السيراميك و البورسلان

[hamadazoz]

السلام عليكم

اخواني اعزكم الله بالنسبة للحمامات شنو الافضل اركب سيراميك ولا بورسلان طبعا فيه الاسباني والايطالي

افضل الاماكن في الدوحة وين

هل افضل اخذة من السعودية و اللي عندة محلات يقدر يفيدنا لا يذخر

الصالات بورسلان بس مالقيت محلات عدلة اللي عندة يساعدنا


مشكورين

[اللوز]

السلام عليكم

اخواني اعزكم الله بالنسبة للحمامات شنو الافضل اركب سيراميك ولا بورسلان طبعا فيه الاسباني والايطالي

افضل الاماكن في الدوحة وين

هل افضل اخذة من السعودية و اللي عندة محلات يقدر يفيدنا لا يذخر

الصالات بورسلان بس مالقيت محلات عدلة اللي عندة يساعدنا


مشكورين

في البداية يشرفني ان اكون اول من يرد في هذا الموضوع
الافضل بورسلان للحمامات
افضل الاماكن في الدوحة - محل سيراميك الخليج - المتحدة للتجهيزات - طريق سلوى
لا تاخذ من السعودية لان يمكن تحتاج بورسلان اذا نقص وتقبض خط على متر او مترين
ما تسوى
ناهيك عن سالفة نقل البورسلان والاجور وتنزيل
بالنسبة للصالات اخذ بورسلان من النوع اللي ما يزلق
وعند سيراميك الخليج بورسلان على شكل رخام اتشوفه اتقول مركب رخام بس هو مش رخام هو بورسلان
واهم شي التركيب
واتشوف عدة مواقع مركب بورسلان اللي بيشتغل عندك في الفيلا
والحذر من بعض الحذر من بعض الافراد
لان يوم يجون عندك المواقع وشهر ما يجون !!

وعندك موضوع آخر في الشراء
يفضل ان تتفق مع المحل اللي بتشتري منه ان يفرز لك كل حمام
ويحط في الغرفة اللي بيتركب فيها الحمام البورسلان حتى لو زدته اجور النقل
وذلك لتجنب خلط الوان الحمامات
وعمل تصميم للحمام قبل تنفيذ الحمام
والتاكد من مساحة الشاور المراد عمله بحيث لا يكون صغير
وكذلك موقع النافذه
والتاكد من عمل البايبات الصحية ( البايب فيتر )
بحيث يكون بايب الشاور كبير حتى رغوة الشامبو والصابون تمشي بسرعة بعد الاستحمام
ولا تنسى العازل للحمامات الطابق الاول والبنت هاوس

وبالتوفيق

[hamadazoz]

الله يجزاك خير


الخليج حلو بس اسعارة غاليه

[مضارب دوسري]

اشتر من الدوحه
وطرشلي عالخاص الاسعار المناسبه لك فالمتر سواء ارضيات او حمامات وبظليك اماكن تشتري منهم اخوي
واذا حاب عالعام ما عندك مشاكل

[Bo3essa]

اشتر من الدوحه
وطرشلي عالخاص الاسعار المناسبه لك فالمتر سواء ارضيات او حمامات وبظليك اماكن تشتري منهم اخوي
واذا حاب عالعام ما عندك مشاكل

مضارب اخوي العام لان في ناس تبي تعرف المحلات وانا منهم ولا تهون يالغالي
لان انا بديت اشطب

[Bo3essa]

طبعا بعد اذن صاحب الموضوع

[مضارب دوسري]

اي اخوي ذكر مجال الاسعار اللي تبيه
وبدليك
لان الاسعار متفاوته

مثلا من ال 50 وتحت للمتر سيراميك حمامات
عندك نابينا بس قولهم ابي اسباني او ايطالي او صيني ابتعد عن الاماراتي
اول ما تدخل المحل قولهم ابي باسعار تحت ال50 بعد الخصم
عندك ايضا
الضحى طريق سلوى
ارام عنده صيني ممتاز للحمامات فرع سلوى بعد البنك التجاري
سيراميك الخليج
العاصمه مقابل سناء
ادراج في طريق سلوى

وعندهم ارضيات اسباني بورسلان العاصمه والضحى وسيراميك الخليج واسعارهم من 70 الى 100
ارام ونابينا عندهم صيني جوده عاليه جدا
ارام اسعاره 100 بعد الخصم تقريبا وعنده عماني نوعيه جيده باسعار حول ال50 ريال
نابينا عندهم صيني ارضيات جوده عاليه باسعار من 70 وطالع
والاسباني فوق ال120 اسعارهم
اسعار غاليه
المتحده
العمودي

هذول اللي انصح فيهم وشطبت من عندهم وكان نوعياتهم ممتازه ومريحه في التركيب

اهم شي في بلاط الزيرو جوينت اللي يسمى قص ليزر واللي يكون عالارضيه كانه بلاطه وحده هذا لازم ينعمل صبيه ويتلزق لا تسمعون كلام العمال المتفلسفين في هذا النوع لان بيطلع الشكل مضحك لو من غير صبيه ولزق بالماده

نصيحه اخرى لا تشتري بلاط حمامات الا لما تختار الارضيه تكون مانعه للانزلاق
تصنيفي للافضل من ناحية السعر والجوده
نابينا
الضحى
ارام وسيراميك الخليج نفس المستوى


للادوات الصحيه انصحكم نصبحه لوجه الله اخذوا المرحاض او ال wc من محل محمد واخوانه في النجمه نوعيه ممتاااااااازه سعودي عن تجربه وسعر ال wc 550 ريال بس يتدعون لي
المغاسل طب وتخير في ارام اشكالهم حلوه واسعارهم من 500 الى 1400 صناعة البرتغال

الخلاطات انصحكم تاخذونها من محمد واخوانه في النجمه جروهي واسعارهم
التايلندي ب 350
الاوروبي ب 550
الالماني ب 800 وكاسروه بعد

الخلاطات ايضا انواع نابينا راك وصناعات مختلفه اسعارهم ممتازه وجيده جدا

نصيحه اخيره
لما تدخل المحلات المذكوره اعلاه
قولهم بصريح العباره السلام عليكم
ابي بلاط كذا بسعر لا يتجاوز كذا بعد الخصم وتحت واي سعر اغلى لا تعرضه لي
وبتلقاه يوريك نوعيات اللي تبيها بالاسعار اللي تبيها

شركه نسيت اذكرها بلاط حمامات انجليزي باسعار 100 تقريبا تدمر
وعنده خلاطات واطقم حمامات
هذا اللي عندي
والله يوفقكم

[مضارب دوسري]

نصيحه اخرى
الدور الثاني اللي فيه الغرف
نصيحه
ركبوا بلاط شعبي باسعار 28 ريال وتحت
وعقبه يا تركبون فوقه باركيه او موكيت
لان الدفا مطلوب ومناسب جدا للراحه
ممكن تركبون بورسلان بسعر وقدره وبعد السكن تغيرون رايكم الى الموكيت او الباركيه
هذا رايي والله اعلم

[Bo3essa]

اي اخوي ذكر مجال الاسعار اللي تبيه
وبدليك
لان الاسعار متفاوته

مثلا من ال 50 وتحت للمتر سيراميك حمامات
عندك نابينا بس قولهم ابي اسباني او ايطالي او صيني ابتعد عن الاماراتي
اول ما تدخل المحل قولهم ابي باسعار تحت ال50 بعد الخصم
عندك ايضا
الضحى طريق سلوى
ارام عنده صيني ممتاز للحمامات فرع سلوى بعد البنك التجاري
سيراميك الخليج
العاصمه مقابل سناء
ادراج في طريق سلوى

وعندهم ارضيات اسباني بورسلان العاصمه والضحى وسيراميك الخليج واسعارهم من 70 الى 100
ارام ونابينا عندهم صيني جوده عاليه جدا
ارام اسعاره 100 بعد الخصم تقريبا وعنده عماني نوعيه جيده باسعار حول ال50 ريال
نابينا عندهم صيني ارضيات جوده عاليه باسعار من 70 وطالع
والاسباني فوق ال120 اسعارهم
اسعار غاليه
المتحده
العمودي

هذول اللي انصح فيهم وشطبت من عندهم وكان نوعياتهم ممتازه ومريحه في التركيب

اهم شي في بلاط الزيرو جوينت اللي يسمى قص ليزر واللي يكون عالارضيه كانه بلاطه وحده هذا لازم ينعمل صبيه ويتلزق لا تسمعون كلام العمال المتفلسفين في هذا النوع لان بيطلع الشكل مضحك لو من غير صبيه ولزق بالماده

نصيحه اخرى لا تشتري بلاط حمامات الا لما تختار الارضيه تكون مانعه للانزلاق
تصنيفي للافضل من ناحية السعر والجوده
نابينا
الضحى
ارام وسيراميك الخليج نفس المستوى


للادوات الصحيه انصحكم نصبحه لوجه الله اخذوا المرحاض او ال wc من محل محمد واخوانه في النجمه نوعيه ممتاااااااازه سعودي عن تجربه وسعر ال wc 550 ريال بس يتدعون لي
المغاسل طب وتخير في ارام اشكالهم حلوه واسعارهم من 500 الى 1400 صناعة البرتغال

الخلاطات انصحكم تاخذونها من محمد واخوانه في النجمه جروهي واسعارهم
التايلندي ب 350
الاوروبي ب 550
الالماني ب 800 وكاسروه بعد

الخلاطات ايضا انواع نابينا راك وصناعات مختلفه اسعارهم ممتازه وجيده جدا

نصيحه اخيره
لما تدخل المحلات المذكوره اعلاه
قولهم بصريح العباره السلام عليكم
ابي بلاط كذا بسعر لا يتجاوز كذا بعد الخصم وتحت واي سعر اغلى لا تعرضه لي
وبتلقاه يوريك نوعيات اللي تبيها بالاسعار اللي تبيها


هذا اللي عندي
والله يوفقكم

بيض الله ويهك والله ماقصرت
بس بصراحه انا ماعرف الاسعار
يعني ماعرف اقوله ابي بكم
انا يهمني الجوده
كم اقوله السعر
اقصد اذا رحت المحل وابغي شي زين وجوده اقوله ابي بسعر كم
الله لايهينك يالشيخ

[مضارب دوسري]

حسب ميزانيتك اخوي
تبي الفخامه
تلقاه عند المتحده والعمودي
واسعارهم 200 تقريبا للمتر

[مضارب دوسري]

عندك ايضا تدمر عنده نوعيات بلاط ممتازه باسعار 90 تقريبا بعد الخصم صناعه انجليزي او اسباني
شكلها روعه
وفخامه
وعنده اطقم حمامات باسعار متفاوته الطقم كامل بحدود ال 3500 ماركة كيرماغ الماني

[Bo3essa]

حسب ميزانيتك اخوي
تبي الفخامه
تلقاه عند المتحده والعمودي
واسعارهم 200 تقريبا للمتر

العمودي مريت عليه
اسعاره ضو
لا خلني على نابينا
بشوف الي عندهم
ماقصرت يالشيخ

[Bo3essa]

عندك ايضا تدمر عنده نوعيات بلاط ممتازه باسعار 90 تقريبا بعد الخصم صناعه انجليزي او اسباني
شكلها روعه
وفخامه
وعنده اطقم حمامات باسعار متفاوته الطقم كامل بحدود ال 3500 ماركة كيرماغ الماني

وين تدمر طريق سلوى ؟

[مضارب دوسري]

اي اخوي

[Bo3essa]

مشكور بمر عليهم

[مضارب دوسري]

وعندك كونتوار في طريق سلوى مر عليهم اسعاره نفس تدمر

[hamadazoz]

بيض الله وجهك مضارب دوسري الله يكتب اجرك

[hamadazoz]

فيه محل طريق المطار شريف العمادي حد يعرفة اغراضة حلوة بس اسعار نار

عنده بورسلان للصالة 80*80 روعة بس السعر نار

[مهاجر]

عندك محلات اسعاره ممتازه وبضاعتهم حلوه بس لازم تدور عدل

حسين فكري في شارع سلوى - ارام شارع سلوى وطريق المطار - كافود شارع المطار - الضحى شارع سلوى - الامانه شارع المطار وسلوى

[معماري قطري]

السيراميك والبورسلان مادتين مهمتين وفي رأَيي أَهم من الرخام والغرانيت بسبب ثباتهم وعدم تغيرهم وسعرهم المناسب .. عيب الصيني يكون بورسلان كحشوة وطبقة سيراميك خفيفة ورديئة النوعية كوجه علوي وهذا يلاحظ في الحواف بوضوح .. المصنعية أَهم شيء والمواصفات العالية .. نحصل سيراميك بوكتال الأَلماني من أَغلى الأَنواع ودرجة اتقانه عالية وكذلك فالنتينو الايطالي .. وتطورت صناعة البورسلان بحيث تم ادخال قطع ذهبية في الواجهة وأَشكال ثانية تحاكي أَشكال الرخام وبدرجة جودة أَعلى بكثير من الرخام .. كذلك الباركيه بأَنواعه.

طبعاً الدول هذي أَلمانيا وايطاليا وأَسبانيا وبريطانيا وفرنسا تستورد منهم حتى أَمريكا ولها صناعات مشهورة في هذا المجال وتصدر التكنولوجيا القديمة في التصنيع عندها لدول العالم الأُخرى .. لكن ضبط الجودة عند هذي الدول مفقود .. من ملاحظاتي البورسلان تنكحت نقوشاته وتطير الطبقة الفوقية بسهولة وممكن تكون ملوث خطير ومسبب لأَمراض خطيرة .. كذلك عدم تساوي القطع في المقاس وانحناء القطع .. والمشكلة الباب مفتوح لتوريد هذي المواد وبيعها حتى في البيوت وعن طريق المنتديات .. ويستوردونها ناس معينين برخيص جداً ويبيعونها بربح كبير جداً .. حسب ما سمعت من أَحد الأَشخاص بعض القطع توصل للدوحة بسعر يقل عن 5 ريالات وتباع بسعر فوق 40 ريال .. وممكن يخصم السعر لحد 20 ريال وهو يضحك ورابح ربح كبير فيه .. على عكس الصناعات السوبر جيدة فهذي تبقى وتعمر وسعرها فيها لأَن هامش الربح بسيط جداً وسعرها غالي في موطن تصنيعها.

نصيحتي للكل بما إِن الواحد تعب وبنى يضمن تركيب الأَرضيات صح وعلى خرسانة ويركب أَرضيات بدرجة جودة مقبولة لتكون موجودة لسنوات طويلة .. بالنسبة للغرف اللي بيكون عليها سجاد أَما بلاط شعبي من أَرخص الأَنواع وعليه طبقة حشوة وعليها سجاد أَو حتى خرسانة مايعة بحيث تستوي مستوية بفعل الجاذبية ومقواه بالفايبر حتى ما تتشلخ وعليها السجاد مع الحشوة مباشرة

[إعلامي قطر]

..

نصيحة محب تعامل مع المحلات التاليه:

العاصمه يبيع أسباني للحمامات بأشكال حلوه
وبأسعار منافسه جداً ومقره الجديد في بوهامور
مقابل المقبره تقريباً وشخصياً تعاملت مع موظف
هناك أسمه: شاه متعاون وطيوب ورقمه:
66704591-55311900

الأمانه للديكور له محل بطريق سلوى وله محل
بالمطار عنده أشكال روعه للحمامات وبورسلان
للأرضيات بأشكال الباركيه وأسعارهم ماتتجاوز
100 ريال للمتر وشخصياً تعاملت مع مصري بفرع
المطار ومريح جداً التعامل معاه أسمه محمد ورقمه
74073322-33473833

وهالمحل بالذات شفت فيه أشكال للحمامات تعور القلب
لكن كنت ركبت كذا حمام من العاصمه بس عقبها خذت
من هالمحلين بالإضافه إلى جلفار للمشاريع وكونتوار
بالنسبه لحمامات البيت وكلهم ممتازين ولحد هذي
اللحظه ماشفت في بلاطهم أي عيب يذكر..

جلفار للمشاريع عنده شغلات حلوه وفاخره خاصة للأرضيات
أحجامها 60*120 وتعطي منظر فاخر ع الآخر للصالات في
البيت ولكن كل شي بحسابه أكيد، وبهذا المحل تعاملت مع
موظف قمة بالأحترام والطيبه والأخلاق العاليه من مدراس
أسمه عبدالفتاح ورقمه 70447257

العبيدلي بطريق سلوى عندهم أيضاً شغلات حلوه أسبانيه
وإيطاليه وخذت منهم بلاط إيطالي بمواصفات عاليه كانوا
موردينه لوزاره الداخليه وزادت عندهم كميات وفيه منه لونين
فاتح وغامج ما أعتقد باقي منه إلا الغامج ومنزلين أسعاره
بشكل كبير وتعاملت مع موظف ممتاز هناك أسمه فياض
ورقمه 55226123

محل كونتوار للسيراميك طريق سلوى بلاط حمامات وأرضيات
فاخر ع الآخر لكن أغلى محل تعاملت معاه رغم الخصومات
إللي يعطونها لكن الحق يقال بلاطتهم شي روعه وحتى
البلاطين عندي في البيت لما طلبت منهم يسوون لي
مقارنه وين أحسن بلاط أني مركب من عدة محلات
فكلهم أختاروا بلاط كونتوار كأعلى جوده شافوها
والمحل فيه مصري حبوب أسمه أحمد 66467831
وطبعاً لازم تقول له يعطيك خصم محمود اللبناني
مدير المحل وطبعاً محمود حبوب جداً لكن حاسب
يقنعك ومايسوي لك خصم خبرك لبناني ولسان
حلو يعني خلك مركز ههههه
أو إذا ماعجبك خصمه أطلب تقابل بوعيسى إللي
هو سلطان السويدي قطري مطوع فيه خير
لأهل قطر ويعطي خصومات جيده أيضاً..

هذولا تقريباً كل المحلات إللي تعاملت معاهم من
شهور قليله وأشوفهم مناسبين وبضاعتهم طيبه
وأسعارهم إجمالاً مناسبه وأنصحك تلف عليهم كلهم
حتى لو شفت شي عجبك لاتشتريه فقط خذ جوله لكل
هالمحلات وباقي المحلات إللي ذكروها لك الأخوان
وعقبها بتتضح لك الرؤيا وبتعرف وشو يناسبك..

ونصيحه نفسيه بالتعامل ههه مره قريت تعليق لأخونا
الكبير معماري قطر وقال عن بعض إللي تتعامل معاهم
في مجال البناء إن عندهم فراسه ويقدر يعرف من كلامه
معاك كم ينزل لك من السعر وإلخ وصدقاً عن تجربه لاتدخل
أي محل وإذا عجبتك بضاعته تحسسه إنك ودك تخلص معاه
بأسرع وقت وإلخ بالعكس خلك بااااااارد وقول له كم سعرك
وكم بتعطيني خصم وقبل ماتحرك قول له كم آخرك عشان
أعرف هل راح أرجع لك ولا لا ! يعني خله يحس إن هو
إللي محتاج لك مب أنت إللي محتاج له لأن التفاوض
فن ولازم تتقنه في هالمجال ولا بياكلونك حبه حبه..

يحضرني مثالين بيني وبين واحد عزيز من الربع:
أشترى بلاطه مترها بـ 350 ريال تقريباً
وعقبه آنا شريتها بـ 220 ريال تقريباً !!!!!

وإشترى بلاطه بـ 110 ريال تقريباً
وعقبه آنا شريتها بـ 55 ريال تقريباً !!!!!!

لاتستغرب هالشي موجود عندنا ويمكن بصراحه
خدمتني بعض الظروف وحتى طريقتي بالتفاوض
كانت مختلفه عن طريقته لكن الأصل بالتعامل إنك
ماتستعجل أبداً وتاخذ وقتك وتطول بالك في هالأمور..

وبالتوفيق للجميع
إن شاء الله..

..

[معماري قطري]

نصايح ما شاء الله تسوى كثير لإِعلامي قطر

إِحنا في بيوتنا ليش نركز على البورسلان وننسى السيراميك؟ وليش نركز على القوة كثير وننسى طريقة التركيب؟

السيراميك فيه نوعيات مزخرفة زخرفة عربية اسلامية ومنه المغربي ومنه المصري كليوباترا .. سعر مناسب وجودة نقدر نقول متوسطة وشكل مسكت إِذا أُحسن احتيار النقشة والتركيب .. السيراميك هذا مطلوب من دول العالم المتقدمة ويباع بغالي هناك.

البورسلان خصوصاً قوي التحمل منه ما نحتاجه في بيوت العناية فيها كبيرة والدوس عليها قليل.

ركبت بوردر عجبني شكله مره لأَرضية وهو لحائط وحتى سمكه يختلف رقيق وايد .. وفوقه طاولة كبيرة وكراسي خشب إِنكسر طرف بلاطة بس الظاهر بسبب قلة المونة تحت ولا الباقي من أَحسن ما يمكن وتصليح اللي انكسرت سهل وتم بسرعة.

[Azizuk]

يحضرني مثالين بيني وبين واحد عزيز من الربع:
أشترى بلاطه مترها بـ 350 ريال تقريباً
وعقبه آنا شريتها بـ 220 ريال تقريباً !!!!!

وإشترى بلاطه بـ 110 ريال تقريباً
وعقبه آنا شريتها بـ 55 ريال تقريباً !!!!!!

..[/quote]

مشكور على النصائح

في عدم الاستعجال في الشراء

والمحلات اللي ذكرتها بضاعتهم كلها ممتازة

بس موضوع السعر اللي ذكرته مع صديقك

انك اخذة بضاعة بسعر وهو بسعر الفرق كبير جداً

عيل كم كان السعر قبل الخصم اذا باع صديقك ب 350 وانت ب 220

هذا أكيد ان راعي المحل نصاب

لان معظم المحلات تعطيك سعر مرتفع ويعطيك بعدين سعر الخصم

وذكرنا في السابق سعر الخصم البايع 20%

ومدير المعرض صلاحيته 25%

وراعي الحلال يعطيك خصم سعر المشاريع 30% ويمكن توصل الى 40% في البضاعة القديمة

الأسعار المتفاوتة تحصلها عند المحلات اللي تجيب بالطلب مثل سرميكا وفي محل جنب محل كونتوار يجيب بضاعة بالطلب وغالي سعرة مب عارف أسمة بالضبط يمكن أسمة بروجكت قطر

بس نابينا وكافود أسعارهم ثابته

بس لازم الواحد يعرف عن كيفية صناعة البورسلان والسيراميك والفرق بينهم

في فول بودّي بورسلان وفي نص بودّي هنئ يُبين فرق السعر

وعندك السيراميك في قشرة طبقة خفيفة من السيراميك وممكن تنكسر بسهولة وفي طبقة سميكة وقوية وسعرها مب رخيص

تدمر عنده بلاطة مصنوعة من سيراميك حجم 20 *20 صناعة انغليزية الحبة الوحدة ب 100 ريال ومطلية بماي من ذهب بس تحفة

وأشكرك مره ثانية على اسماء المحلات وعلى مشاركتك

[m7mad_qtr]

..

نصيحة محب تعامل مع المحلات التاليه:

العاصمه يبيع أسباني للحمامات بأشكال حلوه
وبأسعار منافسه جداً ومقره الجديد في بوهامور
مقابل المقبره تقريباً وشخصياً تعاملت مع موظف
هناك أسمه: شاه متعاون وطيوب ورقمه:
66704591-55311900

الأمانه للديكور له محل بطريق سلوى وله محل
بالمطار عنده أشكال روعه للحمامات وبورسلان
للأرضيات بأشكال الباركيه وأسعارهم ماتتجاوز
100 ريال للمتر وشخصياً تعاملت مع مصري بفرع
المطار ومريح جداً التعامل معاه أسمه محمد ورقمه
74073322-33473833

وهالمحل بالذات شفت فيه أشكال للحمامات تعور القلب
لكن كنت ركبت كذا حمام من العاصمه بس عقبها خذت
من هالمحلين بالإضافه إلى جلفار للمشاريع وكونتوار
بالنسبه لحمامات البيت وكلهم ممتازين ولحد هذي
اللحظه ماشفت في بلاطهم أي عيب يذكر..

جلفار للمشاريع عنده شغلات حلوه وفاخره خاصة للأرضيات
أحجامها 60*120 وتعطي منظر فاخر ع الآخر للصالات في
البيت ولكن كل شي بحسابه أكيد، وبهذا المحل تعاملت مع
موظف قمة بالأحترام والطيبه والأخلاق العاليه من مدراس
أسمه عبدالفتاح ورقمه 70447257

العبيدلي بطريق سلوى عندهم أيضاً شغلات حلوه أسبانيه
وإيطاليه وخذت منهم بلاط إيطالي بمواصفات عاليه كانوا
موردينه لوزاره الداخليه وزادت عندهم كميات وفيه منه لونين
فاتح وغامج ما أعتقد باقي منه إلا الغامج ومنزلين أسعاره
بشكل كبير وتعاملت مع موظف ممتاز هناك أسمه فياض
ورقمه 55226123

محل كونتوار للسيراميك طريق سلوى بلاط حمامات وأرضيات
فاخر ع الآخر لكن أغلى محل تعاملت معاه رغم الخصومات
إللي يعطونها لكن الحق يقال بلاطتهم شي روعه وحتى
البلاطين عندي في البيت لما طلبت منهم يسوون لي
مقارنه وين أحسن بلاط أني مركب من عدة محلات
فكلهم أختاروا بلاط كونتوار كأعلى جوده شافوها
والمحل فيه مصري حبوب أسمه أحمد 66467831
وطبعاً لازم تقول له يعطيك خصم محمود اللبناني
مدير المحل وطبعاً محمود حبوب جداً لكن حاسب
يقنعك ومايسوي لك خصم خبرك لبناني ولسان
حلو يعني خلك مركز ههههه
أو إذا ماعجبك خصمه أطلب تقابل بوعيسى إللي
هو سلطان السويدي قطري مطوع فيه خير
لأهل قطر ويعطي خصومات جيده أيضاً..

هذولا تقريباً كل المحلات إللي تعاملت معاهم من
شهور قليله وأشوفهم مناسبين وبضاعتهم طيبه
وأسعارهم إجمالاً مناسبه وأنصحك تلف عليهم كلهم
حتى لو شفت شي عجبك لاتشتريه فقط خذ جوله لكل
هالمحلات وباقي المحلات إللي ذكروها لك الأخوان
وعقبها بتتضح لك الرؤيا وبتعرف وشو يناسبك..

ونصيحه نفسيه بالتعامل ههه مره قريت تعليق لأخونا
الكبير معماري قطر وقال عن بعض إللي تتعامل معاهم
في مجال البناء إن عندهم فراسه ويقدر يعرف من كلامه
معاك كم ينزل لك من السعر وإلخ وصدقاً عن تجربه لاتدخل
أي محل وإذا عجبتك بضاعته تحسسه إنك ودك تخلص معاه
بأسرع وقت وإلخ بالعكس خلك بااااااارد وقول له كم سعرك
وكم بتعطيني خصم وقبل ماتحرك قول له كم آخرك عشان
أعرف هل راح أرجع لك ولا لا ! يعني خله يحس إن هو
إللي محتاج لك مب أنت إللي محتاج له لأن التفاوض
فن ولازم تتقنه في هالمجال ولا بياكلونك حبه حبه..

يحضرني مثالين بيني وبين واحد عزيز من الربع:
أشترى بلاطه مترها بـ 350 ريال تقريباً
وعقبه آنا شريتها بـ 220 ريال تقريباً !!!!!

وإشترى بلاطه بـ 110 ريال تقريباً
وعقبه آنا شريتها بـ 55 ريال تقريباً !!!!!!

لاتستغرب هالشي موجود عندنا ويمكن بصراحه
خدمتني بعض الظروف وحتى طريقتي بالتفاوض
كانت مختلفه عن طريقته لكن الأصل بالتعامل إنك
ماتستعجل أبداً وتاخذ وقتك وتطول بالك في هالأمور..

وبالتوفيق للجميع
إن شاء الله..

..

تسلم يدك على كلامك ونصايحك انت وباقي الاعضاء

[معماري قطري]

يحضرني مثالين بيني وبين واحد عزيز من الربع:
أشترى بلاطه مترها بـ 350 ريال تقريباً
وعقبه آنا شريتها بـ 220 ريال تقريباً !!!!!

وإشترى بلاطه بـ 110 ريال تقريباً
وعقبه آنا شريتها بـ 55 ريال تقريباً !!!!!!

..

مشكور على النصائح

في عدم الاستعجال في الشراء

والمحلات اللي ذكرتها بضاعتهم كلها ممتازة

بس موضوع السعر اللي ذكرته مع صديقك

انك اخذة بضاعة بسعر وهو بسعر الفرق كبير جداً

عيل كم كان السعر قبل الخصم اذا باع صديقك ب 350 وانت ب 220

هذا أكيد ان راعي المحل نصاب

لان معظم المحلات تعطيك سعر مرتفع ويعطيك بعدين سعر الخصم

وذكرنا في السابق سعر الخصم البايع 20%

ومدير المعرض صلاحيته 25%

وراعي الحلال يعطيك خصم سعر المشاريع 30% ويمكن توصل الى 40% في البضاعة القديمة

الأسعار المتفاوتة تحصلها عند المحلات اللي تجيب بالطلب مثل سرميكا وفي محل جنب محل كونتوار يجيب بضاعة بالطلب وغالي سعرة مب عارف أسمة بالضبط يمكن أسمة بروجكت قطر

بس نابينا وكافود أسعارهم ثابته

بس لازم الواحد يعرف عن كيفية صناعة البورسلان والسيراميك والفرق بينهم

في فول بودّي بورسلان وفي نص بودّي هنئ يُبين فرق السعر

وعندك السيراميك في قشرة طبقة خفيفة من السيراميك وممكن تنكسر بسهولة وفي طبقة سميكة وقوية وسعرها مب رخيص

تدمر عنده بلاطة مصنوعة من سيراميك حجم 20 *20 صناعة انغليزية الحبة الوحدة ب 100 ريال ومطلية بماي من ذهب بس تحفة

وأشكرك مره ثانية على اسماء المحلات وعلى مشاركتك [/QUOTE]

انا بركز على نقطة اللي يسمونه fully vetrified وهذا طبقة البورسلان كاملة مع الوجه وفي الغالب بدون طلاء بس لمعة للوجه .. هذا صحيح راقي وقوي ولازم نشوف باقي مواصفاته من حيث تغير الحجم ودرجة تشرب الماء .. اللي بالنسبة للبورسلان قليلة جداً .. يبدأَ الغش عند الصينيين هنا بحيث تكون الحشوة بالكامل بورسلان ونوعيات رخيصة وما تكون مضغوطة بقوة والطلاء نقطة ثانية .. يكون في الغالب طبقة سيراميك خفيفة .. يعني يجي بورسلان بنكهة السيراميك وهذا رديء وتنكحت طبقة الطلاء بسرعة وما يسوى تركيبه .. ويبين بوضوح لو حاولت تخدشه بشيء حاد ولو طالعته من الجنب بتلاحظ الطلاء سائل شوي على الحفة.

اللي يبي نوعيات زينة يشوف بالماركة مثل بوختال الأَلماني وفالنتينو الايطالي وسيراميك كذلك وغيرهم السيراميك العربي وحتى الاماراتي من أَفضل ما يمكن وأَحسن من الصيني المتوفر عندنا في قطر

[hamadazoz]

مشكورريييين الكل

[إعلامي قطر]

..

هو مب نصاب اخواني عزيزاك ومعماري قطر 100%
الموضوع كان فيه أيضاً توفيق للأمانه ومثل ماذكرت
بردي الظروف خدمتني بس والله السموحه ما أقدر
أخوض بالتفاصيل عشان أوضح أكثر..

المهم التفاوض وعدم الاستعجال..


مشكور أخوي معماري على معلوماتك
الله يحفظك ويطول عمرك وعساك ذخر..

..

[hamadazoz]

يا جماعة محل الخليج في طريق سلوى هو اكثر محل عجبتني اغراضة بس الاسعار مرتفعه شوي ومحل جديد فرع من المتحدة اسمة اضن ب (Porcelanosa) روعة واسعارة بعد شوي غالية

رحت السعودية وعقب رحت الامارات ادور بورسلان وسيراميك كل محلاتهم اقل اسعار بس الجودة اضن مش نفس اللي عندنا

المهم احسن محل عجبني كان في الشارقة وكانت اسعاره نفس الدوحة

هل تتوقعون ان البضاعة اللي عندهم مش نفس اللي عندنا ولا ش السالفة

[معماري قطري]

إِخوي حمد بالنسبة للبورسلان والسيراميك خصوصاً النوعيات الصينية والنوعيات التجارية العادية أَغلب تجار قطر يجيبونها من السعودية والامارات .. بعدين عندك مساحة البيوت معدلها 700 متر مربع وينقص منها كثير مساحات مفروشة سجاد ومساحات فيه سيراميك عادي والمتبقي للبورسلان مساحات تقارب 350 متر مربع .. فلو دفعت 10 ريالات زيادة بتكون زدت 3500 ولو وفرت 10 ريالات ما بتكون موفر شيء يذكر .. لذلك ركز على الموجود هنا ولا تستهين بالجودة .. دوم انصح بالمرور على العمودي وشبيب وعلي العطية وتدمر لأَن الثلاث شركات قبل حتى المتحدة ولها وكالات وتنافس بعض

[hamadazoz]

إِخوي حمد بالنسبة للبورسلان والسيراميك خصوصاً النوعيات الصينية والنوعيات التجارية العادية أَغلب تجار قطر يجيبونها من السعودية والامارات .. بعدين عندك مساحة البيوت معدلها 700 متر مربع وينقص منها كثير مساحات مفروشة سجاد ومساحات فيه سيراميك عادي والمتبقي للبورسلان مساحات تقارب 350 متر مربع .. فلو دفعت 10 ريالات زيادة بتكون زدت 3500 ولو وفرت 10 ريالات ما بتكون موفر شيء يذكر .. لذلك ركز على الموجود هنا ولا تستهين بالجودة .. دوم انصح بالمرور على العمودي وشبيب وعلي العطية وتدمر لأَن الثلاث شركات قبل حتى المتحدة ولها وكالات وتنافس بعض


مشكور الشيخ النوعيات كلها اسباني او ايطالي بس قليل الايطالي المهم تدمر مريت عليها شبيب والعطية وين تقدر توصف لي

يهمني الشكل اكثر شي وهذي مشكلتي

[khaldoon]

عندك محلات اسعاره ممتازه وبضاعتهم حلوه بس لازم تدور عدل

حسين فكري في شارع سلوى - ارام شارع سلوى وطريق المطار - كافود شارع المطار - الضحى شارع سلوى - الامانه شارع المطار وسلوى

اهم شي لا تقرب جنب كافود شارع المطار..... غشوووووووووووني

[إعلامي قطر]

اهم شي لا تقرب جنب كافود شارع المطار..... غشوووووووووووني

غريبه !

صحيح عندهم صيني بس نوعيات جيده..

وآيدل ستاندرد للحمامات عندهم ممتاز خاصة
التجميع الانجليزي مب المصري او الاوروبي !

عموماً إذا ماحليت مشكلتك معاهم لين الحين أنصحك
قابل بدر كافود وماراح تطلع من عنده إلا راضي إن شاء الله..

..

[Azizuk]

المحلات اللي ذكرها اخونا إعلامي قطري ممتازة

تدمر البضاعة الموجود عندهم جديده و معظمها بالطلب والاسعار مرتفعة بس صراحه جداً روعة

المتواجد عندهم حاليا بضاعة قديمة والمتوفر منها محدود

وكافود يعتبر وسط

ونابينا عنده وسط وعنده غالي ومتوفر عنده rak راس الخيمة

المتحدة جداً راقي وحلو

وانا معظم البضاعة اخذتها من السعودية من خلاطات وأطقم صحية لان شفت في فرق كبير في السعر

بس البلاط أخذته من المتحدة صحيح السعر مرتفع بس اضمن لو نقص على شي اقدر اخذة من عندهم

مع العلم نفس البضاعة موجوده عند محلات محمد الدوسري وعطاني السعر بعد الخصم ب 150 ريال للمتر بس فضلت أني أخذ البضاعة من قطر يفرق في المتر تقريبا 20 ريال بين السعودية وقطر انا أشوفها ماتسوى على 20 ريال الواحد يتعنى الا اذا كمية كبيرة لمشروع ضخم

والله يوفق الجميع

[khaldoon]

غريبه !

صحيح عندهم صيني بس نوعيات جيده..

وآيدل ستاندرد للحمامات عندهم ممتاز خاصة
التجميع الانجليزي مب المصري او الاوروبي !

عموماً إذا ماحليت مشكلتك معاهم لين الحين أنصحك
قابل بدر كافود وماراح تطلع من عنده إلا راضي إن شاء الله..

..

بارك الله فيك على النصيحه ما قصرت

اللي صار انه طلبت بورسلان و البياع وراني اياه و هو مركب على الحائط مع عشرات العينات و قالي هذا البورسلان و بعد ما شريت و انتهى الموضوع ...قالولي اي يوم تبيه بلغنا قبل بيوم بس و نوصله و فعلا بلغتهم قبل بيوم والا يقولي لا ما اقدر الا بعد خمس ايام ...و ما كان عندي مجال ابدا لاني لازم افرش البيت على البلاط انا اصلا في اخر خمس ايام من الشهر .... اضطريت اجيب سواق و عطيته الفاتوره و نقل البلاط و جابه و دفعتله 250 ريال للتوصيل من مخازنهم للبيت .... لما وصلت البيت و اشوف البلاط و اقلب الوجه الخلفي له الاقيه glazed ceramic
راجعت الموظف حاول يتهرب و يستهبل انه فهم اني ابي سيراميك... قولتله تستهبل انا طلبت طلب محدد قول ما عندي و بس مب تعطيني شي ثاني مثبت ع الحيط انتوا نصابين و كذابين و غشيتوني

حكيت مع المدير من نفس جنسية الموظف قالي احنا اسفين و مستعدين نبدله لك بس اكيد ما راح يعوضوني بخصوص 250 ريال و اكيد راح اضطر ادفع مرة ثانيه لانه ما في وقت اصلا عندي لهالمسخره هذه

اسوأ محل ... اسوأ محل ... اسوأ محل من ناحية المعامله و المصداقيه و حطيت موضوع عنهم وقتها بالمنتدى....هالكلام من سنتين تقريبا و لو تبوا تتعاملون معاه تحملوا

[معماري قطري]

بارك الله فيك على النصيحه ما قصرت

اللي صار انه طلبت بورسلان و البياع وراني اياه و هو مركب على الحائط مع عشرات العينات و قالي هذا البورسلان و بعد ما شريت و انتهى الموضوع ...قالولي اي يوم تبيه بلغنا قبل بيوم بس و نوصله و فعلا بلغتهم قبل بيوم والا يقولي لا ما اقدر الا بعد خمس ايام ...و ما كان عندي مجال ابدا لاني لازم افرش البيت على البلاط انا اصلا في اخر خمس ايام من الشهر .... اضطريت اجيب سواق و عطيته الفاتوره و نقل البلاط و جابه و دفعتله 250 ريال للتوصيل من مخازنهم للبيت .... لما وصلت البيت و اشوف البلاط و اقلب الوجه الخلفي له الاقيه glazed ceramic
راجعت الموظف حاول يتهرب و يستهبل انه فهم اني ابي سيراميك... قولتله تستهبل انا طلبت طلب محدد قول ما عندي و بس مب تعطيني شي ثاني مثبت ع الحيط انتوا نصابين و كذابين و غشيتوني

حكيت مع المدير من نفس جنسية الموظف قالي احنا اسفين و مستعدين نبدله لك بس اكيد ما راح يعوضوني بخصوص 250 ريال و اكيد راح اضطر ادفع مرة ثانيه لانه ما في وقت اصلا عندي لهالمسخره هذه

اسوأ محل ... اسوأ محل ... اسوأ محل من ناحية المعامله و المصداقيه و حطيت موضوع عنهم وقتها بالمنتدى....هالكلام من سنتين تقريبا و لو تبوا تتعاملون معاه تحملوا

تعاملت معاهم كم مرة وأَحب بدر مديرهم طيب ومحترم والنعم به .. بس نصيحة له وإِن شاء الله توصله .. شريت اكسسوارات طلعت ناقصة كم قطعة وبعد مشكلة إِن كل شيء في المخزن ولازم اروح الصناعية آخذه شغلة أَو آمر عليهم مرة ثانية .. ومخزنهم مب مرتب وصعب يطلعون القطعة.

يبقى شيء مهم عندهم سيراميك وايد حلو ورخيص ومعاملتهم طيبة وممكن موظف المبيعات غلط غلطات العرب اللي همهم البيع وبس وزين مهندس خلدون طلعت منتبه .. ذكرتني مره عندنا رسام من أَهل غزة وما شاء الله عليه ضخم ومقنع بكلامه .. قال لي حصلت لك محل عنده بورسلان راقي برخيص 30 ريال على ما اظن وهو يدري اني كنت ابني وادور نوعيات بورسلان زينه .. المهم رحت المحل ومن شفته محل صغير دخلت بطريقة المحققين وسئلت اللي يبيع انت متأَكد إِن اللي عندك بورسلان؟ لاحظت عليه مسكين شاك وشفته والتفت للي مدليني عليه وقلت له انت الحين مسوي نفسك مهندس بالخبرة وما تفرق بين البورسلان والسيراميك .. هذا سيراميك ورخيص بعد.

[معماري قطري]

مشكور الشيخ النوعيات كلها اسباني او ايطالي بس قليل الايطالي المهم تدمر مريت عليها شبيب والعطية وين تقدر توصف لي

يهمني الشكل اكثر شي وهذي مشكلتي

شبيب وعلي العطية عند استاد الدوحة ودوار الكتب لو تذكره

والعمودي عندهم واحد طيب اسمه أَحمد مصري مدير مبيعات فاهم وتحصله في المحل اللي قرب أَو في برج المالكي قرب تقاطع حفصة .. انا ركبت نوع كبير بتشكيلة رخام صناعة ايطالية .. القطعة متر و20 سم في 60 سم ويشيلونها 3 يتعاونون في تركيبها .. وبالنسبة للتركيب لازم صبية مستوية حتى لو بتركب بلاط شعبي حتى تضمن التركيب سيدة ولا فيها ارتفاع ونزول وتضمن الأَرضية قوية.

بالنسبة لهذي القطع تنقص بالطول في أَي محل رخام وتنفصل تستوي قطعتين كل وحدة 30 في 120 سم وتناسب للدرج لأَنها قوية وسميكة 12 ملم .. بس ينعمل لها حف بسيط بطريقة مقوسة من الأَطراف حتى تبين حلوة ولا تجرح أَو تكسر رجل أَي حد يطيح عليها .. وصدقني ركبت رخام غالي للدرج وتحسفت اني ماركبت هالنوعية من البورسلان

[Hamad_qa]

ماهو الفرق بين البورسلان والسيراميك ؟
كـ خامة .. جودة .. واسعار

[معماري قطري]

ماهو الفرق بين البورسلان والسيراميك ؟
كـ خامة .. جودة .. واسعار

البورسلان مصنوع من مادة خام أَقوى ومضغوطة أَكثر ويكون قوي ويتحمل وحتى في رأَيي أَفضل من الغرانيت بسبب إِنه يتحمل معظم المواد والأَحماض ولا يتشرب ماي ولا يتغير لونه .. هذا للبورسلان الجيد أَما الأَنواع المقلدة والمصنعة تصنيع رديء فتحصلها بورسلان بنكهة السيراميك.

السيراميك حشوته تحت طينية وأَضعف من البورسلان وعليه طبقة طلاء سيراميكي .. والإِثنين فيهم نوعيات ودرجات جودة مختلفة يعني عادي بتحصل سيراميك أَغلى بخمس مرات من نوعية بورسلان رديئة .. وانا نصيحتي للواحد بأَن يخلط بين الإِثنين ولو بيركب في مكان عليه ضغط كبير أَو مدخل خارجي البورسلان بيكون حل عملي بس الجيد منه .. وحتى لعتبات الدرج وممكن للواجهة اللي جاية رأَسية فوق العتبة يكون كورنيش سيراميك مناسب يعطي شكل جميل وما يكون فيه داعي للقوة .. فيه بورسلان خشن شوي ومصنوع خصيصاً للدرج

[Hamad_qa]

لا هنت يا السمي على الإفادة

[معماري قطري]

لا هنت يا السمي على الإفادة

العفو الشيخ .. حاولت احط صور بس تذكرت وايد صور حطيتها في مواضيع كثيرة منها أَفكار التصميم والصور المعمارية وشوف في قوقل سو بحث بتحصل صور وايد