الكرت و ابلغه انه الرقم الي بالكرت ما استخدمه سوائا نساء او رجال عمره ما جا فبالي انه ممكن شخص يفكر فيها لمواضيع شخصية و حتى لو حد اتصل بغير العمل ممكن انا أسكر و اطلب منه سبب الاتصال و استنكر اتصال بدون سبب.

نجي للبنك البنك الي اتعامل معاه يعرفوني و اعرفهم بسبة كثرة المشاكل بحيث اخلص اغلب طلباتي عن طريق التلفون مع مدير الفرع و ايضا احد الموظفات الي عطتني كرتها و قطيته فالبوك
و صادني موقف من اسبوع و المدير مسافر اتصلت فيها و ما ردت من المكتب 3 مرات اتصلت على جوالها الي بالكرت و ما قصرت خلصت الموضوع كل الي كان مطلوب مني أرسل إيميل لها و ايضا استفدت من رقم الجوال و الايميل و رقم المكتب كله بكرت.
و لو انه الموظفة ما تتعامل معاي بشكل دوري ما اعتقد بتعطيني الكرت و اتقولي أرسل إيميل أسرع لتخليص المعاملات بدال ود و جيب أوراق بين شهادة راتب و كتاب خدمة وطنية و الخ الي يضيع وقتي بالانتظار على طلبات بسيطة و ارجع اراجعهم

[رهج السنابك]

المسأله تقديريه يا اخوان واخوات
الكل بالبدايه قال تقطع الكرت وترميه بويهه معليش سهل الكلام لكن الفعل صعب!! حد خلص لج معامله وحاب يسوي فيها زيادة جميل بأنه يعتبرج من العملاء المميزين مب لشي الا انه شاف رصيدج وطاح حنجه :) وطول وقته ظاهريا موظف محترم لين شاف الرصيد تغيرت المعامله وصار اكثر لطافة وتودد
لكن اعتقد العميله لو احتاجت شي بتتصل ع بداله البنك واي احد بيخلصها
مايحتاج انه يوزع ارقام جوالاته على عملاء معينين عنده مع اعطاء ملاحظه اتصلي لي بأي وقت :)


لو في تعليمات من ادارة البنوك بعدم اعطاء ارقام شخصيه للعملاء والاكتفاء بهواتف البنك لان المكالمات مسجله كان ارتدعوا
لكن للاسف بعض ادارات البنوك تشجع التمادي لكسب مزيد من العملاء
مثل البنوك الي تحط الجميلات في افرع العملاء المميزين ذوي الارصده الضخمه كواجهه دعائيه تحت غطاء المهنيه

[رهج السنابك]

سوال يا اخت الارستقراطيه .. هل من رفيجاتج او انتي اتصل حد فيكم من الموظفين اللي عطاكم الكرت ؟؟

شخصيا نعم وللاسف من جمعيه خيريه وانا ع نياتي دفعت الشيك وطلب الجوال وخزنه بالسيستم
وبعدها باسبوعين اتصل وعرض الزواج!!

يشهد الله علي حصل

وللاسف مطوع ولحيه وبجهة خيريه
كان بالامكان اقطع رزقه لاستغلاله بيانات الناس لاغراض شخصيه لكن احتسبتها عند ربي

[رهج السنابك]

مابي أسي النيه البرنس كارد مالي قي رقم جوالي وهو رقم خاص للشغل
لاني اخذ عليه علاوه
واحيان كثير انا اطلب البزنس كارد من أشخاص أتعامل معاهم في جهات رسميه حكوميه او خاصه
عمري ماحسيت انها معضله او مشكله


رقم الجوال بالكرت عليه علاوة!! عجيب شغلكم هاهاها

هي مشكله احيانا عند الموظفين الي له اهداف معينه

[رهج السنابك]

لفتت نظري هالجمله! مهمه جداً جداً جداً !! بدال مايكون الحبل على الغارب كذا!

وانا بعد
فعلا نقطه مهمه شنو حدود المعلومات المسموحه والغير مسموحه

لو تفتح حساب بنكي يطلبون معلومات احيانا تحس مالها داعي باقي الوزن والطول ولون البشره!!

[رهج السنابك]

بما اننا اليوم نشوف ان كل الجهات عندها رقم تلفون للمساعدة المفروض هالجهات تمنع منهاً بات توزيع الارقام الشخصية للموظفين وتمنع التواصل بين العميل والموظف

المكالمات الرسميه كلها مسجله وتقدر ادارة الجهه الرجوع لها وقت الحاجة

اما تلفون شخصي وخارج وقت العمل!!!

[العلياا]

السلام عليكم


المتعارف عليه ان رقم الجوال اللي فالبزنس كارت يكون جوال العمل مش جوال الموظف الشخصي
احنا عندنا جهة عملنا توفر لنا جوال ورقم تحت اسمهم والرقم يكون فالكرت وشي جداً طبيعي
اذا انتهى العميل من الموظف يعطيه الكرت لو احتاج خدمة ممكن يتصل له ..
وبما انج عميلة عنده ومطلع ع بياناتج وقصده يتعرف ممكن هو يبادر ويتصل مب يعطيج رقمه !!

ولا مرة فكرت فيها بهالطريقة ان قصده شي مهب زين
احسنوا الظن

[رهج السنابك]

والي يكتب رقمه بيده ع الكرت هذا جوال العمل ام شخصي؟!

العليا بعضهم لهم اساليب مكشوفه يبي انتي تتصلين بالاول كجس نبض قبل لا يتهور
وبعضهم يتهور ويسرق بياناتج ويتصل كنوع من الاطمئنان ان العميل راضي عن الخدمات ثم استفسارات رسميه ثم شبه رسميه ثم لا رسميه

ليش من الاساس مافي تعليمات بمنع الاتصال برقم شخصي ومنع السماح للموظف بمنح رقمه الشخصي اعتقد هاي يبي لها تعليمات داخليه بكل جهه

[بصمة قطرية]

ما نقدر ندخل في النيات ..
يمكن الموظف فعلاً قصده يخدم العميل ..
و كونج انزعجتي من هالتصرف تقدرين تردين له الكرت ..
أو تشقينه و ترمينه ..

[بصمة قطرية]

الغلط مو من اللي طلع رقمها ( مع ان هذا التصرف مو تصرف رجال ولازم يتحاسب ان استخدم شغله فالغلط )؟

المهم الغلط على اهل البنت.. لان المفروض والواجب ان كل ارقام البنات( البنات والخوات والخدامات ) تتسجل باسم الزوج او الاخ او الاب او الام عالاقل..
واي فاتوره لاي محل حتى لو عبايه.. يتسجل الاسم عالاقل باسم الاخ او الزوج او الاب، والرقم رقمها بس الاسم عالمحرم .. وحتى حق امور الدليفري

هاذي وجهة نظري وهذا المتبع عندنا


أنا معاج في هالراي ..
المفروض و الأفضل ما يتسجل شي بإسم البنت
عشان ما تتعرض لهالمواقف ..

[العلياا]

قدمي فيه شكوى رسمية وقبلها بلغيه ان اتصاله لج وان كان بخصوص شغل غير مرحب فيه
اي استفسار او تسائل انا اللي راح ابادر واتصل لك وهنا بيعرف حدوده ولا راح يتصل

[حسن]

وايد مكبره الموضوع يالاستقراطيه
انا مستغرب من الاستنكار ولا هذا شي جيد ومطلوب ومتعارف عليه في الدول المتقدمه فكرت صج انتو مال الول
لا تعلم اسم امي

:)

وياد شطح تفكيركم وانا ضد اي جهه ولا موظف مايعطيك رقمه وخصوصا الضباط احسه نوع من انواع التخلف من قلب

ولد عمتي عنده شلل اطفال وعاش ردحا من الزمن في بريطانيا الى ان انها الجامعه
بعد فتره رجع ويسوق سياره واقف مكان معاقين وجاته الضابطه وخالفته ولما شافته اعتذرت وعطتته البزنز كارت
وتصرح لمده اسبوعين يوقف في اي مكان واذا بطول المده في بريطانيا اتصلي وامدد لك التصريح
شوفو الفرق يابشر
:(

ولد عمي اتصل على مطار دبي يستفسر لعربي عنده اقامه قطر ويبي يدخل دبي كيف
على طول عطوه رقم جوال الظابط يكلمه

:omg:

اشكره في البدايه وقاله في اي وقت تبي تتصل تحت امرك

اتحدي هني يعطونك رقم اتحدي بلميون ريال مني جائزه

صحيح هناك فرق

بالنسبه لي عادي والامر عادي ولا خصوصيه ولا كلام خرابيط ومغازل

تحبون تسون سوالف

:omen2:

[حسن]

اشتكي عليه في مجلس الامن الشرطه العوده ياسقراط

بلشه

:telephone:

[JN000N]

اولا هالحركه مايسوونها للبنات بس ولا فيها 100% سوءظن
ثانيا حتى الرياييل بعد يعطونهم كروت بما انه عميل مميز ويتوصون فيه
ودايما ف البنوك ف هالاماكن هذي الاشيا يسوونها لكسب عملاء ولا يخسرونهم
بعدين خير ياطير عطاج كرته انتي بتراكضين عقب بتكلمينه؟ لا مب ملزومه ولا حد بيطقج ع يدج خذي الكرت بلباقه قدامه ولين طلعتي قطيه شبيصير فيج؟
انا اشتغل وعندي بزنس كارد ووين ماروح الكروت معاي لو صار ماصار اعطيهم اياه ويعطوني كروتهم مافيه رقم جوالي فيه رقم مكتبي وايميلي انا محدده شنو ينحط وقايله جوال لا
ولو حد عطاني كرته مب لازم اتنقز اتصله ع جواله بتصل ع مكتبه لو شي ضروري او بطرش ايميل

[JN000N]

أنا معاج في هالراي ..
المفروض و الأفضل ما يتسجل شي بإسم البنت
عشان ما تتعرض لهالمواقف ..

احنا عندنا عيب اسامي البنات تتحط عند الرياييل (يعني مثلا ف كيوتل والمرور)
اما البنوك من الاساس مانتعامل الا ف قسم النساء :)


الا الارستقراطيه شموديج ومعنيج صوب قسم الرجال فكيتي عمرج ورحتي صوب النساء وكان الله غفورا رحيما

[ANONYMOUS]

مايخدم بخيل

[حسن]

مايخدم بخيل

ههههههههههههههه


انت


:victory:

[R 7 A L]

السؤال اللي يسدح نفسه

ليش للحين محد عطاني كرته :)

من يفتح البنك لين يسكر وانت مستنر عندهم تبيهم بعد يعطونك ارقامهم الخاصة
المفروض انت الي توزع بطاقاتك على الكاستمر ههههه

[بصمة قطرية]

احنا عندنا عيب اسامي البنات تتحط عند الرياييل (يعني مثلا ف كيوتل والمرور)
اما البنوك من الاساس مانتعامل الا ف قسم النساء :)


الا الارستقراطيه شموديج ومعنيج صوب قسم الرجال فكيتي عمرج ورحتي صوب النساء وكان الله غفورا رحيما
بالضبط جنون ( عيب ) ..
و هاي اللي تربينا عليه
الحمدلله عندنا رجال يطلعون كل شي بإسمهم ..
و مثل ما ذكرتي البنك
و باقي الأماكن أغلبها فيها أقسام للنساء
يعني الموظفة تخدم الزبونه ..



مرة زوجي عطاني بزنس كارد لموظفة
قال خليه عندج يمكن تحتاجين شي
خليتي الشيطان يشتغل ..!
ليش معطته الكارد ..!!! :(

[حسن]

السؤال اللي يسدح نفسه

ليش للحين محد عطاني كرته :)

انت من شاف هل الستندر الحتر والمتورولا تلوح كانك من بلشتيه شارع امبطح لي

وين وين يعطونك كرت زين اللي استقبلوك بس

هاهاهاها

اتصدق بوحارب انا اشثكر يعطوني كروت مال الريايل اخذفه ومال النسوان احتفض فيه

للحاجه

:)

[JN000N]

بالضبط جنون ( عيب ) ..
و هاي اللي تربينا عليه
الحمدلله عندنا رجال يطلعون كل شي بإسمهم ..
و مثل ما ذكرتي البنك
و باقي الأماكن أغلبها فيها أقسام للنساء
يعني الموظفة تخدم الزبونه ..



مرة زوجي عطاني بزنس كارد لموظفة
قال خليه عندج يمكن تحتاجين شي
خليتي الشيطان يشتغل ..!
ليش معطته الكارد ..!!! :(

اي والله
مانروح قسم الرجال الا اذا كلش كلش اصطكت علينا
واذا عطونا كروتهم خذناها ب ادب وطلعنا وحذفناها ف اقرب زباله وانتي بكرامه

[مشـــــاعر]

.


بصراحة وبدون زعل ؟؟
أحس مكبرين الموضوع وااايد !!
خلاص عطاج الكرت تقدرين وإنتي طالعة تحذفينه . .
يعني إلا نحط ذمتنا في كل شي يصير ؟؟؟

مممم أما سالفة يتصل ويخطب خخخخخخ لاتعليق والله !!

[JN000N]

^مشاعر
رفيجتي اتصل واحد على مكتبها وصج قالها ابيج على سنة الله ورسوله خخخ
بس هي عرفت توقفه عند حده وترد عليه خاصه وانه متزوج 2بعد خخخخخ
الوحده تفرض احترامها*غصب
واذا الي قدامها ماحترمها تتصرف معاه تصرف يخليه غصبن عنه يحسب لها الف حساب
اما بتسكت وتقعد تتشكى عقب هذي مامنها فاييده

[مشـــــاعر]

^مشاعر
رفيجتي اتصل واحد على مكتبها وصج قالها ابيج على سنة الله ورسوله خخخ
بس هي عرفت توقفه عند حده وترد عليه خاصه وانه متزوج 2بعد خخخخخ
الوحده تفرض احترامها*غصب
واذا الي قدامها ماحترمها تتصرف معاه تصرف يخليه غصبن عنه يحسب لها الف حساب
اما بتسكت وتقعد تتشكى عقب هذي مامنها فاييده

زين تسوي فيه . .
مممم أنا مادري ماقد سمعت إنه واحد إستغل وظيفته لأغراضه الشخصية !!
من جي مستغربة الموقف والجرأة خخخخخ

[JN000N]

زين تسوي فيه . .
مممم أنا مادري ماقد سمعت إنه واحد إستغل وظيفته لأغراضه الشخصية !!
من جي مستغربة الموقف والجرأة خخخخخ

لا تصير مرات بس بعضهم يرضون وبعضهم يوقفونهم عند حدهم

[حياة]

كله اتعامل مع بنوك وكله اروح قسم نساء واحيانا في مصرف الريان في وذنان اواجه شباب لكن ولاعمرهم سوو هالحركه ابدا ابدا قمه في الادب والاحترام والذوق

[ضوى]

مدري ليش اسأتي الظن من الاساس ؟ اخذ بيزنس كرت من كل الجنسيات وقطريين ومن هيئات ومؤسسات كبيره بالبلد عمره ماجاني سوء ظن وكذلك انا اعطيهم كرتي اذا اقدر اساعدهم باي وقت ماعندي اي مانع في ظل قوانين منظمه ، وللجنسين ،لدرجة فيه ناس من الجنسين يكلموني يستفسرون عن نقاط معينه ، وارد عليهم واوضح لهم بكل سعه صدر ، اما في حالتج يا ارسطو فشكلج انقرصتي وايد بسبب رصيدج اللي يغطي عين الشمس هههههه امزح امزح ، انا يوم رصيدي صار بالملاين حطوني عميل مميز ولي معامله خاصه بس ماعطوني كروت عمل

نصيحتي خذي الامر بسعه صدر والموضوع اساسه بيدج يعني انتي اللي بتبادرين والا لا لذلك عطاج والا لا مايشكل اي فرق عندج ،وبالنسبه لبيانات العميل تقدرين ترفعين دعوة على البنك او اي جهة استغلت بياناتج لاغراض شخصيه وتكسبينها بالراحة

[رهج السنابك]

مافكرت برفع دعوة يا ضوى بس حطيتيها براسي لكن حسافه الموقف صار له شهور
ما علينا

الله يهداكم الي تقولون ليش سوء الظن
انا بردي الاول قلت المسأله تقديريه يعني الوحده تعرف تقدر اذا انعطت الرقم لحسن نيه من الموظف ام لسوء نيه بدون لا اشرح تفاصيل زايده

وطبعا بالثلاث مواقف كانت بسوء نيه لان الاسلوب والطريقه مكشوفه
وانا تصرفي كان لاقرب زباله
لكن الموضوع يضايق اذا تكرر ويدل على ان الموظف غير رقيب نفسه بدال لا يخدم العملاء يستغل موقعه استغلال سيء
واجمالا مافي داعي لهالحركة واحنا بمجتمع محافظ شرقي لما يجينا اجانب نقعد نعلمهم ثقافتنا وحدود التعامل مع الجنسين
ونسينا ان منا وفينا يبي لهم تعليم حدود التعامل بين الجنسين

[بانغ بانغ]

ما اوقفت على كروت

احين زعلتوا على كرت وتسمحون لاجانب بالتكشف عليكم في الندوات والدورات وووووو

غريبة حتى الخدمة اعتبرتوها تحرش

[بوحارب]

يمكن لانك مب وحده يا بوحارب !

زين

الله كريم :(



من يفتح البنك لين يسكر وانت مستنر عندهم تبيهم بعد يعطونك ارقامهم الخاصة
المفروض انت الي توزع بطاقاتك على الكاستمر ههههه
ما عندي بطاقة بسبس كارت

اللي يطلبني رقمي اسويله رنه وخلاص:(


انت من شاف هل الستندر الحتر والمتورولا تلوح كانك من بلشتيه شارع امبطح لي

وين وين يعطونك كرت زين اللي استقبلوك بس

هاهاهاها

اتصدق بوحارب انا اشثكر يعطوني كروت مال الريايل اخذفه ومال النسوان احتفض فيه

للحاجه

:)

حسن يعني انا وانت واحد بالنسبة للكاش!!!:(

ياخي انت يكفي انك تلعب في البورصه لعب

وانا تاريخ 26 حسابي بالماينس crazy

الله يزيدك يالمدير :oops:

[sweet qatar]

ما اعتقد السالفة ترقيم عادة البيزنس كارد فيها رقم الجوال .. واذا شكيتي بتصرف الموظف ارفضي الكرت بأدب وانتهى الموضوع

[نمر بن عدوان]

استغرب من الراي الي يقول خذي الكرت بأدب وقطيه بأقرب زباله ! ليش من الاساس تاخذه اذا هي رافضه الفكره ولا عادي تسوي الغلط بس عشان ماتجرح مشاعر الموظف !

[بصمة قطرية]

استغرب من الراي الي يقول خذي الكرت بأدب وقطيه بأقرب زباله ! ليش من الاساس تاخذه اذا هي رافضه الفكره ولا عادي تسوي الغلط بس عشان ماتجرح مشاعر الموظف !

على اعتبار ان احنا ما ندخل في نيات الناس
و ممكن يكون هالشي بحسن نية ..
اذا هي حست ان هالموضوع وايد مضايقها
ترفض تاخذ الكرت
أو تاخذه و ترميه ..
الحلول بيدها ..
في الأخير مش غصب آخذ كرت صح أخوي ..!!

[رهج السنابك]

وليش من الاساس منح رقم شخصي للعملاء مع ابتسامه وكلام لطيف ودعوة للاتصال اي وقت؟

[همر]

ضريبة الشهره .. :(

[qatarman8008]

اشكرك على التنبيه اخوي..
فعلا ملاحظة قيمة وتحتاج انها توصل لاكبر عددمن الناس وخصوصا البنات..
قد تبدا بتلميحات تقديم خدمة لكن في باطنها نية شينة يجب الانتباه لها..
وشكرا..

[حسن]

ضريبة الشهره .. :(



ضريبه الشهره ولا ضريبه الموبيعات

:playball:


هذا يسمونه الخدمه المتميزه للجمهور والتعامل الراقي

في ناس يقدمون لهم شاي زعتر وفي ناس يقدمون لهم كافي لاتيه
هناك فرق على حسب الزبون يلبس ثوب بواازره ولا ثوب هده

:playball:

[بومحمد المطاوعه]

والله يا اختي


مب مجبوره تبتسم وتقول شكرآ وتاخذ الكرت

اعتقد والله اعلم الي مب محتشمه وكاشفه ويها ومتزينه

تتعرض لمثل هذي الأمور

ماعتقد امرأه متنقبه ومتستره وتتعامل بحدود الغرض وبتقوم من الكرسي
بتحصل على كرت الموظف او بتحصل موظف يقولها تفضلي كرت العمل ..!

البلا كل هالسوالف في الي كاشفات ومتزينات تقولون رايحه عرس
والبعض والعياذ بالله لابسه سنام ناقه فوق راسها وشعرها يبين وعبايه مادري شلون صايره

اللف او عبايه الفاضحه

اكيد بتحصل على هالسوالف والعياذ بالله


الله يستر عليهم وعلينا ويبعدنا عن الفتن يارب

[يمامـة]

استغرب من الراي الي يقول خذي الكرت بأدب وقطيه بأقرب زباله ! ليش من الاساس تاخذه اذا هي رافضه الفكره ولا عادي تسوي الغلط بس عشان ماتجرح مشاعر الموظف !

صباح الخير على الجميع..

كلامك جدا منطقي..

أصلا وبشكل عام.. ليش يعطيها الكرت؟

من باب الادب الريال ما يعطي السيدات والانسات كرته حتى لا يساء فهمه!!

وبعدين شنهو يعني يعطيها كرته؟ وليش؟

من يوم ما استوينا و تعاملنا مع حريم في فروع بنوك إسلامية
ما شفنا ياتنا وحدة وعطتنا كرتها وقالت لنا .. هذيه البزنس كارت حقتي!!

الا نتنقع على خط خدمة العملاء علشان يردون علينا!!

وأي خدمة تقدم للعميل وفيها تحويلات او.. او... او....
المفروض اتم من خلال خط تتسجل عليه المكالمات علشان العميل لا يقول سووا لي من غير علمي!!

فنقطة ان الرجل يعطي كرته للعملية عقب ما يخلص منها امر مرفوض.. سواء اساءت ارسطو النية
او احسنتها.. لأن مب من السنع ان الريال يعطي كرته وفيه رقمه الخاص ويقول لها اذا أي خدمة
تبينها هذيه كرتي!!

وليش الوحدة تروح فرع رجال؟!!

للأسف الشديد هناك فروع مافيها اقسام خاصة للنساء.. فتضطر الوحدة انها تروح قسم الرجال..

وقالت لي احداهن انها لما راحت فرع الرجال وجلست وهي مغطية ويهها ..الموظف كان في قمة التفاني
في انه يقدم لها خداماته لدرجة يقول لها.. الإيداع من داخل البنك يبي له وقت نقدر
نطلع صوب المكينة واعلمج اشلون تودعين في المكينة.............> قلة أدب من الموظف
سواء كانت بنية زينة ولا بنية شينة..........
ومن ثم وهي تعطيه بياناتها يسألها كم رقم جوالج؟ ما ارتاحت له.. عطته رقم جوالها
بس قالت له ذيه جوال ولدي.. لأن الحساب الفرعي اللي بفتحه له!!............> اشكرها..

اشوي ويصيح جواله ويرد ويتكلم..............> ويقول لها رفيجي ذيه انا من زمان ما كلمته
و... وهي ساكتة .. و بعد فترة ترد عليه هل خلصت اجراءتي عندك لين اهنيه؟

تقول كل هذا صار وهو بعمر ولدي.............> أقول انها وقاحة..

لذلك ما اعتقد أي رجل يشتغل في بنك يتعامل مع الحريم ..يرضى على خواته
يتعرضون لنفس المواقف من باب لا تسيئون الظن!!!!

[يمامـة]

ضريبه الشهره ولا ضريبه الموبيعات

:playball:


هذا يسمونه الخدمه المتميزه للجمهور والتعامل الراقي

في ناس يقدمون لهم شاي زعتر وفي ناس يقدمون لهم كافي لاتيه
هناك فرق على حسب الزبون يلبس ثوب بواازره ولا ثوب هده

:playball:

بوعلي.. خل اللي ما يعرف يعرف.. ان هناك حدود للتعامل مع الجنس الآخر..

يعني لا اتيني موظفة تعطي رجال غريب عنها جوالها الخاص
وهي تقدر تتواصل مع العميل بتلفون العمل!!

ولا ايي ريال ويعطي بنات خلق الله كرته وفيه رقمه الخاص للتواصل وياه!!

وخاصة في أمور البنك اللي تحتاج من الأساس تسجلات تثبت التحويلات او غيره!!

[يمامـة]

والله يا اختي


مب مجبوره تبتسم وتقول شكرآ وتاخذ الكرت

اعتقد والله اعلم الي مب محتشمه وكاشفه ويها ومتزينه

تتعرض لمثل هذي الأمور

ماعتقد امرأه متنقبه ومتستره وتتعامل بحدود الغرض وبتقوم من الكرسي
بتحصل على كرت الموظف او بتحصل موظف يقولها تفضلي كرت العمل ..!

البلا كل هالسوالف في الي كاشفات ومتزينات تقولون رايحه عرس
والبعض والعياذ بالله لابسه سنام ناقه فوق راسها وشعرها يبين وعبايه مادري شلون صايره

اللف او عبايه الفاضحه

اكيد بتحصل على هالسوالف والعياذ بالله


الله يستر عليهم وعلينا ويبعدنا عن الفتن يارب

اتصير يا بومحمد..
لأنه ساعات من صوتها خياله يلعب.. ومرات من صورتها في البطاقة الشخصية!!

[رهج السنابك]

والله يا اختي


مب مجبوره تبتسم وتقول شكرآ وتاخذ الكرت

اعتقد والله اعلم الي مب محتشمه وكاشفه ويها ومتزينه

تتعرض لمثل هذي الأمور

ماعتقد امرأه متنقبه ومتستره وتتعامل بحدود الغرض وبتقوم من الكرسي
بتحصل على كرت الموظف او بتحصل موظف يقولها تفضلي كرت العمل ..!

البلا كل هالسوالف في الي كاشفات ومتزينات تقولون رايحه عرس
والبعض والعياذ بالله لابسه سنام ناقه فوق راسها وشعرها يبين وعبايه مادري شلون صايره

اللف او عبايه الفاضحه

اكيد بتحصل على هالسوالف والعياذ بالله


الله يستر عليهم وعلينا ويبعدنا عن الفتن يارب

اشرايك الي تعرضت لهالموقف متنقبه وعبايه واسعه
ها بعد بتقول كاشفه ومتزينه ؟!!

ليش كل شي تقطونه صوب المره بدال لا تستنكرون تصرفات بني جنسكم!

[حسن]

والله يا اختي


مب مجبوره تبتسم وتقول شكرآ وتاخذ الكرت

اعتقد والله اعلم الي مب محتشمه وكاشفه ويها ومتزينه

تتعرض لمثل هذي الأمور

ماعتقد امرأه متنقبه ومتستره وتتعامل بحدود الغرض وبتقوم من الكرسي
بتحصل على كرت الموظف او بتحصل موظف يقولها تفضلي كرت العمل ..!

البلا كل هالسوالف في الي كاشفات ومتزينات تقولون رايحه عرس
والبعض والعياذ بالله لابسه سنام ناقه فوق راسها وشعرها يبين وعبايه مادري شلون صايره

اللف او عبايه الفاضحه

اكيد بتحصل على هالسوالف والعياذ بالله


الله يستر عليهم وعلينا ويبعدنا عن الفتن يارب


امين

بومحمد اللي لونته بالاحمر يااخي هذا ماكنه ظلم في حق الكل الى النادرلان الحين
الكل نفس المواصفات الى فئله قليله لا تذكر جدا
فالوضع اصبح عادي يابومحمد
زين وش تقول عيل في اللي يخلي بنات يتصلون للعملاء اهلين كيفاك شو عامل
بدك مساعده بدك نئدملك خدمات
هذا نوع من البزنز يابومحمد ويحصلون عليه الايزو بس احنا كله تفكيرنا يروح
بعيد
زين خير ياطير شافها وعرض عليها الزواج خير وبركه
احسن من يعرضون نفسهم على خطابات
قدمو حسن الضن على السؤ واي سؤ عطاها كرت هذا شي متعارف عليه يااخوانا
صج احنا تفيكرنا كله غلط

السموحه هذه راي عاد

[رهج السنابك]

يمامه اذا بيعطي كرته يا يعطيه لكل الناس ولا لا يقعد ينقي من العملاء
ثانيا اذا بيعطي كرته فيه بس بيانات العمل معليه لكن يكتب رقمه الخاص ع الكرت ليش؟!
هاي تغليمات من ادارة البنك ولا من نفسه

[حسن]

اتصير يا بومحمد..
لأنه ساعات من صوتها خياله يلعب.. ومرات من صورتها في البطاقة الشخصية!!

ويه ياليمامه وين وين شكلك متريق اش بومحمد البايت
اما صور البطاقات الشخصيه

هاهاهاها

تقول مجرمين مسجلين خطر الكل يخاف من هل صوره البطاقه لانها تتطلع الواقع
بدون مساحيق

[همر]

ضريبه الشهره ولا ضريبه الموبيعات

:playball:


هذا يسمونه الخدمه المتميزه للجمهور والتعامل الراقي

في ناس يقدمون لهم شاي زعتر وفي ناس يقدمون لهم كافي لاتيه
هناك فرق على حسب الزبون يلبس ثوب بواازره ولا ثوب هده

:playball:



الشهره في هالحاله رصيدك المتخم بالملايين يا بوعلي

ترى شيئين يجذبون الرجال للمرأه

الرصيد المادي والرصيد المعنوي

فما بالك باللي عندها ارصده !


ان شالله لابسه خيشه وبومحمد يقول كاشفه

ولا منقبه .. والله انك على نياتك :)

[يمامـة]

يمامه اذا بيعطي كرته يا يعطيه لكل الناس ولا لا يقعد ينقي من العملاء
ثانيا اذا بيعطي كرته فيه بس بيانات العمل معليه لكن يكتب رقمه الخاص ع الكرت ليش؟!
هاي تغليمات من ادارة البنك ولا من نفسه

من نفسه..
ولحد يقول من اجنبي تاخذون ومن قطري تسيئون الظن!!
الغلط غلط سواء من اجنبي ولا من قطري..

وااااايد يا ارسطوا تعاملنا مع أماكن لخدمة العملاء ما أتذكر يانا واحد
وكتب رقمه على الكرت .. ودايما يكتبون رقم المكتب للتواصل المباشر وخاصة
لما الشكاوي تكون متكررة !!

اما رقم جوال شخصي...............> مب عارفة ليش الناس يقولون هالشي عادي!!

لا والله مب عادي.. سواء كانت بنية زينة ولا بنية مب زينة!!

[بومحمد المطاوعه]

شخصيا نعم وللاسف من جمعيه خيريه وانا ع نياتي دفعت الشيك وطلب الجوال وخزنه بالسيستم
وبعدها باسبوعين اتصل وعرض الزواج!!

يشهد الله علي حصل

وللاسف مطوع ولحيه وبجهة خيريه
كان بالامكان اقطع رزقه لاستغلاله بيانات الناس لاغراض شخصيه لكن احتسبتها عند ربي

انزين اتصل وعرض الزواج
ماعرض لغرض شي ثاني

في شي غلط لو طلب الزواج .؟

وبعدين يا اختي
مب كل من ربى لحيه قالو عنه مطوع
في ناس مب ملتحين ولكن مطوعين ويخافون الله

انا مادري ليش لو شفتو اي واحد ملتحي قلتو مطوع واااااااااااو المفروض مايخطأ

ترى بشر مب ملاك

يعني لو شفتي سيكي ملتحي بتقولين عنه مطوع
لو لبس ثوب وغتره ويدخن
بتدخلون هني وبتكتبون شفنا مطوع يدخن ..!

مجرد لحيه سميتوه مطوع

انا مره صادفني على خط بوسمره ملتحي لين سره يمكن وقف جنبي
وانا مبنجر قال اساعدك
والزقاره ف حلجه

شاقول عنه ذي .؟

الله اعلم بحاله يمكن فيه بلا يمكن مينون يمكن ويمكن ويمكن

ولكن ماقول بااااال شفت مطوع وجذي يسوي
وانا اشدراني عنه اذا خايف الله ولا اهو صج مطوع

المطوع بالقلب مب بالشكل اختي

وعلى طاري تقطعين الرزق
ترى الرزق على الله

ومحد يقدر يقطع رزق حد الا بأمر من الله تعالى
والا الواحد لو يبي يتبلى يقدر يتبلى بدون شهود

لأن في زمن مافي الصادق في العمل الا من رحم ربي
حتى في المحاكم

[بومحمد المطاوعه]

رقم الجوال بالكرت عليه علاوة!! عجيب شغلكم هاهاها

هي مشكله احيانا عند الموظفين الي له اهداف معينه

صحيح يسمونه بدل هاتف

الموظف الي له هدف خايس
مابيقدر يقدمه الا للمرأه الغير محتشمه

[حسن]

بوعلي.. خل اللي ما يعرف يعرف.. ان هناك حدود للتعامل مع الجنس الآخر..

يعني لا اتيني موظفة تعطي رجال غريب عنها جوالها الخاص
وهي تقدر تتواصل مع العميل بتلفون العمل!!

ولا ايي ريال ويعطي بنات خلق الله كرته وفيه رقمه الخاص للتواصل وياه!!

وخاصة في أمور البنك اللي تحتاج من الأساس تسجلات تثبت التحويلات او غيره!!

يوه ياليمامه كانك تكلميني مول عاد كلش البنت مايبن منها ولا نقطه
انتي اطلعي من هل القمقم اللي فيه وشوفي الواقع بعينك بعدين تعالي قولي
بعدين قلت ولا زلت اقولها هذه يسمونها خدمات متميزه للجمهور
وشنهو رقم جواله الشخصي خير ياطير قايلها تعالي دقي علي
والله هذا الاول لا تحط اسمي في الدليل علشان محد يعرفه خير ياطير
واحد يبيك ويسئل هذا استعلام
لا خله سري مافي شي سري الا وره بلا ياحي الواضح للعلن

[يمامـة]

ويه ياليمامه وين وين شكلك متريق اش بومحمد البايت
اما صور البطاقات الشخصيه

هاهاهاها

تقول مجرمين مسجلين خطر الكل يخاف من هل صوره البطاقه لانها تتطلع الواقع
بدون مساحيق

اهنيه المصيبة.. في هالحالة العميلة تسويها سالفة مع الموظف
ولا تشل نفسها وتحشم حالها وتقول ربي يعوضني خير في هالموقف الوصخ
اللي تعرضت له؟

[رهج السنابك]

يقولون حسن نيه ياليمامه وين حسن نيه!!
اما الي قالو لو اجنبي عادي ضحكني وايد

[بومحمد المطاوعه]

اتصير يا بومحمد..
لأنه ساعات من صوتها خياله يلعب.. ومرات من صورتها في البطاقة الشخصية!!

يا اختي

اذا اهي تخاف من الفتنه
اي مرأه تخاف من الفتنه حتى لو بالصوت
الاحسن لها ان تخلي اخوانها بدالها او زوجها او ابوها
او لو ماعندها من يعينها

تسأل الله ان يحفظها ويحميها من الفتن
وبأذن الله مب محصله مثل هالتحرشات

من توكل على الله فرج همه

[غريب الدّار]

اختي لو الموظف غلط او طوّل لسانه مثلا تقدرين تشتكين عليه

اما مسألة الكرت :
رجعيه وقولي له لا شكرا عندي رقم المكتب

وانتهى الموضوع


اما اذا اتشوفين تصرفه في حد ذاته غلط فالله لايهينج كلمي مديره
يمكن مممنوع بعض الموظفين يعطون ارقامهم للعملاء


ويمكن لا

[يمامـة]

يقولون حسن نيه ياليمامه وين حسن نيه!!
اما الي قالو لو اجنبي عادي ضحكني وايد

حتى لو حسن نية لا يسويها.. لأن شنهي الخدمات اللي ممكن يقدمها للعميلة برقم جواله الشخصي؟

يوفر لها خردة العيد؟

اللي يعرف إجراءات البنوك.. بيعرف ان الرقم الشخصي للموظف ما منه فايدة..
لذلك ماله داعي ابدا يرقم الناس بحجة العمل سواء كانت نيته زينة ولا منيلة بستين نيلة..

[بومحمد المطاوعه]

امين

بومحمد اللي لونته بالاحمر يااخي هذا ماكنه ظلم في حق الكل الى النادرلان الحين
الكل نفس المواصفات الى فئله قليله لا تذكر جدا
فالوضع اصبح عادي يابومحمد
زين وش تقول عيل في اللي يخلي بنات يتصلون للعملاء اهلين كيفاك شو عامل
بدك مساعده بدك نئدملك خدمات
هذا نوع من البزنز يابومحمد ويحصلون عليه الايزو بس احنا كله تفكيرنا يروح
بعيد
زين خير ياطير شافها وعرض عليها الزواج خير وبركه
احسن من يعرضون نفسهم على خطابات
قدمو حسن الضن على السؤ واي سؤ عطاها كرت هذا شي متعارف عليه يااخوانا
صج احنا تفيكرنا كله غلط

السموحه هذه راي عاد

ياخي لا يابوعلي
في وايد متسترات ولله الحمد
وهذي الفئه موجوده وحالات شاذه والعياذ بالله
مانقول مافي في ولكن بسيط
يعني لو تدخل مجمع بتشوف كم وحده نسأل الله السلامه متبرجه ولكن مانقول مافي متسترات
الحمدلله المتسترات اكثر من هالناس الفاصخات للحيا

[يمامـة]

يا اختي

اذا اهي تخاف من الفتنه
اي مرأه تخاف من الفتنه حتى لو بالصوت
الاحسن لها ان تخلي اخوانها بدالها او زوجها او ابوها
او لو ماعندها من يعينها

تسأل الله ان يحفظها ويحميها من الفتن
وبأذن الله مب محصله مثل هالتحرشات

من توكل على الله فرج همه

يا اخوي بومحمد..
الموضوع الحين ان هناك جهات خدمية بعض الموظفين يسئون لها
وهالشي المفروض اللي نتكلم عنه الحين..

اما موضوع الوحدة تخاف من الفتنة ولازم تودي اخوها او ابوها او زوجها
مب كل وحدة ممكن يستخر لها زوجها او ابوها او اخوها..............> فهل هذا يعني
ان الموظف يحق له يسوي اللي يبيه؟

[بومحمد المطاوعه]

السؤال اللي يسدح نفسه

ليش للحين محد عطاني كرته :)

ههههههههههه

لان زلفك يالغالي :secret:

[رهج السنابك]

اختي لو الموظف غلط او طوّل لسانه مثلا تقدرين تشتكين عليه

اما مسألة الكرت :
رجعيه وقولي له لا شكرا عندي رقم المكتب

وانتهى الموضوع


اما اذا اتشوفين تصرفه في حد ذاته غلط فالله لايهينج كلمي مديره
يمكن مممنوع بعض الموظفين يعطون ارقامهم للعملاء


ويمكن لا

ليش من الاساس يعرض كرته ورقمه؟
انت كموظف محترم يفترض تلتزم المهنيه اثناء تأدية عملك

انا اتكلم عن اساسيات حدود تعامل الموظف مع العميلات وليس ماهو ردة فعل العميله وكيف تتصرف
كلنا نعرف نتصرف ولكن وين اخلاقيات المهنه؟!!!

[غريب الدّار]

ليش من الاساس يعرض كرته ورقمه؟
انت كموظف محترم يفترض تلتزم المهنيه اثناء تأدية عملك

انا اتكلم عن اساسيات حدود تعامل الموظف مع العميلات وليس ماهو ردة فعل العميله وكيف تتصرف
كلنا نعرف نتصرف ولكن وين اخلاقيات المهنه؟!!!

وانتي وش دراج انه جواله الخاص؟
يمكن جوال الدوام والدوام معطه إياه علشان يخلص المراجعين


انتي اذا شاكة اختي روحي وكلمي المدير او اقترحي على مدير الفرع او الإدارة

وشوفي هل هو مسموح عندهم ولا لا


واذا مب مسموح لازم الموظف يتعاقب على فعلته


اما ان يكون المسكين مفروض عليه يعطي رقمه لكل شخص بناء على أوامر إدارية فهذا مجبور


وفي جميع الأحوال اختي :
اذا شفتي تصرفه غلط فلاتاخذين الكرت لانج منتي مجبورة

لكن اذا غلط او قط كلمة هنيه ولا هنيه او تمادى تقدرين تشتكين عليه في جميع الأحوال


هذا رايي

[رهج السنابك]

القصه الي ذكرتها يمامه عن تصرف الموظف وهو قد ولد رفيجتها هذا يدل ع شنو؟!!
تبون تقولون للمره طنشيه انزين بتطنشه لكن الموظف هل تصرفه صح؟ موظف بمكان محترم مايفرق بين سلوكه وهو ورا طاولة المكتب او ورا طاولة ستاربوكس في اللاند مارك!!

[بومحمد المطاوعه]

يا اخوي بومحمد..
الموضوع الحين ان هناك جهات خدمية بعض الموظفين يسئون لها
وهالشي المفروض اللي نتكلم عنه الحين..

اما موضوع الوحدة تخاف من الفتنة ولازم تودي اخوها او ابوها او زوجها
مب كل وحدة ممكن يستخر لها زوجها او ابوها او اخوها..............> فهل هذا يعني
ان الموظف يحق له يسوي اللي يبيه؟

ادري

يسئون لها نقدم شكوى عالموظف
عادي

وبخصوص ان محد يسخر لها

الله تعالى يسخر امورها لو تطلب من الله ان يعينها وتتوكل على الله

ومب كفو الموظف يتجرأ اذا كانت محتشمه

ولو تجرأ تقدر تشتكي عليه
مب تاخذ البطاقه وتقول والله عطاني بطاقته

ليش تاخذ بالأساس

[قطر خضراء]

صباح الخير على الجميع..

كلامك جدا منطقي..

أصلا وبشكل عام.. ليش يعطيها الكرت؟

من باب الادب الريال ما يعطي السيدات والانسات كرته حتى لا يساء فهمه!!

وبعدين شنهو يعني يعطيها كرته؟ وليش؟

من يوم ما استوينا و تعاملنا مع حريم في فروع بنوك إسلامية
ما شفنا ياتنا وحدة وعطتنا كرتها وقالت لنا .. هذيه البزنس كارت حقتي!!

الا نتنقع على خط خدمة العملاء علشان يردون علينا!!

وأي خدمة تقدم للعميل وفيها تحويلات او.. او... او....
المفروض اتم من خلال خط تتسجل عليه المكالمات علشان العميل لا يقول سووا لي من غير علمي!!

فنقطة ان الرجل يعطي كرته للعملية عقب ما يخلص منها امر مرفوض.. سواء اساءت ارسطو النية
او احسنتها.. لأن مب من السنع ان الريال يعطي كرته وفيه رقمه الخاص ويقول لها اذا أي خدمة
تبينها هذيه كرتي!!

وليش الوحدة تروح فرع رجال؟!!

للأسف الشديد هناك فروع مافيها اقسام خاصة للنساء.. فتضطر الوحدة انها تروح قسم الرجال..

وقالت لي احداهن انها لما راحت فرع الرجال وجلست وهي مغطية ويهها ..الموظف كان في قمة التفاني
في انه يقدم لها خداماته لدرجة يقول لها.. الإيداع من داخل البنك يبي له وقت نقدر
نطلع صوب المكينة واعلمج اشلون تودعين في المكينة.............> قلة أدب من الموظف
سواء كانت بنية زينة ولا بنية شينة..........
ومن ثم وهي تعطيه بياناتها يسألها كم رقم جوالج؟ ما ارتاحت له.. عطته رقم جوالها
بس قالت له ذيه جوال ولدي.. لأن الحساب الفرعي اللي بفتحه له!!............> اشكرها..

اشوي ويصيح جواله ويرد ويتكلم..............> ويقول لها رفيجي ذيه انا من زمان ما كلمته
و... وهي ساكتة .. و بعد فترة ترد عليه هل خلصت اجراءتي عندك لين اهنيه؟

تقول كل هذا صار وهو بعمر ولدي.............> أقول انها وقاحة..

لذلك ما اعتقد أي رجل يشتغل في بنك يتعامل مع الحريم ..يرضى على خواته
يتعرضون لنفس المواقف من باب لا تسيئون الظن!!!!


رحم الله من جابك

أما بالنسبة للذين يصفون هذا الحركة الساقطة والمشبوهة بأنها "تحضر"
فدعوني أخبركم بشيء
عند "المتحضرين" استعمال الجوال أثناء ساعات العمل الرسمية هو عين التخلف والإهمال الوظيفي
والمحترف وظيفيا الملتزم بضوابط عمله لا يعطي رقم جواله إلا إذا أراد الكلام خارج أوقات العمل الرسمية

المشكلة أننا نشجع على خطوات الشيطان باسم التحضر ثم نأتي بعد ذلك نسب نتائج هذا "التحضر" الساقط

[بومحمد المطاوعه]

ما نقدر ندخل في النيات ..
يمكن الموظف فعلاً قصده يخدم العميل ..
و كونج انزعجتي من هالتصرف تقدرين تردين له الكرت ..
أو تشقينه و ترمينه ..

بارك الله فيج

وهالصح اختي

مب مجبور اي انسان ياخذ الكرت

[يمامـة]

رحم الله من جابك

أما بالنسبة للذين يصفون هذا الحركة الساقطة والمشبوهة بأنها "تحضر"
فدعوني أخبركم بشيء
عند "المتحضرين" استعمال الجوال أثناء ساعات العمل الرسمية هو عين التخلف والإهمال الوظيفي
والمحترف وظيفيا الملتزم بضوابط عمله لا يعطي رقم جواله إلا إذا أراد الكلام خارج أوقات العمل الرسمية

المشكلة أننا نشجع على خطوات الشيطان باسم التحضر ثم نأتي بعد ذلك نسب نتائج هذا "التحضر" الساقط



نقطة جدا تثري الموضوع..

استخدام الجوال الشخصي حزة الدوام من الأخطاء العشرة اللي يقوم فيها الموظف..
تلقاه يسولف في جواله.. وتلفون مكتبه ما يرد عليه!!

ويرحمنا ربنا جميعا يا اخوي

[بومحمد المطاوعه]

إن فتنة النساء فتنة عظيمة، وهذه حقيقة لا تخفى على كل ذي عقل سليم،

وقد حذر منها النبي صلى الله عليه وسلم حين

قال: ما تركت بعدي فتنة هي أضر على الرجال من النساء. متفق عليه من حديث أسامة بن زيد رضي الله عنهما.

[يمامـة]

وانتي وش دراج انه جواله الخاص؟
يمكن جوال الدوام والدوام معطه إياه علشان يخلص المراجعين


انتي اذا شاكة اختي روحي وكلمي المدير او اقترحي على مدير الفرع او الإدارة

وشوفي هل هو مسموح عندهم ولا لا


واذا مب مسموح لازم الموظف يتعاقب على فعلته


اما ان يكون المسكين مفروض عليه يعطي رقمه لكل شخص بناء على أوامر إدارية فهذا مجبور


وفي جميع الأحوال اختي :
اذا شفتي تصرفه غلط فلاتاخذين الكرت لانج منتي مجبورة

لكن اذا غلط او قط كلمة هنيه ولا هنيه او تمادى تقدرين تشتكين عليه في جميع الأحوال


هذا رايي
ما اخبر موظف في بنك وعنده جوال للدوام!!

الا اذا كان مراسل للبنك يا اخوي غريب الدار..

[حسن]

اما في هذه صدقتي ياليمامه الصراحه مايردون كلش اذا البدالات ضايعه اساسا من عقب ماحولها للبنات
الصراحه تطنيش من قلب
لكن شوفي في البنوك والشركات مهب كفو لانها تبحث عن التميز والخدمات اللي تقدمها للجمهور
والبعض يستخدم شعار العمليل على حق ولو كان الموظف اخطاء

فعلى شان جذي يقدمون البزنز كارت وماشابه وهذا نوع من التميز والتطور
بس احنا اللي مهب راضين نتطور وكله تفكيرنا محصور لمنطقه معينه
مهب ماعجبكم الكرت يااخي ارفضه ولا ارميه في اقرب زباله

[بومحمد المطاوعه]

اصلن عادي

مره متصله موظفه علي من فندق جراند حياة
وسندرت راسي
كل مره تتصل وتعرض اشتراك مع الفندق
علشان خصم الغرف

قلت لها لو سمحتي لاتتصلين لي ومن بعدها خلاص ماتصلت كلش

[الزعفراني]

المسأله تقديريه يا اخوان واخوات
الكل بالبدايه قال تقطع الكرت وترميه بويهه معليش سهل الكلام لكن الفعل صعب!! حد خلص لج معامله وحاب يسوي فيها زيادة جميل بأنه يعتبرج من العملاء المميزين مب لشي الا انه شاف رصيدج وطاح حنجه :) وطول وقته ظاهريا موظف محترم لين شاف الرصيد تغيرت المعامله وصار اكثر لطافة وتودد
لكن اعتقد العميله لو احتاجت شي بتتصل ع بداله البنك واي احد بيخلصها
مايحتاج انه يوزع ارقام جوالاته على عملاء معينين عنده مع اعطاء ملاحظه اتصلي لي بأي وقت :)


لو في تعليمات من ادارة البنوك بعدم اعطاء ارقام شخصيه للعملاء والاكتفاء بهواتف البنك لان المكالمات مسجله كان ارتدعوا
لكن للاسف بعض ادارات البنوك تشجع التمادي لكسب مزيد من العملاء
مثل البنوك الي تحط الجميلات في افرع العملاء المميزين ذوي الارصده الضخمه كواجهه دعائيه تحت غطاء المهنيه

طاح حنجه هههههههههههههههههههههههههههههههههههههههههههههه

[غريب الدّار]

ما اخبر موظف في بنك وعنده جوال للدوام!!

الا اذا كان مراسل للبنك يا اخوي غريب الدار..
لا اختي الظاهر ماعندج أي خبرة أو دراية في الموضوع على الاطلاق


لان كثير من موظفي البنوك وبالذات اللي يتعاملون مع العملاء بشكل مباشر يتم صرف جوالات لهم علشان يتواصلون مع عملاءهم

:)

[ولد العرب]

شخصيا نعم وللاسف من جمعيه خيريه وانا ع نياتي دفعت الشيك وطلب الجوال وخزنه بالسيستم
وبعدها باسبوعين اتصل وعرض الزواج!!

يشهد الله علي حصل

وللاسف مطوع ولحيه وبجهة خيريه
كان بالامكان اقطع رزقه لاستغلاله بيانات الناس لاغراض شخصيه لكن احتسبتها عند ربي

:eek5::eek5: :eek5:

انزين سوي لي شيك وسددي ديوني :(

[بومحمد المطاوعه]

صادق بوعلي

نعاني من نفس المشكله في دوامنا

من بعد ما استلمو النساء البداله

ولا احد يرد
الا من بعد كم اتصال

الله المستعان

[حراير قطر]

امركم غريب

بما عندنا شخص شغال بالبنك اشوف عادي العملاء يتصلون بأي وقت ويستفسرون باللي يبونه ويوجههم

انزين اذا رحتي محل ديكور او اي محل وعطاج كرته

بعد بتقولين هالكلام والا :telephone:

[R 7 A L]

صباح الخير على الجميع..

كلامك جدا منطقي..

أصلا وبشكل عام.. ليش يعطيها الكرت؟

من باب الادب الريال ما يعطي السيدات والانسات كرته حتى لا يساء فهمه!!

وبعدين شنهو يعني يعطيها كرته؟ وليش؟

من يوم ما استوينا و تعاملنا مع حريم في فروع بنوك إسلامية
ما شفنا ياتنا وحدة وعطتنا كرتها وقالت لنا .. هذيه البزنس كارت حقتي!!

الا نتنقع على خط خدمة العملاء علشان يردون علينا!!

وأي خدمة تقدم للعميل وفيها تحويلات او.. او... او....
المفروض اتم من خلال خط تتسجل عليه المكالمات علشان العميل لا يقول سووا لي من غير علمي!!

فنقطة ان الرجل يعطي كرته للعملية عقب ما يخلص منها امر مرفوض.. سواء اساءت ارسطو النية
او احسنتها.. لأن مب من السنع ان الريال يعطي كرته وفيه رقمه الخاص ويقول لها اذا أي خدمة
تبينها هذيه كرتي!!

وليش الوحدة تروح فرع رجال؟!!

للأسف الشديد هناك فروع مافيها اقسام خاصة للنساء.. فتضطر الوحدة انها تروح قسم الرجال..

وقالت لي احداهن انها لما راحت فرع الرجال وجلست وهي مغطية ويهها ..الموظف كان في قمة التفاني
في انه يقدم لها خداماته لدرجة يقول لها.. الإيداع من داخل البنك يبي له وقت نقدر
نطلع صوب المكينة واعلمج اشلون تودعين في المكينة.............> قلة أدب من الموظف
سواء كانت بنية زينة ولا بنية شينة..........
ومن ثم وهي تعطيه بياناتها يسألها كم رقم جوالج؟ ما ارتاحت له.. عطته رقم جوالها
بس قالت له ذيه جوال ولدي.. لأن الحساب الفرعي اللي بفتحه له!!............> اشكرها..

اشوي ويصيح جواله ويرد ويتكلم..............> ويقول لها رفيجي ذيه انا من زمان ما كلمته
و... وهي ساكتة .. و بعد فترة ترد عليه هل خلصت اجراءتي عندك لين اهنيه؟

تقول كل هذا صار وهو بعمر ولدي.............> أقول انها وقاحة..

لذلك ما اعتقد أي رجل يشتغل في بنك يتعامل مع الحريم ..يرضى على خواته
يتعرضون لنفس المواقف من باب لا تسيئون الظن!!!!



هالنوعيه نفس اقحطه في درب الزلق يوم قال ان نبويه تحبه قالوا والدليل قال قالت لي ( نورت مصر يابيه ) هههههههههههههه

[khaldoon]

اختي كل موظفين البنوك ممكن يعطونك كرت علشان تتصلين فيهم لانه لهم عمولة على لو جابوا زبون...مب بس لما تكون العميله بنت يعطونها كرت ايضا انا كشاب يعطوني كروتهم و تليفوناتهم....من فترة بسيط اتصلت استفسر على شغله بالتليفون و الموظف اعطاني تليفونه و اتصل علي 3 او 4 مرات بعدها يشوفني باحضر البنك او لا علشان اسوي فيزا كارد عنده مع اني قولت له لو ابي اسوي بكلمك يعني ما وعدته .... بالاخير قولت له خلاص هونت بس حل عني

[ولد العرب]

اختي كل موظفين البنوك ممكن يعطونك كرت علشان تتصلين فيهم لانه لهم عمولة على لو جابوا زبون...مب بس لما تكون العميله بنت يعطونها كرت ايضا انا كشاب يعطوني كروتهم و تليفوناتهم....من فترة بسيط اتصلت استفسر على شغله بالتليفون و الموظف اعطاني تليفونه و اتصل علي 3 او 4 مرات بعدها يشوفني باحضر البنك او لا علشان اسوي فيزا كارد عنده مع اني قولت له لو ابي اسوي بكلمك يعني ما وعدته .... بالاخير قولت له خلاص هونت بس حل عني
انا مسكين ابن مسكين الله يرحمك يايبه ماعطوني كرت ولا قالي عميل والا كان جبت له معيض وعكرمه
واربحه فووق خياله :rolleyes2:
خبقت على البنيه :anger1:

[يمامـة]

لا اختي الظاهر ماعندج أي خبرة أو دراية في الموضوع على الاطلاق


لان كثير من موظفي البنوك وبالذات اللي يتعاملون مع العملاء بشكل مباشر يتم صرف جوالات لهم علشان يتواصلون مع عملاءهم

:)

لا اخوي عندي خبرة وعندي صديقات وعندي وعندي وعندي..

ما اخبر وحدة فيهم او من اللي نعرفهم وشغالين في البنوك عطوهم جواويل
وخاصة اللي اعرفهم في خدمة العملاء شغالين ومب في الكاش!!

[غريب الدّار]

لا اخوي عندي خبرة وعندي صديقات وعندي وعندي وعندي..

ما اخبر وحدة فيهم او من اللي نعرفهم وشغالين في البنوك عطوهم جواويل
وخاصة اللي اعرفهم في خدمة العملاء شغالين ومب في الكاش!!

لا اختي في

وفي موظفين وايد في بعض البنوك

البنك يصرف له جوال علشان يقدر يتواصل مع عملاءه

شكل البنك يدري انه اذا ماسوا جذيه بنشوف موضوع في المنتدى :
اتصلت البنك ومحد رد علي
:)


والله يوفق الجميع

[يمامـة]

لا اختي في

وفي موظفين وايد في بعض البنوك

البنك يصرف له جوال علشان يقدر يتواصل مع عملاءه

شكل البنك يدري انه اذا ماسوا جذيه بنشوف موضوع في المنتدى :
اتصلت البنك ومحد رد علي
:)


والله يوفق الجميع

في احد الفروع المدير اصدر اوامر بمنع استخدام الجواويل اثناء العمل
الا في حالات ضرورية ملحة...

فقد يكون صرف الجوايل للي مهمتهم محصورة في جذب العملاء..
اما نبرر اعطاء ارقام الجواويل من قبل بعض الموظفين للعميلات بأنه
البنوك توفر جواويل فهذا مب مطبق لكل الموظفين العاملين في خدمة العملاء...

[بوحارب]

ههههههههههه

لان زلفك يالغالي :secret:

:(:(:(

الله كريم يالضيب crazy

[LSBU]

يليت يتم منع الجوال في البنك لنة يعطل الزبائن الموظفين يجلسون على الجوال بي بي وات ساب وانستجرام خاصة الحريم اذكر وحدة مطنشة للعملاء منقعتهم وهي جالسة على الجوال كل شوي طق طق

اتمنى منع استخدام الجوال في البنوك وشركات الاتصالات حتى يتم خدمة الزبائن على اكمل وجة

[LSBU]

والله يا اختي


مب مجبوره تبتسم وتقول شكرآ وتاخذ الكرت

اعتقد والله اعلم الي مب محتشمه وكاشفه ويها ومتزينه

تتعرض لمثل هذي الأمور

ماعتقد امرأه متنقبه ومتستره وتتعامل بحدود الغرض وبتقوم من الكرسي
بتحصل على كرت الموظف او بتحصل موظف يقولها تفضلي كرت العمل ..!

البلا كل هالسوالف في الي كاشفات ومتزينات تقولون رايحه عرس
والبعض والعياذ بالله لابسه سنام ناقه فوق راسها وشعرها يبين وعبايه مادري شلون صايره

اللف او عبايه الفاضحه

اكيد بتحصل على هالسوالف والعياذ بالله


الله يستر عليهم وعلينا ويبعدنا عن الفتن يارب

:nice:

[يمامـة]

:(:(:(

الله كريم يالضيب crazy

الظيب مب الضيب
والتصحيح من معجم شامبيه للكلمات النادرة..

[لبيبة]

السلام عليكم ورحمة الله وبركاته

صباح الخير اختي الارستقراطية

الموضوع دقيق وشوي متشعب لأن فيه عدة نقاط،

بالنسبة لأخذ البطاقة، يعتمد الموضوع حسب جهة العمل اللي تمت مراجعتها،

ويعتمد إذا الموظف كتب رقم جواله الشخصي بغرض الخدمة اللي تمتد لوقت ما بعد الدوام ام لا،

ولكن اللي اشوفه، ان كل وحدة منا تملك من الذكاء الفطري ما يجعلها تنتبه وتفهم ان اللي قاعد يصير جدامها غلط والا لا،

وبناء عليه، تقبل تاخذ البطاقة لحاجتها لخدمات من هذه الجهة، او ترفض البطاقة وتقول معليه باتصل في مركز الاتصال،

او تقبلها وتقول شكرا باعطيها لاخوي- مثلا او اي محرم من محارمها - يكلمك ان بغيت شي.

ولكن لا زلت أعتقد بوجود الخير في الناس وحبهم لمساعدة الغير، ولا أحب أن أبني الموقف مسبقا على سوء الظن بدون مبرر،

وهذا يرجع في الأخير للذكاء الفطري مثل ما قلت وكل وحدة تقدر تحدد اذا صح تاخذ البطاقة والا مالها داعي وترفضها.

أما مسألة كتابة الرقم الشخصي بحد ذاتها، في أغلب أماكن العمل تعتبر مخالفة،

ولكن الموظف لما يبون يطبعون له بطاقة العمل من جهة العمل، يطلبون منه البيانات اللي يبيها تنكتب،

ومن الالتزام بقواعد العمل، أن تكون كلها أرقام العمل وإن وجد رقم جوال يكون خاص بالعمل ومعطينه جهة العمل هالجوال، وكذلك الإيميل يكون رسمي من جهة العمل،

فكتابة رقم الجوال الشخصي في الأخير هو اجتهاد شخصي يمكن يكون بحسن نية ورغبة في تقديم المساعدة، لكن بشكل عام هو تصرف مستهجن،

وبالنسبة للمحتجين من الاخوة المشاركين في الموضوع أن البنات بس اللي يحصلون بطاقات اما الشباب لا،

فهذا شي نسبي ويعتمد للاماكن اللي تراجعها والموظفين اللي هناك ومستوى الدخل عندك اللي يتيح لك تلقي خدمات خاصة (مثل البنوك) اللي يعطون عملاءهم المميزين خدمات خاصة،

كذلك اعتقد ان الموظفات بشكل عام ما يعطون بطاقات العمل لمراجعين رجال حتى لا يساء الظن فيهم،

والخلاصة، كل وحدة تفهم وتعرف كيف تتصرف.

[Riku3]

الموضوع على حسب النية والموقف الي انحطت فيه العميلة وهي الي تقدر الموقف .. في بنوك كثيرة تحط لعملاء النخبه مسئول حساب ويستلم عموله ، وهذا الموظف يمكن يبي يكون مسئول عن الحساب بما ان شاف المبلغ المتوفر الي يأهل صاحبه يكون من النخبه .. ويبي يبين نفسه للمسئولين ان كبار العملاء دائماً يكلمونه وهذا من صالحه علشان يترقى .. وما شافها من الناحيه الي العميلة شافتها ..

انا عن نفسي اعطي رقمي وكرتي الخاص لاي عميل يطلبه او يكون في شي عالق في طلبه ومحتاج ان يتصل فيني مباشرة بوقت ثاني ! .. صحيح ما صارت ان جاني موقف ان العميلة تكون بنت لان مجال عملي العملاء 99% منهم رجال او تكون المحفظة بأسم بنت ويكون الرجل هو الي يديرها .. بس بالطرف الثاني تجي اتصالات على جوالي المباشر استفسارات وطلبات ما اذكر اني حتى سألت من وين جبتي الرقم !! .. ارد عليهم واجاوب واغلق التلفون وانتهى الموضوع .

[ضوى]

السلام عليكم ورحمة الله وبركاته

صباح الخير اختي الارستقراطية

الموضوع دقيق وشوي متشعب لأن فيه عدة نقاط،

بالنسبة لأخذ البطاقة، يعتمد الموضوع حسب جهة العمل اللي تمت مراجعتها،

ويعتمد إذا الموظف كتب رقم جواله الشخصي بغرض الخدمة اللي تمتد لوقت ما بعد الدوام ام لا،

ولكن اللي اشوفه، ان كل وحدة منا تملك من الذكاء الفطري ما يجعلها تنتبه وتفهم ان اللي قاعد يصير جدامها غلط والا لا،

وبناء عليه، تقبل تاخذ البطاقة لحاجتها لخدمات من هذه الجهة، او ترفض البطاقة وتقول معليه باتصل في مركز الاتصال،

او تقبلها وتقول شكرا باعطيها لاخوي- مثلا او اي محرم من محارمها - يكلمك ان بغيت شي.

ولكن لا زلت أعتقد بوجود الخير في الناس وحبهم لمساعدة الغير، ولا أحب أن أبني الموقف مسبقا على سوء الظن بدون مبرر،

وهذا يرجع في الأخير للذكاء الفطري مثل ما قلت وكل وحدة تقدر تحدد اذا صح تاخذ البطاقة والا مالها داعي وترفضها.

أما مسألة كتابة الرقم الشخصي بحد ذاتها، في أغلب أماكن العمل تعتبر مخالفة،

ولكن الموظف لما يبون يطبعون له بطاقة العمل من جهة العمل، يطلبون منه البيانات اللي يبيها تنكتب،

ومن الالتزام بقواعد العمل، أن تكون كلها أرقام العمل وإن وجد رقم جوال يكون خاص بالعمل ومعطينه جهة العمل هالجوال، وكذلك الإيميل يكون رسمي من جهة العمل،

فكتابة رقم الجوال الشخصي في الأخير هو اجتهاد شخصي يمكن يكون بحسن نية ورغبة في تقديم المساعدة، لكن بشكل عام هو تصرف مستهجن،

وبالنسبة للمحتجين من الاخوة المشاركين في الموضوع أن البنات بس اللي يحصلون بطاقات اما الشباب لا،

فهذا شي نسبي ويعتمد للاماكن اللي تراجعها والموظفين اللي هناك ومستوى الدخل عندك اللي يتيح لك تلقي خدمات خاصة (مثل البنوك) اللي يعطون عملاءهم المميزين خدمات خاصة،

كذلك اعتقد ان الموظفات بشكل عام ما يعطون بطاقات العمل لمراجعين رجال حتى لا يساء الظن فيهم،

والخلاصة، كل وحدة تفهم وتعرف كيف تتصرف.




Totally agree with you sweety

[برشلوني قطر]

نقطة جدا تثري الموضوع..

استخدام الجوال الشخصي حزة الدوام من الأخطاء العشرة اللي يقوم فيها الموظف..
تلقاه يسولف في جواله.. وتلفون مكتبه ما يرد عليه!!

ويرحمنا ربنا جميعا يا اخوي



وانتي صادقه...يرد ع التلفون والمراجع الي متعني وجاي ((ينتظر))

نرجع للموضوع

سؤال

الكرت (البزنس كارت) ليش تصرفه الجهة للموظف ؟؟ يعطيه من ؟؟

يعني دام الجهه سامحه هذا الشي فهذا فأعتقد الموظف ماعليه شي..

انت ماتحب تاخذ الكرت ارفضه وانتهى