عـيـش الـتـمـويـن ..................؟؟؟

[حمد بن سعد]

السلام عليكم ورحمة الله وبركاته

صباحكم خير يا أهل الخير


سؤال عيش التموين ليش ماعليه تاريخ انتهاء شي اكتشفته من اسبوع ورحت وشريت عيش جديد من الى عندهم نقاط بيع وخليت الهندي يقلب تقريبا عشر خياش عيش بس الى موجود علية سنة الانتاج تاريخ الانتهاء لا يذكر


حد عنده خبره في هالشي يفيدنا لو سمحتو .



والله يوفقنا وياكم

[QATAR 77]

العيش كل ما قدم كل ما كان احسن

[ودي أكون]

اول مره ادري ان العيش ينتهي :eek5:

على حسب طريقة التخزين

[alsenator]

المفروض تحصل عليه تاريخ انتاج اي شهر اما انتهاء لا يوجد تاريخ

[ضوى]

العيش ماينتهي اصلا مايتم اكثر من شهرين بكل الاحوال

[حمد بن سعد]

العيش كل ما قدم كل ما كان احسن

اول مره اعرف انه ماينتهي مع ان كل اكياس العيش الثانيه عليها تاريخ انتهاء

[حمد بن سعد]

اول مره ادري ان العيش ينتهي :eek5:

على حسب طريقة التخزين

كل شي ينتهي حتى العمر

[حمد بن سعد]

العيش ماينتهي اصلا مايتم اكثر من شهرين بكل الاحوال

انزين والدبو الي فيه عادي يعني يتمشون في العيش مثلا هههههه

[ودي أكون]

كل شي ينتهي حتى العمر

اللهم لا اعتراض ويالله حسن الخاتمه

[R 7 A L]

انزين والدبو الي فيه عادي يعني يتمشون في العيش مثلا هههههه

سر النكه في الدبو والي معه كل ماكثروا كل ماكان احسن ههههههههههههه امزح

اذكر مره سوداني قال يخزنون العيش في الارض يعني يحفرون حفر ويحطون العيش فيها مادري هل هذا صحيح ولا لا

[بانغ بانغ]

سر النكه في الدبو والي معه كل ماكثروا كل ماكان احسن ههههههههههههه امزح

اذكر مره سوداني قال يخزنون العيش في الارض يعني يحفرون حفر ويحطون العيش فيها مادري هل هذا صحيح ولا لا

في أكياس معينة منعا للحشرات والنمل اكل العيش

[LSBU]

العيش ماينتهي كل ماتعتق كل ما صار الذ واحسن حسب علمي

[بوحارب]

اعتمد طريقة الربع يابو سعد

قول بسم الله وأكل

ومب صايدك شي

عجيبين ربعنا الخبراء الأسبان :)

[R 7 A L]

في أكياس معينة منعا للحشرات والنمل اكل العيش

اهاه
الحين وضحت الفكرة


اعتمد طريقة الربع يابو سعد

قول بسم الله وأكل

ومب صايدك شي

عجيبين ربعنا الخبراء الأسبان :)

تبي كروش ببلاش ههههههههههه

[حمد بن سعد]

سر النكه في الدبو والي معه كل ماكثروا كل ماكان احسن ههههههههههههه امزح

اذكر مره سوداني قال يخزنون العيش في الارض يعني يحفرون حفر ويحطون العيش فيها مادري هل هذا صحيح ولا لا

هههههههههههههه مشكله اذا الدبو نكهه اخاف بس يطلع للمساكين هههههههه

يمكن الزول مسويه الخيشه كلها مندي وريح نفسه

[حمد بن سعد]

اعتمد طريقة الربع يابو سعد

قول بسم الله وأكل

ومب صايدك شي

عجيبين ربعنا الخبراء الأسبان :)


ونعم بالله

[حسن]

الصراحه العيش الحين جدا فاخر وحبته طويله

الاول كنا نستخدم عيش التجار والحمدلله الدوله ماقصرت وقامت تجيب افضل العيوش
وبعدين كله جديد ومايتم اصلا في البيت
عاد انا عندي بنغال وكل واحد متوسد على خيشه

هههههههههه

الى درجه ان عيشنا قام يصدر خارج الدوله


يودونه صوغه

:victory:

[حمد بن سعد]

الصراحه العيش الحين جدا فاخر وحبته طويله

الاول كنا نستخدم عيش التجار والحمدلله الدوله ماقصرت وقامت تجيب افضل العيوش
وبعدين كله جديد ومايتم اصلا في البيت
عاد انا عندي بنغال وكل واحد متوسد على خيشه

هههههههههه

الى درجه ان عيشنا قام يصدر خارج الدوله


يودونه صوغه

:victory:


اي والله صح كلامك صار صوغه



اللهم لك الحمد على النعمه

[المحاميه]

اخوي يمكن يقولك مثلا 6 شهور من تاريخ الانتاج او سنه من تاريخ الانتاج وجذي

بتحصل هالكلام مكتوب مع المعلومات المكتوبه عالخيشه :nice:

[بنت مريخ]

بنت خالتي من بوظبي تموت على عيشنا
ربعها كل ماسافرو بسياره و دو لها كم كيس
تقولي احلى صوغه

[بصمة قطرية]

أصلاً العيش يجينا أول بأول
يعني ما يمدي العيش ينتهي ..!!

[حمد بن سعد]

اخوي يمكن يقولك مثلا 6 شهور من تاريخ الانتاج او سنه من تاريخ الانتاج وجذي

بتحصل هالكلام مكتوب مع المعلومات المكتوبه عالخيشه :nice:


ابد ولا شي مكتوب

[حمد بن سعد]

بنت خالتي من بوظبي تموت على عيشنا
ربعها كل ماسافرو بسياره و دو لها كم كيس
تقولي احلى صوغه


عليهم بالعافيه

[حمد بن سعد]

أصلاً العيش يجينا أول بأول
يعني ما يمدي العيش ينتهي ..!!


ما ختلفت معاج بس لازم كل شي له تاريخ انتهاء مدون عليه

عيش انديان جيت ان اخذه بعض الاحيان مكتوب عليه تاريخ الانتهاء

[غريب الدّار]

الله يعز الحكومة ويعز قايدها تميم

[حمد بن سعد]

الله يعز الحكومة ويعز قايدها تميم

امين يارب

[رهج السنابك]

يلا عطيناك معلومة مفيده
العيش اذا انتاج جديد يكون مب حلو
كل ما قدم كل ماصار افضل
لكن مهم التخزين بطريقه سليمه عشان ماتشوف اشياء حلوة بنية تتحرك فيه

[بنت شرق]

يلا عطيناك معلومة مفيده
العيش اذا انتاج جديد يكون مب حلو
كل ما قدم كل ماصار افضل
لكن مهم التخزين بطريقه سليمه عشان ماتشوف اشياء حلوة بنية تتحرك فيه
الأشياء البنية ممكن تفيد الصحة ،،،يمكن ،،،خخخخ

[رهج السنابك]

اي تنعم البشرة وتطول الشعر

[الجـــوديّ]

كان ينكتب عليه قبل إنه صالح لمدة سنتين من تاريخ الانتاج

وهو أصلا يكون محصول العام .. ويعتقونه لمدة سنة عقب يجينا.

[يمامـة]

اللي اعرفه المفروض يكون هناك تاريخ انتاج و انتهاء مثله مثل اي نوع من انواع الحبوب
سؤالك جدا وجيه.. فالرز مثلا مثلا ما يكون صالح للاكل في جو حار لمدة تزيد عن فترة معينة
لان هناك مقاييس لوجود الحشرات في الرز واذا زادت النسبة عن المعدل المسموح يصبح الرز
غير قابل للاستخدام..

فحسب ما قريت ان مدة صلاحية الرز عندنا في الخليج تختلف عن مدة صلاحيته في بريطانيا
لاختلاف درجات الحرارة ما بيننا وبينهم.. نوجه السؤال للجهات المعنية..

[حمد بن سعد]

يلا عطيناك معلومة مفيده
العيش اذا انتاج جديد يكون مب حلو
كل ما قدم كل ماصار افضل
لكن مهم التخزين بطريقه سليمه عشان ماتشوف اشياء حلوة بنية تتحرك فيه


شكرا على المعلومه

[حمد بن سعد]

اللي اعرفه المفروض يكون هناك تاريخ انتاج و انتهاء مثله مثل اي نوع من انواع الحبوب
سؤالك جدا وجيه.. فالرز مثلا مثلا ما يكون صالح للاكل في جو حار لمدة تزيد عن فترة معينة
لان هناك مقاييس لوجود الحشرات في الرز واذا زادت النسبة عن المعدل المسموح يصبح الرز
غير قابل للاستخدام..




فحسب ما قريت ان مدة صلاحية الرز عندنا في الخليج تختلف عن مدة صلاحيته في بريطانيا
لاختلاف درجات الحرارة ما بيننا وبينهم.. نوجه السؤال للجهات المعنية..



ربعنا يقولون عادي والدبو الي يمشى مفيد للشعر والصحه هههههههههههههههههههه الله المستعان


كل شي له تاريخ انتهاء هذذا الي ان متاكد منه

لاكن الله المستعان ماتكون لعبه :rolleyes2:

[daekan]

العمر الافتراضي لرز الابيض من 8 الى 10 سنوات في درجه حراراه 20
و25 الى 30 سنه في اذا تم حفظه في بيئة خالية من الاكسوجين

[حمد بن سعد]

العمر الافتراضي لرز الابيض من 8 الى 10 سنوات في درجه حراراه 20
و25 الى 30 سنه في اذا تم حفظه في بيئة خالية من الاكسوجين



بيض الله وجهك ع المعلومه

الحين عرفت ليش اخوانا السودانيين يدفنون العيش


الله يوفقنا وياك