ليش ما يسوون جذي بقطر !!!

[Bin sultan]

اعتماد 54.1 مليون درهم لسداد ديون مواطنين في الشارقة

تنفيذاً لتوجيهات صاحب السمو الشيخ الدكتور سلطان بن محمد القاسمي عضو المجلس الأعلى حاكم الشارقة الرامية إلى توفير الحياة الكريمة لأبنائه المواطنين، اعتمدت لجنة معالجة ديون مواطني إمارة الشارقة سداد مديونية عدد من الحالات المعروضة عليها.

وأكد راشد أحمد بن الشيخ رئيس الديوان الأميري رئيس لجنة معالجة ديون مواطني إمارة الشارقة أن اللجنة اعتمدت ضمن الدفعة الثامنة من سداد المديونيات مبلغ 54 مليوناً و158 ألف درهم لسداد مديونية عدد من حالات فئة المطلوبين قانونيا وفئة المحكوم عليهم بقضايا مالية وفئة المعسرين.*
http://www.albayan.ae/across-the-uae/news-and-reports/2015-02-11-1.2309050

[R 7 A L]

الله يفك كربتهم ويفرج عليهم

[مشـــــاعر]

.

مسكينة هالدولة والله . .
هي تزيد رواتبكم هي تعلمكم مجاني هي تعطيكم بعثات مجانية هي وهي وهي ..... إلخ
وش بقى إنتوا تسوونه بنفسكم ؟؟؟؟

ليمتى إنتوا عالة ع الدولة :anger1: ؟؟؟؟
اللي (( تدين )) يتحمل ديونه بنفسه !!
يتسلف ويخربط ويبي الدولة تسدد ديوونه خخخخ
لو السالفة كذا خلاص عيل كلنا بنتسلف والدولة تسدد !!
مادري ليمتى والدولة بتتحمل ؟؟؟؟

[aloosh]

الدوله ما تقصر اللهم لك الحمد

[aloosh]

الماي بلاش
الكهرباء بلاش
تعليم بلاش
صحه بلاش
ارض بلاش
سفر للخارج علاج بلاش ( ويمشون لك راتب والمرافق )
ابتعاث للخارج بلاش ( ويمشون لك راتب)
يعني محفول مكفول من تنولد لين يتوفاك الله


انت ايش عطيت الدوله؟

[H H]

ماشالله على الردود , طلعتوا الي فقلبي , نسخه مع التحيه لحمد 2002

[بصمة قطرية]

و اللي ما عليهم ديون ما راح يستفيدون ..!!!
الله يكتب اللي فيه الخير للكل ..
بلادنا الحمدلله مو مقصرة معانا ..
الله يعز أميرنا و يعز حكومتنا ..
الحمدلله ..

[Mohammed2]

قولوا الحمدلله على كل شيء

[Bin sultan]

.

مسكينة هالدولة والله . .
هي تزيد رواتبكم هي تعلمكم مجاني هي تعطيكم بعثات مجانية هي وهي وهي ..... إلخ
وش بقى إنتوا تسوونه بنفسكم ؟؟؟؟

ليمتى إنتوا عالة ع الدولة :anger1: ؟؟؟؟
اللي (( تدين )) يتحمل ديونه بنفسه !!
يتسلف ويخربط ويبي الدولة تسدد ديوونه خخخخ
لو السالفة كذا خلاص عيل كلنا بنتسلف والدولة تسدد !!
مادري ليمتى والدولة بتتحمل ؟؟؟؟
وشنو المشكلة اذا الدولة أسقطت الديون عن المعسرين والمطلوبين قانونيا والمهددين بالسجن؟او حتى إذا أسقطت فوائد قروض الاسكان الكبيرة الي كلت رواتب ذوي الدخل (المقرود)،شبيصير عليكم يعني؟؟؟مب أحسن من إعمار غزة ولبنان ودفع رواتب موظفي غزة !!!عيال البلد اولى بخيرها

[مشـــــاعر]

وشنو المشكلة اذا الدولة أسقطت الديون عن المعسرين والمطلوبين قانونيا والمهددين بالسجن؟او حتى إذا أسقطت فوائد قروض الاسكان الكبيرة الي كلت رواتب ذوي الدخل (المقرود)،شبيصير عليكم يعني؟؟؟مب أحسن من إعمار غزة ولبنان ودفع رواتب موظفي غزة !!!عيال البلد اولى بخيرها

والله ياخوي لو الدولة تعطي كل شخص (مليآإر) بعد بتطآإلبونها بآإلسداد . .
لو كل وآإحد تسلف على قدّهـ كآإن مشت الأمور وكلن خلص أمورهـ !!
لكن المفووشر ذآإبح الأغلبية كلن يبي سيارة آخر موديل وقصر وسفرات ماتخلص وووو. . . .إلخ

[MirusS]

الديون مشكله خاصه بالشخص نفسه
هو بروحه يتحملها

[بنت شرق]

والنعم بدولتنا ماقصرت فينا ،،،،بس لاننسنا ،،،انه الغارمين لهم حق من زكاة المال ،،،،فاذا الدولة اطلع الزكاة ،،،او الناس الغنية اطلع الزكاة ،،،ياليت يشترطون على بيت الزكاة او الجمعية
الخيرية ان يكون جزء منه للغارمين بداخل قطر ويفضل ان يكون للقطريين ،،،،وجيه بتنحل المسألة تلقائيا ،،،الوعاء الزكوي موجود والمنتفعين منه موجودين ،،،والراغبين بالزكاة والحمد لله موجودين

[ابوعلي]

ولين متى نقعد نعتمد او نطلب من الدولة تلبي احتياجاتنا

الحمدلله وبفضل الله ماقصرت الدولة والكل يحسدنا

الوجب علينا نشوف اسباب هالديون قبل ما نطلب من الدولة السداد

لان لو الدولة سددت ترجع الناس وتحط ديون على نفسها مرة ثانيه وخاصة وان البعض ما يمد رجوله على قد اللحافه ودايما يشوف الي فوق ويوهق عمره

[بنت شرق]

ولين متى نقعد نعتمد او نطلب من الدولة تلبي احتياجاتنا

الحمدلله وبفضل الله ماقصرت الدولة والكل يحسدنا

الوجب علينا نشوف اسباب هالديون قبل ما نطلب من الدولة السداد

لان لو الدولة سددت ترجع الناس وتحط ديون على نفسها مرة ثانيه وخاصة وان البعض ما يمد رجوله على قد اللحافه ودايما يشوف الي فوق ويوهق عمره
ممكن يحولونهم لبيت الزكاة لانه لهم حق ووعاء زكوي ،،،مش شرط الدولة بنفسها تدفع ممكن الأهالي ،،،ممكن يروح أيضا للجمعيات الخيرية ،،،اذا كانوا يستلمون زكوات

[Bin sultan]

والله ياخوي لو الدولة تعطي كل شخص (مليآإر) بعد بتطآإلبونها بآإلسداد . .
لو كل وآإحد تسلف على قدّهـ كآإن مشت الأمور وكلن خلص أمورهـ !!
لكن المفووشر ذآإبح الأغلبية كلن يبي سيارة آخر موديل وقصر وسفرات ماتخلص وووو. . . .إلخ
لا تعممين يا أختي..مب كل الناس تسلفت لاجل سيارة وسفرات ومظاهر،صج ان الاغلبية كان هدفهم جذي بس هذا لا يعني التعميم على الكل...فيه الي تسلف بسبة مرض-الله يبعده عنج- او دراسة او زواج او اي ظروف قهرية عويصة

[<اضرب واشرد>]

مكتوب في الخبر : سداد ديون عدد من الحالات المعروضة عليها.

ركزوا

ثانيا لعب عيال هو .. خذ ديون لكماليات وتعالي يالحكومة سدديها ؟

المواطن اللي صج محتاج ومايقدر يسدد ديون هو أخذها لحاجات أساسية .. يستحق مساعدته من صندوق الزكاة.

واللي ماخذ قروض ربوية يستحق الجلد والله لايعينه

[ابوعلي]

ممكن يحولونهم لبيت الزكاة لانه لهم حق ووعاء زكوي ،،،مش شرط الدولة بنفسها تدفع ممكن الأهالي ،،،ممكن يروح أيضا للجمعيات الخيرية ،،،اذا كانوا يستلمون زكوات

الجهات الخيرية ما تقصر ولكن للاسف البعض استغلوا الجهات الخيرية وسمعت قصص من بعض الشباب الي يشتغلون في الجهات

فئة ما تخاف الله وهمها تبي الفلوس لو بالحيلة والكذب وتخرب على فئة فعلا محتاجة

[مشـــــاعر]

لا تعممين يا أختي..مب كل الناس تسلفت لاجل سيارة وسفرات ومظاهر،صج ان الاغلبية كان هدفهم جذي بس هذا لا يعني التعميم على الكل...فيه الي تسلف بسبة مرض-الله يبعده عنج- او دراسة او زواج او اي ظروف قهرية عويصة

ماعممت أخوي قلت الأغلبية ماقلت الكل . .
والله يبعد آإلسلف وآإلدين عن الجميع . .

[بنت شرق]

الجهات الخيرية ما تقصر ولكن للاسف البعض استغلوا الجهات الخيرية وسمعت قصص من بعض الشباب الي يشتغلون في الجهات

فئة ما تخاف الله وهمها تبي الفلوس لو بالحيلة والكذب وتخرب على فئة فعلا محتاجة
هاي مشكلة الي يخربون على المحتاجين ،،،،علشان جيه اعتقد لازم دراسة الحالة علشان يتثبتون من احقيتهم،،،،مش يمنعون على الكل ،،،

[Bin sultan]

مكتوب في الخبر : سداد ديون عدد من الحالات المعروضة عليها.

ركزوا

ثانيا لعب عيال هو .. خذ ديون لكماليات وتعالي يالحكومة سدديها ؟

المواطن اللي صج محتاج ومايقدر يسدد ديون هو أخذها لحاجات أساسية .. يستحق مساعدته من صندوق الزكاة.

واللي ماخذ قروض ربوية يستحق الجلد والله لايعينه
صح لسانك اخوي ...هاي الي كنت ابي اقوله

[H H]

والنعم بدولتنا ماقصرت فينا ،،،،بس لاننسنا ،،،انه الغارمين لهم حق من زكاة المال ،،،،فاذا الدولة اطلع الزكاة ،،،او الناس الغنية اطلع الزكاة ،،،ياليت يشترطون على بيت الزكاة او الجمعية
الخيرية ان يكون جزء منه للغارمين بداخل قطر ويفضل ان يكون للقطريين ،،،،وجيه بتنحل المسألة تلقائيا ،،،الوعاء الزكوي موجود والمنتفعين منه موجودين ،،،والراغبين بالزكاة والحمد لله موجودين

موب كل من كان عليه دين يقع تحت بند الغارمين!!


وينبغي التنبه إلى أن الغارم هو الذي يغرم بسبب عجز عن نفقة ، أو للإصلاح بين متخاصمين ، وما شابه ذلك .
قال علماء اللجنة الدائمة :
إذا استدان إنسان مبلغاً مضطراً إليه ؛ لبناء بيت لسكناه ، أو لشراء ملابس مناسبة ، أو لمن تلزمه نفقته ؛ كأبيه ولأولاده أو زوجته ، أو سيارة يكد ( يعمل ) عليها لينفق من كسبه منها على نفسه ، ومن تلزمه نفقته مثلا ، وليس عنده مايسدد به الدين : استحق أن يُعطى من مال الزكاة ما يستعين به على قضاء دينه .
أما إذا كانت استدانته لشراء أرض تكون مصدر ثراء له ، أو لشراء سيارة ليكون من أهل السعة أو الترف : فلا يستحق أن يُعطى من الزكاة .
" فتاوى اللجنة الدائمة " ( 10 / 8 ، 9 ) .
والله أعلم .

وبما ان الدوله الحمدلله موفره اشيا كثييييره تخليه مايضطر ياخذ قروض لهالاسباب فاعتقد ان الفئه الي ممكن ترزح تحت هالبند
بتكون قليله جداااااااااااا , واذا نظرنا لجانب ان البنوك ماراح تعطيك قروض الا اذا كنت تشتغل , وتشتغل معناه انك تستلم مبلغ وقدره كراتب شهري
معناه انك ماراح تكون محتاج لملبس ومشرب وغيره , وبكذا الفئه القليله جداً بتقل اكثر واكثر.



يعني باختصار , الغارمين ماتنطبق على 90% من الي عليهم قروض فالدوحه.

[QATAR 77]

اختلف معكم لأنه البعض قص عليه الأجنبي و طيحه في ديون و البعض تسلفت عشان زوجها و قص عليها و أخذ فلوسها و البعض تسلف عشان علاج و اللجنة مب أي واحد توافق عليه

[بنت شرق]

موب كل من كان عليه دين يقع تحت بند الغارمين!!



وبما ان الدوله الحمدلله موفره اشيا كثييييره تخليه مايضطر ياخذ قروض لهالاسباب فاعتقد ان الفئه الي ممكن ترزح تحت هالبند
بتكون قليله جداااااااااااا , واذا نظرنا لجانب ان البنوك ماراح تعطيك قروض الا اذا كنت تشتغل , وتشتغل معناه انك تستلم مبلغ وقدره كراتب شهري
معناه انك ماراح تكون محتاج لملبس ومشرب وغيره , وبكذا الفئه القليله جداً بتقل اكثر واكثر.



يعني باختصار , الغارمين ماتنطبق على 90% من الي عليهم قروض فالدوحه.

عندك دراسة تؤكد ،،،هالشي عن القطريين المديونين ،،،والا هالنسبه تخمين
اخوي المسلمين بالسابق كانوا ياخذون فيء وغنائم وعمر اعطاهم العطاء لكل الصحابة والصحابيات رضي الله عنهم ،،،محد منهم قال الغارمين
ماراح نعطيهم زكاة ،، او انت تستلم العطاء فلن نعطيك سهم الغارمين طبقوا الحكم بدون فلسفه

[H H]

عندك دراسة تؤكد ،،،هالشي عن القطريين المديونين ،،،والا تخمين


انتي مثل الي يقول , لاتفكر بمنطقيه , لاتقول 1+1 = 2 لين تجيبلي دراسه تؤكد هالشي!
اللجنة الدائمه تقول هالكلام


وينبغي التنبه إلى أن الغارم هو الذي يغرم بسبب عجز عن نفقة ، أو للإصلاح بين متخاصمين ، وما شابه ذلك .
قال علماء اللجنة الدائمة :
إذا استدان إنسان مبلغاً مضطراً إليه ؛ لبناء بيت لسكناه ، أو لشراء ملابس مناسبة ، أو لمن تلزمه نفقته ؛ كأبيه ولأولاده أو زوجته ، أو سيارة يكد ( يعمل ) عليها لينفق من كسبه منها على نفسه ، ومن تلزمه نفقته مثلا ، وليس عنده مايسدد به الدين : استحق أن يُعطى من مال الزكاة ما يستعين به على قضاء دينه .
أما إذا كانت استدانته لشراء أرض تكون مصدر ثراء له ، أو لشراء سيارة ليكون من أهل السعة أو الترف : فلا يستحق أن يُعطى من الزكاة .
" فتاوى اللجنة الدائمة " ( 10 / 8 ، 9 ) .
والله أعلم .

اعطى اوضاع معينه تجيز اعتبار الشخص كغارم وتسديد دينه من الزكاة!
مثل , عدم القدره على سداد نفقه , والقانون هنا فالبنوك انهم مايعطونك قرض الا اذا كنت موظف
واذا كنت موظف معناه ان راتبك ولله الحمد والمنه بيغطي مصاريفك ومصاريف اهلك ومصاريف عيال الجيران وخمس عوائل سورية نازحه.
واذا كنت موظف معناه ان راتبك يغطي ملابسك وملابس عائلتك والجيران وايضاً خمس عوائل سورية نازحه.
واذا كنت موظف معناه ان ماينطبق عليك بند , الي يشتري سياره عشان يسترزق منها هو عياله.
وماينطبق عليك موضوع شراء بيت لان الدوله تعطيك بيت وقرض
وماينطبق عليك موضوع العلاج لان الدوله تتكفل بعلاجك

اجل على من تنطبق الغارمين؟ صراحه مدري بس نحط نسبة 10% تفادياً للتعميم مع اني اشوفها كثيره جداً

[ahmed saleh]

الماي بلاش
الكهرباء بلاش
تعليم بلاش
صحه بلاش
ارض بلاش
سفر للخارج علاج بلاش ( ويمشون لك راتب والمرافق )
ابتعاث للخارج بلاش ( ويمشون لك راتب)
يعني محفول مكفول من تنولد لين يتوفاك الله


انت ايش عطيت الدوله؟
هههههههه زي عندنا في مصر بالظبط :anger1:
الله يديم النعمه عليكم

[بنت شرق]

انتي مثل الي يقول , لاتفكر بمنطقيه , لاتقول 1+1 = 2 لين تجيبلي دراسه تؤكد هالشي!
اللجنة الدائمه تقول هالكلام



اعطى اوضاع معينه تجيز اعتبار الشخص كغارم وتسديد دينه من الزكاة!
مثل , عدم القدره على سداد نفقه , والقانون هنا فالبنوك انهم مايعطونك قرض الا اذا كنت موظف
واذا كنت موظف معناه ان راتبك ولله الحمد والمنه بيغطي مصاريفك ومصاريف اهلك ومصاريف عيال الجيران وخمس عوائل سورية نازحه.
واذا كنت موظف معناه ان راتبك يغطي ملابسك وملابس عائلتك والجيران وايضاً خمس عوائل سورية نازحه.
واذا كنت موظف معناه ان ماينطبق عليك بند , الي يشتري سياره عشان يسترزق منها هو عياله.
وماينطبق عليك موضوع شراء بيت لان الدوله تعطيك بيت وقرض
وماينطبق عليك موضوع العلاج لان الدوله تتكفل بعلاجك

اجل على من تنطبق الغارمين؟ صراحه مدري بس نحط نسبة 10% تفادياً للتعميم مع اني اشوفها كثيره جداً

بعد تخمن ،،كلام مش قائم على دراسة الحالات ،،الفتوى ممكن تتحدث عن حالات معينة أوصلت لها ،،،واقرا ردي مره ثانيه اضفت عليه

[فريج النجادة]

المهم دين الإسكان لانه يلحق المواطن في التقاعد وفي القبر مع الأسف الشديد

[H H]

اخوي المسلمين بالسابق كانوا ياخذون فيء وغنائم وعمر اعطاهم العطاء لكل الصحابة والصحابيات رضي الله عنهم ،،،محد منهم قال الغارمين
ماراح نعطيهم زكاة ،، او انت تستلم العطاء فلن نعطيك سهم الغارمين طبقوا الحكم بدون فلسفه

وش علاقة الفيئ والغنائم ؟ هذي غنائم حرب! حنا دخلنا حرب وغنمنا المليارات عشان نحط هالمقارنه الغريبه؟
حتى الفيئ له شروطه وله ناسه! ماينعطى للكل والسلام!!


انتي مثل الي ينقال له , ادفع مخالفات السياره, ويرد ويقول , في عهد الرسول عليه الصلاة والسلام ماكان في مخالفات من وين جبت هالقانون الحين

[H H]

على طاري الغنائم والفيئ , كان زين عندنا الحين , كان رحنا غزينا شرق اوروبا علطول :shy:

[بنت شرق]

وش علاقة الفيئ والغنائم ؟ هذي غنائم حرب! حنا دخلنا حرب وغنمنا المليارات عشان نحط هالمقارنه الغريبه؟
حتى الفيئ له شروطه وله ناسه! ماينعطى للكل والسلام!!


انتي مثل الي ينقال له , ادفع مخالفات السياره, ويرد ويقول , في عهد الرسول عليه الصلاة والسلام ماكان في مخالفات من وين جبت هالقانون الحين
اخوي الكريم بغض النظر عن ما تقوله ،،،، الله قرن الزكاة بالصلاة ،،،والزكاة مصاريفها فيها الغارمين ،،،انت ماتبي تعطي الغارمين حقهم مشكلتك،،،علشان ترضي دولة او لجنة
لكن النص القرآني صريح ولم يكتفي بالغارمين ،،وأضاف لهم وفي سبيل الله ،،،

[Q ابو تركي Q]

الي معترضين الدوله اشتكت لكم ؟ والله امركم عجيب اشعليكم بتدفعون انتوا !

الدولة تتبرع لدول الاخرى بالمليارات ما شوف حد منكم نغز واعترض اما على ولد بلادك المحتاج

اسد

[بنت شرق]

على طاري الغنائم والفيئ , كان زين عندنا الحين , كان رحنا غزينا شرق اوروبا علطول :shy:

ممكن بل اكيد منابع الأموال تغيرت لكن تظل الدولة إسلامية ويظل مفهوم المصاريف الإسلامية قائم ،،،،كم حددتها الشريعة وليس فقط الدوله الحديثة ،،،،على طاري الجهاد داعش ترحب بكم ،،،أدخلت الموصل ،،،

[H H]

اخوي الكريم بغض النظر عن ما تقوله ،،،، الله قرن الزكاة بالصلاة ،،،والزكاة مصاريفها فيها الغارمين ،،،انت ماتبي تعطي الغارمين حقهم مشكلتك،،،علشان ترضي دولة او لجنة
لكن النص القرآني صريح ولم يكتفي بالغارمين ،،وأضاف لهم وفي سبيل الله ،،،



اختي الكريمه , اللجنة الدائمه للافتاء وضعت هذه الشروط نزولاً عند القوانين الربانيه في القرآن والسنه وتطبيقاً لها !
ومحد يقدر يفتي من عنده او ياخذ الامور بظواهرها , في لجنه وفي علماء يفتون ويحددون الشروط والضوابط الشرعيه لأي حكم شرعي!

محد منع ومحد ظلم ومحد انكر , الموضوع ومافيه ان الواحد ياخذ الاحكام الشرعيه من العلماء واللجان الشرعية (فاسألوا اهل الذكر ان كنتم لاتعلمون)


هذا اخر رد لي فهالموضوع والله يعطيكم العافيه جميعاً

[نمر بن عدوان]

هل الشاراقه مساكين رواتبهم ضعيفه ماتوصل نص رواتبنا وعليهم التزامات وماعندهم دعم والمبلغ كله 54 مليون .

شوف ياكتب الموضوع لو انك كتبت طلب كان ممكن تحصل تأييد وبشرط يكون الطلب للحالات الخاصه فقط .اما انك حاط الي صاير فالشارقه وتبينا نستوي مثلهم لا ياخوي مانبي الحمدلله عايشين في خير واذا تبي الدوله تسدد لديون مثل الشارقه عيل قبل بتقولك خل اعطيك رواتب نفس رواتبهم البسيطه واسحب عنك المجانيات والدعم وبعدها تعال باسدد ديونك .

[aloosh]

الي معترضين الدوله اشتكت لكم ؟ والله امركم عجيب اشعليكم بتدفعون انتوا !

الدولة تتبرع لدول الاخرى بالمليارات ما شوف حد منكم نغز واعترض اما على ولد بلادك المحتاج

اسد

دوله ما تبرع للناس بالخارج بطرانه بعضهم ما يحصل باقي العيش اللي تكته في زباله

قولوا الحمد لله والدوله ابخص بشعبها اللي ديونه لعبه واللي ديونه غصب عنه

[رهج السنابك]

الدوله تسدد ديون المساجين كل رمضان وتفكهم مع العفو
نعم في حالات مسكينه استدانت او غامرت بمشروع او اتنصب عليها بشيكات ضخمه وراحت بالرجلين
وفي امهات اطفال وفي عجايز وفي زوجات مظلومات خذت على نفسها ديون لزوجها وغدر فيها ودشت السجن
في وايد حالات تستحق رأفة الدوله فيها
ولا ع بالكم كل المديونين للكماليات!!

[Bin sultan]

الي معترضين الدوله اشتكت لكم ؟ والله امركم عجيب اشعليكم بتدفعون انتوا !

الدولة تتبرع لدول الاخرى بالمليارات ما شوف حد منكم نغز واعترض اما على ولد بلادك المحتاج

اسد
اي والله صادق ياخوي...مبققين عيونهم على هل قطر وهادين المليارات الي تنعطى لمصر وليبيا و مدري شنو !!!

[بانغ بانغ]

اشكر طرحك

اضم صوتي لصوتك وبكل قوة واللي عنده جدال ، يوجه لي وبناقشه

[Bin sultan]

هل الشاراقه مساكين رواتبهم ضعيفه ماتوصل نص رواتبنا وعليهم التزامات وماعندهم دعم والمبلغ كله 54 مليون .

شوف ياكتب الموضوع لو انك كتبت طلب كان ممكن تحصل تأييد وبشرط يكون الطلب للحالات الخاصه فقط .اما انك حاط الي صاير فالشارقه وتبينا نستوي مثلهم لا ياخوي مانبي الحمدلله عايشين في خير واذا تبي الدوله تسدد لديون مثل الشارقه عيل قبل بتقولك خل اعطيك رواتب نفس رواتبهم البسيطه واسحب عنك المجانيات والدعم وبعدها تعال باسدد ديونك .
اخوي ترا هل الامارات رواتبهم زينة يمكن نفسنا أو أكثر منا بعد ...بعدين شالمشكلة اذا سوينا نفسهم وسددنا ديون المعسرين والمسجونين

[بوحارب]

والله المسجونين بسبب الديون حالتهم حاله

صحيح هم اللي جابوا البلا لنفسهم

لكن مب غلط اذا الدولة سددت ديونهم

ومن كريم لمستحق مثل ما يقولون

الله يفرج عن كل مديون ويسدد دينة عاجل غير اجل يارب

ادعولهم بدل الأنتقاد يا جماعة الخير :)